|
|
 قصيده من الاميره رباح الصادق للحبيب محمد فول
|
يا شامة وليدك ساير
بشّر جاب لينا بشاير
وباكر تمسحي دمعات
**
يا محمد قوم اتوضا
... لصلاتك قبل تفوت
كبّر يا حبيب اتقدم
واجهر بي مصير طالوت
بي غَرَق فرعون وجنوده
وعقّب لي المولى قنوت:
يتبدد ليلا طول
والشعب الما بتحول
ما بركع للجبروت
يطلع سالم يتجمل
زي يونس من الحوت
يا محمد قوم اتوضا
ما انت صلاتك جات
احسن لصلاتك وسلم
وأكتب في السور آيات
لن نركع غير لي الله
ما فينا ######## بتولى
عجنونا صمود وثبات
عاقدين لطروفنا حلفنا
في قصرك أو في الجنة
سجنك يا ظالم هدنة
قسرية وباكر .. آت
يا محمد قوم واتوضا
ما انت صلاتك لامة
وصفوف أحبابك تامة
وأعراس البلد العامة
لي الزيك ما بتنفات
يا عريس الجُمَع انجم
يومين.. وتلف العمة
يا عالي الراس والهمة
يا نضيف اليد والذمة
يا الشلت هموم الأمة
فوقك بتحق النمة
والأبكم يصير زغرات!
|
|
  
|
|
|
|
محمد عادل
Hussein Mallasi
Osama Mohammed
فيس بوك
تويتر
انستقرام
يوتيوب
بنتيريست