|
Re: الطيب شيقوق ياخى تعال تانى عشان تفرح ليالينا ممنوع عماد الشبلى وال (Re: بدر الدين الأمير)
|
ود اللمير الجميل
اول حاجة أكان ود الشبلي ممنوع شوفوا البجيكم تاني
ياخ شوشو دا هو الفرح المعبأ كلو
Quote: بس شيقوق نجضك ونجض عازف الاياقع |
يعني كونو اسمّع المرتضى وود القرشي اغنية (بعد إيه) التي ابدع فيها عدولي بيكون نجاض؟
بطل السناحة يا بدري عشان اعود ليكم تاني
يا اخي شكرا شكرا على كرمكم الفياض الذي غمرتوني به
انا في مرحلة اعداد بوست لتغطية احداثيات تلك الرحلة
| |
|
|
|
|
|
|
Re: الطيب شيقوق ياخى تعال تانى عشان تفرح ليالينا ممنوع عماد الشبلى وال (Re: عماد الشبلي)
|
معتز القريش
Quote: ود شيقوق والله حمدا لله على سلامة العودة لديارك ثانيا يا المسنوح انت المفروض تشكر أب صلعة بكري ابوبكر وتشكر المنبر العام ثم تشكر هذا البوست الذي لو لاه لما نعمت بهذه الدعوة .. حررررم وطلاق بالتلاتة لو ما البوست دا ساندويش بيض من معصرة هندي في الصناعية ما تلم فيهو .. آي والله العوازيم دي كلها عشان البوستات دي وعشان الشوفونية وتكملة المنظر الناقص أصلا مظهرا وجوهرا .. وعقلا ودي الأهم يا زول والله مافي زول طفح ليهو عشوة في البيت دا عشان سواد عيونو ولا كرم ولا إكرام ولا تفريح ليالي ولا هم يحزنون كلو عشان البوست
الأغراض امراض الدعوات والبوستات حقتا هنا في الحوش دا لأسباب عدة سنذكر منها القليل القليل الغرض الظاهر للناس البعزموهم والبقروا هنا هو : *** شوفوني أنا كريم وأرباب وأخو أخوان وبكرم الضيفان أما الأغراض الخفية : 1- تعالو شوفو شقتي وعفشي وسياكاري الكوبي وسيارتي البي إم الوقفة جنب الباب 2- تعالو شوفو صور مصطفى سيد أحمد المعلقة في اركان بيتي وكيف أنا جزء من سيرة هذا العملاق 3- تعالو شوفو أنا بطرح مواضيع ثقافية وبناقش امور سياسية وبخالف ناس (حق) وهم بخافو مني 4- تعالو شوفو أنا أصحابي بروف فلان ودكتور علان والشاعر فلتكانوالكاتب ود أم درمان والمناضلة الدكتورة هناية الهنايية ـ تكملة عقدة نقص (الجهل) وكل ذلك للوصول إلى غرض واحد فقط (غير قابل للنشر لأنه من أسرار الصداقة)
يعني يا المسنوح انت عبارة عن أداة لتنفيذ أجندة خفية
يا المسنوح انت ما قاعد تعزم ناس في بيتك؟ وانت يا عزيزي القارئ أصلا ما حصل أكرمت ليك ضيف ؟ وانت يا عزيزي العضو يوم عزمت ناس هناي داك ما كنت قادر تجيب ليك كاميرا وتصور لينا إكرامك لهناي دا ولا حتى ما عندك صديق مصور محترف زي (الشبلي) أخوي دا يجي يصور ليك ولا حتى واحد هاوي زي (معتز القريش) دا عندو كاميرا وتقوم طوالي بعد هناي يطلع وتنزل لينا بوست وتملاهو بالصور
المصدر : راجع الصور أعلاه وأداء القسم والعنكوليبة وخلفية الصورة الجماعية
وعشان ما تقول أنا بجيب كلام ساي خارم بارم انتظر المداخلة الجاية بس عليك الله خليك صبور واقراها كلها ...
تنهدات : مش قلت ليك الأيام بيننا(دي السميتا انت تهديد) زي ما رفعتك هنا بالسلم ح أنزلك بالثعبان بتتذكر اللعبة دي
(عدل بواسطة معتز القريش on 19-07-2012, 06:45 A |
| |
|
|
|
|
|
|
Re: الطيب شيقوق ياخى تعال تانى عشان تفرح ليالينا ممنوع عماد الشبلى وال (Re: أبو ساندرا)
|
كتب معتز القريش و وثق :
Quote: بسم الله نبدا
جلسة على شرف الصحفى محمد الاسباط وود البشرى وبعض عواجيز الصحافة وآخرين
اهلا بهم في الدوحة عفاف ابوحريرة حفصة المحرب خالد المحرب طارق نقد
نادر ابوكدوك في الدوحة ولوكنت اعلم انه دفعة كيكى وخليل لمارحبت به
قطيعة في عماد عبدالله مع صلاح عبدالله ... البحبو ا...ول مصحوبين بشماراتهم
إحتفلنا بالسهروردى فى جو من عنصرية الحلفاويات صور وتعليقات
فى حضرة مصطفى سيد احمد غنى الموصلى وعمر الشاع...م (صور تحكى الروعة )
سمية الحسن طلحة اليوم التقيت شقيقى الاكبر د. حافظ ... فى محاولة للاعتذار
إتكاءة تحاورية مع الدكتور عبدالوهاب الافندى شارك ف... الدوحة صور وتفاصيل
في حضرة خالهم سيد أحمد مكاوي وحضور ود البـيـه .. ص...ملان الطرب صورة وصوت
سهرتنا مع علي السقيد.. والقريش عازفا وعماد يرسم ال...يفا وكوستاوي بالهاتف
الشئ شنو عامل فيها حاتم الطائي مثلا
يا المسنوح هذا غيض من فيض يعني ما تفرح شديد وتقول انت براك الاحتفلوا بيك ولسة جاييك بالمزيد
تنهدات : مش قلت ليك الأيام بيننا(دي السميتا انت تهديد) زي ما رفعتك هنا بالسلم ح أنزلك بالثعبان بتتذكر اللعبة دي |
يا معتز انا ما مهتم بغرضك مع صاحبك ومديرك السابق وماعندي شغلة بحملات البدر الترويجية ، هذه من حقوقه وله ان يمارسها كما يشاء
انا محتار في رجال قامات بيقبلوا ان يختوهم في هذا الوضع البائس ويكونوا جزء من الكمبارس ، أو ماسميته انت يا معتز ، ادوات في الأغراض الخفية قد يكون معظهم غير عالمين بالاغراض لكني متأكد أن بعضهم ، وهم المشاركين دائمآ .. على علم بالمطلوب
المهم يا معتز أبدآ ما تكشف السبب ، إحترامآ لإسرار الصداقات ، أقصد ذلك غير القابل للنشر أكتفي فقط بالتلويح الذي فعلته و أنسى و إحتسب
| |
|
|
|
|
|
|
Re: الطيب شيقوق ياخى تعال تانى عشان تفرح ليالينا ممنوع عماد الشبلى وال (Re: بدر الدين الأمير)
|
Quote: يا معتز انا ما مهتم بغرضك مع صاحبك ومديرك السابق وماعندي شغلة بحملات البدر الترويجية ، هذه من حقوقه وله ان يمارسها كما يشاء
انا محتار في رجال قامات بيقبلوا ان يختوهم في هذا الوضع البائس ويكونوا جزء من الكمبارس ، أو ماسميته انت يا معتز ، ادوات في الأغراض الخفية قد يكون معظهم غير عالمين بالاغراض لكني متأكد أن بعضهم ، وهم المشاركين دائمآ .. على علم بالمطلوب
المهم يا معتز أبدآ ما تكشف السبب ، إحترامآ لإسرار الصداقات ، أقصد ذلك غير القابل للنشر أكتفي فقط بالتلويح الذي فعلته و أنسى و إحتسب |
يادكتور بركات شايفك لقيت ليك وجه شبه مع العقيد .... واكيد لمة زى لمتنا دى بتوجعك وطلع امراضك لانها في تكوينك مافي
| |
|
|
|
|
|
|
Re: الطيب شيقوق ياخى تعال تانى عشان تفرح ليالينا ممنوع عماد الشبلى وال (Re: بدر الدين الأمير)
|
الاخ الاستاذ بدر الدين
والاخ الاستاذ الشبلى
واخونا وولدنا المحتفى به
وجميع ضيوفك الكرام
السلام عليكم اجمعين .. ورمضان كريم وكل سنة وانتم بالف خير
اول شيىء نسالك يا ود الامير
( علاقتك شنو بآل البلول .. فى كوستى ـ الاستاذ هاشم مئلا ) ( وعلاقتك بآل على طه ـ اربجى ..؟ )
ويا ود شيقوق .. وين خلّيت الاستاذ آدم ـ المحامى ؟ له محبتى
وعشان ابيت تجينا و ومحبتنا جميعا للراحل الاستاذ مصطفى جعله الله مع الصديقين والشهداء .... آمييين
ننزل ليكم هذا الجمال :ـ
مــن بــعــد مــا عــزّ الــمــزار
من بعد ما عزّ المزار والليل سهى .. وملّت نجومو الانتظار والشوق شرب لون المواويل ..وانجرح خاطر النهار من بعد ما عزّ المزار وبقيت اعاين فى الوجوه واسال عليك وسط الزحام قبال اتوه يمكن الاقى البشبهك ما الليل براح والشوق تعالى بيندهك سايقاهو وين النيل معاك ...؟ عصفورة جنحاتا النجوم .. وانا بى وراك بسأل عليك مدن .. مدن واعصر سلافة الليل حزن بسأل عليك فى المنفى .. فى مرفى السفن يمكن طيوفك اخريات الليل تمر تملا البراحات للحزين طول العمر ما نحن بينا الامنيات والتضحية بينا المعزّات والعذابات فى الحياه يتا الهوى ... واخلاص على قلبى انكوى وكلام كتير قلناهو آخر الليل سوا انّو راح نتلاقى لو طال النوى لكن كلامنا الكان .. وكان خايف يكون شالو الهواء
شكرا شكرا .. عبد العال سعيد .. الشاعر القدير
كامل مودّتى
| |
|
|
|
|
|
|
Re: الطيب شيقوق ياخى تعال تانى عشان تفرح ليالينا ممنوع عماد الشبلى وال (Re: أنور سيد ابراهيم)
|
Quote: ( علاقتك شنو بآل البلول .. فى كوستى ـ الاستاذ هاشم مئلا ) |
انو سعيد لك القدير ياسيدى البلولاب او آل بلول او البلياب منتشرين في معظم مدن وقرى وسط السودان ويتمركزون بشكل اكتر في مناطق اربجى والمسلمية ونايل وودعبدالعزيز وقوز احمد انور وجدهم الكبير الشيخ حمد ود ابوزيد البصيلابى المذكور في الطبقات وههو مدفون في اربجي وقبته من اقدم القباب على ضفاف النيل الازرق ....
Quote: ( وعلاقتك بآل على طه ـ اربجى ..؟ )
|
انا من اربجى وعلى طه كان عمدة اربجى وفي اربجى الانساب والاعراق متداخلة
تصويب: شاعر اغنية المزار هو الشاعر عبدالعال السيد ومصطفي غنى له ايضا اغنية الدنيا ليل غربة ومطر
| |
|
|
|
|
|
|
Re: الطيب شيقوق ياخى تعال تانى عشان تفرح ليالينا ممنوع عماد الشبلى وال (Re: الطيب شيقوق)
|
الحبيب شيخ الطيب
لك الود الخالص
اخونا وحبيبنا استاذ هاشم بلول المحامى ـ حفظك الله وحفظه
ليست لهم علاقة بناس على طه باربجى ... ولكن قرأت
بروفايل الاستاذ بدر الدين .. فاسمه يحكى انه من آل البلول
ومنطقته اربجى
فربطت الموضوع ربما له علاقة بكليهما
لان هؤلاء الناس من خيرة اهلنا بكوستى
دمتم جميعا بالف عافية
وسلم على آدم اخوى .. ولازم العصيدة تكون حاضرة
وهنيئا لكم
| |
|
|
|
|
|
|
Re: الطيب شيقوق ياخى تعال تانى عشان تفرح ليالينا ممنوع عماد الشبلى وال (Re: الطيب شيقوق)
|
القرعي : واكيد لمة زى لمتنا دى بتوجعك وطلع امراضك لانها في تكوينك مافي -----------------------------------------------------------------------------
البيوجعني حقآ ، أن الناس على نياتها يأتون ليحتفون أو يواجبون وغالبآ ما بيدور في خلدهم ان هناك أغراض ، حسب كلام صاحبك البيعرفك
ثم توجعني ليه ، وانت وجهت لي الدعوة مليون مرة عشان اشارك وفي كل مرة كنت بعتذر ، مرة متحججآ بإقلاعي عن السهر ومرات متحججآ بأن عيوني لا تحتمل التدخين والروائح النتنة
أخيرآ : ممكن شرح عبارتك الفوق لأني ما فهمت شنو المافي في تكويني ؟ أمراضي و أوجاعي أم اللمة ؟
مافهمت والله
| |
|
|
|
|
|
|
Re: الطيب شيقوق ياخى تعال تانى عشان تفرح ليالينا ممنوع عماد الشبلى وال (Re: أبو ساندرا)
|
Quote: المهم يا معتز أبدآ ما تكشف السبب ، إحترامآ لإسرار الصداقات ، أقصد ذلك غير القابل للنشر أكتفي فقط بالتلويح الذي فعلته و أنسى و إحتسب |
اطمئن يا عزيزي وخت في بطنك لوري بطيخ ليس معتز القريش من يكشف اسرار صديقه
لو فعلت ذلك يا ابا ساندرا لقام أبي (رحمه الله) من قبره ولوقف أمام الملأ وقال بصوته الجهور انت لا ولدي ولا بعرفك نحنا ما عندنا خيانة من أي نوع كانت
| |
|
|
|
|
|
|
Re: الطيب شيقوق ياخى تعال تانى عشان تفرح ليالينا ممنوع عماد الشبلى وال (Re: معتز القريش)
|
Quote: أخيرآ : ممكن شرح عبارتك الفوق لأني ما فهمت شنو المافي في تكويني ؟ أمراضي و أوجاعي أم اللمة ؟
مافهمت والله |
هههههههههه كان تفهم سميني (عِصَيْدة) تفهم شنو ياخ انت بتهظر ولا شنو
تتذكر في المدرسة لما يقولوا ليكم ضع كلمة (تكوينك) في جملة مفيدة
أو لما الشافع يلقط ليهو كلمة جديدة ويقوم يقشطا ليك في أي حاجة
بس قرط على كدا
تنهدات : مش قلت ليك الأيام بيننا(دي السميتا انت تهديد) زي ما رفعتك هنا بالسلم ح أنزلك بالثعبان بتتذكر اللعبة دي
| |
|
|
|
|
|
|
Re: الطيب شيقوق ياخى تعال تانى عشان تفرح ليالينا ممنوع عماد الشبلى وال (Re: أبو ساندرا)
|
Quote: واكيد لمة زى لمتنا دى بتوجعك وطلع امراضك لانها في تكوينك مافي |
اكيد : يقينا
لمة : تجمع
زي : مثل
لمتنا : تجمعنا
دي : هذه
بتوجعك : بتألمك
وطلع : واخرج
امراضك : اوجاعك وعللك واسقامك .... جميعها توي الغرض
لانها : ماعرفت ليها مرادف والله
في تكوينك : في خلقك وانشاءك
مافي : لاتوجد
المحصلة :
يفينا تجمع مثل تجمعنا هذا بتألمك واخرج اسقامك لانها في خلقك وانشاءك لاتوجد
مرتضي الصحاح من كتاب الشرح الوافي لعبد الحليم المتعافي
| |
|
|
|
|
|
|
Re: الطيب شيقوق ياخى تعال تانى عشان تفرح ليالينا ممنوع عماد الشبلى وال (Re: الطيب شيقوق)
|
Quote: إلى من لا يعرف بدر الدين الأمير سوى عبر المنبر العام
عند زيارة والد بدر الدين ووالدته الدوحة العام 2010 دعانى بدر الدين لغداء بمنزل شقيقه على شرف حضور والديه الكريمين فأدهشنى بمنزل شقيق بدر الدين وجود اطفال دون العاشرة يقومون بصب الماء على أيدى الزوار لغسلها عقب الأكل (هذا سلوك حميد غاب عن الاسر الحاضرة كثيرا ربما بفعل العولمة ) بنفس الطريقة التى تتم فى السودان بمنزل الأسر العريقة التى تربت على نهج التصوف والأدب المشهود فى اربجى -مسقط راس بدر الدين وإحدى اكبر مراكز التصوف بالسودان كما شهدنا فى (طبقات ود ضيف الله ) ... كذلك فى إحدى زياراتى للدوحة للعمل أصر بدر الدين ليلة وصولى على قضاء بعض الايام بداره بل قام بأخذى بعد منتصف الليل لحظة وصولى من شقة شقيقى عبدالكريم سلوك حميد يمتاز به بدر الدين فى الإحتفاء بالضيوف بمدينة بالخليج العربى تعج بالكثير من السودانيين الذين لايرد جلهم السلام فى الشارع ناهيك عن دعوة زائر لمنزله (عشت بعدة دول خليجية سنوات طويلة جدا وأتحدث عن تجربة) بدر الدين كعضو إسفيرى وكائن بشرى له عدة عيوب مثلى ومثل غيرى لكن بوضوح وثقة ليس من عيوب بدر الدين دعوة ألأحباب وألأصفياء والزوار لداره الرحبة فهذا سلوك راقى وحميد ونبيل يحسب لبدر الدين لمن لأيعرف بدر الدين سوى عبر المنبر أقول عن ثقة بدر الدين كريم لابعد درجة ودعواته للضيوف زوار الدوحة تلقائية لانه جبل على الكرم الذى فى الغالب مصدره تربيته وسط أسرة عريقة جدا أعتز كثيرا بمعرفة بعض أفرادها عن قرب أرجو يابدر الدين ان يتواصل نهجك فى الإحتفاء بالضيوف الذين يزورن الدوحة أكرر بدر الدين كبشر وشبح إسفيرى له عيوب عديدة لكن ليس من عيوبه دعوة الزوار لداره الرحبة المضيافة |
يا أحمد الأمين تحياتي يؤسفني اقول ليك كلامك دا تبلو وتشرب مويتو انت لا تعرف بدر الدين بقدر معرفتي به (زي ما قال هو عن معرفتو بي) لك أن تقول عنه ما تشاء ولي ان اقول الحق وعزيزي القارئ فطن وذكي وبفهم ..
بدر الدين اذا لم يتوقع منك مصلحة لا يرد عليك السلام ولا حتى الهاتف مثله مثل ناس دول الخليج العشت فيها قال كريم قال هههههه يا أخوي اسال الناس العايشة معاهو هنا
يا زول دي معرفة 23 سنة لا مجال بعدها للكذب على الناس والظهور بصورة مختلفة عن الحقيقة
تنهدات : تتذكر لما قلت ليك الأيام بيننا زي ما رفعتك هنا بالسلم ح أنزلك بالثعبان تتذكر اللعبة دي ؟؟
| |
|
|
|
|
|
|
Re: الطيب شيقوق ياخى تعال تانى عشان تفرح ليالينا ممنوع عماد الشبلى وال (Re: بدر الدين الأمير)
|
عزيزي ناصر
و من منا لا يتمني ان يظهر سعادته بأستقبال او استضافة كريم مثل مولانا ود شيقوق لك التحية استاذ بدر الدين.
كنت اتمني ان لا يحيد هذا البوست عن مسار التحايا و تبادل مشاعر الود و الاحترام علي الاقل عشان خاطر مقام رفيع و محترم كمقام ضيفيكم يا ناس الدوحة.
و الله عيب !!!!!! الدنيا رمضان
كل عام و انتم جميعا بألف خير و مودة
شكرا ليك يا العزيز على هذا الكلام الطيب
نعم نعم نعم نعم
كنت اتمني ان لا يحيد هذا البوست عن مسار التحايا و تبادل مشاعر الود و الاحترام علي الاقل عشان خاطر مقام رفيع و محترم كمقام ضيفيكم يا ناس الدوحة.
| |
|
|
|
|
|
|
|