|
Re: حزب سياسي جديد/ حركة سياسية جديدة! (Re: محمد جمال الدين)
|
متابعين
Quote: حركة سياسية بلا قيادة تاريخية |
Quote: بلا آيدولوجيات صارمة ولا لوائح متحجرة؟. |
Quote: حركة ذات وعي سياسي وطني "برنامج" و إطار تنظيمي سلس و فضفاض |
Quote: دون تصادم متعمد مع الآخرين أو صراع دونكيشوتي |
Quote: ثورة تعيد ترتيب أوليات السياسة و الدولة لمصلحة الجماهير لمصلحة الجميع؟ |
| |
|
|
|
|
|
|
Re: حزب سياسي جديد/ حركة سياسية جديدة! (Re: محمد جمال الدين)
|
العزيز محمد جمال
اقتبس من صديقي الذي اقتبس من صديقي
Quote: ، في إعتقادي أن أكبر إسهام ....... كان (قبل غلبة السياسوي) في إتاحة الخلال (كما يقول ........) لعموم المهتمين بالشأن و العمل العام للاسهام (اجتماعيا، ثقافيا و رياضيا) دونما إشتراطات سياسية و هو عين ما نحتاجه الآن |
الحاجة لمثل هذا التنظيم ضرورة
الارادة موجودة
البرنامج ساهل
والاهم من كده الشباب يغطوا عين الشمس
تبقت التفاصيل
صديقنا المقتبس منه، زميل في المنبر
| |
|
|
|
|
|
|
Re: حزب سياسي جديد/ حركة سياسية جديدة! (Re: محمد جمال الدين)
|
Quote: حركة سياسية بلا قيادة تاريخية |
نعم.... حركة هاملة ما عندها سيد. أسيادها هم الناس العاديين... وبس. حركة مرمية في السهلة للغاشي والماشي، لكل من هب ودب من أمثالنا ومن غير أمثالنا. حركة ما عندها موضوع ولا هم ولا قصة غير "الزول" غير الوطن. حركة تجعل الناس سواسية في كل شيء!.
أحلم بحركة سياسية هاملة "تمامآ" ما عندها سيد أي زول إلم فيها إشعر بأنها حقتو وهي فعلآ حقتو!.
محمد جمال
| |
|
|
|
|
|
|
Re: حزب سياسي جديد/ حركة سياسية جديدة! (Re: محمد جمال الدين)
|
حركة سياسية أنا ما عارفها شنو "؟".
لكنها تجعلنا نفكر بطريقة جديدة ونكتب شعرآ جديدآ ونشعر شعورآ جديدآ وعندما يخرج أحد مواليدنا الجدد من بطن أمه يصرخ بطريقة جديدة!.
حركة أنا ما عارفها شنو "؟". لكنني أشعرها ممكنة لأنني أدعي أنني أشعركم!.
محمد جمال
| |
|
|
|
|
|
|
Re: حزب سياسي جديد/ حركة سياسية جديدة! (Re: محمد جمال الدين)
|
حركة لا بد أنها مدهشة في بساطتها... حركة عجيبة حركة غريبة تشبه الزول السوداني في بساطته وفي "إدهاشه للآخرين" وفي غرابته!.
حركة في صيغة ثورة تعذب أمريكا وروسيا ببرهان الإنسانية.
حركة ممكنة لأننا شعب متميز دون إدعاء. شعب أدهش العالم بيساره ووسطه ويمينه بكرهه لبعضه البعض وبحبه لبعضه البعض في ذات الأوان!. هذا الشعب عظيم "أنا أملك الدليل" شعب جدير بثورة تعيد للإنسان أينما كان وللإنسانية جمعا كرامتهما المهدرة!.
محمد جمال
| |
|
|
|
|
|
|
Re: حزب سياسي جديد/ حركة سياسية جديدة! (Re: محمد جمال الدين)
|
أمير عثمان "العزيز":
Quote: حلم طالما راودنى ... وجاهزين ... ولكما التحية ...
|
مرحب بيك يا عزيز... ذاك هو حلمنا جميعآ ... أنا لم أقل شيء جديد ولن... الحلم هناك على الدوام... بس كيف "الدرب"؟. وما أنا إلا عندي شعور إنو نحنا قربنا (راجع تاريخ البشرية)!.
| |
|
|
|
|
|
|
Re: حزب سياسي جديد/ حركة سياسية جديدة! (Re: محمد جمال الدين)
|
Quote: حركة في صيغة ثورة تعذب أمريكا وروسيا ببرهان الإنسانية. |
بلاء ... امريكا وروسيا شخصيا يا جمال ؟ ما تبدا من بطن الخريطة ولى تحت شوية شوية ! كويس انو صحينا لقينا حلم ..
اصحى ى ى ى يا بريش .. Quote: حركة سياسية قادرة على مواجهة تحديات العصر. حركة تكللنا بالأمل في جدوى حاضرنا ومستقبل أبنائنا وبناتنا فوق الرقعة الجغرافية المسماة "سودان" تلك التي تحيق بها العواصف من كل ناحية وصوب . حركة في شكل ثورة تعيد ترتيب أولويات السياسة و الدولة لمصلحة الجماهير ولمصلحة الجميع؟!. |
كلام ذى الورد يا جمال
لكن وعشان مانحبط لازم نكون عارفين انو الطريق للنهايات الجميلة دى لازم ولازم يمر عبر الكثير من الاشواك ما تشاؤوم لكنه تعامل مع الواقع فى اليقظة بعيدا عن الاحلام هذا الواقع الوردى للعمل محتاج لوعى كبير وسط المستهدفين فهل هو موجود ؟؟ عشان يتخلق لازم تكون فى بيئة فيها الحد الادنى من الصحة والتعليم . عشان يتوجد عايز تراكم معرفة وحد ادنى من القيم والعيش بعيدا عن الفقر والجهل والمرض والحروب . عشان تتوجد الحركة دى يا جمال لازمها وعى غير موجود .. نعرف دا فى البداية ونضعه امام اعيننا بعدين نبدا لانو معرفة المشكلة ووضعها قدام عيوننا هى بداية الحل .. فى مثل هذا الواقع يمكننا ان نتلمس الطريق لخلق مثل هذه الحركة ولنعلم انها تحتاج لكثير من التضحيات ، فقط التضحيات المبذوله فى سبيل تذليل مشاكل وجودها هلى المطلوبة قبل اى مطلوبات معرفية او تكنيكية اخرى .. معرفة كيفية الوصول الى مثل هذه الحركة هو الخطوة الاولى فى الطريق الصحيح اليها ... ويظل السؤال الذى يطرح نفسه دائما هل يمكن ان يخلق الناس وليدا حركة او جسم او ايا كان اسمه سليما لايحمل سمات وصفات مجتمعه وبيئته ؟؟ هل يمكن ان يفرز الواقع جمالا من القبح ؟
ــــــــــــــ فقديما قيل كل اناءا بما فيه ينضح فلتكن خطوتنا الاولى هى تنظيف الاناء قبل الحلم بان ينضح وعدا وقمحا وتمنى ى ى اى اى .. حتى لاتكون خطوتنا الى الحلم هروب الى الامام حتى لا تكون خطواتنا فى اتجاه السراب ولك منى كل الامنيات الحلوة يامنتهى الجمال ...
| |
|
|
|
|
|
|
Re: حزب سياسي جديد/ حركة سياسية جديدة! (Re: محمد جمال الدين)
|
العزيز محمد جمال الدين
انت بظروفك تكون هاديء مع دينا، بس انا ح اخد راحتي معاها شوية (موش هي مفاكرة وكده)
الاخت دينا
Quote: لكن وعشان مانحبط لازم نكون عارفين انو الطريق للنهايات الجميلة دى لازم ولازم يمر عبر الكثير من الاشواك ما تشاؤوم لكنه تعامل مع الواقع فى اليقظة بعيدا عن الاحلام |
الاشواك يجب ازالتها من امامك وانت في طريقك للهدف، وليس السير عبرها، لانها ستظل هناك لكن في الاول خلينا نتفق على الاشواك دي شنو زاتها (عشان ما يكون حورا طرشان) واضعين في الاعتبار مبدأ (لا صدام)
Quote: هذا الواقع الوردى للعمل محتاج لوعى كبير وسط المستهدفين |
hell no ما لنا وتقاطعات ديكارت بشارع الردمية في فقه وشريعة لقيط القطن؟؟
نعم، اي زول الليلة واعي بالمصيبة الهو فيها، ان كان منظم سياسيا او مفكوك عكس الهواء زينا كده
Quote: عشان يتخلق لازم تكون فى بيئة فيها الحد الادنى من الصحة والتعليم . عشان يتوجد عايز تراكم معرفة وحد ادنى من القيم والعيش بعيدا عن الفقر والجهل والمرض والحروب . |
ابدا، التفاعل المطلوب هو التبشير، المشاركة، الفعل، التنفيذ من قبل هذه المجموعة لانجاز ما يمكن انجازه للترقي بكل ما سبق وذكرتيه
Quote: عشان تتوجد الحركة دى يا جمال لازمها وعى غير موجود .. |
مرة تانية، الوعي موجود، اي شيوعي، بعثي، اتحادي، جبهة ثورية واعي تماما بالمطلوب شنو
Quote: نعرف دا فى البداية ونضعه امام اعيننا بعدين نبدا لانو معرفة المشكلة ووضعها قدام عيوننا هى بداية الحل .. |
اتفق معاكي، لكن نقول النبدأ في الاول، كفانا تنظريا
Quote: فى مثل هذا الواقع يمكننا ان نتلمس الطريق لخلق مثل هذه الحركة ولنعلم انها تحتاج لكثير من التضحيات ، فقط التضحيات المبذوله فى سبيل تذليل مشاكل وجودها هلى المطلوبة قبل اى مطلوبات معرفية او تكنيكية اخرى .. |
انا افكر اذا انا موجود القصة ما صعبة
Quote: معرفة كيفية الوصول الى مثل هذه الحركة هو الخطوة الاولى فى الطريق الصحيح اليها ... |
هنا ايضا اتفق معاكي
Quote: ويظل السؤال الذى يطرح نفسه دائما هل يمكن ان يخلق الناس وليدا حركة او جسم او ايا كان اسمه سليما لايحمل سمات وصفات مجتمعه وبيئته ؟؟ هل يمكن ان يفرز الواقع جمالا من القبح ؟ |
ومالها سمات وصفات مجتمعنا وبيئتنا؟؟ هذا ان تجاونا حكمك المسبق عليها بانها قبيحة
تحياتي
__________ دا النسخة التانية من الرد، بعد الاول ختفو النت والمنبر طش لمدة تلاتة ساعات كده
| |
|
|
|
|
|
|
Re: حزب سياسي جديد/ حركة سياسية جديدة! (Re: أحمد ابن عوف)
|
إبن عوف... سلامات
تصور حصل لي نفس الحصل ليك... وأبتأست كمية من الوقت. كتبت مداخلة من أربع صفحات وطشت!.
سودانيز اليوم فيها مشكلة"؟".
واصل مفاكرتك ما أستطعت. هناك حرية مطلقة والبلد بلدك بشكل مطلق... قل ما تشاء وما تحس وتشعر.
لك ولكل الصحاب هنا والعابرين الأعزاء أسمى معاني الود والمحبة.
محمد جمال
| |
|
|
|
|
|
|
Re: حزب سياسي جديد/ حركة سياسية جديدة! (Re: محمد جمال الدين)
|
كلام عملى يا اخ محمد جمال الدين
لابد من تأسيس كيان سياسى يجد كل سودانى وسودانية نفسه/ نفسها فيه , لابد ان يكون محارب للامراض التى المت بالتنظيمات المعاصرة فى الساحة السودانية ولابد ان يؤمن افراده بلغة الحوار الديمقراطى الموصل الى نتائج ملزمة لمن ينتمون اليه وان يتجاوز السلبيات التى انهكت جسداحزابنا وتنظيمانا المعاصرة وهذه السلبيات تتمثل فى الآتى:-
1- عدم الالتزام بما نخطه بايدينا من لوائح منظمة للحزب او التنظيم المعين و تحول التنظيم او الحزب الى مملكة يديرها فرد واحد تتمحور حوله مجموعة من اعضاء الحزب الذين لا يقلون عن هذا الفرد فهما ولا علما ولا خبرة و يصنعون منه فرعوناً يتصرف على اساس انه هو المبتدأ والمنتهى و دونك احزاب كبيرة مثل الامة والاتحادى و الجبهة الاسلامية سابقاً (المؤتمر الشعبى الآن ) تحول قادتها الى دكتاتوريات داخلية سيطرت على منجزات الحزب وحولته الى ملك خاص , ان المؤسسية فعلاً وليس قولاً مطلوبة فى مثل هذا الكيان الجديد.
2- الجهوية والقبلية والعرقية والعصبية الدينية والمذهبية , لابد من ان تحارب هذه العصبيات وعلى مستوى قاعدة شعب السودان حتى يتأسس هذا الكيان على ارضية و بيئة صحية تؤتى ثماراً طيبة فى المستقبل.
3-الشللية و الخساسات السودانية المعروفة والتى تمارس فى كثير من التنظيمات المدنية والسياسية من تحويل الخلافات التنظيمية الى خلافات شخصية و ظهور اقوال مثل (لو فلان حيحضر الاجتماع دة انا ما جاى ولا بحضروا).
4-المجاملة و تمرير الاخطاء وعدم المحاسبة و المسح على الورم دون استئصاله و علاجه بالكى اذا كان الكى ضرورة حتمية.
| |
|
|
|
|
|
|
Re: حزب سياسي جديد/ حركة سياسية جديدة! (Re: أحمد ابن عوف)
|
دينا "العزيزة"، تقول:
Quote: لكن وعشان مانحبط لازم نكون عارفين انو الطريق للنهايات الجميلة دى لازم ولازم يمر عبر الكثير من الاشواك ما تشاؤوم لكنه تعامل مع الواقع فى اليقظة بعيدا عن الاحلام هذا الواقع الوردى للعمل محتاج لوعى كبير وسط المستهدفين فهل هو موجود ؟؟ |
وأجيب من عندي... نعم!. نعم كبيرة جدآ.
الوعي موجود وعلى الدوام. الناس لا تفهم بعقولها فقط بل بوجدانها عبر تراكم تجربة عملية عمرها آلاف السنين. فقط نحتاج الزناد الذي يفجر البركان. وعندي ليك مثال ليس من فرنسا أو ليبيا أو اليمن أو الواغواغ وإنما من "عندنا" من السودان حيث تفجرت الثورة المهدية بطريقة أدهشت كل الناس في زمانها وما تزال حتى اليوم تصيب البعض بالحيرة. فلنأخذ المثال "المهدية" على الأقل من الناحية الفنية "تكتيكات العملية وقناعة الناس بها" برغم أن الوعي الذي تتحدثين عنه يا دينا كان وقتها أقل بفراسخ حتى مقارنة بذاك الزمان في زمكانه بالعالم الخارجي آنذاك وقل الغرب كما تركيا. فما بالك باليوم!.
عندي أن هناك وعي فائض... ربما كان أكثر من اللازم... كل زول بقى عارف ماذا يريد وأين تكون مصلحته!.
السؤال؟. كيف تتخلق "حركة ثورية جديدة" تجعل لكل كائن محتمل مصلحة فيها؟. ذاك هو الأمر "أمر فني جدآ" لا علاقة له بالوعي الجماهيري!. مرة ثانيةة ذاك الوعي موجود وفائض... بس تلك الثورة التي تغير وجه التاريخ مرة واحدة وإلى الأبد تحتاج شيئآ فوق وأكبر من الوعي "الموجود"، في الحقيقة شيئان وهما: الإرادة و المقدرة على التضحية من "الصفوة"!.
محمد جمال "تحياتي"
| |
|
|
|
|
|
|
Re: حزب سياسي جديد/ حركة سياسية جديدة! (Re: محمد جمال الدين)
|
مرة ثانية تحية لدينا:
لو أن في اللحظة التاريخية المحددة كل الناس متعلمة وماكلة وشاربة وساكنة ومتعالجة وواعية "مثقفة كلها" وسمنة على عسل... لماذا الثورة؟. المنطق يقول لا داعي إذن لثورة "تغيير"!.
كل الثورات العظيمة في التاريخ صنعها في الأساس الجوعى والمرضى والأمييون ودائمآ بقيادة "صفوة" ما قليلة العدد فقط ذات إرادة وقدرة على التضحية... وذاك هو الأمر. والأمثلة في الماضي والحاضر لا حصر لها.
محمد جمال
| |
|
|
|
|
|
|
Re: حزب سياسي جديد/ حركة سياسية جديدة! (Re: محمد جمال الدين)
|
تنبيه هام "من جديد":
الفكرة من هذا البوست المفاكرة الحرة في الهواء الطلق... بكلما نستطيع... ليس إلا.
لا توجد أشياء خفية... أو مرتبة سلفآ... لا توجد ابدآ.... لحسن أو سوء الحظ، لا أدري!. لكنه الأمر.
فالبوست دا غير موجه وما حق زول... حقنا كلنا بالتساوي... طبعآ أعني الفكرة!... نفكر مع بعض ونرد على بعض أو لا نفعل... بحسب وعينا وشعورنا... ذاك هو فهمي وشعوري. أي زول إتحدث بلغتو وبطريقتو البتعجبو وبس. وفي الزمن المناسب بالنسبة ليه ، من كنا ( رجال/نساء/كبار/صغار) من كل الجهات والتوجهات، لا يهم. ... أي زول عندو قيمة أي زول عندو راي. أي زول مهم بنفس القدر، مافي زول أهم.
محمد جمال
| |
|
|
|
|
|
|
Re: حزب سياسي جديد/ حركة سياسية جديدة! (Re: محمد جمال الدين)
|
رمانة تاني:
Quote: سلام محمد "يومداك" بحثت عن بوست كتبه الأخ عمر عثمان لاربطه لك هنا .. لعل له بعض الصلة بالموضوع فقط نسيت متى كتب.. بعد الانتخابات، قبلها، خلالها؟؟ لا أذكر.. عموما هذا مرور للسلام والتحية.. شكرا |
]"يومداك" دي جميلة في السياق الذي وضعتينها فيه... عجبتني... وعجبني إنتباهك نفسك ليها... تراءت لي كأنها ماضي يتيمم بصخرة الحاضر ويصلى على قبلة المستقبل... مباغتة وخادعة. الحاجات الصغيرة الزي دي كثيرآ ما تسعدني... محبتي يا رمانة العزيزة.
محمد جمال
| |
|
|
|
|
|
|
Re: حزب سياسي جديد/ حركة سياسية جديدة! (Re: محمد جمال الدين)
|
مساهمة متعلقة جاءت عبر البريد الإكتروني "الموضوع أعلاه" [email protected]
Quote: السلام عليكم اخي محمد جمال
اولا شكرا على فتح النافذة المهمة وارجو ان تتقبل مشاركتي والتي هي من باب ( الكلام بجيب الكلام ) علي قولك
الحقيقة لي فترة بفكر في احوال الوضع السياسي والامني والاقتصادي في السودان وفكرت في نموزج الثورة المصرية وليه مانقدر نطبقو في السودان وده قادني مباشرة لانو شباب ثورة مصر بعد ما انجزو الجزء الاول من الثورة فجأة توقفو وتركو مصر في مهب الصراعات السياسية الحاصل اسي ده رغم انهم كان ممكن يعملو ( حزب سياسي جديد ) البتتكلم عنو انت ده.
المهم انا بفتكر انو الجو مهيأ جدا حاليا في السودان لحركة جديدة لانو حقيقي كل الاحزاب القديمة خلاص انتهت بالنسبة للمواطن العادي وبقت غير العضوية حقتها النشطة ماف زول جايب ليها خبر قوة الشارع السوداني حاليا نايمة تماما وغير متفاعلة مع ايا كان ويكتفو بالفرجة واليأس بس لاحظ معاي في الفترة الفاتت لما كانت في محاولات اشعال ثورة ومظاهرات كيف الشارع كان غير متفاعل مع تيار التغيير مالانو ماعايز تغيير ولا خوفا من بطش النظام الحاكم ولكن لانو مامقتنع بالحاجة المطروحة من دعاة التغيير واظنك تذكر السؤال الادهشني فعلا بتاع البديل منو ؟؟.
الشعب عايز بديل فعلا او عايز يفهم معنى الديمقراطية وسيادة المؤسسات والقانون والدستور العادل البيشمل الجميع ولانو الحكومة دي ماحاتخلي ليها زول يشتغل شغل احزاب منظم وينشر ثقافة الديمقراطية البتخلي الناس مايقولو البديل منو ويعرفو انو البديل ما فلان الفلاني وانما البديل هو القانون والمؤسسات والتداول الديمقراطي للسلطة ومامهم البطبق القانون والدستور منو طالما القانون والدستور نفسو عادل ويشمل الجميع اها ولانو الحكومة دي ماحاتخلي الاحزاب تقوم بي دورها في نشر الوعي ده يبقى الحل التاني هو توفير البديل والبديل لايمكن ابدا يكون اي واحد من الاحزاب المترهلة الميتة الحالية دي وده بيودينا لي حزب جديد وحركة جديدة.
النقطة التانية النظام الحالي حاليا في اضعف حالاتو انهيار امني وإقتصادي تام وانهيار حقيقي لمشروعو الحضاري وفقدان ثقة الناس فيهم ماعندهم اي حاجة يقدرو يخمو بيها الناس لا بالدين لا بالوطنية وزي ما الناس زمان ما اتفاعلت مع المعارضة ابان الدعوات للثورة والتغيير الناس كمان اسي ما اتفاعلت مع الحكومة ابان الحرب والدعوة للزود عن حياض الوطن الناس بقو يامحمد لاتابعين للنظام لا تابعين للمعارضة بكرهو الحكومة وبيكرهو المعارضة وفي نفس الوقت متضايقين وعايزين يخلصو ماف جو مهيأ اكتر من ده افتكر لقيام حركة جديدة.
اذا قامت الحركة الجديدة دي ممكن بكل سهولة وسرعة تكتسب قوة الشارع السوداني وبعد داك ممكن التفاوض مع النظام الحاكم اللهو حاليا ضعيف وبيفتش للمخارجة باي طريقة ممكن بس بالتفاوض والعمل السياسي يترك السلطة ناهيك عن اقتلاعه بواسطة ثورة شعبية.
المهم وعشان ما اكتر الكلام الاصلا كترتو عايز بس ااكد علي انو الجو فعلا مهيأ لتنظيم جديد وممكن بكل سهولة يتوضع تصور مرحلي للتنظيم الجديد يشمل الجميع ويكون مقنع بالنسبة ليهم وحقيقي السودان حاليا يحتضر ومحتاج لسواعد بنيه وتضحياتهم ليس بالقتال في الجبهات الكثيرة الفتحتها الانقاذ وانما بتغيير واصلاح الشأن الداخلي بعد داك بالضرورة ينصلح الشأن الخارجي غصبا عنو.
شكرا يامحمد واعتذر على الاسهاب
خالد غالي
|
| |
|
|
|
|
|
|
Re: حزب سياسي جديد/ حركة سياسية جديدة! (Re: محمد جمال الدين)
|
حركة "ناس الله وعيشة السوق" *** (لاحظ أن هناك تعليق حول هذا الإسم نهاية هذا الكلام المختصر)
حركة "ناس الله وعيشة السوق ... حركة سياسية خدمية مدنية سلمية ... مأمولة (ليست بعد)"
((هذه مجرد مقترحات عاجلة للنقاش))
الآفكار، الأيدولوجيا، الإطار التنظيمي، القيادة، المالية وإلخ...
الآيدولوجيا:.... لا توجد.
الفكر: لا يوجد... توجد أفكار من قبيل برنامج سياسي خدمي... لكن لا توجد منظومة فكرية متكاملة... غير ضرورية، غير مطلوبة. يوجد وعي مصدرة "الناس" الجماهير. الشيء الوحيد الذي وجب التشديد عليه هو "دولة المواطنة" في الإطار السياسي فالحركة ليست سياسية فحسب فهي حركة طوعية مدنية خدمية في المقام الأول. الإطار التنظيمي: لا يوجد إطار تنظيمي صارم... وجب تقليل الضوابط التنظيمية إلى الحد الأدني. العضوية: مفتوحة بلا تحفظات لكل السودانيين فوق عمر 16 سنة و دون أي إعتبارات جهوية أو عرقية أو دينية أو نوعية وما إليه.. فقط لا يسمح البتة بعضوية المنتمين بالفعل لتنظيمات سياسية قائمة. ولا يسمح للأعضاء بتوجيه الحركة نحو كيان سياسي بعينه. محرم. تلك من الأشياء التي وجب أن تقابل بالحزم اللازم وتوضع لها الضوابط "الصارمة" المناسبة.
القيادة: لا توجد قيادة... أي لا توجد تراتبية... وجب أن يكون هناك فقط شكل من أشكال الآليات التنظيمية من باب الإضطرار... مثل: مجلس إستشاري أعلي... يتم إنتخاب أعضائه عبر المجالس الإستشارية المحلية "الجغرافية" الممكنة. المجلس الإستشاري الأعلى... مهمته تنظيمية... لا توجد قيادة تاريخية. لا توجد تراتبية تنظيمية. كل الناس سواسية في الحقوق والواجبات... على أن تكون حقوق أعضاء المجلس الإستشاري الأعلى أقل من الأعضاء الآخرين وواجباتهم أكثر وأكبر.
فمثلأ أعضاء المجلس الإستشاري الأعلى ليس من حقهم الترشح لأي منصب مهما صغر أو كبر من مناصب الدولة الدستورية ولمدة خمس سنوات بعد إستقالتهم أوتنحيهم من منصبهم الإستشاري الأعلى. وليس من حق أعضاء المجلس الإستشاري الأعلى تلقي أي رواتب أو حوافز مالية على أداء عملهم في الحركة ويسمى عضوء المجلس الإستشاري الأعلى بال"عامل". بينما يحق للآخرين الترشح والعمل في المناصب الدستورية بما فيهم أعضاء المجالس الإستشارية المحلية غير أن قاعدة لا توظيف أو حوافز مالية تبقى سارية المفعول على الجميع.
المالية: لا توجد... لا توجد مالية منظمة ... فقط يحسب حساب للطواري... فالعمل طوعي وجهد ذاتي. لا يقبل دعم مالي من أي جهة أيآ كانت داخل البلاد إلا بعد موافقة المجلس الإستشاري الإعلى بالإجماع... ليس من حق المجالس الإستشارية المحلية جمع التبرعات المالية من أي جهة كانت... ولا توجد إلتزامات مالية لأعضاء الحركة ما لم يتبرعوا بأنفسهم "طوعآ" وفي المناسبات المحددة وفي العلن. يحرم بشكل مطلق قبول أي دعم مالي من أي جهة خارجية "أجنبية أيآ كانت سواءآ كان ذاك الدعم مشروطآ أو غير مشروط لا يهم... ممنوع، محرم.
أهداف الحركة: هدف واحد أساس: خدمة المجتمع ( الناس) طوعآ... الحركة تخدم المجتمع عبر ذاتها ... حركة نفير. الحركة تخدم المجتمع عبر المجتمع... حركة دفع ذاتي. الحركة تخدم المجتمع عبر الدولة... حركة برنامج سياسي.
وفي الختام فهي حركة يصنعها الناس من أجل الناس. تلك مجرد نقاط عاجلة مني للنقاش هنا وفي كل مكان رجاء أن تكون مفيدة من أجل إضاءة طريق تخلق حركتنا الجماهيرية الفتية المأمولة. ولا أصر على شيء... إذ لا دوقمائية.
أرحب بأي مساهمة متعلقة بالأمر ... عبر البريد الإكتروني التالي: [email protected]
محمد جمال
***الإسم الذي أعلنته أعلاه ليس بالضرورة هو إسم الحركة المأمولة... علينا أن نفكر جميعنا في الإسم المناسب. ملاحظة أخيرة: أنا شخصيآ لست زعيمآ لهذه الحركة المأمولة (نحن ضد الزعامة) وأعلم أنني لست أول من شعر أو بادر بمثل هذا الكلام ... فعله وقال مثله قبلي الكثيرين المخلصين... إنه إحساسنا جميعآ وقل معظمنا... لكنني ربما أنني كأحدكم بادرت بالكلام هذه المرة... لا بد أن يبادر أحدنا بشي إنه من طبيعة الأشياء... و إنه وعي وضمير شعبنا الذي يعلو علينا ولا نعلو عليه مهما أدعينا من علم أو درجات علمية نحن من صلب هذا الشعب منه خرجنا وإليه نؤول ولا حولة ولا قوة لنا بلا تاريخه وإرثه وقيمه ونور وعيه العظيم.
| |
|
|
|
|
|
|
Re: حزب سياسي جديد/ حركة سياسية جديدة! (Re: محمد جمال الدين)
|
الإسم أم المعنى؟
وصلتني اليوم بعض الرسائل من مهتمين مخلصين كلها تتحدث عن الإسم الذي قلت به (ناس الله وعيشة السوق) وكما قلت في حينه "أنظر أعلاه" فهو مجرد مقترح لا أصرار عليه... ولا بل لا إصرار على أي شيء ما عدا شعور معظمنا بوجود حوجة ماسة لحركة سياسية وخدمية جديدة تملأ الفراغ الحاصل في الساحة. ذا هو الأمر من ناحيتي.
وأما لماذا خطر لي ذاك الإسم (الذي لا أصر عليه، أكرر) فهو شعوري أن الإسم وجب أن يكون بسيطآ ومن صميم حياة الناس اليومية كما هو معنى وهدف حركتنا المأمولة... يقول حميد: ( ست الدار بت أحمد كيفك جاني جوابك مفتوح شارع جاني جوابك وانا بتذكر في ناس راشد والتومات في الشتلات والحالة عموم ناس حلتنا التحت .. الفوق الليهم الله وعيشة السوق)
وفي ذاكرتي أيضآ النجاح الساحق الذي حققته حركة الطلاب المحايدين بجامعة الخرطوم في التسعينات برغم إستبشاع الكثيرين للإسم وبالذات أعضاء التنظيمات السياسية القائمة آنها من اليسار إلى اليمين... عند الرابط "أدناه" حديث لي من الأرشيف شاركني فيه بعض الزملاء عن حركة الطلاب المحايدين بجامعة الخرطوم وعن الأمل في نشوء حركة مشابهة في الشارع السوداني، بوست من العام الماضي، حوى نقاش جيد ومفيد في تقديري من بعض المهتمين و المخلصين:
هل يتقدم المحايدون والصامتون و"المصمتون " حلبة الصراع فيحسمون المعركة لمصلحة الوطن .... مصلحة الجميع (؟) هل يتقدم المحايدون والصامتون والمصمتون حلبة الصرا...ة لمصلحة الوطن (؟) وربما نلاحظ الجدل الذي أثير من جديد حول معنى كلمة محايدين (حركة الطلاب المحايدين) بعد أكثر من عشرين عامآ على إنتصارها الباهر ثم تلاشيها رويدآ رويدآ بجامعة الخرطوم بعد أن أدت مهمتها بجدارة فائقة (وحين ذكر هذا البوست أرجو أن أشكر العزيز تبارك شيخ الدين على مثابرته وصبره في ذاك البوست الصغير الصاخب، الآن أدعي أنني عرفته عبر كتاباته أكثر من السابق). وهناك مقترحات كثيرة ممتازة لإسم الحركة المأمولة سأنشرها في وقت لاحق... وكل من تحدث معي يتفقون بالإجماع على ضرورة نشوء حركة جديدة مبتكرة تبقى أكثر إلتصاقآ بحياة الناس... وفي إنتظار المزيد من الإفادات حول الإسم كما بالطبع المعنى والهيكل.
محمد جمال
| |
|
|
|
|
|
|
Re: حزب سياسي جديد/ حركة سياسية جديدة! (Re: محمد جمال الدين)
|
Quote: هل من حركة سياسية وطنية خالصة يصنعها الناس بعقولهم ويبنونها بأيديهم وبأنفسهم يكون هدفها الإنسان السوداني في كل مكان وزمان ومحورها التنمية البشرية والمادية كما مواجهة التحديات الداخلية والخارجية التي تحيق بالبلاد؟!.
حركة سياسية بلا قيادة تاريخية يكون الناس فيها سواسية في الحقوق والواجبات إلا من هبة العطاء. حركة ذات وعي سياسي وطني "برنامج" و إطار تنظيمي سلس و فضفاض يسع الجميع بلا آيدولوجيات صارمة ولا لوائح متحجرة؟.
حركة سياسية تكون إضافة بناءة لما هو قائم من التنظيمات والمبادرات دون تصادم متعمد مع الآخرين أو صراع دونكيشوتي. حركة سياسية يجد معظم الناس فيها أنفسهم كونهم بنوها بأنفسهم ويراقبونها بأنفسهم؟.
حركة سياسية قادرة على مواجهة تحديات العصر. حركة تكللنا بالأمل في جدوى حاضرنا ومستقبل أبنائنا وبناتنا فوق الرقعة الجغرافية المسماة "سودان" تلك التي تحيق بها العواصف من كل ناحية وصوب . حركة في شكل ثورة تعيد ترتيب أولويات السياسة و الدولة لمصلحة الجماهير ولمصلحة الجميع؟!.
هل نستطيع؟. هل يبادر البعض منا!.
الموضوع مطروح للنقاش. لا توجد حتميات أي لا توجد مبادرة مسبقة من هذا النحو أو ترتيبات جاهزة إلا من إحساس ومشاعر بحتمية وضرورة مثل هذه المبادرة من عدد غير محدود من الناس. ذاك الأمر ربما نشعره جميعنا في كل مكان ذهبنا إليه.
لماذا لا نحاول محاولة جادة نستثمر عندها جهودنا العزيزة التي كثيرآ ما بعثرها الإحباط والغربة عن الفعل الجماعي الخلاق. لما لا؟!.
|
?,
| |
|
|
|
|
|
|
Re: حزب سياسي جديد/ حركة سياسية جديدة! (Re: محمد جمال الدين)
|
محمد جمال الدين بحثت مرة أخري (في ارشيفات مختلفة) عن البوست الذي عنيته ولم أعثر عليه فيما أذكر كان "عصف ذهني" للخروج بتصور لتنظيم أو حزب .. لعل الأخ omer osman يذكره إن دخل هنا.. محمد هل تعلم عدد الأحزاب المسجلة في السودان؟ ربما حوالي 70 أو أكثر.. لو خرجت إلى أي شارع في اي مدينة سودانية وسألت المارة عن هذه الاحزاب لما عرفوها.. ولا أنا.. ستجد الناس تعرف الامة والشيوعي والاتحادي والوطني والوطني المؤتمر والشعبي..ربما البعث والناصري....! لا أظن أن أحدا سيعرف حتى أسماء الاحزاب التي انشقت من الاحزاب الأم... لان هذه الاحزاب لا تبذل مجهودا في الوصول إلى الناس بخلاف بعض البيانات من حين لحين والتي لا يسمع بها إلا القليلين... تحياتي محمد مجرد ثرثرة منتصف الليل لا تغني من جوع ..
| |
|
|
|
|
|
|
Re: حزب سياسي جديد/ حركة سياسية جديدة! (Re: rummana)
|
سلام رمانة "العزيزة"... طبعآ دا كلام صاح في شكله الخارجي لكنه محاولة مضللة لتغبيش الوعي!.... عشان كدا أنا بقول علينا أن نفكر بطريقة جديدة.. ذاك هو فحوى هذا البوست "الكلام"... ولست انت وحدك من يفكر بتلك الطريقة "أن أصمتوا" أن لا فائدة من صراخكم... مثلآ، أدناه رسالة وصلتني عبر البريد الإكتروني من أحدهم "غير معروف، مختبيء"... لاحظي النبرة العدائية منذ البدء وتتعالى في الختام حول هذه المبادرة الصغيرة... يقول في آيدولوجيته "مرحبآ به كإنسان لكن لا للعداء":
Quote: السيد محمد جمال الدين تحية طيبة....
صراخ وضجيج لايتعدى حدود المنبر الذى ضمه من الأساس ، كلام لايستند على أى عمق فكرى إنما يستجدى سابلة وعواطلية المنتديات لبناءه وهذا لعمرى هو ما أضاع ماتبقى من السودان. لآ أدرى ماذا اصابكم بعد ظهور هذه المنتديات عليها اللعنة ، كيف تفكرون؟ وكيف ترون الأشياء من حولكم؟ هذه المنتديات المفتوحة يمينا وشمالاً لتقدم خدماتها بالمجان لكل حالة نفسية فى السودان قد تؤدى حقيقة بما تبقى من السودان أو على الأقل تقسمه الى دويلات بحدود فهم ابناءه الركيك ونظرتهم الخاوية للأمور وإصرارهم على ان هذه المنتديات هى التى تكون الرأى العام وتقوده للمصلحة العامة. أنظر لمن يقود دفة هذا المنبر وأبحث عن مشاركاته الفكرية فى خارطة الثقافة ، الأدب ، السياسة ، الفن أو أى مشاركة تراها تفيد القارىء أو الكاتب معاً وقيم الأمر وقس عليه باقى المنتديات والمواقع السودانية التى نبتت فى كل مكان كالسرطان تماماً؟ ابحث يمينا وشمالا لترى مدى الخراب الذى أوقعته تلك المواقع بالشخصية السودانية المريضة أصلاً قبل وبعد زمن الإنقاذ ، لن تجد شيئاً لانك انت شخصياً نتاج هذه المنتديات فإن لم تكن "سودانيز أونلاين" لما كنت الآن تنشر فى مثل هذه الأفكار الفطيرة (حركة انا ماعرفها شنو) ياخى هذا سخف والذين يتداخلون معك وكعادة السودانيين لايريدون لك النصح العام وعلى الملأ ولكنهم خلف ظهرك يتحدثون ويبدعون فى الحديث عن خطل تلك الأفكار التى لاتعرفها عن الحركة أو الحزب الذى لاتعرفه. كان الأجدر بـ عادل عبد العاطى أن يعطيك أفكاره عن تكوين الأحزاب والجماعات حيث انه سبقك فى ذلك ، ولكنه كما قلت لك هذا عهد السودانيين بالأشياء.
منبر سودانيز أونلاين منبر يؤمه الكيزان أكثر من أى مجموعة أخرى ـ يسيطر على مجرياته الكيزان سواء كان ذلك بعلم مديره أو لا ولكنهم قادرون على تحويله الى مزبلة فى أى وقت وتدميره وقفله والعبث به متى ما أرادو فلا أدرى إن كان رواده يعلمون ذلك أو لا ولذلك كل ماينشر به فهو مدعاة الى الشك حيث يتدخل الكيزان فى أمر تحريره ولذلك فهو حرث فى البحر. نعود مرة أخرى الى الموضوع الرئيس وهو حزب سياسى جديد / حركة سياسية جديدة بالله عليك أنظر الى خارطة السياسة السودانية منذ وصول الجبهة الى الحكم فى العام 1989 وأحسب ان كنت تستطيع كم حزب وكم حركة ومنظمة ومجموعة تكونت لاسباب وجيهة وأخرى بدون أسباب واضحة ، كم بالله عليك من منظمة تكونت فقط خلال العام 2012 وكم هى مساهماتها فى حل المشكل السودانى المستعصى حتى على المنظمات العالمية ، ليس لان السودان والسودانيين دولة عظيمة ولكن لانهم شعب مريض ويحتاج حقيقة الى معالجين نفسيين أكثر من سياسيين قبل الخوض فى أى حلول مبتكرة للإشكال. تقوم فكرة هذه التنظيمات الوليدة والحركات والأحزاب تماماً كما يحدث فى السودان الأن فمثلاً ان فتحت لنفسك محلاً فى المنزل لبيع أرصدة التلفونات ينتظر جارك حتى يجتمع عليك الزبائن من كل صوب ويفتح هو لنفسه محلاً ليشاركك الزبائن وهكذا الحال فثلاث محلات ، اربعة خمسه وخمسمائة وألف حتى لايمكن للناس أن يبيعوا ويشتروا إلا من محلاتهم الخاصة وبالتالى يغيب الربح وتكسد البضاعة وينتظر الناس الى جار مبتكر آخر ليفتح لنفسه محل أكل مثلاً فيتم تداول فكرته وينسون محل أرصدة التلفونات. هذا بالضبط مايحدث معك الآن سيجتمع حولك مئة منظر ليس حباً فى أفكارك وليس لانك أنت المفكر الأوحد ولكن فقط ليرو إن كانت الفكرة قابلة للتكرار وحينها سيخرجون عنك الى تكوين مؤسساتهم الخاصة.
ليفكر الناس فيما فعلت بهم الجبهة اللعينة وتدارسه بطريقة علمية حتى لا يتكرر ، المنظمات والأحزاب الجديدة لن تحل الإشكال بقدر ماتعقده ولذلك بدلاً عن تكوين حزب أو منظمة أو جمعية تؤدى بمن يفكر فيها الى التفكير بأنه سيكون مخلص السودان فقط لان هنالك عاطلون استطاعو ان يتداخلو معه فى منبر عام مشكوك فى أمر إدارته فبدلاً عن كل هذا يجب على الناس أن يجلسوا مع بعضهم البعض حول مائدة واسعة تضم كل أطراف النزاع لمناقشة الأمر على أن يكون ذلك على مدى شهور حيث ان السودانيين من أكثر شعوب الأرض سفسطائية وصدقنى بعد كل هذا لن يصلو الى إتفاق وسيتناحروا مع بعضهم البعض طيلة تلك اللقاءات. هذا هو حال السودان والسودانيين رضيت أم أبيت وسترى بعد شهر ، عام عشرة أعوام أن ماكتبت عنه لن يقدم ولن يؤخر وسوف تنسى كل كلمة كتبتها هنا وستنصرف الى موضوعات أخرى وستفتح الف بوست فى سودانيز اونلاين لتكوين أشياء أخرى لاعلاقة لها بهذه الفكرة التى تتحدث عنها الآن. تحياتى كربكان حزب سياسي جديد/ حركة سياسية جديدة! |
| |
|
|
|
|
|
|
Re: حزب سياسي جديد/ حركة سياسية جديدة! (Re: محمد جمال الدين)
|
رمانة... سلامات تاني
Quote: محمد جمال الدين بحثت مرة أخري (في ارشيفات مختلفة) عن البوست الذي عنيته ولم أعثر عليه فيما أذكر كان "عصف ذهني" للخروج بتصور لتنظيم أو حزب .. لعل الأخ omer osman يذكره إن دخل هنا.. محمد هل تعلم عدد الأحزاب المسجلة في السودان؟ ربما حوالي 70 أو أكثر.. لو خرجت إلى أي شارع في اي مدينة سودانية وسألت المارة عن هذه الاحزاب لما عرفوها.. ولا أنا.. ستجد الناس تعرف الامة والشيوعي والاتحادي والوطني والوطني المؤتمر والشعبي..ربما البعث والناصري....! لا أظن أن أحدا سيعرف حتى أسماء الاحزاب التي انشقت من الاحزاب الأم... لان هذه الاحزاب لا تبذل مجهودا في الوصول إلى الناس بخلاف بعض البيانات من حين لحين والتي لا يسمع بها إلا القليلين... تحياتي محمد مجرد ثرثرة منتصف الليل لا تغني من جوع .. |
قريتك تاني وفهمتك صاح بطريقة جديدة على طريقتي الخاصة... لاحظت أيضآ إنك قلتي إنك كتبتي على عجل... شكرآ لك على صبرك ومثابرتك... فهمت أنك تقصدين أن معظم الأحزاب الجديدة والمنشقة (وعندي القديمة برضو) لا تصل الناس ولا تعتبرهم ولا تعرفهم لذا فهي مفصولة عن الواقع إلى درجة كبيرة... نعم، ذاك عندي هو الأمر!.
ولذا أكرر أن علينا التفكير بطريقة جديدة... تفكير هادي وهادف... ولهذا أيضآ لا يجب أن نخطو أي خطوة دون إشراك أكبر قدر ممكن من الناس من شتى الخلفيات الممكنة حتى الناس الذين نتوقع منهم مقدمآ معارضة مثل هذه الخطوة الكبيرة لأسبابهم المختلفة... فلا حركة ناجحة تحدث دون تمام الحد الضروري من شروطها الموضوعية إن كنا جادون في أن ما نفعل هو للناس وبالناس... وهذه هي الفكرة من هذا البوست. ذاك هو فهمي وإلا ما أسهل أن نكتب ميثاق سياسي مع رهط من الصحاب و نركب لوائج تنظيمية وهيكلية ونرص شوية أفكار ونعلن أن هناك حركة سياسية جديدة فهلموا إليها أيها القوم... لا... تلك ليست هي الفكرة.
وقد تفاعل حتى الآن الكثيرون مع المقترح عبر وسائل الإتصال وفي الواقع وسأعمل ملخص في وقت لاحق بالرؤى التي وصلتني حتى الآن.
ولو أن البعض فهم الأمر خطأ إذ ظنوا أن هناك حركة تأسست بالفعل... لا... أكرر... لن تتأسس حركة دون ناس فتكون مثلها والأحزاب التي تقولين بها يا رمانة... وإلا لا داعي لحركة من باب في كل "حركة" بركة!. وكله من وجهة نظري الخاصة مع إعتبار وجهات نظر الجميع.
يتواصل...
محمد جمال
| |
|
|
|
|
|
|
Re: حزب سياسي جديد/ حركة سياسية جديدة! (Re: محمد جمال الدين)
|
في زول "سوداني" بغلبو إكتب دستور حزب سياسي... مجرد تنظير؟... لا أعتقد... أي زول قادر!. أنا شخصيآ أستطيع ولا فخر أن فعل في غضون نصف ساعة.
وقوقل موجودة إن تعثر الأمر كله أو في بعض جوانبه.
لكن هناك ما هو أهم وأعظم وهو: الجدوى!... الواقع... طبعآ، أليس كذلك؟.
نحن هنا بصدد شيء أشبه ب "دراسة جدوى"... وإن جاز التعبير.
محمد جمال
| |
|
|
|
|
|
|
Re: حزب سياسي جديد/ حركة سياسية جديدة! (Re: أحمد ابن عوف)
|
سلام إبن عوف... سعيد بيك على الدوام... وأتابع بمتعة كتاباتك وإهتماماتك كما همومك... لك المجد.
وأما كربكان فهمو عندي مثال جيد للظاهرة التي ستواجها أي محاولة مستقبلية لفعل شيء جديد ومختلف (لا أعنيه كشخص كوني لا أعرفه ابدآ كشخص) ولا توجد شخصنة للأمور هنا... فنحن في شأن عام أي في مواجهة رؤى الجميع والجموع. أظنك تذكر جيدآ كيف عانينا في جامعة الخرطوم أيام المحايدين مم مثل تلك الكربكانيات والتي لا يجب أن يضيق صدرنا في مواجهتها!.
حاولت أيضآ تلمس رؤية كربكان للأهمية في بوست الصديق والزميل "كبر" المجاور (اللنك أعلاه)، فقلت بإقتضاب:
Quote: سلام كبر وكل الصحاب...
أكرر ما قلته أعلاه أنه بوست مبشر بحوار وأراء بناءة... وهي عادة كبر طعن الفيل لا ظله... له المعزة وبه الفخر.
آذنو لي هنا أن أعلق على رسالة الأخ "كربكان" فهو قد أرسل لي أيضآ من قبل رسالة من نفس الشاكلة نشرتها على علاتها في بوستي المجاور: حزب سياسي جديد/ حركة سياسية جديدة! حزب سياسي جديد/ حركة سياسية جديدة!
ولإحساسه بصدقه حاولت الرد عليه عبر الإميل الذي أرسل منه تلك الرسالة لكن حدث لي نفس الشيء الذي قلت به يا كبر "فشل الرد" وهذه هي الرسالة التي جاءتني من السيرفر: Sorry, we were unable to deliver your message to the following address. <أحتفظ بالإميل كون صاحبه قد لا يود إعلانه للجميع>: Remote host said: 550 Requested action not taken: mailbox unavailable [RCPT_TO]
على كل حال واضح أن الأخ كربكان أو أيآ كان إسمه عنده وجهة نظر ما، يقولها بشكل غاضب جدآ دون أن يقول بالضبط لماذا "؟". فهو مثلآ يتهجم على من يكتبون في المنابر التي يشجبها لكنه في ذات الوقت يرسل لنا رسائل لننشرها في المنابر دون أن يعترض!. ودون أن يقول لنا ما هي إذن أفضل وسيلة للتحاور والتخاطب في هذا الزمان... أيودنا أن نصيح في شعاب مكة بأعلى أصواتنا أن هلموا إلى سقيفة بني تميم لأمر جلل يا آل قريش؟!. أم ماذا؟.
وهو دائمآ يذكرنا بالواقع وكأن عنده علم بأننا كائنات فضائية قادمة لتوها من زحل!. ولا أظنه يعرف أيآ منا معرفة حقيقية "شخصية".
بؤس الواقع........ نعلمه جميعنا يا كربكان.... وهو محرك كل نشاطاتنا العامة يا كربكان يا صديق... إن كان ذاك منتهى همك ولا أجندة أخرى لك فإن ذاك من صميم نبضات قلوبنا يا عزيز.
وأنا شخصيآ "مثلآ" كأحد الناس كثيرآ ما عبرت عن إحباطي وغضبي العنيف وبطرق مختلفة من بؤس الواقع "علنآ وضمنآ" وأحيانآ بصورة تنحو إلى "الأدبية" إن جاز التعبير... ودائمآ ببعض العنف الذي كثيرآ ما سقط من اللاوعي!... أنظر مثلآ إختراعي لوصفة مرض الأزة (مرض الأزمة الشاملة) عند هذا البوست المجاور:
أزة الزول السوداني و"أنا وسلفيا الهولندية" أزة الزول السوداني و"أنا وسلفيا الهولندية"!!!
--- معليش يا كبر ... شعرت بأني مضطر أثبت هذا الرد الصغير على رسالة كربكان المعبرة والغاضبة والمشحونة بصدق ما "صدق ذاتي"!... ونرجو أن يتواصل موضوعك في سياقه المرسوم... تحياتي.... محمد جمال |
| |
|
|
|
|
|
|
Re: حزب سياسي جديد/ حركة سياسية جديدة! (Re: محمد جمال الدين)
|
عزيزي محمد جمال.. شكرا لك على مداخلتك الثانية :) لم يعجبني أن تجعلني في نفس الكفة مع المتلاشي المكربن ... ! والذي فيما يبدو أن سبب رسالته هو إحباطه من عدم مقدرته على تحقيق ربح من محل موبايلات.. لا لم أقصد أن "اصمتوا" بالعكس، أنا أقول أن "تواصلوا" ... الأحزاب لا تبذل أي مجهود في الوصول للناس أو التعريف بنفسها وأهدافها وبرامجها ولعلها تحصر نفسها في محاولة مناطحة الأحزاب الموجودة والكبيرة.. لا أدري.. لكن ما أعرفه أنني قبل عامين فوجئت بعدد الأحزاب الموجودة في السودان ومسجلة ولا يعرفها أحد وكأنها اختفت تماما بعد الانتخابات.... ربما عدت ببعض "الخواطر" ..للأسف الوقت المتوفر لدي خلال اليوم لسبب ما يكون البورد فيه في أسوأ حالاته (يختفي ويعود..مسالة مملة) ثم أعود مرة أخرى وأنا أغالب النوم :) تحياتي
| |
|
|
|
|
|
|
Re: حزب سياسي جديد/ حركة سياسية جديدة! (Re: محمد جمال الدين)
|
رسالة جديدة متعلقة "أدناه" من الأستاذ معتصم المصدق جاءت عبر البريد الإكتروني:
Quote:
ماعاد في زمن للكلام والتنظير والوطن انتظرنا اكثر مما اتوقع.. يعني الحركة دي ننتظرها تغير لينا النظام في الخرطوم ول تنمي الانسان السوداني وترجعه لمستوي وعي يقدر من خلاله يعرف من خلاله عدوه من صليحه؟؟ يا محمد جمال اقول ليك دي الخشبة والمسمار والشاكوش ليه نحن قاعدين نلف وندور حواليهم مليون سنه وماقادرين ندق المسمار في الخشبة بالشاكوش؟؟ انا قريت ليك هنا وهناك كما قريت لعادل عبدالعاطي وفايز ودالقاضي وبشاشا ومحمد سليمان والعزيزجدا سعادة السفير منان وكوستاوي وعادل علي صالح ودكتور بشير بكار والاربعة الاخيرين بعرفهم شخصيا وهم بالنسبة لي مع المجموعة الاولي اصدق في تناولهم لقضايا الوطن وانسانه من الترابي ونقد والميرغني وتحالف كاودا والعدل والمساواة وكل الحركات المسلحة واللي ح تتسلح.. يامحمد جمال لم لينا الناس ديل وخليهم اتلاقوا في مكان واحد واطلعوا لينا بي بشكل مجسد للسودان يستوعبنا كلنا واعلنه معاه دعوة لتشكيل حكومة تمثلنا كلنا ونشوفها بعيوننا ونباركها علشان نعلن بعدها العصيان المدني لاسقاط النظام وفيها ح نشتري كل الويكة والفول وزيت السمسم وح نعوس كسرة ناكل بيها =المعتصمين في بيوتهم ديل ح ونوفر الادوية المنقزة =الحرف دة ماعندي في الكيبوردة والعيادات المتحركة من اطباء المملكة المتحدة والحارقهم وواجعهم حال الوطن ومواطنه يا محمد جمال حاولت ابسط ليك فكرتي وضمنت فيها الاخوة الكرام ديل والاكارم اللي ح يدعموا اي مشروع لتغير حالنا وحقن دمنا ووقف النزيف السائل دة يا محمد جمال العرب وربيعهم ومن قبلهم شعوب اوربا كانت عندهم ادوات تغيرهم حسب واقعهم وكثير منهم استشفوا من ربيعنا في 64 و85 خلونا برضو نعلم شعوب ثانية صيفنا المستمد من تركيبتنا السودانية الاصيلة في اجتثاث السرطان المبرطع في جسد امتنا دة ونكويه للابد اخيرا يا محمد السوداني الليله عائش كل الاحباط وبفتش لقشه تمرقه من اللي فيه وما ح يتوانى في الالتفاف حول اي حركة جادة تمثل كل اطيافه ممثله في اسماء
يعرفها من واقعه ما فرضت عليه بانقلاب او وصاية ويسكت معاه صوت الرصاص الا لمن اعتدي علي ثوابتها الي الابد
قد هرمنا في انتظار لحظه زي دي !. وحتي لوكانت مجرد حلم ياخي |
| |
|
|
|
|
|
|
Re: حزب سياسي جديد/ حركة سياسية جديدة! (Re: محمد جمال الدين)
|
Quote: From: Khalid Ghaly <> To: [email protected] Sent: Tuesday, April 24, 2012 6:44 AM Subject: سلامات
صباح الخير استاذ محمد بما انك مشيت لي قدام وبديت تضع تصور لاسم واهداف الحركة الجديدة احب ان اشركك والمتابعين هذه الافكار
عن نفسي عندي اعتقاد راسخ انو آفة اي حزب في السودان على الاقل هي البرنامج الطويل المدى دائما تلقى البرامج والاهداف بتاعة الاحزاب انهم يعملو كذا وكذا وكذا وتلقى الاهداف دي عشان تتحقق ( وبيكون مابينفع تتحقق جزئيا لازم تتحقق كلها عشان تتضح رؤية الحزب ) بتكون محتاجة عشرات السنوات ! اصلا لو في ديمقراطية بالجد كيف حزب يمسك السلطة عشرات السنوات ؟! اها انا ازعم انو كل احزابنا السودانية تحمل في داخلها بزرة ديكتاتورية واقصاء للآخرين وبرنامج ( تمكين ) زي حق الكيزان ده، ده غير طبعا التقديس الغير مبرر للقيادات التأريخية لدرجة التوريث احيانا/ غالبا ممايجعل الحزب في شكلو اشبه بالنظام الملكي عدييييل .
عليه اذا كنت حا اتكلم عن تصور لحركة جديدة فاهم حاجة حا افكر فيها هي تحرير الحركة من اي التزام طويل المدى حا اخت اهداف مهمة قصيرة المدى واعمل على تحقيقها وبعد ما تتحقق اعيد تقييم الوضع واخت خطط واهداف جديدة للمرحلة المقبلة.
في الوضع الراهن ماحا اتعب نفسي في التفكير في اهداف كتيرة اذ ان الهدف المهم وااااضح زي الشمس نكنس السرطان ده عشان نعرف نتنفس ! وانا لسة مصر انو في حالة قدرت الحركة تستقطب الشارع السوداني ذو القوة المعروفة للجميع ممكن جدا يتم الامر بالتفاوض السياسي الحازق، بس لازم يكون في يدك قوة تهددهم بيها وفي كل الاحوال اقتلاعهم بواسطة ثورة شعبية هو الخيار الاكبر
عن شكل التنظيم انت قلت انو شرط العضوية بتاعتو يكون الزول مامنظم في اي حزب آخر ... واسمح لي اخالفك الراي لانو الحركة ما اظنها في نيتها اقصاء الاخرين بالعكس هي مصممة خصيصا لتجمع الناس كلهم تحت لواء واحد وحاليا اظن حسب الهدف المرحلي كل الاحزاب السبعين القالتهم رمانة فوق ديل متفقين على الهدف ده كلامي ده ما اقصد بيهو الاستعانة بالاحزاب دي ابدا لاني اصلا شايفها ميتة لكن بقول انو مانمنع عضويتها الشابة النشطة المحتارة مابين الالتزام للتنظيم وتوجهو وبين الثورة المعتملة في الصدور .. خليهم يقومو بدورهم كشباب حر بدون قيد التنظيمات خليهم يشاركو في غد افضل لبلدهم ومستقبلهم
اخيرا واعتذر على الاسهاب بعد قريت بوست الاخ كبر فكرت في الاسئلة الطرحها واكتشفت انو نحن طموحاتنا اساسا بسيطة جدا .. نحن ماقاعدين نفكر في محاربة الارهاب العالمي او حل مشكلة البيئة العالمية ... نحن ماقاعدين نفكر في دور طليعي للسودان في المنطقة والعالم .. نحن ماقاعدين نفكر في حل مشاكل الدول التانية ... نحن ماعندنا رئيس بيترشح للحكم ويكون اهم نقاطو البيستقطب بيها الناخبين انو حايحل مشكلة الفقر والمجاعة في الصومال ! ياخي نحن ماقاعدين نفكر في ده كوووولو نحن بس عايزين قانون ودستور يشملنا نحن السودانيين ديل كلنا وعايزين مؤسسات نزيهة نضيفة مستقلة تنفذ القانون ده ! دي اسي كتيرة علينا ؟ دي اسي مابديهيات ؟ دي اسي ماحاجة اساسا المفروض تكون متوفرة ؟
لو كنت حا اخت برنامج للحركة الجديدة فحا اخلي الهدف الاساسي هو ارساء ثقافة المؤسسات وحكم القانون ... الناس كلهم سواسية في الحقوق والواجبات .. وحا اموت في سبيل تأسيس مؤسسات مستقلة نزيهة مهنية تقوم بتطبيق القانون زي ماهو ولا علاقة لها بالنظام الحاكم على الاطلاق
شكرا يامحمد والى الامام
خالد غالي |
| |
|
|
|
|
|
|
Re: حزب سياسي جديد/ حركة سياسية جديدة! (Re: محمد جمال الدين)
|
هل هي أفكار وخطط وبرامج؟!.
لا... ليس ذاك فحسب!.
هي في المقام الأول: إرادة وعزيمة وإيمان بقضية عادلة... ومثابرة وصبر وإصرار وأمل في المستقبل.
... الأمل... لا للإحباط والمحبطات هي ألف ولا للمثبطات بكل أشكالها وأنواعلها وهي لا حصر لها... في تلك الحالة وحدها سيستجيب القدر... حالة الأمل مقرونة بالعمل.
فالأفكار والرؤى والخطط والبرامج ضرورية بدورها... لكن الحالة النفسية هي المحرك الأول للتنظيم أي تنظيم جماهيري. ولذا علينا أن نشتغل على كل الجوانب.
تلك مجرد خاطرة.
محمد جمال
| |
|
|
|
|
|
|
Re: حزب سياسي جديد/ حركة سياسية جديدة! (Re: محمد جمال الدين)
|
Quote: From: Nahla Shami <> To: [email protected] Sent: Tuesday, April 24, 2012 9:13 AM Subject: حركة جديدة
.تعرف يا محمد دا احساس ناس كتيرة. الحكومة تعاباها والمعارضة ما مرضياها انا واثقة اذا الحركة بقت بالمواصفات العايزاها الناس ح تلقى تاييد كبير امكن افوق الخيال. انا ما متخصصة عشان كدا برجو الناس العالمة تشرع في خطوات عملية باسرع وقت الناس تعبانة يا محمد واتوقع الحركة دي تلقى معاكسة من الاحزاب القائمة هسه ومؤكد من الحزب الحالم لو حسو بجديتها عشان كدا الناس تكون جاهزة لكل الاحتمالات كلنا مع بعض وايد لايد تجدع بعيد نهلة سيد احمد الشامي |
| |
|
|
|
|
|
|
Re: حزب سياسي جديد/ حركة سياسية جديدة! (Re: محمد جمال الدين)
|
Quote: ----- Forwarded Message ----- From: gasim almhdawey <> To: [email protected] Sent: Saturday, April 14, 2012 6:05 AM Subject: سلااام وتحايا
سلااام وتحايا عساك بخير وعافية فيما يختص بحركة سياسية جديده ،، منذ اربع اشهر ونحن فى حراك مستمر واستطيع ان اؤؤكد لك فى غضون اسابيع نكون قد انجزنا ما هو متبق ،، ايضا طرحنا الفكرة لقطاع عريض من الناس كاستشارة بحيث اننا حركة جديده وطنية شاملة تختلف كليا عما هو موجود لنا هدفان ا/ اسقاط النظام بالتشارك مع الاخرين حمايه وطمأنه المجتمع كل المجتمع 2
----- Forwarded Message ----- From: Gamal Hamid To: gasim almhdawey Sent: Sunday, April 15, 2012 4:43 AM Subject: Re: سلااام وتحايا
سلام مهداوي لك ولكل من معك أجمل وأصدق التحايا لنفعل كلنا خيرآ ونلتقي في المحك. ولنتشاور على الدوام. معزتي محمد جمال
|
| |
|
|
|
|
|
|
Re: حزب سياسي جديد/ حركة سياسية جديدة! (Re: محمد جمال الدين)
|
الفكرة جميلة وكل سوداني غيور ... يفكر في ذلك ... قد يكون هناك بعض التشابه لبعض الأفكار والبنود ، تم التعرض لها من قبل بعض الحركات الجديدة، وأغلبها لاقت قبولا عند معظم السودانيين لمنطقيتها، فلا بد أن نأخذ بها في الحسبان، مع تنفيذها بالصورة التي تلاقي قبولا وارتياحا لدي الجميع ...لتكون انطلاقة لحركة ناجحة بناءة ...
1- حركة سياسية تستوعب الجميع ... يميني يساري وسطي أو غير منظم .. مسلم أم غيره ... والشعار السودان للسودانيين ... 2- يجب أن يقتنع الجميع بان السودان بلد مترامي الأطراف ومتباين الأعراف والعادات والتقاليد والأجناس ... فيجب أن يتبني الكيان السياسي الجديد فكرة الفيدرالية أو الحكم شبه الفدرالي ... والفكاك من تمركز الحكم في الخرطوم ... ويتم تقسيم السودان حسب التوافق في العادات والتقاليد ووفق منظومة التعايش لأبناء المنطقة الواحدة، لا يهم الاسم (مديرية ... ولاية ... منطقة ... سلطنة)، وعلى ضوءها يتم التمثيل السياسي والاقتصادي ... لحكومة السودان الموحد ... 3- ومنها يتم تكوين الحكومة المركزية ... طبعا مع الأخذ بالاعتبار منطقة الخرطوم نفسها بتمثيلاتها التي اختارها أبناء المنطقة.... 4- يتم تقسيم السلطة والثروات لكل منطقة في منظومة الحكم الفيدرالي ... بالتساوي .. 5- يتم تدوير الحكم ... كل 3 سنوات أو أربعة ,بما في ذلك الحكومة المركزية ... 6- يتم تكوين مجلس تشريعي أو برلمان ممثل من مجالس الحكم بالمناطق الفيدرالية ... يمثل فيه عضوان أو ثلاثة من كل منطقة ... مقره العاصمة ... او مقرة يكون بالتناوب بين المناطق الفيدرالية عن كل حقبة حكم ... 7- تكوين دستور موحد ثابت للسودان ... توافق عليه كل الأطياف السياسية والاجتماعية والنقابات ... يبدأ كتابته ومناقشته والتوقيع عليه من أول دورة للنظام الجديد ... 8- يجب ان يصرف ما لا يقل عن 30 - 50% من دخل المنطقة الفيدرالية، على المنطقة نفسها، والمناطق التي يقل فيها الإنتاج تدعم من المالية المركزية بنسب يتفق عليها في الدستور. 9- يجب صرف نسب ثابتة من الدخل على التعليم و البنية التحتية (تذكر في الدستور). 10- دعم قطاع الزراعة والرعي والتعدين ، مع تبني خطط ثابتة وواضحة لدعمها (تذكر في الدستور). 11- حرية العمل للأحزاب والتنظيمات السياسية والاجتماعية بكل أطيافها، وحرية مشاركتها وتمثيلها في الحكم بكل مستوياته، طالما لها قاعدة جماهيرية تنتخبها، وتعمل تحت منظومة الدستور الموحد الثابت .
طبعا الموضوع كبير ... بحجم دولة ... ولكن لا يمنع تناوله كما ذكرت خطوة خطوه ... وفكرة فكرة .... وهذه وجهة نظري في عجالة ودون ترتيب متقن أو مسبق ... ولنا عودة ...
| |
|
|
|
|
|
|
Re: حزب سياسي جديد/ حركة سياسية جديدة! (Re: ياسر نجيلة)
|
سلام ياسر نجيلة العزيز
مرحبآبك وبوجهة نظرك القيمة... نحن كلنا هنا لا نفعل شيئآ غير وجهات نظر. نحن هنا بالضبط من أجل وجهات النظر.... نفكر مع بعض ونعمل مع بعض ونشعر بي بعضنا البعض بقدر أمكننا وبكلما ما أمكننا.
إذ لم يأتي الوقت بعد الذي نقرر فيه شيئآ حاسمآ... ذاك مبلغ علمي... وإلا فعلناه معآ.
أتمنى أن يتواصل التفاكر بتودة وهدوء... وصبر عظيم... مع علمنا وشعورنا الأكيد بمأساة بلادنا!.
أحييك مجددآ يا ياسر نجيلة وأفرح "شخصيآ" بمساهمتك النيرة.
وفي رجاء المزيد من الأفكار والمشاعر!.
تحياتي
محمد جمال
| |
|
|
|
|
|
|
Re: حزب سياسي جديد/ حركة سياسية جديدة! (Re: محمد جمال الدين)
|
ملاحظة هامة "عندي": كل الرؤى والأفكار في هذه البوست وجب أن تؤخذ بنفس القدر من الإحتفاء والأهمية على ما بها من تمايزات "ما وجدت"... إذ ليس من أهداف هذا البوست الإنتصار بالضرورة لفكرة "هدف" محدد سلفآ ... إنه أمر أشبه بعملية الإستفتاء فقط مع خاصية الإدلاء بالرأي!. الأمر أكبر وأخطر من مشاعرنا الذاتية لا بل ومصالحنا الآنية!. ذاك هو شعوري الخاص.
محمد جمال
| |
|
|
|
|
|
|
Re: حزب سياسي جديد/ حركة سياسية جديدة! (Re: محمد جمال الدين)
|
From: Ahmed Omar <> To: "[email protected]" Sent: Saturday, April 28, 2012 10:47 PM Subject: تأيد كامل للفكرة
اخى العزيز جمال مساء الخير وبكل اختصار اريد ان اطرح لك باننى سبقتك فى الفكرة قبل اشهر وناقشناها مع بعض الاخوة وللاسف هناك الكثيرون يرون ان مثل هذه الانشطة منزلة لاناس معينين ويحبطوك فى الفكرة بامثلة وافكار ضحلة ومحبطة.
فارجو مجاوزة مثل هذه الافكار بالاسرار والعزيمة وطالما هنالك فكرة فلابد ان تتبلور بالحكمة والبراهين وليس بالفلسفة والاوهام وانا متاكد تماما ان مثل هذه الفكرة تجد قبولا واسعا وبالاخص فى مثل هذه الاوقات وخاصة فى اوساط الاجيال الجديدة دون شك. وانا مع الفكرة للنهاية
وشكرا
اخوك احمد عمر
| |
|
|
|
|
|
|
Re: حزب سياسي جديد/ حركة سياسية جديدة! (Re: محمد جمال الدين)
|
Quote: From: ABU MAGID <> To: "[email protected]" Sent: Sunday, April 29, 2012 7:12 AM Subject: حزب سياسي جديد
الاخ محمد السلام عليكم كنت متابع باهتمام بالغ لاني واحد الاصدقاء عملنا سناريو قريب من البتقول فيهو ده قبال اكتر من سنه وقربت اكتب ليك واقول ليك ده الكلام وانا معاك وجاهز من بكره الما بعيده لكن لمن قريت ردك علي كربكان ايقنت انك ما قبلت الراي الاخر من هسع و قبل التاسيس وده بيتناقض مع الانت قلتو قبال دقايق (الفرصة متاحة للمفاكرة. فأنا لم آتي إلى هنا مبشرآ )ونذيرآ بياخي طالما الموضوع مفاكره ليه انزعجت وصحيتنا من الحلم الجميل ده بالنسبه لي الراجل عنده تجارب من قبل وما قصر اداك راي رايي الشخصي كلام كربكان صح وانا ما سياسي ولا كاتب صحفي لكن بالنسبه لي الفكره الجميله دي ماتت في مهدها وانت المسؤول اىا ما شايف اي عدائيه في كلامو بل حقايق +راي كيف عرفت انو مختبيء و كيف وصفتو بالعدائي لمجرد راي اخوك بكري معزره لعدم ترتيب الرساله لانو اول مره اكتب عربي في كيبورد انجليزي
|
| |
|
|
|
|
|
|
Re: حزب سياسي جديد/ حركة سياسية جديدة! (Re: محمد جمال الدين)
|
أختلف مع بكري أبو ماجد في أنه ما شايف في كلام صاحب الرسالة كربكان أي عدائية بل فيه فعلا عدائية واستعلاء وغضب تم تفريغه في الجهة (والشخص) الخطأ .. وكلامه عن أنه الفكرة الجميلة ماتت وإنك إنت السبب كلام عاطفي ومتسرع - أنا متأكدة إنه لو رجع لكلامك بعد فترة حيقراه بصورة مختلفة وح يلقى إنك شخص طارح لفكرة مش مالك لها ملكية "الاقصاء والابقاء للآخرين". شكرا لكما..
ونعيده... If you think you are too small to make a difference, try sleeping with a mosquito محمد، حاولت أرفع البوست خلال اليوم وأقول ليك افتقداك بس البوست بياخد زمن عشان يفتح معاي مش عارفة ليه .. فتركته. تحياتي
| |
|
|
|
|
|
|
Re: حزب سياسي جديد/ حركة سياسية جديدة! (Re: محمد جمال الدين)
|
سلامات محمد.... انا ما متخصص ولا متفرغ سياسة وغير كدا اللغة ذاتا ما مساعدة لكن في حبة افكار ممكن الواحد يخوض بيها مع الخائضين (اذا كان كركبان ادلي بدلوه ,شكرا كركبان على اتاحة الفرصة والتشجيع). في مقولة مشهورة اتخيل لي ماركسية (شفت الاصطياد في الماء العكر!) وهى "الظلم لا يصنع ثورة انما يصنعها الوعي به".مرة في زيارة السودان لاقيت صاحبي طبيب شغال في حتة عندها علاقة بي امراض الدم حكى لي عن معاناة ومأاسى مرضي الهيموفيليا لامن دمعت لما سالته الناس دي قاعدة وما بتفكر تغير ليه؟ قال لي يا معز الناس دي مفتكرة انه دا الوضع الطبيعى,مافي زول واعى لي انه الوضع دا ما طبيعى. دي اول حاجة الوعي الوعي الوعي (ما في داعي اقول انه الوعي المقصود ما عنده علاقة بي التعليم والشهادات,وبرضو مافي داعي اضرب امثلة يكفيك المنبر دا).
الحاجة التانية المهمة في راي قبل التفكير في حزب او حركة جديدة مفروض نسأل عن الادوات, ادوات التغيير شنو؟.انا مقدر النية الحسنة والحماس لكن شنو الادوات الجديدة الما تم تجريبها في مقاومة النظام؟ عمل سلمى وانتفاضة وللا عمل مسلح؟. عندي صاحبي (واحد تانى غير الفوق دا) ذات نقاش لفت انتباهى لي حاجة غريبة في تاريخ السودان انه مافي ثقافة اغتيال سياسى ادوات التغيير اما انقلاب او انتفاضة مافي رئيس وللا رئيس وزراء تم اغتياله مع ملاحظة انه التكلفة هنا (تكلفة التغيير)ما عالية,يعنى بدل 300000 قتيل في دارفور في حرب ما اختاروها يمكن الناس تفكر في تصفية رموز النظام. الكلام دا بي النسبة make sense زي ما بقولوا لانه في راي النظام لطبيعته الفاشية ما ممكن يتغير بي عمل سلمي مهما توفر له من جماهير وتعبئة في نفس الوقت العمل المسلح من الاطراف يؤذي المواطنيين في الاطراف ولا يضر بالنظام ان لم يكن العكس صحيح.
الحاجة الاخيرة عندنا واقع بتاع احزاب وحركات مسلحة ما ممكن نلغي وجودها حا يتم التعامل معاها كيف؟
معليش الكلام ما مرتب لكن اهو قلنا نثري النقاش او كما قالت الطرفة المشهورة.
| |
|
|
|
|
|
|
Re: حزب سياسي جديد/ حركة سياسية جديدة! (Re: Elmuiz Haggaz)
|
سلام المعز حجاز
تحياتي ... تقول:
Quote: سلامات محمد.... انا ما متخصص ولا متفرغ سياسة وغير كدا اللغة ذاتا ما مساعدة لكن في حبة افكار ممكن الواحد يخوض بيها مع الخائضين (اذا كان كركبان ادلي بدلوه ,شكرا كركبان على اتاحة الفرصة والتشجيع). في مقولة مشهورة اتخيل لي ماركسية (شفت الاصطياد في الماء العكر!) وهى "الظلم لا يصنع ثورة انما يصنعها الوعي به".مرة في زيارة السودان لاقيت صاحبي طبيب شغال في حتة عندها علاقة بي امراض الدم حكى لي عن معاناة ومأاسى مرضي الهيموفيليا لامن دمعت لما سالته الناس دي قاعدة وما بتفكر تغير ليه؟ قال لي يا معز الناس دي مفتكرة انه دا الوضع الطبيعى,مافي زول واعى لي انه الوضع دا ما طبيعى. دي اول حاجة الوعي الوعي الوعي (ما في داعي اقول انه الوعي المقصود ما عنده علاقة بي التعليم والشهادات,وبرضو مافي داعي اضرب امثلة يكفيك المنبر دا).
الحاجة التانية المهمة في راي قبل التفكير في حزب او حركة جديدة مفروض نسأل عن الادوات, ادوات التغيير شنو؟.انا مقدر النية الحسنة والحماس لكن شنو الادوات الجديدة الما تم تجريبها في مقاومة النظام؟ عمل سلمى وانتفاضة وللا عمل مسلح؟. عندي صاحبي (واحد تانى غير الفوق دا) ذات نقاش لفت انتباهى لي حاجة غريبة في تاريخ السودان انه مافي ثقافة اغتيال سياسى ادوات التغيير اما انقلاب او انتفاضة مافي رئيس وللا رئيس وزراء تم اغتياله مع ملاحظة انه التكلفة هنا (تكلفة التغيير)ما عالية,يعنى بدل 300000 قتيل في دارفور في حرب ما اختاروها يمكن الناس تفكر في تصفية رموز النظام. الكلام دا بي النسبة make sense زي ما بقولوا لانه في راي النظام لطبيعته الفاشية ما ممكن يتغير بي عمل سلمي مهما توفر له من جماهير وتعبئة في نفس الوقت العمل المسلح من الاطراف يؤذي المواطنيين في الاطراف ولا يضر بالنظام ان لم يكن العكس صحيح.
الحاجة الاخيرة عندنا واقع بتاع احزاب وحركات مسلحة ما ممكن نلغي وجودها حا يتم التعامل معاها كيف؟
معليش الكلام ما مرتب لكن اهو قلنا نثري النقاش او كما قالت الطرفة المشهورة. |
مداخلة صاخبة... أتمنى أن تكون بعض الآراء الواردة بها جاءت من باب العجلة والإقتضاب!.
ودا برضو كلام سريع وآذن لي أجيك بهدو.
مع أسمى معاني المودة والإحترام
محمد جمال
| |
|
|
|
|
|
|
Re: حزب سياسي جديد/ حركة سياسية جديدة! (Re: محمد جمال الدين)
|
رمانة... سلام عليك...
معليش رديت على العزيز معز قبلك وربما أواصل في الرد على ما جاء بمداخلته.. ... عشان الأسباب التي قلت بها في مكانه أعلاه...والكلام يشمل جميع الصحاب.
وعليه ربما لا أرد على مداخلتك ابدآ يا رمانة لكنها دومآ في الإعتبار!.
عارفك فاهمة!.
تحياتي...
محمد جمال
| |
|
|
|
|
|
|
Re: حزب سياسي جديد/ حركة سياسية جديدة! (Re: Elmuiz Haggaz)
|
المعز العزيز، تقول:
Quote: سلامات تانى يا محمد وشكلي كدا اتيت شيئأ فريا لما جبت سيرة الاغتيال لكن كدي عاين ليها بي زاوية تانية ولنبدا بزاوية تاريخك نفسه أي الكفاح المسلح بي المناسبة من ناحية اخلاقية بي النسبة لي الاغتيال السياسى اكثر مشروعية واخلاقية من الحرب قول لي كيف؟ التجمع سابقأ والحركات المسلحة حاليا ما كانت بتوجه سلاحها لي المجرمين الحقيقيين بي العكس بنادقها كانت موجهة لمجرد عساكر هم انفسهم ضحايا للتهميش والاضطهاد وحتى لو نجحت في اسقاط النظام رموز النظام والمجرمين الحقيقيين حا يركبوا اول طيارة يلحقوا قروشم بالخارج زيهم زي بن علي وعيدى امين وغيرهم. دا غير النقطة الفوق بتاعت التكلفة العالية من القتل وسط المواطنيين والنزوح وكل ما نعرف جميعأ.
في رائي انو ممارسة السياسة مسئولية جسيمة ودا تاريخ بيتكتب ما رواية عاطفية انا بفتكر بنبقي حالمين ساكت وحا نقعد نتفرج في بلدنا بتحرق ويضيع لو فكرنا في امكانية تغيير سلمي بدون ما يكون مسنود بشكل من اشكال العمل المسلح سميهو اغتيال سياسي سميهو ثورة شعبية محمية ومعززة يالسلاح سميهو اي حاجة . يا محمد الشعب السودانى دا عنده تاريخ وتجارب متراكمة لي عقود في مقاومة الديكتاتوريات لكن برغم الرصيد دا كله وبرغم التضحيات علي مدي الثلاثة وعشرين عامأ الماضية فشل الشعب في اسقاط النظام.الفشل دا في رائي ما كان نقصان ارادة ولا جدية بقدر ما كان فشل في قراءة طبيعة من نواجه تبعه فشل في اختيار الدوات الصحيحة تبعه اضعاف الاحزاب الكانت متبنية ادوات التغيير السلمي, يعنى النتيجة بقت عكسية تثبيت النظام واضعاف المعارضة بالقمع والرشاوي وتجفيف الموارد.
بالنسبة للسؤال نعم كنت عضو بتنظيم الجبهة الديمقراطية حاليا عضو بالحزب الشيوعى ولا داعي للتذكير بان هذا الرأي يخصنى وحدي فخط الحزب الشيوعى وقنوات توصيل هذا الخط معروفة.
اكتفي بهذا لحين عودة
التعديل محاولة فاشلة لاستعدال السطور وعشان اقول ليك متابع موضوعك عن الزول لكن داك انثربولوجي ما عندنا ليهو رقبة |
سأرجع إليك في القريب العاجل وبهدو بعد إذنك... ويسعدني أن أناقشك كما بقية الصحاب في مثل تلك الآراء الصاخبة "الواضحة" وأنا على ثقة بأنها ربما كانت قناعة آخرين من الناس ليس بالضرورة انت وحدك!.
وأتمنى أن يشاركنا كل الصحاب بالممكن من الرأي والرؤى... وكل بطريقته الخاصة ووفق وعيه وشعوره. علنا نصل في المستقبل القريب لخط حاسم مشترك!.
تحياتي لك وللجميع وإلى حين عودة.
محمد جمال
| |
|
|
|
|
|
|
Re: حزب سياسي جديد/ حركة سياسية جديدة! (Re: محمد جمال الدين)
|
يتواصل...
--- لا توجد فكرة واضحة "ناضجة" لإنشاء حزب سياسي بعد ... نحن فقط نفكر معآ بصوت عال و مسموع. طبعآ، من حقنا!. وقد نفعل أو لا نفعل... نحن الشعب!. وإن فعلنا ... نفعل فعلآ عظيمآ تهتز في ثناياه عروش التاريخ وترتج المجرات البعيدة!. وإلا لا!.
| |
|
|
|
|
|
|
Re: حزب سياسي جديد/ حركة سياسية جديدة! (Re: محمد جمال الدين)
|
Quote:
----- Forwarded Message ----- From: essad abdulgadir <> To: "[email protected]" Sent: Sunday, June 17, 2012 12:44 AM Subject:
الاخ محمد جمال علك بخير فيما يخص حزب /حركة سياسية جديدة,, يعني دماء جديدة ,, يعني القواسم المشتركة و الخطاب السياسي الفريد ,,, يعني تغير مفاهيم حقيقي ,,, يعني اسقاط الاقنعة ,, يعني شفافية ,, ويعني بعيد عن العنصرية و امراض القبيلة و يعني الخ ....... ,,,الفكرة جميلة و انا فى انتظار المعجزات . تحياتي اسعاد ,,,
Essad Abdulgadir |
| |
|
|
|
|
|
|
Re: حزب سياسي جديد/ حركة سياسية جديدة! (Re: محمد جمال الدين)
|
Quote: From: Hala Alfeel <@yahoo.co.uk> To: "[email protected]" Sent: Thursday, June 21, 2012 2:05 AM Subject: حزب سياسي جديد/ حركة سياسية جديدة!
صباح الخير استاذ:محمد الفكره استفزتني جدا لمن ما قدرتا انوم
فكره متفائله بس لازم التفاؤل يكون بي واقعيه و وعي ودي اهم خطوه عشان كل زول لما يختار يختار صح وهو واعي وعن قناعه تامه يا واعي لمصلحه البلد او واعي لمصلحتو وبس ,,,وحتصدم لما تعرف انو الناس الواعيه لمصلحه البلد كلهم هاجروا والما هاجر في الطريق للهجره ,,اما الناس الواعيه لي مصلحتها فهي للاسف الماسكه البلد ,,يبقي الخطوه الاولي انا قمتا بيها من شهر 11\2011 وهي نشر الوعي بي حقوقك وواجباتك بالصح والغلط بالمفروض والما مفروض بالحاجات المفروض يعرفا طفل في عمر 5 سنه ..صح هي علي نطاق صغير بمستوي طالبه جامعيه منهكه يالدراسه الا انها جابت نتيجه بسيطه وحركت ساكن بقينا نسال قروش صندوق الطلبه مشت وين ؟؟ وباص الجامعه البودينا المستشفي باعوهو لي منو؟؟والمستشفي دي خصخصوها ليه ,؟؟ واسئله كتيره لي حاجات كل يوم كنا بنمررا عادي بس بقينا نحتجا ونعتصم والحمد لله جابت نتيجه ,,وذاد تفائلي لما لقيتك كاتب الافكار الفكرتا فيها ,,امل كبير يجمع كل البلد بكل الطوائف والاشكال والالوان ويبعد العنصريه والحاجات الما كويسه كلها عشان تبقي بلد كويسه ونعيش فيها صح
,,اكتب لينا عن الوعي وكيفيتو وعن اجابات للاسئله البسيطه البيسالوني ليها الناس البسيطه في فهما وحياتا وكيف اوعي الناس بطريقه اوسع وكيف اخلي كسل الادمغه دا يتزحا عشان لما افكر ما يقولوا لي بتفكري زي الشوعيين..ولما اتكلم ما يقولوا لي بتتفاصحي زي ناس الامه وخليني اقول ليها حركه استناره و وعي وبفكر ليك بي رواقه وارجع اوريك (جيل التسيعنات ح يبدأ كيف)
هاله الفيل شكرا |
| |
|
|
|
|
|
|
|