|
Re: يا جماعة انتو الشاكوش بياخد معاكم كم؟؟ (بوست هايف) (Re: عبدالله احيمر)
|
Quote: ا تماضـر
اهلنا حنان و شـواكيشـنا ضربتا طاخ من غير مسـمار
بعـدين تاثيرو يعتمد على مادة الشـاكوش
في شـاكوش بلاسـتيك
و في واحد خشــب
وفي واحـد حديد وادا ذاتو انواع و مقاسـات اقواها المرزبة
ودي كلها شـواكيش يـدويه |
الله الله على الطبوغرافيا
واللخو مشوكش كم مرة؟؟
ههههه يا عبد الله الاحيمر : مدرسة
| |
|
|
|
|
|
|
Re: يا جماعة انتو الشاكوش بياخد معاكم كم؟؟ (بوست هايف) (Re: osman righeem)
|
Quote: في تجربة لزميل عزيز بالبوردة
ودائما بيجي كل ذات شاكوش يأخد ليهو جوعيره
و ينتهي العزاء بالبوست / الشاكوش اللبعده
الشقيق / زهير عثمان حمد الشهير بداوني بالتي كانت هي الداء |
والله يا عثمان رغيم الموضوع ده انا جليتو تماما
مفروض زهير ده يفتح مطتب استشاري وكده
لو كنت عارفة كان خليت (الزبون ) يتصل بيهو هو بس ...ونكفيكم مخاطر الجواعير دي ....
(اهي دي الفسيولوجيا البنتكلم عنها) ....
| |
|
|
|
|
|
|
Re: يا جماعة انتو الشاكوش بياخد معاكم كم؟؟ (بوست هايف) (Re: osman righeem)
|
تعتمد المدّة على: 1- قوة العلاقة. 2- الظروف المحيطة. 3- التاريخ الشاكوشي. 4- كمية العناد الموجودة في عقل المضروب 5- الطبيعة العقلية للمتلقي (وطريقة تعامله مع ما يحيط به من أحداث). 6- طريقة الضرب (هل هي ضربة مهينة أو خادعة أو غادرة أو مهذبة). 7- ما يحدث للضارب بعد الضرب (توفقه أو عدم توفقه في حياته). 8- توفّر البديل وقدرة البديل على إخراج المضروب من الحالة التي هو فيها.
| |
|
|
|
|
|
|
Re: يا جماعة انتو الشاكوش بياخد معاكم كم؟؟ (بوست هايف) (Re: Hani Arabi Mohamed)
|
Quote: تعتمد المدّة على: 1- قوة العلاقة. 2- الظروف المحيطة. 3- التاريخ الشاكوشي. 4- كمية العناد الموجودة في عقل المضروب 5- الطبيعة العقلية للمتلقي (وطريقة تعامله مع ما يحيط به من أحداث). 6- طريقة الضرب (هل هي ضربة مهينة أو خادعة أو غادرة أو مهذبة). 7- ما يحدث للضارب بعد الضرب (توفقه أو عدم توفقه في حياته). 8- توفّر البديل وقدرة البديل على إخراج المضروب من الحالة التي هو فيها. |
كده خليتني يكون عندي واجب منزلي...
(الزبون) مخلوع حسة
خليني أعالج الخلل الموضعي ده ...أول بعدين نشرح الأعراض ...
في المده دي جهز لي الروشتة
سريع ( الزبون) حالتو ساءت ...برجع ليك
ههههههه
| |
|
|
|
|
|
|
Re: يا جماعة انتو الشاكوش بياخد معاكم كم؟؟ (بوست هايف) (Re: Tumadir)
|
Quote: تعتمد المدّة على: 1- قوة العلاقة. 2- الظروف المحيطة. 3- التاريخ الشاكوشي. 4- كمية العناد الموجودة في عقل المضروب 5- الطبيعة العقلية للمتلقي (وطريقة تعامله مع ما يحيط به من أحداث). 6- طريقة الضرب (هل هي ضربة مهينة أو خادعة أو غادرة أو مهذبة). 7- ما يحدث للضارب بعد الضرب (توفقه أو عدم توفقه في حياته). 8- توفّر البديل وقدرة البديل على إخراج المضروب من الحالة التي هو فيها. |
أنا بحب جدا الحكمة بتاعت اسأل مجرب و لا تسأل تماضر
| |
|
|
|
|
|
|
Re: يا جماعة انتو الشاكوش بياخد معاكم كم؟؟ (بوست هايف) (Re: Tumadir)
|
Quote: اها ممكن سوعال
مافي شواكيش جندرية
يعني هي اخدت شاكوش
ممكن نموذج من البورد !!!!!! |
دايرني أكشف عن جندر (الزبون) ولا شنو؟؟
جي حاجات كل الناس بتمر بيها ...والشاعر قال:
كل ابن انثى وان طالت سلامته يوما على آلة حدياء محمولووووو...
الآله الحد\باء دي شنو انت قايلها؟؟ ;كدي عاين ليها سمح:
| |
|
|
|
|
|
|
Re: يا جماعة انتو الشاكوش بياخد معاكم كم؟؟ (بوست هايف) (Re: Tumadir)
|
Quote: كده خليتني يكون عندي واجب منزلي...
(الزبون) مخلوع حسة
خليني أعالج الخلل الموضعي ده ...أول بعدين نشرح الأعراض ...
في المده دي جهز لي الروشتة
سريع ( الزبون) حالتو ساءت ...برجع ليك
ههههههه |
ههههههههههههه الروشتة:
1- ما يكتم في قلبه خليه يفضفض. 2- يشغل نفسه بأي هواية. 3- يتوقف عن التفكير فيما سبق. 4- لا يدخل في أي علاقة في الفترة الحالية ولا يبدا في عمل أي مقارنات. 5- بعد فترة نقاهة مناسبة (يحددها المريض :) ) يبدأ في بناء علاقة جديدة ويتعلم من الدروس السابقة بدون ما تبقى ليه وسواس.
| |
|
|
|
|
|
|
Re: يا جماعة انتو الشاكوش بياخد معاكم كم؟؟ (بوست هايف) (Re: saif massad ali)
|
Quote: اللهم ياربي ببركة الشهر الكريم ما اضوق تاني كاكوش في حياتي
كاكوش المحب علا حمار الوادي يهنق حتين يفك حلك لمن حمار الوادي يهنق مرات ثلاثة سنين
رمضان كريم تصومي وتفطري علي خير |
لا انت محصن يا سيف مساعد ...الشاكوش داير بيك شنو؟؟
ههههه
اللهم آمين ...واللهم أرحم (الزبون) برحمتك ...وخفف عن المؤمنين (حرورية) الشواكيش
وكل عام وانت بخير ...تحياتي لخازنة شاكوشك ...
| |
|
|
|
|
|
|
Re: يا جماعة انتو الشاكوش بياخد معاكم كم؟؟ (بوست هايف) (Re: احمد العربي)
|
عجبني الموضوع يا تماضر, طبعاً بياخد (معاهم) ، عليه فهناك عدة أنواع من الشواكيش نوع أول : المتسبب فيه هو الضحية نفسو ، وده نوع إنت تكون عامل فيها فقري جداً وواثق من نفسك أوي أوي ، و(فجأتن) كده تقوم الضربة تجيك من ليبيا، يعني من حيث لا تحتسب ، يعني من الجكس زاااااااتو.. وده بيستمر من تلاتة لأربعة شهور، أو الى أن تحنّك الجكس ويقتنع يا كمان تقنع إنت زاتك (وتشوف ليك ريدة تاني)..
بقية الأنواع بعد الفطور..
| |
|
|
|
|
|
|
Re: يا جماعة انتو الشاكوش بياخد معاكم كم؟؟ (بوست هايف) (Re: Salah Abdulla)
|
Quote: نوع أول : المتسبب فيه هو الضحية نفسو ، وده نوع إنت تكون عامل فيها فقري جداً وواثق من نفسك أوي أوي ، و(فجأتن) كده تقوم الضربة تجيك من ليبيا، يعني من حيث لا تحتسب ، يعني من الجكس زاااااااتو.. وده بيستمر من تلاتة لأربعة شهور، أو الى أن تحنّك الجكس ويقتنع يا كمان تقنع إنت زاتك (وتشوف ليك ريدة تاني).. |
(الزبون) يهز رأسه أسفا....
| |
|
|
|
|
|
|
Re: يا جماعة انتو الشاكوش بياخد معاكم كم؟؟ (بوست هايف) (Re: saif massad ali)
|
العزيزة تماضر بت شيخ الدين الفنانة والمبدعة الحبيبة لروحي دوما أستاذي وأخي الحبيب عثمان رغيم أرد الله غربتكم وكل العابرين وكل عام وأنتو بخير
تعرفي يا تماضر أنت ما زوله سمحة عشان كدا بتكوني ما عندك فكرة عن الشاكوش ومدتو وأثرو أن كان أجتماعي ولا نفسي وعلي الاداء العام لكل شيء فيك المهم يا بت الناس حسي أنا بديت أحكي ليك ودمومي جرت وحالتي بقت محزن جدا (اللهم صبر زهير فيما فعل بالجكس به) أنا معك عندي تجربة كويسه وممكن أكون مستشار عاطفي بأمتياز لكين الانهيار الافتصادي الاخير خل الدنيا كلها بطعم الشاكوش بل أتعس وأبغض
*المهم المدة بتكون حسب حجم الحب ومقام الزول وفرصتك في الارتباط يعني بصراحة ما بين شهر الي ثلاثة أشهر وبعدها يتطلب التدخل الطبي السريع!!!؟ لكم مني كل الود وتصوموا وتفطروا بالعافية زهير ويا تماضر لك كل الاجلال ما كل هايف ما بيرمز لشيء جوانا
| |
|
|
|
|
|
|
Re: يا جماعة انتو الشاكوش بياخد معاكم كم؟؟ (بوست هايف) (Re: امينة عيسى)
|
Quote: Author: امينة عيسى تماضر رمضان كريم وتصومى وتفطرى على خير بصراحة بوستيكى دا كوم ونمرة اربعة بتاعة هانى عربى دى - كمية العناد الموجودة في عقل المضروب كوم براهـــــو
قلت لى عقل المضروب ههههههههههههههه ياخ هو زول مضروب ضرب السنين البعاند ليها شنو |
سلامات أمينة بنت عيسى
عارفة العناد دا هو أحد بيوت القصيد وهو المفسّر لكثير مما يحدث بعد الشاكوش. ولو اجتمع مع هذا العناد شخصية حاسدة أو انتقامية. فلا حول ولا قوّة إلا بالله.
| |
|
|
|
|
|
|
Re: يا جماعة انتو الشاكوش بياخد معاكم كم؟؟ (بوست هايف) (Re: مازن الجمّال)
|
تماضر بتجيب أسئلة في غير موعدها وارى أن السؤال كان ينبغي أن يكون كالآتي: يا جماعه إنتو بتاخدوا مع الشاكوش كم؟؟
الحقيقة التي لاتقبل الجدل يا عزيزة إنو المدة رهينة بوصول البديل وفقا لنظرية الإحلال والإبدال، اللهم إلا الهنود.
عموما هنا وصفة للمصابين بنتائج الشاكوش (مرض الكزاز او ما يعرف بالتيتانوس) منقول من الويكيبيديا:
Quote: يجب تنظيف الجرح. يجب إزالة الأنسجة المصابة بجراحة تنضيرية. تناول المضادّ الحيوي ميترونيدازول metronidazole يقلّل من أعداد البكتيريا ولكن لا يؤثر على سموم هذه البكتيريا. استُخدم البينيسيلين penicillin في الماضي لعلاج الكزاز ولكنه لم يعد العلاج الأمثل بسبب خطر نظري من زيادة التشنّجات ولكن ينصح باستعماله في حال عدم توفّر الميترونيدازول. يجب تطعيم كل المصابين بالكزاز ضد هذا المرض أو إعطائهم جرعات منشّطة. |
إنت يا الشايقي دا شاكوش وللا كروز توماهوك ؟
| |
|
|
|
|
|
|
Re: يا جماعة انتو الشاكوش بياخد معاكم كم؟؟ (بوست هايف) (Re: مازن الجمّال)
|
Quote: من 10 لـ 15 دقيقة بالكتير
بعيد عنك اخوك لايوق شديد وما بحس
|
برافوووووووو انت شنو؟؟ انت مستحدث وثوري ورهيب...دي الاجابة الدايرنها هنا في مكتبنا ...
وأي زول يقعد يتعجن ويتدلع ويتبكى ..بعد الفترة المحددة ....نشيل منة الازبلايطات ...ونخليه يكون مدني ساي
ياسلام عليك ....
هههههههه
| |
|
|
|
|
|
|
Re: يا جماعة انتو الشاكوش بياخد معاكم كم؟؟ (بوست هايف) (Re: Al-Shaygi)
|
Quote: في شاكوش يومين ويطيب وواحداً آخر يقعد ليك العمر كوولووو ورمان................
رمضان كريم ،،، جرحتي صيامنا.... |
يا ساتر من الدعاتر
(الزبون جضومو اتنفخت) الظاهر عليه شاكوشوـ شاكوشا ـ النوع أبو ورمان ده
البريدو كلو كريم يا الشايقي ...استفيد من (جغيمات الوضو) كان ريقك نشف....
ههههههههه
الله يجازيكم غايتو
| |
|
|
|
|
|
|
Re: يا جماعة انتو الشاكوش بياخد معاكم كم؟؟ (بوست هايف) (Re: Tumadir)
|
Quote: حسي أنا بديت أحكي ليك ودمومي جرت وحالتي بقت محزن جدا (اللهم صبر زهير فيما فعل بالجكس به) |
يا زهير من ما جبت سيرة الدموع ...(الزبون) قعد يبحبت في التربيزة داير يجر المناديل ...(وفي زي مخاتة كده) الله يكرم السامعين ...ياخي الدموع د\ي حسة جايب سيرتا مالك؟؟؟
أفتح مكتب، اطلع مظاهرة ما علينا ...المهم تاني ما تجيب سيرة دموع قدام (زبون)
قدس الله سرك .....يا شيخ المشوكشين....انت ولي .عدييل كده ...وأما بنعمة ربك فحدث..
| |
|
|
|
|
|
|
Re: يا جماعة انتو الشاكوش بياخد معاكم كم؟؟ (بوست هايف) (Re: Tumadir)
|
حسب مصدر الشاكوش
فالشاكوش الذى مصدره أهل الجكس بكون خطير كون المشوكش عارف الجكس بموت فيهو لكن برضو متأكد ماحايلم فيها.. ودا أصاب قيس بن الملوح جننو وفى النهاية سكنو المقابر,
وأصاب عنترة بن شداد خلاهو يحارب ضبان وشو لحدى ما بقى يلحس السيف..
وهنالك شاكوش بيجى من شلاقة المشوكش يعنى يغلط غلطة العمر ودا أصاب المحلق لما مشى يتاوق لنورة ويقارنها بتاجوج ودا كذلك بسكن المقابر
الميزة الكويسة فى الشواكيش أعلاه بتخلى الزول يبقى شاعر.
فى شاكوش يصيب العاشق الخايف ومكابر ودا أصاب عبده بتاع حلمنتيش العايز يقع فى البحر ودا مفعوله محدود يزول بشوية دميعات وبس..
وفى شاكوش فرايحى ودا شاكوش بيصنعو العاشق بالتآمر مع أصحابه يكون زهج من البنية وماعندو الشجاعة يكلمها يقوم يسلط أصحابو ينسجوا عنه الأقاويل لحدى ما الجكسوية تكرهو وتديهو شاكوش دا شاكوش بينتهى ببارتى وفرح.
الشاكوش المعاصر ودا لايؤثر كون اولاد الزمن دا ماخدين التطعيم ضد عوارض الطفولة السبعة (ستة أمراض + الشاكوش)..
وهكذا وهلم جرا...الخ
| |
|
|
|
|
|
|
Re: يا جماعة انتو الشاكوش بياخد معاكم كم؟؟ (بوست هايف) (Re: Balla Musa)
|
Quote: حسب مصدر الشاكوش
فالشاكوش الذى مصدره أهل الجكس بكون خطير كون المشوكش عارف الجكس بموت فيهو لكن برضو متأكد ماحايلم فيها.. ودا أصاب قيس بن الملوح جننو وفى النهاية سكنو المقابر,
وأصاب عنترة بن شداد خلاهو يحارب ضبان وشو لحدى ما بقى يلحس السيف..
وهنالك شاكوش بيجى من شلاقة المشوكش يعنى يغلط غلطة العمر ودا أصاب المحلق لما مشى يتاوق لنورة ويقارنها بتاجوج ودا كذلك بسكن المقابر
الميزة الكويسة فى الشواكيش أعلاه بتخلى الزول يبقى شاعر.
فى شاكوش يصيب العاشق الخايف ومكابر ودا أصاب عبده بتاع حلمنتيش العايز يقع فى البحر ودا مفعوله محدود يزول بشوية دميعات وبس..
وفى شاكوش فرايحى ودا شاكوش بيصنعو العاشق بالتآمر مع أصحابه يكون زهج من البنية وماعندو الشجاعة يكلمها يقوم يسلط أصحابو ينسجوا عنه الأقاويل لحدى ما الجكسوية تكرهو وتديهو شاكوش دا شاكوش بينتهى ببارتى وفرح.
الشاكوش المعاصر ودا لايؤثر كون اولاد الزمن دا ماخدين التطعيم ضد عوارض الطفولة السبعة (ستة أمراض + الشاكوش)..
وهكذا وهلم جرا...الخ |
BIOSTATISTICS!
بلة موسى ...خليني أمشى الشغل وأجيب معاي، متر و برجل .ودورق مخروطي ..و.ماصة ..ووقة عباد الشمس ...وأجي أفهم الكلام ده ....
| |
|
|
|
|
|
|
Re: يا جماعة انتو الشاكوش بياخد معاكم كم؟؟ (بوست هايف) (Re: MOHAMED EL-BEELI)
|
غايتو انا عندي صاحبي كل اسبوعين كان بياخد شاكوش لحدي ماراسو بقى عامل زي شوال الدوم الغريبة اتزوج الاسبوع الفات هههه بعد دخل في شارع الاربعين
بعدين في حالة شاكوشية طلعت وخلت البلد لانو اليد الضاربة كانت مليانة وهو كان حالق خفيف يعني زي شعر تبارك الشاكوش بيعمل ياي ويضرب الضارب زاتوو
كل سنة وانتي طيبة وببركة الشهر الفضيل ربنا يشفي حالتكم المشوكشة والعترة بتصلح المشية
تحياتي
زاتوووو
| |
|
|
|
|
|
|
Re: يا جماعة انتو الشاكوش بياخد معاكم كم؟؟ (بوست هايف) (Re: MOHAMED EL-BEELI)
|
Quote: تعرفي يا تماضر أنت ما زوله سمحة عشان كدا بتكوني ما عندك فكرة عن الشاكوش ومدتو وأثرو أن كان أجتماعي ولا نفسي |
يازهير بالغت عديل ياخ
والله يا زهير انت ما بتعرف تماضر وزمنها ولا شفتها في شبابها
ياخي جمال تماضر كان لا يضاهيه جمال اي ممثلة في عهدها
موضوع البوست
الشاكوش بياخد كم ؟؟؟
كم دي وين
كم في الرأس كم في الخشب كم في الارض كم في الحيطة
كم وكم وكم
لابد من تحديد المكان كي نحدد المدة
تماضر الجميلة
وزوارك الكرام
رمضان كريم وكل عام وانتم بخير
| |
|
|
|
|
|
|
Re: يا جماعة انتو الشاكوش بياخد معاكم كم؟؟ (بوست هايف) (Re: Tumadir)
|
سلامات يافنانة
Quote: اقول شنو؟؟ أقول:
طالما ما مات .....خلاص
يلبس طاقية أو باروكة يغطي الفلقة ...وخلاص ...ههههههه
السؤال: هل يجوز الزواج بعد الشاكوش؟؟ |
الباروكة بتغطي الراس... بس الواضح في الدواخل يغطيهو شنو.......؟
بالنسبة للزواج بعد الشاكوش
يجوز ونص وخمسة..... طيب يبقي ماخد شاكوش كيف كان ما اتزوجته.....؟
الباقي تميهو خيال ههههههههههههههه
| |
|
|
|
|
|
|
Re: يا جماعة انتو الشاكوش بياخد معاكم كم؟؟ (بوست هايف) (Re: جمال السنوسي)
|
Quote: تعرفي يا تماضر أنت ما زوله سمحة عشان كدا بتكوني ما عندك فكرة عن الشاكوش ومدتو وأثرو أن كان أجتماعي ولا نفسي |
Quote: يازهير بالغت عديل ياخ
والله يا زهير انت ما بتعرف تماضر وزمنها ولا شفتها في شبابها
ياخي جمال تماضر كان لا يضاهيه جمال اي ممثلة في عهدها
موضوع البوست
الشاكوش بياخد كم ؟؟؟
كم دي وين
كم في الرأس كم في الخشب كم في الارض كم في الحيطة
كم وكم وكم
لابد من تحديد المكان كي نحدد المدة
تماضر الجميلة
وزوارك الكرام
رمضان كريم وكل عام وانتم بخير |
امممممم ممك شكلو بقى شاكوش حمال وجهين
| |
|
|
|
|
|
|
Re: يا جماعة انتو الشاكوش بياخد معاكم كم؟؟ (بوست هايف) (Re: ibrahim fadlalla)
|
الأخت تماضر سلام ورمضان كريم ..ولزوارك الكرام ...
يا جمال السنوسي ..سلام
معليش على التقاطع لاكين حبيت أنافح بخسوس تعليقك على مداخلة زهير ..المكوتنة تحت :
Quote: e: تعرفي يا تماضر أنت ما زوله سمحة عشان كدا بتكوني ما عندك فكرة عن الشاكوش ومدتو وأثرو أن كان أجتماعي ولا نفسي
يازهير بالغت عديل ياخ |
في البداية فهمتها زيك ..لاكين بعد التريث تبين لي أن" ما " حقت زهير دي في قولو ( ما زولة سمحة ) ..مش للنفي وإنما للحصر .. والتخصيص خسوسا لو مشيت في باقي كلامو اللي بعديها .. يفيد أنو الزول السمح ما بيعرف طعم الشاكوش ، لأنو شغال صرف بس ... ويا جمال رمضانك دخل العضم يبدو لي ...إنتا صايم في الربع الخالي ول شنو ؟ ------------------------------------------------- أبو الزهور الفطور عليك ، قصرتا معاك ؟
| |
|
|
|
|
|
|
Re: يا جماعة انتو الشاكوش بياخد معاكم كم؟؟ (بوست هايف) (Re: ibrahim fadlalla)
|
معليش يا جماعة حابدا أرد بالكميات لانو امس البورد منعني أساهم بعد كم مداخلة كده يللا هاكم الدفعة الأولي:
عمر عبد الله:
شن خبرك بالحداشر سنة دي؟؟؟ لا لا لا نحن لازم نلم بأطراف (القضية) وقيل الشمار
ترهاقا: وسلامي لعيالك
لكن لقيتك تفتيحة، الجودة يعني شنو؟؟ ههههههه
محبتي
زهير عثمان: شكرا على الشاكوش (المضاد) ده ياربي ممكن نسميه شنو؟؟
لكن الاعمال المصورة معك دي ياتا؟؟؟ لازم أعرفها ..ياربي عندك حاجات رايحة مني ..؟؟
لكن تشكراتي لأنك ما وضعت صيغة الكلام في خبر (كان) زي أخونا ده...هههههه ...في زول برضى يقولوا ليه (كنت) سمح؟؟ هههه
لسة بضحك على الفكرة...
يا أحمد العربي: الشاكوش أصلو من طبعو (عملة ذو ثلاثة وجوه) لأنه خلف كل شاكوش عظيم...امرأة
هههههه
شفت العلم ده كيف
ابراهيم فضل الله: عجبني لجوءك للفيزيكس في تحليلك العلمي ده ، بعدين الكنكيشة دي خرافية ....لكن مجربة ما بتجيب الا الهوا ...ههههههه
وهاكم الصورة دي لتعبر لكم عن اعتى شاكوش:
| |
|
|
|
|
|
|
Re: يا جماعة انتو الشاكوش بياخد معاكم كم؟؟ (بوست هايف) (Re: Tumadir)
|
Quote: معليش يا جماعة حابدا أرد بالكميات لانو امس البورد منعني أساهم بعد كم مداخلة كده يللا هاكم الدفعة الأولي:
عمر عبد الله:
شن خبرك بالحداشر سنة دي؟؟؟ لا لا لا نحن لازم نلم بأطراف (القضية) وقيل الشمار
ترهاقا: وسلامي لعيالك
لكن لقيتك تفتيحة، الجودة يعني شنو؟؟ ههههههه
محبتي
زهير عثمان: شكرا على الشاكوش (المضاد) ده ياربي ممكن نسميه شنو؟؟
لكن الاعمال المصورة معك دي ياتا؟؟؟ لازم أعرفها ..ياربي عندك حاجات رايحة مني ..؟؟
لكن تشكراتي لأنك ما وضعت صيغة الكلام في خبر (كان) زي أخونا ده...هههههه ...في زول برضى يقولوا ليه (كنت) سمح؟؟ هههه
لسة بضحك على الفكرة...
يا أحمد العربي: الشاكوش أصلو من طبعو (عملة ذو ثلاثة وجوه) لأنه خلف كل شاكوش عظيم...امرأة
هههههه
شفت العلم ده كيف
ابراهيم فضل الله: عجبني لجوءك للفيزيكس في تحليلك العلمي ده ، بعدين الكنكيشة دي خرافية ....لكن مجربة ما بتجيب الا الهوا ...ههههههه
وهاكم الصورة دي لتعبر لكم عن اعتى شاكوش:
|
غايتو جنس زحمة هسع الشاكوش ده ذاااااااااااتو يصلك كيف؟؟؟؟؟ قلتي لي عرس جمتعي؟؟
| |
|
|
|
|
|
|
Re: يا جماعة انتو الشاكوش بياخد معاكم كم؟؟ (بوست هايف) (Re: Rihab Khalifa)
|
الاستاذة / تماضر سلامات ورمضان كريم ،،
خمســــــــــة وعشرين سنة زي وجع الضرس كل شوية يتاور ،،، والعجب كان في شوف ولا ملاقاة بعد الزمن ده كلو الحمى أم برد نسال الله السلامة ،،
الريدة الحقة لا يعريها الزمن ولاتصاريف القدر وتبقى مابقيت الحياة والانفاس ، رشة فرح وعزوبة لحن وجمال غنية ،،،
تحياتي ،،
| |
|
|
|
|
|
|
Re: يا جماعة انتو الشاكوش بياخد معاكم كم؟؟ (بوست هايف) (Re: Yassir Tayfour)
|
سنجاوي
غايتو لغاية هسة 25 سنة واربعة أشهر وسبعة أيام وثلاثة ساعات وإذا سار الموضوع بنفس المعدل يبقى حتى النفس رقم خمسة قبل الأخير الأربعة أنفاس الاخيرة دي محجوزة للشهادة
الشهادة يا محمد ...دي قال فيها على السقيد ومدني النخلي (جرح دامي ومستديم) ...حمانا الله
نصر:
دي سؤال شكسبيري جدا... على شاكلة:
to be or not to be
او قل انجيلي على شاكلة: من كان منكم بلا خطيئة
طالما بقيت فيلسوف معناها شاكوشك كان عميان وطرشان
برضو حمانا الله
هههههه
ملاسي:
ما بياخدش غلوة...
فتأمل!!!!
ههههههه
رحاب خليفة:
أول جندرية في البوست ...نديك وسام قبل كل شي
بعدين نرد على السؤال: متذكرة (الزبون) انتي ولا نسيتي؟؟؟ المسألة بيزتيس بحت ياااااا أخت
هههههه
لكن فات على كلام طارق جبريل ده...
عمر مصطفى مضوي
قلت لي:
الريدة الحقة لا يعريها الزمن ولاتصاريف القدر وتبقى مابقيت الحياة والانفاس ، رشة فرح وعزوبة لحن وجمال غنية ،،،
شوف يا اللخو ...نحن من يجونا نحن (قفا نبك) ديل ...طوالي بنعرف شاكوشهم شكلو كيف، كدى عاين في البوست ده لي فوق..وشوف صورة شاكوش ود الشايقي الغليييييد داك...ده شاكوشك والفيك انعرفت....منعول أو (الأدب )المصاحب للوجع ذاتو ده ما الحارق أعصابنا هو ذاتو ....ههههه
ينطيك العافية أو كما قال أهل العروبة يا سر طيفور
لقيتك رهيب
انتو بتتعلموا الوصفات السريعة دي من ياتو مدرسة فلسفية
هههههه بتستعمل نظام الرفوف وكده؟؟
نكلللللللللم الزبون ...وليه لأ؟
| |
|
|
|
|
|
|
Re: يا جماعة انتو الشاكوش بياخد معاكم كم؟؟ (بوست هايف) (Re: Nasr)
|
تماضر يا حبيبه سلامتك وسلامة الزبون..... إنتي قولي للزبونه دى الوداك تتشالقى شنو؟؟؟
بعدين حسب علمي الزبون هو المتسبب الأول والأخير في الشاكوش ده... وقالو الشكوش كان وقع كترة البتابت عيب.... شفتي بتابت دي لافقه كيف...لما عجبتني البتبته وقضايا العصر
بتبتا بتبِـــت...بتـِبت
(بتابت بتاعة فنيلتك) يا بت دي خُزعبلات صيام...آخر الكلام ..أسمعي كلام منصور( اللهم حوالينا ولا علينا ) وللضمان
| |
|
|
|
|
|
|
Re: يا جماعة انتو الشاكوش بياخد معاكم كم؟؟ (بوست هايف) (Re: MOHAMED EL-BEELI)
|
Quote: اخطر انواع الشواكيش وأقواها تأثيراً الشاكوش المُسدد من الاقارب.! وده تأثيرو بيستمر مدي الحياة. لأنو الضربة بتكون من قريب والراس بكون كاشف .! لكن أهل الخبرة قالوا الشاكوش الما بيجننك بقويك . |
محمد البيلي:
الله يكفينا شر الشاكوش الناشف والراس الكاشف
(الزبون يتمحرك في مجلسه انتشاءا)
البشوف شاكوش غيرو يهون عليهو شاكوشو ....هههههه
| |
|
|
|
|
|
|
Re: يا جماعة انتو الشاكوش بياخد معاكم كم؟؟ (بوست هايف) (Re: خدر)
|
أي زول ماعندو بلان بي يأخد شاكوشو ويلوم قلبو المخلص ؛) الوقاية من الشواكيش: تدخل بدون جدية، حتى تفرض الجدية نفسها، ويستحسن بعد ما تدخل العلاقة طور الجدية، تبدأ علاقة تانية غير جادة ؛) ________________________________ ههههههههههههههههههههه الله عليك يا وديييييييييييييييييييع
| |
|
|
|
|
|
|
Re: يا جماعة انتو الشاكوش بياخد معاكم كم؟؟ (بوست هايف) (Re: Osama Mohammed)
|
الجميلة تماضر ... طبعا اولا بعتمد على المسافة البهوى بيها على راسك اذا جاى من مسافة بعيدة امريكا مثلا .. دا ذى السم ... اما اذا كان من جنبك من السودان ف دا بااااااارد ... وتانيا بعتمد على انو من منو؟ يعنى لو من وليد المبارك دا بااااااارد اما لو من رشاد نميرى .. دا ضربتو والقبر !! اخ خ خ خ خ خ خ ...
ــــــــــــــــــــــ انتو لسسسسسسسه بتاخدو شواكيش يا الفرهيد ؟ ما بقيتو كستليته ياخ .....
| |
|
|
|
|
|
|
Re: يا جماعة انتو الشاكوش بياخد معاكم كم؟؟ (بوست هايف) (Re: PLAYER)
|
في القرن الثامن عشر وفي غضون ثورة الحديد التي بدأت بالتظاهرات السلميه ضد المواد الخشبيه اللزجه... كان الشاكوش عنصرا مهما في دعم المحروقات... والحروقات حسب التسلسل التاريخي... كانت تطلق علي كل اشكال الاعصاب..(حرق الاعصاب) فالشاكوش يحرق الاعصاب ومن ثم يتلفها .... فعندما تحدث حاله الشاكوشيه التس انحدرت من كوش.... يتبلد الانسان انذاك تبلدا طرديا مع عدد لفات الهدوم علي جسمه..ان كانت ثوبا ام جلابيه... ... ياخ انا تعبت... الموضوع شنو هو؟؟؟ رمضان كريم وخش في العضم... (تبارك) اي (المهم) * الكلام ده من موقع قول قول وليست قوقل..وده موقع خسوسي...
| |
|
|
|
|
|
|
Re: يا جماعة انتو الشاكوش بياخد معاكم كم؟؟ (بوست هايف) (Re: عليش)
|
اتخيل لي الموضوع ده ما داير ليهو تنظير.. اخدوهو من قصير (جرح الماضي..بعد الماضي حتى لو في صمتو بينزف دم..)..!!
هدية صغنونة للزبون..واخونا سنجاوي (غايتو لو سمع دي..ما عارف يتم رمضان كيف؟!!).. و الهدية موصولة ليك يا تماضر..و صديقنا خدر..و كل الناس المكسرة في حاجات زمان زينا كده.. الحاجة الوحيدة الما بتحتاج تنظير في السودان هي الشاكوش لأنو زي الفول المصري..او..made in China
المهم.. http://www.youtube.com/watch?v=Cu0J0M-H9hU
تماضر..حبابك يا صديقة.. و كل سنة و انتي طيبة..
كبر
| |
|
|
|
|
|
|
Re: يا جماعة انتو الشاكوش بياخد معاكم كم؟؟ (بوست هايف) (Re: Asim Fageary)
|
فنان قبل مدة بالخرطوم من الشباب الجداد الفرحانين أتى هذا الفنان لإقامة حفل بالعمارات وبدأ يغني كعادته في أغانية الهابطة وحينما دخلت العروس وهي تتأبط يد عريسها انهار بالبكاء وبدأ يردد بطريقة هستيرية ليييييييييييييييييييييييييييييييييه لييييييييييييييييييييييييييييييييه ليييييييييييييييييييييييييييييييه !!! ورمى المايك وخرج مسرعاً من الحفل وترك كل الحضور في ذهول شديد وكل المشكلة أن العروس هي حبيبته وقد اتفق معها على الزواج لكنها دقسته وباعته مبكراً بدراهم معدودة !!!
لو كنت في مكان هذا { العوير } لما خرجت من الحفل بهذه الطريقة بل لأكملت { ليه تسيبنا ياحبيبنا } !!! يعني الواحد على الأقل مفروض يركز وماينفزر ويتحمل الشاكوش لو في العمارات او كاب الجداد
أما انا محدثكم مازلت استغرب لفتاة وشاب اجدهم كثيراً متماسكين بالأيادي ليس في الريفيرا ولا حدائق المنشية أو بجوار الهلتون ولكن 00 يشهد الله في مدخل مقابر مدني !!!!! رأيت هذا المنظر أكثر من اربع مرات كنت أستغرب لهذا الحب الغريب والطريف والغبي تذكرت لحظتها حينما بدات بواكر حبنا وكيف كنا نحمل الحبيبة لنزرعها شتولاً على حواف الغمام !!! الجماعة ديل بيحبوا بعض معناها لو الحكاية فيها شاكوش حاتكون في المقابر مباشرة !!!
لكن ما رأيته بمقابر الحصاحيصا بجوار المستشفى لايدعو للدهشة فحسب بل أكاد اجزم ان هذا الأخير قد غلب مهند ونور بمقابر مدني 10 صفر !!! رجل بكامل شواربه يبكي بحرارة شديدة وبحرقة لامثيل لها والمشكلة لاتوجد قبور جديدة بل كل القبور مضى عليها أكثر من 20 سنة اقتربت منه لأعزيه واواسيه في مأساته وبالمرة أطلب منه أن يكثر الدعاء لميته وبقية الأموات لأفاجأ بهذا الرجل الهائم ان لاوفاة له بل أكد لي أن آخر وفاة في أسرتهم قبل اربع سنوات طيب ياحيوان الببكيك شنو هنا ؟؟ فقال لي : طلقتني زوجتي عن طريق المحكمة !!!!!! ياسبحان الله يا أخي 00 هؤلاء الذين تبكي بجوارهم كثيرون منهم قد طلقوا وطلقوهم طيب مالقيت ليك حتة تجعر فيها غير المقابر ؟؟ قال خلعوني قال !!!!
عمنا توفت زوجته ويقال أنه في قريتهم كلما ذهب لواحدة تقول ليهو العرس دا ذاتو خليناهو والوحيدة الوافقت قالت ليهم أدوني فرصة 00 مش فرصة تفكر بل تتعلم غسل الجنازة !!!! ورغم هذا قالوا كان بيضرب سبعة عيشات في الفطور يعني الشواكيش تدخل من هنا وتخرج من هنا !!!!
الراجل قلنا نكسب فيه أجر قلنا ليهو تعال حلتنا في اهل العوض وبنشوف ليك أجمل من هيفاء وهبي ونانسي عجرم اها كلما ندخل بيت ونطلع نقول ليهو اها ياعمك رايك في دي شنو ؟؟ طوالي يقوم { يلولح } راسو زي الهنود !!!! سبعة بيوت وكل بيت يلولح لينا في راسو قلنا ليهو ياخوي انت عاوز يزوجوك { اليسا } وللا شنو ؟؟ قام قال : والله انا لو عاوز زي { المفجخات ديل } عندنا كتاااااااااااااااااااار في حلتنا
رمضان كريم ياتماضر لك وللعائلة
| |
|
|
|
|
|
|
Re: يا جماعة انتو الشاكوش بياخد معاكم كم؟؟ (بوست هايف) (Re: يحي ابن عوف)
|
Quote: وفي شاكوش الايام دى موضة البت تقول لك بحبك بجنون اي الله وبعد تفلس بك تشوف غيرك ميت وخراب ديار هههههههههههههههه |
ده ما شاكوش يا يحي بن عوف ... دي حاجة تانية حنتكلم عنها في مجال (ارحب) ....ونفرد ليها ندوة ...
بالله لمن تجي للندوة دي قول للزول القاليك ده شاكوش ...(انت مدعو ...)
ههههههه
تحياتي
| |
|
|
|
|
|
|
Re: يا جماعة انتو الشاكوش بياخد معاكم كم؟؟ (بوست هايف) (Re: munswor almophtah)
|
Quote: ياخ لى جنى الجنى أو جنا الجنا
البلل عابر أجيال
تمادر والله إنتى شفته كيف زى ناس السجاره وتقولى ما بعرف سياسه ياخ دا السياسه ذاتو
ياخ أنا أصحابى صلاح أحمد وفرح وأبوبكر وراجل
عشه أخوهم الصغير لم ألتقيه بعد ولكنه أخو أصحابى
فهو صاحبى.
ولـك وللأسره السلام
منصور |
صاحب أهلك صاحبك يا منصور المفتاح
قلت لي زي المساطيل؟ في ناس كتار بقولو على كده ...لكن نسوي شنو...ياهو الموجود ...شكرا للمدح بما يشبه الذم ...ودي هو سحر البيان ...هههههه انتو وين بيان؟
| |
|
|
|
|
|
|
Re: يا جماعة انتو الشاكوش بياخد معاكم كم؟؟ (بوست هايف) (Re: Mutwali Malik)
|
Quote: شاعر مشوكش بي مرزبة عديل عايزة تقرأ قالت فوقها حيطة الدنيا مالت ختت الكراس وشالت شاكوشابيهو صالت ثم جالت لامن ضربتنا بيهو وشالت للتراب فوق إيدنا كالت الدموع صبحت غزيرة والدموم من راسنا سالت
اهااا يابت شيخ الدين باقيلك الشاكوش الزي دا بياخد كم؟؟؟؟؟؟؟؟ |
متوكل مالك ...
زولك ده بس ياخد ليه جرية .....على اقرب مكتب شرطة ....أو نقطة غيار ...ههههه تتذكر نقطة الغيار؟؟
بتعرفها؟؟
الحتة صغيرووونة والواء كلو سلفا وصبغة يوت ولصقه ... في ولا خرفوها ؟؟؟ عليك الله لو في طريقة جيب لي صورة من نقطة غيار...ههههه عجبتني أكتر من الحاصل على الزول ده ....
| |
|
|
|
|
|
|
|