|
|
|
 Re: عفواً بورداب الدوحة ، لهذه الأسباب مجتمعة أعيدوا لنا DKEEN ! (Re: walid taha)
|
دكين عندما حزم حقائبه قاصدا مضاربكم حزم معها مخزون ادبي واسع يشهد به الكل ، أدبٌ عتيق وافر كان جله من وحى صحاري نجد ورمالها .
تجاهلتم هذا المخزون ولم تقدموا له ما يشحذ خياله ليبدع وبدلا عن ذلك اصطحبتموه الى "فلاجيو" و"سيتى سنتر" وغيرها من الأماكن ولم تراعوا فى ذلك طبعه البدوى النجدي فطفق يذهب اليها ويرتاد دور عرضها منصرفا بذلك عن الكتابة والإبداع .
يستتبع،،،
| |
 
|
|
|
|
|
|
|
 Re: عفواً بورداب الدوحة ، لهذه الأسباب مجتمعة أعيدوا لنا DKEEN ! (Re: DKEEN)
|
| Quote: يعني ياوليد السي في بتاعك أنتا وحمزاوي اديهم لود القريش؟ |
لوووووووووووووووولز يا ود طه دكين بعرف من أين تؤكل الكتوف والله صحي
برة الخليج
يا دكين ود بيوت الطين
لا هذي ولا تلك ولا الدنيا بمن فيها تساوي رقصة الخرطوم يوم النصر يا سمرا !!
دحين تعالنا نحن بي جاي في برارى الآيرش والأسكتلنديين طبيعة ساحرة تسحر كل من عاش وسطها
تعال حبابك ألف , الفيزا عليك والإقامة علينا والله صحي
والله تبدع جنس إبداع لامن تقول كفى
سلام يا ناس الرياض السمحين وناس الدوحة الطيبين وبين الإتنين شوامخ كما انخيل بلادي
إن خيروني بين الإتنين لتهت في صحارى نجد واسواق واقف
التحية ليك اخي وليد ولكل احبانا في الرياض وادوحة الجمال
وسلام مدنكل لي دكين وشوقنا باهل لي كلامو الرصين
| |
|
|
|
|
|
|
|
|
|
Re: عفواً بورداب الدوحة ، لهذه الأسباب مجتمعة أعيدوا لنا DKEEN ! (Re: اسماء الجنيد)
|
سوما ذات الاحوال السمحة..
أنا لو من وليد ده ارجع حامد نارتي..*
وليد ده اصلا صحبة فقرانين وبيوت الطين..ينتهي بانتهاء مراسم الفقر والفآقة..
أنا ماكنتا متصور انو لسه ماكرو ذاتو..مع أني بتذكرو فقط لأمن الاقيهو..
-------اصلا الرياض دي لو أنا ماكنتا ضامن انو يوم انتي حتجي بي غادي ،كان عمرتا وأفتكيت بدري بدري
بس الحدس السابع الجميل..ولأجل. الغيم بنقيف في الهجير..
فلو ما عندك مشية للرياض قريب فاني انصح. وليد وحمزاوي. وود الموج المفترى عليه بانهم يحجو السنة دي ويتخارجو..
فقد قضي. الامر لسنين خلت
| |
|
|
|
|
|
|
|
|
Re: عفواً بورداب الدوحة ، لهذه الأسباب مجتمعة أعيدوا لنا DKEEN ! (Re: DKEEN)
|
ويرجع للرياض ليه يعنى؟؟؟
عشان يموت فقران تانى؟
ياخ الراتب الكان بياخدو فى الرياض ،، بيصرفو فى وجبة عشاء واحدة هو والحنان بتاعو فى ايتها مطعم فى الدوحة ،
تقول لى الرياض ؟؟؟
رياض بتاع حنانك
الرياض دى ما يخلوها ليك يا وليد
يخلوها لى تلول
يخلوها لليسر،،،
دكين الله مرقك يا زول ، وشاحد ربى يمرقنا انحنا كمان
على الاقل عشان البالى بالك داك ، طبعآ انا واخوى الكاشف الانت عارفو
بعدين يا وليد الكتابة بتذيدو فقر، انت داير ترجعو لى شغل الجرورة تانى مالك؟
ـــــــــــ
خارج الموضوع
كلمت ليك الزول وقال لحدى الاسبوع الجاى ، كويس معاك؟؟
| |
|
|
|
|
|
|
|
|
|
Re: عفواً بورداب الدوحة ، لهذه الأسباب مجتمعة أعيدوا لنا DKEEN ! (Re: هيثم درار)
|
Quote: خارج الموضوع
كلمت ليك الزول وقال لحدى الاسبوع الجاى ، كويس معاك؟؟ |
يابو درار لحدي الاسبوع الجاي وليد ده ممكن يمشي الحائر*
كلم زولك ده يتصرف انشالله بي راس مالا..وليد ده مهمن كان برضو راجل اخونا وجلدنا ما بنجر بيهو الشوك..
_____________
وتقول لي الرياض ياوليد وانتا راجل على عتبات الحائر*
-----------
الحائر: هو نظام اصلاحي تاهيلي للمعثرين وضحايا الاخلاق الضيقة والخارجين عن الانظمة، ويسمى احيانا السجن العام للمنطقة الوسطى..
| |
|
|
|
|
|
|
|
|
|
Re: عفواً بورداب الدوحة ، لهذه الأسباب مجتمعة أعيدوا لنا DKEEN ! (Re: walid taha)
|
| Quote: فال الله ولا فألك ياحاقد |
قطعت جهيزة قول كل خطيب (*)
أخونا وليد،، أما وقد كان الحديث هنا عن ( عزيز شلال ) وأرض الحجاز ، فهذا سهمي أرميه وأمضي..
إنبهال الصفحات تدل على المعاناة وقلة الشغلة، وليس هذا ذماً، لكن ده الحاصل فعلاً..
الدخول الى قطر بعكس السعودية...
السعودية ولإقبال السودانيين عليها وسهولة دخولها (فيزة عمل أو حجة/ زيارة وزوغة)
فأي شغلة تلقاها قدامك تخش فيها ، وخلاص،، وما تجنيه لا يكاد يكفيك..
هذا إذا كنت محظوظاً ، والله عفاك من سكن (الجمعية)التي تتمدد فيها ( جتت ) تنِزُ أرزاً وعدساً
وأفضال زاد من لحوم ودجاجاً ، وكثيراً من (الرطانة)..
دكين حينما أتى الى قطر (والقروش مطر) جاء ليعمل في مجاله (مستشار قانوني أد الدنيا)
ليبدع في عمله الذي حرمته منه رمال نجدٍ ووعثاء أسمنت الرياض الكبيرة ، وعسس الطريق ،
وسؤال الهوية ، التي لم يحسم أمرها حتى الآن فيما تبقى من السودان..
غادر وكسر وراءه قلتين واحتفظ بالثالثة ليملأها عملاً ومالاً، وأسرة، وأمنيات تحققت ، وأخرى في الانتظار..
هو نحن الطلّعنا من بلدنا شنو؟؟ ما ياهو قعد نفتش في العيشة (الآدمية) الطبيعية !!
اتخارج دكين قبل أن تخرج روحه المتمردة، وتفكفك من دائرة الإغتراب التقليدي باحثاً عن العيشة (الآدمية) الطبيعية
مفارقاً الكفيل ومعاناة إرضاءه ، وتقديم فروض الولاء والمسكنة والدفع حتى مقابل هوا الله ده..
ثم أن الحديث المقطوع الذي مفاده أن (علْمِي مَعِي أَيْنَمَا يَمَّمْتُ يَتْبَعُنِي، بَطْنِي وِعَاءٌ لَهُ لا بَطْنُ صُنْدِوقِ
إِنْ كُنْتُ فِي الْبَيْتِ كَانَ الْعِلْمُ فِيهِ مَعِي أَوْ كُنْتُ فِي السُّوقِ كَانَ الْعِلْمُ فِي السُّوقِ) والذي إنطبق عليه وطبقّه هنا،
لم يكن من مجال لإعماله -هناك- فإن كان في السوق (دكين) كان العلم في البيت..
غايتو يمكن تكون الدوحة ( لعزيز) وكتدرح طبيعي ، هي الخطوة ما قبل الأخيرة
أما الخطوة الأخيرة ، فما معروفة وين ومتين.. إحتمال تكون من الشمال لليمين
فلقد مللنا الضاد واعرابها..
ثم إن لي يا ( وليد ) وشائج وارحام بحامد نارتي - ده لو إنت من هناك -
أشهرهم خالنا أحمد سلطان (رحمه الله) من أشهر (السواقين) وأجدادي علي حامد ويوسف حامد وغيرهم ..
لهم ولك ولدكين وأرض الحرمين ودوحة الخير السلام ..
----------
*جهيزة.. أمة عربية، هي محور هذا المثل العربي القديم، الذي خلد اسمها، أو هي التي خلدته على مر السنين..
وأصل هذا المثل، أن قوماً اجتمعوا يخطبون في صلح بين حيين من العرب، قتل أحدهما من الآخر قتيلاً، ويسألون أن يرضوا بالدية، فبينما هم في ذلك، إذ جاءت (جهيزة) الأمة، وهي تقول: إن القاتل قد ظفر به بعض أولياء المقتول فقتله..! فقالوا عند ذلك: (قطعت جهيزة قول كل خطيب).. أي قد استغني عن الخُطَب..! فأصبح المثل سائراً بين العرب، يضرب لمن يقطع على الناس ما هم فيه..
مداخلة بها الكثير من ( عدم الشغلة ) فعذراً إنه يوم السبت..
| |
|
|
|
|
|
|
|
|
|
Re: عفواً بورداب الدوحة ، لهذه الأسباب مجتمعة أعيدوا لنا DKEEN ! (Re: nadus2000)
|
ياخ انا وجليل (نادوس) ممكن مثلا يوميا نقعد نشرب شيشة قدام الفيلا حقتو خالف كراع في كراع ولابس برمودا موردة عليها شمسيات ملونة بتتفرج في الخواويج وهم يستمتعن بما تمنحه لهم الملابس القطنية ذات السيور المستفزة..
وموش كده وبس ..تكون بتربت بيدك التانية الماماسكة خرطوش الشيشة على راس ###### بياكل في الاسبوع معلبات اناوانتا وايمن تنقو كنا بناكلها عادي ومن شهر لي شهر..
هنا عادي تخش يوم الخميس سينما او تمشي تركب سكاي جت في البيتش..بينما يوم الخميس معاك انتا وتنقو وطارق كنا بنمرق الخلا والصي ..ذي جماعة قصدت التبول..
نمشي نتكل على اطراف وادي لبن نجتر من يابس السودان ماشئنا..ولامن تجي الساعة تلاتة صباحا نتخارج ونحن نسال الله الثبات ..
---------
خارج النص
وليد اعمل لي ابديت لي السي في في حتة العمر دي ..ورسلو تاني :)
| |
|
|
|
|
|
|
|
|
|
Re: عفواً بورداب الدوحة ، لهذه الأسباب مجتمعة أعيدوا لنا DKEEN ! (Re: Salah Abdulla)
|
شايف ياوليد المعلقة القاطعا فيني صلاح عبد الله دي؟؟
اهو اعاد اكتشافي بصورة شفافة تتناسب مع الوضع الجديد..وقال فيني مالم يقله غريبة في حبوبتو..
وقد صدق حين قال:
| Quote: اتخارج دكين قبل أن تخرج روحه المتمردة، وتفكفك من دائرة الإغتراب التقليدي باحثاً عن العيشة (الآدمية) الطبيعية |
وليد ياصلاح فكرة الحياة عندو تنحصر في تلاتة
بيت وشغل وكرولا نسيبو..
خلاص انتهت القصة..
قبل شهور قليلة من الخروج الكبير..
جاني وليد وهو كان وقتها معرس ومنغنغ وسايق كورلا حقت نسيبو، وانا يومها اقيم في غرفة كبيت الثعلب، جاني وقال لي وكأنه يبحث عن من يشاركه الكارثة- ياخ انتا حتعرس متين؟
الوكت داك انا بفكر في الانتحار او التسلل الى قافلة عبر الربع الخالي..
كان سؤاله في غير مسألة.. سؤال زول معرس سايق كرولا نسيبو..
بسموهو عندنا في القانون وانت العالم (استفزاز شديد مفاجي) وهو كما تعلم كان في قوانين العقوبات السودانية بتاع 74 واحدة من مخففات جريمة القتل العمد..
يعني تقتل ليك زول وانتا مستفز استفزاز شديد مفاجي بتمرق من الشنق عادي..
وبالطبع لم يكن من الممكن الفتك بوليد لانو انا مروتي ذاتا ماكانت شايلاني..يوم تلقى مروة ويوم ماتلقى مروة..
اله مرقو بس من براثن غضب الفقير..
وغضب الفقير ده ذي شلوت الترزي وبونية الــ...... وعي الخلاق..:)
قال نجد قال؟؟
انا اقعد اباري مكايد حمزاوي وانتهاكات العرب ابتداءا من عرب العتيبية لحدي عرب الجعلية ناس ود الموج؟
تقبل جاي تلقى حمزاوي تقبل غادي تلقى الموج ..تعاين تحتك تلقى غريبة.. معقولا بس
دي بلد غريبة ياخ..
البلد الفيها غريبة البجيب الريح ..فسيها واستريح..
| |
|
|
|
|
|
|
|
|
|
Re: عفواً بورداب الدوحة ، لهذه الأسباب مجتمعة أعيدوا لنا DKEEN ! (Re: Salah Abdulla)
|
| Quote: قطعت جهيزة قول كل خطيب (*) |
سلاه أبدلله سلام عليكم
القائل ليس بدكين ، كما أسلفت هو شيطانه
فأرجو ان لا تستمعوا إليه
دكين فى آخر زياراته للرياض - وكنا نخرج سوياً- كان يزور هذا وذاك ويقف فى كل الأمكنة مبدياً تحسره
ولسان حاله يكاد أن يقول (إرجعونى أعمل عملا صالحاً) :)
--
حامدنارتي عروس النخيل ، عمكم احمد سلطان (رحمه الله) تعرفه رمال أبوضلوع وتبريد الباجة خير معرفة سافرنا معه قبل سنوات بعيدة وكسرنا فى الخلا أسبوع :)
تحياتي،،
| |
|
|
|
|
|
|
|
|
|
Re: عفواً بورداب الدوحة ، لهذه الأسباب مجتمعة أعيدوا لنا DKEEN ! (Re: walid taha)
|
دكين غادر رياض الخير وهو فى كامل بهائه تضج صفحات المنبر ببوستاته حتى (تنبهل) الى صفحة أولى وثانية وثالثة وتمتد ، فكتب فى الجمال وفى العفن وفى السياسة وفي الحناء وفى الحب حتى بلغ مشارف عتبات القلب
اليوم بالكاد نراه ،عدد زهيد من البوستات وبعض المداخلات الخجولة هنا وهناك
!!!!
---------------------------------------------------------------------------------------------------------------------
ولم أو فيم العجب ؟
يقولون ، من رحم المعاناة يخرج الإبداع
إنطبقت المقولة على الوغد
ولكن أخرون أكثر عمقآ ومعرفة ، يقولون أن زمن الدعة والراحات
بيخرج عجائب
الآن الوغد في مرحلة إنتقال ، وللحين هو غير مصدق
خاصة وإن الإنتقال لم يتوقف عند حد الوظيفة والبرادو
ولكن الإستقرار في اجواء الأسرة والطيبات مع تطور نوعي في نظام السكن
دعوه يصدق ثم يمتلي ويكمل مرحلة الإتنقال ثم يكتمل الإنتقال ببلوغه مراقي الدعة وحينها ح تشوفو العجب
وحينها ، أيضآ تنطبق مقولة العارفين على الوغد
واغادوغو
على الذين لا يقوون على الصبر و يملون الإنتظار
عليهم إجترار القديم
| |
|
|
|
|
|
|
|
|
|
Re: عفواً بورداب الدوحة ، لهذه الأسباب مجتمعة أعيدوا لنا DKEEN ! (Re: walid taha)
|
"عزوبية دكين" كانت أحد ركائز أدبه فكتب "بنت فى هيلمانة" و"أرواد القرمصيص" وغيرها من الدرر مارا ببساتين البرتقال وثمارها ومواسم القطاف فقال ما قال فى امر عزوبيته وكاد أن ينتهى به المآل الى العزوف ، بيد أن شئ فى داخله أشار له ان أستمر ، من هنا من زمهرير الرياض وبردها القارس حمل دكين أشجانه من هنا من عمارة البرميل وطوابقها الشاهقة حمل تلك الآلام والآمال أدبا رصينا.
بورداب الدوحة :لم يجد دكين فى شواطئكم ذلك السر العميق ، ولا عبق الوجدان لم يجد سوى أمواج وضباب فى الأفق ،وشوية غاز طبيعي فسكت.
عندما هاتفنى وقالها بالفم المليان "أسمعنى أنا داير أعرس "
أدركت أن البساتين التى كانت تداعب خيالاته والتى نمت وترعرعت فى رياض الخير آن لها أن تثمر فى دوحة العرب ، وأن القرمصيص بكامل خيوطه قاب قوسين أو ادنى .و(البت) الكانت فى هيلامنه بقت touchable .
كل ذلك حاضرا على عتبات القلب.
--
* "عمارة البرميل" مبنى"جخنون" وسط الرياض أشبه بصومعة، سوي بالأرض مؤخراً .
| |
|
|
|
|
|
|
| |
walid taha
معتز القريش
عبدالمنعم الزين
هشام المجمر
khaleel
nadus2000
lana mahdi
حافظ انقابو
اسماء الجنيد
هيثم درار
معاذ حسن
خالد عبد الله محمود
Sidig Rahama Elnour
عمران حسن صالح
أبو ساندرا
فيس بوك
تويتر
انستقرام
يوتيوب
بنتيريست