|
|
 كلام الداخل ليكم في المهاجر والمنافي البعيدة#
|
لكل الاهل والاحباب
تحية أهلنا العفويه البهيه حبابكم عشرة
طبعا أنتو ما عارفين نحن منو وقياداتنا منو لكين نحن بأن أكد ليكم أننا أولاد وبنات السودان من كل القبايل والسحنات وكمان كل الاديان دي حقيقة جمعنا حب البلد وحلاوة خصال ناسا ما عندنا مطامع في السلطة أحلامنا بالجد بسيطة (لقمة وعلاج وتعليم وأمان لكل أهل السودان )كلنا بنفتش لسترة الحال ما بينا طماع ولاعميل حقيقة الوضع أصبح صعب للكل من مسألة المواصلات وكان لتعليم ولا العلاج وحريات والله المويه الزرقه في المواسير مافي! وتعالوا شوفوا عمايل أهل السلطة عماير وعربات وكمان منافسة في الزوجات خلينا من الفساد وأستغلال السلطة وتهريب الاموال والدهب وأنتو لو معنا تموتوا هم وغم بس نحن عارفين أمكن المشوار طويل والتضحيات كبيرة ولازم من قيادات سياسية واعية تعمل معنا لكين الخوف مسيطر علينا المعارضة بالجد ضعيفة ومخترقه وكمان مشاركةفي الحكومة وهي جزء أصيل من الواقع دا عشان كدا قررنا تكون حركة وطنية خالصه حتي اللي متحزبين مننا رأيهم من نفس الرأي دا وعملناعلي توحيد لتلاتة كيانات هي قرفنا وشرارة والقيادة الجماعية لطلاب ولاية الخرطوم وبعض الافراد في الاحياء السكانية اللي أثبتوا أنهم جماعات منظمة حتي لو كانو عشرة ومعنا الان نقابة الاطباء الشرعية والمحامين الوطنيين وشبكة الصحفيين السودانيين وتجمع معاشي السكة حديد وكذلك أتحاد معاشي البنوك وجماعة علماء السودان الشرعية ومجموعة معاشي شرطةالسودان وكذلك جمعية ضباط لواء الحق وغيرها من الكيانات النقابية والفئوية والطلابية نحن هنا محتاجين بس وقفة جادة ودعم أعلامي عشان العالم يعرف قضيتنا والحمدلله رجال الاعمال الاحرار وفروا كل الدعم الممكن لينا هنا بالداخل من الاكل والمأوي والعلاج بل كذلك الادوات التي تخدم هذا التحرك بالجد ما كنا متوقعين نجد دعم ومساندة كان فوق الخيال والتصور أنهم أهل السودان الحبيب
لكين الوضع مأساوي العشرات جراحي وعدد المعتقلين كل يوم في زيادة وتشريد الطلاب من أماكن السكان وقطع الماء والكهرباء عن الداخليات مستمر وكذلك المحاكمات والاحكام كلها بالجلد وهنالك أكثرمن مائة ناشط وناشطة لا يعرف مصيرهم غير الذين هم جرحي في حاجة مأسة لجراحات عاجلة غرف العمليات للقيادات الميدانية عاجزة تماما في أنجاز كل الاعمال اليومية لان الرقابة المستمرة علي المتطوعيين جعلت من الصعب أنجاز مسائل العلاج والدعم اللوجستي لبعض مناطق تواجد الثوار معجزة أن تتحرك دون تفتيش أو مراقبة لصيقة
أننا بالرغم من الظروف التي نعيشها وكذلك قياداتنا الميدانية نعاهد الجميع بأن نظل علي ميثاق الشرف الذي ألتزمنا به بين بعضنا البعض وعقدنا العزم علي أن نواصل المشوار مهما كان الثمن والتضحيات وعليه نناشد الجميع عدم الخوض في مسألة من نحن ومن سوف يخلف النظام ولا نعطي أي حزب دور في هذا الحراك قبل أن نبلغ غاياتنا ويكون هم الجميع الخلاص بكافة الوسائل السلمية هذا هو الجزء الاهم من خطة عملنا علي الارض .
عاش السودان حرا ونحن علي الدرب سائرون وهذا عهدنا معكم .
صغار الثوار في عاصمتنا الخرطوم
|
|
  
|
|
|
|
زهير عثمان حمد
ابوعسل السيد احمد
Tragie Mustafa
فيس بوك
تويتر
انستقرام
يوتيوب
بنتيريست