|
|
 اسهل طريقة تودي بيها امك الـحج... يوجد سجائر وخمر بالداخل...
|
بداية الفكرة:
فكرة بسيطة طفرت حيطة البال، ان اقوم اودي امي وحبوبتي ام امي الحج.
دا مشروع واي مشروع يتطلب التفكير الجيد لانجاحة، بغض النظر عن صغر هذا المشروع او كبره... علي حسب قناعاتي.
متطلبات الحج جوازات سفر تذاكر تاشيرات فحص طبي، وبعض المال كمنصرفات هناك.
الفكرة دي جاتني الليلة الصباح وطوالي قررت تنفيذها:
اول حاجة عملتها قررت انو شغل هذا اليوم كله يذهب لهذا المشروع.. شغل هذا اليوم فقط.
بالمناسبة دي، انا سواق تاكسي.
طلعت الشغل الساعة
11:00 AM
اول رحلة اخدها كانت والبعدها...
$15
$17
$95
$13
$7
$10
$38
$10
$10
$19
$34
المجموع = $268.00 لحدي الساعة 3:15 PM
يعني في اربعة ساعات وربع , ولسه في ثمانية ساعات باقية لحدي ما اخلص شغل ...
يرجي التنبيه، انو الشغل ماشي معاي سكر اليوم، يعني كنت مرزق في الرحلات، ونشوف القادم . ان شاء الله تتواصل كدا.
المهم الميتين ثمانية وستين ديل زايد اي حاجة حاعملها تاني خلال هذا اليوم دي حتترسل الليلة للوالدة وامها عشان يبدو بيها اجراءات تجديد الجوازات ولا تغيرهم وا اي اجراءات اخري اولية .
.
.
ولحدي هنا نكون خلصنا
بعد كدا باقي حق التذاكر والاقامة هناك..
 
DU MAURIER SPECIAL KS 20 PK
--------
 
Jack Daniel's Gold Medal 1954 -Tennessee-Whiskey-
|
|
  
|
|
|
|
|
|
|
|
Re: اسهل طريقة تودي بيها امك الـحج... يوجد سجائر وخمر بالداخل... (Re: rani)
|
دخاني المفضل هو DU MAURIER SPECIAL KS 20 PK
تختلف اسعاره من محل الي اخر في محلات بي 13.50 $ وفي محلات 12.50 $
المهم نصيبي في اليوم علبة ونصف تقريباً او اقل شوية.
بتكلفة 20.00 $ تقريباً.
المهم، من اول ايام رمضان قررت ان ابطل التدخيين، وحقيقة لا لاسباب مادية، بل نفسية اكثر من اي شي اخر
تعلمت التدخين في خلال الستة سنين الماضية كنت لا ادخن قبلها اطلاقاً، وهذا اكتر ما يزعجني، تعلم الشي الكعب كبير.
علي اي حال فكرة التخلي عنه لست من الاشياء السهلة، وهذا القول عن تجربة. دا ادمانو براهو.
المهم الحمد لله بمساعدة رمضان ونية حجيج الوالده وامها
تمكنت عن التخلي من ممارسة التدخين وإن شاء الله الى الابد وتوظيف منصرفاته لاشياء اخرى يستفيد منها الاخرون
فكرتي الاولي كانت ان اجمع مال التدخيين وارسله كل فترة لاحد الاقارب يعني مرة الخال ومرة العمة الخ...
وفعلاً بديت اجمع في مبلغ 20 $ يومياً وهو المبلغ الذي كنت انفقه لاشباع رغبتي في التدخين بشكل يومي.
20 $ + 20 $ + 20 $ + 20 $ + 20 $ + 20 $ + 20 $ + 20 $ + 20 $ + 20 $ + 20 $ + 20 $ + 20 $ + 20 $ + 20 $ كل يوم = عشـــــرينات كتار اخر الشهر .
.
.
.
Jack Daniel's Gold Medal 1954 Whiskey
دا بيكلف
43 $
x
4
مرات في الشهر= 172 $
x
3 شهور = 516 $
.
.
Resume
| |
|
|
|
|
|
|
|
|
|
Re: اسهل طريقة تودي بيها امك الـحج... يوجد سجائر وخمر بالداخل... (Re: rani)
|
From To Passengers Trip Duration Class Aircraft Type Flight Dates Price
Khartoum (KRT) Riyadh (RUH) 1 Adult(s) Round Trip 2:45 Economy A300 A320 B737 MON WED SDG 1400
Fare: 1 Adult(s) SDG 1400
Notes:
The fare above is for one month excursions.
The fares above are not mandatory. Sudan Airways reserves the right to change the fares without prior notice.
SDG 1400
دي حكاية 200 $
x
2
= 400 $
| |
|
|
|
|
|
|
|
|
|
Re: اسهل طريقة تودي بيها امك الـحج... يوجد سجائر وخمر بالداخل... (Re: rani)
|
Quote: المهم، من اول ايام رمضان قررت ان ابطل التدخيين، وحقيقة لا لاسباب مادية، بل نفسية اكثر من اي شي اخر
تعلمت التدخين في خلال الستة سنين الماضية كنت لا ادخن قبلها اطلاقاً، وهذا اكتر ما يزعجني، تعلم الشي الكعب كبير.
علي اي حال فكرة التخلي عنه لست من الاشياء السهلة، وهذا القول عن تجربة. دا ادمانو براهو.
المهم الحمد لله بمساعدة رمضان ونية حجيج الوالده وامها
تمكنت عن التخلي من ممارسة التدخين وإن شاء الله الى الابد وتوظيف منصرفاته لاشياء اخرى يستفيد منها الاخرون فكرتي الاولي كانت ان اجمع مال التدخيين وارسله كل فترة لاحد الاقارب يعني مرة الخال ومرة العمة الخ وفعلاً بديت اجمع في مبلغ 20 $ يومياً وهو المبلغ الذي كنت انفقه لاشباع رغبتي في التدخين بشكل يومي |
الأخ راني رمضان كريم وتصوم وتفطر على خير ، وطبعا أنتم أجركم أكتر بصيامكم الطويل دا ، ربنا يتقبل منك
يا أخوي أنا لي فترة طويلة من المشاركة هنا ، لكن الحقيقة موضوعك دا جرني جرا للمشاركة وذلك لأن لي عداوة مستفحلة مع التدخين ، ليس لأني كنت مدخنا ، فالحمد لله لم أدخن وحتى الشاي لما بدأ يعمل لي صداع وما صداع لما ما ألقاه خليته الان لي أكثر من ثلاثين سنة ، يعني يا قول الراجل رأسي بس إلا ألولحو ساكت الحمد لله ، لكن عداوتي مع التدخين بسبب تدخين الوالد رحمة الله عليه ، والذي تركه بفضل الله ويعتبر تركه له أعجوبة الأعاجيب وهذا هو الشاهد أردت أن أقول لك يا راني بعد ما أبوي ترك التدخين فصرت لا أقبل ولا أصدق أن أحدا لا يمكن أن يترك التدخين تدري ليش ؟؟ لان الوالد دخن أكثر من خمسين سنة يعني امكن قدر عمرك مرتين ومع هذا لما جاء العزم والعزيمة تركه ولم يلتفت إليه وذلك بسبب الحج الذي الان هو سبب لك كذلك ، فاذكر أنه جاء من السودان وأنا جيت من ابو ظبي والتقينا في مكة ، وأول ما سلم علي أول شي قال لي أنا مما أحرمت ما دخنت!!! ، وكان قد أحرم له ثمانية ساعات، طبعا دي معجزة نحن ما كنا نعشم أنه يتركه ثمانية دقائق فكونه يتركه ثمانية ساعات حاجة عجيبة!!! ، فقلت له الحمد لله ولو ما تركته هنا في هذا المكان ما ستتركه أبدا ، المهم تعب وتعب لكن صبر وصابر حتى تركه ولم يرجع اليه وكل من يعرفه يظن أنه سيرجع اليه وما يمكن أن يتركه لشهرته به وللمدة الطويلة التي قضاها يدخن ، وصار بعد ذلك يكره رائحته ، وكان لا ياكل امكن في اليومين واجبة زي الناس، فصار ياكل ثلاث وجباته بفضل الله
ولذلك يا راني هذه خمسين سنة فما تقول ابدا ان تركه صعب بعد العزيمة على أن لا تعود إليه أبدا وأنت ما دام تتركه الان قريب عشرين ساعة بل تترك الطعام والشراب الذي لا تقوم حياتك إلا به فمعناه ترك هذه المصيبة من باب أولى
الامر الأخر اعجبني تفكيرك في أن هذا المبلغ تعمل به هذا العمل الجليل ، وستجد فعلا أن هذا المبلغ يعمل أشياء كثيرة قيمة بدلا من حرقه وحرق رئتيك معه والمسؤولية الأخروية عنه
فأشد علي يديك وأهنئك واكرر امش إلى الإمام ولا تلتفت إلى ما رميت خلف ظهرك
وربنا يسهل للحاجات الحج ويعظم أجرك
| |
|
|
|
|
|
|
|
|
|
Re: اسهل طريقة تودي بيها امك الـحج... يوجد سجائر وخمر بالداخل... (Re: كمال عكود)
|
Quote:
الأخ راني رمضان كريم وتصوم وتفطر على خير ، وطبعا أنتم أجركم أكتر بصيامكم الطويل دا ، ربنا يتقبل منك
يا أخوي أنا لي فترة طويلة من المشاركة هنا ، لكن الحقيقة موضوعك دا جرني جرا للمشاركة وذلك لأن لي عداوة مستفحلة مع التدخين ، ليس لأني كنت مدخنا ، فالحمد لله لم أدخن وحتى الشاي لما بدأ يعمل لي صداع وما صداع لما ما ألقاه خليته الان لي أكثر من ثلاثين سنة ، يعني يا قول الراجل رأسي بس إلا ألولحو ساكت الحمد لله ، لكن عداوتي مع التدخين بسبب تدخين الوالد رحمة الله عليه ، والذي تركه بفضل الله ويعتبر تركه له أعجوبة الأعاجيب وهذا هو الشاهد أردت أن أقول لك يا راني بعد ما أبوي ترك التدخين فصرت لا أقبل ولا أصدق أن أحدا لا يمكن أن يترك التدخين تدري ليش ؟؟ لان الوالد دخن أكثر من خمسين سنة يعني امكن قدر عمرك مرتين ومع هذا لما جاء العزم والعزيمة تركه ولم يلتفت إليه وذلك بسبب الحج الذي الان هو سبب لك كذلك ، فاذكر أنه جاء من السودان وأنا جيت من ابو ظبي والتقينا في مكة ، وأول ما سلم علي أول شي قال لي أنا مما أحرمت ما دخنت!!! ، وكان قد أحرم له ثمانية ساعات، طبعا دي معجزة نحن ما كنا نعشم أنه يتركه ثمانية دقائق فكونه يتركه ثمانية ساعات حاجة عجيبة!!! ، فقلت له الحمد لله ولو ما تركته هنا في هذا المكان ما ستتركه أبدا ، المهم تعب وتعب لكن صبر وصابر حتى تركه ولم يرجع اليه وكل من يعرفه يظن أنه سيرجع اليه وما يمكن أن يتركه لشهرته به وللمدة الطويلة التي قضاها يدخن ، وصار بعد ذلك يكره رائحته ، وكان لا ياكل امكن في اليومين واجبة زي الناس، فصار ياكل ثلاث وجباته بفضل الله
ولذلك يا راني هذه خمسين سنة فما تقول ابدا ان تركه صعب بعد العزيمة على أن لا تعود إليه أبدا وأنت ما دام تتركه الان قريب عشرين ساعة بل تترك الطعام والشراب الذي لا تقوم حياتك إلا به فمعناه ترك هذه المصيبة من باب أولى
الامر الأخر اعجبني تفكيرك في أن هذا المبلغ تعمل به هذا العمل الجليل ، وستجد فعلا أن هذا المبلغ يعمل أشياء كثيرة قيمة بدلا من حرقه وحرق رئتيك معه والمسؤولية الأخروية عنه
فأشد علي يديك وأهنئك واكرر امش إلى الإمام ولا تلتفت إلى ما رميت خلف ظهرك
وربنا يسهل للحاجات الحج ويعظم أجرك |
سلامات اخي كمال عكود
وربنا يرحم والدك يارب ويرزقه الجنه الفردوس
وحقيقة ستظل قصته عالقة في زهني، خمسين عاما ؟
اكد دي حتكون واحدة من الحاجات التي سوف تقويني ان فكرت في العودة والتي اتمني ان لا تحصل ان شاء الله.
شكرا ليك كتير علي التشجيع ورفع معنوياتي
ودي
وتصوم وتفطر علي خير
| |
|
|
|
|
|
|
|
|
|
Re: اسهل طريقة تودي بيها امك الـحج... يوجد سجائر وخمر بالداخل... (Re: معاوية المدير)
|
الأخ راني
أولا رمضان كريم
وبوست ظريف جدا جدا
وفكرة عملية لحج الوالدة إن شاء الله ربنا يقدرك دائما على البر بها والإحسان إليها ،
واستمتعت جدا بردودك وردود المتداخلين والعايزين يسكروا بالأسافير ديل ، ديل فاتو الشمومة لعالم ما بعد العولمة ،
قال جاك دانيال قال ، لكن ممكن يقاس علي مرحوم تايقر والله بقنية مرس والله أي حاجة من البراند بتاعة Araqi Balah ،
طبعا من الأفكار الجميلة أن تتخلى عن شيء وتستبدله بشيء آخر
وكما يقال إن بعض الظن إثم أنا لا أظن هنا ولكنك ممسوك بالثابتة ودة تصالح مع الذات عجيب المهم في حج الوالدة أمسك في النصيحة بتاعة صاحبك وختيها سودان طير دي والباقي كلو هين وكل سنة وإنت طيب
| |
|
|
|
|
|
|
|
|
|
Re: اسهل طريقة تودي بيها امك الـحج... يوجد سجائر وخمر بالداخل... (Re: معاوية المدير)
|
راني
انت شغال سواق تاكسي واللا شغال مع الراجل ناشر صوت وصورة و...........
وبعدين تعال هنا انت كنت واقع DU MAURIER SPECIAL و Jack Daniel's Gold Medal 1954 -Tennessee-Whiskey حته واحدة التاكسي بتاعك ده ماركتو 777 واللا شنو العبارة ... ؟
بتكاوي في الناس في نهار رمضان مالك يا زول ...............ما سمعت بي اتبع السيئة الحسنة تمحها!
عموما ربنا يتم المراد ويكتب سلامة الحاجتين ....
واكيد انت اجرك مضاعف ....للتضحيات الجسام النويت تقدمها .. والاعمال بالنيات
| |
|
|
|
|
|
|
|
|
|
Re: اسهل طريقة تودي بيها امك الـحج... يوجد سجائر وخمر بالداخل... (Re: محمد مصطفي مجذوب)
|
الأخ/ راني
تحياتي
الحمد لله الوالدة حجت أكثر من مرة ولكن العنوان إستفزني بجزئيته الأخيرة
فقلت أتاوق وأشوف، فاعجبني التصرف بجزئيه المستديم والمؤقت، لذا قلت
أنصرك على الشيطان وأشجعك على الترك المستديم( للهوناية) الما عندها أي فايدة غير
تخريب ( الفشفاش) و ( النتانة)، اما الترك المؤقت لل Jack Daniel's Gold Medal 1954
فليتك تستمر بنفس التفكير العملي، وإستخدام البدائل والتبديل لتتوقف من ( الهوان)
الثاني ده، وتستفيد من قيمته للوالدين والأقربين بالمعروف، فتفكيرك العملي في هذا
الشهر الفضيل هو المفتاح الحقيقي لنجاحك مستقبلا في أمور لم تخطر لك على بال.
| |
|
|
|
|
|
|
|
|
|
Re: اسهل طريقة تودي بيها امك الـحج... يوجد سجائر وخمر بالداخل... (Re: حماد الطاهر عبدالله)
|
تعرف يا راني ..
زي ما قال ليك حماد الطاهر ..:
Quote: اما الترك المؤقت لل Jack Daniel's Gold Medal 1954
فليتك تستمر بنفس التفكير العملي، |
يعني السنة الجاية حجج أمك والبعديها حجج لي أمي والبعديها أم حماد زاتو والبعديها أم اي واحد من اعضاء المنبر حسب المعرفة ..!
ولا حظ عدد اعضاء المنبر 7000 يعني ما حا تلقى طريقة نوهائي ترجع للسجائر والجاك شنو داك ..!!
شايف حماد بيتكلم عن البدائل .. إنتو في كندا عندكم ابو حمار ولا شنو ؟!!
إستغفر الله العظيم اللهم إني ضائم ..!!
دا بوست شنو المهبب دا يا راني ؟!!
نسأل الله السلامة ..!!!
| |
|
|
|
|
|
|
|
|
|
Re: اسهل طريقة تودي بيها امك الـحج... يوجد سجائر وخمر بالداخل... (Re: rani)
|
اها المرة الفاتت وقفنا هنا...
Quote: بالمناسبة دي، انا سواق تاكسي.
طلعت الشغل الساعة
11:00 AM
اول رحلة اخدها كانت والبعدها...
$15
$17
$95
$13
$7
$10
$38
$10
$10
$19
$34
المجموع = $268.00 لحدي الساعة 3:15 PM
يعني في اربعة ساعات وربع , ولسه في ثمانية ساعات باقية لحدي ما اخلص شغل ... |
المهم باقي يوم الاثنين كان مستحمي والحمد لله علي اي حال
$13
$12
$42
$15
$20
المجموع= 102.00$ لحدي الساعة 9:30 PM
ووقفت بعد كدا تقول " الكفار" ديل صائمين معانا..
علي اي حال انتهى اليوم بي 370.00$
ودا المبلغ الاترسل اليوم للوالده وامها.
| |
|
|
|
|
|
|
|
|
|
Re: اسهل طريقة تودي بيها امك الـحج... يوجد سجائر وخمر بالداخل... (Re: ناذر محمد الخليفة)
|
Quote: تعرف يا راني ..
زي ما قال ليك حماد الطاهر ..:
Quote: اما الترك المؤقت لل Jack Daniel's Gold Medal 1954
فليتك تستمر بنفس التفكير العملي،
يعني السنة الجاية حجج أمك والبعديها حجج لي أمي والبعديها أم حماد زاتو والبعديها أم اي واحد من اعضاء المنبر حسب المعرفة ..!
ولا حظ عدد اعضاء المنبر 7000 يعني ما حا تلقى طريقة نوهائي ترجع للسجائر والجاك شنو داك ..!!
|
كدي جيبو لي نظارة... نشوف بيها الحاقد دا منو. عليكم جنس حسد.
اما بمناسبات حج امك وام حماد وام اي واحد تاني... ليه لا لو ممكن، انت عارف دي اكتر حاجة ممكن يتمنوها امهاتنا ديل، الله يديهم العافية غايتو.
Quote:
شايف حماد بيتكلم عن البدائل .. إنتو في كندا عندكم ابو حمار ولا شنو ؟!!
|
يا اريت... دا بلدي والبلدي يوكل.
اما بدائل حماد البيتكلم عنها دي، دي بدائل البديل الديموقراطي.. انت لا قريتو سياسة لا باريتو ناس تراجي مصطفي؟
Quote:
إستغفر الله العظيم اللهم إني[re] ضائم ..!!
دا بوست شنو المهبب دا يا راني ؟!!
نسأل الله السلامة ..!!! |
عارفك بتكون "ضائم"
ناذر اطلع، انت شكلك حتجرح لينا صيامنا دا
| |
|
|
|
|
|
|
|
|
|
Re: اسهل طريقة تودي بيها امك الـحج... يوجد سجائر وخمر بالداخل... (Re: حماد الطاهر عبدالله)
|
Quote: الأخ/ راني
تحياتي
الحمد لله الوالدة حجت أكثر من مرة ولكن العنوان إستفزني بجزئيته الأخيرة
فقلت أتاوق وأشوف، فاعجبني التصرف بجزئيه المستديم والمؤقت، لذا قلت
أنصرك على الشيطان وأشجعك على الترك المستديم( للهوناية) الما عندها أي فايدة غير
تخريب ( الفشفاش) و ( النتانة)، اما الترك المؤقت لل Jack Daniel's Gold Medal 1954
فليتك تستمر بنفس التفكير العملي، وإستخدام البدائل والتبديل لتتوقف من ( الهوان)
الثاني ده، وتستفيد من قيمته للوالدين والأقربين بالمعروف، فتفكيرك العملي في هذا
الشهر الفضيل هو المفتاح الحقيقي لنجاحك مستقبلا في أمور لم تخطر لك على بال. |
حماد الطاهر حبابك خيا
سميتوها " هوناية" و "هوان" كمان اخر عمرها؟ لكن والله دلعتوها جنس دلع..
علي اي حال سوف نواصل استقلال الجهاز المفاهيمي لترتيب الافكار العملية وتوظيفها في مشاريع علمية صغمبروته ومفيده.
| |
|
|
|
|
|
|
|
|
|
Re: اسهل طريقة تودي بيها امك الـحج... يوجد سجائر وخمر بالداخل... (Re: Rihab Khalifa)
|
Quote: يا راني، اسال الله العظيم في هذا الشهر العظيم انه يبلغك مقصدك
و يوسع عليك باب رزق من حيث لا تحتسب و يسهل ليك حجة مع امك و حبوبتك،
و بسبب الحجة دي ربنا يهون عليك توقيف الاتنين للابد، ان شاء الله اولادك و احفادك يبروك بمقدار برك لهم
ـــــــــ
بعد قريت العنوان، قلت سجمي، راني داير يبيع سجاير و خمر عشان يحجج امه؟ لووول |
حاشاني من بيعو،
شكراً ليك Rihab Khalifa
| |
|
|
|
|
|
|
|
|
|
Re: اسهل طريقة تودي بيها امك الـحج... يوجد سجائر وخمر بالداخل... (Re: خضر الطيب)
|
Quote: دا بوست الواحد يدخلو متوضى ويطلع منو يمشى يغتسل
الله يجازى محنك يارانى
بس الحمد لله ربنا هداك من الاتنين ديل
وان شاء الله حجا مبرورا للوالده والجده
وكان مشيت لحقتهم تكون ماقصرتا
ماتخليهم لى بعثة الحج الحراميه ديل |
اتنين؟
ويقولونك ما لم تفكر في قوله يوما ...
امشي معاهم مره واحدى كدا...
والله خليتني اقعد واشطح جنس شطحي...
بدت من ربط الشي الابيض داك وحلق الراس والمشي من مني لمزدلفة ورمي السبعة
وبعداك بين يوم وليلة اتحولت من راني حاف " لحاج راني" وربما " شيخ راني" كدي اتمعن معاي شوية، شيخ راني السماني، حاج راني السماني
دي بالجد جد كدا ما بتجي..
انت عارف انا اهلي ديل زاتهم شكلهم كدا ما دايرني ابقي شيخ ولا حاج، شوف اخواني سموهم شنو
ياسر، معتز، معذ، يوسف، نزار الله يرحمو،.....،محمد الله يرحمو، مصعب، مدثر...
كويس انو ما فيهم واحد طلع مشاتر زي كدا.
اما ناس بعثة الحج ديل كان بياكلو خلهم الياكلو ساكت، الكان ينفعهم هنا ولا بعدين.
شكراً اخي خضر الطيب
وتصوم وتفطر علي خير
| |
|
|
|
|
|
|
|
|
|
Re: اسهل طريقة تودي بيها امك الـحج... يوجد سجائر وخمر بالداخل... (Re: الزبير صالح الزبير)
|
يا سلام يا راني ياخ ..
يعجبني الزول البيتبع الخطوات التلاتة دي:
فكر - قرر - نَفِّذ.
كلامك ده موجه لشريحة معينة، وهم الناس (اللقاطين)
البيكابسوا رزقهم براهم، والرزق يحب الخفية..
لكن نحن ناس الـFixed Monthly Salary ديل نعمل شنو؟؟
مع ملاحظة إنو (البتاعتين) الإنت وقّفتهم ديل ربنا تايب علينا منهم (عليك الله ما ترجع ليهم تاني)..
أها نوفر ليك (حق) شنو عشان نسفر الجماعة ديل ؟؟
---------
إنت يا كابتن ساكن في عربيتك واللا شنو؟؟ القروش كلها كابيها بي هناك
عايش بي شنو إنت؟؟
| |
|
|
|
|
|
|
|
|
|
Re: اسهل طريقة تودي بيها امك الـحج... يوجد سجائر وخمر بالداخل... (Re: Salah Abdulla)
|
Quote: يا سلام يا راني ياخ ..
يعجبني الزول البيتبع الخطوات التلاتة دي:
فكر - قرر - نَفِّذ.
كلامك ده موجه لشريحة معينة، وهم الناس (اللقاطين)
البيكابسوا رزقهم براهم، والرزق يحب الخفية..
لكن نحن ناس الـFixed Monthly Salary ديل نعمل شنو؟؟
مع ملاحظة إنو (البتاعتين) الإنت وقّفتهم ديل ربنا تايب علينا منهم (عليك الله ما ترجع ليهم تاني)..
أها نوفر ليك (حق) شنو عشان نسفر الجماعة ديل ؟؟
|
هو انت قايل انو الحاجتين ديل هم الكعبات وبس؟
بتسوق؟ بتمشي تعمل شوبين كم مرة في الشهر؟ قلت لي اربعة مرات؟ طيب خلهن تلاتة عشان توفر 10$ البنزين دي.
عندك فل كيبيل، طيب اعملو بيسك ووفر الكم واربعين دولار دي للحاجة تمشي تحج بيها
هي....
"If you can't fly, run. If you can't run, walk. If you can't walk, crawl but by all means keep moving" - Dr.King
Quote:
---------
إنت يا كابتن ساكن في عربيتك واللا شنو؟؟ القروش كلها كابيها بي هناك
عايش بي شنو إنت؟؟ |
شوفو جنس دا كمان،
زول تقول ليه 20$ بس في اليوم ، يقول ليك عايش بشنو انت .
دي عارف ذي زول قاعد في الخرطوم يقول ليك انا بشتري كيس صعود كل يوم، تقوم تقول ليه انت ساكن في الكوشة ولا شنو كابي القروش كلها في الصعود، عايش بشنو انت؟
سلام Salah Abdulla
| |
|
|
|
|
|
|
|
|
|
Re: اسهل طريقة تودي بيها امك الـحج... يوجد سجائر وخمر بالداخل... (Re: Ashraf el-Halabi)
|
الزبير ..
| Quote: إها يا ناذر كدة اعمل لي study لو تركت التمباك بقدر اسوي بي حقو شنو |
حبيبنا راني بيتكلم عن ميزانية أكتر من 70 دولار يوميا بتستنزفا البتاعات بتاعتو ديك ..!!
لكن مع صعودك اب تلاتة دولارات في الشهر دا .. سف سفوفك عاااادي لأنو لو وفرتهن بالكتير بتجيب ليك كباية أبو حمارية من ديم حبوبة دينارية لاتسمن ولا تغني من شحتفة ..!!
وإن رفضت دينارية فلك اسوة حسنة في سندوتش طعمية (برضو لا يسمن ولا يغني) ..!!
اشرف الحلبي سلام ..
Quote: يا بني "الحر لا ينام على ضيم"
الحر في السودان للدرجة دي يا ناذر! |
طبعا ناس الأفتاء طلعوا فتوى أي زول في بورسودان وضواحيها يجوز ليهو يفطر لأنو الحر لا يطاق ..!! الليلة في الشغل جانا واحد من العمال فاطر وسافي .. يا زول الحاصل شنو قال لينا بي كل برود : أنا عندي خالي في بورتسودان عندو سكري وما بيصوم وأنا نويت اصوم بدالو هنا في الخرطوم ..!!
| |
|
|
|
|
|
|
|
|
|
Re: اسهل طريقة تودي بيها امك الـحج... يوجد سجائر وخمر بالداخل... (Re: الزبير صالح الزبير)
|
سلامات يارانى
تتخيل أنا بعمل عملية بذات فكرة عمليتك ومفادها كالاتى \' أنا شغال بى مرتب والحمد لله بقوم بحسب منصرفاتى على اساس المرتب
مرات بتجيك قروش الواحد ماحاسب عليها زى بدلات او زيادة سنوية فى المرتب زى القروش دى طوالى بقوم اصرفة ليك على حاجات خارج الميزانية او اقوم ارسلة لى زول بعرف انو محتاج ليها
ومرات بكون داير اشترى حاجة مااساسية زى موبايل مثلا او ملابس طوالى بقوم اغير رايى لى انو اعمل شيئ مفيد لبيتى او لى الناس الحوالينى
بما انى من غير المدخنين سالت نفسى أنا فى شنو ممكن أخليهو وتوفر قروشو لى حاجة مفيدة خصوصا انو أنا لى تجربة عمر مع الادخار من ايام علبة الفلين المحرومة من فوق ونقوم نجدع فيها ريال ورأ شلن عشان نشترى مجلد مبكى وسمير ومرة عجلة وكدة \"\" فدى دعوة للادخار للإنفاق على الهوايات وقضاء حوائج الناس الحوالينا وعمل الخير
بعدين بى المناسبة التدخين زاتو ماسمح ومضر بى الصحة اللى يمكن لى قدام تدفعك اللى وراك واللى قدامك \"\" وبرضو يمكن الوالدة تكتحك بى فاتحة فى بيت الله تعدلة عليك دنيا وآخرة ودى كلها من الاشياء الغير منظورة
| |
|
|
|
|
|
|
|
|
|
Re: اسهل طريقة تودي بيها امك الـحج... يوجد سجائر وخمر بالداخل... (Re: راشد يحى مدلل)
|
Quote:
حبيبنا راني بيتكلم عن ميزانية أكتر من 70 دولار يوميا بتستنزفا البتاعات بتاعتو ديك ..!!
لكن مع صعودك اب تلاتة دولارات في الشهر دا .. سف سفوفك عاااادي لأنو لو وفرتهن بالكتير بتجيب ليك كباية أبو حمارية من ديم حبوبة دينارية لاتسمن ولا تغني من شحتفة ..!!
وإن رفضت دينارية فلك اسوة حسنة في سندوتش طعمية (برضو لا يسمن ولا يغني) ..!!
اشرف الحلبي سلام ..
|
يا ناذر 70$ُ دي جبتها من وين؟
انت شكلك قايلني بقيت زيكم وكدا... انا كنت بشرب مرة في الاسبوع يعني قارورة في يوم الاجازة واغلب الاوقات بقوم بيها في قعدة واحدة
لو رجعت للحساب فوق حتلقي :
Jack Daniel's Gold Medal 1954 Whiskey
دا بيكلف
43 $
x
4
مرات في الشهر= 172 $
x
3 شهور = 516 $
يعني مرة في الاسبوع.
| |
|
|
|
|
|
|
|
|
|
Re: اسهل طريقة تودي بيها امك الـحج... يوجد سجائر وخمر بالداخل... (Re: راشد يحى مدلل)
|
Quote: راني
سبعين دولار في قول بستة بس يعني أربعمائة وعشرون جنية
انت يا راني ليك كم سنه علي هادي الحال عشان نعبر ليك سمح
ناذر الخليفة
أنا قلت الحكاية كلها تخلي حاجات عشان حاجات تانية ما قائل الحكاية بتساوي سعر طن أسمنت كل يوم |
ناذر دا عرفناه الكاس الفوق دا بيكون مزغلل ليه عيونو، انت مالك، ما بتعرف تقرأ ..؟ 70$ دي مكتوبة وين الحسبة هي كانت كالاتي:
Jack Daniel's Gold Medal 1954 Whiskey
دا بيكلف
43 $
x
4
مرات في الشهر= 172 $
x
3 شهور = 516 $
.
.
ودا حق السجاير
دخاني المفضل هو DU MAURIER SPECIAL KS 20 PK
تختلف اسعاره من محل الي اخر في محلات بي 13.50 $ وفي محلات 12.50 $
المهم نصيبي في اليوم علبة ونصف تقريباً او اقل شوية.
بتكلفة 20.00 $ تقريباً.
| |
|
|
|
|
|
|
|
|
|
Re: اسهل طريقة تودي بيها امك الـحج... يوجد سجائر وخمر بالداخل... (Re: الزبير صالح الزبير)
|
Quote: راني رمضان كريم
أنا ما حسبتها أنا أخذت كلام ناذر مسلما به وعلية بنيت المداخلة
لأنو بحسبة ناذر حج شنو الشوية دة انت ممكن تعمل وقف بحق البتاعات دي يودي كل سنة عشرة الحج |
الغريبة الزول دا كان زمان مرتب، اسي اتعود علي اللفحي الساكت، والرد الخارم بارم.
كنت داير لي حديد واسمنت وقلت نشوف ناذر، اصلاً دي شغلته، لكن بعد الطرطشة البيسوي فيها دي الا اكان نشوف لينا زولا تاني.
| |
|
|
|
|
|
|
|
|
|
Re: اسهل طريقة تودي بيها امك الـحج... يوجد سجائر وخمر بالداخل... (Re: rani)
|
!!!!
| Quote: لكن بعد الطرطشة البيسوي فيها دي الا اكان نشوف لينا زولا تاني. |
خلاص شوف نعيم علي أكان ينفعك 
يا راني الدنيا رمضان .. إنت شكيت وبكيت قلت الصيام عندكم طمنطاشر ساعة .. نحن في السودان أربعطاشر ساعة لكن كل ساعة بي ساعتين مما تعدون .. دايرني ما اغلط في حساب بتاعاتك دي !!
عامل صيامكم الكلو صقط دا
| |
|
|
|
|
|
|
|
|
|
Re: اسهل طريقة تودي بيها امك الـحج... يوجد سجائر وخمر بالداخل... (Re: ناذر محمد الخليفة)
|
Quote:
خلاص شوف نعيم علي أكان ينفعك
يا راني الدنيا رمضان .. إنت شكيت وبكيت قلت الصيام عندكم طمنطاشر ساعة .. نحن في السودان أربعطاشر ساعة لكن كل ساعة بي ساعتين مما تعدون .. دايرني ما اغلط في حساب بتاعاتك دي !!
عامل صيامكم الكلو صقط دا |
تعال انت وين الزول السجم دا، دا من ما عرس وجاب علي، اختفي تماماً. تحياتي ليهو بالله لو قابلتو.
انتو بتصومو 14 ساعة لكن بتنومو فيها 15 ساعة.
عامل صيامكم الكلو نوم دا.
| |
|
|
|
|
|
|
|
|
|
Re: اسهل طريقة تودي بيها امك الـحج... يوجد سجائر وخمر بالداخل... (Re: راشد يحى مدلل)
|
Quote: سلامات يارانى
تتخيل أنا بعمل عملية بذات فكرة عمليتك ومفادها كالاتى \' أنا شغال بى مرتب والحمد لله بقوم بحسب منصرفاتى على اساس المرتب
مرات بتجيك قروش الواحد ماحاسب عليها زى بدلات او زيادة سنوية فى المرتب زى القروش دى طوالى بقوم اصرفة ليك على حاجات خارج الميزانية او اقوم ارسلة لى زول بعرف انو محتاج ليها
ومرات بكون داير اشترى حاجة مااساسية زى موبايل مثلا او ملابس طوالى بقوم اغير رايى لى انو اعمل شيئ مفيد لبيتى او لى الناس الحوالينى
بما انى من غير المدخنين سالت نفسى أنا فى شنو ممكن أخليهو وتوفر قروشو لى حاجة مفيدة خصوصا انو أنا لى تجربة عمر مع الادخار من ايام علبة الفلين المحرومة من فوق ونقوم نجدع فيها ريال ورأ شلن عشان نشترى مجلد مبكى وسمير ومرة عجلة وكدة \"\" فدى دعوة للادخار للإنفاق على الهوايات وقضاء حوائج الناس الحوالينا وعمل الخير
بعدين بى المناسبة التدخين زاتو ماسمح ومضر بى الصحة اللى يمكن لى قدام تدفعك اللى وراك واللى قدامك \"\" وبرضو يمكن الوالدة تكتحك بى فاتحة فى بيت الله تعدلة عليك دنيا وآخرة ودى كلها من الاشياء الغير منظورة |
سلامات اخي راشد
عارف هي الحاجات الغير ضرورية كتيرة جدا وكل يوم تزداد مع ازدياد دخلنا " كل ما زاد الدخل كبرت المنصرفات"
وفي اكثر الاحيان بتكون المنصرفات في اشياء غير مفيده او ضرورية حقاً. ولكن نوهم انفسنا بحوجتنا الشديدة لتلك الاشياء
دي اسمها غش النفس لا شباع الرغبات، يعني يكون عندك تليفون وشغال كويس لكن تقوم تقنع نفسك انو تشتر ايفون 4S لانو حيساعدك في شغلك، في الدراسة، في البحث عن العنواوين
وووو . تعال نثبت دي. نعم كل الميزات دي موجودة في الايفون، ولكن هل ستتوقف حياتك من دونه؟ وماذا كان يعمل الناس قبل ان يظهر الايفون؟
دي ما دعوة لحرمان النفس من التمتع، بل دعوة لترتيب الذات واعطاء الاشياء اولوياتها.
مع فائق ودي
راني السماني
| |
|
|
|
|
|
|
|
|
|
Re: اسهل طريقة تودي بيها امك الـحج... يوجد سجائر وخمر بالداخل... (Re: rani)
|
Quote:
كدي خلونا في المهم:
الحج قالو قفل من يوم 16\7\2012
لكن قالو في طرق تانية، فيكم اي واحد عندو فكرة؟ |
اعمل للست الوالدة جواز امريكي تجئ اي مطار سعودي تدخل بفيزا من المطار ومن هناك علي عرفات
يا كدة يا تنتظر السنه الجاية وتقدم من بدري
في حاجة اسمها حج سياحي ودي ممكن ناس الخرطوم يفتوك فيها
| |
|
|
|
|
|
|
|
|
 Re: اسهل طريقة تودي بيها امك الـحج... يوجد سجائر وخمر بالداخل... (Re: Ashraf el-Halabi)
|
Quote: هههههه يا ود المدير ما تلاوز قلنا ما شاء الله
بعدبن احنا دناقلة يا رسول الله عينا باردة
اها لكن بس اوعى بعد الشغل السمح دا يكونو قاصين ضهركن بالضرايب زي ناس امريكا |
ود الشرى سلآمات،
ورمضان كريم.
يا زول نان هي ملآوزة نصاح!!!؟
والله اظن نحن ناسنا ديل أكعب من الأمريكان في الضرايب. تصور وآحد يومتا بيشكي لي من
الضرايب، قال لي بيشيلو مِنو11$ ألف في الشهر، وهو بيعمل حوالي 30$ ألف في الشهر.
بقلبي قتلو، الشكية العليك شنو؟. بعد شوية إستدرك قال لي، لكن محل ما أمشي إموري بتتسهل.
كان مشيت المستشفى بتعالج، كان عِدمت نفاخ النار بسكنوني، ويأكلوني ويشربوني، يعني
ضرايبنا ما وآقعة وآطة. والله يا ود البشرى، مرّة عربيتي في نُص الهاي وي فجأة بقت فيها
نار، وتعال شوف عربات المطافي دي ما تديك الدرِب، ومعاها عربات البوليس والإسعاف
بالإضافة للإسعاف الهلكوبتر كانت بتناور في الجو لحدي ما الفلم إنتهى. قلت سبحان الله،
هسّع دا كان عندنا في البلد أنا أحرق وآقف طولي الحكومة ما ترشني بكوز موية، بعد دا يقولو
ليك دمغة جريح، ودمغة بوستة، وقفة نفايات، وعتب وسلآلم، وهلُمّ جرا، ووكتك التقع زول
يقولك عينك في راسك مافي.
يا راني ناذر دا رسليهو كرتونة،
أقصد كرتونة بيبسي بيمسك خشموعليهو.
لكن كان خليتو ساكت، ترا بيقعد يلآهي كدي.
والله صحي...
| |
|
|
|
|
|
|
|
|
|
Re: اسهل طريقة تودي بيها امك الـحج... يوجد سجائر وخمر بالداخل... (Re: الزبير صالح الزبير)
|
Quote:
اعمل للست الوالدة جواز امريكي تجئ اي مطار سعودي تدخل بفيزا من المطار ومن هناك علي عرفات
يا كدة يا تنتظر السنه الجاية وتقدم من بدري
في حاجة اسمها حج سياحي ودي ممكن ناس الخرطوم يفتوك فيها |
سلامات اخ الزبير
نعم سمعت بالح السياحي دا لكن منتظر رد من السودان وعلي حسب الكلام بيكلف 18 مليون للفرد.
غايتو ناس الحج السياحي ديل بيلمو جنس "تمنطاشرات مليونات"
وان شاء الله بعد التمنطاشر مليون دي يكونو بيودهم بيت الله الخمسة نجوم ما العادي.
| |
|
|
|
|
|
|
|
|
|
Re: اسهل طريقة تودي بيها امك الـحج... يوجد سجائر وخمر بالداخل... (Re: rani)
|
Quote:
يا راني ناذر دا رسليهو كرتونة،
أقصد كرتونة بيبسي بيمسك خشموعليهو.
لكن كان خليتو ساكت، ترا بيقعد يلآهي كدي.
والله صحي...
|
المصيبة ياود المدير نرسل ليهو كرتونة كاملة، يقوم يقول جاتو ليلة القدر، ويقعد يقرطع لينا فيها واحده واحده لحدي ما يحصل امات طه ونبقي نحن السبب.
يمسكك خشمو عليهو؟ انت جادي؟
وحاتك دا لو جات طيارة ماشة بفوق وشايلة ليها كرتونة، صاحبك دا بالريحة ساكت يقعد يلقلق، يا عمك ديل ناس راسهم خفيف بشكل.
.
.
عارف لو كان بيقدر عليهو، كنت وحاتكـ اديتو الباقي دا، اصلو باقي لي صعب خلاص ادفقو،...... والله صحي.
ومعاهو الكبايات كمان.
| |
|
|
|
|
|
|
| |
rani
حبيب نورة
خضر الطيب
محمد البشرى الخضر
كمال عكود
عماد حسين
معاوية المدير
انور الطيب
Rihab Khalifa
محمد مصطفي مجذوب
حماد الطاهر عبدالله
ناذر محمد الخليفة
Zakaria Joseph
يحي ابن عوف
الزبير صالح الزبير
Ashraf el-Halabi
راشد يحى مدلل
فيس بوك
تويتر
انستقرام
يوتيوب
بنتيريست