تخيل مدرب يغير 3 لعيبة مرة واحدة بلعب كاريك طرف يلعب فريق فيهو 3 معوقين وكم لاعب ما لعبوا مع بعض والله مدرب زي ده عمرنا ماشوفناهو وتقولوا لي مافي مؤامرة على سيدا اصلو سيدا ده حاوي يلعب مع فريق ده وعايز نغلب اما الحارس لاتعليق وكاريكا ليه ما لعب قدام الصندوق والله المدرب قاصد اي حركة عمله في المباراة دي
09-24-2012, 06:55 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
غايتو الليلة فداسي اتشتح جنس شتيح لمن آمن ذاتو .. محمد احمد دا مفروض يشطبو ويفتحوا فيهو بلاغ الود دا ناعم زيادة عن اللزوم ... كفاية مهند غارزيتو دا اصلو ما اقتنعت بيهو في يوم من الايام في بعض المواهيم بيقولوا ليك اصلو ما اتغلب مفتكرين سوء حظ المهاجمين بتاعين الفرق الاخرى يُضاف ليهو المباريات المفروض نتغلب فيها كثيرة نجونا بالحظ فقط وليس لغارزيتو اي دخل في ذلك لكن نسوي شنو دي ياها قسمتنا كل مرة الحبشي بيقلبها في المسيد
Quote: غايتو الليلة فداسي اتشتح جنس شتيح لمن آمن ذاتو .. محمد احمد دا مفروض يشطبو ويفتحوا فيهو بلاغ الود دا ناعم زيادة عن اللزوم ... كفاية مهند غارزيتو دا اصلو ما اقتنعت بيهو في يوم من الايام في بعض المواهيم بيقولوا ليك اصلو ما اتغلب مفتكرين سوء حظ المهاجمين بتاعين الفرق الاخرى يُضاف ليهو المباريات المفروض نتغلب فيها كثيرة نجونا بالحظ فقط وليس لغارزيتو اي دخل في ذلك لكن نسوي شنو دي ياها قسمتنا كل مرة الحبشي بيقلبها في المسيد
يا وهبة .. كل ما هم يسجلوا الهلال بسجّل .. دي أعتقد إنها فلسلفة غارزيتو .. وهي فلسفة برازيلية قديمة ... عايز تعرفها أرجع لبرازيل مونديال 82
مُشكلة البرازيل في وقتها كان حارسها شعيرية ...
09-25-2012, 05:17 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
يا ود البشرى ياخ انا خلاص إقتنعت بي نظرية المؤامرة .. دي حاجة مخجلة جدا جدا.. المشكلة ما كانت في يلعب ليهو منو مهاجمين ..المشكلة كانت في إنو يخت هيثم في الجهة الشمال من الملعب!! عارف انا فهمتها كيف المؤامرة دي؟ فهمتها إنو غارزيتو حاول يدمر وينتهي من اسطورة هيثم في الكورة دي..يلعبو شمال ويحجمو ويطييير ليهو كورتو في راسي..بالمقابل يخلي محمد احمد يتألق في الخانة حقت هيثم فيتوهم الجمهور ببتوهان هيثم ونفاد لياقته وتألق شاب يافع جديد إسمه محمد احمد.. بس البرنس ده عندو رب حافظه!!! فشل محمد احمد وسوء مستواه الباااائن خزل غارزيتو وخججل من رووحو لأنو وضح ليهو إنو محمد احمد أسوأ لاعب في المباراة ولو ما استبدلو بيكون سواها ظاهرة .. هيثم مصطفى كان واضح جداً إنو نفذ ليهم العايزنو منو بي حذافيره وقعد ليهم في الجهة الشمال وما اتحرك ليهم منها عشان ما يقولوا ما سمع كلام مدربه.. أها شوف لمن رجعوهو للجهة اليمين من الملعب سيدا عمل شنو؟؟؟؟ وغيير مجرى المباراة كيف؟؟؟ لكن ده كلللو كوم وهذا الإيكانغا كان كوم تاااني!!! الزول ده جزار!!! ما عندو أخلاق بي تعريفة ..ولو منقققطا عدييل الزول ده انا خلاص بطني طمممت منو ..بيضرب بدون أخلاقيات ولا إنسانية..ومفروض ياخد كرت أحمر وكـــف وللأسف يتفو ليهو في وشو!!! ياخ لييي الزول ده كان بيعمل كده؟؟؟؟ دي ما اخلاق كورة الهلال..والزول ما بيشبهنا..يعني حتتتى علاء الدين البيضرب كنا بنلاقي ليهو العذر في الإستفزاز والإحتكاكات المتعمدة معاهو..لكن إيكانغا ده بيضرب ساي وأييي زول وفي أييي مناسبة .. الزول ده شكلو عايز يتشطب بي أييي طريقة ..
09-25-2012, 05:46 AM
tmbis tmbis
تاريخ التسجيل: 10-19-2002
مجموع المشاركات: 24862
Quote: لكن ده كلللو كوم وهذا الإيكانغا كان كوم تاااني!!! الزول ده جزار!!!
يا ود البشرى والمتداخلين .. انا الفترة الاخيرة بقيت بحضر مباريات الهلال بي نظرية المؤامرة .. يعني بحضر مباريات الهلال علشان يخرج الهلال مهزوم او متعادل .. وذلك لغرض في نفسي .. لكن إلى الان .. سوء الحظ الملازم لي مدافعين الخصوم مقابل دفاع الهلال .. بيلعب دورو. انا عايز اعرف يوسف محمد دا امبارح لاعب ليييه .؟ الطاهر حماد دا .. لييه ما تم تبديلو ب يعبدو جابر او اي لاعب آخر .. علما انو الهدف التعادلي انقطعت الكورة من تمريرة لي الطاهر حماد .. من هو ايكانغـا ..؟ انا جيت الليلة عشان افتح بوست احكي عن ايكانغا .. ولقيت عمر ختاهو في علبو .. كل المباريات التي شاهدت فيها ايكانغا لاعب .. اطلاقا ما ارضاني انو شخص يجب ان يكون في تشكيلة الهلال .. وكتبت هنا قبل كدا عنو وعن علاء الدين يوسف انو اصبحو بيدخلو المباريات ومعاهو الكروت في جيوبم .. بعدين بتكلم بي يدينو ويجوط فوق كم ..؟ طوالي في اقرب طيارة يودوهو بلدو .. دي صعبة دي ..؟ غارزيتو إلى الان لم يرضيني كمدرب شاطر .. عجبتني قراءته للملعب في مباراة المريخ .. لكن .. تشكيلة مثل التي لعبت بالأمس .. والله محمد البشر(ي) الفاتح البوست دا كان قعدو هو وطلحة العنصري .. يختو ليهم تشكيلة احسن منها . يا عمر اتفق معاك تماما في الحركة العايز كان يعمله غارزيتو مع هيثم لما ميل بيهو للطرف الشمال .. ياخ دي نفس الحركة بتاعت ناس جمال ابوعنجة مع ادوارد جلدو في الباص بتاع الضهر . امس انا كنت بشوف في الكورة .. وبشوف في هيثم .. عشان اعرف الموهوم منو .. انا واللا غارزيتو ..؟ والرسالة اعتقد انها وضحت بالنسبة لي الناس البتتكلم عن لياقة هيثم وعن انو هيثم انتهى .. وإلخ .. كنت عايز امس اختبر سانية .. وسادومبا وكاريكا بوجود هيثم .. في المنطقة اليمنى .. لكن نقول شنو بس ..؟ ..
09-25-2012, 06:06 AM
فيصل نوبي فيصل نوبي
تاريخ التسجيل: 09-16-2005
مجموع المشاركات: 14194
يظل سيدا هو سيدا كان رضوا ولا أبو غارزيتو ما كان عندو خبر بمواعيد الكورة ياخ كلموهو قالو ليو جيب الما جاهز عندك هسي و تعال و كان ما تمو تمهم بي هيثم دا مؤامرة الشوية دي؟ ياخ دي أخير منها إغتيال الحريري
09-25-2012, 06:19 AM
خالد عبد الله محمود خالد عبد الله محمود
تاريخ التسجيل: 11-28-2004
مجموع المشاركات: 5393
Quote: والرسالة اعتقد انها وضحت بالنسبة لي الناس البتتكلم عن لياقة هيثم وعن انو هيثم انتهى .. وإلخ ..
يا تمبس يعني عايز تقيس كورة فريق الخرطوم الإنهزم من المريخ بالسبعة بإنتركلوب المفروض كان يغلب هلال مريخ ؟!
وعشان المُعادلة دي .. أُطالب بإشراك هيثم مصطفى في جميع مُباريات الممتاز المتبقية ... وعدم إشراكه في المُباريات الإفريقية المتبقية إلاّ في منتصف شوط المباراة الثاني وعلى حسب الحاجة ...
غايتو في فريق مالي إسمو دجوليبا .. هسي هو متصدر المجموعة الثانية في الكونفدرالية ... لو الهلال قابلو من هسّي أمام هيثم مصطفى خياران إمّا الجلوس على دكة الاحتياط أو اللعب بالمنشطات ...
09-25-2012, 07:51 AM
tmbis tmbis
تاريخ التسجيل: 10-19-2002
مجموع المشاركات: 24862
Quote: يا تمبس يعني عايز تقيس كورة فريق الخرطوم الإنهزم من المريخ بالسبعة بإنتركلوب المفروض كان يغلب هلال مريخ ؟!
Quote: أُطالب بإشراك هيثم مصطفى في جميع مُباريات الممتاز المتبقية
Quote: وعدم إشراكه في المُباريات الإفريقية المتبقية إلاّ في منتصف شوط المباراة الثاني وعلى حسب الحاجة
لالا انا بطلت القياسات .. وشكلك يا صبري انك تغالط من اجل المغالطة ليس إلا .. بتذكرني بي النكتة بتاعت القطر الطويل والمصطول .. النكتة الماقاعدة تنتهي ديك .. المرة الفاتت قلت هيثم دا لياقتو زي الزفت .. قلنا اوكي صبري قاعد في محلو في السعودية بيعرف يقيس اللياقة .. مشيناها قلت هيثم انتهى قلنا مالو صبري بيعرف اكتر .. راهنا قلنا عايزين هيثم مصطفى في اقرب مباراة شوط كامل .. جيت عملتها لينا مقارنة .. جراية النملة وطويلة عربية الكارووو ..
Quote: لو الهلال قابلو من هسّي أمام هيثم مصطفى خياران إمّا الجلوس على دكة الاحتياط أو اللعب بالمنشطات
.. والله زي الجمل التكتيكية دي افضل اقراها من اي مشجع مريخي مباشرة مما اقراها من مشجع يعتقد انو هلالي .. يجيد الغلاط من اجل الغلاط .. ..
09-25-2012, 06:37 AM
tmbis tmbis
تاريخ التسجيل: 10-19-2002
مجموع المشاركات: 24862
لا والله يا السني انا تعليق .. بهاء الدين بالمرة لا يصلح حارس مرمى للهلال في كل الأحوال .. اهمها في ظل هذه الفجوة الدفاعية الكبيرة جدا .. في حالة الفجوة الدفاعية والخلل الدفاعي بيكون هناك حارس مرمى دورو مشهود ويقظ ومتابع .. لحدي الآن ولي بكرة ولي بعد بكرة ولي السنة الجاية .. بتكلم عن المشكلة الرئيسية لحارس المرمى في التعامل مع الكرات العكسية .. غلطة كبيرة جدا بيقع فيها المعز محجوب .. جا بيكرر فيها هذا البهاء الدين بالكربون .. التعامل مع الكورة المعكوسة بواسطة (اليد) البعيدة من الزاوية .. بي صورة اوضح .. الكورة معكوسة من الشرق للغرب .. وبي شكل دائري .. هنا اكبر فرصة لازالة الخطر عن الكورة .. هو عن طريق اليد اليمنى في حال انو حارس المرمى طاير للكورة في الهوا .. يا اما احتضن الكورة .. او قام بتحويله لو احتضن الكورة .. كرامة وسلامة .. في حال ابعاد الكورة .. بيكون للكورة عدة احتمالات .. اما تمشي للكورنر بدون اي مشكلة تحصل .. او على اسواء الفروض تخلص بواسطة الظهير الايمن لحال ما يعود الحارس للوضع الطبيعي .. او ينهض من الأرض .. للتعامل مع الكورة حال انو تواطى فيها الظهير .. في حال التعامل مع اليد اليسرى تختلف المعادلة .. لا تخرج الكورة للركنية بشكل كامل .. غالبا .. ترجع الكورة في منطقة ما داخل خط طمنطاشر او خط الستة وتخلق دربكة ربما ينتج عنها هدف او ركلة جزاء على اسواء الفروض .. نفس الكورة التي تعامل معها جمعة جينارو في مباراة المريخ .. وطار في الهوا واستلم الكورة من راس المهاجم لانو طلع بي ميلان صحيح واعتمد على زاوية ايدو اليمين .. وسجل بيها لقطة بهلوانية من اللقطات السهلة جدا لحارس المرمى التي تعمل على تثبيتو .. وتلهب الجماهير وتحد من معدل الكرات المعكوسة من المهاجمين الخصوم .. خوفا من ان تنتهي الكرات العكسية في يد الحارس .. والمعروف ان كتير من المدربين يبنون خططهم على العكسيات العرضية كما فعل فريق الانتركلوب .. ولو كان في بهاء الدين كان انتهت المباراة على اسواء الفروض .. بخمسة عشرة اهداف نظيفة نفس الكورة التي تعامل بيها بهاء الدين امس بيدو الشمال .. بصرف النظر عن ضعف الدفاع او قوتو .. الهدفين الدخلو مرمى الهلال .. ما بيدخلو .. الأول بسبب تقل بهاء الدين والتمركز الغير سليم .. ولو كان يجيد الطيران للخلف كما يفعل عبد الرحمن الدعيع .. الكورتين ما كان دخلو .. الكورة التانية لو كان سريع في التصرف والخروج من المرمى خاصة مع سرعة حركة المهاجم عنكبة الذي خلق لنفسو مساحات بالجهة اليمنى على وجه الخصوص .. كان من السهل جدا انو يكون نجم المباراة .. فحارس المرمى لما يكون الدفاع بيسرح في منطقة التسلل .. او هناك لاعب مزعج .. لو ما كان في توجيه من الحارس للدفاع .. بيكون للحارس قرايتو الخاصة بيهو للعيبة القدامو بما فيهم دفاعو .. انا ما عارف مدرب الهلال بتاع الحراس دا قاعد يدرب بهاء الدين دا علي شنو..؟ اتمنى الا يتم اشراك بهاء الدين في مقبل المباريات .. واتمنى ان يتصاعد مستوى جمعة .. او على اسوا الفروض يحافظ على المستوى .. المعز مهم وجودو كعامل خبرة مع بعض التحفظات ..
Quote: وتقولوا لي مافي مؤامرة على سيدا اصلو سيدا ده حاوي يلعب مع فريق ده وعايز نغلب اما الحارس لاتعليق وكاريكا ليه ما لعب قدام الصندوق والله المدرب قاصد اي حركة عمله في المباراة دي
والله يا السني...
أول مرة أقتنع قناعة بينة أن المقصود ليلة أمس كان البرنس....
المدرب يريد أن يقنع الجمهور بأي شكل كان أن فريق به البرنس لن ينتصر...
ومع ذلك خزل خزلانا مبينا..
هو فاكر الجمهور دا عندو قنبور...
خلي بالك ناس غارزيتو ديل لا هسي بتعاملوا معانا بي طريقة...(وجرد حملته الي الشام بهدف السيطرة علي الطرق التجاريةللهند)
09-25-2012, 07:31 AM
طلحة عبدالله طلحة عبدالله
تاريخ التسجيل: 09-14-2007
مجموع المشاركات: 18149
غايتو يا صبري يا اخوي تحيير الما بيتحير!!! كدي تعال وريني الفرق شنو بين إنتركلوب والخرطوم تلاتة ؟؟ مع إنو خط وسط الخرطوم تلاتة امبارح كان نشط وحرك أكتر من إنتركلوب.. ولعيبة الخرطوم تلاتة جرو كما لم يجرو من قبل..وتفوقوا على الهلال في معظم فترات المباراة يعني ما كانوا راكنين ومخندقين.. يا صبري عليييك الله سيبك من تفكير العنقالة ده ..انا ما عارفك لعبت كورة ولا لأ..لكن قصة إنو ال11 لاعب يكونو حصين دي إنتهت..وقصة إنو اللاعب مفروض يشرب عصير ليمون ويشتري كيلو طحنية ويتعشا باسطة بي لبن لي كورة بكرة دي إنتهت .. تفتكر بيرلو ده عندو لياقة ؟؟ بيرلو نال جائزة أفضل لاعب في اليورو وهو قدر هيثم وبيتحرك زييي هيثم وبيقوم بي أدوار إمكن أصعب من حقت هيثم ..بيرلو عندو لياقة ؟؟؟ يا صبري تكون زول شاطر تعرف كيف تقدر توظف اللياقة العندك وتتحرك بيها صاح إنت لاعب يمكن أن تلعب 200 دقيقة.. إذا فهمك لي اللياقة قصة يطير ليهو جوز ويفك فيهو ساطور أو يقلع منو كورة فدي ما مهمة هيثم و في لاعبين تانيين بيقوموا بيها..
أخونا عُمر الفاروق .. إنت بتتحدث عن بيرلو في مقارنة مع هيثم مصطفى ... ونحن شفنا اللاعبين الاتنين ديل ومدى قوتهم البدنية .. يعني بيرلو مع عمرو دا بدنياً ممتاز .. هيثم مصطفى مع عمرو دا بدنياً غير ممتاز .. ودا الفرق .. وممكن تلقى لاعب أكبر منهم الاتنين وأفضل منّهم بدنياً .. ودا كلو في المحصلة النهائية ما بكون زي وهم لسة شباب ... يعني يا عُمر عايز تتناول هيثم بدنياً أمسك فيهو هو لأنو بيرلو ما بجي يديهو دفرة ... ياخي بيرلو بلف الميدان كلو .. فهل هيثم مصطفى بلف الميدان كلو ؟
Quote: يا صبري عليييك الله سيبك من تفكير العنقالة ده ..انا ما عارفك لعبت كورة ولا لأ
يا عُمر أيوة ياخ لعبت كورة ولعبت في الهجوم وفي خط الوسط ... وفي الهجوم أكثر ..
09-25-2012, 08:48 AM
Al Sunda Al Sunda
تاريخ التسجيل: 01-18-2005
مجموع المشاركات: 1865
Quote: شكلة ما كانت في يلعب ليهو منو مهاجمين ..المشكلة كانت في إنو يخت هيثم في الجهة الشمال من الملعب!!
Quote: هيثم مصطفى كان واضح جداً إنو نفذ ليهم العايزنو منو بي حذافيره وقعد ليهم في الجهة الشمال وما اتحرك ليهم منها عشان ما يقولوا ما سمع كلام مدربه.. أها شوف لمن رجعوهو للجهة اليمين من الملعب سيدا عمل شنو؟؟؟؟ وغيير مجرى المباراة كيف؟؟؟
بالظبط يا عمر الفاروق هذاما شهدته بالامس وعلقت عليه في ذات اللحظة (وكنت قد طالبت هيثم بالانضباط لكسر ترصد غارزيتو والجمهور كفيل بالباقي ) هيثم نفذ تعليمات المدرب في الابتعاد عن الكرة باللعب شمالا ولعب دون اقتناع بالخانة،و الغريبة ان اغلب الكور كانت بتروح عند محمد أحمد في اليمين اعتقد ات التغيير فرض نفسه في حتة عودة البرنس للوسط خاصة وان مهند كان لا بد من ان يلعب في الشمال ومن ثم لاحظنا رغبة هيثم في اللعب والاداء الجيد الخبر الاغرب في الصحف والمنتديات وشهادة الشهود في الاستاد
Quote: قبل ان يبدا الشوط الثاني لمباراة الهلال والخرطوم امس قام غارزيتو باجراء ثلاث تبديلات دفعة واحدة وذلك باخراج هيثم وعلاء الدين ومحمد احمد وبعد دخول اللاعبين الي ارضية الملعب وهيثم جالس علي كنبة الاحتياطي صاحت الجماهير بصوت واحد سيدا سيدا مما جعل المدرب غارزيتو يمسك بيد هيثم وياخذه الي خط الملعب حتي دخوله الملعب وقام باخراج خليفة بدلا عنه http://www.cover-sd.com/news-action-show-id-26983.htm
يكون الخواجة بلع كلامه بتاع هيثم انتهى ولا شنو ؟؟؟؟؟؟
سلام سيد الخيط وفعلا عنكبه نجم المباراةوليس البرنس رغم الدور المؤثر للبرنس في التعادل
09-25-2012, 08:58 AM
وليد محمد المبارك وليد محمد المبارك
تاريخ التسجيل: 12-04-2004
مجموع المشاركات: 26313
Quote: زول لاعب 6 باصات قون دايرو يعمل شنو تاني ؟!!!
عارف يا وليد انا امس تحديدا الشوط الاول ما كنت متابعو كلو .. لكن الشوط التاني جبت لي قلم وورقة وقعدته عديل قصاد هيثم والحركة بتاعتو قدام راس الخط او المنطقة الما بين السنتر والدائرة الشمسية حقت الطمنطاشر .. ياخ ستة باصات شنو ..؟ عارف انو اقل باص من الباصات الاتلعبت لي الطاهر حماد ولي بكري المدينة .. ياخ والله صبري البغالط دا زاتو كان دخل الشوط التاني بي بنطلونو وقميصو دا كان بجيب ليهو قونين تلاتة .. وكان سلم لي هيثم في راسو .. ..
لابد ان الرسالة تكون وصلت واضحة لي غارزيتو فيما يتعلق بي هيثم .. لو عندو كلام غارزيتو .. يحاول يعالج منطقة متوسط الدفاع .. الربكة الفيها .. وناس ايكانغا ويوسف محمد ديل يوشف ليهم فريق يمشو عليهو .. يجهز صالح الامين .. بشكل جيد وفداسي .. عبد اللطيف بويا متوسط دفاع ما بينفع مع الحركات بتاعت الاستهتار القاعد يعمله لينا الايامات دي ..
يا وليد أخوي .. هيثم مصطفى ما أفضل من مارادونا حتى في صناعة الأهداف ...
سين سؤال: لماذا لعب مارادونا ضد نيجيريا في كأس العالم 94 بالمنشطات ؟ ... ومارادونا في الفترة المذكورة دي كان أصغر من هيثم مصطفى بتاع الليلة يا وليد !!!
ـــــ ما تقول لي قصدي إنّو هيثم بلعب بالمنشطات ... لو رجعت لمُداخلة لي فوق حتلقاني قلت هيثم قدّام فريق زي دجوليبا غايتو إلاّ يلعب بالمنشطات ...
09-25-2012, 09:16 AM
وليد محمد المبارك وليد محمد المبارك
تاريخ التسجيل: 12-04-2004
مجموع المشاركات: 26313
يا وليد ما تلف وتدور ... النجيضة: مارادونا استخدم منشطات ... والمنشطات بتساعد اللاعب بدنياً ... الكلام صاح ولاّ ما صاح ... ما تعملها لي مخدرات وبطيخ ياخ
09-25-2012, 09:20 AM
وليد محمد المبارك وليد محمد المبارك
تاريخ التسجيل: 12-04-2004
مجموع المشاركات: 26313
ما قلت ليك مالديني لعب لما بعد ماردونا وهيثم ولم يستخدمها
اشمعنى ماخد ماردونا كمثال ؟!
طيّب لو رجعت لي ردّي على عمر الفاروق حتلقاني قلت ليهو الكلام دا ضمنياً ... ياخي أقراهو تاني .. ناس بتحب تغالط بس:-
Quote: أخونا عُمر الفاروق .. إنت بتتحدث عن بيرلو في مقارنة مع هيثم مصطفى ... ونحن شفنا اللاعبين الاتنين ديل ومدى قوتهم البدنية .. يعني بيرلو مع عمرو دا بدنياً ممتاز .. هيثم مصطفى مع عمرو دا بدنياً غير ممتاز .. ودا الفرق .. وممكن تلقى لاعب أكبر منهم الاتنين وأفضل منّهم بدنياً .. ودا كلو في المحصلة النهائية ما بكون زي وهم لسة شباب ... يعني يا عُمر عايز تتناول هيثم بدنياً أمسك فيهو هو لأنو بيرلو ما بجي يديهو دفرة ... ياخي بيرلو بلف الميدان كلو .. فهل هيثم مصطفى بلف الميدان كلو ؟
مثالك بتاع مالديني دا أنا أشرت ليهو ضمنياً ولاّ لا يا وليد أخوي ؟!
09-25-2012, 09:33 AM
وليد محمد المبارك وليد محمد المبارك
تاريخ التسجيل: 12-04-2004
مجموع المشاركات: 26313
يا وليد الواحد عشان يظهر بمستواه الأعلى من الآخرين ممكن يستعين بالمنشطات ...
يعني مارادونا 86 هل كان سيكون مارادونا 94
ثمّ ثانياً الإمكانيات البدنية للاعبين بتختلف من لاعب لآخر ... أنا تحدّثت عن هيثم مصطفى الشايفاهو عيوني الاتنين ومجهودو في الميدان شنو اليومين ديل ... المسألة أعتقد إنها ما صعبة كونك تلاحظ لمجهود لاعب في الميدان شنو ... حتقول لي باص باصين ... طيّب لمّا وسط ميدان يميل والخصم يدّكك بخمسة أقوان مثلاً .. أها هنا الباص والباصين حيفيدوك بي شنو ...
ـــــ على حسب كلام وليد وعمر الفاروق أطالب بعودة طارق أحمد آدم ومجدي مرجان لدفاع الهلال المافي شنو على قول قيقا ؟
09-25-2012, 09:53 AM
وليد محمد المبارك وليد محمد المبارك
تاريخ التسجيل: 12-04-2004
مجموع المشاركات: 26313
يا وليد ياخ .. أنا هيثم برضو شفتو من زمان .. زي ما شفت لاعبين كُتار .. وشُكراً له لأني أفنى زهرة شبابه في الهلال ولما قدّمه إن حقق إنجازات أو لم يحقق ...
Quote: كان كده ما شفتو لو كنت بتعتقد انو هيثم بقدر مجهود بدني اكتر من البقدمو هسع
هيثم بقدم مجهود فكري من ما بدى الكورة وما عنده اى انجاز على مستوى البدن واللياقة طيلة مسيرتو
أنا ما عارف إنت المجهود البدني دا أخدتو بياتو معنى ... أديتني إحساس إنو مُصارعة وكدا ... ياخي حركة ساي في الميدان ينزل يشيل الكورة من مربع 3 و 4 وعفيتو من مربع 1 و 2 ومن ثمّ يتمرحل على حسب الكرة لمربعي 5 و 6 ويشارك المهاجمين في مربعي 7 و 8 والكلام دا بكون في همّة ونشاط ... أنا أوّل كورة أشاهدها لهيثم مصطفى على الطبيعة في منتصف تسعينات القرن الماضي باستاد الهلال وكانت ضد هلال بورتسودان .. أها الهمة والنشاط الكتبتها ليك حسب المربعات دي اليوم داك طبّقها ...
لو بتتحدّث عن استخلاص الكرة من الخصم دي مسألة نسبية .. وشاهدت كثير من الحالات هيثم بيقلع فيها الكورة من الخصوم ...
فيا وليد باختصار حركة هيثم في الميدان اليوم ما زي زمان ياخ ...
وحتى لو لم يُشارك هيثم في خراب أو استخلاص الكرة كان برجع ويعمل تشويش .. يعني لمّا تقيف قدّامي ساي بتشوش لي وما بقدر ألقى خيارات كتيرة عشان أمرر الكرة ...
09-25-2012, 10:52 AM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
انا كنت وين ... على كل حال السلام والتحايا للجميع هنا وقرينا ليكم كاننا كنا في قلب الملعب
Quote: فيا وليد باختصار حركة هيثم في الميدان اليوم ما زي زمان ياخ ...
وبما انا كرة القدم تعتمد على المجهود اكيد الحركه تختلف من زمان ولكن لاتنسى الكابتن هيثم مصطفى ذكي جدا يعرف كيف يتحرك حسب لياقته وحتى لو في مدرب شاطر طال ما وجوده مهم مفروض يعرف مين يكون بالقرب منه ومتي يدخله الملعب
09-25-2012, 01:06 PM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
صبري إنت عايز شنو عشان اقدر أحددا معاك بالضبط؟ كدي شوف ياتا في ديل بتوفي مطالبك وانا بديك عليها أمثلة.. 1- هل إنت عايز مثال لي لاعب عمره تجاوز ال34 سنة وقليلوني وحركتو محدودة في الميدان وبيلعب أساسي وشوطين كاملات وهو نجم؟ 2- هل إنت عايز مثال لي لاعب عمره 25 سنة وعنقالي وجسمه حيطة وما بيقدر يلعب شوطين ؟؟ 3- هل إنت عايز مثال لي هيثم مصطفى وكوره اللي لعبها في التسعينات وتثبت ليك إنو هيثم معظم مبارياته كان بيأديها بي نفس هيثم 2012؟ 4- هل إنت عايز مثال لي هيثم وهو بيلعب في 2012 مباريات بروح ولياقة لاعب عمره 20 سنة ؟؟
بالمناسبة وليد المبارك ده لعب قدام هيثم عدييل يعني شوف عين وجوة الميدان ما زيينا شوف تلفزيون واستاد!!! ومقارنته مقارنة زول عارف ..وأكد ليك هيثم زمان قريب جداً من هيثم أسة.. وبالمناسبة التانية تجمعني صلة قرابة بي حمد كمال وعايشت الفترة بتاعت حمد وهيثم مصطفى أيام كانوا فرد وما بيتفارقو وشوفت هيثم في شباب شباابه وهيثم أسة ..وانا بأكد ليك هيثم زمان قريب من هيثم أسة.. بالمناسبة التالتة تمبس ده برضو حارس مرمى وبيشوف الميدان كلو ال 21 لاعب وبيقدر يفرز منو القطع من منو الفرفار .. ديل تلاتة ادوك ليها من وجهات نظر مختلفة وانت للاسف بتقول ليك في كلام انا بعتبرو كلام ساااي .. بالمناسبة برضو انت فاهم قصة المنشطات دي غلط ويا قول الفلاتي الجابو ليهو الفياغرا يبلعا قال ليهم دي مهدئ ولا شنو ؟ :) يا صبري المنشطات ما عندها علاقة بي العمر ..وما شرط يتم الكشف عن المنشطات لي زول فوق ال30 سنة.. بالمناسبة ماردونا منشطاته كانت لعبة كبييرة جداً وإتورطت فيها عصابات مافيا وشغلانات كنت متخيل إنك عارفها بس يبدو إنك ما متابع !!! وعليييك الله كان تمشي تقرا لي قوقل وتجي تلصقو لي هنا فيما يتعلق بي ماردونا..الرسول فييك :)
Quote: 1- هل إنت عايز مثال لي لاعب عمره تجاوز ال34 سنة وقليلوني وحركتو محدودة في الميدان وبيلعب أساسي وشوطين كاملات وهو نجم؟ 2- هل إنت عايز مثال لي لاعب عمره 25 سنة وعنقالي وجسمه حيطة وما بيقدر يلعب شوطين ؟؟ 3- هل إنت عايز مثال لي هيثم مصطفى وكوره اللي لعبها في التسعينات وتثبت ليك إنو هيثم معظم مبارياته كان بيأديها بي نفس هيثم 2012؟ 4- هل إنت عايز مثال لي هيثم وهو بيلعب في 2012 مباريات بروح ولياقة لاعب عمره 20 سنة ؟؟
نمرة (1) عادي جداً تجيب لي مثال لي لاعب فوق الأربعين ... حديثي معاك عن هيثم مصطفى وليس عن اللاعب القليلوني بتاعك دا ... نمرة (2) ما حتفيدني بي حاجة .. ونمرة (3) ممكن جداً هيثم يكون كعب جداً في مُباراة زيّو وزي غيرو ولو ولدوهو الليلة ...
بالنسبة لي نمرة (4) أها شُفت هنا يعني الفهم حيكون شنو مثلاً ؟ يعني ماشي تجيب لي مُباريات لي هيثم لعبها في مواسم سابقة ونحن بنتكلم عن هيثم بتاع اليوم !!! وحتى ولو اقتنعت بمبارياتك العايز تجيبها لي كمثال عشان تشفع لي هيثم ولو الموسم دة ولو كانت مُباراة أمس واحدة منهن يعني بتاعة هيثم الليلة ... فهل المُباريات دي بتعبّر بيها عن موسم كامل يعني مثلاً 20 مباراة كاملة هيثم قام بالمطلوب على أكمل وجه ... فهيثم قد يكون نجم في مُباراة وكعب في تلاتة بعدها .. وقد يكون نجم لدقيقة واحدة بس بتمريرة بتاعة قون ... ولكن بالمقابل يكون عالة على خط الوسط وبسبب العالة دي يخسر الهلال بثلاثة أهداف ...
مثال: لم أرَ تشافي هيرنانديز سيئاً طيلة مُباريات برشلونة لهذا الموسم (شفت قطعتو معاك ناشف كيف ؟) وحتى لو جينا حسبنا مُبارياته السيئة لن تتعدّى أصابع اليد الواحدة هذا إذا استطعنا تصنيفه كسيء ...
وعشان أقطعو معاك ناشف تاني يا عمُر حيجي اليوم الذي أُطالب فيه ويُطالب فيه البعض بعدم إشراك تشافي (الشبهت هيثم مصطفى عليهو) أساسياً في برشلونة ... مُشكلتك يا عُمر عشقك لي هيثم عايزو يلعب على طول وناسي حتّة مهمة جداً وهو لا بد من اتبّاع سياسة الإحلال والإبدال عشان المدرّب يجهّز لينا بديل هيثم بمعنى لن يكون هيثم أساسياً في كل المباريات .. وفوق لي دة ما تنسى رغبة المدرّب وخيارات خطتو البتعتمد على ثلاثة مُهاجمين ... ياخي دي مُعادلة بسيطة جداً وما مُحتاجة تفكير كتير ... خطة بتعتمد على ثلاثة مُهاجمين لمّا تضيف ليهم لاعب وسط غير متحرك وما بقالع الكورة معناها خلّيت كم لاعب في الوسط أمام وسط الخصم يا عُمر ياخ ...
عايز هيثم يلعب معناها بتحتاج إنّو تلعب بمهاجمين فقط ... وغارزيتو عايز تلاتة مهاجمين ... أها الحل شنو ؟ يذهب غارزيتو يعني عشان هيثم يلعب أساسي .. ولاّ يغيّر خطتو .. ولاّ الفهم شنو ياخ ؟!
إذا قُلت يغيّر خطتو .. خلاص يا عُمر يذهب غارزيتو وتعال إنت أمسك الهلال ياخ
09-25-2012, 01:14 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
هلا بالشباب هلا والله والله يا خوانا كلام انو في مؤامرة على هيثم للدرجة التخلي مدرب يلعب بتشكيلة تكاد تطيح بفريقه ما قادر اصدقه أو اتخيل امكانية حدوثه حتى و بالذات من مدرب أوروبي و محترف مفروض ما يفكر بالعقلية الساذجة دي لكن اهو احنا بعيدين من الأحداث و الكواليس وما عارفين حقيقة الحاصل هناك شنو ولأي درجة تدهورت العلاقة بين المدرب و هيثم فما في شي مستبعد لكن اتفق مع الجميع على خلل التشكيلة و قبل أن احكم اتمنى قراءة تبرير غارزيتو ليها
بالنسبة لإيكانغا حقيقة خذلنا فيه لما تجيب محترف تتوقع منه افضل من لعيبتك المحليين في كل شي واولها الإنضباط اما يوسف محمد فياهو دي حالتو من بداية الموسم وقنعنا من خيرا فيه لكن ما أحزنني بالجد فهو ما آل إليه حال علاء الدين علاء دا جمل شيل الهلال وكم وكم شال النص و الدفاع وأحيانا الهجوم بحماسه واداؤه القوي المسؤول من كورة القمة و الملصة الملصها لمصعب وكادت تودي بينا ومباراة الأمس الما قادر لا يطلع فيها باص صاح اوحتى يحتفظ بكورتو حكاية محزنة بحق اتمنى انو يقيف مع روحه ويراجع اداؤه حبنا لعلاء لا يقل عن هيثم و بسبب الحب دا يغفر له الجمهور تهوره و انفعاله بل وحتى خروجه عن الأخلاق الرياضية لكن مستواه دا ح يخرجو من قلوب الجمهور مرة واحدة وللابد
Quote: والله يا خوانا كلام انو في مؤامرة على هيثم للدرجة التخلي مدرب يلعب بتشكيلة تكاد تطيح بفريقه ما قادر اصدقه أو اتخيل امكانية حدوثه حتى و بالذات من مدرب أوروبي و محترف مفروض ما يفكر بالعقلية الساذجة دي لكن اهو احنا بعيدين من الأحداث و الكواليس وما عارفين حقيقة الحاصل هناك شنو ولأي درجة تدهورت العلاقة بين المدرب و هيثم فما في شي مستبعد
يا ود البُشرى إنت مشيت في الطريق الصاح .. وحأحسبها معاك يعني حنتخيّل مدرّب عشان يثبت إنّو هيثم فاشل يقوم يضيّع الدوري الممتاز ... غايتو إلاّ بلعب بالسحر وضامن بقية المُباريات ... حاجات زي دي بتذكرني "الحُجا بتاع الحبوبات زمان والغول والمرفعين والحاجات المن النوع دة" ... مؤامرة شنو ياخ وبطّيخ شنو .. حاجة بديهية المدرّب يُريح بعض اللاعبين ويُشرك هيثم عشان يجهزّو للمُباريات القادمة ... حينط لي واحد يقول لي لعبو بالشمال .. ياخي فلسفة المدرّب احتمال عايز يجهزو عشان يشركو في مُباراة إفريقية هامة في المركز دة ويستغنى عن لاعب بيلعب فيها حالياً ...
Quote: بالنسبة لإيكانغا حقيقة خذلنا فيه لما تجيب محترف تتوقع منه افضل من لعيبتك المحليين في كل شي واولها الإنضباط اما يوسف محمد فياهو دي حالتو من بداية الموسم وقنعنا من خيرا فيه لكن ما أحزنني بالجد فهو ما آل إليه حال علاء الدين علاء دا جمل شيل الهلال وكم وكم شال النص و الدفاع وأحيانا الهجوم بحماسه واداؤه القوي المسؤول من كورة القمة و الملصة الملصها لمصعب وكادت تودي بينا ومباراة الأمس الما قادر لا يطلع فيها باص صاح اوحتى يحتفظ بكورتو حكاية محزنة بحق اتمنى انو يقيف مع روحه ويراجع اداؤه حبنا لعلاء لا يقل عن هيثم و بسبب الحب دا يغفر له الجمهور تهوره و انفعاله بل وحتى خروجه عن الأخلاق الرياضية لكن مستواه دا ح يخرجو من قلوب الجمهور مرة واحدة وللابد
عارف يا ود البُشرى في جانب نفسي مُهم خالص في المُباراة دي وهو إنو الهلال دخل المُباراة دي وفي رأس لاعبيه يُعشعش فوز المريخ على الخرطوم بالسبعة ... من المُنطلق دة يا ود البُشرى ما هو توقعك لنسبة اللعب بجدّية عالية للاعبي الهلال ؟ مثال لعدم الجدّية: قون الخرطوم الأول (ياخي التقول الناس ديل في تمرين)
Quote: والله يا خوانا كلام انو في مؤامرة على هيثم للدرجة التخلي مدرب يلعب بتشكيلة تكاد تطيح بفريقه ما قادر اصدقه أو اتخيل امكانية حدوثه حتى و بالذات من مدرب أوروبي و محترف مفروض ما يفكر بالعقلية الساذجة دي
أنا شخصيا مقتنع يا ود البشري فهيثم فرضته الجماهير علي غارزيتو وسبق أن مرقنو كرعيه من نفس الجماهير
وهو يعلم بأن الفرق في النقاط في الدوري بينه وأقرب منافس تجعله يعمل مناورة لتنفيس غضبة هذه الجماهير باشراك هيثم مع مجموعة ...لو لعبت يومين لن تنتصر...
وأنا شخصيا من شفت الطاهر حماد وبكري المدينة عرفت الموضوع فيه غرزتة
والاتنين ديل بالذات لا يشبهوا الهلال أبدا...
أما الدفاع فقد تعمد غارزيتو جهجهته...بحيث يرهق لاعبي الوسط ويترك هيثم لايصا...ومشبوح لا لامي جاي لا جاي...
ومع ذلك خزله هيثم... بحرفنته...التي أفشلت خطة غارزيتو بتقديمه لتابلوهات وباصات قاتلة...شفناها وشافها كل الجمهور الذي هتف مجددا بعدم إستبداله...في الشوط الثاني وأجبر غارزيتو علي تقديمه حتي خط التماس....ليلعب شوطي المباراة...
ولو بدل غارزيتو اللاعبين المهاجمين داخل الملعب... بدخول كاريكا الي العمق...او ناحية الشمال ...مكان الطاهر لاحرز الهلال اربعة أهداف مضمونة....فهيثم جدع لبكري والطاهر أكثر من اربعة باصات أهداف...لو كان جدعن لي النعام آدم الله يرحمو كان أحرزن بإرتياح...
09-25-2012, 01:50 PM
محمد البشرى الخضر محمد البشرى الخضر
تاريخ التسجيل: 11-14-2006
مجموع المشاركات: 28869
يا صبري و يا نزار انا وانتو و تقريبا اغلب المتداخلين هنا عدا وهبة و الشفت قاعدين بعيد ومصدر اخبارنا هو الصحف و المنديات برواية تانية هي رؤية و إنطباع الصحفي او الزول الكتب الكلام فا صعب نقطع برأي ممكن غارزيتو فعلا يكون قعادو الطويل في افريقيا خلاه يتأثر بعقليات العالم التالت ويفكر بالطريقة الغبية دي وممكن وجهة نظر صبري تكون سليمة وتبريراته لسوء الأداء مقنعة - وإن كان يا صبري خلل التشكيلة و تغيير خانة هيثم تبريرو صعب النصيحة ليك يا الله و أخاف يا نزار بترديدنا لكلام المؤامرة دا نخلقها من مافي و يصدقها هيثم و المدرب وتبقى حقيقة واقعة فا أحسن ننتقد الحاجة الفنية و نستنى كلام غارزيتو أكيد ح يكون معاه لقاءات في الصحف - بعد الهجوم المتوقع عليه - و ح يدلي بوجهة نظرو يا اقنعنا يا كمان ندعي الله قبل كورة الأهلي شندي المفاوضات تكون خلصت عشان الريّس يفضى لينا و يتدخل في وضع التشكيلة السليمة :)
Quote: وممكن وجهة نظر صبري تكون سليمة وتبريراته لسوء الأداء مقنعة - وإن كان يا صبري خلل التشكيلة و تغيير خانة هيثم تبريرو صعب النصيحة ليك يا الله
يا ودُ البشرى يا حبوب .. بدون تعصّب لي رأيي ... (وعشان ما أضرب ليك مثال بي ناس برشلونة حأكون معاك في ملاح ويكتنا دي بس) خيارات لاعبي الوسط المُتاحة للتشكيلة الأساسية للمُباريات القوية القادمة:-
1- عمر بخيت 2- علاء الدين يوسف 3- إيكانغا 4- مهند الطاهر 5- نزار حامد 6- هيثم مصطفى
أنا كتبت ليك الستة ديل وممكن نضيف عليهم محمد أحمد لكن خلينا في الستة ديل ... إنت كمدرّب مثلاً غير مقتنع بإشراك هيثم كأساسي في خانته المعروفة .. مُش بتحاول تلقى ليهو خانة تناسب خطتك ...
البدعم كلامي دة إنّو فعلاً غارزيتو استبعد هيثم من التشكيلة الأساسية في مُباريات سابقة .. وبحاول يجربو في خانة قد يُشركه فيها في مُباريات قادمة ... عشان تحصل التوليفة البتناسب خطتو الهجومية .. بمعنى إذا كان الجهة اليُسرى قاعد يلعب فيها مهند الطاهر مثلاً يقوم يجلس مهند احتياطياً ويُشرك هيثم ... وهكذا ... ياخي ما تصعّبوها .. لو غارزيتو قاصد الحاجة الإتكلمو عنها الناس لاستمر هيثم في اللعب في الجانب اليسار إلى نهاية المُباراة دي خت تحتها خطّين يا ود البشرى ياخ ...
ونرجع للستة الفوق ديل يا ود البُشرى .. عايزين منّهم ثلاثة لاعبي وسط ... طبعاً لاعب الارتكاز حتكون بين اتنين عمر بخيت وعلاء الدين يوسف ...
باقي خانتين في وسط الملعب وهو الجانب الأيمن والجانب الأيسر (وشوف باقي كم لاعب) أربعة لاعبين يا ود البشرى ... وبرضو تقولوا لي غارزيتو ما يجرّب هيثم بالجهة اليسرى ...
Quote: وبما انا كرة القدم تعتمد على المجهود اكيد الحركه تختلف من زمان ولكن لاتنسى الكابتن هيثم مصطفى ذكي جدا يعرف كيف يتحرك حسب لياقته وحتى لو في مدرب شاطر طال ما وجوده مهم مفروض يعرف مين يكون بالقرب منه ومتي يدخله الملعب
يا وليد عبداللطيف .. كويس أخونا عُمر الفاروق ذكر إنّك لاعب كورة ولعبت ضد هيثم واحتمال أفضل منه ... أها أجيك ياخ ... غارزيتو بيلعب بتلاتة مهاجمين ...
يلاّ يا حبيب أشرح مع الثلاثة المُهاجمين ديل وسط ملعب الهلال حيكون فيهو كم في ظل عدم وجود لاعب متحرّك ولا بقالع زي هيثم مصطفى ؟!
عندك مهنّد الطاهر قريب من هيثم في عدم المُقالعة دي ... مهنّد اليوم وهيثم اليوم من ستُشركه أساسياً ...
لو قلت بالتناوب شوط شوط تكون حلّيت المُشكلة ياخ
09-25-2012, 02:39 PM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
Quote: غايتو إلاّ بلعب بالسحر وضامن بقية المُباريات ...
Quote: ياخي فلسفة المدرّب احتمال عايز يجهزو عشان يشركو في مُباراة إفريقية هامة في المركز دة ويستغنى عن لاعب بيلعب فيها حالياً ...
الله بيسألك يا صبري في زول بيولف ليهو لاعب ويجهزو في خانة جديدة في بطولة مهمة زي دي في دور متقدم زي ده ؟؟ يعني بالله تقنعنا إنو ما بيلعب بي السحر في الدوري الممتاز وتقنع روحك بي سحرو ده في البطولات الأفريقية في الأدوار دي؟؟؟ حاجة تانية يا صبري مفروض تعرفهاوانا والله ما عايزك تزعل مني بس برضو ما بكضب عليك عايزك تستفيد مني :)
Quote: عارف يا ود البُشرى في جانب نفسي مُهم خالص في المُباراة دي وهو إنو الهلال دخل المُباراة دي وفي رأس لاعبيه يُعشعش فوز المريخ على الخرطوم بالسبعة ...
هاك المعلومة المجانية واللي مفروض تكون عارفها كهلالابي ..لو في عشعشة لي لاعبي الهلال فهي ليست مباراة المريخ والخرطوم..العشعشة ببساطة هي إنو الخرطوم تلاتة طيييلة مشاركاته ضد الهلال ما حصل على نقطة واحدة من الهلال تقريباً..أكتر من جغلومية مباراة والهلال بيضرب الخرطوم تلاتة للدرجة اللي شككت كل المريخاب!!!! ياخ الزهرة أم مقد ممكن تتعادل مع الهلال وتشيل نقطة لكن الخرطوم تلاتة ما حصل عملتها مع الهلال لو ما خانتني الذاكرة !!! المريخ يغلب 7 يغلب 12 دي اصصصلو ماشغلتنا ولا ده فهم لاعبين الهلال ... امسك في كلامي ده قوي والله يا صبري وصدقني ..
نجي لي اللستة حقتك بتاعت لاعبين الوسط دي .. إنت يا أخوي فهمك لي اللاعب بي اللون والشناة ولا شنو ؟؟؟؟ يعني ببساطة لو سألتك في اخر مباريات شارك فيها هيثم علاء الدين إيكانغا ممكن توريني منو اللي ظهر بي صورة ممتازة ومنو اللي ظهر بي صورة سيئة؟؟؟ يعني ليي علاء الدين وايكانغا يشاركوا اساسيين في المباريات القوية وهم اللي بيقدموا مردود أسوأ من سيئ بينما هيثم وعلى قدر الظهور البيظهرو بيقدم مردود ممتاز يقعد كنب؟؟؟ بعدين والله ود البشرى ده جاملك سااي عشان هو سيد البوست لكن قصة التوليفة دي كلام زول مش ما بيفهم كورة لالالالا ده كلام زول خيااالي وممكن يتفوق على اسامة انور عكاشة وعااادي يكتب ليهو مسلسل..ياخ انت خيالك خصب والله يا صبري.. قلت لي توليفة ؟؟ عارف يا صبري وبدون كبير اجتهاد وعشان ما ترهق روحك تشكيلة الهلال المثالية في ظل اصرار غارزيتو على اللعب بي تلاتة مدافعين هي إنو يخلي ناس الهجوم زيي ما هم كاريكا سانييه سادومبا..يخلي ناس الدفاع زييي ما هم ..وفي الوسط يلعب علاء الدين وعمر بخيت وهيثم والمفاضلة في التبديلات تكون فقط بين نزار و مهند.. اااز سيمممبل اااز زات ..دي ما عايزة اييي تنظيرة ولا توليفة ..
Quote: الله بيسألك يا صبري في زول بيولف ليهو لاعب ويجهزو في خانة جديدة في بطولة مهمة زي دي في دور متقدم زي ده ؟؟ يعني بالله تقنعنا إنو ما بيلعب بي السحر في الدوري الممتاز وتقنع روحك بي سحرو ده في البطولات الأفريقية في الأدوار دي؟؟؟
يا ود الفاروق ياخ .. حتة السحر دي عشان تقتنعوا إنو مافي حاجة إسمها نظرية المؤامرة في كورة الخرطوم .. غايتو ممكن تقنع العالم كلو إلاّ انا القدّامك دا من دون خلق الله ... بالنسبة للتوليفة .. عادي ياخ .. هيثم ما لاعب الليلة ولا أمس .. عندك فابريقاس أصغر من هيثم بكثير .. ياخي في كل مُباراة بنلقاهو لاعب في خانة لدرجة مرّة لعب رأس حربة عديل وهو لاعب وسط ياخ ... (مرة بتلقاهو في خانة تشافي ومرّة في خانة إنييستا ومرّة في الجناح الأيمن ومرّة الأيسر) ... لو مُتابع طبعاً ... (معليش مرقتني برّة ملاح ويكتنا) ... وزي ما قُلت ليك ما تصعّبوها دا مدرّب أجنبي ياخ دا ما مازدا يا عمُر ياخ ... احتمال ما عايز يُشارك بمهند أساسي وعايز يُشارك بي هيثم مكانو وعايز نزار حامد في الجهة اليمين أو قل كما اقترحت إنت يكون عايز علاء الدين يوسف أو عمر بخيت في الجانب الأيمن ...
Quote: حاجة تانية يا صبري مفروض تعرفهاوانا والله ما عايزك تزعل مني بس برضو ما بكضب عليك عايزك تستفيد مني :)
غايتو أنا كان مفروض ألعب في المريخ العاصمي (رغم هلاليتي) ... إنت لعبت وين ؟
Quote: هاك المعلومة المجانية واللي مفروض تكون عارفها كهلالابي ..لو في عشعشة لي لاعبي الهلال فهي ليست مباراة المريخ والخرطوم..العشعشة ببساطة هي إنو الخرطوم تلاتة طيييلة مشاركاته ضد الهلال ما حصل على نقطة واحدة من الهلال تقريباً..أكتر من جغلومية مباراة والهلال بيضرب الخرطوم تلاتة للدرجة اللي شككت كل المريخاب!!!! ياخ الزهرة أم مقد ممكن تتعادل مع الهلال وتشيل نقطة لكن الخرطوم تلاتة ما حصل عملتها مع الهلال لو ما خانتني الذاكرة !!! المريخ يغلب 7 يغلب 12 دي اصصصلو ماشغلتنا ولا ده فهم لاعبين الهلال ... امسك في كلامي ده قوي والله يا صبري وصدقني ..
طيّب يا عُمر لو مسكت كلامك دا مُش ياهو نفس خطي الأنا مشيت عليهو بغض النظر عن العشعشة دي مصدرها شنو ؟ وبرضو حتة إنّك تلعب ليك مع فريق الأسبوع دا والأسبوع القبلو خسر بسباعية أكيد بتأثّر .. وفي دي عليك الله ما تكابر ياخ ....
Quote: نجي لي اللستة حقتك بتاعت لاعبين الوسط دي .. إنت يا أخوي فهمك لي اللاعب بي اللون والشناة ولا شنو ؟؟؟؟ يعني ببساطة لو سألتك في اخر مباريات شارك فيها هيثم علاء الدين إيكانغا ممكن توريني منو اللي ظهر بي صورة ممتازة ومنو اللي ظهر بي صورة سيئة؟؟؟ يعني ليي علاء الدين وايكانغا يشاركوا اساسيين في المباريات القوية وهم اللي بيقدموا مردود أسوأ من سيئ بينما هيثم وعلى قدر الظهور البيظهرو بيقدم مردود ممتاز يقعد كنب؟؟؟ بعدين والله ود البشرى ده جاملك سااي عشان هو سيد البوست لكن قصة التوليفة دي كلام زول مش ما بيفهم كورة لالالالا ده كلام زول خيااالي وممكن يتفوق على اسامة انور عكاشة وعااادي يكتب ليهو مسلسل..ياخ انت خيالك خصب والله يا صبري.. قلت لي توليفة ؟؟ عارف يا صبري وبدون كبير اجتهاد وعشان ما ترهق روحك تشكيلة الهلال المثالية في ظل اصرار غارزيتو على اللعب بي تلاتة مدافعين هي إنو يخلي ناس الهجوم زيي ما هم كاريكا سانييه سادومبا..يخلي ناس الدفاع زييي ما هم ..وفي الوسط يلعب علاء الدين وعمر بخيت وهيثم والمفاضلة في التبديلات تكون فقط بين نزار و مهند.. اااز سيمممبل اااز زات ..دي ما عايزة اييي تنظيرة ولا توليفة ..
تشكيلة الوسط بتاعتك دي أيوة تنفع لكن لمّا نرجع بكبسولة الزمن للوراء أيام هيثم هيثم وعلاء الدين علاء الدين وعمر بخيت عمر بخيت ... دوام الحال من المحال يا عُمر .. والمردود بتاع اللعيبة ديل ما زي زمان .. وزي ما قالت أم كلثوم: وعايزنا نرجع زي زمان .. قول للزمان إرجع يا زمان
ولمّا الزمان يرجع زي زمان .. طارق أحمد آدم ومجدي مرجان حيلعبوا ويحلو المشكلة ياخ
ياخي منتخب البرازيل ما زي زمان .. وناس عايزة تعيش في الماضي ... رونالدينيو عمره 33 سنة تقريباً .. وليس له مكان في التشكيلة الأساسية وكذلك كاكا وروبينيو ...
تحياتي يا كمال ... ومُشكلة الهلال الحالية هي زحمة اللاعبين الممكن يلعبوا .. يعني الخيارات كتيرة .. تختار دا يقولوا ليك لا كان تختار دا تختار الهم عايزنو يرجعو ليك لي زولك الأول ويقولوا ليك ليه كان تختارو ... دا جمهور كُرة سودانية يا حبيب ...
بالنسبة لي تشكيلتك ...
الهجوم .. مافي كلام .. بشرط مُساندة الأطراف للوسط والدفاع ... يعني سادومبا وكاريكا ...
بالنسبة للدفاع (غايتو شوف ليك حاوي يحل مشكلتو) أنّا دا برّة
بالنسبة للوسط: عمر بخيت دا أشحنو لياقة ويكون أساسي
ولو المُباراة دفاعية يلعب علاء الدين يوسف على يمين الوسط ... ولو هجومية يلعب مهند الطاهر (طبعاً حتستغرب من حتة زول شمال يلعب كيف يمين) عشان يكسر بالكرة ويهدّف في مدرّبين كتار بعتمدوا على الحاجة دي ...
الجنبة اليسار تكون بين إيكانغا ونزار حامد (غايتو نزار حامد دة) مفروض يلعب وما يطلع إلاّ يصيبه الإرهاق وعلى العموم تبديل مركز اليمين واليسار في الوسط خلال المُباراة وعلى حسب مجرياتها ومتطلباتها وبرضو بتفيد في هروب مهنّد من المراقبة حتى يتمكّن من إيجاد فرص للتسديد خارج المنطقة ...
هيثم مصطفى يمكن يدخل بديل لمهنّد الطاهر ... والاتنين ليقاتهم نص كم (يعني يتشايلو المباراة) ...
خليفة خليهو مع الدفاع صعب يلقى خانة في الوسط ...
تحياتي ،،،
09-25-2012, 05:24 PM
Ashraf el-Halabi Ashraf el-Halabi
تاريخ التسجيل: 10-08-2006
مجموع المشاركات: 5508
ههههههههههه يا ود الفاروق بتبالغ مجاملة شنو انا صبري دا قلت لي من زمان جيت لقيتنا كبرنا و بقى ما عندنا حيل للغلاط صبري مقتنع انه لا توجد مؤامرة ودا من حقه و منطقي وانا اتمنى من كل قلبي ان يكون على حق وإلاّ الوضع ح يكون صعب بل ومستحيل عديل كدا الاستمرار لكن يا صبري استمت عشان تثبت انو غارزيتو محق في التشكيلة ودي انا ما معاك فيها أوكي قلنا مافي مؤامرة ودي تشكيلته لكنها تبقى تشكيلة خاطئة و بها خلل في خطوطها التلاتة والحكاية دي كانت واضحة لدرجة المحللين في الاستديو علقوا عليها قبل بداية المباراة بمجرد علمهم بالتشكيلة و تأكد بالفعل من الدقيقة الأولى لإنطلاقة المباراة
يا حلبينا نعم تجهيز البدائل مهم لكن ما بالطريقة دي, حتى في موضوع البدائل اختياراتو كانت فظيعة يعني يوسف محمد متوقف كذلك صالح الأمين ليه ما يلعب صالح على الأقل ما كان وقف يتفرج في القون الأول ياخي في لقطة كدا يوسف دا مصنقع يعاين للكورة المعكوسة كأنو واحد من الجمهور ولا هاميه ولا كلف خاطرو ساي يجري على المهاجم الأصلا هو خلاه وراه بالنسبة للهجوم سانيه وسادومبا الاتنين مصابين لكن كاريكا كويس ما في داعي الخط كلو يكون بدلاء كان ممكن يجرب واحد ورا التاني
يا منتصر ياخي ما تبالغ هيثم ما بتدوروه ما قلنا شي لكن كمان خافوا الله فوقو, اعتذار شنو ومسؤولية اخلاقية شنو لجنة طويلة عريضة حكام ومدربين و اعلاميين وبتاع اختاروا يجاملوا رئيس الجمهورية :) ديل كلهم خليتهم - بي الريّس - ومسكت في هيثم
09-25-2012, 09:35 PM
منتصرمحمد زكى منتصرمحمد زكى
تاريخ التسجيل: 11-04-2009
مجموع المشاركات: 4045
الريّس ما قال ادوها ليه يا منتصر لكن ناس اللجنة بقدّموا السبت :)
بجدية يا منتصر انت عايز تحاسب هيثم على شنو بالضبط؟ دي ما بعثة أو تعيين في سلك التدريس تعتمد على احراز اعلى الدرجات في النهاية اختيار النجم دي رؤية مجموعة مختلفة من الناس كل واحد فيهم عندو نظرتو وفهمو انا مثلا شايف عنكبة يستحقها حسب فهمي بتكيف جدا للمهاجم البغسل المدافعين و يكويهم و ببسطني خالص ممكن اعضاء اللجنة عندهم فهم تاني و نظرة فنية غير المهم هيثم هنا ذنبو شنو, مش يمكن هو زاتو كلاعب كورة وعندو تقييمه شايف روحو يستحقها انا غايتو شايف تحاملك عليه عدم ريدة ساي لأنو هيثم ما بتحمل مسؤولية أفعال الآخرين
09-26-2012, 05:28 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
وهيثم ليي يديها لي عنكبة؟؟ ما كان يديها لي حارس الخرطوم3 ؟؟ ولا كان يديها لي ريتشارد؟؟ بإفتراض إنو وحسب وجهة نظر هيثم ديل كانوا نجوم.. بالمناسبة أخلاقيات كنافارو مفروض تخليهو ما يشيل جائزة أفضل لاعب في العالم 2006.. وأخلاقيات المهنة مفروض تخلي اسبانيا تدي كاس اليورو الفات لي المانيا أفضل منتخب في البطولة..
09-26-2012, 05:49 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
Quote: بالنسبة للتوليفة .. عادي ياخ .. هيثم ما لاعب الليلة ولا أمس .. عندك فابريقاس أصغر من هيثم بكثير .. ياخي في كل مُباراة بنلقاهو لاعب في خانة لدرجة مرّة لعب رأس حربة عديل وهو لاعب وسط ياخ ... (مرة بتلقاهو في خانة تشافي ومرّة في خانة إنييستا ومرّة في الجناح الأيمن ومرّة الأيسر) ... لو مُتابع طبعاً ...
يعني يا صبري حلال عليكم حرام علينا؟؟ لما نجيب ليك مثال بي ناس بيرلو تشبكنا لأ ده براهو وده براهو..والتكوين الجسماني ولا تصح المقارنة و و و .. لومن تبقا عليك تشيييل وتجيب لينا في مقارنات لعيبة برشلونة..وبي غلاطك ولفك ودورانك داك انا ممكن بي بساااطة اقول ليك فابريجاس ماهرياً ليس ك هيثم ولا تجوز المقارنة ..لكن ولأني ما شايف بيناتهم فرق ده اذا ما شايف هيثم احرف من فابي زاتو ح اقوم اقبل كلامك..
Quote: غايتو أنا كان مفروض ألعب في المريخ العاصمي (رغم هلاليتي) ... إنت لعبت وين ؟
تعرف يا صبري نحن السودانيين ديل عندنا حنك كده لطيف جداً.. الحنك الأول يشبكوك والله هيثم مصطفى ده عندو أخوهو أحرف منو بس ما سكاها..أو يقولوا ليك والله انت ما شوفت أخو العجب الأصغر منو..اووو ده العجب جمبو ولااا شي بس بطل الكورة بدري.. الحنك التاني إنو كل اولاد الحلة العب من لعيبة هلال مريخ الحاليين بس مشكلتهم أصيبو في الركبة أو جاهم ضعف نظر فقاموا خلو الكورة .. الحنك التالت أيي زول فينا بيقول ليك انا جوني ناس الهلال والمريخ أو الموردة وابيت أسجل ليهم ..وعاكف عطا ده كان بيقعد لي إحتياطي في فريق المدرسة و فايز نصر الدين ده انا كنت برفو في فريق الرابطة!!
وعليه يا حبوب لا يضيرني شئ وانا سوداني زيي زييك إنو أقول ليك انا مفروض العب في الهلال رغم إني هلالابي :)..ومشيت واتمرنت مع اشبال الهلال وقبلهم الموردة الكبير وقالوا لي خلاص بكرة تجي تمضى ..لكن بيني وبينك لاوزت ما عرفتهم نادوني بناء على كورتي ولا وجاهتي فنطيت ..
بالنسبة لي خطي وخطك انا بس حبيت اقول ليك إنو للللووو في فكان مفروض يكون السبب الخرطوم ما تعادل مع الهلال قبل كده مش كورة المريخ..لكن في الحالتين انا ما مقتنع بي الاسباب دي ..
09-26-2012, 06:14 AM
Faris Mohamed Faris Mohamed
تاريخ التسجيل: 11-16-2009
مجموع المشاركات: 380
Quote: يا صبري و يا نزار انا وانتو و تقريبا اغلب المتداخلين هنا عدا وهبة و الشفت قاعدين بعيد ومصدر اخبارنا هو الصحف و المنديات برواية تانية هي رؤية و إنطباع الصحفي او الزول الكتب الكلام فا صعب نقطع برأي ممكن غارزيتو فعلا يكون قعادو الطويل في افريقيا خلاه يتأثر بعقليات العالم التالت ويفكر بالطريقة الغبية دي وممكن وجهة نظر صبري تكون سليمة وتبريراته لسوء الأداء مقنعة - وإن كان يا صبري خلل التشكيلة و تغيير خانة هيثم تبريرو صعب النصيحة ليك يا الله و أخاف يا نزار بترديدنا لكلام المؤامرة دا نخلقها من مافي و يصدقها هيثم و المدرب وتبقى حقيقة واقعة فا أحسن ننتقد الحاجة الفنية و نستنى كلام غارزيتو أكيد ح يكون معاه لقاءات في الصحف - بعد الهجوم المتوقع عليه - و ح يدلي بوجهة نظرو يا اقنعنا يا كمان ندعي الله قبل كورة الأهلي شندي المفاوضات تكون خلصت عشان الريّس يفضى لينا و يتدخل في وضع التشكيلة السليمة :)
09-26-2012, 07:02 AM
وليد عبد اللطيف وليد عبد اللطيف
تاريخ التسجيل: 08-09-2009
مجموع المشاركات: 6733
Quote: يا ود البُشرى إنت مشيت في الطريق الصاح .. وحأحسبها معاك يعني حنتخيّل مدرّب عشان يثبت إنّو هيثم فاشل يقوم يضيّع الدوري الممتاز ... غايتو إلاّ بلعب بالسحر وضامن بقية المُباريات ... حاجات زي دي بتذكرني "الحُجا بتاع الحبوبات زمان والغول والمرفعين والحاجات المن النوع دة" ... مؤامرة شنو ياخ وبطّيخ شنو .. حاجة بديهية المدرّب يُريح بعض اللاعبين ويُشرك هيثم عشان يجهزّو للمُباريات القادمة ...
صبري ياود طه شغل المدربين دا شغل كبير المدرب لو عايز يدمرك بدمرك غايتو إلا الله بس يستر عليك وسبق تم تدمير لعيبه كثر بسبب مدربين ولاعبين زملاء لبعض انا ماعايز اتكلم هنا واضرب امثله لكن برضو بقول مرات الاعب هو الذي يسهل مهمة تدميره مفروض برضو يتمتع بجزء من الخيال والذكاء ... عارف ياصبري كان معانا زمان ناس سكرانين وبايعين الكوره ونجوم المباراه في نفس اللحظة اها شفت دي كيف وهيثم مصطفى دا شفت عديل تاني ممكن يلعب خمسه سنوات اضافيه
Quote: يعني يا صبري حلال عليكم حرام علينا؟؟ لما نجيب ليك مثال بي ناس بيرلو تشبكنا لأ ده براهو وده براهو..والتكوين الجسماني ولا تصح المقارنة و و و .. لومن تبقا عليك تشيييل وتجيب لينا في مقارنات لعيبة برشلونة..وبي غلاطك ولفك ودورانك داك انا ممكن بي بساااطة اقول ليك فابريجاس ماهرياً ليس ك هيثم ولا تجوز المقارنة ..لكن ولأني ما شايف بيناتهم فرق ده اذا ما شايف هيثم احرف من فابي زاتو ح اقوم اقبل كلامك..
يا حبيب أنا باني كلامي على حاجة مقتنع بيها وهو إنّو هيثم مصطفى ما عدا لاعب ارتكاز يمكن يلعب أيّ خانة في الوسط .. ياخي أنا شبهتو بتشافي هيرنانديز من فراغ يعني ... ثمّ ثانياً يا حبيب أنا رفضت تشبيه بيرلو لأنو النقاش كان عن المجهود البدني في الوقت الراهن وأنا شايف إنو المُقارنة معدومة في الوقت الحالي ودي خت تحتها خطّين ... أمّا مهارياً وكما ذهبت إنت شايف المُقارنة موجودة مُش فابريقاس وبس وكمان تشافي ... كل الحكاية فُرص .. زول قام من نومو ولقى نفسو في إسبانيا وتدرّج في مدارس برشلونة السنية .. وزل صحى من نومو ولقى نفسو من لعب الزقاقات للأمير البحراوي للهلال العاصمي بدون مدارس سنّية وبدون بطيخ يا عُمر أخوي .. يعني هسي لعّاب هيثم مُصطفى ولاّ اللاعب المالي سيدو كيتا ... غايتو أنا شايف هيثم كلاعب وسط أفضل من سيدو كيتا .. وكيتا وجد فرصتو في البارسا وهيثم لم يجدها ودا الفرق ياخ ... راجع البوست دة:- هيثم مصطفى VS تشافي هيرنانديز
Quote: تعرف يا صبري نحن السودانيين ديل عندنا حنك كده لطيف جداً.. الحنك الأول يشبكوك والله هيثم مصطفى ده عندو أخوهو أحرف منو بس ما سكاها..أو يقولوا ليك والله انت ما شوفت أخو العجب الأصغر منو..اووو ده العجب جمبو ولااا شي بس بطل الكورة بدري.. الحنك التاني إنو كل اولاد الحلة العب من لعيبة هلال مريخ الحاليين بس مشكلتهم أصيبو في الركبة أو جاهم ضعف نظر فقاموا خلو الكورة .. الحنك التالت أيي زول فينا بيقول ليك انا جوني ناس الهلال والمريخ أو الموردة وابيت أسجل ليهم ..وعاكف عطا ده كان بيقعد لي إحتياطي في فريق المدرسة و فايز نصر الدين ده انا كنت برفو في فريق الرابطة!!
وعليه يا حبوب لا يضيرني شئ وانا سوداني زيي زييك إنو أقول ليك انا مفروض العب في الهلال رغم إني هلالابي :)..ومشيت واتمرنت مع اشبال الهلال وقبلهم الموردة الكبير وقالوا لي خلاص بكرة تجي تمضى ..لكن بيني وبينك لاوزت ما عرفتهم نادوني بناء على كورتي ولا وجاهتي فنطيت ..
بالنسبة لحنكي وحنكك رسّل لي حسابك في الفيس بوك في الخاص .. عشان أورّيك الحنك على أصولو ...
Quote: بالنسبة لي خطي وخطك انا بس حبيت اقول ليك إنو للللووو في فكان مفروض يكون السبب الخرطوم ما تعادل مع الهلال قبل كده مش كورة المريخ..لكن في الحالتين انا ما مقتنع بي الاسباب دي ..
لو إنت ما مقتنع .. حتى مدرّبك استكان للحتة دي ... والدليل أهو قعد يجرّب في هيثم شمال ويمين ... وقد ينظّر في التشكيلة زي ما قال ود البُشرى ...
ـــــــ
(عدل بواسطة صبري طه on 09-26-2012, 07:24 AM) (عدل بواسطة صبري طه on 09-26-2012, 07:25 AM)
Quote: صبري ياود طه شغل المدربين دا شغل كبير المدرب لو عايز يدمرك بدمرك غايتو إلا الله بس يستر عليك وسبق تم تدمير لعيبه كثر بسبب مدربين ولاعبين زملاء لبعض
وليد عبداللطيف يا حبيب ... أنا بأذكرك بي حاجة ... مُشكلة ريفالدو مع برشلونة شنو وهو يغادر النادي وكان أفضل لاعب في الفريق ؟! كل ما في الأمر المدرّب لويس فانغال عايزو يلعب في الجناح الشمال ... وهو عايز يلعب خلف المُهاجمين على اليمين ... كل مدرّب وخطتو ونظرتو للاعب !!! احتمال البعض ينظر لي إنّو غارزيتو لمّا وضع هيثم على الجانب اليسار لخط الوسط لتدميره .. ومن مُباراة واحدة بس (سبحان الله) ...
Quote: انا ماعايز اتكلم هنا واضرب امثله لكن برضو بقول مرات الاعب هو الذي يسهل مهمة تدميره مفروض برضو يتمتع بجزء من الخيال والذكاء ... عارف ياصبري كان معانا زمان ناس سكرانين وبايعين الكوره ونجوم المباراه في نفس اللحظة اها شفت دي كيف وهيثم مصطفى دا شفت عديل تاني ممكن يلعب خمسه سنوات اضافيه
أيواااااااااا يا حبيب إنت جيت للنجيضة ... أها هيثم مُصطفى بي شفاتو دي يعني غالبو يجضّم الخانة الوضعو فيها غارزيتو ؟!
دي من ناحية ومن ناحية تانية وحسب مُشاهداتي ... صانع الألعاب الرجلو يمين أفضل يميل لناحية يسار الملعب .. والعكس صحيح ...
09-26-2012, 08:06 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
Quote: لو إنت ما مقتنع .. حتى مدرّبك استكان للحتة دي ... والدليل أهو قعد يجرّب في هيثم شمال ويمين ... وقد ينظّر في التشكيلة زي ما قال ود البُشرى ...
يعني بي كلامك ده معناها المدرب إستكان للمريخ برضو مش؟ انا في رأيي الهلال لعب مباراة المريخ برضو بالصف التاني!! شن قولك في كلامي ده ؟؟؟
مباراة كان القائد فيها سيف مساوي وبالمناسبة ترتيب مساوي في القيادة الرابع أو الخامس وده براهو كافي لي إنو يوريك الهلال كان ناقص تربعة أساسيين من ناحية القيادة .. مباراةكان فيها كايا وفداسي وايكانغا والمدينة اساسيين ..
Quote: انا في رأيي الهلال لعب مباراة المريخ برضو بالصف التاني!! شن قولك في كلامي ده ؟؟؟
1- هيثم مصطفى = متوقّف عن اللعب 2- عُمر بخيت = مُصاب 3- سادومبا = مُصاب 4- المُعز = ملاريا وعدم جاهزية 5- علاء الدين يوسف = راجع يا دوبو من الإصابة وتمّ إشراكه في الشوط الثاني
يعني عايز المدرّب يعمل شنو يا عُمر أخوي ؟!
09-26-2012, 08:52 AM
عمر الفاروق عمر الفاروق
تاريخ التسجيل: 10-10-2005
مجموع المشاركات: 9669
يا صبري لقوتها شنو ياخ ولعبو فيها معاوية فداسي و كايا!!! يعني هيثم بي خبرة ال 17 سنة دي ولو عندو ملاريا وتايفويد وإسهــال ..تفتكر ما كان ممكن يبدا هلال مريخ؟؟؟ بعدين علاء الدين الما جاهز في هلال مريخ ده أها وريني في كورة الخرطوم 3 المدربك إتأكد إنو جاهز مش كان أسوأ لاعب في الهلال؟؟ وهيثمنا الما جاهز وما لاعب ولا كورة مش كان أحسن زول في الميدان؟؟؟ ولسة انا مصصر أثقفك وأدرسك في فنون وعلم الهلال اللي أشك إنك متابعهو.. بتعرف فوزي المرضي؟؟؟ مش كان غلب المريخ في ستة متواليات ؟؟؟ عارف فوزي المرضي ده كان بيعمل شنو؟؟ فوزي المرضي عندو 11 لاعب مثبتهم لي هلال مريخ دي ولو عايزين يموتوا بيمشي يجيبهم.. وعشان نظريتك الفشنك دي انا حا أحكي ليك دي.. واحدة من مباريات هلال مريخ وود الجنيد (مرتضى الجنيد) رحمة الله تغشاه كان راقد فييي سرير المرض بي ملاريا (نفففس الملاريا القالوا ما لعبت معز) .. فوزي المرضي مشى قوومو من سريرو لا تمرين لا جن أحمر وجا لعب هلال مريخ زي الترتيب وفاز الهلال ..
Quote: ولسة انا مصصر أثقفك وأدرسك في فنون وعلم الهلال اللي أشك إنك متابعهو..
أولاً: جاهزية اللاعب بدنياً دي بحدّدها مدرّب اللياقة وليس غارزيتو ... ثانياً: تقرير مدرّب اللياقة الذي يقدّمه للمدرّب مصحوباً بتقرير الطبيب وعلى ضوء ذلك يحدّد المدرّب مُشاركة اللاعب من عدمها ... وإذا أشركه كم الدقائق التي سيلعبها ... ثالثاً: إذا لم يكن اللاعب جاهز بدنياً لمُباراة اليوم هذا ليس معناه أنه لن يكون جاهز بعد أسبوع مثلاً ...
الشغلانة ما كيري ساااااي كدة يا عُمر ... وما شيرنج بتاع فطور ارتجالي ... والمدرّب لا هو مازدا ولا هو فاروق جبرة بيتأثّر بصيحات الجمهور ... (المدرّب زول أجنبي) وسبحان الله جمهورنا في المدرّجات كلهم مدرّبين لكن الفرق بينو وبينهم إنهم بتاعين شيرنج ...
ـــــــــــــ يا عُمر قُلت لي عايز تثقفني ... العيب علي أنا الرجعني تاني أتابع كورتنا شنو ياخ ؟ الله يجازيك يا يوسف الدفينة المريخابي صاحبي ....
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد البشرى الخضر
معتصم محمد صالح
محمد سنى دفع الله
ABUHUSSEIN
عبدالوهاب علي الحاج
عمر الفاروق
tmbis
فيصل نوبي
خالد عبد الله محمود
nazar hussien
تاج السر محمد حامد
Al Sunda
وليد عبد اللطيف
منتصرمحمد زكى
Faris Mohamed
فيس بوك
تويتر
انستقرام
يوتيوب
بنتيريست