أصبح خروج عمر البشير من القصر حقيقة لا محالة .. طال الزمان ام قصر ولا أظنه طويل .. سواء كان عن طريق انتفاضة شعبية أو صناديق اقتراع أو اية طريق اخر للخروج عن القصر ولا أظن أن يكون للإسلاميين حظ سمين في الحكومة القادمة خاصة في المناصب العليا للدولة بعد الفشل الذي أتسمت به الانقاذ خلا ربع قرن حكمته ... لذلك لابد من نظرة مستقبلية لواقعنا الجديد الذي نتمناه ديمقراطيا حرا نذيها يضمن لاجيالنا القادمة وطن تتحقق فيه العدالة الاجتماعية والتنمية والحرية حتى نلحق بركب الامم المتقدمة .. بل نقود الامم اقول ذلك وأرى في الافق الموارد الهائلة التي ينعم بها بلدنا ... وحتى يتحقق ذلك لابد من أن نجتهد جميعا كل منا يجب أن يضحي والتضحية تحتاج لشجاعة .. وحب ولكن؟ لكن الحب الوطني للاسف يفتقده جيل الشباب الحالي .. كيف يحبون وطن لم يجدوا به غير المعاناة؟؟ والظاهرة غير المبشرة أن كل الشباب لا يفكرون إلا في الهجرة بعد التخرج أو قبله .. لذلك لابد من إنقاذ الموقف
07-27-2012, 00:57 AM
حافظ انقابو
حافظ انقابو
تاريخ التسجيل: 02-04-2012
مجموع المشاركات: 3552
من هنا لابد من التفكير أولا في من يتولى زمام الامر في البلاد خلال الفترة الانتقالية .. ليخطط لعملية التداول الديمقراطي للسلطة ولا أظن الاحزاب جديرة بذلك من وجهة نظري الشخصية من خلال عدم نجاحها في المعارضة واعطت حكومة الانقلاب فرصة لستمر حكومة الانقلاب في الرئاسة لربع قرن كامل بل لم تنجح الاحزاب في عمل اعتصام سلمي ضد السلطة .. حتى بعد خروج الشباب خلال الايام الماضية احتجاجا ومطالبة بالتغير ولنقل أن لجنة أهلنا المناصير اقوى بكثير من الاحزاب .. وقد نجحت في عمل اعتصام سلمي لأكثر من شهر
07-27-2012, 01:03 AM
حافظ انقابو
حافظ انقابو
تاريخ التسجيل: 02-04-2012
مجموع المشاركات: 3552
إذا افردت مساحة لأحزاب سأتناول الاحزاب الكبيرة فقط في سطور حسب درايتي البسيطة وآمل ان يتحدث الاخوة الذين يعرفون الاحزاب ولربما عاصرو فترات حكمها سيئة الذكر
07-27-2012, 01:26 AM
حافظ انقابو
حافظ انقابو
تاريخ التسجيل: 02-04-2012
مجموع المشاركات: 3552
حكم حزب الامة البلادة ممثلا في رئيسه الحالي الصادق المهدي وقد شهدت فترة حكمه ضوائق معيشية لربما أضيق بكثير من الضائقة الحالية التي تشهدها البلاد وهو من نواحي عدة قدم نموذج طائفي غير ديقراطي حتى في شئونه الداخلية وحتى اللحظة لا يعشم قادة الحزب من خارج سلالة المهدي برئاسة الحزب الامر الذي يحسم تماما مسألة وجود الديمقراطية التي يتحدث عنها آل المهدي وانصارهم في الميديا كل يوم أضف الى ذلك المواقف التي يمثلها علينا الحزب (نهارا في مجالس المعارضة وليلا يفاوض الحكومة .. بل يشارك فيها) كل هذا والامام كله طاقة وامل ان يرأس الحزب بل يراس السودان عن عمر زاد عن ثمانون عاما ... هل هذ حزب جدير بأن يحكم السودان؟
نريد حكومة شابة من كافة الوان الطيف السياسي تنهض بنا وليس حزب واحد كما يفعل حزب البشير
07-27-2012, 01:41 AM
خالد حاكم
خالد حاكم
تاريخ التسجيل: 08-25-2007
مجموع المشاركات: 3434
المشكلة مافى من يحكم السودان بل فى كيف يحكم السودان!
يا عزيزى نحن فى البداية محتاجين لدستور دائم يضمن حقوق الجميع بلا استثناء , دستور يتساوى فيه الناس فى الحقوق والواجبات وده كلام اتقال كتير فى المنبر ده وخارجه , لكن فى ناس مصرين يشوشوا على الناس , بانو منو اللى حيحكم السودان , يجينا تانى الصادق المهدى , يجينا تانى محمد عثمان المرغنى ؟!
يا سيدى فى ظل جو ديمقراطى ووجود حريات ووجود منظمات مجتمع مدنى ونقابات قوية ودستور دائم يتراضى عليه الجميع , لو جاء حزب المؤتمر الوطنى حكم بانتخابات حرة ونزيهة ما عندى مانع , بس بعد ما يتحاكموا محاكمة عادلة على ال23 سنة الماضية ونقتص منهم ويرجعوا كل اموال الشعب المنهوبة ويستغفروا ويتوبوا الى الله !
07-27-2012, 02:19 AM
حافظ انقابو
حافظ انقابو
تاريخ التسجيل: 02-04-2012
مجموع المشاركات: 3552
حكم حزب الامة البلادة ممثلا في رئيسه الحالي الصادق المهدي وقد شهدت فترة حكمه ضوائق معيشية لربما أضيق بكثير من الضائقة الحالية التي تشهدها البلاد
انقابو رمضان كريم ....ممكن اسال سؤال شخصي.....عمرك كان كم سنة لمن كانت الحكومة الائتلافية سنة 86 لو انت كبير وضح لينا لانو نحن ما حضرنا بوعي لكن قرينا و لو كنت صغير ما تفتي لينا بكلام الكيزان لو سمحت و دعايتهم الممجوجة
حكومة الديمقراطية الثالثة و هي حكومة ائتلافية شارك الترابي و جماعته في بعض مراحلها عانت من تركة مثقلة من النظام الذي سبقها و ديون بلغت ستة عشر مليارا و هذه حقيقة لكن لم تكن فاسدة على الاطلاق و مهما قيل من ورجغة كثيرة عن الفساد يكفي ان الانقاذ لم تجد من تحاكمه الا في محاكمات مهزلة فحاكمت السيد ادريس البنا في محاكمات تلفزيونية قصد نها التشهير لشور عددا وكان عضوا لمجلس السيادة و عضو في حزب الامة عن حفار ابار اهتدته ليبيا لحزب الامة و استخدم في حفر ابار القرى وعن اغاثة هدوم مستعملة جاية من سوريا ....زول سرق قرش و لا تعريفة مافي....بعد دا كلو مااستطاعو ادانته و خرج نظيفا لانه كذلك لكن الانقاذ حققت هدفها بتشويه سمعة النظام الديمقراطي وكان لسه التعليم بالمجااااااان و العلاج بالمجااااااان والناس سواسية كاسنان المشط و السوداني عندو كرامة والصحافة حرة و ما عاب تلك الفترة الا مكايدات الاحزاب التي هي امر طبيعي لكن ساهم الكيزان من خلال جريدتي الراية و الوان في عكس صورة غير حقيقة و تاليب الناس على النظام الديمقراطي في غياب صحافة تدافع عن الحكومة بعد ذهاب الايام و الصحافة وهذا خطأ تاريخي بالنسبة للثلاث سنة ونصف الانجازات كانت كثيرة بمقارنة بالظروف المحيطة و المكانات الشحيحة لكن حمزة لا بواكي له اهمها ا ن كرامة الانسان السوداني كانت فوق وكان السوداني بيعامل معاملات الاوربي في مظارات العالم ماتسمع كلام كنو شحادين دا بتاع مصطفة عثمان اسماعيل اذله الله لن خلي نكلمك برضو بلغة ما بحبها لانو اي حكومة دا و اجبا ولا كتر خيرها لكن برضو نقول من الذاكرة - تأهيل طريق الخرطوم بورسودان ودا صيانة كاملة كانها طريق جديد - طريق كوستي الابيض (افتتحته الانقاذ بعد اشهر و نسبته لنفسها) انشاء الله تكون سافرت الابيض عشان تشوف مستوى الشارع مقارنة بشوارع المشروع الحضاري - شراء زوارق للقوات البحرية - شراء طائرات صغيرة للطيران الداخلي للخطوط الجوية السودانية - اكبر انجاز انتهاء المجاعة التي ضربت اجزاء و اسعة من السودان في اواخر عهد نميري و تحقيق اكتفاء ذاتي من الذرة و التصدير وووصول انتاج القمح لمستويات قياسية انشاء مشروع شريان الحياة لاغاثة المتاثرين بالحرب في الجنوب بصورة تنقذ انسان الجنوب و تحفظ كرامة الدولة السودانية تأهيل شبكة هواتف مشروع الجزيرة عن طريق هواتف عاملة بالطاقة الشمسية انشاء نظام معالجة المخلفات السائلة لمدينة الخرطوم عن طريق برك الاكسدة وباحدث تقنبة طبيعية بواسطة العو ن الياباني (الانقاذ حطمت المشورع و ازالت الحزام الاخضر الذي اصبح يروى من هذه البرك) وصول الهلال لنهائي كأس الاندية الافريقية الابطال وكان هو البطل لولا الحكم المغربي لاراش كفاك ولا ازيدك ياريت كان صبرنا على الديمقراطية كان اتعلمنا من اخطأنا و الديمقراطية بتعلموها بالممارسة و اهي الهند الصبرت دربا مرق اسي رجعونا محل ما جبتونا و خلونا نبدأ من الاول لكن للاسف رجعنا مائتي عام للوراء فقد فقدنا الانسان
07-27-2012, 04:34 PM
حافظ انقابو
حافظ انقابو
تاريخ التسجيل: 02-04-2012
مجموع المشاركات: 3552
وحاتك اليوم مسخن معاي ولاحق الفطور في امدرمان والكبري مقفول المهم مع الزنقة ونشاف الريق بحاول أرد عليك
بالنسبة للعمر أنا بصراحة مواليد 1989 تقريبا أول مرة أقولا في المنبر وكتير من الناس الما بعرفوني أكيد بقولو الزول دا حاج كبير المهم يا ماما أنا بتكلم عن ما يسمونه الديقراطية التالتة استنادا على روايات من ناس كبار عاصرو النظام وشهدوا المعاناة ومع ذلك قد اتفق معك بأن استمرار تلك الحكومة افضل بكثير من الانقاذ ولكن يبدو انها كانت هشة لذلك سهل الانقلاب عليها .. ومع ذلك فإن حزب الامة الذي ينادي بالحرية والعدالة والديمقراطية فانه يفتقدها في مؤسساته الداخلية
خلينا نشرب موية ياخ
07-28-2012, 08:24 PM
حافظ انقابو
حافظ انقابو
تاريخ التسجيل: 02-04-2012
مجموع المشاركات: 3552
هذا تكرار لكلام الإنقاذ التعجيزي:"البديل منو؟" و"الأحزاب سيئة مثل الإنقاذ أو أسوأ"
عشنا زمن الديمقراطية
وأهم م فيها أن البلد لم تكن ملكا للحزب الحاكم ولا رئيسه أعضاء حزب الأمة لم يكن لديهم أي امتيازات لا في الوظائف ولا في احتكار السوق ولم تكن للصادق ولا وزراءه حصانة وجهاز الأمن برئاسة فرح لم يكن يعتقل أو يعذب بل يعمل مافي وسعه لحماية البلد وليس إرهاب السودانيين كنا نحاسب الحكومة يوميا على خدمتها للبلد في الصحافة الحرة والقضاء المستقل وتطالبها النقابات بكل مصالح عضويتها
في الديمقراطية الحكومة تعمل خادمة لمصالح المواطن وفي الديكتاتورية تصادر الحكومة كل حقوق المواطن ولا تهمها مصالحه بل تعمل لمصلحة قلة تضع نفسها فوق القانون كما يحدث الآن
فلا تبيع لنا كلام الإنقاذ بإخراج جديد
نقد الأحزاب يأتي من منطقتين مختلفتين تماما الأولي من مواقع الديمقراطية لتطوير أداء تلك الأحزاب والثاني من مواقع العداء للديمقراطية مثلما أشبعنا إعلام الكيزان بخرافاته من قبل توليهم السلطة
ولن نخلط بتاتا بين الإثنين
الباقر موسى
07-29-2012, 01:38 AM
حافظ انقابو
حافظ انقابو
تاريخ التسجيل: 02-04-2012
مجموع المشاركات: 3552
أخونا الباقر موسى رمضان كريم ... مع إنك ما سلمت قت اسلم عليك
أول حاجة يا سيدي حافظ الضعيف البخاطبك دا من شاف حكومة في السودان غير الانقاذ ومعروف انو جيلي هو اكتر الاجيال تضررا من حكم الانقاذ يعني أنا من ما اتفتحت عيوني في الدنيا دي ما لقيت تعليم مجاني ولا علاج ولا خدمة من المفروض القاها كمواطن دولة بموارد مثل السودان ف من حقي انقد وأقول رايي ذي ما أنا شايف بدون ما يتعرض لي زول زيك يقول لي انت بتسوق لي كلام الانقاذ .. وكانك شايفني اتوظفت بشهادتي الدفعو لي أهلي تمنا الغالي مع اني قريت اغلب مراحلي في التعليم الحكوم المفروض يكون مجانا
يا سيد الباقر أنا بنتقد الاحزاب كلها بما فيها الحزب الحاكم وحسب علمي المتواضع انو المعارضة الوحيدة هي الحزب الشيوعي .. قول لي كيف؟ حزب الامة شارك في الانقاذ الاتحادي شارك في الانقاذ حركات دارفور شاركت في الانقاذ الحركة الشعبية شاركت في الانقاذ عملو لينا شنو؟ والله غير زاد الطين بلة ما عملو شي~
أنا كشاب شايف انو الاحزاب كلها فاشلة وداير اطرح رؤية إنو البلد دي يحكمها الشباب وعواجيز الاحزاب اخدو دورهم بالكامل وفشلوا انا بطالب بانو شباب الجيل الحالي ياخدو فرصة وانا متاكد انهم ح ينجحو .. لكن محتاجين ترتيب بصورة مثلى عن نفسي شاركت في المظاهرات رغم انه حالتي الصحية ما بتسمح لكن برضو مادام أنا ما قادر اتعالج قت احسن اموت وانا بطالب بحقي بدل اموت في البيت واصلا ميت ميت ٧مع دا كلو تجيني انت الضا٥دب تكيف امريكا ٢
07-29-2012, 01:49 AM
حافظ انقابو
حافظ انقابو
تاريخ التسجيل: 02-04-2012
مجموع المشاركات: 3552
شفت يا سيد .. أنا بعمل دا كلو وتجي انت من امريكا ولا اوربا ما عارف تقول لي كلامك دا .. يا سيدي بدل فصاحة النت دي خلي مصالحك هناك وتعال قضي معاي اسبوعين في الخرطوم شوف نحنا بنعاني كيف وشوف حركتنا وجهدنا وقيم برااااك تلفوني موجود على البروفايل .. والعرض ساري الى ما تشاء
معليش لو لقيت حروف في نص الرد .. اصلو بكتب ليك بتلفوني المتخلف دا مع تقديري
07-29-2012, 09:40 AM
حافظ انقابو
حافظ انقابو
تاريخ التسجيل: 02-04-2012
مجموع المشاركات: 3552
Quote: انقابو رمضان كريم ....ممكن اسال سؤال شخصي.....عمرك كان كم سنة لمن كانت الحكومة الائتلافية سنة 86 لو انت كبير وضح لينا لانو نحن ما حضرنا بوعي لكن قرينا و لو كنت صغير ما تفتي لينا بكلام الكيزان لو سمحت و دعايتهم الممجوجة
حكومة الديمقراطية الثالثة و هي حكومة ائتلافية شارك الترابي و جماعته في بعض مراحلها عانت من تركة مثقلة من النظام الذي سبقها و ديون بلغت ستة عشر مليارا و هذه حقيقة لكن لم تكن فاسدة على الاطلاق و مهما قيل من ورجغة كثيرة عن الفساد يكفي ان الانقاذ لم تجد من تحاكمه الا في محاكمات مهزلة فحاكمت السيد ادريس البنا في محاكمات تلفزيونية قصد نها التشهير لشور عددا وكان عضوا لمجلس السيادة و عضو في حزب الامة عن حفار ابار اهتدته ليبيا لحزب الامة و استخدم في حفر ابار القرى وعن اغاثة هدوم مستعملة جاية من سوريا ....زول سرق قرش و لا تعريفة مافي....بعد دا كلو مااستطاعو ادانته و خرج نظيفا لانه كذلك لكن الانقاذ حققت هدفها بتشويه سمعة النظام الديمقراطي وكان لسه التعليم بالمجااااااان و العلاج بالمجااااااان والناس سواسية كاسنان المشط و السوداني عندو كرامة والصحافة حرة و ما عاب تلك الفترة الا مكايدات الاحزاب التي هي امر طبيعي لكن ساهم الكيزان من خلال جريدتي الراية و الوان في عكس صورة غير حقيقة و تاليب الناس على النظام الديمقراطي في غياب صحافة تدافع عن الحكومة بعد ذهاب الايام و الصحافة وهذا خطأ تاريخي بالنسبة للثلاث سنة ونصف الانجازات كانت كثيرة بمقارنة بالظروف المحيطة و المكانات الشحيحة لكن حمزة لا بواكي له اهمها ا ن كرامة الانسان السوداني كانت فوق وكان السوداني بيعامل معاملات الاوربي في مظارات العالم ماتسمع كلام كنو شحادين دا بتاع مصطفة عثمان اسماعيل اذله الله لن خلي نكلمك برضو بلغة ما بحبها لانو اي حكومة دا و اجبا ولا كتر خيرها لكن برضو نقول من الذاكرة - تأهيل طريق الخرطوم بورسودان ودا صيانة كاملة كانها طريق جديد - طريق كوستي الابيض (افتتحته الانقاذ بعد اشهر و نسبته لنفسها) انشاء الله تكون سافرت الابيض عشان تشوف مستوى الشارع مقارنة بشوارع المشروع الحضاري - شراء زوارق للقوات البحرية - شراء طائرات صغيرة للطيران الداخلي للخطوط الجوية السودانية - اكبر انجاز انتهاء المجاعة التي ضربت اجزاء و اسعة من السودان في اواخر عهد نميري و تحقيق اكتفاء ذاتي من الذرة و التصدير وووصول انتاج القمح لمستويات قياسية انشاء مشروع شريان الحياة لاغاثة المتاثرين بالحرب في الجنوب بصورة تنقذ انسان الجنوب و تحفظ كرامة الدولة السودانية تأهيل شبكة هواتف مشروع الجزيرة عن طريق هواتف عاملة بالطاقة الشمسية انشاء نظام معالجة المخلفات السائلة لمدينة الخرطوم عن طريق برك الاكسدة وباحدث تقنبة طبيعية بواسطة العو ن الياباني (الانقاذ حطمت المشورع و ازالت الحزام الاخضر الذي اصبح يروى من هذه البرك) وصول الهلال لنهائي كأس الاندية الافريقية الابطال وكان هو البطل لولا الحكم المغربي لاراش كفاك ولا ازيدك ياريت كان صبرنا على الديمقراطية كان اتعلمنا من اخطأنا و الديمقراطية بتعلموها بالممارسة و اهي الهند الصبرت دربا مرق اسي رجعونا محل ما جبتونا و خلونا نبدأ من الاول لكن للاسف رجعنا مائتي عام للوراء فقد فقدنا الانسان
لك التحيه أختنا نازك بالفعل تحليل واقعى ومنطقى وسمح لمن بيا هناك
انقابو لايعرف معنى وقيمه الديمقراطيات التى شهدها السودان الامن عايشها خليك فى كابتن ماجد أحسن ليك
07-29-2012, 10:13 AM
صلاح حمد مضوي
صلاح حمد مضوي
تاريخ التسجيل: 09-28-2011
مجموع المشاركات: 137
حافظ نهارك سعيد ورمضان كريم،ليس المهم من يكون رئيس السودان ،بل المهم هو كيف يحكم هذا البلد المنكوب والذي عجز أهله من أن يجدوا لهم مكانالائقا تحت الشمس، ومازالوا في تخلفهم وتاخرهم بينما الأمم تتقدم من حولهم،ياعزيزي،مانريده هو دستور دائم لهذه البلاد دستور لدولة مدنية ،دستور لدولة المواطنة،يتساوي فيه الناس دولة القانون ،دولة تسع الجميع بكافة الاديان والاعراق والمناطق،دولة التنمية المستدامة،والعلاقات الجيدة مع كل دول العالم بمافيها اسرائيل،وبعدهاأحكمنا أنت ان شئت.
07-29-2012, 10:17 AM
شمس الدين ساتى
شمس الدين ساتى
تاريخ التسجيل: 12-14-2008
مجموع المشاركات: 2642
دي تاني مرة أسمع عبارة بمعني (رئيس السودان القادم) في نفس المنبر ده.
دخلت وفي راسي، صاحب البوست، لو كان من الكبار الحضروا الديمقراطيات الماضية، ليه فايت عليهو شئ زي ده. ولو من الصغار، هل كتب كده لأنو ما عارف، والا قاصد .. واللا الحكاية شنو؟
جيت لقيت ردك ده:
Quote: بالنسبة للعمر أنا بصراحة مواليد 1989 تقريبا أول مرة أقولا في المنبر وكتير من الناس الما بعرفوني أكيد بقولو الزول دا حاج كبير المهم يا ماما أنا بتكلم عن ما يسمونه الديقراطية التالتة استنادا على روايات من ناس كبار عاصرو النظام وشهدوا المعاناة
الخلاني أقول الكلام الفوق ده ... إنو الديمقراطية الحكمت السودان (1956 - 1958) والتانية (1964-1969) والتالتة (1986-1989) ما كان فيهم وظيفة إسمها (رئيس السودان) أو (رئيس الجمهورية) .. لأنو ببساطة شكل الجمهورية الإختاره السودانيون، جمهورية برلمانية وليست رئاسية.
فهل الأخ حافظ بيدعو لتغيير الجمهورية إلى رئاسية؟ والا فايتة عليهو الحكاية؟
07-29-2012, 11:21 AM
حافظ انقابو
حافظ انقابو
تاريخ التسجيل: 02-04-2012
مجموع المشاركات: 3552
الأبن حافظ تحياتي أوصيك بالقراءة المتأنية عن نشاة الأحزاب السودانية ومسيرتهاعبر التاريخ الحديث قبل انقلاب 89 المشئوم قبل أن تبدا في نتف ريش الأتحاديين والشعبيين. بعدين
سنة 89 مالها جابت لينا الجبهة وكمان انقابو؟؟؟ مع تحياتي ورمضان كريم واتمنى لقاءك قريبا بالسودان وبدل اسبوعين انا بديك شهر وربع عشان نشوف السودان الماقاعدين نغيب منو اكتر من 6 شهور الحاصل فيهو شنو
والجملة الأخيرة ديjust for kidding
07-30-2012, 08:40 PM
MOHAMMED ELSHEIKH
MOHAMMED ELSHEIKH
تاريخ التسجيل: 03-21-2008
مجموع المشاركات: 11825
Quote: أوصيك بالقراءة المتأنية عن نشاة الأحزاب السودانية ومسيرتهاعبر التاريخ الحديث قبل انقلاب 89 المشئوم قبل أن تبدا في نتف ريش الأتحاديين والشعبيين. بعدين
اعدك باعادة القراءة وتحديث المعلومات قبل ان اكتب
Quote: سنة 89 مالها جابت لينا الجبهة وكمان انقابو؟؟؟
تخيل انا جيت قبل الجماعة ديل بشهرين بالضبط
Quote: اتمنى لقاءك قريبا بالسودان وبدل اسبوعين انا بديك شهر وربع عشان نشوف السودان الماقاعدين نغيب منو اكتر من 6 شهور الحاصل فيهو شنو
مرحب بيك في بلدك .. وان ما شالتك الواطاة نشيلك في عيوننا
تلفوني موجود على البروفايل لمن تصل اديني خبر
07-31-2012, 10:58 PM
حافظ انقابو
حافظ انقابو
تاريخ التسجيل: 02-04-2012
مجموع المشاركات: 3552
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة