|
القراي بنكهة سودانية... وبهدوء شديد... وبحقائق
|
اللقاء كان متميّز... القرّاي ساهم في هذا التميّز بسرده لأكبر قدر ممكن من المعلومات في وقت وجيز...
في البداية اتضايقت من اللهجة السودانية وخفته انها ما تتفهم، بعداك وصلت لفهم انه المهم انه احنا ديل نفهم وبس... ما محتاجين حد غيرنا يفهم...
لو الشعب السوداني طلع من دوامة "البديل شنو"... بعداك كلّه هيّن
التحية للدكتور القراي المهموم بوطنه... والفخور بسودانيته... وطبّال النظام، ليك يوم.....
بالله طلع متوسط الفرد 1800$، سمح القاعدين ليها شنو احنا هنا!
|
|
|
|
|
|
|
|
Re: القراي بنكهة سودانية... وبهدوء شديد... وبحقائق (Re: عبد الحي علي موسى)
|
سلامات .. أجمل مافي الحلقة تدشين اللهجة السودانية في النقاشات الفي الشاشات العربية، و الأجمل من اللهجة في الحلقة لمّ قال الشعب السوادني فايت الشعوب التانية، ياخي طوّلنا لا سمعنا لا شفنا زول بعتزّ بي الشعب ده.. و تعليقوا عن الشعب السوداني بوري انو اختار اللهجة السودانية بوعي و تدبر و عزة نفِس و ثقة و انو روحو مالية عينو .
| |
|
|
|
|
|
|
Re: القراي بنكهة سودانية... وبهدوء شديد... وبحقائق (Re: mutwakil toum)
|
الدكتور القراي من افاضل ابناء الشعب السوداني و من شرفائه المكرمين بالجسارة و السؤدد الذي تورثه المآثر و ليس الالاعيب و الكذب هو تلميذ الجسور المصادم رسول المستقبل الذي قدم نفسه فداء لحرية الفكر الاستاذ محمود محمد طه الدكتور القراي كان وفدنا المستنير امام عسف الجهل و تسلطه كان عمود ظهرنا الذي عليه يستقيم الجسد كان الدكتور القراي شبيها بآبائنا العظام من الصوفيين الاماجد حتي لو لم يتكلم القراي فسنحترمه لأن الرجال يقول عنه تاريخهم و ليس الأكاذيب فليمت ربيع عبد العاطي بكذباته الكبيرة و لينسحق تحت رحي كراهيتنا و لينعم الدكتور القراي بحبنا له و شديد احترامنا لطلته البهية
شكرا آمن بنت الحسين
طه جعفر
| |
|
|
|
|
|
|
Re: القراي بنكهة سودانية... وبهدوء شديد... وبحقائق (Re: Zomrawi Alweli)
|
الاخت زينب تحياتى لك ولضيوفك الكرام
رغم ان برنامج الاتجاه المعاكس فى مضمونه العام برنامج غوغائى فى كثير من الاحيان الا ان حلقة الامس بين القراى وربيع عبد العاطى كانت مميزة ومريحة لقطاع المعارضة السودانية لاهل الانقاذ الذين احسوا ولاول مرة بقوة حجتهم فى معارضة النظام نسبة للطريقة السهلة فى سرد المعلومات من الاخ القراى وفى نفس الوقت ساعده ممثل الحكومة بتشنجه وكذبه الذى تعود عليه شعبنا فكان تائها اراد ان يحول مسار البرنامج الى تنابذ شخصى ومزاودة بالدين ولكن مقدم البرنامج كان له بالمرصاد ..
مقدم البرنامج سال عن ما يجرى فى السودان الان واسبابه وهل هو جزء من الربيع العربى ام لا .. بدا الحديث ربيع عبد العاطى وقال ان الشعب السودانى ملتف حول حكومته وان الذين يخرجون من مسجدين لا يتعدون اصابع اليد الواحدة .. وان السودان لا يشبه الدول العربية الاخرى تجرى فيه انتخابات حرة وبه صحف واحزاب والكل يقول رايه بصراحة ووضوح طبعا هذه الكذبة البائنة جعلت المذيع او مقدم الحلقة فيصل القاسم ان يقول له اذن ما اسباب اعتقال ضيف البرنامج كمال عمر الذى كان من المفترض ان يكون المقابل فى هذه الحلقة بدلا عن القراى فرد قائلا بان اعتقال كمال عمر لا علاقة له بالبرنامج او التظاهرات وانما لاشتراكه فى عمل تخريبى يدمر البلاد مع بعض الحركات المسلحة ودى تهمة جديدة او قل انها كذبة واضحة العيان للكل ..
القراى اجاب على هذا السؤال بان سرد واقع الحال السودانى الان بالارقام والتاريخ منذ مجىء الانقاذ واشعالها للحروب فى دارفور والجنوب والنيل الازرق وجنوب كردفان وقتلها لاكثر من مائتى وخمسون الفا من الناس اعترفت بعشرة الف منهم .. وتبديدها للاموال فى الصرف على الدفاع والامن من اجل البقاء فى السلطة بل وصل بها الامر فى نهايته الى تقسيم الوطن الامر الذى يحدث لاول مرة فى ظل حكومة وطنية وقال القراى ان الانجليز انفسهم فشلوا فى سياسة المناطق المقفولة واعقب ذلك انهيار اقتصادى نتاج للفساد الذى ضرب اركان الدولة.. الا ان ربيع عبد العاطى عاد وقال ان الدولة لم تصرف على الحرب وحدها بل اقامت تنمية وجسور وخزانات وطرق متعددة وكان رد القراى بانها من قروض اجنبية وليست من اموال البترول التى لا يعرف احد اين ذهبت ..
عندما وجد ربيع ان خصمه مسلح بمعلومات وارقام لا يستطيع مجاراته خاصة فى الطريقة السهلة فى السرد .. لجا للتهاتر حين قال ان الفكر الذى ينطلق منه القراى هو الفكر الجمهورى الضال فاعترض عليه مقدم البرنامج بان لا يلجا الى الهجوم الشخصى وعليه ان يجاوب على السؤال مباشرة موضوع حلقة البرنامج ..
اواصل
| |
|
|
|
|
|
|
Re: القراي بنكهة سودانية... وبهدوء شديد... وبحقائق (Re: مريم بنت الحسين)
|
سمارت... ما قدرتي ترجعي شايفاك... والله الحوار ملييييييان حاجات تخلي حواجبك تترفع... !
أستاذ عبدالحي... الغريبه في ناس عايزين العجعجه وبفتكروا انه القراي كان ضعيف عشان ما كان بكورك زي عبدالعاطي
متوكل... اول مره الزول يحس بإنه راسه مفروع.... قالها القراي وقال الشعب السوداني معلم الشعوب
طه جعفر ازيك ... ما بقدّر اشكّر القراي.. موش لأنه اخوي جمهوري وبس... لأ، لأني زي البكون بشكّر في ابوي... ألف شكر على المرور
زمراوي.... قالوا الآلات الحاسبة بقت غالية في السودان، الناس راسها ضرب من الحسابات الجايطة!
| |
|
|
|
|
|
|
|