|
|
|
 Re: مريم الصادق المهدي, تطالب بالنموذج اليمني في التغيير! (Re: ثروت سوار الدهب)
|
ثروت كيفك?
انا غايتو احسن اسكت lest be called out و دخلنى شنو? انتو السوارب يا ثروت مش جيران و مصاهرين عائلة الدكتورة و بتعرف بعضكم?
يا اخوى, الامام و المولانى فى ورطة كبيرة. الختمية قتلها المولانو و الباقى المقاوم منها زعلان. الامام... احسن اسكت ساى و لكن الانصار ثائرين و دى خطير جدا على المؤسسة التى ينتمى اليها الدكتورة و العاءئلة و بهذا الكلام , الدكتورة تضحى من اجل بقاء المؤسسة.
شوفت كيف محبط بزنس السياسة فى السودان.
| |
 
|
|
|
|
|
|
|
|
Re: مريم الصادق المهدي, تطالب بالنموذج اليمني في التغيير! (Re: طارق ميرغني)
|
| Quote: مريم الصادق المهدي, تطالب بالنموذج اليمني في التغيير! |
ده كلام فارغ..
هذا الحراك وهذه الثورة ما محتاجين لمنظراتية. هم بس (يختونا)*
* هم: حزب الأمة - الإتحادي - الشيوعي عشان مافي زول يزعل وأي حزب فقد فرصته في الديموقراطية أكتر من مرة .. enough is enough
فالمثل بيقول: البيرتكب خطأ كان يمكن تجاوزه فهو أحمق. والبيكرره... غبي
وما يجي زول يقول لي البديل منو؟
سلامات ثروت يا صاحب
| |
|
|
|
|
|
|
|
|
Re: مريم الصادق المهدي, تطالب بالنموذج اليمني في التغيير! (Re: أمير عثمان)
|
ثروت ياحبيبنا :
عند السيدين ثورة الخرطوم ما هي الا حدث ( حدث طارئ لا ثورة ) يحسن من شروط التفاوض والمساوامة علي الانصبة والحصص لدي السلطة الحاكمة
والدور والقسمة اذا طالت الثورة السلطة القائمة وعصفت بها عند قوي المعارضة .. التي تدعو دون مواربة لاسقاط النظام .....
فالامر عندهم (السادة ) خاضع للمحاصصة والنصب سوي نسبة المشاركة في السلطة ( بدل الابناء الاحفاد والمحاسيب )
او دور السيد ونصيبه اذا اجتاحت الثورة السلطة القائمة .... لكن المعضلة الان كما قال الاخ جوزيف ماذا هم فاعلون لقواعدهم وشبابهم الثائر ؟
فالسيدين في غاية الجاهزية لركوب باص الثورة او حافلة الانقاذ ....
| |
|
|
|
|
|
|
|
|
|
Re: مريم الصادق المهدي, تطالب بالنموذج اليمني في التغيير! (Re: MAHJOOP ALI)
|
والله يا ثروت يا أخوي أنا سمعت كلامها في قناة الجزيرة
وجالت كل هذه الأسئلة برأسي..
يا أخي حكاية عصا مرفوعة وعصا مدفونة دي نحن سئمنا منها..
ناسهابيهتفوا (الشعب يريد إسقاط النظام) وهي تقول ليك النموذج اليمني!!!!
وبعدين إذا هم أدوا البشير ضمانات زي بتاعة الشاويش علي.. المحكمة الجنائية الدولية
لا يمكن أن تكون طرفا في صفقات سياسية من هذا النوع.. أوووف ..يا أخي كلام يكربن..
| |
|
|
|
|
|
|
|
|
|
Re: مريم الصادق المهدي, تطالب بالنموذج اليمني في التغيير! (Re: Mohamed Yassin Khalifa)
|
سلام يا ثروت
ياثروت الوقت للثوره عشان كده حاكون معاك ايجابى جدا
يااخى النموزج اليمنى لم يكن هبه من احد بل كان نتيجه لتضحيات كبيره من الشعب اليمنى مات فيها المئات حتى ارغم على عبد الله صالح بالتنحى وتشكيل حكومه خلاص وطنى (طبعا ترافق الضغط الشعبى مع الاقليمى والعالم فيما يسمى بالمبادره اليمنيه) وفى تقديرى كان الحل افضل من النموزج الليبى المسلح الذى دمر لبيبا ومازالت الحرب بين رفقاء الامس مدوره....
شخصيا...ارحب باى تغيير يحفظ بقيه الوطن وارواح وممتلكات المواطن ...مع استقاله البشير وتكوين حكومه قوميه كما توافقت عليه احزاب الخلاص الوطنى حتى لو كان الرئيس المؤقت غازى على راى حبيبنا ملاسى؟
امل ان تستجيب الانقاذ لتسليم السلطه لحكومه انتقاليه ولكن الانقاذ عودتنا بانها لا تستجيب الا ضحى الغد ولذا اى بديل حتى لو كان دمويا تكلفته اقل من استمرار الانقاذ
دودى
| |
|
|
|
|
|
|
|
|
|
Re: مريم الصادق المهدي, تطالب بالنموذج اليمني في التغيير! (Re: Mohamed Doudi)
|
ياثروت
في مقابلتها مع الجزيرة
بادارت وطرحت موضوع اليمن في اجابة علي سؤال مزيعة الجزيرة
حول ما اذا اغلق حزب الأمة الحوار مع الحكومة واحابت بالنفي
واضافت quote "تعتقد ان الحكمة التي تمت في اليمن يكمن
تطبيقها في أمكان اخري وعلي رأسها السودان" unquote وبعد
داك راحت في نظرية الامام المعروفة حول التخوف من العنف وكأن
العنف لم يكن ماثلا في السودان وربما في ذات وقت المقابلة كان
ابراهيم بلندية رئيس مجلس المؤتمر في كادوقلي ومعه ثمانية آخرين
تخر دمائهم وتصعد ارواحهم في ضواحي الدلنج ولا ادري كم روح تزهق
داخل السودان فقط في زمن المقابلة وكم قنلبة تسقطها الانتنوف وكم
تقتل المليشيات وكم يقتل العنف المضاد. موضوع اليمن لم تطرحه
الجزيرة تبرعت به مريم بنت الامام ..... ونسيت تماما تلك الوثيقة
التي وقعت عليها قبل أقل من 90 ساعة بدار حزبها.
الرابط:
http://www.youtube.com/watch?v=MtwWVol...203;=player_embedded
| |
|
|
|
|
|
|
|
|
 Re: مريم الصادق المهدي, تطالب بالنموذج اليمني في التغيير! (Re: Amani Al Ajab)
|
Quote: في مقابلتها مع الجزيرة
بادارت وطرحت موضوع اليمن في اجابة علي سؤال مزيعة الجزيرة
حول ما اذا اغلق حزب الأمة الحوار مع الحكومة واحابت بالنفي
واضافت quote "تعتقد ان الحكمة التي تمت في اليمن يكمن
تطبيقها في أمكان اخري وعلي رأسها السودان" |
ولما قلنا الجماعة ديل لسه بيتفاوضوا مع نظام القتلة
قالوا علينا كذابين وحاقدين ...
يا جماهير الأنصار إسمعوا وعوا ..
الجماعة ديل حا يبيعوكم فى أول ملف .
بس ياريت تتعلموا من تجاربكم .
| |
|
|
|
|
|
|
|
|
|
Re: مريم الصادق المهدي, تطالب بالنموذج اليمني في التغيير! (Re: AMNA MUKHTAR)
|
Quote:
انا غايتو احسن اسكت lest be called out و دخلنى شنو? انتو السوارب يا ثروت مش جيران و مصاهرين عائلة الدكتورة و بتعرف بعضكم?
|
عزيزنا زكريا جوزف
اطرشني.
يا استاذنا زكريا انا اولادي لسه ما بقوا للعرس و المصاهرة
اي نسب اخر لا اعرفه ان وجد.
على اي حال عائلتنا اصبحت klan من فرض كبرها
و لاعرف من يناسب من و من يجاور من
و الامر عندي لا يؤخذ من هذه النواحي
الضيقة البته
انا ابن اسرة السودان
و نسيب الوطن
Quote: احسن اسكت ساى و لكن الانصار ثائرين و دى خطير جدا على المؤسسة التى ينتمى اليها الدكتورة و العاءئلة و بهذا الكلام , الدكتورة تضحى من اجل بقاء المؤسسة.
شوفت كيف محبط بزنس السياسة فى السودان. |
شايف سكاتك كتر, مالك؟
دي يا استاذ اسمها علاقة السيد بالمريد
للسيد الامر من قبل و من بعد
فهو لا يتوقف برهة في امر من ينظر اليهم من على
هو الذي يحدد
و ليس هم
هذه ماساة الطائفية
و هذه ملهاتها عندما تختلط بالسياسة
تحياتي و ودي
| |
|
|
|
|
|
|
|
|
|
Re: مريم الصادق المهدي, تطالب بالنموذج اليمني في التغيير! (Re: ثروت سوار الدهب)
|
Quote:
يا سلاااااام على لعب البوليتيكا على أصوله يا أسرة المهدى ..
شيل دا من دا ..يرتاح دا عن دا ...
ويا دار ما دخلك شر .
.......
ولكن بالطبع لجماهير الأنصار كلمة . |
هم جماهير حزب الامة ام الانصار بالمناسبة؟
يوم يكون عندهم كلمة غير كلام ستي و سيدي تاكدي انهم لم يعودوا طائفة بالمعني الحاضر الان
يوم يتمرد التابع على المتبوع هذا يعني انفراط في العقد الناظم بينهم. و حينها لن يعود السيد سيدا و المريد مريدا.
اما البلوتيكا
فهي تناسب النبلاء و الاسياد
و التبع يناسبهم البلاء و الانتفاض
لازلنا نعشم بوطن معافي من هذه الادران و هذا الامتهان.
تحياتي يا آمنة
| |
|
|
|
|
|
|
|
|
|
Re: مريم الصادق المهدي, تطالب بالنموذج اليمني في التغيير! (Re: ثروت سوار الدهب)
|
| Quote: وهل تقصد الدكتوره عفا الله عما سلف ؟؟؟ |
الاخ طارق ميرغني سلامات
قبل كدا ابوها قال قولته المشهورة: البشير جلدنا ما بنجر فيو الشكوك.
تعرف مبدأ عفا الله عما سلف مبدا طائفي اصيل
بضمن عدم المساءلة للانظمة الديكاتورية التي في العادة عندهم معها علايق مكشوفة و مستترة و مخجلة. هذا من ناحية
من ناخية اخرى لو بدأت المساءلة ستمد لادوار دهاقنة الطائفية عن كيفية حدوث الانقلاب و دورهم فيه كحكام انذاك
الشيئ الذي يتفادونه باستمرار عقب نجاح الثورات.
و للاسف نجحوا في الافلات عقب اكتوبر و ابريل
و الان سيعيدون الكره مؤولين على مواريث التسامح الاجتماعي المخزون في النفوس و استغلاله لبداية عبثهم من جديد.
و لكن لو تغير ميزان القوى لحظة سقوط النظام سيكون صعب تنفيذ هذا المبدأ الذي هو بمثابة مخلب القط في ركوب الطائفية المتخلفة
ظهور الثوار و سرقة الثورة و تفريغها من مضامينها و ضمان عدم المحاسبة. و هو الشيئ وارد الحدوث بقوة و هذه الثورة - اي امتلاخ توازن القوى في اتجاه معاكس.
عشان كدا يا اخي النموذج اليمني اشبه في الحل لمبدا تلته و لا كتلته بالنسبة لمريم و من لف لفها.
تحاياي
| |
|
|
|
|
|
|
|
|
|
Re: مريم الصادق المهدي, تطالب بالنموذج اليمني في التغيير! (Re: ثروت سوار الدهب)
|
| Quote: مريم الصادق المهدي, تطالب بالنموذج اليمني في التغيير! |
اليمن جارتها السعودية ولذلك تم هذا السيناريو حتى لاتتاثر السغودية التى تضخ اكثر من عشرة مليون برميل يوميا والذتى تؤثر على الاستقرار العالمي!
كل يمنى يملك اربعة قطع سلاح فى بيته مما كان قد يفتح باب حرب اهلية تقضى على المنطقة باكملها!
ثم ان الرئيس اليمنى ليس مطلوب دوليا منثل رصيفه السوداني
ثم ان الرئيس تحميه قبيلتى حاشد وبكيل الذى اكبر قبائل اليمن
ماذا لو لم يقبل على عثمان واعتبرها فتنة!
جنى
| |
|
|
|
|
|
|
|
|
|
Re: مريم الصادق المهدي, تطالب بالنموذج اليمني في التغيير! (Re: مريم الطيب)
|
احمد العربي
| Quote: اذا النوزج الليبي فقط ولا غير |
لا اعتقد
و لا اتمنى
النظام اضعف كثيرا من نظام القذافي
فهو لا يستطيع نشر العنف في مساحة جغرافية واسعة و ضد كل الاناس في نفس الوقت
ماديا هو منهك و على حافة الافلاس و شعبيا هو اضعف و عضويته انتهازية و وظيفية اكثر من انها ايدولوجية و قواته مشتتة على اطراف البلاد في مطاردة الحركات المسلحة و حدود البلاد الجنوبية.
مع ذلك فهو قادر على العنف و لو في حدود و لا يتواني في استعماله لو عن طريق اجهزة الدولة الرسمية. الى اي مدى او زمن هذا ما يصعب التكهن به.
تحياتي
| |
|
|
|
|
|
|
|
|
 Re: مريم الصادق المهدي, تطالب بالنموذج اليمني في التغيير! (Re: ثروت سوار الدهب)
|
الأخت مريم الطيب /
| Quote: النموذج اليمني بي حريقتو وجوينتاتو ولا بدون؟ |
ههههههههههههه
دا سؤال تعسفى شدددديد ..
قالوا ليكم الزول دا جلدهم وما بيجروا فيهو الشوك ..
فما بالك بالحريقة ؟
| Quote: ياربي جايزة نوبل حيدوها لمنو؟ |
نوبل فى اليمن رضوا بيها الإسلاميين ..
يا ربى فى حالتنا حا يرضوا بيها منو ؟!
أكيد الدافوريين أصحاب الوجعة .
| |
|
|
|
|
|
|
|
|
 Re: مريم الصادق المهدي, تطالب بالنموذج اليمني في التغيير! (Re: Raja)
|
Quote: ده كلام فارغ..
هذا الحراك وهذه الثورة ما محتاجين لمنظراتية. هم بس (يختونا)*
* هم: حزب الأمة - الإتحادي - الشيوعي عشان مافي زول يزعل وأي حزب فقد فرصته في الديموقراطية أكتر من مرة.. enough is enough
فالمثل بيقول: البيرتكب خطأ كان يمكن تجاوزه فهو أحمق. والبيكرره... غبي
وما يجي زول يقول لي البديل منو؟
|
النموذج اليمني لا يصلح .. والمطلوب هو إسقاط النظام .. والبديل هو النظام الديمقراطي ...الخ
سؤال عن الزج بالشيوعي في "يختونا" .. البيسمع نوع الكلام يقول في زول مكتفكم أو ودى بلدكم براكم .. طوااالي اسقطوا النظام المشكلة شنو .. الشيوعي دا عنده "رباطة" ومشارك في الإنقاذ كمان ولا شنو!؟
بكل اسف تبسيط مخل لحدالإحباط
احترامي
.....................................................
المجد لشعب السودان ... المجد لأمة السودان
يقيني بان أسوار الظلم مهما علت لن تقف في طريق إرادة الشرفاء
السودان لكل السودانيين
Sudan for all the Sudanese
| |
|
|
|
|
|
|
|
|
|
Re: مريم الصادق المهدي, تطالب بالنموذج اليمني في التغيير! (Re: ثروت سوار الدهب)
|
اعتقد ان النموذج اليمني لا يصلح في السودان فالنائب هنا هو الحاكم الفعلى لنظام القهر والاستبداد ..
ثم ليه ما نستلهم النموذج السوداني في ابريل مع بعض التحسينات بحيث لا ياتي بسوار الذهب والجزولي
بل بقيادة قومية بمعنى الكلمة و لفترة إنتقالية تؤسس لحكم ديمقراطي قوي محمي بارادة شعبية .
سلامات وعودا حميدا بالله خليك زول حقاني ولا تبخس الناس اشياءها
علقت من العنوان بس و ما قريت تعليقاتك يا سوار الذهب لاني عارف مويتك وين :)
| |
|
|
|
|
|
|
|
|
|
Re: مريم الصادق المهدي, تطالب بالنموذج اليمني في التغيير! (Re: نيازي مصطفى)
|
Quote: التحيه لك يا احمد العربي
سجل اسمك معانا(هههههههههههههههههههههه)!
ما يطلعوك من المله(هههههههههههههههههه)
يا ثروت يا مستهبل
قلت لي ايا سؤال؟!
وهل تركت (السيده) شيئا ليقال!
قال النموذج اليميني قال!!
قول ليها تلقيه عن العافل! |
سلام يا تراجي
استهبالي قدام ست مريم دا اسمه استقامة ياخ
هي ماخلت فرض ناقص لكن لو عندك ليها قول اهو دودي موجود ممكن يكلمها بوصيتك
انا الجخانين دي ما بعرف اخشها
| |
|
|
|
|
|
|
|
|
|
Re: مريم الصادق المهدي, تطالب بالنموذج اليمني في التغيير! (Re: ثروت سوار الدهب)
|
رجاء العزيزة
Quote: ده كلام فارغ..
هذا الحراك وهذه الثورة ما محتاجين لمنظراتية. هم بس (يختونا)*
* هم: حزب الأمة - الإتحادي - الشيوعي عشان مافي زول يزعل وأي حزب فقد فرصته في الديموقراطية أكتر من مرة.. enough is enough
فالمثل بيقول: البيرتكب خطأ كان يمكن تجاوزه فهو أحمق. والبيكرره... غبي
وما يجي زول يقول لي البديل منو؟
سلامات ثروت يا صاحب |
كلامك ما بنعقب تب
سلامات يا صاحب
| |
|
|
|
|
|
|
|
|
|
Re: مريم الصادق المهدي, تطالب بالنموذج اليمني في التغيير! (Re: ثروت سوار الدهب)
|
حبيبنا المحجوب ود علي
Quote: ثروت ياحبيبنا :
عند السيدين ثورة الخرطوم ما هي الا حدث ( حدث طارئ لا ثورة ) يحسن من شروط التفاوض والمساوامة علي الانصبة والحصص لدي السلطة الحاكمة
والدور والقسمة اذا طالت الثورة السلطة القائمة وعصفت بها عند قوي المعارضة .. التي تدعو دون مواربة لاسقاط النظام .....
فالامر عندهم (السادة ) خاضع للمحاصصة والنصب سوي نسبة المشاركة في السلطة ( بدل الابناء الاحفاد والمحاسيب )
او دور السيد ونصيبه اذا اجتاحت الثورة السلطة القائمة .... لكن المعضلة الان كما قال الاخ جوزيف ماذا هم فاعلون لقواعدهم وشبابهم الثائر ؟
فالسيدين في غاية الجاهزية لركوب باص الثورة او حافلة الانقاذ .... |
تحليل جيد لموقف السيدين
و هو موقفهم التاريخي في الاصطفاف مع العوج و الغلط. و مفهوم تماما من منظور دورهم في دورة الحياة كفاعل شرير
و لكن الي اين ؟ اين الكابح؟ اين الوعي بين قواعدهم تلك لتقول: لا!
هذا هو المفتاح.
الخطورة نابعة من افدية الطائفية اكثر من البسطاء. الافندية هم بمثابةthe hit man في العصابة
تحاياي و ودي
| |
|
|
|
|
|
|
|
|
|
Re: مريم الصادق المهدي, تطالب بالنموذج اليمني في التغيير! (Re: ثروت سوار الدهب)
|
الاخ اسامة عبد الجليل
Quote: والله يا ثروت يا أخوي أنا سمعت كلامها في قناة الجزيرة
وجالت كل هذه الأسئلة برأسي..
يا أخي حكاية عصا مرفوعة وعصا مدفونة دي نحن سئمنا منها..
ناسهابيهتفوا (الشعب يريد إسقاط النظام) وهي تقول ليك النموذج اليمني!!!!
وبعدين إذا هم أدوا البشير ضمانات زي بتاعة الشاويش علي.. المحكمة الجنائية الدولية
لا يمكن أن تكون طرفا في صفقات سياسية من هذا النوع.. أوووف ..يا أخي كلام يكربن.. |
لا تبتئس
هذا ديدنهم و هذا افقهم في التعاطي مع منعطفات الوطن الحساسة
و لكن ماذا نحن فاعلون؟
تذكر! انهم تلاعبوا على السودان ثلاثة مرات من قبل في عقب الاستقلال و اكتوبرو ابريل
نسنتظرهم هذه المرة على الضفة الاخرى شاهرين سلاحنا...الوعي.
تحاياي
| |
|
|
|
|
|
|
|
|
|
Re: مريم الصادق المهدي, تطالب بالنموذج اليمني في التغيير! (Re: ثروت سوار الدهب)
|
سلامات يا ثروت،
المشكلة هي القيادة.. ليدرشيب.. ليدرشيب... آند... ليدرشيب.
يجب إسترداد حزبي الأمة و الإتحادي من طائفتي الأنصار و الختمية.
الشعب لا يحتاج للترابي و لا للصادق و مولانا من أجل إسقاط النظام.. الناس بس لا تدرك حجم قوتها..
الشعب يريد إسقاط النظام و قيادات السودان القديم
ياهو دا /
أحمد الطيب بدرالدين
| |
|
|
|
|
|
|
|
|
|
Re: مريم الصادق المهدي, تطالب بالنموذج اليمني في التغيير! (Re: أحمد الطيب بدرالدين)
|
Quote: ياثروت
في مقابلتها مع الجزيرة
بادارت وطرحت موضوع اليمن في اجابة علي سؤال مزيعة الجزيرة
حول ما اذا اغلق حزب الأمة الحوار مع الحكومة واحابت بالنفي
واضافت quote "تعتقد ان الحكمة التي تمت في اليمن يكمن
تطبيقها في أمكان اخري وعلي رأسها السودان" unquote وبعد
داك راحت في نظرية الامام المعروفة حول التخوف من العنف وكأن
العنف لم يكن ماثلا في السودان وربما في ذات وقت المقابلة كان
ابراهيم بلندية رئيس مجلس المؤتمر في كادوقلي ومعه ثمانية آخرين
تخر دمائهم وتصعد ارواحهم في ضواحي الدلنج ولا ادري كم روح تزهق
داخل السودان فقط في زمن المقابلة وكم قنلبة تسقطها الانتنوف وكم
تقتل المليشيات وكم يقتل العنف المضاد. موضوع اليمن لم تطرحه
الجزيرة تبرعت به مريم بنت الامام ..... ونسيت تماما تلك الوثيقة
التي وقعت عليها قبل أقل من 90 ساعة بدار حزبها. |
سلامات الاخ جعفر
واحدة من صفات الطائفيين عدم احترام المواثيق
و المعاهدات
و الدساتير و القوانين
و هذا لاستعلائهم المتأصل في النفوس و استهزائهم المقيت بالمجتمع
فكما لاحظت و لاحظنا ان مريم ركلت ميثاق تلته بنفسها و راحت تتكلم من مكنون الوريال فاميلي و اشواقها و تصوراتها في كيف تؤول اليهم السلطة و باي طرق
فهنا هي تتحدث انابة و اصالة عن شعورها الاصلي
و هناك في الميثاق المساوقة مع من ارتضى الحماقة
تحاياي
| |
|
|
|
|
|
|
|
|
|
Re: مريم الصادق المهدي, تطالب بالنموذج اليمني في التغيير! (Re: ثروت سوار الدهب)
|
Quote: نحن بنقول الشعب السودانى شعب معلم!! تجى تقول النموذج اليمنى؟!!!
دا شنو دا؟!!!
|
نعم الشعب السوداني شعب معلم ولكن يقوده اقزام من امثالك
عندما يفتح بوست عريض عن النموذج اليمني الي يسوقه المجتمع الدولي للخروج باقل خسائر واعادة السلطة للشعب..عبر اكثر من دولة...
كان تتواضعو شوية يا فاشلين وان متاكد انكم فاشلين لاني قاعد معاكم في البورد ده من 2002 والكل ينبح والانقاذ ماشا..ومتغطرسين فقط..نقص معلومات وبجاحة وسطحية كمان..
النموذج اليمني..هو اتفاقية برعاية دولية تمت في السعودية وقبل ما يجف مدادها تنزلت الى وعي 7 مليون ناخب يمني عبر كل اجهزة الاعلام حتى نحن السودانيين بواعو لينا نسخة في الباص بي 50 ريال
ونزعت فتيل الازمة التي كانت ستعصف باليمن كلها وينتظرون الان مؤتمر الحوار الوطني لتحديد كيف تحكم اليمن لحدت 2014 بعد ما يشوفو مصر وليبيا وتونس وسوريا تصل وين
بعدين الاستخفاف بذكاء اليمنيين ده احسن نخلي...لانهم رجال اعمال وقوة اقتصادية في كل دول العالم بما في ذلك امريكا ويحترمونا نحن السودانيين...مش متسكعين ويل فير في امريكا وقاعدين ينظروا في البورد
لاننا عندنا اتفاقية كانت ذى حقت اليمن دي برعاية دولية وبمساعدة كينيا تمت في 2005 ما قراها شمالي واحد ولا فهما حتى الوقعا..علي عثمان..وظل الشعب المسكين ينتظر لحدي ما جاءت الانتخابات2010 وهربت النخبة السودانية وادمان الفشل وتفاقمت اوضاع السودان وانفصل الجنوب..والذى اجهض كل هذه الاتفاقيات من اديس ابابا الى نيفاشا هو الامام تقدس سره والد مريم الشجاعة
حل اليمن يشبه المدرسة الافريقية في التغيير وهي تفكيك النظام بواسطة التيار الجديد في نفس النظام والعودة مرة اخرى للشعب يقرر/الانتخابات..وقد انتخب اليمنيين 7 مليون ناخب نائب الرئيس لتاكيد احترامهم للاتفاقية وهذا لن يجعل احد يزايد على الشعب وادعاء تمثيله كما تفعل اصنام المركز عندنا
وقبل ما اختم:تنحى الرئيس على عبدالله صالح على طريقة عظماء افريقيا تسليم وتسلم
ولى ما سمعتوا بالتجربة الكينية ودانيال عرب موي التنحي في استاد ومهرجان وليس بي نقالة او خاذوق او هروب بطائرة بوينج
واليمن عندها 8 فضايئات الان سعة حرة وواحدة مملوكة للدولة..والوعي مفتوح لكافة المواطنين في اليمن من 1990 بعد الوحدة
تواضعو يا شعب البورد وثمود
...
ما احجي اعقب...لان الورجغة السقيمة بتاعتكم دي حتى الان ومن 2002 لم تتمخض عن شيء..
فشل السودان في التحدي الحضاري واجهضت نيفاشا وانفصل الجنوب
فشلت مصر في التحدي الحضاري وجاءت بطيور الظلام
فشل العراق في التحدي الحضارى..وعاد معركة الجمل
وننتظر اليمن 2014 لنرى التحدي الحضارى
ان كانت قادرة على صناعة يمن جديد قائم على العدل والمساواة......
| |
|
|
|
|
|
|
|
|
|
Re: مريم الصادق المهدي, تطالب بالنموذج اليمني في التغيير! (Re: adil amin)
|
Quote:
واليمن عندها 8 فضايئات الان سعة حرة وواحدة مملوكة للدولة..والوعي مفتوح لكافة المواطنين في اليمن من 1990 بعد الوحدة
تواضعو يا شعب البورد وثمود
|
يا عادل نحن ما عايزين نموذج يمنى موش لأنو اليمن متخلفة.. حتى لو كانت اليمن أرقى دولة نحن ما عايزين نموذجها.. ببساطة لأنو نحن ما الشعب اليمنى.. نحن عايزين نموذج نابع من طبيعة الشعب السودانى و ظروفه وتجربته الخاصة.. وإنت براك قلت:
Quote: فشل السودان في التحدي الحضاري واجهضت نيفاشا وانفصل الجنوب
فشلت مصر في التحدي الحضاري وجاءت بطيور الظلام
فشل العراق في التحدي الحضارى..وعاد معركة الجمل
وننتظر اليمن 2014 لنرى التحدي الحضارى |
مما يؤكد فرادة تجارب هذه البلاد و اختلاف ظروفها.. أفتكر دى بداهة!!
وأنا أوكد ليك إنو النموذج اليمنى اللى إنت محتفى بيهو دا لن يستمر!!
ما تور نفسك ساكت يا خوى!!
| |
|
|
|
|
|
|
|
|
|
Re: مريم الصادق المهدي, تطالب بالنموذج اليمني في التغيير! (Re: أسامة البيتى)
|
Quote: نحن عايزين نموذج نابع من طبيعة الشعب السودانى و ظروفه وتجربته الخاصة.. وإنت براك قلت:
|
خلاص الزم يا حسن البيتي
1- الفكرة الجمهورية ومشروع محمود محمد طه السياسي (الحزب الجمهوري المسجل)
2- السودان الجديد ودكتور جون قرنق(اتفاقية نيفاشا)
او
الاحزاب الجديدة الشبابية...
غير ديل ما عندك اي حاجة سودانية او تشبه خصوصية السودان
ما تباري لي
شيوعيين او كيزان او انصار سنة او لاية فقيه او بعثيين
وتستخف بعد داك باليمن او غيرها....
| |
|
|
|
|
|
|
|
|
|
Re: مريم الصادق المهدي, تطالب بالنموذج اليمني في التغيير! (Re: أسامة البيتى)
|
Quote:
ياثروت الوقت للثوره عشان كده حاكون معاك ايجابى جدا
|
لا ياخ؟
Quote: وفى تقديرى كان الحل افضل من النموزج الليبى المسلح الذى دمر لبيبا ومازالت الحرب بين رفقاء الامس مدوره....
|
مافي حل غير اليمن او الليبي؟
دي وضع الناس بين المطرقة و السنان
و لاه مو كدي؟
ليبيا الثورة اجبرت على العنف كما اجبرت سوريا
و ليبيا اليوم مستقرة و اجتازت انتخاباتها بهدؤ في طريقها لاستقرار اكبر.
Quote:
شخصيا...ارحب باى تغيير يحفظ بقيه الوطن وارواح وممتلكات المواطن ...مع استقاله البشير وتكوين حكومه قوميه كما توافقت عليه احزاب الخلاص الوطنى حتى لو كان الرئيس المؤقت غازى على راى حبيبنا ملاسى؟ |
شخصيا انت مع اي شيئ بقولوه ناس مريم و ابوها.
مع ذلك نسيت يا استاذ
انه الحرب لم تقف يوم طوال حكم الصادق المهدي الاول و التاني و حكم المحجوب
و لاه داك ما كان عنف؟
حينما نقوم بتغيير صوري و اجرائي و فوقي و مكانيكي (اليات الديمقراطية الاجرائية) دون ثورة مفاهمية و ثقافية و عميقة و التعامل مع العلل و ايجاد الحلول و العلاج لها فالحرب ستستمر و كما استمرت بعد اكتوبر و ابريل و ساعدت ضمن عوامل اخر في انهيار التجربتين.
اصل مشكلة دارفور تسليح القبائل بواسطة الصادق المهدي و رهته التالف في زمن سالف. حركة يوليو المعروفة بالمرتزقة ما عنف؟ و كان وراها منو؟ محمود محمد طه يا ربي؟ احداث المولود كيف معاك؟
ذاكرتنا ما مثقوبة
ممكن يكون في حراك سلمي يؤدي لنهاية النظام كليا بدون نموذج يمني
و ما العنف و التلويح به الا فزاعة يمضغها الصادق و اسرته للتبرير. علمنا بان العنف مستمر الان فقط هو الحريق بعيد عن حله ناس سيدي. عشان كدا مفتكره لسه ح يجي.
استمرار النظام يعني العنف في دارفور و جنوب كردفان و الانقسنا.
و استمرار مفاهيم و حلول النظام الحالي التي يشترك فيها الصادق و اشباهه بشكل عقدي و سياسي تعني استمرار العنف و لو سقط النظام.
فمن الافضل ان نسقط النظام سلميا و نسقط الصادق مفاهيميا و سياسيا و بالوعي و و الانتباه و من ثم بالديمقراطية زي العجب. انت قايل هو ببطبط مالو؟ المرة دي سيدي و سيدي ما مطمئنين القصة بتقع في حجرهم زي المرتين الفاتو. بس
اي سؤال؟
| |
|
|
|
|
|
|
|
|
|
Re: مريم الصادق المهدي, تطالب بالنموذج اليمني في التغيير! (Re: ثروت سوار الدهب)
|
Quote:
شكراً الأخ ثروت سوار الدهب ..
تناقض غريب فيما تلته بملء فمها
ووقع عليه حزبها ولم يجف الحبر
بعد منه في وثيقة البديل الديمقراطي
كما تفضلت !
الشعب يريد تغيير ..
دمتم جميعاً بالف خير .. |
شفي يا ماني نحن في جنس الحالة دي مع العالم ديل من سنة 56
يدخلوك بحمد و يمرقوك بخوجلي
بس انشالله ما تكوني تعبتي و مشيتي صورت المسرحية الهزلية دي.
بالمناسبة
رايهم الجد و الجقيقي ما بقولوا وسط لمة احزاب سياسية كلو كلو
دايرة تعرفي رايهم تابعيهم في الاعلام مافي المنصات المشتركة.
دي حفلات شاي ساكت بفرحروا بيها الايتام اليساريون و رايح ليهم الدرب في الموية.
ما تخاديها جد
لاحظي من الان و صاعدا للمبدأ المتكرر غالبا دا.
تحاياي يا استاذة
| |
|
|
|
|
|
|
|
|
|
Re: مريم الصادق المهدي, تطالب بالنموذج اليمني في التغيير! (Re: ثروت سوار الدهب)
|
Quote: يا جماعة اتركوا الأمنيات و نحوا العواطف و فكروا بعقولكم؛
التغيير - إن حدث - لا يمكن أن يحدث إلا من الداخل كخطوة أولى. |
دا صحيح
الضغط يؤي لتصدع النظام و التصدع يقود للانشطار و الهروب و التنصل و انحياز اقسام للثورة
دا بحصل في كل الثورات
بس كمان يا حسين ملاسي ما لدرجة على عثمان و غازي
انت كمان خليك معقول شوية
| |
|
|
|
|
|
|
|
|
|
Re: مريم الصادق المهدي, تطالب بالنموذج اليمني في التغيير! (Re: ثروت سوار الدهب)
|
امنة العزيزة
Quote: ولما قلنا الجماعة ديل لسه بيتفاوضوا مع نظام القتلة
قالوا علينا كذابين وحاقدين ...
يا جماهير الأنصار إسمعوا وعوا ..
الجماعة ديل حا يبيعوكم فى أول ملف .
بس ياريت تتعلموا من تجاربكم . |
يفاوضوا و يتفاوضوا و يتفاوضوا
مافي زول من مثقفي الحزب برفع عينو في عينهم
بل بالعكس يبررون العوج
لانهم راجين السلطة تحت عباية سيدهم
المضحك انه التبرير تخطاهم و اصبح يقوم به الشيوعيين
افضل من اعضاء حزب الامة
لاحظت للهاجموك منو؟
لان الشيوعيين لا يشعرون بالتميز المتوهم الا في بئية الطائفية و التخلف.
تحياتي
| |
|
|
|
|
|
|
|
|
|
Re: مريم الصادق المهدي, تطالب بالنموذج اليمني في التغيير! (Re: ثروت سوار الدهب)
|
سلامات جني
Quote:
اليمن جارتها السعودية ولذلك تم هذا السيناريو حتى لاتتاثر السغودية التى تضخ اكثر من عشرة مليون برميل يوميا والذتى تؤثر على الاستقرار العالمي!
كل يمنى يملك اربعة قطع سلاح فى بيته مما كان قد يفتح باب حرب اهلية تقضى على المنطقة باكملها!
ثم ان الرئيس اليمنى ليس مطلوب دوليا منثل رصيفه السوداني
ثم ان الرئيس تحميه قبيلتى حاشد وبكيل الذى اكبر قبائل اليمن
ماذا لو لم يقبل على عثمان واعتبرها فتنة! |
قد يكون ما ذكرت فيه صحيح
و لكن لليمن ثورة لم تكتمل بعد في تقديري
اما على عثمان طه
فهذا وعد من لا يملك لمن لا يستحق
الا اذا تسربت الانتفاضة من بين الاصابع
الشيئ الذي نستبعده هذه المرة
| |
|
|
|
|
|
|
|
|
|
Re: مريم الصادق المهدي, تطالب بالنموذج اليمني في التغيير! (Re: ثروت سوار الدهب)
|
Quote: سؤال:
النموذج اليمني بي حريقتو وجوينتاتو ولا بدون؟
ياربي جايزة نوبل حيدوها لمنو؟
شكرا يا نسيب الوطن
ناسبت والله
مريم |
سلامات اخت مريم
و رمضان كريم
هههههههههههههها
بي اعفاء الجرائم ضد الانسانية
و القروش المسروقة
اتقول ناس المحكمة الدولية ديل شغالين في دائرة عبدالرحمن المهدي.
باعتبار انه الشعب السوداني بتقرر انابة عنه ستي مريم. و كله بدق طورية في جناين ابوها في السقاي.
شكرا ليك و تقبلي تحيات نسابتي
| |
|
|
|
|
|
|
|
|
|
Re: مريم الصادق المهدي, تطالب بالنموذج اليمني في التغيير! (Re: ثروت سوار الدهب)
|
Quote: ممكن يكون في حراك سلمي يؤدي لنهاية النظام كليا بدون نموذج يمني
و ما العنف و التلويح به الا فزاعة يمضغها الصادق و اسرته للتبرير. علمنا بان العنف مستمر الان فقط هو الحريق بعيد عن حله ناس سيدي. عشان كدا مفتكره لسه ح يجي.
استمرار النظام يعني العنف في دارفور و جنوب كردفان و الانقسنا.
و استمرار مفاهيم و حلول النظام الحالي التي يشترك فيها الصادق و اشباهه بشكل عقدي و سياسي تعني استمرار العنف و لو سقط النظام.
فمن الافضل ان نسقط النظام سلميا و نسقط الصادق مفاهيميا و سياسيا و بالوعي و و الانتباه و من ثم بالديمقراطية زي العجب. انت قايل هو ببطبط مالو؟ المرة دي سيدي و سيدي ما مطمئنين القصة بتقع في حجرهم زي المرتين الفاتو. بس
اي سؤال؟ |
دا الكلام اسقاط النظام ،وتوابعه السياسية والمفاهيمية لدي امتدادات النظام (السادة)
| |
|
|
|
|
|
|
|
|
|
Re: مريم الصادق المهدي, تطالب بالنموذج اليمني في التغيير! (Re: MAHJOOP ALI)
|
Quote: اعتقد ان النموذج اليمني لا يصلح في السودان فالنائب هنا هو الحاكم الفعلى لنظام القهر والاستبداد ..
ثم ليه ما نستلهم النموذج السوداني في ابريل مع بعض التحسينات بحيث لا ياتي بسوار الذهب والجزولي
بل بقيادة قومية بمعنى الكلمة و لفترة إنتقالية تؤسس لحكم ديمقراطي قوي محمي بارادة شعبية .
سلامات وعودا حميدا بالله خليك زول حقاني ولا تبخس الناس اشياءها
علقت من العنوان بس و ما قريت تعليقاتك يا سوار الذهب لاني عارف مويتك وين :) |
كتر خيرك على ال3 سطور الاوائل
سلامات نيازي
| |
|
|
|
|
|
|
|
|
|
Re: مريم الصادق المهدي, تطالب بالنموذج اليمني في التغيير! (Re: Amani Al Ajab)
|
سلامات احمد الطيب
مشتاقين
Quote: سلامات يا ثروت،
المشكلة هي القيادة.. ليدرشيب.. ليدرشيب... آند... ليدرشيب.
يجب إسترداد حزبي الأمة و الإتحادي من طائفتي الأنصار و الختمية.
الشعب لا يحتاج للترابي و لا للصادق و مولانا من أجل إسقاط النظام.. الناس بس لا تدرك حجم قوتها..
الشعب يريد إسقاط النظام و قيادات السودان القديم
ياهو دا / |
الياهو دا يا حبيب
دي ما احزاب
دي لمة فقرا و دراويش
و افندية انتهازيين و مهزمين
راجين عطايا اسيادهم
الحلول الطائفي في هذه المنظومات حلول كميائي تسبب فيه مؤتمر الخريجين
و ذهب الاقزام الازهري و المحجوب به لآفاقه اليوم
قرروا ان يكونا وكلاء طائفية و هذا قمة الطموح حينها
و اليوم من يحلم منهم بالقيادة سقفه في الطموح و ان جنح و كتَر المحلبية هو الامين العام
بلا صلاحايات
المفيد!
لما تعب في اصلاح الفاسد و المعوج اصلا؟
المجهود يجب ان يصوب نحو خلق و بلورة منظومات متطورة و راقية و متحضرة
و ليترك الامة و الاتحادي للاختناق و الموت الطبيعي
لانهما احزاب استثنائية و اتولدا في ظروف شاذة. هم ليس غدرنا الابدي و هم ليس القاعدة الطبيعية.
هم العابر الذي مكت اكثر مما يجب في افقنا السياسي.
تحياتي
| |
|
|
|
|
|
|
|
|
|
Re: مريم الصادق المهدي, تطالب بالنموذج اليمني في التغيير! (Re: ثروت سوار الدهب)
|
أبو الثــراء الدهبي
تقبل اشتياقاتي ورمضاناتي عزيـزي
تيمناً كده بقول ليك:
بــــارك (باراك) الله في شامنا ويمننا
أها تاني عندك كلام!
يخيل لي عزيزي ثروت! أن أستاذتنا مريم متأثرة بقصص السندباد أكثر من قصص الكوليرا والجنرال في متاهته ومئة عام من العزلة وأرنديرا الطيبة وأفعال جدتها الشيطانية.
عارف ليه! لأن السندباد كقصص خيالي تغذينا منذ صغرنا بالتخيل الواسع بأن اليمن السعيد هي منبع البشرية الصافي حيث أرومة العروبة التي نلهث وراءها، كما أن الدابة التي تأكل ما تبقى من الأشرار تخرج منها علاوة على النفخ في الصور فتأتون أزواجـــــا
وأخيراً وليس آخراً ظهور شجرة الغرقد اليهودية فيها وهي الغـــات!
| |
|
|
|
|
|
|
|
|
|
Re: مريم الصادق المهدي, تطالب بالنموذج اليمني في التغيير! (Re: ثروت سوار الدهب)
|
Quote: يا ثروت يا حاسد
قال لك مريم المنصوره كانت متجدعه في كمبالا
وقالت المحن.... وقالت هذا النظام لن يذهب الا بالنضال المسلح!
وبجاي ناس ابوها طردوا الناس من صلاة الغائب!!يا اخي حاجه تمخول!
الناس دي باقي لك البصدقوهم ديل نقول عليهم شنو؟!
والبخلوا ليهم الابواب ذاتها مشرعه ديل نعمل فيهم شنو؟! |
يا جلابية
اهلنا الكنديين قالوا: it takes two to tango
دحين دا منو الداير يتلدغ من جحر الطائفية مرتين
غايتو باسم دارفور ما بتم تاني
الداير يستعبط باسمه داك الدرب
لكن باسم المظلوميين مافي طريقة
فاليدعي من يدعي
تحياتي يا تراجي
| |
|
|
|
|
|
|
| |
ثروت سوار الدهب
Zakaria Joseph
Hussein Mallasi
Safia Mohamed
احمد العربي
Tragie Mustafa
Raja
أمير عثمان
MAHJOOP ALI
أسامة عبد الجليل
Mohamed Yassin Khalifa
قاسم المهداوى
Mohamed Doudi
Amani Al Ajab
jini
مريم الطيب
Omer Abdalla Omer
sultan
نيازي مصطفى
Nader Abu Kadouk
سلمى الشيخ سلامة
lana mahdi
adil amin
عليش
آدم صيام
فيس بوك
تويتر
انستقرام
يوتيوب
بنتيريست