|
دعواتكم لزميلنا المفكر د.الباقر العفيف بالشفاء العاجل
|
|
 Re: عضوة البورد دكتورة تهاني عبدالله وزيرة دولة بالاتصالات الف مبر (Re: محمد إبراهيم علي)
|
التهاني لدكتورة تهاني
نسأل الله ان يكرمها بخيرما اؤتمنت عليه ويمنع عنها مزالق الحاسدين والفاسدين والمفسدين
ونتمني ان يجعل سبحانه وتعالي مقدمها قدم خير علي الاتصالات .. وعلي السودان قاطبة
ونرفع اكفنا ضراعة ...ان ترفع رأسنا بعزة النفس واصالة الطبع التي عهدناها في حرائر السودان ...
ونقول لها الوصية بالمهله يا دكتورة .. وخير الكلام كلام مقسم الارزاق تعظم اسمه وهو القائل لا تأسوا علي مافاتكم ..ولا تفرحوا بما اتاكم والله لا يحب كل مختال فخور
الف مبروك مرة اخري يا دكتورة
| |
 
|
|
|
|
|
|
|
|
Re: عضوة البورد دكتورة تهاني عبدالله وزيرة دولة بالاتصالات الف مبر (Re: صديق الموج)
|
يا ود البشرى انا بتكلم عن الترويج لاشياء هلامية زي قمر صناعي سوداني في الوقت اللي الناس كلها عارفه البير و غطاها
و الاهتمام بالمكاسب الاعلامية على حساب الاولويات التي تهم عشرات الملايين من الناس العايشين بدون ماء نظيف للشرب
و افتقار لأبسط اساسيات الحياة ، عليك الله قول لي نحن نستفيد شنو من دخول الدكتورة و جماعتها عالم تكنولجيا الفضاء؟؟
الجواب من عنوانو يا ابو حتحوت .
| |
|
|
|
|
|
|
|
|
Re: عضوة البورد دكتورة تهاني عبدالله وزيرة دولة بالاتصالات الف مبر (Re: زهير عثمان حمد)
|
دكتورة تهاني الدفعة الورانا في هندسة وهي زولة عالمة وشااااطرةو بالحيل في نواحي الهندسة الكهربائية
والعمل في ظل هذه السلطة المتورجغة هي حتة ما بتشبه علمها ومعرفتها الواسعة والعميقة
والحكاية دي عاوزة سلطة تحترم كل مكونات الامر السوداني ومستعدة لخدمة السودان بعلمية ومنهجية وتسامي وهذا الامر بكل اسف هو مفقود في ظل حكومة الانقاذ الكسيحة والموغلة في الكسحيبة....
وعشان كده يا خلي خالك كيكي
بقول
نوووووووووو مبروووووك اوووووووت
والجاتك في علومك وكسبك المعرفي العميق سامحتك
| |
|
|
|
|
|
|
|
|
|
Re: عضوة البورد دكتورة تهاني عبدالله وزيرة دولة بالاتصالات الف مبر (Re: سيف النصر محي الدين)
|
يا دكتور سيف انت مشيت امريكا لكن لسة مركب مكنة نجد و الحجاز :)
كيف نستفيد شنو من دخول الدكتورة و جماعتها لعالم التكنلوجيا - جماعتها ديل طلاب كلية هندسة - يعني مهندسين بكرة الح يحلو ليك مشكلة مياه الشرب النظيفة بإذن الله
تخيل لو الهند مثلا فكرت بالطريقة دي و اصرت تحل مشكلة مياه الشرب اولا حتى تشوف موضوع التكنلوجيا و العلم بعدين, كان وضعها ح يكون كيف
ثم يا دكتور كلامي عن الفكرة العامة وهي الحكم على انسان انو لايرجى منه تاسيسا على مداخلة و مكبشرة كمان يعني حتى ولا قريت البوست وعرفت كلامها ردا على شنو أو في ياتو سياق
غايتو النظرية دي لو طبقناها مثلا على مداخلة سيدها كاتب كااااك أو زوووط او وجه ضاحك مثلا اظن بتوديه التجاني الماحي أقل شي :)
| |
|
|
|
|
|
|
|
|
|
Re: عضوة البورد دكتورة تهاني عبدالله وزيرة دولة بالاتصالات الف مبر (Re: Elmosley)
|
يبدو اني ما قدرت اوصل وجهة نظري بشكل صحيح و واضح . كلامك مفهوم بالنسبة لي و اظن اني بتفق معاك في معظمو
بس كمان يا ود البشرى تجاربنا الحياتية و الشي الشفناهو في السودان و الدول المشابهه بخلينا نشك في أي محاولة زي دي
تستغلها الدولة و النظام القائم لتجميل الوجه و اطلاق الفقاقيع الاعلامية، خصوصا أنو العمل ده ليس جزءا من خطة للوصول
إلى اي شئ و لا أي حتة.
| |
|
|
|
|
|
|
|
|
|
Re: عضوة البورد دكتورة تهاني عبدالله وزيرة دولة بالاتصالات الف مبر (Re: Ammar Elyas Babiker Hassan)
|
Quote: طبعا نحن ما سياسيين و لا عندنا علاقة بالسياسة
لامن قريب و لا بعيد
زمان اتفقنا علي الكلام ده |
الإتصالات هى عين النظام فى الرقابة وتستغل فى نقل وتوصيل الأسرار السياسية للنظام... يعنى الباشمهندسة ما عندها علاقة بالسياسة لا من قريب ولا من بعيد ولكن وزارتها عندها علاقة بالسياسة من قريب جدا جدا جدا... يعنى بصراحة ما فاهمين العلاقة... يمكن الهندسة فيها حاجات "بتمسح" السياسة من "المظر بورد"!!! والله أعلم!!! يمكن نكون ماحين فى "الحساب"...شقاوتنا غايتو...جينا جارين نهنى لقينا قدامنا أسئلة عترت لينا...
| |
|
|
|
|
|
|
|
|
|
Re: عضوة البورد دكتورة تهاني عبدالله وزيرة دولة بالاتصالات الف مبر (Re: Mannan)
|
أولا ..
ألف مبروك للدكتورة الزميلة (البير) تهاني عبد الله هذا المنصب الذي هي أهل له .. (بعيدا عن المزايدات السياسية) ..
ونتمنى فعلا ربنا يوفقها ويعينها .. ويعطيها خيره ويكفيها شره ..
ثانيا:
إطلاق الأحكام جزافا على من لا نعرفهم عن قرب .. أعتقد فيه إجحاف وتقليل من مكانة الشخص ..
فدكتورة تهاني يشهد لها الجميع من زملائها الذين رافقوها في الجامعة .. وحتى طلبتها في كليه الهندسة جامعة الخرطوم والجامعات الأخرى التى عملت بها ..
يشهدون لها بتميزها الأخلاقي والأكاديمي والإنساني ..
وللعلم .. ترشيحها لهذا المنصب .. الذي نحسبه تكريم لها ولمسيرتها العلمية .. ليس من ورائه أي إنتماءات حزبية أو سياسية .. (على الأقل من ناحيتها هي) ....
وسبق أن عرض عليها المنصب أكتر من مرة .. ورفضته ..
____________
بالمناسبة ده ما كسير تلج لمعالي الوزيرة .. ههههههه
| |
|
|
|
|
|
|
|
|
 Re: عضوة البورد دكتورة تهاني عبدالله وزيرة دولة بالاتصالات الف مبر (Re: محاسن زين العابدين)
|
Quote: دكتورة تهاني الدفعة الورانا في هندسة وهي زولة عالمة وشااااطرةو بالحيل في نواحي الهندسة الكهربائية
والعمل في ظل هذه السلطة المتورجغة هي حتة ما بتشبه علمها ومعرفتها الواسعة والعميقة |
يا باشمهندس كيكي :
والله ان ابقيت ما بعرف واللا الحاصل شنو ما عارف ..؟
يعني الدولة دي تشرد ليها مية وخسمين مليون الف طبيب ، وووب .. ونجي نقرا مية بوست بي ذلك
نفس الدولة تعير خرطمية الف طبيب وطبيبة لبعض الدول المجاورة .. نجي نقرا الرووب هنا
نفس الدولة .. يقدم من الداخل مليار طبيب وطبيبة ويموتون في الشباك بتاع ليبيا القالو فتحت دي .. نجي نقرا بوست مما يسمى بالمعارضة
..
تهاني القلت شاطرة ومنقطاها عديل كدا .. تتعين بمؤهلاته دي وبي شطارته برضو يا كيكي داقين جرس ...؟
تنفرد الحكومة بي تعييناته .. برضو داقين جرس ..؟
تعين الحكومة ناسة ، وبي مؤهلات لا ترتقي لي مستوى المكان .. برضو داقين جرس ..؟
يعني الواحد الايامات الجاية يجيكم ( ميطي ) يا كيكي ..؟
..
التحية لتهاني عبد الله .. وعقبال خليل .. وكيكي وبكري ابوبكر هيم سيلف .
وبعداك نحن ديل الح ندق جرس .. ونقول عينوكم ليييه .. ؟
| |
|
|
|
|
|
|
|
|
|
Re: عضوة البورد دكتورة تهاني عبدالله وزيرة دولة بالاتصالات الف مبر (Re: tmbis)
|
منصب الوزير منصب سياسي وليس منصب له علاقة بشطارة الزول ودكترته وكفائته ما هو داك مصطفى عثمان اسماعيل طبيب اسنان وبقى وزير خارجية وسلمنا ليها صرة في خيط مع دشلمية قرار من مجلس الامن بالفصل السابع وبقية الفصول الاخرى مع انو شاطر وخش جامعة الخرطوم من اول سنة
فالسؤال المطروح هنا الزولة من ناس وين يعني الحكومة دي ما في زول بتعين ساي عشان هو كويس وشاطر وكفء الكلام ده حتى الحكومة ما داساهو ولو قاعدين يعينو بالمعايير الداقين بيها ناس بكري وخليل طنابير دي البلد ما ما كان ده حالها
هل اتت في اطار توازن حزبي ولا جهوي ولا قبيلي ولا شنو ؟
اوعى واحد يجي و (made my Wednesday) ويقول لي توازن جندري :)
| |
|
|
|
|
|
|
|
|
|
Re: عضوة البورد دكتورة تهاني عبدالله وزيرة دولة بالاتصالات الف مبر (Re: عبدالكريم الامين احمد)
|
لو كوزه المنصب اقل من القامة في عهد الاستبداد والفساد مفروض تدقش لفوووق
اما لو كانت معارضه الجات في استوزارك سامحتك
اذا شطارة وكفاءة برضو في المنقطنها مثل جمال الخير الابوابي ود جيراننا وفي الهندسة لا سابق له او مدرسة العلوم الرياضية
غايتو لا اعرف اقول الا كفارة لان العمل مع هذه العصابة هو جريمة ولا يقدم للوطن في ظل اجرام لا اول له ولا اخر
تنتهي كافة الشروط هنا للنزاهة والحياد لتقديييم الكفاءات والا لما تولاها المجرم البشير ربع قرن
غايتو الله يسهل
ويجازي الكانو السبب
| |
|
|
|
|
|
|
|
|
|
Re: عضوة البورد دكتورة تهاني عبدالله وزيرة دولة بالاتصالات الف مبر (Re: ismeil abbas)
|
عليكم الله اسي البلد دي بحالتها الاقتصادية دي دايرا ليها وزير اتصالات
المفروص الاتصالات دي تكون ادارة عامة في وزارة النقل
بلد شعبها من فقر الى فقر ووزير ماليتها يتعنتر على الشعب وما لاقي البوقفو في حدوا ومجلس الوزراء يجيز التعامل بالربا تقول لي وزير دولة بالاتصالات دا اسي عليكم ما زيادة صرف وين الترشيد الحكومي
الفقراء والمساكين حقهم ضائع ورائح والدواء في زيادة وحليب الاطفال كل يوم زائد واللحوم كل يوم زائدة وبرضوا تزيديوا الطين بلة وتجيبو وزير للإتصالات وبعد داك في هيئة للإتصالات طيب الوزارة دي مهامها واختصاصاتها شنو وبعدين ماهي المشاكل الكبيرة التى تواجه قطاع الاتصالات في السودان حتى يعملو ليهو وزير ووزير دولة كمان
غايتو نحن عندنا ازمة مستفحلة ازمة فكر وازمة قائد يوجه وما اعتقد السودان دا حا يطور ولو بعد خمسين سنة
كسرة : تهاني عبد الله ربنا يوفقك إن شاء الله ........... لكن الكلام الفوق دا من المغسة والوجع الجوة الضلوع والغبن مرقتو اكان انفشة شوية لكن لا حياة لمن تنادي
| |
|
|
|
|
|
|
|
|
|
Re: عضوة البورد دكتورة تهاني عبدالله وزيرة دولة بالاتصالات الف مبر (Re: ابراهيم محمد الحسن)
|
وزارة الاتصالات من الوزارات المتخصصة, برغم انو ممكن تكون فيها حاجات تانية لكن المؤكد انه اذا كان الوزير من اهل الاختصاص (تكنوقراط يعني) كما في حالة الدكتورة التي نالت كل درجاتها العلمية في هذا المجال وبتفوق وتعمل في هذا المجال تدريسا وبحثا وادارة , فانها حتما يمكن ان تشكل اضافة حقيقية للوزارة, وحسب معرفتي بالدكتورة واعتقد ان كل من يعرفها سيوافقني الرأي فانها لن تستمر اذا لم تستطع ان تقدم شيئا.
,ومهما كان المبرر الذي اتي بها للوزارة سواء كان موازنات جندرية او قبلية او غير ذلك فهي مؤهلة اخلاقيا ومهنيا لتقديم ما يفيد البلد في هذا المجال.
| |
|
|
|
|
|
|
|
|
|
Re: عضوة البورد دكتورة تهاني عبدالله وزيرة دولة بالاتصالات الف مبر (Re: Kostawi)
|
وزيرة تركب سفينة الإنقاذ الغارقة لتقدم خبراتها فى مجال الإتصالات والتى تشمل التجسس والتصنت ومتابعة المعارضين ... دكتور خليل ابراهيم كان من ضحايا الإتصالات وبرضو تقولوا خبيرة فى الأقمار الصناعية ؟؟ ما شاء الله ومبروك على المنصب الخطير والمشاركة فى جرائم النظام... واليوم الحار ما بيندار ... عجــــــــــبى!!!!
| |
|
|
|
|
|
|
| |
khaleel
Ahmed musa
Balla Musa
خالد عبد الله محمود
محمد إبراهيم علي
بكرى ابوبكر
Kostawi
محمد مصطفي مجذوب
MOHAMMED ELSHEIKH
سيف النصر محي الدين
محمد البشرى الخضر
صديق الموج
الشامي الحبر عبدالوهاب
زهير عثمان حمد
عبدالكريم الامين احمد
بشير أحمد
Safia Mohamed
Elmosley
Elsuhaili Magzoub
Ammar Elyas Babiker Hassan
Mannan
عادل الباهي عبدالرازق
ابراهيم محمد الحسن
tmbis
mohmmed said ahmed
أسامة خلف الله مصطفى
ismeil abbas
المكاشفي الخضر الطاهر
عبدالله الشقليني
فيس بوك
تويتر
انستقرام
يوتيوب
بنتيريست