|
Re: ما يختص بالفيفا ...... (Re: عبدالكريم عبدالله)
|
تالتا بالتبادي : موضوع الرحلة المجانية بناءا علي توقعاتك اليومية لنتائج مباريات كرة القدم المختارة من قبل الفيفا أبني اكبر توقعات صحيحة متتالية ، و في نهاية السنة الكروية لو جيت الأول مبروك عليك الرحلة يا مقاتل/ة رحلة ليك و لي واحد/ة لحضور نهائيات كأس العالم 2014 في بلاد السامبا بعد 22 شهر و كم يوم كده من الليلة رحلتك فيها : تذاكر طيران لي إتنين ضيافة ( احتمال في فندق ستة نجوم ) و تذاكر لحضور مباريات مجموعة واحدة في الدور التمهيدي
اوع بس تجي/يجي واحد/ة تقول/يقول لي الجوطة دي كلها شان الدور التمهيدي ؟؟ ياخي هبوطك ساااي في البرازيل و لو لي ساعات ، دي محمدة قالوا الجمال ، الموضة ، البحر ، و الرقص البرازيل يا بلاش !
كان في واحد/ة فيكم/ن عندو/ها سؤال أو إستفسار ، الباب بفوت جمل ،،،،،،
أها قصّرت معاكم/ن ؟؟؟
| |
|
|
|
|