|
حوار مع : فرح , علاء الدين , فدوى , جمعة , ود الباوقة واخرين
|
بدون تشنج او اقصاءات او مظاهرات او ثورات , كدى خلونا نتناقش كمواطنين سودانين في الحاصل في بلدنا السودان
كلنا يعلم انه بعد قيام الانقاذ بالانقلاب وبعد التردي الذي وصل اليه حال السودان ما قبل الانقاذ والضائقة المعيشية والامنية , تقبل السودانين هذه الحكومة بصدر رحب , بل واستبشروا بها خيرا والتف حولها الشعب السوداني بنسبة 90% علي الاقل ان لم يكن اكثر . بدات اول ما بدات الانقاذ في عقد المؤتمرات المختلفة مؤتمر السلام الشامل , مؤتمر التعليم , مؤتمر الاقتصاد مؤتمر الصحة ... الخ وخلصت في خلاصات هذه المؤتمرات انها ستقوم بعمل خطة خمسية وبعدها خطة عشرية ان كنت اذكر وطلبت صبر السودانين عليها في خطتها الخمسية ليرون النتائج ورغد الحال في بدايات الخطة العشرية تجاوب السودانين معها , وصبروا علي الخطة الخمسية والعشرية وخاضت بهم الحروب فقاتلوا عنها , خاضت بهم عباب البحر , فتقدموا معها يعني بصراحة اي حاجة طلبتها منهم لقتهم قدامها , علي امل ان تثمر في النهاية نتائج لخططتها التي وعدت بها وبشرت خلاصات مؤتمراتها التي عقدتها كانت التعليم : لم اجد وصفا ابلغ من ان اقول ان التعليم " زادته موية " كثرت الجامعات والمعاهد والمدارس حتي تحولت البيوت الي كليات وكان الناتج خريجين جامعات نصف اميين ولن استفيض في الشرح , وساكتفي بقول وزير الصحة الحكومي الذي قال انه في امتحان القدرات للاطباء جلس حوالي 1000 طبيب خريج , نجح منهم 130 فقط وعلي هذا قس البقية عدلت الحكومة السلم التعليمي ضاربة بالاعتراضات عرض الحائط وبعد اكثر من عشرة اعوام اكتشفت فجاءة فشل سلمها التعليمي المعدل وعادت لاقحام السنة التي حسمتها من سلم التعليم بكل بساطة مما ينبى بانه فشل كبير احتاج الي عقد من الزمان وجيل كامل لمعرفة فشلها .
الصحة , عملت الحكومة علي خصخصة المستشفيات علي حساب العلاج الحر وانتشرت المستشفيات الخاصة , بل لاكون دقيقا الجزارات الخاصة , جزارات في البشر وفي جيوب البشر , من لم يملك ثروة صغيرة او كبيرة حسب مرضه من مواطنين السودان للعلاج بها في الجزارات الخاصة عليه ان يموت سبعة مرات في انتظار علاجه في مستشفيات الدولة والخلاصة كلكم تعلمون حال الصحة في السودان ولا حاجة لانارة كشاف يريكم سؤ الحال .
السلام , كما اسلفنا خاضت الحكومة الحروب بشعب السودان ومات من من مات وقتل من قتل واستشهد من استشهد وجرح وبتر من بتر ودفع الثمن خيرة شباب البلاد ارواحهم رخيصة من اجل وحدتها وصون عرضها حرب لسنوات طوال انتهت , بان فقدت البلاد عرضها وطولها ولم يصن ترابها وفصل السودان وكان ان قبل الشعب فصله علي حفظ ما تبقي من دماء وارواح ابنائهم , الا ان الحرب ما تزال تستعر بل وفتحت جبهات وجبهات اخر لم تكن تحارب اصلا ولا حاجة للاستفاضة فالكل يعلم
الاقتصاد نو كومنت
وفصوله المختلفة الزراعة : لا تعليق الصناعة : لا تعليق البترول :
الفساد : خلوها مستورة
هناك عدة اقوال متضاربة حول المدة التي صبر علي حاله فيها سيدنا ايوب ما بين انه صبر سبعة سنوات او ثلاثة عشر عاما وارجحها انه صبر ثمانية عشر عاما , الان الشعب السوداني يدخل العام الرابع والعشرون صبرا
خلونا من دا كله , انتو كسودانين رايكم شنو , هل حزمة الحلول الاقتصادية المتمثلة في الاستغناء عن عدة وظائف دستورية هي الحل بالنسبة لحال السودان وشعبه الذي صبر ؟ طيب الناس تصبر لي شنو , المرات السابقة صبر الشعب علي وعود من الحكومة انها تطلع بترول و تحسن الزراعة والصناعة وناكل مما نزرع ونلبس مما نصنع " الشعار زاتو راح للحكومة خليك من المواطن "
نتكلم في موضوع الاسلام شوية ولا نجليهو زي ما بقي الرئيس ووزرائه زاتهم يجلوهو عادي !
الفرمالة بتاعة انه السودان بتعرض لمكائد وتربص خارجي , كنا كشعب بنصدقها زمان لمن كانت الحكومة بتتكلم عن اسلام ودين , اسع الحكومة ما قادرة تصدر اسلام لشعبها خليك من من تصدره برة البلد , اذن الناس تتربص بينا وتكيدنا لي شنو ؟ وانحنا حالنا يكفي عن سوالنا , يعني لا دين ولا اسلام ولا ثروة ولا حاجة , فان اغرت عدو لن تغريه سوى بالشفقة في حالنا , عشان كدا الفرمالة دي زاتا بقت ما بتقسم في الحكومة خليك من الشعب
حتقولوا البديل منو؟ حنقول والله لمن الناس مرقت مظاهرات علي حكومة الصادق ومافي سوداني بيعرف حاجة عن زول اسمه عمر البشير ولا عن الزبير ولا صلاح قوش ولا ابراهيم نايل ايدام ولا عبد الرحيم محمد حسين ولا صلاح دولار ولا محمد حسن الامين ولا ولا ولا
حتقولوا البلد فيها حرب عرقية , حنقول لمن جات الحكومة الحرب العرقية مدورة ليها اربعين سنة والجيش في اضعف حالاته , وفي النهاية الحكومة حسمت الحرب العرقية بانها فصلت الجنوب , والحكومة الان ما عندها حل للحرب العرقية المدورة دي زاتا ,
الحل يا اخوانا بقي ما في يد الحكومة دي , الحكومة الحالية فشلت في تقديم حلول او وعود لحلول , الناس جربتها وصبرت عليها بسنوات اكثر مما صبرهن سيدنا ايوب , والحال تردى باكثر من اليوم الذي استلمت فيه السلطة , عم الفساد وزاد الغلاء بل وصل مستويات فاحشة , حروب منتشرة في جبهات عدة , الخ
انتو رايكم شنو عليكم الله ؟
|
|
|
|
|
|
|
|
Re: حوار مع : فرح , علاء الدين , فدوى , جمعة , ود الباوقة واخرين (Re: ibrahim alnimma)
|
اساسى تحياتى اكرر : اتابعك باهتمام ويعجبنى جدا طرحك الهادئ والعقلانى اما ما يخص هذا الخيط صراحة اتفق معك انه لا شئ اعاد السودان الى الوراء بسرعة الصاروخ سوى هذه المكابرة المقيتة التى تضر بمستقبل الوطن وحاضره .. لا ارى اى معنى لان يصر الانقاذيون على التمسك بالسلطة والكنكشة بها بالرغم من انهم بانفسهم يقرون ويعترفون بالفشل وكما قلت انت لا شئ يجبرنا على تحمل سنوات اخرى من الفشل والوعود التى اثبتت عدم مصداقيتها .. كمثال بسيط كيف يبقى وزير المالية وزيرا وهو يعلن قبل الانفصال ان الاقتصاد لن يتاثر وكانه يملك تدابير ثم ابان الازمة العالمية يصر ان السودان لن يتاثر كانه يملك سحرا ثم يخرج علينا اليوم بكل بساطة ليعلن افلاس الدولة ولا يعلن فشله كان هذه الدولة افلست على يد شياطين .. المهم ... هناك مبررات يكررها الانقاذيون مثل الكورال هذه الايام وكلها مبررات مضحكة : مثلا يقولون لا نريد عودة الاحزاب ؟؟؟ هل المؤتمر الوطنى حزب ام فرقة غناء ؟؟ ومن يعطيك كحزب حق الحكم وويمنع عنه غيرك ؟؟ مثلا يقولون انجازات الحكومة تشهد لها ..طبعا يقصدون مشاريع الزلط والكبارى ولا احد ينكر ان هناك حراك فى هذا المجال دون ان ندخل فى تفاصيلها واسرارها وحينها سنكتشف انها كذبة كبيرة وكانت احدى وسائل نهب المال العام الذى اوصلنا لحد الافلاس .. لا نريد الدخول فى هذه التفاصيل لكن فقط نريد ان نرى انجازات ومشاريع الانقاذ ..هل هى فعلا انجاز ؟؟؟ هل تدرى يا اخى اساسى ان كل المشاريع الانقاذية عبارة عن قروض وديون تتراكم لتلتف كحبل كبير على رقبة هذا السودان ؟؟ هل تدرى انه ولا مشروع واحد تم تنفيذه باستراتيجية محددة وذات رؤية وفائدة بل كلها عبارة عن استادنة وسلفة تغرق الوطن اكثر ؟؟؟ ولمن يتحدث عن انجازات الحكومة اقدم لك فقط هذه اللستة لكى يقول لنا اى كوز اين هو الانجاز :
Quote: 1-سد مروي قرض مشترك من عدة دول 2-مطار مروي تابع لقرض سد مروي 3-خطوط نقل الكهرباء من سد مروي تابع لقرض سد مروي 4-مشروع امري الزراعي تابع لقرض سد مروي 5-طريق مروي الملتقى قرض تابع لقرض سد مروي 6-مشروع مياه القضارف قرض البنك الاسلامي للتنمية+قرض صيني 7-مشروع تعلية خزان الرصيرص قرض مشترك من عدة ممولين 8-مشروع سكر النيل الابيض قرض مشترك من عدة ممولين 9-مشروع مجمع سدي اعالي عطبرة و استيت قرض مشترك من عدة ممولين 10-كوبري المنشية قرض تركي 11-كوبري المك نمر قرض تركي 13-كوبري الصداقة "كريمة" منحة صينية 14-طريق عطبرة بورتسودان هيا قرض "الصندوق العربي للإنماء الاقتصادي" 15-مشروع مطار الخرطوم الجديد قرض مشترك من عدة ممولين 16-طريق القضارف دوكة القلابات قرض "الصندوق العربي للإنماء الاقتصادي" 17-مشروع كهرباء الخط الدائري(الخرطوم) قرض هندي 18-خط الكهرباء الناقل سنجة القضارف قرض هندي 19-مشروع كهرباء كوستي قرض هندي 20- خط الكهرباء الناقل القضارف القلابات قرض هندي 21-مياه عطبرة والدامر قرض ايراني 22-مشروع سندس الزراعي قرض صيني 23-كهرباء الجيلي قرض صيني 24-كهرباء الجيلي شندي عطبرة قرض صيني 25- محطة كهرباء قري 2 قرض صيني 26-مياه نيالا قرض صيني 27-مياه الدالي والمزموم قرض صيني 28-مشروع صومعة ربك قرض صيني 29-كوبري رفاعة قرض صيني 30-كوبري الدويم قرض صيني
31-توسعة كهرباء الخرطوم بحري الحرارية قرض صيني 32-مياه الفاشر قرض صيني 33-مياه بورتسودان قرض صيني 34-مياه دنقلا قرض صيني 35-مياه المتمة قرض صيني 34-مياه مدني قرض صيني 35-مياه كوستي قرض صيني 36-كهرباء دنقلا قرض صيني 37-كهرباء وادي حلفا قرض صيني 38-مشروع كهرباء الفولة قرض صيني 39-مشروع طريق النهود ام كدادة قرض صيني 40- مشروع طريق زالنجي الجنينة قرض صيني 41-طريق الدبيبات ابو زبد الفاولة قرض صيني 42-مشروع كوبري سنار قرض صيني 43-مشروع كوبري توتي بحري قرض ايراني 44-مشروع محطة مياه ابو سعد قرض ايراني 45-طريق طوكر قرورة قرض"الصندوق العربي للانماء الاقتصادي" 46-طريق سمسم القضارف ام الخير قرض"الصندوق العربي للانماء الاقتصادي" 47-طريق كسلا كركون مامان قرض"الصندوق العربي للانماء الاقتصادي" 48- مشروع كهرباء الشرق قرض"الصندوق الكويتي" 49-عدد 4 محطات تحلية مياه "ولاية البحر الاحمر" قرض"الصندوق العربي للانماء الاقتصادي" 50-جسر سيدون على نهر عطبرة قرض"الصندوق العربي للانماء الاقتصادي" 51-كوبري توتي الخرطوم قرض تركي |
| |
|
|
|
|
|
|
Re: حوار مع : فرح , علاء الدين , فدوى , جمعة , ود الباوقة واخرين (Re: حسن الجيلى سعيد)
|
أساسي يا أخوي .. . . (لكل حلم تفسير) ولكل حدث (منطق) وتحليل ... ويتخيل لي الموضوع ما صعب ...وماأظن بأننا في حاجة لـبعض (المحللين السياسيين) .. ولا لمنظراتيه لحل (طلاسم) محنتك... فحينما يكون محور الحديث عن (وطن) يأتي بحجم تاريخه ولا بحجم أفراده (ثلاث و رباع) ...!!! حلم الغلابة والمهمشين أغلى عند ربي من أحلام الطغاة ... وأن غداً لناظره قريب ... وأن وعد الله حق سنوات من الضياع... والتخبط .. والفقر .. والجوع .. والجهل .. عشناها على مضض بأسم (ثورة الأسلام والإنقاذ) ..!! أي إنقاذ يا هولاء ...؟؟؟ وأي إسلام يا علماء ... أنهم يؤمنون "بأنهم قادمون من الجنة ويتحدثون للناس كما لو كانوا يعيشون في الجحيم" اللهم لا تجعل لاحد من عبادك علينا سلطان ..
| |
|
|
|
|
|
|
Re: حوار مع : فرح , علاء الدين , فدوى , جمعة , ود الباوقة واخرين (Re: جمال الباقر)
|
إنتو يا جماعة أساسى دا ما زول الجماعة ديل و لا أنا غلطان؟
أصلاً فى زولين حاشين أفكارى، أساسى دا وواحد ثانى إسمو فرانكلى!
زى ما قال أخونا يور "تارق غطى لى ثعلب دا"!
___________________________ الشعب السودانى الطيب دا منتظر حضرة السيد أساسى عشان يجى يقر الكلام الداشيه فوق دا! ما نحن قاعدين نردح فيه من سنة 89 وأساسى كان قاعد يطبل، الجد شنو يعنى؟
| |
|
|
|
|
|
|
Re: حوار مع : فرح , علاء الدين , فدوى , جمعة , ود الباوقة واخرين (Re: الصادق الزين)
|
Quote: إنتو يا جماعة أساسى دا ما زول الجماعة ديل و لا أنا غلطان؟
أصلاً فى زولين حاشين أفكارى، أساسى دا وواحد ثانى إسمو فرانكلى!
زى ما قال أخونا يور "تارق غطى لى ثعلب دا"!
___________________________ الشعب السودانى الطيب دا منتظر حضرة السيد أساسى عشان يجى يقر الكلام الداشيه فوق دا! ما نحن قاعدين نردح فيه من سنة 89 وأساسى كان قاعد يطبل، الجد شنو يعنى؟
|
الصادق الزين،كيف حالك قبل فترة في واحد من صحفي النظام كتب لي مقال يهاجم فيه النظام وسياساته الاقتصادية ،الناس كلها في التعليقات أشادت ببهو عشان قالو زول حقاني{}{}{}!!! ونسوا انو في ناس من اول يوم للسلطة دي بدو ينتقدو في النظام وسياساتو الاقصائية بأخي نحن لمن الناس ديل كانوا بمشوا الجنوب طمعا في الحور العين والغلمان{}{}! نحن كنا بنصارع فيهم في الجامعات وبنفضح تزويركم للانتخابات!!! قال حوار هادي قال .....
| |
|
|
|
|
|
|
Re: حوار مع : فرح , علاء الدين , فدوى , جمعة , ود الباوقة واخرين (Re: اساسي)
|
Quote: الاقتصاد نو كومنت
وفصوله المختلفة الزراعة : لا تعليق الصناعة : لا تعليق البترول :
الفساد : خلوها مستورة |
الإقتصاد أقوى اقتصاد في أفريقيا
الزراعة نأكل مما نزرع ونصدر الباقي
الصناعة سكر النيل الأبيض في الطريق
البترول اكتفاء ذاتي وتصدير الباقي للجنوب
Quote: الحل يا اخوانا بقي ما في يد الحكومة دي |
الحكومة دي قد يكون الحل ليس في يدها لكن هذه الحكومة تضم عباقرة ما انجبته بطن السودان
الباقي كلهم شذاذ أفاق وفاشلين
شوف حال الأحزاب حولك وورينا ياتو حزب قادر يؤسس للديموقراطية والتداول السلمي للسلطة ووحدة الصف والسماع للرأي الآخر
يا أساسي
أنا عندي بوست في الربع القديم عن البرامج البديل
لو على برامج أحزاب العواجيز للبديل الديموقراطي فأحسن ليك ولي ولجميع السودانيين الصبر على مركب الإنقاذ وتكريب برامج انتخابي حقيقي وواقعي لا يقوم على الهتافية والأحلان الوردية بتوفير فرص عمل للعاطالة وبيع جالون البنزين ب50 قرش والسكر الكيلو بجنيه والموية مجاناً والتعليم مجاناً والأمن مستتب
دا كلام ساااااااااكت
عايزين ناس أحزاب العواجيز ديل أو أي أحد يانس في نفسه الكفاءة أن يعمل على دراسة برامج انتخابي متكامل يناقش قضايا الساعة والساعة الجاية
يا أساسي فشل حكومة الإنقاذ هو فشل للإنسان السوداني أولاً وأخيراً
يا هو السودان
ما في أمل ما دام المعارضة فيه تعني العارض
والحكومة تعني لا أريكم إلا ما أرى
أنت رياك شنو في كلامي دا؟؟؟
الرعاع والسذج وشذاذ الآفاق يمتنعون من التعليق على كلامي دا ناس كوز وجردل وأمنجي وضبان
| |
|
|
|
|
|
|
Re: حوار مع : فرح , علاء الدين , فدوى , جمعة , ود الباوقة واخرين (Re: Frankly)
|
شكرا لجميع المداخلات وجميع المتداخلين
ولان جميع المداخلات تتفق معي ساقفذ مباشرة للرد علي مداخلة الاخ فرانكلي فهو في الاساس من المعنين بالاجابة عن السؤال
Quote: الإقتصاد أقوى اقتصاد في أفريقيا
الزراعة نأكل مما نزرع ونصدر الباقي
الصناعة سكر النيل الأبيض في الطريق
البترول اكتفاء ذاتي وتصدير الباقي للجنوب |
بالتأكيد دا كلام غير جدي يا فرانكلي وانت قلته مجانا ليس الا وولو كان غير ذلك لما كان هناك مشكلة اقتصادية استدعت الحكومة لقصقصة اجنحتها , ياخ الرئيس مرق قال عندنا مشكلة اقتصادية ما قادرين نحلها وحنحاول نزيد سعر البنزين لانه مرق من يدينا وبقينا نستورد , الزراعة لو عاينت كويس بتلقي مشروع الجزيرة والرهد ومشاريع النيل الابيض بتلقي المزارعين الكانوا شايلين طواري يزرعوا بيها في المشاريع دي الان شايلين نفس الطواري يوسدوا بيها مشاريع الزراعة القبر , الصناعة ؟؟ ثلاثة وعشرين سنة ولسع في الطريق ؟ عاد دا كلام ؟ اما البترول فما يستخرجه السودان لا يكفي الان نصيب الشركات الصينية والماليزية الساهمت في استخراجه , وما يتبقي لا يكفي راتب الرئيس ومعاهو وزيرين دا كلام مجاني يا فرانكلي ولو كان دا فهم حقيقي لمجريات الاقتصاد السوداني يبقي عندك مشكلة حقيقية يا فرانكلي في فهم الاحداث او انك صحيت يادوب من نومة طويلة مع اهل الكهف
الحكومة لو فعلا بتضم عباقرة ما كان وصل بينا الحال الي ما هو عليه ؟ ما ممكن يكون اهل الولاء هم العباقرة واهل الكفاءة الاحتضنتهم المنافي مرحبة بعد ان استبعدتهم الحكومة هم العاطلين فكريا , برضو كلام مجاني ساكت يا فرانكلي دون اي سندات
المعارضة , دي المشكلة الحقيقية زي مشكلة الحكومة , معارضة السودان التاريخية الشعب السوداني نافض يده منها , عشان كدا اول ما وضعت يدها علي المظاهرات الاخيرة الشعب السوداني اكتفي بالفرجة , لانه ما مستعد يغير احمد بي حاج احمد , لكن اصلا المعارضة ما في يدها الحل او الربط , عشان كدا سالتك انتو رايكم شنو , الشعب قنعان من الحكومة وقنعان من المعارضة , بالمناسبة المعارضة دي الشعب موش قنعان منها ورامي طوبتها , لكن بالمقابل بتلقي الحكومة بتغازلها بل وبتستوعبها في برامجها العريض والطويل وكل مسميات الحكومات السودانية , بل الحكومة الاحرص علي بقاء هذه المعارضة بصورتها الحالية ودا فشل كبير عندما تجد المعارضة الشريان الذي تعيش عليه جايها من الحكومة , وتصبح المعارضة امتداد طبيعي للحكومة , بصراحة مافي حاجة اسمها معارضة والشعب عارف كدا كويس , فقصة معارضة دي انا لو بدافع عن النظام ما بجيب سيرتها
حواء السودان ما نضب رحمها من انجاب الكفاءات , لكن الحكومة فشلت ونضب معينها في ايجاد حلول , لذا التنحي هو الحل , ان تذهب الحكومة لانها فشلت في تقديم حل يشفع لها عند المواطن , ولا تملك حل لتقديمه اصلا , انت مقتنع انه الناس مفروض تصبر علي الحكومة دي اكتر من كدا ؟
ليس ابلغ دليل علي انه كلامك كله مجاني يا كمال انك انت ذات نفسك ما لاقي حياة كريمة في السودان ما بتقدر تعيش الحد الادني من الحياة الكريمة الممكن تتوفر ليك خارج السودان , عشان كدا انت عايش برة السودان وبتتكلم عن افكار ما عندها علاقة بالواقع , يا كمال بتكلم مع اخوي الاصغر شغال وكيل نيابة ليهو ستة سنوات ومتزوج ,قال لي راتبي الاساسي 600 جنية وعندهم كان بدل سد خدمة 700 جنية , ماجر شقة بي 500 قال لي بدل سد الخدمة تم ايقافه منهم يعني فاضل ليهو من راتبه دا بعد الايجار 100 جنية مفروض يعيش بيها هو وزوجته واطفاله يتعالجوا منها وياكلوا منها ويشربوا منها ويجاملوا منها , واتخيل معاي دا وكيل نيابة يعني وظيفة مقدرة في السودان ما بالك باهل الوظائف العمالية وغيرها
Quote: أنت رياك شنو في كلامي دا؟؟؟ |
راي انه كلامك ما عنده علاقي بي السوال الاتسال ولا قدمت اجابة , بل قعدت تهاجم فيما لا يرجي احد من ورائه
راي انك تضرب لاهلك في السودان وتسألهم بتجرد عن الاحوال وتسمع بذهن مفتوح عن ما سيحكوه لك من مأساة وبعدها ممكن تجي تجاوب علي البوست , ياخ خليك من اهلك اضرب لي علاء الدين واساله عن الظروف
| |
|
|
|
|
|
|
Re: حوار مع : فرح , علاء الدين , فدوى , جمعة , ود الباوقة واخرين (Re: اساسي)
|
Quote: الرعاع والسذج وشذاذ الآفاق يمتنعون من التعليق على كلامي دا ناس كوز وجردل وأمنجي وضبان |
انت زعلت ولا شنو! يا خ رئيس قسم السودان لى اتنين تلتين شذاذ افاق وتلت حشرات! قلت السودان اقوى اقتصاد فى افريقيا! انت قايل افريقيا دى الصومال وبوركينا فاسو وجيبوتي بس! ياخ انت ديونك 40 ملياردولار والدولار بي 6000 جنيه! يعنى بالجنيه السوداني ديون 24 وقدامها 13 صفر ينطح الصفر! جنى
| |
|
|
|
|
|
|
Re: حوار مع : فرح , علاء الدين , فدوى , جمعة , ود الباوقة واخرين (Re: اساسي)
|
قد يكون فرانكلي على حق حين قال ان احزب البديل ليست لديها عصا موسى لتغير الحال في التو و اللحظة لكن أي بديل للإنقاذ - مهما كان معولق - لديه امتيازات لا - ولن - تملكها الإنقاذ اولا ح يكون حر من تركة الفساد المهولة التي وصلت مرحلة لا تستطيع الانقاذ ان تحسمها لتغلغلها و تورط مسؤولين كبار فيها سيكون بمقدور البديل بسهولة الوصول لتفاهمات و اتفاقيات لايقاف الحروب اذ لا غبائن او تاريخ نقض عهود كما الانقاذ يمكن التوصل لاتفاق مع الجنوب حول تصدير البترول ايقاف الصرف الخيالي على الامن و الجيش البديل سيتحرر من العزلة الدولية للنظام نتوقع عودة القروض و المستثمرين و المساعدات العربية
| |
|
|
|
|
|
|
Re: حوار مع : فرح , علاء الدين , فدوى , جمعة , ود الباوقة واخرين (Re: محمد البشرى الخضر)
|
Quote:
قد يكون فرانكلي على حق حين قال ان احزب البديل ليست لديها عصا موسى لتغير الحال في التو و اللحظة لكن أي بديل للإنقاذ - مهما كان معولق - لديه امتيازات لا - ولن - تملكها الإنقاذ اولا ح يكون حر من تركة الفساد المهولة التي وصلت مرحلة لا تستطيع الانقاذ ان تحسمها لتغلغلها و تورط مسؤولين كبار فيها سيكون بمقدور البديل بسهولة الوصول لتفاهمات و اتفاقيات لايقاف الحروب اذ لا غبائن او تاريخ نقض عهود كما الانقاذ يمكن التوصل لاتفاق مع الجنوب حول تصدير البترول ايقاف الصرف الخيالي على الامن و الجيش البديل سيتحرر من العزلة الدولية للنظام نتوقع عودة القروض و المستثمرين و المساعدات العربية |
كلام من ذهب///
| |
|
|
|
|
|
|
Re: حوار مع : فرح , علاء الدين , فدوى , جمعة , ود الباوقة واخرين (Re: Frankly)
|
Quote: لابد من إعادة صياغة هذا الإنسان الفاشل
كيف؟؟
|
قال علي عثمان محمد طه الذي يعمل نائبا اولا رئيس نظام المؤتمر الوطني قال أهنهم جاءوا لإعادة صياغة الانسان السوداني و لللاستاذ علي عثمان في الحكم الآن اكثر من ثلاثة و عشرين سنة و لم يكلمنا عن مجهوده في اعادة صياغة الانسان السوداني
والله يا كيزان لو الانسان السوداني غلبكم للدرجة دي امشوا اختونا يا اخي
و نسمعها اليوم من كوز آخر لا يعي ما يقول و امشوا اختونا دي قرر الشعب السوداني إجباركم عليها فالأفضل هو ان يقوم كل كوز بإعادة صياغة نفسه ليتحول لأنسان اولا
يا اساسي انت بنتفخ في قربة مقدودة الناس ديل دواهم الكنس و الازالة بس ثم المحاكمات العادلة جراء كل جرم ارتكب في حق اي مواطن سوداني خلال حكمهم و استراد اي فلس نهبوه من الخزينة العامة و استعادة كل قطعة ارض حازوها بالفساد و نتيجة للاستبداد بالسلطة يعني نرجعم لي بيوتم الجونا منها زمان ود حلاب البقر يرجع لابوهو و بقروا ود غفير جنينة الحيوانات يرجع لأصلوا ود الهمباتي يرجع لأصلوا طبعا لن نقلع منهم مال اكتسبوه بعرق جبينهم بالحلال بس عاوزين اثبات قانوني لذلك يعني ما يثبت حيازتهم لهذه الاموال بالحلال لكن برضو شكرا علي البوست يا اساسي و ربنا يجعلوا في ميزان حسناتك
طه جعفر
| |
|
|
|
|
|
|
Re: حوار مع : فرح , علاء الدين , فدوى , جمعة , ود الباوقة واخرين (Re: اساسي)
|
الاخ اساسي تحياتي
من الانصاف اذا اردت تقييم اداء الانقاذ ان تتناول كل الظروف المحيطة بها منذ ايامها الاولي وان تكون وسائل المقارنة في كافة المجالات وفقا للاسس العلمية المعروفة وتعمتد علي الاحصاءات والارقام حتي لاتتصف بالتقييم الانطباعي الذي يختلف من شخص الي اخر وحتي لايكون متاثرا بعيني الرضا والسخط
ولايمكن ان نقفز فوق التحديات الداخلية والخارجية التي واجهتها وظلت تواجهها لان التصدي لاي تحد يكون مرهونا بقدر تلك التحديات
وعليه اقول ان الانقاذ وفي ظل تحديات خاجية وداخلية معلومة للجميع وفي ظل مشكلات مزمنة كانت وما زالت تمثل عقبات في طريق تطور الدولة السودانية قد خاضت المخاطر وركبت الصعب وطرحت مشروعها الحضاري النهضوي وبالطبع حققت فيه انجازات كثيرة ولازم ذلك اخفاقات عدة
وعليه فنحن نتمسك بها وندافع عنها لاننا نري الظروف المحيطة بالبلاد والمخاطر المحدقة بوجود الوطن والمؤامرات الخارجية والداخلية ولذلك فان الاهداف الكلية لمصالح الوطن القومية تجعلنا نضع وجود الانقاذ من اوجب واجباتنا ونحرص علي الدفاع عن ذلك بكل ما اوتينا من قوة وعليه نقف صفوفا متراصة مع جموع الشعب السوداني ونعد العدة بما اسطعنا للدفاع عن الوطن وقيمه العليا مع بقاء دعوات الاصلاح والتجديد والتغيير في المرتبة الثانية ولذلك لانسكت علي الاخطاء ولانمسك عن المطالبة بالتغيير وزيادة مساحة الوفاق الوطني بضم كل من يرتضي الدفاع عن مصالح الوطن القومية ونعمل علي ان تكون الحلول يادي واراء اهل السودان جميعا الا من ابي ومن يضع نفسه في خانات التمرد والارتزاق والعمالة
| |
|
|
|
|
|
|
Re: حوار مع : فرح , علاء الدين , فدوى , جمعة , ود الباوقة واخرين (Re: هشام عباس)
|
Quote: كالعادة خطاب انشائ لا يسمن ولا يغنى من جوع ولا يحترم عقل عاقل محاولة رمى الاخطاء الغبية على المؤامرات الخارجية موضة باتت قديمة جدا وكذبة لم تعد تنتطلى على احد .. حتى وان تعرض الوطن لما تسميه مؤامرات فتلك لم تكن الا لسياسات الحكومة الغبية تجاه سياساتها الخارجية الاقليمية والداخلية خسرت الاصدقاء وعادت الحلفاء واثارت الاعداء ولا احد يتحمل اسباب عزلتها الى هى نفسها .. امريكا لم تعادى السودان بل السودان هو من رفع شعار امريكا روسيا قد دنى عذابها دون اى مبرر بل وجمعت اعداء امريكا هنا فى السودان وجلعت من ارضنا منطلقا لتفجير وتدمير السفارات البيوتات الامريكية واسرائيل لم تعتدى على السودان قبل ان تفتح اراضيها معبرا لتجار السلاح وشيوخ ايران وبعيدا عن كل هذا لدى سؤال منطقى جدا للمدعو عمر صديق : اذا صدقنا ان هناك مؤامرات ضد الانقاذ وبسببها وصل حال السودان الى ما نحن فيه ويستمر فى التدهور ... اذا صدقنا هذا ..يبقى السؤال : طالما انكم تدعون الوطنية لماذا لم تتنازلوا من اجل الوطن وتتركوا السلطة لمن له قبول ورضى لكى يعيش شعب السودان فى حاله ؟؟لماذا فضلتم وجودكم على حساب الوطن وشعبه ؟؟ لماذا كان وجودكم اهم من وحدة وسلامة تراب الوطن ؟؟ ولماذا لا زلتم تصرون وتتمسكون رغم علمكم ان هناك مؤامرات تعطل الوطن فى وجودكم ؟؟؟ هذا ان كنتم وطنيون فعلا لكن الحقيقة انكم مجموعة لصوص فاسدين لم تاتوا لدين او وطن بل من اجل جيوبكم ومصالحكم والحقيقة جلية فى حجم الفساد والنهب والاجرام الذى تمارسونه طوال حكمكم .. |
وهذا خطاب غير انشائي ويدور في حلقة مفرغة
ولم تزيد عن محاولة تفسير الماء بالماء رغم طول الاسهاب
اما اسئلتك التي اوردتها نيابة عن الشعب السوداني
فاقول لك ان الشعب السوداني لم يرفض الانقاذ او يقرر انهاء حكمها
ولايحق لاحد التحدث نيابة عن الشعب
لانه لا ينيب لساكت قول والسكوت في معرض الحاجة الي البيان اقرار
| |
|
|
|
|
|
|
Re: حوار مع : فرح , علاء الدين , فدوى , جمعة , ود الباوقة واخرين (Re: عمر صديق)
|
الاخ عمر صديق تحية
يا عمر صديق انا كمواطن سوداني ما بتهمني الاحصاءات ولا الظروف المحيطة ولا تحديات الحكومة الصنعتها بنفسها
انا كمواطن سوداني بهمني بلدي في المقام الاول ولقمة عيشي وعلاجي وتعليمي وامني واطماناني , ودي الحاجات المفروض انه الحكومة توفرها لي عشان اصر عليها , ثلاثة وعشرين سنة والحكومة غير قادرة في تأمين الحاجات دي لمواطنها , يبقي حقيقي ما في يدها حل , وعاجزة عن توفيرها
خلينا نجي لكلامك الظاهرة المنطق , وان كان استند علي " شطر ميت " وهي مسألة التحديات والعقبات الكوود البتحيط بالسودان , هو الحقيقة يا عمر التحديات والعقبات دي ما بتحيط بالسودان بل بتحيط بحكومة السودان , العقبات دي بتواجه حكومة السودان والنظام وليس المواطن السوداني ولا الشعب السوداني
زي ما قلت كلنا نعلم ما هي هذه التحديات , ولكن السؤال الجوهي لما واجهت الحكومة هذه التحديات ؟؟ لاجابة هذا السؤال حنقول لانه الحكومة رفعت شعار التحدي اول ما جاءت , اتحدت العالم كله اصالة عن نفسها ونيابة عن الشعب السوداني الذي لم يفوضها بتحدي احد بقدر ما كان ينتظر منها توفير حلول , اول ما جات الحكومة بدات تردد امريكا روسيا قد دنا عذابها , الوقت داك امريكا روسيا ما سالت الحكومة زاتو وما عارفة ليها جيهة , استقطبت كل الحركات الاسلامية وجابتها السودان , جابت بن لادن وغيره من المعارضين ووفرت لهم في السودان مرتع خصيب وبل بدات في تصيرهم الي الخارج , كل هذا تم تحت شعارات اسلامية ومشروع حضاري كانت ترفعه الحكومة , الحكومة منذ عشرة سنوات " بطلت" الحديث عن الاسلام وعن مشروعها الحضاري , كل الذين تم استجلابهم من الخارج من هؤلاء تم طردهم واستبعادهم وتسليم بعضهم , وقدمت مقابل ذلك كل التنازلات والتي انتهت بعدم الحديث عن الاسلام , راهنت الحكومة علي ايران وربطت مصيرها بها , وفقدت في سبيل ذلك كل دول الخليج والاصدقاء في المنطقة , ايران التي يحاربها العالم اجمع تراهن عليها الحكومة وحيدة , الا ان الايرانين ليسوا " دفيعة " ولا كرماء فما نالت منهم الحكومة مقابل هذا الرهان الا الخسران , كل هذا والشعب السوداني لم يراهن او يتحدي احدا وانما الحكومة هي من " تطبظ عينها بيديها " ولكنها دائما ما تلجا للشعب كي يعالج لها طبظة عينها تم استخراج البترول ودفع فاتورة ذلك الاستخراج الشعب السوداني ضنكا وشغف عيش وسؤ حال ومآل , تم كل هذا التنقيب والاستثمار في ارض دولة اخرى متوقعة , وترك التنقيب في اراضي السودان , الا ان الشعب هو من دفع الفاتورة صبرا وانتظارا وبعد ان تم استخراج البترول , ابتلت عروق الحكومة ومنسوبيها وعاست فسادا في اموال البترول والتي توجت بمقولة نائب الرئيس ان اموال الشعب " مارست فيها الحكومة البزخ السياسي " والشعب يربط حجار علي بطنه صبرا الان ذهب البترول وجاءت الفكرة , كان الحل بالبحث عن المزيد في جيب المواطن الرابط حجار في بطنه , اذن الحكومة هي من تخلق التحديات والعقبات وتطلب من المواطن اجتيازها يا عمر اذن الحكومة ضررها اكثر من نفعها , كدي بمثال بسيط جدا يا عمر , لو كان عندكم مدرستين في الحلة , والمدرستين ما بدرسوا " دين " الا ان احدي المدارس يملكها واحد حنفولي فصولها مرتبة ومهيا اسطاف المعلمين مكتمل وعلاقاتها مع الوزارة جيدة , والمدرسة الاخري حالتها بالبلا , لا فصول زي الناس لا مدرسين وعلاقتها زي الزفت مع الوزارة , مافي حاجة بتجبرك تودي اولادك المدرسة الثانية , وهذا هو الحال مع الحكومة , الناس صبروا عليها لانها دغدغت وجدانهم بتدريس مادة " الدين" الان عادت ولغت مادة الدين , البخلي الناس تواصل القراية فيها شنو وهناك مدارس تدرس نفس المواد بطريقة افضل منها وهذا ينطبق في اي حكومة غير الانقاذ مقبولة دوليا واقليميا وحتي للحركات المحاربة ودولة الجنوب وخلافه ؟ يعني حتي الشعارات الرافعاها الحكومة نزلتها كلها بليل ولم يتبقي الا وجود هذه الحكومة مقرونا بتحدياتها وبغضها اقليميا ودوليا وضنك الحال الذي توفره لمواطنها , المواطن يصبر علي التحديات دي بياتو منطق يا عمر ؟ بعدين شفتك بتتكلم عن التمسك بهذه الحكومة نسبة للظروف المحيطة بالبلاد والمخاطر المحدقة بالوطن ؟ التحديات دي قائمة وصنعتها الحكومة زي ما قلنا وبالله عليك ما هو اكبر تحدي وخطر واجه البلاد ؟ اليس تشظي البلاد وانقسامها ؟ ماذا فعلت الحكومة لتحوول دون الانقسام الذي حصل ؟ ما اعتقد انه في خطر اكبر من التشظي , وهو ما ساهمت وشاركت فيه الانقاذ بيدها بل قامت بتجهيز وبناء دولة ووضعت لها اساس متين من البنية البترولية وكفتها رأس المال وشظتها بكل بساطة , اذن المشكلة والخطر المحيق بالبلاد هو النظام لانه يفعل كل ما يخوف منه الاخرين لو كانت الحكومة تعمل من اجل ان تكون الحلول بيد كل السودانين وبما ان الحكومة واثقة من التفاف شعبها , عليها ان تقيم انتخابات حرة نزيهة وتترك لشعبها اعادة اختيارها من جديد هذا مطلب معلوم بالضرورة بعد الانفصال دستوريا كما تعلم ان يتم اعادة انتخابات لان الانتخابات السابقة جرت في خضم وطن تغيرت خارطته المهم ما دام قلت الحلول بايدي واراء السودانين جميعا , اذن الحل ليس بيد الحكومة وحدها , اذن عليها ان تترك السودان جميعه ان يختار الحل الذي يناسبه وان اتي بهذه الحكومة مرة اخري فهذا سيكون خيار شعبها . لا ما يحدث من مغامرات يدفع وحده المواطن المسكين ثمنها
| |
|
|
|
|
|
|
Re: حوار مع : فرح , علاء الدين , فدوى , جمعة , ود الباوقة واخرين (Re: اساسي)
|
Quote: الاخ عمر صديق تحية
يا عمر صديق انا كمواطن سوداني ما بتهمني الاحصاءات ولا الظروف المحيطة ولا تحديات الحكومة الصنعتها بنفسها
انا كمواطن سوداني بهمني بلدي في المقام الاول ولقمة عيشي وعلاجي وتعليمي وامني واطماناني , ودي الحاجات المفروض انه الحكومة توفرها لي عشان اصر عليها , ثلاثة وعشرين سنة والحكومة غير قادرة في تأمين الحاجات دي لمواطنها , يبقي حقيقي ما في يدها حل , وعاجزة عن توفيرها |
تحياتي يا اساسي المواطن السوداني بصورة جمعية (وليس بصورة فردية ) يعرف المقارنة بين حال الخدمات في السابق ووضعها الحالي ويعرف كذلك الظروف والمسافة بين الموارد المتاحة والكامنة وبذلك يكون قراره حول بقاء الحكومة او ذهابها مبنيا علي ذلك ولذلك لو شعر الراي العام الجمعي الذي يمثل الشعب السوداني ان الحكومة غير قادرة علي توفير وتطوير الخدمات الاساسية لقرر اسقاطها وتبديلها
Quote: خلينا نجي لكلامك الظاهرة المنطق , وان كان استند علي " شطر ميت " وهي مسألة التحديات والعقبات الكوود البتحيط بالسودان , هو الحقيقة يا عمر التحديات والعقبات دي ما بتحيط بالسودان بل بتحيط بحكومة السودان , العقبات دي بتواجه حكومة السودان والنظام وليس المواطن السوداني ولا الشعب السوداني
زي ما قلت كلنا نعلم ما هي هذه التحديات , ولكن السؤال الجوهي لما واجهت الحكومة هذه التحديات ؟؟ لاجابة هذا السؤال حنقول لانه الحكومة رفعت شعار التحدي اول ما جاءت , اتحدت العالم كله اصالة عن نفسها ونيابة عن الشعب السوداني الذي لم يفوضها بتحدي احد بقدر ما كان ينتظر منها توفير حلول , اول ما جات الحكومة بدات تردد امريكا روسيا قد دنا عذابها , الوقت داك امريكا روسيا ما سالت الحكومة زاتو وما عارفة ليها جيهة , استقطبت كل الحركات الاسلامية وجابتها السودان , جابت بن لادن وغيره من المعارضين ووفرت لهم في السودان مرتع خصيب وبل بدات في تصيرهم الي الخارج , كل هذا تم تحت شعارات اسلامية ومشروع حضاري كانت ترفعه الحكومة , الحكومة منذ عشرة سنوات " بطلت" الحديث عن الاسلام وعن مشروعها الحضاري , كل الذين تم استجلابهم من الخارج من هؤلاء تم طردهم واستبعادهم وتسليم بعضهم , وقدمت مقابل ذلك كل التنازلات والتي انتهت بعدم الحديث عن الاسلام , راهنت الحكومة علي ايران وربطت مصيرها بها , وفقدت في سبيل ذلك كل دول الخليج والاصدقاء في المنطقة , ايران التي يحاربها العالم اجمع تراهن عليها الحكومة وحيدة , الا ان الايرانين ليسوا " دفيعة " ولا كرماء فما نالت منهم الحكومة مقابل هذا الرهان الا الخسران , كل هذا والشعب السوداني لم يراهن او يتحدي احدا وانما الحكومة هي من " تطبظ عينها بيديها " ولكنها دائما ما تلجا للشعب كي يعالج لها طبظة عينها |
هذا الكلام يتعلق باداء الحكومة في السياسة الخارجية في اول عهد الانقاذ وهو موضوع طويل ليس المقام هنا يناسب مناقشته بالتفصيل
ولكن اجمالا اقول ان السياسة الخارجية في بداية عهد الانقاذ بنيت في عهد الحرب الباردة وكانت تنتمي الي المدرسة المثالية التي اندثرت لصالح المدرسة الواقعية في العلاقات الدولية بسبب انهيار الاتحاد السوفيتي وبداية النظام العالمي الجديد والذي وضع منظروه امثال هنتقتون وفوكوياما الاسلام في خانة العداء كبديل للشيوعية التي تلاشت في السياسة الدولية وهذا الوضع جعل الانقاذ في مواجهة امريكا وحلفاءها الدوليين وتوابعها من دول الجوار وعملاءها من المعارضة فدخل السودان قائمة الدول الراعية للارهاب ثم قائمة الدول المارقة ورسمت القوي الدولية صورة ذهنية للسودان والانقاذ بواسطة الاعلام المعولم والموجه وانطبعت تلك الصورة الذهنية علي عقول الكثيرين وصورته بالشكل الذي اراده الغرب وليس بواقعه وابعاده المحددة ولعل عجز الاعلام الانقاذي هو الذي يجعل الصورة الذهنية للسودان حاليا هي صورة ربيع عربي او كتاحة سودانية كما يدعي المناضلين بينما الواقع هو احتجاجات محدودة وراءها قوي لاتسطيع اسقاط حكم محلية وقد انتبه اهل الدبلوماسية السودانية لذلك في مؤتمرهم في عام 1996 فاحدثوا تغييرا في موجهات واهداف السياسة الخارجية بالقدر الذي يبعد الرؤية المثالية ويتجه نحو معطيات الواقع الدولي الجديد
فحدث تحسن في علاقات السودان الخارجية علي كافة المستويات وخاصة دول الجوار الاقليمي بعد ان وصلت الي مرحلة الحرب مع ثلاث من تلك الدول (الامطار الغزيرة ) وكل تلك الظروف والعوامل كانت المعارضة السودانية تمثل فيها مخلب القط لتلك القوي التي حاربت وحاصرت السودان ولذلك فان القول ان تلك السياسات صنعتها الانقاذ بصورة كلية يجانب الحقية وان تسببت فيها بصورة جزئية لان السودان والانقاذ لايمثلون شيئا كبيرا في موازين القوي الدولية ولايؤثر السودان الا في محيطه الاقليمي المندمج كليا في المعسكر الامريكي
Quote: تم استخراج البترول ودفع فاتورة ذلك الاستخراج الشعب السوداني ضنكا وشغف عيش وسؤ حال ومآل , تم كل هذا التنقيب والاستثمار في ارض دولة اخرى متوقعة , وترك التنقيب في اراضي السودان , الا ان الشعب هو من دفع الفاتورة صبرا وانتظارا وبعد ان تم استخراج البترول , ابتلت عروق الحكومة ومنسوبيها وعاست فسادا في اموال البترول والتي توجت بمقولة نائب الرئيس ان اموال الشعب " مارست فيها الحكومة البزخ السياسي " والشعب يربط حجار علي بطنه صبرا الان ذهب البترول وجاءت الفكرة , كان الحل بالبحث عن المزيد في جيب المواطن الرابط حجار في بطنه , اذن الحكومة هي من تخلق التحديات والعقبات وتطلب من المواطن اجتيازها يا عمر اذن الحكومة ضررها اكثر من نفعها , كدي بمثال بسيط جدا يا عمر , لو كان عندكم مدرستين في الحلة , والمدرستين ما بدرسوا " دين " الا ان احدي المدارس يملكها واحد حنفولي فصولها مرتبة ومهيا اسطاف المعلمين مكتمل وعلاقاتها مع الوزارة جيدة , والمدرسة الاخري حالتها بالبلا , لا فصول زي الناس لا مدرسين وعلاقتها زي الزفت مع الوزارة , مافي حاجة بتجبرك تودي اولادك المدرسة الثانية , وهذا هو الحال مع الحكومة , الناس صبروا عليها لانها دغدغت وجدانهم بتدريس مادة " الدين" الان عادت ولغت مادة الدين , البخلي الناس تواصل القراية فيها شنو وهناك مدارس تدرس نفس المواد بطريقة افضل منها وهذا ينطبق في اي حكومة غير الانقاذ مقبولة دوليا واقليميا وحتي للحركات المحاربة ودولة الجنوب وخلافه ؟ يعني حتي الشعارات الرافعاها الحكومة نزلتها كلها بليل ولم يتبقي الا وجود هذه الحكومة مقرونا بتحدياتها وبغضها اقليميا ودوليا وضنك الحال الذي توفره لمواطنها , المواطن يصبر علي التحديات دي بياتو منطق يا عمر ؟ بعدين شفتك بتتكلم عن التمسك بهذه الحكومة نسبة للظروف المحيطة بالبلاد والمخاطر المحدقة بالوطن ؟ التحديات دي قائمة وصنعتها الحكومة زي ما قلنا وبالله عليك ما هو اكبر تحدي وخطر واجه البلاد ؟ اليس تشظي البلاد وانقسامها ؟ ماذا فعلت الحكومة لتحوول دون الانقسام الذي حصل ؟ ما اعتقد انه في خطر اكبر من التشظي , وهو ما ساهمت وشاركت فيه الانقاذ بيدها بل قامت بتجهيز وبناء دولة ووضعت لها اساس متين من البنية البترولية وكفتها رأس المال وشظتها بكل بساطة , اذن المشكلة والخطر المحيق بالبلاد هو النظام لانه يفعل كل ما يخوف منه الاخرين |
من المعلوم ان مشكلة التشظي وعوامل الانقسام لم تصنعها الانقاذ لان بذرتها زرعت منذ ايام قانون المناطق المقفلة او المغلقة وهي ذات المناطق التي ظلت ومازالات منطلقا للحروب الاهلية والنزاعات المدفوعة بقوي الدفع الخارجي ورغم ان كافة الاحزاب قد ارتضت باقرار حق تقرير المصير ورغم ان التجمع الوطني الذي كان يمثل المعارضة سبق الحكومة بقيبول مبادئ الانقاذ وفوض الحركة الشعبية للتفاوض نيابة عنه الا ان الكثيرين عندما وقع الانفصال لم يمتلكون الشجاعة للاعتراف بمسئوليتهم عن تقرير المصير وعن تبعاته الا المؤتمر الوطني الذي يملك الارادة السياسية التي تجعله يواجه الواقع مهما كان مرا ولذلك تجد ان تحالف المعارضة الذي كان يمثل التجمع قد تحالف مرة اخري مع الحركة الشعبية التي قامت باستغلاله لتنفيذ اجندتها الانفصالية ورمته بعد ان تحقق لها ما ارادت والان تستخدمه الحركة الشعبية في الجنوب مباشرة او عبر عملاءها في الشمال للسير في اتجاه تفتيت البلاد وتمرير الاجندة الخارجية للجهات التي تعادي السودان كله وليس الانقاذ
Quote: لو كانت الحكومة تعمل من اجل ان تكون الحلول بيد كل السودانين وبما ان الحكومة واثقة من التفاف شعبها , عليها ان تقيم انتخابات حرة نزيهة وتترك لشعبها اعادة اختيارها من جديد هذا مطلب معلوم بالضرورة بعد الانفصال دستوريا كما تعلم ان يتم اعادة انتخابات لان الانتخابات السابقة جرت في خضم وطن تغيرت خارطته |
الحكومة بعد الانفصال دعت للحوار والي الوفاق الوطني فوصل التفاهم مع الاتحادي الاصل الي درجة المشاركة وتوقف مع حزب الامة في منتصف الطريق لانه يدمن مسك العصا من النصف فاصبح نصف مشارك ونصف معارض ويريد ان يجمع بين بلح الشام وعنب اليمن ورفض الحوار الحزب الشيوعي لانه لايعيش الاتحت ظل المؤامرات والدسائس ولانه اعتنق النضال الامبريالي مرشدا وهاديا واصبحت تقوده دولارات المنظمات الاممية وكذلك رفضه المؤتمر الشعبي لانه ظل اسير عقد المجد المسلوب والسلطة الضائعة اما الانتخابات ففي ظل عدم اجماع سياسي فهي تتم وفقا لاجراءات الدستور الانتقالي النافذ والذي اقرته كل القوي السياسية السودانية ولم يات من بنات افكار المؤتمر الوطني
Quote: المهم ما دام قلت الحلول بايدي واراء السودانين جميعا , اذن الحل ليس بيد الحكومة وحدها , اذن عليها ان تترك السودان جميعه ان يختار الحل الذي يناسبه وان اتي بهذه الحكومة مرة اخري فهذا سيكون خيار شعبها . لا ما يحدث من مغامرات يدفع وحده المواطن المسكين ثمنها
|
ختاما اتفق معك في ان الحل السياسي يجب ان ياتي بالاجماع ان تحقق ذلك وان لم يتحقق فعلي الحكومة ان توسع من دائرة الوفاق واطر الديمقراطية والشوري سعيا لراي سياسي غالب او جامع كيفما يكون ذلك متاحا
وللشعب خيارته وقراراته
التي بموجبها تبقي حكومة الانقاذ او تذهب ولان ارادة الشعب غلابة ولاتقف امامها قوة حكومة او حزب مهما بلغت فان اغلبية الشعب مازالت تناصر الانقاذ او ترضي ببقاءها في ظل البدائل السيئة والمرفوضة من غالبية الشعب السوداني ولكن ليس كل من يدعي تمثيل الشعب صادقا ومفوضا للحديث باسمه والنظام لاتسقطه مظاهرات كلورادو او سدني او اوتوا او واشنطون وغيرها
(عدل بواسطة عمر صديق on 07-07-2012, 06:49 PM)
| |
|
|
|
|
|
|
Re: حوار مع : فرح , علاء الدين , فدوى , جمعة , ود الباوقة واخرين (Re: اساسي)
|
, يا كمال بتكلم مع اخوي الاصغر شغال وكيل نيابة ليهو ستة سنوات ومتزوج ,قال لي راتبي الاساسي 600 جنية وعندهم كان بدل سد خدمة 700 جنية , ماجر شقة بي 500 قال لي بدل سد الخدمة تم ايقافه منهم يعني فاضل ليهو من راتبه دا بعد الايجار 100 جنية مفروض يعيش بيها هو وزوجته واطفاله يتع
طبعا القالو ليك أخوك الأصغر نصف الحقيقة لأننا عارفين وكيل النيابة مدخل الخدمة اجمالي راتبه كم ناهيك عن سته سنة خدمة
| |
|
|
|
|
|
|
Re: حوار مع : فرح , علاء الدين , فدوى , جمعة , ود الباوقة واخرين (Re: Frankly)
|
Quote: الإقتصاد أقوى اقتصاد في أفريقيا |
عنزة ولو طارت
Quote: الزراعة نأكل مما نزرع ونصدر الباقي
|
ثور وان حلبوه
Quote: الصناعة سكر النيل الأبيض في الطريق |
ان كان المتحدث مجنون فالسامع عاقل
Quote: البترول اكتفاء ذاتي وتصدير الباقي للجنوب |
لا تسألوا المجنون عن سر جنونه (مثل هندى)
ربنا يسألك يا اساسى ناس بالعقلية دى انت راجى معاهم نقاش ؟؟ بالمناسبة كل الكيزان بهذه العقلية .. متطابقون هى البلد رجعت ورا من شوية ؟؟
| |
|
|
|
|
|
|
Re: حوار مع : فرح , علاء الدين , فدوى , جمعة , ود الباوقة واخرين (Re: هشام عباس)
|
تقسيم هادى ورايق, وفيه الكثير من الحقيقة والمنطق السّوى, لولا هذه:-
Quote: حنقول لمن جات الحكومة الحرب العرقية مدورة ليها اربعين سنة والجيش في اضعف حالاته , وفي النهاية الحكومة حسمت الحرب العرقية بانها فصلت الجنوب , والحكومة الان ما عندها حل للحرب العرقية المدورة دي زاتا , |
فالحكومات قبل الإنقاذ لم تخض حرباً عرقية, لأن الحرب لم تخرج وقتها من إطار السياسى, لكن بمجئ الإنقاذ, أخذت الحرب منحىً عرقياً ودينياً, بل كانت الحرب أحد قمصان عثمان التى رفعتها الحكومة عالياً حتى تستدر بها العاطفة الدينية, العرقية والجهوية التى نجحت فى زرعها فى وجدان الناس جميعاً, حتى جعلت الكل ضد الكل. الحكومات السابقة كانت لها مساوئها الكثيرة, لكن الحرب الدينية, العرقية والعنصرية الطابع لم تكن إحداها.
شكراً يا أساسى صوت العقل هذا الذى يعلو فوق صوت النُصرة (الكضابة). مودتى
| |
|
|
|
|
|
|
Re: حوار مع : فرح , علاء الدين , فدوى , جمعة , ود الباوقة واخرين (Re: عبدالله شمس الدين مصطفى)
|
عزيزى أستاذ عمر صديق, لتحية.
Quote: وعليه فنحن نتمسك بها وندافع عنها لاننا نري الظروف المحيطة بالبلاد والمخاطر المحدقة بوجود الوطن والمؤامرات الخارجية والداخلية ولذلك فان الاهداف الكلية لمصالح الوطن القومية تجعلنا نضع وجود الانقاذ من اوجب واجباتنا ونحرص علي الدفاع عن ذلك بكل ما اوتينا من قوة وعليه نقف صفوفا متراصة مع جموع الشعب السوداني ونعد العدة بما اسطعنا للدفاع عن الوطن وقيمه العليا |
غريب يا عمر أن تنجح فى رؤية الظروف المحيطة بالبلاد, وتعجز عن رؤية الظروف التى تمر بها البلاد!!!!! ثم أى مخاطر محدقة بوجود الوطن, والحكومة تنفذ كل المخططات التى تهدد هذا الوجود, ويكفيها فشلها فى الحفاظ على وحدة ترابه. يا عمر الحكومة دفعت بسياساتها الرعناء لتفتيت الوطن وإنقسامه, وتأتى لتحدثنا عن مصالح الوطن القومية, ثم ما مسوغك للربط بين هذه المصالح القومية وحكومة الإنقاذ, وجموع الشعب السودانى؟؟!!!! بعيداً عن كل الأرقام والإحصائات الحكومية, وبعيداً عن تبجح الحكومة وكذبها حول الإقتصاد السودانى, وحول كل ما يمس الشعب السودنى, فإن الواقع يقول أن حال المواطن قبل الإنقاذ, كان أفضل من حاله الان, وأن كل ما جاء فى بيان الحكومة الأول لم يعدو كونه وعوداً جوفاء, فالحرب التى وعدوا يحسمها, تمددت وأكلت الأخضر واليابس ودخلت إلى كل بيت, الإقتصاد الذى وعدوا بتحسينه قد إنكمش وإنحصر وجوده فى جيوب بعض رموز النظام وأزلامهم وتوابعهم, بينما زاد فقر المواطن السودانى وبات أكثر من 80% من الشعب السودانى تحت خط الفقر!!!! 23 عاماً من اللهث, ولا شئ وضعته الحكومة فى سلة المواطن المسكين, فلا مأكل ولا ملبس, ولا علاج ولا تعليم ولا ولا ولا, فما الذى يجعل هذا المواطن يهب لمساندة حكومة لم تقدم له شيئاً, والأدهى أنها باتت توجه سلاحها وعتادها على صدره حين خرج يطالب بحقوقه, و والله لولا السطوة الأمنية وخوف (البهدلة) على يد من لا يخاف الله فينا, لخرج الشعب عن بكرة أبيه حتى يرمى بهذه الحكومة إلى المزبلة, ولا أظنك تصدق أن الإحتجاجات التى تدور هذه الام من صنع (شذاذ آفاق) أو متربصين بالوطن, فهؤلاء هم من نجحوا فى نفض عباءة الخوف عنهم وخرجوا لمواجهة آلة السلطة وبطشها, وهؤلاء هم الشعب السودانى الذى تدعى الإنقاذ ومريديها أنها جاءت من أجلهم. ياخ قل لنا أى سلطة تبيح لنظام ولوجوه معينة أن تبقى ل 23 عاماً فوق السلطة!!! ألا يعد هذ أكبر فساد صارخ فى حد ذاته, فما مسوغ بقاء أى نظام مهما كان صلاحه أوأمانته على سدة الحكم كل هذا الوقت!!!! ما مسوغ بقاء رموز وشخصيات فاحت روائح فسادها وخبثها على قمة سدة الحكم والحل والربط !!!!! الذى اعرفه أن الحكومة هذه قد فشلت فى كل شئ, وكان فشلها بيدها, لا بيد الآخرين, فلا أكثر من أن تذهب غير ماسوف عليها, يأتى من يرضاه الناس, فما فعلته بنا يتعدى أى خراب أو ضرر سيصيبنا بذهابها, ولا يضيرنا أى سلخ قادم من بعد أن ذبحتنا هذه الحكومة على (قبلة) بقاءها وتمسكها بالحكم. مودتى يا عمر.
(عدل بواسطة عبدالله شمس الدين مصطفى on 07-07-2012, 02:09 PM)
| |
|
|
|
|
|
|
Re: حوار مع : فرح , علاء الدين , فدوى , جمعة , ود الباوقة واخرين (Re: عبدالله شمس الدين مصطفى)
|
Quote: غريب يا عمر أن تنجح فى رؤية الظروف المحيطة بالبلاد, وتعجز عن رؤية الظروف التى تمر بها البلاد!!!!! ثم أى مخاطر محدقة بوجود الوطن, والحكومة تنفذ كل المخططات التى تهدد هذا الوجود, ويكفيها فشلها فى الحفاظ على وحدة ترابه. يا عمر الحكومة دفعت بسياساتها الرعناء لتفتيت الوطن وإنقسامه, وتأتى لتحدثنا عن مصالح الوطن القومية, ثم ما مسوغك للربط بين هذه المصالح القومية وحكومة الإنقاذ, وجموع الشعب السودانى؟؟!!!! |
استاذنا العزيز عبد الله شمس الدين تحياتي
الظروف التي تمر بها البلاد هي نفسها نتائج اسبابها الظروف او العوامل الداخلية او الخارجية التي تحيط بالبلاد وعليه فان العلاقة بينهما هي علاقة العلة بالمعلول والسبب بالمسبب
اما وحدة البلاد فقد عملت لها الحكومة باقصي ماتسطيع وكما قلت في ردي علي الاستاذ اساسي ان حق تقرير المصير الذي افضي الي الانفصال قد قبلت به كل القوي السياسية السودانية قبل نيفاشا
ومسوغي لربط الانقاذ مع جموع الشعب السوداني انه راض عنها والا لثار عليها وقام باسقاطها
Quote: بعيداً عن كل الأرقام والإحصائات الحكومية, وبعيداً عن تبجح الحكومة وكذبها حول الإقتصاد السودانى, وحول كل ما يمس الشعب السودنى, فإن الواقع يقول أن حال المواطن قبل الإنقاذ, كان أفضل من حاله الان, وأن كل ما جاء فى بيان الحكومة الأول لم يعدو كونه وعوداً جوفاء, فالحرب التى وعدوا يحسمها, تمددت وأكلت الأخضر واليابس ودخلت إلى كل بيت, الإقتصاد الذى وعدوا بتحسينه قد إنكمش وإنحصر وجوده فى جيوب بعض رموز النظام وأزلامهم وتوابعهم, بينما زاد فقر المواطن السودانى وبات أكثر من 80% من الشعب السودانى تحت خط الفقر!!!! 23 عاماً من اللهث, ولا شئ وضعته الحكومة فى سلة المواطن المسكين, فلا مأكل ولا ملبس, ولا علاج ولا تعليم ولا ولا ولا, |
الارقام والاحصاءات تقول ان الاقتصاد السوداني تطور كثيرا وزادت مؤشرات النمو في الناتج القومي الاجمالي وتضاعفت الموارد وايضا زادت المصروفات وتضاعف الاستهلاك وصحيح ان الاداء الاقتصادي قد تراجع بعد الانفصال وصحيح ان السياسات الاقتصادية التي ادت الي الوضع الحالي يشوبها خلل وفشل يستدعي المراجعة واعادة النظر ولكنه ليس سببا لدفع البلاد الي عدم الاستقرار وايقاف عجلة التنمية
Quote: فما الذى يجعل هذا المواطن يهب لمساندة حكومة لم تقدم له شيئاً, والأدهى أنها باتت توجه سلاحها وعتادها على صدره حين خرج يطالب بحقوقه, و والله لولا السطوة الأمنية وخوف (البهدلة) على يد من لا يخاف الله فينا, لخرج الشعب عن بكرة أبيه حتى يرمى بهذه الحكومة إلى المزبلة, ولا أظنك تصدق أن الإحتجاجات التى تدور هذه الام من صنع (شذاذ آفاق) أو متربصين بالوطن, فهؤلاء هم من نجحوا فى نفض عباءة الخوف عنهم وخرجوا لمواجهة آلة السلطة وبطشها, وهؤلاء هم الشعب السودانى الذى تدعى الإنقاذ ومريديها أنها جاءت من أجلهم. ياخ قل لنا أى سلطة تبيح لنظام ولوجوه معينة أن تبقى ل 23 عاماً فوق السلطة!!! ألا يعد هذ أكبر فساد صارخ فى حد ذاته, فما مسوغ بقاء أى نظام مهما كان صلاحه أوأمانته على سدة الحكم كل هذا الوقت!!!! ما مسوغ بقاء رموز وشخصيات فاحت روائح فسادها وخبثها على قمة سدة الحكم والحل والربط !!!!! الذى اعرفه أن الحكومة هذه قد فشلت فى كل شئ, وكان فشلها بيدها, لا بيد الآخرين, فلا أكثر من أن تذهب غير ماسوف عليها, يأتى من يرضاه الناس, فما فعلته بنا يتعدى أى خراب أو ضرر سيصيبنا بذهابها, ولا يضيرنا أى سلخ قادم من بعد أن ذبحتنا هذه الحكومة على (قبلة) بقاءها وتمسكها بالحكم. |
المواطن لم يخرج لاسقاط الحكومة والذين خرجوا لاوزن لهم ولايمثلون الا انفسهم واحزابهم المعلولة لان قوة النظام لو كانت تكفي لسبب بقاء الحكومة لما سقطت حكومات مصر وتونس وليبيا
ولان الشعب السوداني لم يصرح او يتحدث عن انه قرر اسقاط الحكومة
وكما قللت للاخ هشام عباس لاينسب لساكت قول
والشعب السوداني مازال ساكتا
مما يعني انه يقبل بالانقاذ لتحكمه لان القاعدة الفقهية والقانونية تقول ان السكوت في معرض الحاجة الي البيان بيان او اقرار
وهذا يكفي كدليل علي ان الشعب السوداني يقر بقاء الانقاذ وان كان ذلك لايعني الرضا عن كافة قراراتها وخاصة الاجراءات الاقتصادية الاخيرة
| |
|
|
|
|
|
|
Re: حوار مع : فرح , علاء الدين , فدوى , جمعة , ود الباوقة واخرين (Re: عمر صديق)
|
مرحباً أستاذ عمر.
Quote: الظروف التي تمر بها البلاد هي نفسها نتائج اسبابها الظروف او العوامل الداخلية او الخارجية التي تحيط بالبلاد وعليه فان العلاقة بينهما هي علاقة العلة بالمعلول والسبب بالمسبب |
هذا صحيح يا عمر, لكن معلوم أن الحكومات هى ما ينتج الأوضاع والقرارات السياسية, والتى يتمخض عنها أوضاع ما تكون فى النهاية هى نتاج ما أنتجته الحكومة, أو ما خرج من بين أيديها من قرارات وخيارات أدت الى الوضع والحالة المعنية.
Quote: اما وحدة البلاد فقد عملت لها الحكومة باقصي ماتسطيع وكما قلت في ردي علي الاستاذ اساسي ان حق تقرير المصير الذي افضي الي الانفصال قد قبلت به كل القوي السياسية السودانية قبل نيفاشا |
لا أفهم يا عمر كيف تكون الحكومة قد عملت, أو تعمل على وحدة البلاد وهى تفتح فى كل يوم جبهة جديدة للقتال فى ناحية/ جهة أو بقعة ما؟؟!!!! فيما يخص الإنفصال, فالكل يعلم أن هذا القرار/ الخيار لم يكن بيد الحكومة وحدها, بل كان للطرف الآخر - الحركة الشعبية - نصيب أعلى فى تحديد, وتقرير مصير ذلك الجزء من جسد الوطن, لكن الذى كان فى يد الحكومة هو أن تسعى جاهدة لجعل الوحدة ليست جاذبة فقط, بل و محصلة نهائية لمسألة تقرير المصير هذه, الشئ الذى سعت الحكومة بكل ما أوتيت من قوة, جهد وإمكانيات لفعل ضده تماماً, ولا أدل على ذلك إلآ أقوال وأحاديث المسؤولين عن (جر العربة الثقيلة), عن ذهاب الخبث وعن وعن , وكلها أرادت أن تقول لنا, أن أكبر إنجاز للحكومة كان فى تخلصها من (الشريك المخالف) هذا, وبخست من القدر والأهمية التى يمثلها الجزء الجنوبى من وطننا على أدائنا وإستقرارنا الإقتصادى, وذهبت لحد القول أن السماء قد فُتِحت لهم من بعد أن تخلصوا عن ذلك الجزء وكآفأتهم على فعلتهم هذه بإكتشاف بحار بترول, ومناجم ذهب فى شمال السودان الذى تطهر وغسل جسده عن درن ونجاسة الجنوب الذى ذهب مأسوفاً عليه من جموع الشعب السودانى, والذى ذهب ملعوناً إلى جحيمه من قِبل حكومة الإنقاذ ومشايعيها وكل من (عام عومها).
Quote: ومسوغي لربط الانقاذ مع جموع الشعب السوداني انه راض عنها والا لثار عليها وقام باسقاطها |
كما يقول المثل الشهير أن "أول الرقص حنجلة", فما نراه الان هو تلك الحنجلة يا عمر, وكلنا يعلم ان الثورات لا تُنجز بين عشية وضحاها, وكلنا يعلم أن السطوة الأمنية تشكل عائقاً فى تمدد الفعل الثورى المناهض, لكنها لا تشكل مصداً لرياح وأمواج المد الثورى, قال ذلك الأمر تجارب التغيير المحيطة بالسودان, التى أنجزت فروضها, أو تلك التى تسير على الدرب, وما بدلوا تبديلا. قل لى يا عمر, ما هو الفرق بين نظام البشير, ونظام مبارك/ القذافى أو بشار, أو أى نظام آخر؟؟!!!ما الذى يميز تلك الأنظمة, ما الذى يجعل منها أنظمة شائهة ومجرمة, ويجعل من الإنقاذ نظاماً سياسياً وإجتماعياً لا يأتيه الباطل لا من بين أيديه ولا من خلفه؟؟!!! تعال نشرّح تلك الأنظمة خلية خلية, مفصلاً مفصل, وعضواً عضو, ثم قل لى ما الفرق بينها وبين الإنقاذ, ما الفرق بينها وبين بعضها, وما الذى يجعل الإنقاذ حكومة ومنتسبين تهلل وتحتفى بتلك الثورات فى بلدانها, بل وتتفاخر بأن كان لها يد فى صنع بعضها, وبين أن تردع ثورتها الداخلية وتصفها بكل قبيح وساقط من القول؟؟!!!! ثم ألم تقم قيادات تلك الأنظمة البائدة بوصف شعوبها بالجرذان والمارقين و و وو, اليس هو نفس خطاب السلطة العاجز والعيىّ فى تقليل وتجريم الذين يخرجون عن (بيت طاعتها)؟؟!!!
Quote: الارقام والاحصاءات تقول ان الاقتصاد السوداني تطور كثيرا وزادت مؤشرات النمو في الناتج القومي الاجمالي وتضاعفت الموارد وايضا زادت المصروفات وتضاعف الاستهلاك وصحيح ان الاداء الاقتصادي قد تراجع بعد الانفصال وصحيح ان السياسات الاقتصادية التي ادت الي الوضع الحالي يشوبها خلل وفشل يستدعي المراجعة واعادة النظر ولكنه ليس سببا لدفع البلاد الي عدم الاستقرار وايقاف عجلة التنمية |
تذكرت المرحوم محمد إبراهيم نقد فى رد الحزب الشيوعى حول خطاب الميزانية الشهير للعام 1987 أو 1988 لا أذكر, ذلك الخطاب الذى نال إستحسان كل الشعب السودانى, ليس لأنه طرح حلولاً إقتصادية ما, بل لأنه شرح للمواطن السودانى البسيط ما بهُم من المصطلحات الإقتصادية التى ظلت الحكومة تشنّف بها أذان الشعب, وتجعله ينسحب الى ذاته خجلاً من (عدم فهمه) وجهله بدهاليز الأداء والممارسة الإقتصادية, فيقول فى روحه وهو مستلقٍ عارٍ وجائع, "يعنى أنا حأفهم أكتر من الحكومة"!!!!!, يتراجع واقع جوعه, مرضه, وفاقته أمام (الخطاب الإقتصادى) للحكومة, وها أنت الان تفعل مثلما تفعل تلك الحكومات. كل اللغة المليئة بالمصطلحات الإقتصادية على شاكلة الناتج القومى الإجمالى, إنخفاض معدلات التضخم, التنمية المستدامة وو و و لا تعنينا من قريب أو من بعيد إن لم تُترجم لواقع عملى, واقع يحسه, يعيشه ويلمسه المواطن فى توفر وإنخفاض اسعار السلع الضرورية, توفر مجانية العلاج, مجانية التعليم, خفض الضرائب, أن تتقلص المسافة بين دخله ومنصرفه, ان يكون للمرتب معنى موازى لتغطية الإحتياجات وصد سطوتها وسلطانها, ألآ يسهر الليالى "يحسب فيها, يوديها جاى, ويجيبا جاى بلا فائدة". يعنى يا عمر المواطن ما عاوز حصة فى مصطلحات ومعانى الإقتصاد بقدر ما هو فى حاجة لتوفر ضروريات حياته, واساسيات بقائه, وليبقى على جهله وغباه الإقتصادى, ما هم ذلك. حضرتنى هنا طُرفة سيدة أنصارية عجوز ذهبت لحضور لقاء سياسى تحدث فيه السيد الصادق المهدى, ثم عادت لتحكى ما حدث, قالت:- " سيدى الصادق قال لنا كلام, بكينا بكينا بكينا كيييييييي, فسألها محدثها, وقال ليكم شنو, فقالت له, "أفو, هو كمان كلام سيدى الصادق بنعرف ولا بنفهم"!!!! أها كمان يا عمر يا أخوى, إنتو عاوزيننا نبكى كيييييييي, وما نفهم حديثكم لأن حديثكم ما بنفهم, فعلينا أن نبكى فقط, وندع الفهم لكم.
Quote: لمواطن لم يخرج لاسقاط الحكومة والذين خرجوا لاوزن لهم ولايمثلون الا انفسهم واحزابهم المعلولة |
ولا أدل على حديثك هذا يا عمر من برهان لغياب وإنتفاء صفة الديمقراطية عن النظام وفهمه, فالتظاهر حق يكفله الدستور, أليس كذلك؟؟ أما مسألة تصنيف الذين خرجوا بوصفهم بأن "لا وزن لهم" فهو لعمرى يشبه تماماً التوصيف الذى تردده الألسن الان, ذلك الحديث الذى أطلقه السيد الرئيس توصيفاً للذين خرجوا بأنهم شذاذ آفاق. ثم ما الضير فى تمثيل المرء لنفسه أو لحزبه السياسى, الا يفعل منسوبى الإنقاذ هذا الأمر, أى أن يمثلوا أنفسهم, أو يمثلوا نظامهم السياسى الذى يرتضون, اليس هذا هو الأمر السوى وهو محصلة العمل الديمقراطى؟؟!!!. ثم ما هى سمات وصفات المواطن يا عمر؟؟!!! من هو المواطن, ومن هو الشخص (الشاذ), ومن هوذلك الذى لا وزن له؟؟!!! قال القاضى للمتهم ببيع لحم الحمير للناس فى (كمبو) بمدينة القضارف, "كيف تبيع لحم الحمير للناس, فقال المتهم, "يا مولانا والله أنا ما قعد أبيع اللحمة للمواطنين", يعنى جموع السكارى وطالبى لذة الخمر فى تلك المناطق ليسوا مواطنين, بل حاجة كده على حسب فهمه, وهذا يشبه حديثك عن :- Quote: ]لمواطن لم يخرج لاسقاط الحكومة |
, فما صفة الذين خرجوا إن لم يكونوا مواطنين, من اين أتوا, ومن هم؟؟!!!!!!!!. وبمثل مصر وتونس وليبيا, فإن القوة والبطش الأمنى لن تنجح فى حماية النظام إلى أبد الآبدين, وإن تراجع الناس الان عن فعلهم الثورى هذا, فلا يعنى ذلك أنهم فشلوا فى سعيهم, وأن الحكومة قد إنتصرت فى الحرب, بل هو يعنى أن جولة ما, وصولة ما قد إنتهت , وتعنى أن الحرب سجال, وكرٌ وفرٌ, ونهاية معركة ما لا تعنى بأى حالٍ نهاية الحرب ولا خاتمتها, إلى أن يقضى الله أمراً كان مفعولا.
Quote: والشعب السوداني مازال ساكتا مما يعني انه يقبل بالانقاذ لتحكمه لان القاعدة الفقهية والقانونية تقول ان السكوت في معرض الحاجة الي البيان بيان او اقرار |
والشعب السودانى كان ساكتاً لكن صوته بدأ فى الخروج, وفى السياسة, فالسكوت لا يعنى أو يشكل رضاءً ما, لأن العفل السياسى فى منطقتنا هذه محفوف بمخاطر الخطوط الحمراء ,التابو, وحُرمة الخروج عن الوالى وما ادراك ما الوالى.
والبقاء لله يا عمر, البقاء للأنفع, حتى يرث الله الأرض وما عليها. كن بخير يا عمر. مودتى
| |
|
|
|
|
|
|
Re: حوار مع : فرح , علاء الدين , فدوى , جمعة , ود الباوقة واخرين (Re: Hani Arabi Mohamed)
|
سلام يا أساسي و ضيوفه .. حين رأيت البوست لأول مره قلت لنفسي انه من الجيد ان ينحصر النقاش بين أساسي و من طلبهم أو من يختلفون معه في الرأي. لكن وجدت نفسي مدفوعاً للتعليق على ما قاله الأخ فرانكلي :
Quote: الزراعة نأكل مما نزرع ونصدر الباقي |
وحتى لا أكثر الحديث فسأنقل تصريحاً لوزير الزراعة السوداني في شهر 9 سنة 2010 :
Quote: أعلنت وزارة الزراعة والغابات السودانية توجه سياساتها للمرحلة المقبلة بالتركيز على زراعة الحبوب كاستراتيجية للحد من تفاقم أزمة نقص الغذاء، وقال وزير الزراعة إن السودان يستورد سنوياً حبوباً تبلغ قيمتها مليارا وسبعمائة مليون دولار، وقال إن بين جملة مبالغ استيراد الحبوب 600 مليون دولار تذهب لسد الفجوة في القمح. هذا الأمر دفع بكثير من المهتمين إلى قولهم إن على الحكومة مراجعة وتفحص شعاراتها التي أعلنتها سابقا وما زالت متمسكة بها، وطالبوها بتنفيذ آخر شعاراتها التي أطلقت عليه اسم «النهضة الزراعية»، وطالبوها بأن تسأل نفسها: كيف لها بعد أعوام من إطلاقها لذلك الشعار تضطر لاستيراد كميات كبيرة من القمح تصل قيمتها لأكثر من (600) مليون دولار، مما اضطر التجار إلى زيادة أسعار الدقيق، لأن المستورد من القمح قد زادت أسعاره عالمياً. غير أن كثيرا من المختصين في الشأن الزراعي يرون أن السبب في ذلك تقلص المساحات التي كانت تزرع بالقمح، خاصة في المشاريع المروية القومية الأربعة (الجزيرة، والرهد الزراعي، وحلفا الجديدة، والسوكي)، لاسيما أن مشروع الجزيرة وحده كان في السابق يزرع نحو (400) ألف فدان، بل بلغ أحد المواسم أكثر من (600) ألف فدان، وقد تقلصت تلك المساحة بصورة مذهلة، بعد أن كان حجم زراعة القمح بالسودان يبلغ نحو أكثر من (800) ألف فدان، في مشروع الجزيرة وأراضي ولايتي «الشمالية» و «نهر النيل» التي تقع على النيل الرئيسي، مما أدى لانكماش في الإنتاجية وأصبحت لا تزيد عن 350 ألف طن متري، وهي تعادل %25 من حجم الاستهلاك المحلي، الأمر الذي جعل حكومة السودان تستورد الكميات التي تغطي الطلب الاستهلاكي، إضافة إلى استيراد كميات من الذرة.
|
اقرأ التقرير كاملاً في صحيفة العرب الدولية
وأيضاً :
Quote: وفى السياق أوضح عبد الحميد آدم مختار- الأمين العام لاتحاد مزارعي السودان - ان إنتاجية القمح بالسودان لا تتعدى الـ(600) ألف طن قمح فى العام ، حيث تغطي (35%_37%) من الاستهلاك، وأضاف: ما تبقى من استهلاك سنوي عبارة عن عجز تتم تغطيته بالعملاات الصعبة، وتابع: يجب علينا ان نغطيه بمضاعفة الإنتاج،و بالسياسات المشجعة وبالثبات عليها مع الشركاء، واشار الى ان المساحات المتاحة لاستزراع القمح تبلغ (5) ملايين فدان لم تستغل كلها. |
المصدر
والحقيقة انها أول مرة منذ زمن أسمع شخصاً يقول ان السودان مكتفي من الزراعة و يصدر ما يفيض عن حوجته
ولا يفوتني ان اؤكد اتفاقي الكامل مع مداخلة ود البشرى :
Quote: قد يكون فرانكلي على حق حين قال ان احزب البديل ليست لديها عصا موسى لتغير الحال في التو و اللحظة لكن أي بديل للإنقاذ - مهما كان معولق - لديه امتيازات لا - ولن - تملكها الإنقاذ اولا ح يكون حر من تركة الفساد المهولة التي وصلت مرحلة لا تستطيع الانقاذ ان تحسمها لتغلغلها و تورط مسؤولين كبار فيها سيكون بمقدور البديل بسهولة الوصول لتفاهمات و اتفاقيات لايقاف الحروب اذ لا غبائن او تاريخ نقض عهود كما الانقاذ يمكن التوصل لاتفاق مع الجنوب حول تصدير البترول ايقاف الصرف الخيالي على الامن و الجيش البديل سيتحرر من العزلة الدولية للنظام نتوقع عودة القروض و المستثمرين و المساعدات العربية |
| |
|
|
|
|
|
|
Re: حوار مع : فرح , علاء الدين , فدوى , جمعة , ود الباوقة واخرين (Re: حمور زيادة)
|
كتب الكوز الدباب أساسي:
Quote: تقبل السودانين هذه الحكومة بصدر رحب , بل واستبشروا بها خيرا والتف حولها الشعب السوداني بنسبة 90% علي الاقل ان لم يكن اكثر . |
ده كلام غير صحيح. وإذا كان الكيزان لهم شعبية تقدر ب 90 في المئة لما فكرو في إنقلاب عسكري أصلا. ولم يلتف بحكومة الكيزان المجرمة سوى الكيزان والإنتهازيين والمتملقين. وهي أسواء حكومة عرفت في السودان ومنذ يومها الأول.
وكتب أساسي أيضا:
Quote: السلام , كما اسلفنا خاضت الحكومة الحروب بشعب السودان ومات من من مات وقتل من قتل واستشهد من استشهد وجرح وبتر من بتر ودفع الثمن خيرة شباب البلاد ارواحهم رخيصة من اجل وحدتها وصون عرضها حرب لسنوات طوال انتهت , بان فقدت البلاد عرضها وطولها ولم يصن ترابها وفصل السودان وكان ان قبل الشعب فصله علي حفظ ما تبقي من دماء وارواح ابنائهم , الا ان الحرب ما تزال تستعر بل وفتحت جبهات وجبهات اخر لم تكن تحارب اصلا ولا حاجة للاستفاضة فالكل يعلم |
لماذا يستحي الدباب أساسي أن يزكر لنا من هم الذين ماتو وكم عددهم في حرب الكيزان القذرة ضد السودانين؟ ولماذا شارك الشباب من أمثاله في هذه الحرب القذرة ضد مواطنيه؟ ولماذا فشل الدباب أساسي أن يسمي هذه الحرب بأسمها الحقيقي(الحرب الجهادية)؟
إذا كنت تريد أن تقفز من سفينة الإنقاذ الغارقة فعليك ن تقول الحقائق أولا قبل أن توجه نقدك للأخرين. ده أنا بسميه أستهبال كيزان ساكت، وسوف نرى عدد كبير من أمثالك سوف يقفزون من هذه السفينة الكيزانية الغارقة. ولقد علمنا التاريخ ذلك. فما تعمل لينا فيها بطل.
| |
|
|
|
|
|
|
Re: حوار مع : فرح , علاء الدين , فدوى , جمعة , ود الباوقة واخرين (Re: Elkhawad)
|
Quote: كيمو ... دي حرم من شده ما حامضه مويه السد ما تفكها |
بتجيب الضغط عديل دي
ههههههه
وينك يا نيزو
يا زول خلينا نتونس في بنبر ما لا بنبر له
هنا أي زول بيقول رأيه كوز وأمنجي وفي رواية شذاذ الآفاق "رباطي"
يعني بقت في كيمو
الترابي بقدرة "كوزنته" بقى معارضة يحتفى به زعيماً للمعارضة والكل يرقص على صفارته
انسى يا حبيب
_____
والله ليك وحشة
| |
|
|
|
|
|
|
Re: حوار مع : فرح , علاء الدين , فدوى , جمعة , ود الباوقة واخرين (Re: Deng)
|
احيانا نجد حاجات حلوة اثناء بحثنا عن حاجات تانية بوست وقع فى يدى بالصدفة البحته .... فرح ، علاء ، فدوى ، جمعة ، ود الباوقة ، وميادة واخرين يعنى ح يعافر ليكم فرانكلى دا براهوو؟؟؟ انتو ما شفتو اساسى دا قدر كيف ؟ ولا شنو ؟ بتبالغوا .....
ـــــــــــــــــــــــــــــــ قال ليكم حوار ... حووووووووار .... تعالوا !
| |
|
|
|
|
|
|
Re: حوار مع : فرح , علاء الدين , فدوى , جمعة , ود الباوقة واخرين (Re: Deng)
|
Quote: لكن هذه الحكومة تضم عباقرة ما انجبته بطن السودان |
بكل تأكيد:
الناس اللي باعو خط هيثرو أهم خط ملاحي للخطوط الجوية السودانية (بدون علم الدولة) ولا يزال البحث جارياً عن كيفية بيع هذا الخط ومن الذي باعـه .. يؤكدون هذه العبقريـة عقد مدير الأوقاف وتصرفاته في الأوقاف التي نشرتها الجريدة .. تؤكد هذه العبقرية
وأمور أخرى كثيـرة .....
| |
|
|
|
|
|
|
Re: حوار مع : فرح , علاء الدين , فدوى , جمعة , ود الباوقة واخرين (Re: PLAYER)
|
انت ماك غلطان تب ........الزول دا زولم بالحيل بس بقي لي شاف الشغلة ما ماشة عدل مع الجماعة فقال يرمي رجل في التجاه التاني...لزوم الاحتياط حكمة اليوم اذا الخسارة جاية بيع برسمالوا
الله يخليك PLAYER المشكلة إنو الشعب السودانى دا شعب بلا ذاكرة، أسى شوف الجماعة المترصين فوق ديل من دهاقنة المعارضة، يصفقوا ل أساسى وهو يعرض فى توصيف الكيزان، كأنهم لأول مرة يكتشفوا إنو الكيزان ديل سيئين! يا أخى دا شعب طيب جداً، و بتآخد على قدر عقلوا، عشان كدة الكيزان قاعدين يلعبوا بيهو، أساسى شنو النحن منتظرنوا بعد ثلاثة و عشرين سنة عشان يجى يقول لينا الحكومة سوت و فعلت؟ ما الناس دى من 1989 عرفت إنها دى حكومة سجمانة لا يرجى منها و فضلت تقاوم، بينما أساسى و من لف لفهم، ماسكين الشطر و برضعوا، اسه لما الشطر نشف، يروح فاكيه و جاى من دون خجل، فاتح ليه بوست و ينبذ فى الناس الكان مصطف معاهم! معقولة نحن سذج للدرجة دى و بضحك علينا؟ أساسى إذا فعلاً إقتنع من خيراً فيها عليه بفتح بوست للملأ يعلن من خلاله توبته من الآثام التى إرتكبها فى حق الشعب السودانى كدباب، و يستغفر الله على ذنوبه و من ثم يجلس مع العامة، كلاعب معتزل ينتظر دوره ربما يطلب منه رأى. بلاش خم و إستهبال معاكم، طيب بالطريقة دى ما حنتوقع البشير، يطلب ليه باس وورد من بكرى و يفتح ليه بوست ينادى على عثمان و الطيب مصطفى، و عبدالرحيم حسين و نافع و رجاء الخليفة عشان يحاورهم فى إخفاقاتهم!
| |
|
|
|
|
|
|
Re: حوار مع : فرح , علاء الدين , فدوى , جمعة , ود الباوقة واخرين (Re: PLAYER)
|
Quote: الذى اعرفه أن الحكومة هذه قد فشلت فى كل شئ, وكان فشلها بيدها, لا بيد الآخرين, فلا أكثر من أن تذهب غير ماسوف عليها, يأتى من يرضاه الناس, فما فعلته بنا يتعدى أى خراب أو ضرر سيصيبنا بذهابها, ولا يضيرنا أى سلخ قادم من بعد أن ذبحتنا هذه الحكومة على (قبلة) بقاءها وتمسكها بالحكم. |
لخصت الموضوع ياعبدالله شمس االدين اخوى ، اتفق معك
سلام ياأساسى وشكرا على البوست
تحياتى
| |
|
|
|
|
|
|
Re: حوار مع : فرح , علاء الدين , فدوى , جمعة , ود الباوقة واخرين (Re: أحمد الشايقي)
|
Quote: قد يكون فرانكلي على حق حين قال ان احزب البديل ليست لديها عصا موسى لتغير الحال في التو و اللحظة لكن أي بديل للإنقاذ - مهما كان معولق - لديه امتيازات لا - ولن - تملكها الإنقاذ اولا ح يكون حر من تركة الفساد المهولة التي وصلت مرحلة لا تستطيع الانقاذ ان تحسمها لتغلغلها و تورط مسؤولين كبار فيها سيكون بمقدور البديل بسهولة الوصول لتفاهمات و اتفاقيات لايقاف الحروب اذ لا غبائن او تاريخ نقض عهود كما الانقاذ يمكن التوصل لاتفاق مع الجنوب حول تصدير البترول ايقاف الصرف الخيالي على الامن و الجيش البديل سيتحرر من العزلة الدولية للنظام نتوقع عودة القروض و المستثمرين و المساعدات العربية |
رد الأخ محمد البشرى هو أبلغ رد
وأُضيف إليه .. إذا ما عجبنا البديل أو عجز عن الحل .. نستطيع تغييره عبر إنتخابات حره
| |
|
|
|
|
|
|
Re: حوار مع : فرح , علاء الدين , فدوى , جمعة , ود الباوقة واخرين (Re: عبدالوهاب علي الحاج)
|
تعليقات ---------------------- 1- تحية لأساسي وهو في كل صباح يتقدم خطوات في الإتجاه الصحيح وموافق على كلامه الإفتتاحي مع أخذ ملاححظات عبدالله شمس الدين ودينق في الاعتبار
2- تحية لود البشرى و اضافة اسامة الكرور عليها
3- مع تعليق ذكي لاحمد الشايقي ردا على عمر صديق
4- ما تضيعوا وقت مع كمال فرانكلي ، اللهم إلا من باب الإستفادة من تهريجه لمزيد من كشف النظام
5- انا مابثق في عمر صديق وما بضيع زمني معاه ، وماعنده قدرة في الأساس على كتابة سطر واحد صحيح فتشوا شوفوه نقل الهردبيس ده من وين
| |
|
|
|
|
|
|
Re: حوار مع : فرح , علاء الدين , فدوى , جمعة , ود الباوقة واخرين (Re: أبو ساندرا)
|
Quote: تعليقات ---------------------- 1- تحية لأساسي وهو في كل صباح يتقدم خطوات في الإتجاه الصحيح وموافق على كلامه الإفتتاحي مع أخذ ملاححظات عبدالله شمس الدين ودينق في الاعتبار
2- تحية لود البشرى و اضافة اسامة الكرور عليها
3- مع تعليق ذكي لاحمد الشايقي ردا على عمر صديق
4- ما تضيعوا وقت مع كمال فرانكلي ، اللهم إلا من باب الإستفادة من تهريجه لمزيد من كشف النظام
5- انا مابثق في عمر صديق وما بضيع زمني معاه ، وماعنده قدرة في الأساس على كتابة سطر واحد صحيح فتشوا شوفوه نقل الهردبيس ده من وين |
يادكتور بركات فيما يتعلق بالتعليق رقم 3 فهو يشابه تمام الدكتوراة بتاعتك ومع انك قلت ان اساسي يسير في الاتجاه الصحيح فلماذا تصر علي السير في الاتجاه المعاكس ؟
ومع تحياتي وتقديري لاحمد الشايقي فهو لم يرد علي ما كتبته انا بتاتا ولم يعلق تعليقا ذكيا كعادته ولاتعليقا معاكس كعادتك
اما التعليق رقم خمسة فهو يشبهك تماما ويناسب قامتك وقدراتك في الفهم الا انه يخالف ماذكرته عن ضياع الزمن لان ذلك هو صفة ملازمة لكل حياتك
مع تمنياتي لك بان يفتح الله بصيرتك وبصرك
| |
|
|
|
|
|
|
Re: حوار مع : فرح , علاء الدين , فدوى , جمعة , ود الباوقة واخرين (Re: عبد اللطيف بكري أحمد)
|
يا عبد اللطيف المسألة ما بالتعقيد دا نعم هناك تركة ثقيلة ستواجه البديل لتغيير الصورة التي رسمها العالم لسودان الإنقاذ لكن تغييرها ليس بالمستحيل بس عايز تفكير واقعي يضع مصلحة السودان قبل اي شي تاني اولا ومن قولة تيت ادانة واضحة لإحتلال ايران لجزر الامارات دا بفتح ليك ابواب الامارات و السعودية التي بدورها بتفتح ابواب تانية عارف حجم الاستثمار السعودي في الزراعة في اثيوببا او مفيض توشكا كم على سبيل المثال تاني مسألة القضية الفلسطينية دي نحنا ما احن عليها من اسيادها نصم خشمنا دا علينا و نمتنع عن التعليق , سوريا الاسد طيارتها للزمن داك لو ما كانت قامت فا ما عندنا شغلة معاها كفاية شيل وش القباحة مع العالم بدون فهم خلي المصريين يشيلو شوية كمان
| |
|
|
|
|
|
|
Re: حوار مع : فرح , علاء الدين , فدوى , جمعة , ود الباوقة واخرين (Re: زياد جعفر عبدالله)
|
عزيزى أحمد الشايقى. أعجبنى حديثك هذا:-
Quote: في الشريعة الاسلامية (التي يجأرون بتطبيقها .. صباح ... مساء) , فإن (درء المفاسد أولى من جلب المصالح)
يعني هذا إيقاف الهدر ومحاسبة المفسدين واسترداد الأموال .. ولكن الذي يحدث يدلك على غلبة (نظرية) فقه السترة .. لو كنت (سلطان المسلمين) لجلدت مطلق هذه العبارة (بالدرة) .. فماهو فقه السترة وما هو أصله في الدين .. ومتى ستر رسول الله أو خلفاؤه الراشدين على آكل أموال المسلمين ... (هل هؤلاء هم من يطبقون الشرع ؟؟)
يا جماعة الخير عندكم ( قربة) مقدودة (بالعربي كدا ..) قاعدين تتناقشوا وتسألوا عن البديل ؟؟؟؟ القربة لازم (تتوكي) أو (تترتق) بسراع .. والقربة المقدودة هي حكومة الإنقاذ دي .. تحل نفسها تتخارج .. تصل لانتخابات مبكرة (بضمانات حقيقية لعدم الخج) أو تقتلع ..حتى يتوقف النزيف غير الرشيد والتستر (وليس فقه السترة) ... أما الإخوان المتحذلقين بالتساؤل عن البديل فهولاء غير منطقيين ومستفزين .. غير منطقيين لأنك دائماً تسأل عن البديل لو كان الحاضر ممتازاً أو جيداً أو حتى حسناً... ولكن هذا الطاقم الحاكم يمكن استبداله (بفرحة غامرة) بأي عشرين زميل من هذا البورد وأن على ثقة أنه الحاكمين هم ليسوا ... حتى ... (افضل الكيزان) وسؤالهم استفزازي .. دون شك لجهة أنهم ظلوا يرددون علينا السؤال نفسـه قبل 24 سنة ولا يزالون وهذه ببغائية مقيتة واستفزاز لشعب ولود فكم تخرجت من الدفعات طوال هذه السنين .. أوليس في كل هؤلاء نساء ورجال راشدون ؟ ... |
مباشرة ثاقبة لمشهدنا الماثل
| |
|
|
|
|
|
|
Re: حوار مع : فرح , علاء الدين , فدوى , جمعة , ود الباوقة واخرين (Re: Frankly)
|
الأخ كمال الزراعة نأكل مما نزرع ونصدر الباقي ====================== بالله شنو في السودان من المحاصيل الزراعية منتج سوداني ؟ وبالله عليك آخر شنحة تصدير محصول سوداني واحد غادرت ميناء بورتسودان متى ؟ وكم قيمتها كانت ؟ عشان الأمر يكون أكثر وضوحا ... القمح من زمن ليس بالقريب مستورد رئيس لوكلاء مثل سيقا وويتا وآخرين ، المحاصيل الزيتية لو بتعرف جركانة زيت فول أو بذرة قطن منتجة في السودان هات اسمها ... عاش زيت صباح ... الصمغ العربي وانتاجه وعائداته في تراجع مريع ومحزن ... مضاربة الكيزان في الخراف وبقية الأنعام أخرجت السودان من السوق السعودي والصومال كانت البديل .. تعرف كم حجم المخزون الاستراتيجي للذرة بصوامع غلال القضارف ؟ تعرف كم سعر جوال الذرة اليوم ؟ لا استطيع التعليق على أن اقتصادكم الأقوى في أفريقيا .. وأقوال وأفعال شيوخ حزبكم اليومين ديل عن الاقتصاد تتدعو للشفقة .. شوف الشروق مرت من هنا لمدة 5 دقائق عشان تعرف اقتصادنا وصل وين ... جراء فساد وضلال هؤلاء العباقرة ..كما تصفهم ... باقي كلام أساسي محتاج منكم شجاعة وصراحة وموضوعية شوية ... تحياتي الشفيع إبراهيم
| |
|
|
|
|
|
|
Re: حوار مع : فرح , علاء الدين , فدوى , جمعة , ود الباوقة واخرين (Re: اساسي)
|
نعيد أدناه ردنا لاساسي وهو هدية خاصة جداً لناس التكويت ومنها نرفع البوست ---------------------------------------------
Quote: الإقتصاد أقوى اقتصاد في أفريقيا
الزراعة نأكل مما نزرع ونصدر الباقي
الصناعة سكر النيل الأبيض في الطريق
البترول اكتفاء ذاتي وتصدير الباقي للجنوب |
يا أساسي إنت من ما غيرت التيم بقت كورتك فاكة
طبعاً الكلام الفوق دا كلام ساااكت ودا الكلام العايزين ناس النضال الكيبرودي سماعه وقراءته وتكويته
ما علينا
يا أساسي المشكلة في الأول والأخير هي مشكلة "الإنسان السوداني"
يكثر من التنظير ويفشل في التطبيق
كيزان شيوعية انصار ختمية
تسمع لهم ولا ترى طحيناً
أنا ما زلت أقول
خكومة الكيزان دي بكل "عجرها" و"بجرها" أفضل من مظري احزاب العواجيز المعارضة
طبعاً أحزاب الشباب الإسفيري هم ليسوا إلا ضمن مناضلي الكيبورد
لو عايزين البلد دي يكون فيها فعلاً حاجة اسمها ديموقراطية وإنسان يعرف حقوقه في تقديم صوته لمن هو أهل للتكليف وليس لأنّ السيد أو الإمام صورته على ورقة الدعاية الحزبية والرمز القطية
لابد من إعادة صياغة هذا الإنسان الفاشل
كيف؟؟
وفي انفسكم افلا تعقلون
المشكلة فينا ومننا
حكومة معارضة وونا بيز
كله بيشتغل بسياسة تكسير مقاديف التاني حتى يصل للسلطة والكرسي "الوثير"
نحن ما عندنا وعي سياسي لكن عندنا تنظير سياسي لم يتقدّم قيد انملة منذ ان خرج المستعمر من السودان
كل مشاكل السودان تقف فيه المعارضة ضد الحكومة وتتفق مع الشيطان لو كان ضد الحكومة
الإنسان السوداني إنسان فاشل سواء حكم البشير أو الترابي أو الخطيب
يا هو دا السودان أحمد وحاج احمد وشيخ أحمد
ما في فرق بتاتاً
الإنقاذ (المؤتمر الوطني) بكل مساوئها هي أفضل حزب يمر على السودان من عهد بعانخي ذاته
طبعاً الجملة الفوق دي ح تفور دم الجماعة من شذاذ الآفاق
لكن ما مهم يهتري فشفاشهم إن شاء الله
دي حقيقة
مفروض اي إنسان عايز يتحول من فاشل لناجح أن يدرس سياسات ومؤسسات حزب المؤتمر الوطني ولجانه وطريقة مراسه
وهذا ما دفع ابن الإمام من أن يستغرب جداً من طريقة عمل دولاب الدولة في عهد الإنقاذ قال عندما سئل عن انضمامه للحكومة مساعداً للرئيس البشير
"ما ادهشني حقاً هو المعلومات الوفيرة التي تتعامل بها اجهزة الدولة والتنسيق الجيد بين لجان الدولة والحزب"
الكلام ما حرفي لكن بالمعنى دا
لو عرفنا من اين ينحدر هذا المساعد لعلمنا أنّ حزب المنظراتي الأول لا يمارس اي من هذه المعلومات والمؤسسية في حزبه المنشطر انشطار الأميبيا (حمانا الله)
عايزين حل للمشكلة الإقتصادية؟؟؟
طيب
راجين المعارضة لو مسكت الحكم مثلاً تقعد تحل المشكلة الإقتصادية؟؟؟
بالبساطة والسذاجة دي؟؟؟
معقوولة؟؟؟
الفشل سوداني وماركة مسجلة
أنا عندما اشاهد اقوال المعارضين في الغرب وكيف ان جل همهم هو الوطن وإنسان الوطن وانّهم يقنعون بدورهم هذا لتقديم النصح ببرامج تعد بعد دراسة من مراكز بحوث حزبية منضبطة مؤهلة وأجي اشوف زبالة المعارضة السودانية
اقتنع الحكومة دي احسن منها مافي لإنسان السودان
مما مهم الناس تتفق معاي في الراي دا لكن دا رايي بدون قشور وبدون تغليف العجبو عجبو والما عاجبو يضرب راسه بالحائط
الناس مفروض على الأقل المثقفين والغير منتمين يبدأوا في سؤال أنفسهم من سيسرق ثورتهم إن نجحت؟؟؟
الترابي؟
الخطيب؟؟
المهدي؟؟؟
أم "قرفنا"؟؟؟
عشان كدا "في هذه العجالة" اقول ليك ولكل سوداني اصبروا على الإنقاذ والكيزان فإنهم افضل من يحكمكم في هذا الوقت!!!
وإلى أن تجدوا احزاب ذات دماء شابة تفهم لغة العصر وتفهم الراندوك والفيس بوك ذات فهم متطور لساس يسوس ليس همها التنظير الفطير بقدر ما همها العمل الجاد على إيجاد حلول بديلة لاي قضيةو من قضايا الوطن سواء كانت في السلطة أو المعارضة وان تعرض هذه الحلول على الجماهير التي يتم توعيتها توعية سياسية قانونية دينية وطنية بما لها وما عليها ليختاروا الأصلح عبر صناديق الإقتراع
وبكدا نرمي خطوة لقدام بعيداً عن الفشل
رايك شنو بصفتك واحد من المعنيين بسؤالك أعلاه وإن أعلنت التوبة على الملأ؟؟
| |
|
|
|
|
|
|
Re: حوار مع : فرح , علاء الدين , فدوى , جمعة , ود الباوقة واخرين (Re: Frankly)
|
يا كمال انا قريت ردك دا وقته لكن بالجد وما اكذب عليك احترت فيهو جدا , ما مقتنع انك جادي ابدا في كلامك دا معقول يا كمال دا مستوي فهمك الحقيقي ياهو كدا ؟ فوق يا كمال قلت ليك مافي حاجة اسمها معارضة , كونك تجيبها لي تاني وتكون العمود البرتكز عليهو ردك بيكون كلامك عبارة عن مغالطة ساكت يا كمال ليه ما تجي انت واجي انا ويجوا باقي الشباب ديل , ليه ما نشيل شيلتنا برانا , ليه لازم يكون البديل المعارضة الموجودة ؟ لو حرصنا علي السودان لأرينا من انفسنا خير المشكلة يا كمال عارف وين ؟ المشكلة انه الانقاذ ربت الشباب علي انه الحكم دا حاجة خاصة بيهم هم , عشان تحكم السودان لابد يكون عندك تنظيم بمستوي الحركة الاسلامية تنظيما وتنسيقا وولاء , لكن اي شافع منا لشارع حيقول ليك الحركة الاسلامية السودانية بكل ذخمها فشلت في حكم السودان , فشلت في الحفاظ علي وحدة ارض للاسلام فشلت في تقديم انموذج حكم اسلامي يحتزي , فشلت في تقديم الحاكم الزاهد , بل قدمت الحاكم الفاسد , عشان كدجا التجربة ما صعبة يخوضها الجيل الجديد , لو عاينت في المنطقة حولك بتلقي انه الحكومات اتغيرت بواسطة الشباب , بتلقي انه الشباب هم راٍ الرمح وهم القوة المؤثرة والضاغطة والكلمة كلمتهم , من المعيب جدا ان نتقاصر عن قول كلمة الحق امام وطنا يا كمال
| |
|
|
|
|
|
|
Re: حوار مع : فرح , علاء الدين , فدوى , جمعة , ود الباوقة واخرين (Re: اساسي)
|
تحاتي يا أساسي
يا أساسي أنت لو شايف المعارضة انتهت وما في حاجة اسمها معارضة, كل الجو طبلوا ليك ديل شايفين نفسهم معارضة بل ومتحدثين اسفيريين باسم المعارضة رد عليهم بالأول واقنعهم بأن المعارضة انتهت
يا أساسي من العبث أن تظن أنّ هذه ىالأحزاب السياسية لن تسرق ثورة الشباب
بالجد انت متصور أن ناس قرفنا وشباب من أجل التغيير يكونوا هم حكام الغد؟؟
يعني بالجد كدا؟؟؟
مدي انت عاين حولك وشوف ياتو دولة في الجوار عندها ظروفها الموضوعية مثل السودان
السودان دا منذ الإستقلال في ساقية مدورة
مدينة ديموقراطية عسكر وبالعكس
مصر لم تعرف ديموقراطية من ما قبل حكم فرعون
تونس صفر كبير
ليبيا لا تعرف شيء اسمه مؤسسات حتى ما بالك بدولة قانون
سوريا لم تعرف غير شيء اسمه ديموقراطية قط
المشكلة يا أساسي في حاكو حاكو السودانية
تعمل رقش وتنجح اي واحد عايز يعمل رقشة
تقوم ثورة بظروفها الموضوعية لبلد معني وتنجح أي واحد عايز يؤسس صفحة فيسبوك لكي يكون قائد ثورة
يا أساسي ممكن جداً الأطفال والسذج والرعاع ديل يحرقوا لساتك ويسدوا شوارع لكن لو سألت الواحد منهم رطل السكر بكم ما ح يعرف
طبعاً هؤلاء يتم استخدامهم سياسياً بواسطة احزاب العواجيز الذين تنفي أنت أساسي وجودهم في الشارع وهم متربصون بأي نصر لادخاله في حيّزهم وحوزتهم
يا اساسي كلمة قول الحق دي لازم يقولها باسقاط النظام؟؟
أنا بشوف من العباطة والسذاجة محاكاة الناس وجاراتهم لاسقاط النظام
أنا بشوف من الحكمة الصبر على الإنقاذ حتى الانتخابات القادمة ونعمل على تغيير سلمي للسلطة يكفي البلاد شر التشرزم والتقزم والفوضى
ليه الناس العندها عقل ما تستخدم هذه الآلية السلمية؟
أوّع واحد يجيني بخج والكلام الفارغ دا
لم تدخل الأحزاب هذه التجربة واسحبت خائفة من نتائجها مع أنّها كانت محمية برقابة دولية وإقليمية ومحلية بل من الأحزاب انفسهم ومراقبة اممياً
الإنتخابات تمت بصورة معقولة جدا والاستتفتاء أيضاًتم بصورة معقولة ومقبولة ما أدى لانفصال الجنوب
لماذا تهرب احزاب العواجيز من صناديق الإقتراع وتريد الجلوس في كراسي السلطة عبر اسقاط النظام؟؟؟
هنا في خلل
والخلل ما في الحركة الإسلامية أو الأحزاب السودانية
الخلل في فهم الإنسان السوداني وجهله وأميته السياسية
يا أساسي أنت تغازل في المعارضة لأنّك قد ترى أنّ هذا وقت المكسب
ولكن يا أساسي أنا أنظر لأبعد من ذلك انظر لقتال عنيف على السلطة وعلى تردي اقتصادي سيكون عهد الإنقاذ مقارنة به جنّة
انظر لحروب عنصرية وجهوية وكل حركة مسلحة تقلع أرض من الوطن وتعلن تحريرها من الوطن
انظر للتدخل الأجنبي في البلاد وسرقة موارده ونحن نتقاتل ويطيل بكل الطرق امد القتال
انظر لكل هذا وأقول
لقد قلت لكم أن التغيير بالطرق الديموقراطية يكفي البلاد شر العباد وشر الأعداء
حكّم عقلك يا أساسي!!
أيهما اسهل وايسر وافضل
اسقاط النظام والدخول في فوضى لا قاع لها أم الضغط على حكومة الكيزان لنزال انتخابي سلس ونزيه وشفاف يعمل على التغيير من الداخل بتغيير انفسنا وطرح البديل
هذا هو المحك وهذا هو الخيار
من يطبل لك في هذا البوست لا يهمه اساسي بقدر ما يهمه أن يمرر اساسي رغباته ونزواته وتطلعاته الحزبية وامنياته الشخصية في النيل من الإنقاذ لا يهم ما يحل بالبلاد والعباد
وهذا هو الفهم السوداني المؤسف لساس يسوس
| |
|
|
|
|
|
|
Re: حوار مع : فرح , علاء الدين , فدوى , جمعة , ود الباوقة واخرين (Re: Frankly)
|
Quote: الإقتصاد أقوى اقتصاد في أفريقيا
الزراعة نأكل مما نزرع ونصدر الباقي
الصناعة سكر النيل الأبيض في الطريق
البترول اكتفاء ذاتي وتصدير الباقي للجنوب |
انا اعتقد انو محاورة الجماعة الفوق ديل ما اكتر من اضافة نوع من انواع العبث والكوميديا الى واجهة المشهد.. والدعوة للمشاركة في حوار مع صاحب الجملة المقتبسة اعلاه ماهي إلا استدراج للمساهمة في هذا العبث..
| |
|
|
|
|
|
|
Re: حوار مع : فرح , علاء الدين , فدوى , جمعة , ود الباوقة واخرين (Re: Frankly)
|
يا كمال ببساطة شديدة انا كتبت فوق في ردي لعمر صديق انه الحكومة تعمل انتخابات حرة نزيهة والشعب السوداني يختار الدايره , عشان الحكومة تقطع الطريق امام الثورات الحاكو حاكو , ما دام ثقة النظام في شعبه او زي ما بتقول ثقة الشعب في حكومته خلي يجبها ويقول قولته
بكلامك عن الثورة وما الثورة والربيع العربي بتختار افكار براك وبترد عليها انا ما جبت سيرة ربيع عربي ولا ثورة , انا كلامي محدد جدا يا كمال عن الحال الوصل ليهو السودان والتردي والضائقة المالية والاقتصادية والفشل في التعليم والفشل في الصحة والفشل في المشروع الحضاري والفشل في كل شيئ لمدة كم وعشرين سنة , ليه انا وانت وكلنا نصبر علي الفشل دا , بل وندافع عنه ونتعامل معاهو ومع النظام علي انه شيئ عادي , واقعنا دا لو ما غيرناهو بيدنا منو البغيروا لينا زمان كنت بقول كلامك دا ايام الانتخابات وفتحت بوست كبير في البورد دا وقلت ماشي اصوت للبشير لانه لو جا رئيس من خارج النظام الوقع نيفاشا مع الحركة الشعبية فالبلد حتضيع وفعلا جا البشير , لكن استمرت الحرب وفتحت جبهات جديدة , وما قدر البشير يحافظ علي السلام , بل تردي الوضع الي ازمة اقتصادية متوقعة الناس دي كلها اتكلمت عنها الا النظام كان بيقول انه جاهز وانه مافي حاجة حتحصل , الان الازمة الاقتصادية تعلنها الدولة بنفسها وتعلن الافلاس يبقي يا كمال انحنا بنتكلم نيابة عن النظام وكاننا ملقنين لا انحنا فعلا ملقنين لمدة كم وعشرين سنة بردد لينا النظام نفس النغمات وانحنا بنصدح بيها , معارضة الفنادق وعملاء المعارضة وما تعرف شنو .لو عاينت كويس بتلقي انه العملاء ديل البقول عليهم النظام دخلهم القصر وقاسمهم الحكم , مبارك الفاضل القامت عليهو الدنيا ايام مصنع الشفا بقي مساعد البشير خاين وعميل يا قرنق وشيوعي ######## يا عرمان , انتهي بهم الحال شركاء النظام في الحكم الي ان خلص بهم الامر بالانتصار لفكرتهم وانشأوا دولتهم , يبقي المشكلة في النظام البلقنا انحنا المساكين ديل ويفعل خلاف ما يلقنا , ما اخلص به انه النظام بامكانه التحالف مع اي عدو كي يطيل بقائه ومشكلة السودان ومواطنه ليست من اولوياته سوالي يا فرانكلي , الحاصل في السودان دا الحل فيهو شنو ؟ الانقاذ زي ما فصلنا بقي مافي يدها حل انت شايف الحل شنو؟
| |
|
|
|
|
|
|
Re: حوار مع : فرح , علاء الدين , فدوى , جمعة , ود الباوقة واخرين (Re: اساسي)
|
Quote: يا كمال ببساطة شديدة انا كتبت فوق في ردي لعمر صديق انه الحكومة تعمل انتخابات حرة نزيهة والشعب السوداني يختار الدايره , عشان الحكومة تقطع الطريق امام الثورات الحاكو حاكو , ما دام ثقة النظام في شعبه او زي ما بتقول ثقة الشعب في حكومته خلي يجبها ويقول قولته |
ببساطة شديدة جداً هذا هو مبدئي في قضية السودان الحالية
أنا مع انتخابات حرة ونزيهة تدخلها كل الأحزاب والشخصيات المستقلة (إذا تحصلت على ما يكفي من توقعيهات السند الجماهيري) ببرامج انتخابي واقعي يقولوا فيه سنسد العجز في فترة كذا سنة وسنعمل على ظيادة الصادر من المنتجات المحلية بعد اكتفاء الأسواق الداخلية في كذا سنة والتعلمي والصحة والسكن والماء والكهرباء
دا المسلك الصحيح لظروفنا الموضوعية السودانية الخالصة
لكن Quote: بكلامك عن الثورة وما الثورة والربيع العربي بتختار افكار براك وبترد عليها انا ما جبت سيرة ربيع عربي ولا ثورة , |
أنا يا أساسي لما أرد عليك لا أرد عليك أنت في شخصك فقط أنا اتجاوز في ردي إليك للرد بصورة غير مباشرة للرد على من طبّل لك وهؤلاء بالطبع يريديون ثورة على منهج "الربيع العربي" أو "الخريف الإفريقي" كما يحلو للبعض
هذه الحقائق حول أماني الربيع العربي لا يمكن تجاوزها سواء أتيت بها أنت أم لم تأتي ولكنها تفرض نفسها كوسيلة للتغيير وهذه الوسيلة هي التي تعنيني والتي اقول بغيرها
يا أساسي فشل الدولة في قيادة دفة الاقتصاد الوطني داير ليهو زول يقول ما في فشل
ما أهو الحال واضح لكل ذي بصيرة
لكن نحن بنتكلم عن البرامج البديلة لانعاش هذا الاقتصاد
هل المعارضة أو اي شخص أخر عنده بديل غير المطروح حالياً من المؤتمر الوطني؟؟
Quote: .لو عاينت كويس بتلقي انه العملاء ديل البقول عليهم النظام دخلهم القصر وقاسمهم الحكم , مبارك الفاضل القامت عليهو الدنيا ايام مصنع الشفا بقي مساعد البشير خاين وعميل يا قرنق وشيوعي ######## يا عرمان , انتهي بهم الحال شركاء النظام في الحكم الي ان خلص بهم الامر بالانتصار لفكرتهم وانشأوا دولتهم |
دي مشكلتك أنت يا أساسي أنا لم ولن تكن هذه قناعاتي ابداً
أنا لا أرى في حكم المؤتمر الخلاص ولكن في نفس الوقت لا أرى في المعارضة اي فرصة لإعمال صلاح
أنت ماشي بعيد ليه أنا قلت وما زلت اقول معرّب الإنقاذ نفسه تحول من حكومة لمعارضة بل زعيم للمعارضة
يا هو دا السودان
يخرج نميري مطروداً ويعود عودة الأبطال ويموت فيشيع تشييع الأبطال
لا جديد في ساس يسوس بالطريقة السودانية
الحل كما قلت وأقول أن تجدد هذه الأحزاب دمائها
وأنت تعمل مؤسسات تقوم بعمل برامج انتخابي من مراكز بحوث مؤهلة بكوادرها لطرحه على الجماهير
والضغط على الحكومة بقيام انتخابات حرة ونزيهة وشفافة مراقبة دولياً واممياً واقليميا ومحلياً وحزبياً
توعية المجتمع السوداني بما له ما عليه حتى يختار القوي الأمين
وليس السيد فلان
والإمام فلان
هذا هو الحل حسب رايي
ما هو الحل حسب راييك؟؟؟
| |
|
|
|
|
|
|
Re: حوار مع : فرح , علاء الدين , فدوى , جمعة , ود الباوقة واخرين (Re: Frankly)
|
المسالة يا كمال ما قصة دي قناعاتي وايمانياتي , وزي ما قلت من بداية البوست بدون اقصاء وثورات ومظاهرات , شايفك في كلامك ماشي في طريق دينق ومين الصادق الفوق ديل , المهم , الانقاذ بتعزف علي الاوتار دي ثلاثة وعشرين سنة لحدي ما الشعب اقتنع بانه دا الكلام الصحيح , والبنعمله الان وبنقول فيهو دا جزء من توعية الشعب بانه الانقاذ ما افضل الخيارات المتاحة زي ما بتسوق الانقاذ لنفسها وصدقها الشعب عشان كدا ما مرق يقول لا بالقدر الكافي , اهو بنفتح في نافذة ضؤ ونبصر الشعب بانه خياراته كتيرة الانتخابات بدون ضغط شعبي الانقاذ ما حتعملها ودونك القبضة الامنية البتواجه بيها المظاهرات البسيطة علي قلتها و اذن الانقاذ من نفسها ما حتعمل حاجة , عشان كدا لابد من انها تغضط بكل الاشكال . لو كل الناس قالوا زي كلامك دا انه دا ما الوقت المناسب وركنوا للامر , حيستمر الوضع من السيئ الي الاسوا , لذا لابد ان تسمع الانقاذ وتري بعينها ان الشعب يرفض ما يحدث , ولا يتقبل الامر , وانه يضغط في سبيل ايجاد حلول , عشان تكون في انتخابات وعشان يكون في حلول , لابد من الخروج الي الشوارع ومواصلة الرفض للحاصل
مافي حكومة تبرعات من نفسها كدا بتتنازل عن ملكها , ربنا قال في سمائه " ينزع الملك ممن يشاء" اذن الملك والسلطة تنتزع انتزاعا ولا تسلم تسليما والانقاذ بكل افعالها الحالية لا تختلف عن اي من الحكومات التي فصلتها في الاعلي
| |
|
|
|
|
|
|
Re: حوار مع : فرح , علاء الدين , فدوى , جمعة , ود الباوقة واخرين (Re: اساسي)
|
كل المشاركون الاعزاء شكرا لاضافاتكم وساعود لكثير من المداخلات ,
يبدو ان الاخ قريمان اخد علي خاطره عشان ما ردينا عليهو , وان كنت اظن ان جميع المداخلات المتفقة معي لا تحتاج الي ردود فردية لكن له العتبي
اريد بعد فاصل الاخ فرانكلي للرد علي مداخلة الاخ عمر صديق " النوعية " وهذا الاسلوب المختلف في الكتابة من قلم اخونا عمر صديق
شكرا للجميع يا اخوان بدون تحميل امر الردود فوق ما تحتمل
| |
|
|
|
|
|
|
Re: حوار مع : فرح , علاء الدين , فدوى , جمعة , ود الباوقة واخرين (Re: اساسي)
|
Quote: لقد قلت لكم أن التغيير بالطرق الديموقراطية يكفي البلاد شر العباد وشر الأعداء
حكّم عقلك يا أساسي!! |
Quote: توعية المجتمع السوداني بما له ما عليه حتى يختار القوي الأمين
|
Quote: أنا لا أرى في حكم المؤتمر الخلاص ولكن في نفس الوقت لا أرى في المعارضة اي فرصة لإعمال صلاح |
عليه يا كمال انت بترى انو المؤتمر الوطني هو الوصي الشرعي المفروض يعلم الشعب السوداني كيف يختار من يحكمه !!!!!!!
زعلان ليه من عقلية سيدي فلان ليه زعلان وريني فى ذمتك؟؟؟ مسؤولية التغير دي عمرها ما كانت مسؤولية حزب او فئة بعينها دي مسؤولية نظام متكامل اسمه ديموقراطية انت نفسك اعترفت فوق بالحقيقة دي لكن جيت تاني بشعور او من غير شعور ورجعت فى كلامك وجعلت من المؤتمر الوطني اب روحي للشعب السوداني. يا كمال كلنا وعدد كبير جدا من الحركات الشبابية الظاهرة فى الساحة الآن دي عارفه الخلل فى احزاب البيوت السودانية وما كثرتها(الحركات الشبابية) فى الفترة الاخيرة الا ردود افعال تجاه تخلف فكر هذه الاحزاب. يا كمال ما تكابر امام طرح اساسي ده ما تحكم على حقوق شعب طبيعية بالاعدام لمجرد انو ناس المعارضة هنا ما عاجبنك ما تسخروا من قضايا الشعب المسكين ده اكتر من كده وللدرجة ديه ولمجرد انو اسلوب تراجي وناس امنة مختار وناس بشاشا ...الخ ما عاجبكم فى المعارضة ولا يصلح ان يكون بديل، كلنا المجموعة دي فى اوقات طلعت ميتينا عديل فى تناولهم لبعض قضايا الهوية والمركز لكن بالجد ده كله ما بعني انو معارضة النظام باطلة وانو النظام ده على حق مالك يا كمال كيف تحكم؟؟؟؟ ايهما اشرف لهذا الشعب ان يتعلم تحت ظل نظام ديموقراطي شرعي ام تحت نظام غير شرعي ؟؟؟ يا كمال قبل ان تقول لاساسي حكم عقلك ان بقول ليك حكَم عقلك وشرعك وضميرك الباطل لا يولد الا باطل. الحق ده ما عايز مجهر عشان تشوفه نعم الامر ده ما ساهل وعايز صبر كلامك صاح لكن نصبر على خيار شرعي دخل من الباب مش نظام حرااامي دخل من الشباك!!
| |
|
|
|
|
|
|
Re: حوار مع : فرح , علاء الدين , فدوى , جمعة , ود الباوقة واخرين (Re: اساسي)
|
Quote: الانتخابات بدون ضغط شعبي الانقاذ ما حتعملها ودونك القبضة الامنية البتواجه بيها المظاهرات البسيطة علي قلتها و اذن الانقاذ من نفسها ما حتعمل حاجة , عشان كدا لابد من انها تغضط بكل الاشكال . |
يا أساسي دا كلامي أنا ذاته بس بلهجة "اساسية"
أنا بقول دا ما وقت نسقط فيه النظام دا وقت نغيير فيه النظام
والتغيير دا بيتم بتغير انفسنا واحزابنا في البداية
وبعد سنتين ننزل الانتخابات
مافي زول بيقول ما تنزلوا الشارع وما تتظاهروا
دا حق مكفول لالدستور والقانون
بس لما يكون هدف البعض هو اسقاط النظام لياتوا للكرسي بالباب الخلفي وبدون دفع ثمن التذاكر فدا المرفوض
مش كدا وبس الكرسي دا الطريق ليهو نفسه ما ح يكون ساهل
والإنقاذ ما ح تقعد تتفرج لو كل واحد حمل السلاح واي حكومة جديدة ح تواجه بحملة "اسقاط نظام" وهكذا إلى أن يرث الله الأرض وما عليها
والضايع في الأخر هو الوطن وإنسان الوطن
عشان كدا أنا بقول صوت العقل يقول "لا لإسقاط النظام ونعم لتغيير النظام" عبر التحول الديموقراطي السلمي على أن يكون شرع الله هو المرجع
لكن ما قلت ما هو الحل عندك لقضايا الوطن عامّة والسبيل لذلك
وما هو الحل للضائقة الاقتصادية؟؟
اسرد حلولك في نقاط !! عشان نشوف احتمال عندك حل ناجع عاجل لقضايا السودان عبر الخروج للشارع وما هي الحدود في الخروج للشارع؟ وما هي البدائل للأحزاب المنتهية الصلاحية حسب قولك؟؟
وما هي الآلية لتنفيذ حلولك العاجلة الناجعة عبر مؤسسات حزبية أم تكنوقراطية؟؟
وما هي الفترة الزمنية لجعل تلك الحلول تحل على أرض الواقع؟؟؟ وينعم بفيها إنسان السودان
| |
|
|
|
|
|
|
Re: حوار مع : فرح , علاء الدين , فدوى , جمعة , ود الباوقة واخرين (Re: Frankly)
|
الهالك أساسي أكتب، لا أسكت الله لك قلماً يا صاحب، الطرح الشجاع يا سماني يحتاج للحق، تابعت كل ما كتبته عن الثورة يا صاحب، فوجدتك تكتب كل ما أردت قوله، فشكراً يا صاحب؛ ليس هنالك سلطة أكبر من الشعب، وشعبنا لم يمارس سلطته بعد، لأنّ الإنقلابيون، الأوصياء الكذبة على خيارات الشعب، كلما ضاقوا بالديمقراطية إنقلبوا عليها، أحزاب لا تعرف عن الديمقراطية إلا استلام السلطة، ولا استثني حزباً. ليس هنالك بديل غير الشعب.. من هو عبود ونميري والبشير قبل أن يُفرضوا علينا بالقوة؟ كانوا عساكر نكرات، وفي أحسّن الأحوال كانوا عساكر عاديين أنجبت المؤسسة العسكرية قبلهم وبعدهم وطنيين يفوقونهم جسارة وذكاء وإنحياز لهذا الشعب العظيم.. هذا الشعب تآمرت عليه أحزابه في كل الإنقلابات التي مرّت عليه، فلا بد للشعب بعد أن تتم إنتفاضته أن يحاسب كل هذه الأحزاب، وأن يلزم الأحزاب بما يريد، فتتنافس هذه الأحزاب - بعد إصلاحها- على خدمته في ممارسة ديمقراطية مستدامة، يحاسبها الشعب، فتجلس أمامه كما يجلس الحوار أمام شيخه. ثلاثة وعشرون عاماً حكم فيها البشير وحزبه الشعب دون خيار آخر، فرضوا على الشعب رؤيتهم الأحادية وأخذوا منه كلما يريدون، لو أتيحت هذه السنوات الطويلة للشعب في أن يُجرب ويختار، لتعلم هذا الشعب حقوقه وولى مسؤولية خدمته للأصلّح..
| |
|
|
|
|
|
|
Re: حوار مع : فرح , علاء الدين , فدوى , جمعة , ود الباوقة واخرين (Re: Yassir Tayfour)
|
Quote: يا أساسي دا كلامي أنا ذاته بس بلهجة "اساسية"
أنا بقول دا ما وقت نسقط فيه النظام دا وقت نغيير فيه النظام
والتغيير دا بيتم بتغير انفسنا واحزابنا في البداية
وبعد سنتين ننزل الانتخابات
|
يعني يا كمال الآلية شنو البنغير بيها النظام ؟ نحنس النظام ونترجاهو انه يغير نفسه ؟ كلمة تغير النظام زاتها مبهمة وغير مفهومة , اللهم الا انك داير النظام يغير بعض الشخصيات والوزراء ويجيب شخصيات من النظام اخري .. وتستمر الدوامة التغير زي ما قلت ليك فوق بيتم بالضغط علي النظام بكافة اشكال الضغط بالكتابة بالثورة والرفض بكافة الاشكال , مافي نظام يا كمال بتنزل من نفسه كدا ويغير تونس وليبيا ومصر لما ضغط وثارت علي انظمتها ما كان في بدائل , ليبيا اليوم بتخوض انتخابات حرة ونزيهة وبالامس مافي حزب واحد غير اللجان الثورية وكذلك تونس ومصر الوصل فيها الاسلامين الي السلطة بشق الانفس . الخوف من مجئي الاحزاب التقليدية في شنو ؟ حتوصل السودان وين يعني؟ الانقاذ وصلته وين طيب ؟ يا كمال اذا ضغطنا بما يكفي لتغير النظام زي ما بتقول بعد داك الحشاش يملا شبكتو , ما دام الاحزاب التقليدية حيكون الفيصل الي استلامها السلطة صناديق الاقتراع بواسطة الشعب تبقي خيار الشعب ودا من حقو مافي زول حيمنع الشعب من اختيار من يراه , وان كنت اشك انه الشعب حيعيد انتاج الاحزاب التقليدية من جديد ياخ الان مسلجة في السودان اكتر من 65 حزب ما بين معارض وموالي , خلي تتكون تاني احزاب وتمثل الشعب المسألة الاجرائية دي اصلا ما مشكلة قصة سنة او سنتين , والحل في كلام ود البشري الاول , انه اي بديل بامكانه ايجاد حلول تعجز عنها الانقاذ . القبول الدولي والاقليمي , امكانية توقيع اتفاقيات مع الجنوب والاستفادة من مرور البترول كدخل اضافي يفرج الضائقة نوعيا , بالقبول الدولي امكانية الحصول علي دعم من يتمنع الان عن مساعدة النظام يبقي المشكلة في بقاء النظام يا كمال ,
| |
|
|
|
|
|
|
Re: حوار مع : فرح , علاء الدين , فدوى , جمعة , ود الباوقة واخرين (Re: اساسي)
|
الاخ أساسي بنفس منطق الحوار الهادي الذي تدعو الية فإنني أرغب ان اسأل هل اكتشفت فجاءتن والآن عيوب الإنقاذ وما هو الجديد في طرح الإنقاذ الذي أزال القذي من عينيك؟ هل تعتقد انك وبعد ثلاث وعشرون عاما في تمجيد الإنقاذ الشخص المناسب لمثل هكذا حوارات؟ اعلنت تبرؤك من الإنقاذ هذا عمل مجيد يحسب لك ولكن الا تعتقد انه لا دور لك ولا يحق لك بعد هذة الخطوة اكثر من هذا؟ رائي الشخصي ان مكانك الطبيعي هو مقاعد المتفرجين اعلنت في مداخلة لك أعلاة أنة لا توجد معارضة وكنت ساقدر لك لو أضفت انه لا توجد معارضة منظمة والا فماذا تسمي جموع الشباب التي خرجت وسوف تخرج في قابل الايام لانه يا اخي ليس كل من خرج من الشباب والشابات خرج من احدي الطائفتين او من عباءة الحزب الشيوعي كما احس من بين سطور كلامك فالزم دارك اكرم لك وللأخ فرانكلي اقول النميري خلع خلعا من الحكم بهبة شعبية ولم يدخل السودان ولم يكن ليجرو علي ذلك لولا الإنقاذ التي أتت به من القاهرة لانها ارتكبت نفس جرمة وهو في عرفها ليس جرما يعاقب علية فالمجرمين لا يعايرون بعضهم بعضا ولكن الشعب تعلم بالتأكيد من ذلك وما سلف قد سلف ولكن لن يتكرر بالتأكيد
| |
|
|
|
|
|
|
Re: حوار مع : فرح , علاء الدين , فدوى , جمعة , ود الباوقة واخرين (Re: Yassir Tayfour)
|
الصادق الزين،كيف حالك قبل فترة في واحد من صحفي النظام كتب لي مقال يهاجم فيه النظام وسياساته الاقتصادية ،الناس كلها في التعليقات أشادت ببهو عشان قالو زول حقاني{}{}{}!!! ونسوا انو في ناس من اول يوم للسلطة دي بدو ينتقدو في النظام وسياساتو الاقصائية بأخي نحن لمن الناس ديل كانوا بمشوا الجنوب طمعا في الحور العين والغلمان{}{}! نحن كنا بنصارع فيهم في الجامعات وبنفضح تزويركم للانتخابات!!! قال حوار هادي قال .....
مرحب العزيز مرتضى عبدالجليل،
يا خوى مشكلة السودان ياها الزى فرانكلى و أساسى ديل، أنا فى أول مداخلة مش ذكرت فى إثنيين حاشين أفكارى، والله المقولة دى أعنيها تماماً و سبحان الرب القادر، آهم الإثنيين قاعدين يطاقشوا، المصيبة فرانكلى هذا كيسوا فاضى تماماً ذول بلا أفكار و بلا رؤية بل و بلا فهم ومصر إنو يكون طرف حوار بالجد دى مصيبة السودان، يتقدم الصفوف من هو أجهلهم! ردوده هنا يؤكد ذلك، أما الأبتدع لنفسه إسم أساسى، واضح إنه معارض من زمان لكنه، بايع ضميره ودايس عليه بشوية حفنات، والآن لما جفت المنابع، رايح مفجر كل قنابل معاناته الموقوتة علّه يحصل قطار الشرفاء! إذ لا يعقل، تنظير متسق فى فكره وواقعيته وفهمه على نحو ما يتحدث به أساسى يكون وليد صدفة، أو رد فعل للأزمة الإقتصادية الحالية! دا واضح أنه فهم متراكم ومدروس بعناية، أبداً ليس بوليد صدفة، لكن لماذا لم يصدح به أساسى من قبل؟ هذه هى الإنتهازية و تسلق جبال الجليد بعينها، فلا يجب أن نتساهل مع هكذا نوع من البشر بريود! ولذلك أبداً لا مرحباً و لا سهلاً بتوبة أساسى بالطريقة التى إختارها لنفسه وأراد أن يخمنا بها! و لا عزاء طبعاً للمطبطبين وحارقى البخور.
| |
|
|
|
|
|
|
Re: حوار مع : فرح , علاء الدين , فدوى , جمعة , ود الباوقة واخرين (Re: Yassir Tayfour)
|
سلام يا أساسي
كانت عندي فكرة بوست زي ده من زماااااان مع الشفيع وراق تحديدا و إتمنيت يجي يناقشك هنا علشان أعرف أسباب موقفه السياسي المحير بالنسبة لي عموما متابعين
Quote: ليس ابلغ دليل علي انه كلامك كله مجاني يا كمال انك انت ذات نفسك ما لاقي حياة كريمة في السودان ما بتقدر تعيش الحد الادني من الحياة الكريمة الممكن تتوفر ليك خارج السودان , عشان كدا انت عايش برة السودان وبتتكلم عن افكار ما عندها علاقة بالواقع , يا كمال بتكلم مع اخوي الاصغر شغال وكيل نيابة ليهو ستة سنوات ومتزوج ,قال لي راتبي الاساسي 600 جنية وعندهم كان بدل سد خدمة 700 جنية , ماجر شقة بي 500 قال لي بدل سد الخدمة تم ايقافه منهم يعني فاضل ليهو من راتبه دا بعد الايجار 100 جنية مفروض يعيش بيها هو وزوجته واطفاله يتعالجوا منها وياكلوا منها ويشربوا منها ويجاملوا منها , واتخيل معاي دا وكيل نيابة يعني وظيفة مقدرة في السودان ما بالك باهل الوظائف العمالية وغيرها |
أنا شخصيا شغال في وزارة الصحة من سنة 2001 و نائب أخصائي بالدرجة السابعه مرتبي الأساسي 240 جنيه و بكل البدلات و الحوافز و خلافه بيبقى 980 جنيه (أكتر من متوسط النائب الجديد البيحصل 600 جنيه بس للأقدمية) القانون بيمنعني من العمل الخاص أثناء فترة التدريب للتخصص
الواقع الحقيقي العايشينه بالداخل صعب يشوفه زول من بره و النقاشات الكبار حول البديل و خلافه ما حتوقف زول من الثورة على واقعه ده المسألة خوف من القمع أكتر منها هم حول البديل إن وجد !! (الزيادات على المرتب الأساسي قلعناها بالإضراب و نحن القطاع الوحيد الماهبشوا حوافزه في التقشف ده حكومة لا تسمع إلا بالقوة فقط لا غير)
وزارة العدل هي من أفضل الوزارت في الإمتيازات و أيام الإضراب كنا نطالب بمكانة وسط بين الوزارت في الإمتيازات فلو كانوا يجأرون بالشكوى بعد أن "هبشم طرف السوط" شوف بقى باقى القطاعات المغضوب عليها من معلمين و عمال و أطباء حالهم كان كيف أصلا !!
الفساد و بوظان الأخلاق ما من هين .. إلا من رحم ربي
| |
|
|
|
|
|
|
Re: حوار مع : فرح , علاء الدين , فدوى , جمعة , ود الباوقة واخرين (Re: محمد قرشي عباس)
|
Quote: مرحب العزيز مرتضى عبدالجليل،
يا خوى مشكلة السودان ياها الزى فرانكلى و أساسى ديل، أنا فى أول مداخلة مش ذكرت فى إثنيين حاشين أفكارى، والله المقولة دى أعنيها تماماً و سبحان الرب القادر، آهم الإثنيين قاعدين يطاقشوا، المصيبة فرانكلى هذا كيسوا فاضى تماماً ذول بلا أفكار و بلا رؤية بل و بلا فهم ومصر إنو يكون طرف حوار بالجد دى مصيبة السودان، يتقدم الصفوف من هو أجهلهم! ردوده هنا يؤكد ذلك، أما الأبتدع لنفسه إسم أساسى، واضح إنه معارض من زمان لكنه، بايع ضميره ودايس عليه بشوية حفنات، والآن لما جفت المنابع، رايح مفجر كل قنابل معاناته الموقوتة علّه يحصل قطار الشرفاء! إذ لا يعقل، تنظير متسق فى فكره وواقعيته وفهمه على نحو ما يتحدث به أساسى يكون وليد صدفة، أو رد فعل للأزمة الإقتصادية الحالية! دا واضح أنه فهم متراكم ومدروس بعناية، أبداً ليس بوليد صدفة، لكن لماذا لم يصدح به أساسى من قبل؟ هذه هى الإنتهازية و تسلق جبال الجليد بعينها، فلا يجب أن نتساهل مع هكذا نوع من البشر بريود! ولذلك أبداً لا مرحباً و لا سهلاً بتوبة أساسى بالطريقة التى إختارها لنفسه وأراد أن يخمنا بها! و لا عزاء طبعاً للمطبطبين وحارقى البخور. |
يبدو ان الترفع لا يأتي اوكله , لذا لا ضير من القامك حجرا
الصادق قيل ان : العقول الكبيرة تناقش الأفكار..والعقول المتفتحة تناقش الأحداث..والعقول الصغيرة تبحث في الاشخاص
يبدو جليا ان اغبياء سودانيز اون لاين لا ينفكون يعبرون عن انفسهم بكل عزم ليعلنوا عن مواقعهم بكل جراءة , لما يجيك واحد بيقرأ باضنينه وحصيلته المعرفية فيما يتحدث عنه ويفتي فيه انه سمع احدهم يشتم اخرا فكون فكرة سمع احدهم يختلف مع اخر فكون رؤية سمع احدهم يتقاطع مع اخر في فهم فكون معرفة , ليأتي بكل تجرد ويلاحق الاخرين بحصيلته تلك , ويبكي ولا يتواني في الجلع بانه افكاره فحشت كما تفحش المعيز , بيد اني اشك في ان لك افكارا حتي فلا تتقول علي افكار لا تملكها يا هذا وما نملكه اطهر من ان نولغ به في فاخورتك النجسة النتنة , قوم لف يا جردل , وابحث عمن يحش ما تراه بعيدا عنا
| |
|
|
|
|
|
|
Re: حوار مع : فرح , علاء الدين , فدوى , جمعة , ود الباوقة واخرين (Re: اساسي)
|
يبدو ان الترفع لا يأتي اوكله , لذا لا ضير من القامك حجرا
الصادق قيل ان : العقول الكبيرة تناقش الأفكار..والعقول المتفتحة تناقش الأحداث..والعقول الصغيرة تبحث في الاشخاص
يبدو جليا ان اغبياء سودانيز اون لاين لا ينفكون يعبرون عن انفسهم بكل عزم ليعلنوا عن مواقعهم بكل جراءة , لما يجيك واحد بيقرأ باضنينه وحصيلته المعرفية فيما يتحدث عنه ويفتي فيه انه سمع احدهم يشتم اخرا فكون فكرة سمع احدهم يختلف مع اخر فكون رؤية سمع احدهم يتقاطع مع اخر في فهم فكون معرفة , ليأتي بكل تجرد ويلاحق الاخرين بحصيلته تلك , ويبكي ولا يتواني في الجلع بانه افكاره فحشت كما تفحش المعيز , بيد اني اشك في ان لك افكارا حتي فلا تتقول علي افكار لا تملكها يا هذا وما نملكه اطهر من ان نولغ به في فاخورتك النجسة النتنة , قوم لف يا جردل , وابحث عمن يحش ما تراه بعيدا عنا
جيد كونك خرجت عن هدوءك المصطنع، لازم تكون إنت هو إنت عدو للإنسانية و الإنسان تفضح نفسك بنفسك، وبلسانك القذر وهو حالكم مهما أستبدلتم جلودكم، لن نعطيك شرف الإنتماء إلى الصادقين القانتين المقاومين للنظام فى الوقت الذى كنت تلعق فيه أحذيتهم وتتقرب إليهم بتدبيج مقالات المدح و الأطراء، و تخاصم بل تهاجم الشرفاء فى نفس الأفكار الإنت من جديد عايز تتسلق بيها أكتاف الناس، دعك عن أفكارى ومن أنا، لأنها ليست مكان مقارنة، فلا و ألف لا للأنتهازية مثلك، لو صحيح عندك أفكار كنت ثبت عند مبدئك! تزعل تندمل تقوم تفوت لا يهمنى، ولن أنزل إلى مستوى إنحطاطك الذى أبنت.
| |
|
|
|
|
|
|
Re: حوار مع : فرح , علاء الدين , فدوى , جمعة , ود الباوقة واخرين (Re: الصادق الزين)
|
والله يا الصادق البيسمع كلامك دا يقول انا جيت افتش ليك في مستنقعك العايش فيهو ولا اصلا كنت شاغل نفسي بيك ولا اصلا بتهمني , جيت من هناك طائر ونصبت رقبتك مبعوث الله في البورد لفرز النوايا وتصنيف العباد , دا صادق ودا انتهازي ودا متسلق ودا بحش الافكار , شوف مين الجاء اعلن عن تـفـاهته بكل تجرد وجاب معاهو الالفاظ الاتربأ عليها ونشأ وحاول يبتز بيها الاخرين الاصلن ما بتشغل في ذهنهم شاغل , ليه السبعين نفر الدخلوا اضافوا في البوست دا مداخلات ما اتعرضوا للاخرين زي ما عملت انت اذكي منهم وكل البقية عبارة عن بقر في نظرك ؟ لانهم فاهمين يا وهم اساسي كان بيكتب شنو في السابق والان بيكتب في شنو ؟. بعدين ياخ اتحداك تمشي تنحت الارشيف دا نحت وتجيب لي تملقي للنظام ومسح احذيته البتقول عليهو ولا هو كلام حسب المزاج والهجوم الشخصي والسلام ؟؟ ياخ انا جليت حنانك في مداخلتين فوق يعني ما مهتم اصلا ارد عليك الا انت عامل فيها ضمير البورد ومفتشه الرسمي وكل شوية جاي طاير بي كلام زي وشك فكان لابد من الغامك ما تستحق , واللذيذ بكل تجرد تلبست توب الضحية كافضل ما تكون الثكلى والمغتصبة برائتها بعيد وبقول ليك انت الله ما اوفدك باحثا في نوايا البشر وما كلفك بالبحث عن دواخلهم عندك كلام زي باقي الرجال المحترمين والاخوات المحترمات الشاركوا في البوست قوله ما عندك لقط سفنجاتك اصلا مافي زول رسل ليك كرت دعوة , الرد عليك بما تستحق يناسب ما كتبت والرد علي الاخرين باحترام وهدؤ يناسب احترامهم لانفسهم الدخلوا بيهو للبوست وشاركوا بيهو ولكل مقام مقال , وانت مقامك بما كتبت اوضع من ان يحسب حساب الهدؤ في الرد عليه غبي
| |
|
|
|
|
|
|
Re: حوار مع : فرح , علاء الدين , فدوى , جمعة , ود الباوقة واخرين (Re: اساسي)
|
Quote: اريد بعد فاصل الاخ فرانكلي للرد علي مداخلة الاخ عمر صديق " النوعية " وهذا الاسلوب المختلف في الكتابة من قلم اخونا عمر صديق |
الاخ العزيز اساسي
تحياتي
لعل ما وصفته بالمداخلة النوعية او مانعته بالاسلوب المختلف من قلمي مرده الي ان المحاور هو انت
وانا هنا لا اريد ان اقصم ظهرك ولا ان استدر تعاطفك في الحوار ولكن الحقيقة التي اري انه لامندوحة عن ذكرها انك وبعض الاخوة الاعزاء بمختلف اتجاهاتهم السياسية وخلفياتهم الفكرية يظلون عندي كتابا مفضلين علي الدوام وان كان هنالك اخرين يتارجحون بين تلك المنزلة ومنزلة المفضولين مع وجود اخرين قد تستدعي الظروف القراءة لهم او التداخل معهم وايضا هنالك من لا اكرر القراءة لهم او التاخل معهم
وعليه اذكرك بما قاله الشاعر الكبير بشار بن برد في مدح جاريته التي طلبت منه ان يقول لها شعرا فقال :
ربابة ربة البيت تصب الخل في الزيت لها عشر دجاجات وديك حسن الصوت
فما كان من الكتاب والادباء والشعراء في زمانه الا ان عابوا عليه تدني مستواه الشعر ي في هذين البيتين
وهو القائل في وصف المعركة :
كان مثار النقع فوق رؤوسنا واسيافنا ليل تهاوي كواكبه
وهو القائل في اخر القصيدة
اذا الملك الجبار صعر خده مشينا اليه بالسيوف نعاتبه
و
اذا انت لم تشرب مرارا علي القذي ظمئت واي الناس تصفو مشاربه
والقائل في قصيدة اخري
ان العيون التي في طرفها حور قتلننا ثم لم يحيينا قتلانا يصرعن ذا اللب حتي لاحراك له وهن اضعف خلق الله انسانا
ولكن شاعر نا بشار بن برد كانت حجته انه في وصف المعركة كان يخاطب من يفهم ذلك الوصف وهنا فان ربابة اذا سئلن عن ابيات امرئ القيس: قفا نبك من ذكري حبيب ومنزل بسقط اللوي بين الخول فحومل
وبين تلك الابيات لاجابتهم بانها تفضل ( ربابة رب البيت )
وعليه يا اساسي فان لكل مقام مقال والمرء لايدوم علي حال
وكما قال احد الشعراء :
وم تلقاني طراد لي العوالي شروفه ويوم تلقاني معلول حالتي مي معروفه يوم تلقاني اجدع لي القوافي حروفه يوم تلقاني في كجر الرمني ظروفه
| |
|
|
|
|
|
|
Re: حوار مع : فرح , علاء الدين , فدوى , جمعة , ود الباوقة واخرين (Re: الشفيع وراق عبد الرحمن)
|
يقول الاخ فرانكلي ما يلي
Quote: نصبر على حكم الإنقاذ هذا سنتين وفي هذه السنتين نعمل على ضخ دماء جديدة في الأحزاب السياسية الموجودة أو بناء احزاب سياسية جديدة على ان تعمل منذ الآن على وضع برامج انتخابي متكامل لمعالجة كل القصور وتفعيل كل معطل وجلب كل جديد لمصلحة هذا الوطن وينزلوا به المعركة الإنتخابية بعد سنتين وبضع اشهر
|
يريدنا الاخ فرانكلي ان نصبر سنتين علي حكم الإنقاذ ونعمل علي ضخ دماء جديدة في الاحزاب القائمة ولكنه لم يوضح لنا كيفية هذا الضخ ومن سيقوم به وكيف سنقوم باختيار العناصر لكل حزب هل بالتساوي ككوتة ام بحرية الاختيار وماذا اذا لم نجد من يرغب في الفريق الف او لم نجد له كفاءات هل سنلجاء للقرعة او نقوم بإجبار الناس علي الانخراط في حزب ما باعتبارة تكليف وطني ليساهم في بناء الحزب وكذلك لم يضع لنا الأسس التي بموجبها يجب بناء أحزاب سياسيه جديدة ، كان بناء الاحزاب هو علي طريقة بناء المفاعلات النووية او بناء بيت او قطيه وقبل هذا وذاك ماذا سنفعل مع الإنقاذ فان نحن تركناها لمدة سنتين هل ستتركنا هي نكمل برنامجنا استعدادا لاقتلاعها بعد سنتين لماذا لا يكون خيار فرانكلي العمل علي إسقاط النظام الان وتمديد الفترة الانتقاليه لخمس سنوات تستطيع فيها اي مجموعه تكوين حزب وتقديم برنامج انتخابي الديمقراطيات في كل العالم لم تنزل فجاءة من السماء ولكنها كانت عبر طريق شاق من التجربة وتجربة الاخر حتي اكتمل بناءها ومفهومها وقواعدها نظرية فرانكلي هذة يمكن ان تنجح فقط في المدينه الفاضلة او مع جماعة غير هؤلاء الكيزان او كأنك يا فرانكلي لا تعرف هؤلاء او كأنك يا فرانكلي تريد اي مسوغ لأطاله عمر النظام عملا بنظرية احييني الليله وموتني بكرة او بنظريه قول اي كلام وأعط اي وعد حتي تمر العاصفة
ان كان المتكلم مجنونا فعلي السامع ان يكون عاقلا او كما قيل
| |
|
|
|
|
|
|
Re: حوار مع : فرح , علاء الدين , فدوى , جمعة , ود الباوقة واخرين (Re: alsngaq)
|
الاخ عمر صديق
شكرا لكلماتك الطيبات , وهذا الحوار الراقي والنفس الهادي
Quote: تحياتي يا اساسي المواطن السوداني بصورة جمعية (وليس بصورة فردية ) يعرف المقارنة بين حال الخدمات في السابق ووضعها الحالي ويعرف كذلك الظروف والمسافة بين الموارد المتاحة والكامنة وبذلك يكون قراره حول بقاء الحكومة او ذهابها مبنيا علي ذلك ولذلك لو شعر الراي العام الجمعي الذي يمثل الشعب السوداني ان الحكومة غير قادرة علي توفير وتطوير الخدمات الاساسية لقرر اسقاطها وتبديلها
|
اذن يا عمر عليك باعادة قراءة خطاب عمر البشير الاول والذي اعلنت به ثورة الانقاذ مجيئها والاسباب التي دعتها للقيام بالثورة ومقارنة ذلك الخطاب بما يحصل الان , يا عمر النظام - يظن- ان الشعب هو المستفيدين من حزب المؤتمر الوطني الذين تم استيعابهم في اروقة مفاصل الدولة بكافة اشكالها هؤلاء شريحة كبيرة ومؤثرة ولكن ان راهن النظام علي انهم هم شعب السودان سيتفاجا النظام بما سيحدث عندما تشتد الازمة والتي بدأت في خناق المواطن المغلوب علي امره ولكنها لم تحكم قبضتها الي الان , الاجراءات التي استنها النظام لمقابلة الازمة غير كفيلة بحل شيئ , وكذلك حتي اللحظة لم يتحدث النظام كما اسلفت عن اشياء ملموسة " ظاهرة او كامنة " يصبر بها الشعب علي الخروج الي التظاهر والخدمات الاساسية التي تقول عليها في سبيلها الي التدهور يوما بعد يوم وسيجد النظام نفسه قريبا في لحظة اللا حل لانه لا يملك حتي اللحظة بدائل يقدمها , هذا سوى الفساد الذي تتحدث عنه الحكومة اكثر من المواطن لو انتبهت لهذا الامر كل ذلك سيتوج في لحظة واحدة بغضبة عارمة .
Quote: هذا الكلام يتعلق باداء الحكومة في السياسة الخارجية في اول عهد الانقاذ وهو موضوع طويل ليس المقام هنا يناسب مناقشته بالتفصيل
ولكن اجمالا اقول ان السياسة الخارجية في بداية عهد الانقاذ بنيت في عهد الحرب الباردة وكانت تنتمي الي المدرسة المثالية التي اندثرت لصالح المدرسة الواقعية في العلاقات الدولية بسبب انهيار الاتحاد السوفيتي وبداية النظام العالمي الجديد والذي وضع منظروه امثال هنتقتون وفوكوياما الاسلام في خانة العداء كبديل للشيوعية التي تلاشت في السياسة الدولية وهذا الوضع جعل الانقاذ في مواجهة امريكا وحلفاءها الدوليين وتوابعها من دول الجوار وعملاءها من المعارضة فدخل السودان قائمة الدول الراعية للارهاب ثم قائمة الدول المارقة ورسمت القوي الدولية صورة ذهنية للسودان والانقاذ بواسطة الاعلام المعولم والموجه وانطبعت تلك الصورة الذهنية علي عقول الكثيرين وصورته بالشكل الذي اراده الغرب وليس بواقعه وابعاده المحددة ولعل عجز الاعلام الانقاذي هو الذي يجعل الصورة الذهنية للسودان حاليا هي صورة ربيع عربي او كتاحة سودانية كما يدعي المناضلين بينما الواقع هو احتجاجات محدودة وراءها قوي لاتسطيع اسقاط حكم محلية وقد انتبه اهل الدبلوماسية السودانية لذلك في مؤتمرهم في عام 1996 فاحدثوا تغييرا في موجهات واهداف السياسة الخارجية بالقدر الذي يبعد الرؤية المثالية ويتجه نحو معطيات الواقع الدولي الجديد
فحدث تحسن في علاقات السودان الخارجية علي كافة المستويات وخاصة دول الجوار الاقليمي بعد ان وصلت الي مرحلة الحرب مع ثلاث من تلك الدول (الامطار الغزيرة ) وكل تلك الظروف والعوامل كانت المعارضة السودانية تمثل فيها مخلب القط لتلك القوي التي حاربت وحاصرت السودان ولذلك فان القول ان تلك السياسات صنعتها الانقاذ بصورة كلية يجانب الحقية وان تسببت فيها بصورة جزئية لان السودان والانقاذ لايمثلون شيئا كبيرا في موازين القوي الدولية ولايؤثر السودان الا في محيطه الاقليمي المندمج كليا في المعسكر الامريكي |
هذا كلام غير دقيق ولا يصلح ردا كافيا عن النقاط التي اثرتها والتي رددت عليه بها , قراءة خارطة السياسة العالمية امر جيد ولكن بالمقابل تبرئة النظام من دم ابن يعقوب هو المغالطة الكبيرة , النظام كما اسلفنا فعل بيده وسوق لنفسه وتبني ادوارا اكبر منه وكان دائما ما يركب الموجة الخطأ , عادي العرب ووقف مع صدام عند مشكلة العراق الاولي ففقد العرب ولم يكن لدى نظام العراق ما يقدمه له , تبنا خط مواجهة الغرب اصالة عن نفسه وجمع حوله الحركات الاسلامية صابا المزيد من الزيت في النار ولم يركب الموجة التي تنجي شعبه بل زجت به في غياهب الغرق وليست هذه المشكلة فلو كان الامر مسالة مبدئية لاحترمنا ذلك ولكن عاد النظام ولحس كوعه وتنكر لجميع الحركات وباع من باع وتنكر لمن تنكر لكن المشكلة ان الشعب من كان يدفع الثمن لذا هو غامر بشعبه في لعبة لا يعرف اصولها ولا يملك ادوات لعبها وهو ما يدفع ثمنه اليوم الشعب وقبله النظام نفسه فعزلته العالمية والتضييق الذي يتعرض له السودان كلها قبل ان تكون موامرات تحاك هي افعال لنظام نفسه
Quote: من المعلوم ان مشكلة التشظي وعوامل الانقسام لم تصنعها الانقاذ لان بذرتها زرعت منذ ايام قانون المناطق المقفلة او المغلقة وهي ذات المناطق التي ظلت ومازالات منطلقا للحروب الاهلية والنزاعات المدفوعة بقوي الدفع الخارجي ورغم ان كافة الاحزاب قد ارتضت باقرار حق تقرير المصير ورغم ان التجمع الوطني الذي كان يمثل المعارضة سبق الحكومة بقيبول مبادئ الانقاذ وفوض الحركة الشعبية للتفاوض نيابة عنه الا ان الكثيرين عندما وقع الانفصال لم يمتلكون الشجاعة للاعتراف بمسئوليتهم عن تقرير المصير وعن تبعاته الا المؤتمر الوطني الذي يملك الارادة السياسية التي تجعله يواجه الواقع مهما كان مرا ولذلك تجد ان تحالف المعارضة الذي كان يمثل التجمع قد تحالف مرة اخري مع الحركة الشعبية التي قامت باستغلاله لتنفيذ اجندتها الانفصالية ورمته بعد ان تحقق لها ما ارادت والان تستخدمه الحركة الشعبية في الجنوب مباشرة او عبر عملاءها في الشمال للسير في اتجاه تفتيت البلاد وتمرير الاجندة الخارجية للجهات التي تعادي السودان كله وليس الانقاذ
|
وهنا مغالطة اخري يا عمر , فالنظام الذي امتلك الارادة لفصل السودان لم يكن بيده الحل اصلا لذا امتلاك الارادة بدون وجود حلول جزرية يعتبر فشل زريع ومغامر اخري يدفع ثمنها السودان حاليا , فالحروب التي فصل من اجلها السودان ما تزال تشظي اطرافه بل اواسطه بعد ان ذهبت الاطراف , الحروب التي كانت تدور في الاحراث طالت المدن الكبري وبدات تقضي علي الاخضر واليابس بل ومست مناطق الانتاج التي يعيش عليها السودان , اذن ارادة بلا حلول هي مجازفة غير محسوبة الجوانب وليست مطلوبة اصلا بل هذه الحكومة فقدت الحنكة السياسية والحنكة الاجرائية وهذا باب طويل للحوار الحديث عن الاحزاب هو حديث من اجل الاستهلاك يا عمر , فانت وانا والشعب وقبلنا الحكومة والاحزاب تعرف جيدا ان هذه الاحزاب لا تمثل 10% من شعب السودان , الحكومة لم تفوض من قبل شعبها للقيام بمغامراتها بل كانت اصالة عن نفسها وعلي حسب امزجة بعض افرادها فقط وليس باتفاق النظام جميعه تقوم بمغامرات طائشة ندفع الان ثمنها ويدفع ثمنها المواطن المسكين من امنه وقوته وصحته وتعليمه يا عمر اعيد واقول ان الحكومة اخذت الوقت الكافي للقيام بكل شي وفشلت في القيام باي شي بشكله الصحيح , ورد كل ذلك الي التامر الخارجي والعقبات الكوود ما هو الا خيط يتعلق به النظام لتبرير مغامراته علي النظام الاقرار بانه فشل في ادارة السودان والقيام بما يليه من اجراءات تجنب البلاد ما احلك من ايام قادمات لا يعرف ما قد تفعله بالسودان مع نضوب معين النظام من ايجاد حلول للوقت الراهن دعك من ما هو مقبل
| |
|
|
|
|
|
|
Re: حوار مع : فرح , علاء الدين , فدوى , جمعة , ود الباوقة واخرين (Re: اساسي)
|
إستمتعنا كثيراً بالحوار الراقي والمفاهيم التي نثرت كالدرر من عمر الصديق وأساسي ولعمري لوكان أهل الحل والعقد يأخذون بالأفكار النيره ويقرأون مايكتب ويستهدون به لجنبنا كثير من منقصات التجربة الكثيره التي نعايشها اليوم ...والتي أويد رأي اساسي في أنها لا تخلو من تخبط وإنجراف قارب كبير ...
كثير من جهلاء التاريخ والطبيعة ممن يعارضون وبكل ضيق أفق يحسبون أن تجربة الإنقاذ وفشلها سيكون به نهاية الإسلاميين في السودان وقطع دابرهم كما يدعي بعض المتفائلين من أصحاب الأماني في اليسار وأهل الطوائف وتلك أماني وأحلام مشروعة جداً
يبقى بيت القصيد في رهاننا على (الشرفاء) من (عقلاء) القوم في كل ناحية وكل فكر على الوصول لصيغة مثلى لحكم السودان ...أنا مع أن الحكومة الحالية وحزبها يجب عليهم أن ينزلو ويتواضعو من حالة اللاوعي ويقدمو على فعل شجاع يرضي أهل السودان وهم الأغلبية وحينها فقط سيضطر الأقصائيون من أصحاب الأحزاب الى التواضع قسراً لممارسة سياسية راشده ...
يبقى لابد أن نخلص الى ...أن إنفراد المؤتمر الوطني بالسلطة بلا رقيب ومنافس رسمي ودستوري وجاد كان كارثة
كما أن عدم جدية أحزابنا وولوغها مستنقع الفشل والبحث عن المصالح الحزبية والمكاسب الضيقة كان أيضاً كارثة لا تقل عن الأولى
أخيراً :
كل الناس السمحة بتنشد تيار عريض يلبي طموحات الشعب ...هذا التيار لاينبغي أن تعقد فيه محاكمات ولا عزل ولا تهميش ...يلتقون فقط في مايصلح حال البلد
| |
|
|
|
|
|
|
Re: حوار مع : فرح , علاء الدين , فدوى , جمعة , ود الباوقة واخرين (Re: أمير فتحي)
|
امير فتحي ازيك انا معك لا يمكن عزل الإسلاميين كحركة تاريخها وجذورها اكبر من المؤتمر الوطني و الإنقاذ بكثير لا يمكن عزلها وتيارها العريض الملتزم و ذلك الأعرض المتعاطف لكن ضد حديثك عن عدم عقد المحاكمات المحاكمات ورد المظالم ضرورة لايمكن تجاوزها كل من فسد وأفسد و نال حقا ليس له يجب ان يحاسب عليه و من ناحية تانية كل من تعرض لظلم في حياته و معاشه وأمنه يجب أن يسترد حقه كاملا أو يعوض عنه لا عزل أو اقصاء إلاّ لمن يدان بالقانون
| |
|
|
|
|
|
|
Re: حوار مع : فرح , علاء الدين , فدوى , جمعة , ود الباوقة واخرين (Re: اساسي)
|
Quote: اذن يا عمر عليك باعادة قراءة خطاب عمر البشير الاول والذي اعلنت به ثورة الانقاذ مجيئها والاسباب التي دعتها للقيام بالثورة ومقارنة ذلك الخطاب بما يحصل الان , يا عمر النظام - يظن- ان الشعب هو المستفيدين من حزب المؤتمر الوطني الذين تم استيعابهم في اروقة مفاصل الدولة بكافة اشكالها هؤلاء شريحة كبيرة ومؤثرة ولكن ان راهن النظام علي انهم هم شعب السودان سيتفاجا النظام بما سيحدث عندما تشتد الازمة والتي بدأت في خناق المواطن المغلوب علي امره ولكنها لم تحكم قبضتها الي الان , الاجراءات التي استنها النظام لمقابلة الازمة غير كفيلة بحل شيئ , وكذلك حتي اللحظة لم يتحدث النظام كما اسلفت عن اشياء ملموسة " ظاهرة او كامنة " يصبر بها الشعب علي الخروج الي التظاهر والخدمات الاساسية التي تقول عليها في سبيلها الي التدهور يوما بعد يوم وسيجد النظام نفسه قريبا في لحظة اللا حل لانه لا يملك حتي اللحظة بدائل يقدمها , هذا سوى الفساد الذي تتحدث عنه الحكومة اكثر من المواطن لو انتبهت لهذا الامر كل ذلك سيتوج في لحظة واحدة بغضبة عارمة |
يا اساسي الشعب السوداني يتصف بدرجة عالية من الوعي السياسي ولايفوت عليه ان الانقاذ في اول عهدها ايام التمكين والقبضة الحديدية والتضييق علي الحريات كانت تاتمر بتوجيهات دكتور الترابي
وعليه فان الشعب قد رفض التظاهر لانه لايريد ان يكون البديل هو تحالف المعارضة الذي يقوده الترابي والذي يمثل ركنا رئيسا في الانقاذ في عقدها الاول
وعليه نحن في المؤتمر الوطني نقر بمسئوليتنا عن العقد الاول مناصفة مع المؤتمر الشعبي
ونتحمل كل انجازات واخفاقات الحكومة بعد المفاصلة
وعليه فان المعارضة او تحالف جوبا الذي يقوده الشعبي يعتبر شريكا لنا في كل تلك الفترة التي كان يقودها الترابي
ولذلك نحن نراهن علي اقتناع الشعب بان هذه الحكومة هي افضل من البديل المتمثل في تحالف جوبا
وتاريخه معلوم ويكفي ان اذكرك بان الشيوعيين الذين اصبحوا يرابطون في ود نوباوي حاليا تحت مزاعم الثورة
هم ذاتهم من اطلقوا قنابلهم ورصاصهم علي العزل في ود نوباوي والجزيرة ابا تحت دعوي محاربة الرجعية
فهل من ارتكب نلك الجريمة النكراء ولم يعتذر عنها حتي الان
يملك مؤهلات للحديث عن الحريات والحقوق ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!!!!!!!!!!!!
وهل من يقوم بالتخريب وحرق الممتلكات العامة يمكن ان يكون مؤهلا للاصلاح ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
وعليه فنحن نعول علي اقتناع الشعب بان الاصلاحات الاقتصادية الحالية والتي فرضتها ظروف الانفصال وتداعياته تمثل محاولة جادة لاعادة التعافي للاقتصاد السوداني
ونقول اننا لم نكتفي بالتفويض الشعبي الممنوح لنا بل سعينا الي توسيع المشاركة السياسية وان الحكومة الحالية تمثل اغلبية قوي السودان السياسية
ورغما عن مواقف وارتباطات واجندة بعض قوي المعارضة الا اننا نفتح باب الحوار معهم علي مصراعيه سعيا لاستكمال الوفاق الوطني
ونعمل علي صياغة دستور جديد يرتضيه اغلب اهل السودان ويقره الشعب في استفتاء عام
Quote: هذا كلام غير دقيق ولا يصلح ردا كافيا عن النقاط التي اثرتها والتي رددت عليه بها , قراءة خارطة السياسة العالمية امر جيد ولكن بالمقابل تبرئة النظام من دم ابن يعقوب هو المغالطة الكبيرة , النظام كما اسلفنا فعل بيده وسوق لنفسه وتبني ادوارا اكبر منه وكان دائما ما يركب الموجة الخطأ , عادي العرب ووقف مع صدام عند مشكلة العراق الاولي ففقد العرب ولم يكن لدى نظام العراق ما يقدمه له , تبنا خط مواجهة الغرب اصالة عن نفسه وجمع حوله الحركات الاسلامية صابا المزيد من الزيت في النار ولم يركب الموجة التي تنجي شعبه بل زجت به في غياهب الغرق وليست هذه المشكلة فلو كان الامر مسالة مبدئية لاحترمنا ذلك ولكن عاد النظام ولحس كوعه وتنكر لجميع الحركات وباع من باع وتنكر لمن تنكر لكن المشكلة ان الشعب من كان يدفع الثمن لذا هو غامر بشعبه في لعبة لا يعرف اصولها ولا يملك ادوات لعبها وهو ما يدفع ثمنه اليوم الشعب وقبله النظام نفسه فعزلته العالمية والتضييق الذي يتعرض له السودان كلها قبل ان تكون موامرات تحاك هي افعال لنظام نفسه |
انا لم ابرئ النظام من دم ابن يعقوب ولكنني قلت ان الذئب لم يأكل ابن يعقوب ( وهنا استأذنك والقراء في رواية هذه الطرفة التي تقول ان بعضهم جاء الي احد مساجد منطقة الصالحة بامدرمان ووقف وقال للمصلين اريد ان احدثكم اليوم عن اوصاف الذئب الذي اكل يوسف عليه السلام ,وعندما انبري له احد المصلين واوضح له بالحجج الدامغة بان الذئب لم يأكل بن يعقوق قال له : خلاص انا حا اتكلم عن اوصاف الذئب الذي لم يأكل ابن يعقوب فضج الحضور بالضحك )
ونعود لموضوعنا حيث انني ذكرت ان التحولات العالمية في اعقاب انهيار المعسكر الاشتراكي هي التي ادت الي ان يتخذ الغرب بقيادة امريكا الاسلام عدوا له وظهرت مصطلحات الارهاب التي تدور حول الاسلام والمسلمين
ويمكنك الرجوع الي ردي حيث قلت لك ان سياسة السودان الخارجية التي كانت قد صيغت بصورة ترتكز الي المثالية وتجافي الواقعية كان لها اثرا في ذلك العداء الذي واجهه السودان
وازيد بان دول الجوار وفصائل التجمع الوطني وبعض السودانيين قد اسهموا في تشويه صورة البلاد والحكومة والاسلام وان اختلفت منطلقاتهم وانا هنا اسالك هل تلك القوي المعارضة التي كانت تشوه سمعة السودان بسبب الكيد السياسي للانقاذ وارضاءه لاجهزة الدول التي كانت ومازالت تنفق عليها وتملي عليها اجندتها
هل سمعت ان حزبا منهم قد اعتذر عما ارتكبه في حق الوطن ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ وعليه فان تحليل سياسة السودان الخارجية يجب ان تنبني علي كافة العوامل الداخلية والخارجية التي اثرت فيها ولايمكن ان نوافق المنطق اذا ارجعنا كل ذلك للحكومة السودانية لان السياسة الدولية في ظل النظام العالمي الجديد وعصر العولمة اصبح فيها عدد كبير من الفاعلين
وليس فاعلا واحدا
ولذلك اقول ان النظام لم يتنكر لمبادئه ولم يلحس سياساته الخارجية خوفا من احد او تراجعا عن افكاره
بل لانه علم بواسطة توصيات مؤتمر الدبلوماسية السودانية الذي انعقد في العام 1996 ان السياسة الخارجية تقوم علي المصالح وليس علي الايديولوجيا وانه لابد من اعادة صياغة اهداف سياسة السودان الخارجية لتكون واقعية حسب مستجدات السياسة العالمية وفي ذلك تم تعديل لاستراتيجية علاقات السودان الخارجية التي وضعها مؤتمر الاستراتيجية القومية الشاملة لانها كانت قد بنيت علي انتهاء الصراع بين المعسكرين الشرقي والغربي ولم تتنبأ بسقوط المعسكر الشرقي وانتهاء حقبة الحرب الباردة ولان العامل الايديولوجي في الخطاب الخارجي لايمثل قضية مبدئية حيث ان القران يخاطب الانسانية جمعاء وينظم العلاقات بين الدول والافارد بموجهات عامة مع ترك التفاصيل والسياسات والخطط وفقا للاجتهاد البشري واعمال الفكر والاستفادة من الارث الانساني حيث ان الحكمة ضالة المؤمن فتم حصر الخطاب الاسلامي في السياسة الداخلية دون الخارجية ولذلك فقد حدث نعديل في موجهات واهداف سياسة السودان الخارجية وهي قضية اجتهادية تدخل في باب المعاملات ومعلوم ان الفقه الاسلامي يقول ان المعاملات الاصل فيها الاباحة مالم يرد دليل علي التحريم والمنع ولان المصلحة هي من اصول التشريع الاسلامي تغيرت السياسة الخارجية لتنبني علي مصالح الامة السودانية في التعامل مع العالم الخارجي
Quote: وهنا مغالطة اخري يا عمر , فالنظام الذي امتلك الارادة لفصل السودان لم يكن بيده الحل اصلا لذا امتلاك الارادة بدون وجود حلول جزرية يعتبر فشل زريع ومغامر اخري يدفع ثمنها السودان حاليا , فالحروب التي فصل من اجلها السودان ما تزال تشظي اطرافه بل اواسطه بعد ان ذهبت الاطراف , الحروب التي كانت تدور في الاحراث طالت المدن الكبري وبدات تقضي علي الاخضر واليابس بل ومست مناطق الانتاج التي يعيش عليها السودان , اذن ارادة بلا حلول هي مجازفة غير محسوبة الجوانب وليست مطلوبة اصلا بل هذه الحكومة فقدت الحنكة السياسية والحنكة الاجرائية وهذا باب طويل للحوار الحديث عن الاحزاب هو حديث من اجل الاستهلاك يا عمر , فانت وانا والشعب وقبلنا الحكومة والاحزاب تعرف جيدا ان هذه الاحزاب لا تمثل 10% من شعب السودان , الحكومة لم تفوض من قبل شعبها للقيام بمغامراتها بل كانت اصالة عن نفسها وعلي حسب امزجة بعض افرادها فقط وليس باتفاق النظام جميعه تقوم بمغامرات طائشة ندفع الان ثمنها ويدفع ثمنها المواطن المسكين من امنه وقوته وصحته وتعليمه يا عمر اعيد واقول ان الحكومة اخذت الوقت الكافي للقيام بكل شي وفشلت في القيام باي شي بشكله الصحيح , ورد كل ذلك الي التامر الخارجي والعقبات الكوود ما هو الا خيط يتعلق به النظام لتبرير مغامراته علي النظام الاقرار بانه فشل في ادارة السودان والقيام بما يليه من اجراءات تجنب البلاد ما احلك من ايام قادمات لا يعرف ما قد تفعله بالسودان مع نضوب معين النظام من ايجاد حلول للوقت الراهن دعك من ما هو مقبل |
النظام امتلك ارادة القبول بنتائج اتفاقية السلام الشامل ولم يمتلك ارادة فصل الجنوب لان ذلك لم يقرره النظام بل قرره ابناء الجنوب في الاستفتاء واحترم المؤتمر الوطني رغبتهم ورغم انه كان يعمل للوحدة حتي اخر لحظة بينما المعارضة التي كانت تقودها الحركة الشعبية فيما عرف بتحالف جويا هي التي سعت في طريق الانفصال وعندما وقع وتنكرت لهم الحركة الشعبية اصبحوا في حالة البكاء علي الوطن المنفصل ولكن الواقع والشارع السوداني يقولان لهم آلان ؟؟؟؟؟؟؟؟؟؟؟؟؟؟؟؟ وحاليا نظر الي من يدعمون الحرب في الداخل والخارج هم ذاتهم من يتوهمون ثورة الشعب السوداني والذي يفر منهم فرار الصحيح من الاجرب وكما قال الشاعر: متي يبلغ البنيان يوما تمامه اا كنت تبني وغيرك يهدم
فكلما تقدمت الحكومة ومدت اياديها بيضاء من غير سؤ للسلام وجنحت له جنحت تلك القوي العميلة للبنادق لانها لاتود للسودان استقرارا وسلاما وعليه يا اساسي لايمكن لنا ان نضع العربة خلف الحصان ولايمكن ان يطالبنا الناس بان (نزرع القات في يافا ومن صنعاء نجني البرتقال) كماقال احمد مطر والمؤتمر الوطني ( ليس له علم الحواة كي يخرج الجبل العظيم من الحصاة ) كما قال نفس الشاعر وكيف للمؤتمر الوطني ان يحقق سلاما كاملا مع حركات يقودها عرمان وباقن وعقار ومناوي وعبد الواحد وجبريل ومعلوم للجميع ان هؤلاء يتبعون شركاء متشاكسون ولو كانو سلما لرجل واحد لاصبح السلام قريب المنال ورغم تلك الصعاب فقد عادت الحكومة لسلام الدوحة الذي اسهم في انحسار مشكلة وازمة دارفور وان لم ينهها تماما ورغما عن ذلك سنواصل المسيرة نحو اكمال السلام في السودان والاستقرار علي الحدود الجنوبية وسنسير في مشروع استكمال النهضة ونواصل نمو وتعافي الاقتصاد السوداني وصولا الي التنمية الشاملة ونظل ندق ابواب الوفاق الوطني ومظان السلام وفي ذات الوقت نعد العدة للدفاع عن وطننا في وجه الاعداء ونعمل علي اصلاح حزبنا وتجديد قياداته وتطوير هياكله ومؤسساته لان الاصلاح غاية لنا علي الدوام ونسعي الي تطوير وتثوير الممارسة السياسية وتجذير التحول الديمقراطي في البلاد غير ابهين بتحديات قوي صغيرة تعمل علي زعزعة الاستقرار ونعلم قوتهم التي هي اوهن من بيت العنكبوت مستمسكين بحبل الله المتين ومعتمدين علي دعم الشعب السوداني الابي
| |
|
|
|
|
|
|
Re: حوار مع : فرح , علاء الدين , فدوى , جمعة , ود الباوقة واخرين (Re: عمر صديق)
|
شنو يا عمر كنت منطقي وسلس في الحوار , المداخلة الاخيرة دي هتافية يا عمر وخالية من الدسم
قصة انه تكون المراقة هي الترابي فالحكاية دي ماظابطة اصلا , الترابي زي ما قلت جزء اصيل من الحكومة في عقدها الاول , وجزء كبير من ازمة السودان بتمثل في شخص الترابي ونزقه ونزعاته الشخصية ومرضه بالسلطة , لكن كونك تتكلم عن انكم انتو بتمثلوا الحكومة , وبعد حين انتو الحكومة والمعارضة بتلغي دور بقية الكيانات الاخري , ودي رؤية غير موفقة وان كان في الاجمال دور الكيانات الاخري ضعيف جدا وزي ما قلت سابقا انه المعارضة السودانية المنتظمة في احزاب ضعيفة وانتهازية , خلاصة كلامك بدون دخول في تفاصيل , انه في ازمة حقيقية في السودان ودا اعتراف جيد , والازمة دي عشان نكون واضحين سببها الرئيسي هو النظام نفسه بدرجة كبيرة لكن يا عمر البختلف معاك فيهو جملة وتفصيلا ما ممكن تلاتة وعشرين سنة يكون النظام هو سبب الازمة ويكون في يده الحل , النظام يا عمر عاجز بالمعني الحرفي للكلمة عن تقديم حلول , مافي يده حلول , ما بيملك ادوات الحل , ودا برجعنا لمدخلة الاخ ود البشري تاني انه اي حكومة غير النظام الحالي حفية بايجاد حلول للازمة الحالية ووضع اسس مستقبلية يتم بيها تداول السلطة سلميا تجنب البلاد والعباد ما يعجز النظام عن ايجاد حلول له
وبمناسبة طرفتك انا اديك طرفة برضو كونه النظام يطلب من الشعب مساعدته في اجتياز الازمة الحالية النظام البقي عاجز عن دفع مواهي ورواتب منسوبيه الدستوريين , ذكروني المسطلول الخبط علي باب بيت بعد منتصف الليل لما فتح ليهو الراجل الباب قام المسطول قال ليهو لو سمحت دفرة صاحب البيت زعل وقفل الباب في وشو زوجته قالت ليه حرام عليك لو ما مضطر ما بخبط مواعيد زي دي إتخيل دا إنت مكانو صاحبنا إتحسس ومشى فتش ليه ما لقاهو نادى عليه يااا ابوالشبااااب إنت وين المسطول قال ليه انا هنااااا في الطوطحانيا
اها النظام داير الشعب يساعده عشان يطوطح ويبحبها علي رقبته ,لما جات قروش البترول وراحت علي عثمان قال مارسنا البزخ السياسي ؟؟ والان بيطلب من المواطن يديه دفرة ؟
يا عمر باقي الكلام الكتبتو زاتو ما رد كافي ولا مقنع علي كلامي عشان اعقب عليهو بالتفصيل
تقبل تحياتي
| |
|
|
|
|
|
|
|