دعواتكم لزميلنا المفكر د.الباقر العفيف بالشفاء العاجل
|
|
 حكايات عمايك وعولق
|
العميكة حسب التعريف المحلي لمنطقتنا له هو انسان ولد بعقل يساعده فقط
لتلبية الرغبات الطبيعية مع قليل من المخاطبة والتعامل وزي ما تجي تجي
فهو انسان بسيط وطيب ومسالم ولذيذ جدا في تعامله
وهنا سوف احكي بعض حكاياتهم الحقيقية التي عايشتها أوسمعت بها
|
|
 
|
|
|
|
|
|
|
|
Re: حكايات عمايك وعولق (Re: عبدالله ود البوش)
|
بخيت العولاق عرسو ليهو النعمة النجيضة كان تجيب منو ولد انفعا لكبرا
.
.
.
بعد يومين تلاتة من العرس اعترض طريقه سليمان المسخوت
اها يا بخيت العرس كيف ؟
فرد بخيت وهو مسرع الحق غنمو واشتت قصبو : سعلوقة سعلوقة ...... لقيتا سعلوقة
| |
|
|
|
|
|
|
|
|
|
Re: حكايات عمايك وعولق (Re: عبدالله ود البوش)
|
الناير العميكة طاااااااخ فلق ابوهو بحجر
ابوهو مشى المستشفى قالوا ليهو لازم اورنيك تمانية من البوليس
يا اخوانا دا ولدي وهو عميكة شيل وخت شيل خت ابو اعالجوهو كلو كلو
مشى البوليس
العسكري قاليهو لازم تجيب الولد نتحرى معاهو عشان نتأكد
جاب الناير العميكة
العسكري : فلقت ابوك لشنو ؟
الناير : ما تان إلبد !!!!!!!!!
| |
|
|
|
|
|
|
|
|
|
Re: حكايات عمايك وعولق (Re: عبدالله ود البوش)
|
العجب امو بسرح بالسعية بالايجار الشهري والعنز البتلد بياخد حق الصابون
علما بانه لم يغسل يدينو بالصابون طول عمر ( الله يرحمه )
وفي آخر الشهر القمري بعرف القمرا بس لمن تطلع وادقش البيوت للحساب
حاج بلوقا زول صعب خلاص اداهو طلاطاشر قرش بس اقل من حسابو بكتير
العجب امو قاليهو ناقصات ودائما يكرر عبارة ناقصات لكي يوحي بانه يعرف الحساب
حاج بلوقا قاليهو ات يا عولاق ان عرفك بالحساب ناقصات ولا تامات ؟
فرد عليه العجب امو ردا ابكى حاج بلقا وكل من حوله
فقال له العجب امو : قول غشتيني انا ... اها الله بتقول ليهو شنو ؟
واخذ باقي حسابه كاملا ونقز اغني لاحق السعية
| |
|
|
|
|
|
|
|
|
|
Re: حكايات عمايك وعولق (Re: الامين موسى البشاري)
|
Quote: اها خلاص قمته على جنك؟
|
البلم الجن على السرحة شنو ؟
.
.
يا حليلك يا ود البشاري
.
.
عندنا واحد اسمو ود مرسي والله صحي بنفس الاسم عميكة جانا طاشي ساهي
ما عارفنو جاي من وين عرس الصبر قاسي والله صحي تاني وبنفس الاسم
الصبر قاسي دي بتصنع الدلاليك والله صحي ههههههههههههه
الضحك داير اكتلني خليني اضحك واجي راجع اتمها ليك لاني اتذكرت واحدة تانية ومت بالضحك
ياخي احسن حاجة الواحد اونس روحو براهو
| |
|
|
|
|
|
|
|
|
|
Re: حكايات عمايك وعولق (Re: الامين موسى البشاري)
|
Quote: يا حليلك شنو خم العيال وتعال
والله يا عبد الله جو رهيب ومستفز في نفس الوقت
|
عندنا واحد ( ما عميكة ) مدري ساهي لكن قالوا الجن بتداوا كعبة الاندراوة
بهايمو جت عليهن اصبحن متندلات ميتات من المطرة
اها زولك ختا راسو وسط اديهو وصنقر ابكي
الناس اتلموا فوقو يواسوهو وقالوا ليهو يا زول استخفر الله
ات زمان الله ما كان عايشك برا بهايم ؟ اها اسع تاني بعيشك برا بهايم
فرد عليهم ها ناس عيشة الله ببهايم بعرفا وعيشتو برا بهايم بعرفا
امشو اختوني بس
.
.
قال جو مستفز قال ....... اصلو عرس ولا عيد ؟
يا اخوي الجو الاصلي في السودان قال جـــــــــــــــيزان قال
امضغ مدغك ساهي وغني حني علي انا يا تتي
| |
|
|
|
|
|
|
|
|
|
Re: حكايات عمايك وعولق (Re: عبدالله ود البوش)
|
شفت كيف يا البشاري .... الصبر قاسي ماتت الله ارحمها
يا سلام ياخي علي حبوبتي الصبر قاسي كلنا كنا نناديها هكذا
وهي ذاتا انا ما عارفا جاية من وين ياخي الزمن داك كان فعلا زمن جميل
اها بعد ما الصبر قاسي ماتت احتار ود مرسي والقعاد بقى ليهو صعب خلاص من دونا
ضربة الديك اللولاني ود مرسي لملم عفشو في مخلاية وشرقت الشمش قبل الناس تسدر
اتلهم البيوت اودع في الناس بيت بيت
يا ود مرسي ماشي وين ما تقعد معانا ؟
ود مرسي : تاني انا ......... منو ؟؟؟؟؟؟؟ وانفقع بالبكا ... الزول ما عميكة خلاص
| |
|
|
|
|
|
|
|
|
|
Re: حكايات عمايك وعولق (Re: محمد البشرى الخضر)
|
| Quote: ربنا يجمعنا في ساعة خير إن شاء الله و نسمع قصصك دي لايف - قول يامين |
آميييييين يا ودالبشرى
رغم اني جيت الشارقة قبل شهرين لكن والله ما عارفك فيها ( عرفتك فيما بعد )
ولا عارف فيها بوردابي
وهي ذاتا كانت جية سريعة __ رحلة عمل مستعجلة
.
.
هاك دي يا ود البشرى حكاية مشهورة في منطقتنا كادت ان تتسبب في حالة قتل
جاء ضيف وبونس في الجماعة ومن ضمن ونستو قاليهن نحن بناكل لحم الكديس
اها الدخيري العولاق قاليهو كان جبت ليك اسع كديس بتاكلو
الضيف قاليهو آي جيبو
الدخيري كوفك كوفك كاوش الكديس وخماهو في شوال وجابو هوا
الضيف غمت خشم الجوال وقال للدخيري العولاق جيب عكاز
الدخيري عكازو جاهز جنبو
طبعا الكديس ما بنضبح بنضرب اولا في راسو وبعد داك سريع سريع يضبحو
الضيف : اها ميز ضربك في راس الكديس جوة الشوال
ات يا الدخيري مو عميكة وفاقد توازن وتر هناااااك وطااااااااخ في راس الضيف
جابو للوطا نجيض ضربة العميكة ما ختيرة
عليك امان الله الزول شالوهو المستشفى منتهي
جاتو صحية كلم ناس البوليس قاليهم كان مت عافي للدخيري
بس ايام كانن طوال
انقر تاني جا حلتنا
والعبارة الاخيرة دي قالها لي الدخيري بنفسو في رمضان الفات دا
عندما سألته عن صاحبه ............
| |
|
|
|
|
|
|
|
|
|
Re: حكايات عمايك وعولق (Re: عبدالله ود البوش)
|
والله يا ود البوش انت قاص بارع ، تمتلك ادوات جيدة تؤهلك لكتابة القصة ، وانا اتابعك دائما ارى اهتمامك بسرد التفاصيل الدقيقة والموحية ، واللغة المبسطة التي تخدم الغرض.
الشخصيات في قصص (العمايك والعولق) الصبرقاسي، الناير ،العجب امو ود مرسي وهي اسماء سائدة في المجتمع ، للوهلة الاولى يتهيأ القارئ ويتعرف على بيئة هذه الشخوص واجواءها وتخدم فكرة بعينها سرعان مايدركها القارئ
الواقعية والصدق في الحكي والاسلوب المسرحي يزيد من فرص التشويق لما سيأتي ، واصل ابداعاتك.
وهاك دي واحدة من قصص العمايك
عندنا واحد قالو ليهو : امك عضتها عقرب
فرد : خاف ما عاست !
| |
|
|
|
|
|
|
|
|
|
Re: حكايات عمايك وعولق (Re: عبدالمطلب محمد عبدالرسول)
|
ودالبوش سلام واشواق
تعرف ياعبدالله والله نوع الحكاوي دي بتكيفني كيف ماعادي
وفي الراكوبة في بدرالدين مصطفى بابكر كاتب برضو لايشق
له غبار في المجال ده مثلما انت في اونلاين لايشق لك غبار
لكن حكاوي عوير الحلة دي مافي الذ منها
واصل ونحن متابعين
| |
|
|
|
|
|
|
|
|
|
Re: حكايات عمايك وعولق (Re: الطيب عثمان يوسف)
|
سلامات لصاحب البوست الاخ الكريم ود البوش ولضيوفه
لي صديق من احد قرى كردفان حكى لي عن راعي جديد في الحلة به من الخفة والطيش
مما تسبب في فقد عدد كبير من بهائم الحي
وعند المساء اجتمع اصحاب البهائم يقرعونه على عدم اهتمامه وضياع الجزء الاكبر من البهائم
فرد عليهم
( كان حمدتو الله ديل زاتن ما شويه !!)
| |
|
|
|
|
|
|
|
|
Re: حكايات عمايك وعولق (Re: ود الخليفه)
|
حكى لي خالي عن احدهم ترك المدرسة ليعمل كمساري في بص الحلة
اعترض صاحبنا من البداية على سعر التذكرة البالغ قرش ونص
اما ان يكون قرش واحد او قرشين
فاعطوه ريـال فكة ليساعده في البواقي
وفي اخر محطه نزل السواق ليجده محاطا بركاب يطالبون بالباقي
فقد وزع الريـال الفكة ولم يكن بحوزته اي ايراد
فقال للسواق
( موش قلت ليكم اعملوها قرش ولا قرشين ؟)
| |
|
|
|
|
|
|
|
|
|
Re: حكايات عمايك وعولق (Re: ود الخليفه)
|
| Quote: ( كان حمدتو الله ديل زاتن ما شويه !!) |
دا شغال بالمثل
الجفلن خلهن اقرع الواقفات
ود الخليفة
تحياتي واشواقي وحبابك والله حبابك بحكاياتك
انا عاجبــانـي حكاية اولاد الجيمو متوكل والنو عشان كدا بكررها كتير
متوكل والنو اولاد الجيمو مشو اشركوا للسمك في الترعة
متوكل مفتح شوية حبس النو الجبادة وقاليهو انا ماشي اقبض القبور
كان غتست كورك لي
قاليهو سمح يا تكل ( متوكل ) اخوي
اها اطمئن متوكل وفوووووو من ضهر الترعة ترتر على ابوعشرين
داير اطفر اب عشرين بحثا عن القبور
ات يا النو كورك ليهو تكل تكل اجر جاي عطست
جدع عصاتو ويا ضهر الترعة جاك زول الطلعة ما قاسية فووووو طلع ونزل على الحيف ممنيا
النفس بسمكة متينة تغدي فكينا والفضلة تجينا
لقى اللستيكة تعوم ولا غطست ولا حاجة
فنهره وقال له اعتس دينك
ارح قدامو قبض القبور يا قبورة
| |
|
|
|
|
|
|
|
|
|
Re: حكايات عمايك وعولق (Re: الطيب عثمان يوسف)
|
جنابو الطيب عثمان
ياخي سلام واحترام
ودائما ان شاء الله مرتاح وايضا كذلك العيال
وكل سنة وانت عريس مجددا العهد والولاء لست البيت
ولابديل للسكة الحديد الا السكة الحديد
شكرا كتير ياخي مرورك هو المريح اخي العزيز
| |
|
|
|
|
|
|
|
|
|
Re: حكايات عمايك وعولق (Re: حمزه بابكر الكوبي)
|
يا حمزة يا حبيب
سلام وتحية واشواق
وكيفكم والعيال والحال والاحوال
.
.
ياخي الناس ديل عايشين في عالم مريح ولا خساهم بما يدور في الكون
عشان كدا كل تصرفاتهم بريئة ومريحة وتخلق جو من الفكاهة حولهم
.
.
شكرا جزيلا لمروركم الكريم الذي دائما يشرفني وخليك قريب ومتابع
| |
|
|
|
|
|
|
|
|
|
Re: حكايات عمايك وعولق (Re: عبدالمطلب محمد عبدالرسول)
|
الاخ عبدالمطلب
تحياتي واشواقي
ياخي شكرا على الاطراء وهو اكثر مما استحق بكثير
قصة شنو يا زول انا بكتب كيري ساهي وبونس روحي قبل ما اونسكم انتم
يعني كتابة بروس
.
.
Quote: عندنا واحد قالو ليهو : امك عضتها عقرب
فرد : خاف ما عاست ! |
غايتو يا طلب انا اتخيلتو دعاها قاليها كان ما عستي ان شاء الله تقرصك العقرب
ههههههههههههههه
رغم انو حكايتك قصيرة ولكنها معبرة جدا انا بديك واحدة طويلة وختيرة
زمان زمن الناس حنان ومشروع الجزيرة عمود الاقتصاد الوطني وزمن السلما المتجولة
الباشمفتش عمل ندوة في حلة مجاورة لينا واتلمت الحلول عشان اسمعوا كلامو
والندوة كانت عن التحضير لجني القطن
تقوم يا الباشمفتش بعد ما تخلص الندوة تقول في زول عندو سؤال
اها الخزين العولاق ارفع يدو فووووق ومعاها نطيط قاليهو تعال جنب المكرفون
وقبل ان يتحرك الخزين العولاق اتلف على اصحابو وقاليهم اسدرو ؟
قالوا ليهو آي سدرو ان شاء الله ما تنا
الخزين : شيخ الجماعة كان جاك بتديهو شنو ؟ وهنا الناس صنت صننننننننن
الباشمفتش : اديهو شنو ؟
الخزين : قول بديهو راكوبة
الباشمفتش : بديهو راكوبة
الخزين : ........ فيك ولا بغازيك عمك شنطح جاب البقرة وشنو كدي ما تعرف
شيخ الجماعة كان جاك بتدي شنو ؟ عليك الله قول طيرة
وهنا تدخل الناس امسكك امسكك جرو الخزين وهو زعلان منهم كان تخلو اقول طيرة
وانتهى الموقف بعد ان عرف الباشمفتش ان الامر مقلب من عولاق
| |
|
|
|
|
|
|
|
|
 Re: حكايات عمايك وعولق (Re: عبدالله ود البوش)
|
*** ود البوش يا رايع طبعا بضحك من جوووووه
كدي اتخيل معاي واحد في عمايكك ديل دخل هنا
وعرفك بتكشف في حالن وقام فتح بوست
عنوانو حيكون شنو وحيقول فيهو شنو ؟
*** أكتر حاجة وقفت فيها وضحكت فيها ما حتتصورها
(السلما) المتجولة.
| |
|
|
|
|
|
|
|
|
|
Re: حكايات عمايك وعولق (Re: الطيب عثمان يوسف)
|
Quote: عنوانو حيكون شنو وحيقول فيهو شنو ؟
|
ما يعرف العمايك علا عميكة للكاتب زنبار قداد الهبوب
.
ياخي الناس ديل انا بحبهم وهم اقرب ناس لي
والله يا الطيب لمن اسافر السودان اكتر ناس بزورهم في بيوتهم العمايك ديل
.
.
طبعا يا جنابو عجبك تسدر الباشمفتش ... صاح ولا ما غلت ؟
قال سلما قال يا قديم
شكرا يا معجب
تحياتي واحترامي
وخليك متابع
| |
|
|
|
|
|
|
|
|
|
Re: حكايات عمايك وعولق (Re: عبدالله ود البوش)
|
Quote: غايتو ناوي احكي ليلة الدخلة ( القيلة ) حقت زنبار قداد الهبوب
علي الفضيل الله بت التاية لكن الله اكفينا شر ناس حسبو الشتت قصبو
ونبقي في حاو وهش |
غايتو كان حكيتها ياني البوراك حاكي قصة العميكه في ليلة الدخلة برضو
أقل حاجة ناخد لينا شهر اجازة من المنبر دا
وننال شـــرف التوقيف من المنبر ... والله صحي
..
..
__
أها قلته شنو آآآآآآآزول؟!
سجن سجن غرامة غرامة يلا ارحكاكا
| |
|
|
|
|
|
|
|
|
|
Re: حكايات عمايك وعولق (Re: رانيه محمد الشيخ)
|
Quote: ما تان إلبد !!!!!!!!!
يعنى شنو
|
رانية بتي الظريفة سلام وتحية وشوق شديد طبعا
.
.
يعني اسع ات عرفتي كلامي المعولق دا كلو الا بس وقفت علي
ماتان إلبد دي بس
هينة دي لكن قبل ما اوريك ليها ذكرتيني نكتة
قاليك يا رانية مصري دخل محل فواكه قال للولد
اديني تلاتة كيلو برتآل واتنين كليو فرزوان
الود ما عرف فرزوان يعني ايه دخل جوة للمعلم وقال ليهو
تعال يا معلم شوف الزبون دا طالب حاجة غريبة وانا ما اعرفهاش
الزبون يا معلم قال عايز تلاتة كيلو برتآل واتنين كيلو فرزوان
طلع المعلم على الزبون وقاليهو برتآل يعني ايه ؟
.
.
شكرا يا رانية
اها نسيت اشرح ليك ليك تان إلبد
صعب عليه ان ينطق الكاف فنطقها تاء ....
يعني ما كان إلبد بدل ابهدلنا كدا في القسم
| |
|
|
|
|
|
|
|
|
|
Re: حكايات عمايك وعولق (Re: عبدالله ود البوش)
|
ود مرسي المذكور اعلاه ... راجل الصبر قاسي
جاتو زينب بت ود النيل اليس ليها الحور والبيت الدردر
ولمن لا يعرف البيت الدردر هو بيت مدور دردر معناة المعنى مو مربع
اها ود مرسي ما صدق طوالي مشى عفن الزبالة ونسبة لانه دايما مفلس
التوم التاني طوالي فتح الزبالة قبل ما تعفن سمح ههههه بالله شفتو ليكن عفن سمح ؟
.
.
.
جات عمتي زينب بت ود النيل الله ارحمها واغفر ليها واغفر لود مرسي حيا او ميتا
وشمت الزبالة لقيتها غير معفنة
هي يا ود مرسي لشنو فتحتها قبل ما تعفن ؟
ود مرسي : بت ود النيل بت ود النيل انخرا ليك فوقا انخرا ليك فوقا يا بت ود النيل !!!!
| |
|
|
|
|
|
|
|
|
|
Re: حكايات عمايك وعولق (Re: عبدالله ود البوش)
|
Quote: غايتو كان حكيتها ياني البوراك حاكي قصة العميكه في ليلة الدخلة برضو
أقل حاجة ناخد لينا شهر اجازة من المنبر دا
وننال شـــرف التوقيف من المنبر ... والله صحي
..
..
__
أها قلته شنو آآآآآآآزول؟!
سجن سجن غرامة غرامة يلا ارحكاكا
|
ود البشاري زول جيزان نموت موت الضان الرقبة جريدة والضنب دلقان هيييييع
قصة زبنار قداد الهبوب مخليها كدي تحت الارشفة نخم بيها رماد الربع
ات قصة عميكتك كان حارقاك فكها وان شاء الله ما تَنيت
قال ارحكاكا قال
| |
|
|
|
|
|
|
|
|
|
Re: حكايات عمايك وعولق (Re: عبدالله ود البوش)
|
البشاري ارحكاكا
.
.
لكن بحرفنة
.
.
عميكة عرسو ليهو وهو لايعرف كوع العرس من بوع ليلة الدخلة
جاتو العروس فزع منها وقاليها سعلوقة سعلوقة امشي بيتكن
العروس مفتحة شوية اقنعته بانها ضيفة تنوم معاهو وبكرة تمشي اهلها
اقتنع العريس العميكة
شويتين تلاتة انتهت ليلة الدخلة تمام التمام وزي الفل كما خطتت لها العروس
حسب توجيهات الصويحبات والاهل ونام العريس نومة كان لم ينم من قبل شخر للصباح
قام الصباح مخلوع زي ديك العدة
لقى الضيفة مافي
وجري على بيت ناس امو
يما الضيفة وين ؟
قاعدة داير بيها شنو يا زنبار ولدي
يما الضيفة خليها تقعد معانا ما تمشي اهلها سمح ؟
سمح يا زبنار ولدي ..... ايوووووووويوووو زنبار عرس
| |
|
|
|
|
|
|
|
|
|
Re: حكايات عمايك وعولق (Re: عبدالله ود البوش)
|
عمي عبدالله
تحيه وسلام
عندنا صاحبنا من رابطة المحبين .. الزول دا من الصباح بجمع الشيرنق وحق العشاء
ويجهز كل ما يلزم .. في القعدة من الكاس الاول يقوم صاحبنا يطقطق اصابعوا
ياشباب بالله الشيرنق حق الزيادة ..
| |
|
|
|
|
|
|
|
|
|
Re: حكايات عمايك وعولق (Re: محمد عبدالرحمن)
|
اخونا محمد عبدالرحمن
مشتاقين ياخي مع تحياتي
.
.
ضحكتك حلوة لكن بوستينا دا زي ود اب تشة
اصلوا ما مفروض تمرق منو ساهي كدي بس
.
.
ياخي ابوحراز دا انا كايس ليهو كواسة ما لاقيهو
وايضا كذلك ابو الخل
تحياتي لكم جميعا
| |
|
|
|
|
|
|
|
|
 Re: حكايات عمايك وعولق (Re: فيصل محمد خليل)
|
فيصل خليل
لا حولااااااااا ياخي انت مغترب من سنة كم ؟
النكتة دي جلدوا فيها صاحبنا في الابتدائية في اواخر ستينات القرن الماضي
هن اصلن كانن نتكتين في الزمن داك
واحدة القلتها دي
والتانية حقت ود نفاش الخرت فوق راسو الطيرة وقاليها يخسي عليك ما عندك لباس ههههههه
التانية دي مرات بجلدوا فيها ومرات بأنبو بس
لكن حقتك دي جلد وارفعوك اربعة من سنة رابعة
| |
|
|
|
|
|
|
|
|
|
Re: حكايات عمايك وعولق (Re: عبدالله ود البوش)
|
صاحبي ود الناظر
بعد ما قريت ذكرياتك زمن الابتدائية الفيها داخليات
اصلو حكاية عمي دي ابت كلو كلو تجي معي مع اني بحب التكوبر
.
.
عندي جاري في الخرتوم شافني متكوبر متكوبر بقى اقول لي يا عمي عبدالله
وانا استغليتا ليك وبقيت ارسلو اقوليهو يا عوض ولدي عليك الله كان مشيت السوق جيب
لي معاك جرايد ..... وزولك مصدق واجيب في الجرايد
وانا اطلع النظرات قدامو واديها تلولوة ضهر ونحنحة
لي التعكسا علي يوم جاهو ضيف وعزمني معاهو بس القى ليك الزول بعرفو
ودفعتي في حنتوب ...... شيل ودق شيل ادق وفشلت كل محاولتي بتزويق الموضوع
وانكشف الحال واتضح انو اكبر ممنا انا والضيف .....
انقر تاني جاب لي جرايد ؟
.
.
ات يا ود الناظر دكتور زيادة دا معاكم من الزمن داك ؟
والله يا حليكم ات والجنا الاسمو طارق نقد .... منكم طولنا والله ومشتاقين
| |
|
|
|
|
|
|
|
|
|
Re: حكايات عمايك وعولق (Re: عبدالله ود البوش)
|
ود اب علالة عميكة كبير جنو عرس
اولادوا حاولوا المستحيل اوقفوا من حكاية العرس دي
ابى كلو كلو وأصر يعرس
اها عرس
واحد من الاولاد مشى للعروس اسلم عليها واعرف البيها والعليها
كيف ان شاء الله تمام
الحمد لله
كيف ابونا ان شاء الله كويس معاك
تمام والله مافي عوجة
اها ان شاء منستر معاك
هنا العروس فهمت مغزى السؤال واجابت والله ابوك كان مشبعني في اللوبة
كيف ؟
اهمزني ... انط ... اقولي اللوبة أتـ
وتاني اهمزني ... انط ... اقولي اللوبة أتـ
اها دا الحال
| |
|
|
|
|
|
|
|
|
|
Re: حكايات عمايك وعولق (Re: عبدالله ود البوش)
|
ود اب علالة عميكة كبير جنو عرس
اولادوا حاولوا المستحيل اوقفوا من حكاية العرس دي
ابى كلو كلو وأصر يعرس
اها عرس
واحد من الاولاد مشى للعروس اسلم عليها واعرف البيها والعليها
كيف ان شاء الله تمام
الحمد لله
كيف ابونا ان شاء الله كويس معاك
تمام والله مافي عوجة
اها ان شاء منستر معاك
هنا العروس فهمت مغزى السؤال واجابت والله ابوك كان مشبعني في اللوبة
كيف ؟
اهمزني ... انط ... اقولي اللوبة أتـ
وتاني اهمزني ... انط ... اقولي اللوبة أتـ
اها دا الحال
| |
|
|
|
|
|
|
|
|
|
Re: حكايات عمايك وعولق (Re: عبدالله ود البوش)
|
الاخ الفاضل الاستاذ عبدالله ودالبوش
اولا لك كل تحية طيبة و كل تقدير و احترام
ثانيا احيك على هذا النوع من الكتابات التى بلا شك تعبر عن مجتمع ملئ بالمواقف الاجتماعية
و التى لابد ان نقف عندها كثيرا متأملين آخذين فى الاعتبار ما ورائها ..
ثالثا احيك على هذا البوست تحديدا لان فيه كثير من الحكايات ذات البعد العميق و الدروس و العبر
رابعا انا لم اكن على دراية كلمة "عميكة" الا مؤخرا و ببوستك هذا قد وضح المعنى تماما
و لعل استاذنا الكبير الطيب صالح قد كتب عن "عميكة" لعب دورا كبيرا فى احدى رواياته "الزين"
اشكرك و انا من اليوم ده صاحبك تب ...
هل تصدقوا ان هذه هى اول مداخلة لى مع ودالبوش ...
شكرا
| |
|
|
|
|
|
|
|
|
|
Re: حكايات عمايك وعولق (Re: الطيب رحمه قريمان)
|
الاخ الاستاذ ود البوش لك التحية الطيبة مرة اخرى
بعض من عباراتك يا ود البوش تحتاج الى عبارت تفسيرية بجانبها...
و فى بعض الكلمات اراك تكتب "أ" بدلا من "ي" فارجو ملاحظة ذلك ...
| |
|
|
|
|
|
|
|
|
 Re: حكايات عمايك وعولق (Re: الطيب رحمه قريمان)
|
الاخ العزيز الطيب رحمه قريمان
ياخي شكرا جزيلا على هذا الكلام الطيب وقد دخلتني في اضفاري المواسية
لاول مرة أقرأ تشجيعا بهذا الاسلوب الجاد والرصين
واتمنى ان اكون عند حسن ظنك ياخي
ويسعدني جدا ان تكون مرتاح لهذا البوست ولكتاباتي بصورة عامة
كما يشرفني بانك من اليوم العلينا دا اني صاحبك وايما شرف هو
اكرر شكري وتقديري واحترامي
| |
|
|
|
|
|
|
|
|
|
Re: حكايات عمايك وعولق (Re: عبدالله ود البوش)
|
Quote: بعض من عباراتك يا ود البوش تحتاج الى عبارت تفسيرية بجانبها...
و فى بعض الكلمات اراك تكتب "أ" بدلا من "ي" فارجو ملاحظة ذلك ... |
أخي الطيب رحمه
أعرف جيدا كثيرا من عباراتي لايفهما الا الراسخون في المحلية وساكنون بين الكنار والترعة
وفضلت ان اتركها هكذا لاني لو شرحتها بَخَسيها وتفقد نكهتها
وانا اصلا يا الطيب بقروا لي ناس وحاتي شمها
ولكن هذا لايمنع شرح المعقد منها وعند الطلب
.
.
اما فيما يتعلق بكتابة الالف بدل ياء المضارع فانها ناتجة من الدارجة المحلية ايضا
نحن نقول الدحش أعنفض بدل يعنفض ( اسع كان قلت لي اشرح لي اعنفض دي تكون جننتي في راسي دا )
وكان في زول قال يعنفض فينظرون اليه شذرا وينعت بالفلهمة والقلقصة الفاضية
.
.
هذا ما لزم توضيحه مع الشكر والتقدير
| |
|
|
|
|
|
|
|
|
|
Re: حكايات عمايك وعولق (Re: حمزه بابكر الكوبي)
|
الله يجازى محنك يا ود البوش
وربنا يديك الصحة والعافية لسرد قصص العمايك ديل.
والله العظيم انه لبوست ممتع حد الخدر.
يحكى عن عميكة من العمايك جنس الليلنك ديل (وبعدين انا بحب احكى بنفس لغتك الحلوة دى دحين انا مانى مسعول عن شرح الكلام المخوزق الجنس دا) المهم الخلايقة دى كانت امها بتسرحها بالغنم تروح الصباح وتجى العشية مع بقية الصبيان الفيهم العميكة زيها. اها مرة راودها واحد من الجماعة وقضى وطره منها كما يقولون .. العميكة الخايسة فيها تراها اتكيفت للعملية جداً وتضحك لامن ضروسا الورا يمرقن. بعدين يا سيد الامنتى ليك رجعت المغرب لامها وحكتلها الحاصل بكل تفاصيله... امها خافت وقالتلها اسكتى على الكلام دا آبت اوعى يسمعو ابوك والله العظيم يلحق يسمعوا علا يكتلك ويضبحك من الاضان لا الاضان !!
فما كان من العميكة الا ان قالت لامها (والله ابوى ان كتلنى ولا خلانى باكر يانى الماشالو)
اها يا ود البوش رايك شنو فى جنس العماكة دى؟؟
تانى الله يجازى محنك ويديك العافية.
بس اوعى من الخور
تحياتى لك بلا حدود وشكرى الجم على هذا البوست الرائع الذى يجسد السجية والبساطة عن اناس لوت الليالى كفهم على العصا
| |
|
|
|
|
|
|
|
|
|
Re: حكايات عمايك وعولق (Re: على احمد النعيم)
|
استاذنا الفاضل ودالبوش
ها زول انا من الليلة دى صحبك تب ..
و درب السياسة ده منخلى عشان كلامك الحلو ده
"بس بعد ما نسقط الابالسة" ...
اما العنفطة و نحو ذلك , فانا على دراية تامة بها و يمكننى انا اشرحا
و ازيدها حمل بعير ...
بعدين ليك على ان جيت السعودية يانى الزايرك
و طالما انو اخوى ود البشارى صحبك
"بس ابعد العميكة"
اسال منو ود البشارى ...ههههههه
و متابع البوست الى اخره ...
و ارجو نقله الى الربع القادم ..
اخوك
الطيب
Quote:
أخي الطيب رحمه
أعرف جيدا كثيرا من عباراتي لايفهما الا الراسخون في المحلية وساكنون بين الكنار والترعة
وفضلت ان اتركها هكذا لاني لو شرحتها بَخَسيها وتفقد نكهتها
وانا اصلا يا الطيب بقروا لي ناس وحاتي شمها
ولكن هذا لايمنع شرح المعقد منها وعند الطلب
.
.
اما فيما يتعلق بكتابة الالف بدل ياء المضارع فانها ناتجة من الدارجة المحلية ايضا
نحن نقول الدحش أعنفض بدل يعنفض ( اسع كان قلت لي اشرح لي اعنفض دي تكون جننتي في راسي دا )
وكان في زول قال يعنفض فينظرون اليه شذرا وينعت بالفلهمة والقلقصة الفاضية
.
.
هذا ما لزم توضيحه مع الشكر والتقدير |
| |
|
|
|
|
|
|
|
|
|
Re: حكايات عمايك وعولق (Re: munswor almophtah)
|
ضانقيل محسوبا لينا لكنه من البدلاء ظريف ولأنه إبن كرماء أكرم
من المطر وبشوش ودود كنا عندما نقطع بالشرق لحجر العسل فى المناسبات
يكون من أول المستقبلين وكانت تايتنا عندهم وبعد القشره والحمام نتوكل
على محل المناسبه ودوما نجلس فى مكان واحد ويذهب هو للمسؤول عن كفاية
الناس أو عشاهم ويقودو من إيدو لامن إطب عندنا بإبريق النحاس والطشت
المعلوم بيننا وندخل للصفره ويا حليل الصفره السلطات الأسود والخضره
والطحينه والبسله والكبد والضلع وغيرها ثم الكاسترد الذى يتصعده الكرز
بلونه الأحمر القانى وعسله سائل على الكسترد خير الختام ثم الخروج لطشت الغسيل
والرجوع لذات المكان ليأتينا ضانقيل ثانية بصينية الشاى ثم يجلس معنا
حتى نحتسيه ثم يقول عبارته العفويه أها إتعشيتو نقول آى بصوت رجل واحد
شربتو الشاى تانى آى أها يقول ضانقيل موجها هداك الكشف أمشوا نقطو
للعريس!! ويا بخت العريس
منصور
| |
|
|
|
|
|
|
|
|
|
Re: حكايات عمايك وعولق (Re: munswor almophtah)
|
منصور المفتاح
ياخي حيرني وصفك دا كانه لقطة كاميرا من الشخصية موضوع نقاشنا
| Quote: فداس الأبنص وظبط صوت الكوز وأنطلق حتى فرمل بجانبها |
انعل شيطان شعرك ذاتو .......... ات مجنون بصراحة
| |
|
|
|
|
|
|
|
|
|
Re: حكايات عمايك وعولق (Re: munswor almophtah)
|
| Quote: يا ود البوش عليك الشيخ الطيب إنت من وين ياخ |
.
.
منصور اخوي
انا من الحارة التامنة الشهيرة بالعتامنة جنب صقيعة سلامة
وبالقرب من التكلة الفكي جبارة تابعين لسرحان حلة الشيخ تاي الله
اللم النفيدية راس في طاقية لكن الشيخ الطيب ود بدر ماعندنا فيهو كلام
يا حليلك يا مكتب سرحان ويا حليل ملاح اللحم يوم الصرف
ويا حليل سمك البخار خريف ابو السعن
نحن كتلنا يا منصور في مشروعنا المات رميا بالرصاص في راس كل قنطرة
وكل مكتب وكل كراكة ام دلو
ضرانا الله اضرو
ضرانا في القروانة ضرانا الله اضرو
.
.
اييييييييييه يا منصور ات بلدك وين يا زول يا جميل
بجيك راجع كلامك سمح واستفزاني ووقفت فيهو كتير
شكرا جزيلا ياخي
| |
|
|
|
|
|
|
|
|
|
Re: حكايات عمايك وعولق (Re: الطيب رحمه قريمان)
|
Quote: "بس بعد ما نسقط الابالسة" ...
|
وحينها تجد هذه الشريحة الهامة من المجتمع الالتفات اليها ودراسة حالتها
وازالة الريالة التي تسيل على وجه لم يعرف الضحك والابتسام رغم انه مانحها
.
.
صديقي الطيب ايما شرف هو لو زرتني عند اول زيارة لك للسعودية
.
.
شكرا جزيلا ياخي وربنا يديم المعروف بيننا
| |
|
|
|
|
|
|
|
|
|
Re: حكايات عمايك وعولق (Re: على احمد النعيم)
|
زولي لزم طب حرم
علي ود احمد ود النعيم
مك طيب يا زول
وينك آ زول الزمن الطويل دا ... بركة الشوفة يابا
.
.
Quote: (والله ابوى ان كتلنى ولا خلانى باكر يانى الماشالو)
|
ههههههههههههههههههههه الله اجز عرفك راجي الله عليك بدل حلاقة الكري
.
.
عميكة جنب الكوشة تلقط ليها في علب فاضية
وهي مدنقرة جاء مسطول وقضى وطره .....
وراح علي عدلو وهو يتمتم اسع دي جادعنها لشنو ما نافعة !!!!!!!!!
غايتو كان باريتك يا علي اياهو المدرع الخور
ولكن عشمي بان هذا البوست يحكي عن شريحة من البشر كان هذا قدرها
والله وحده في عونها ولو علي حكومتنا هي ذاتا في روحا عميكة وعيفة وعولاقة وسلطة عليا لايوقة
| |
|
|
|
|
|
|
|
|
|
Re: حكايات عمايك وعولق (Re: بله محمد الفاضل)
|
عمي عبدالله
صباحك ورد
داقير واحد من ظرفاء المدينة واحد امهر نقاشيها الا مشكلتوا مدمن يعني كان صرفتوا الا العندوا
يكمل حتي يجيك صاد .. بعد 83م وتطبيق الشريعة قبضوا ناس البوليس قبل الفطور سكران وودوهوا للقاضي
القاضي سألوا قال ليهو شارب شنو من الصباح ؟ قال ليهو والله يا مولانا (عرقي الله والرسول)
| |
|
|
|
|
|
|
|
|
|
Re: حكايات عمايك وعولق (Re: ادريس خليفة علم الهدي)
|
| Quote: قال ليهو والله يا مولانا (عرقي الله والرسول) |
هههههههههههههههههه
عندك كلام يا مولانا فوق كلام الله والرسول
ياخي ناس جميلين ........
.
.
تابع يا ود الناظر ما زال البوست طفل يحبو
وات كان قايل روحك واقع من السماء سبعة مرات ... دفرتك انا
وات كان قايل روحك ضربت السماء دا جير انحنا ضربنا النجوم مناكير
اعمل حسابك وابعد من الجكس كدا شوية
.
.
.
دا واحد كان ماسك مكرفون الحفلة ام رتينة بهدد في واحد لابس قميص فراشات
واقف جنب الجكس وفجأة مرت امامه واحدة تتنأ فقال لها بصوت خافت
الآكس أندك
فردت عليه ووجها مكفهرا : إإكس رقبتك إآكسك اللا
| |
|
|
|
|
|
|
|
|
|
Re: حكايات عمايك وعولق (Re: بله محمد الفاضل)
|
Quote: تدل على مقدرة لو طوعتها لأضفت
للمكتبة كتاباً ولا أروع
لا تتردد في الأمر
|
هو انا في الرد على كلامك الجميل دا ترددت ألف مرة بالا أوفيك حقك
تقول لي كتاب
هو انا العنز البعامية جات ناطة من التكل شيبت براسي ليوم الليلة
تقول لي كمان printing press
اصلو انا بقيت حبيب نورة ؟
ياخي شكرا جزيلا اخونا بله محمد الفاضل يا عزيزي الفاضل
.
.
تصدق زمان كنا بنشتري الرغيف من مانزو ( بتذكروا ) ونلف بيهو الحلول
من ود البصير وكلما ما نجي بود البصير نذكر عز الامام المهدي
والوز الدخل الكستوانة ههههه
مرورا بود جروب وامبوشات والريداب والكنابي
ونردد حار من نارو سكت جهالو
كان ما طري ماتشتري
الضاق لبتو باع جبتو
والرغيفة كانت بقرشين والشينة بمليم يارب يا كريم ترخص البرسيم هههههههه
صراحة مرورك اسعدني وكبر لي عنقرتي
شكري وتقديري واحترامي ولك كل الود مع التحية
| |
|
|
|
|
|
|
|
|
|
Re: حكايات عمايك وعولق (Re: عبدالله ود البوش)
|
طبعاً
هرولة إلى البروفايل
ضربتني ريحة العيش
وذكرتنا بتلات أرباع المطلوب منه
والذي تم استهلاكه في الطريق
مانزو
يا الله
بس ما قدرت أجيبك يا عبد الله
يبدو أن للسن أحكامه
والغربة التي طال أمدها
أتت أكلها في الذاكرة
وأنت أدرى بالاستهلاك الحاصل لينا
في هذه الدار...
أظنك بتكون دفعة ناس مندوية وكتاب والطيب مصطفى..
صح
| |
|
|
|
|
|
|
|
|
|
Re: حكايات عمايك وعولق (Re: بله محمد الفاضل)
|
Quote: تصدق زمان كنا بنشتري الرغيف من مانزو ( بتذكروا ) ونلف بيهو الحلول
من ود البصير وكلما ما نجي بود البصير نذكر عز الامام المهدي
والوز الدخل الكستوانة ههههه
مرورا بود جروب وامبوشات والريداب والكنابي |
الشيء كان عندكم (مترو) ...ماشاء الله ...لكن تذكر النكته
بتاعت الانصارى زول الهدى النزل فى حلتكم...يمين انا
قاشر بيها رسمى ...حكيتها لاكثر من عشرة والباقى لسه ...
ههههههههه
| |
|
|
|
|
|
|
|
|
|
Re: حكايات عمايك وعولق (Re: محمد عبدالرحمن)
|
| Quote: الشيء كان عندكم (مترو) ...ماشاء الله |
كان قلت ما شاء الله ولا ماقلت حمارة زرقاء وضنبا مقطوع وماتت وشبعت موت
اها اسحرا تاني ......
.
.
Quote: لكن تذكر النكته
بتاعت الانصارى زول الهدى النزل فى حلتكم...يمين انا
قاشر بيها رسمى ...حكيتها لاكثر من عشرة والباقى لسه ... |
راجع الماسنجر عشان تسمعا على اصولها بعدما سمعتها تحت سيف الرقابة الودر طعما كلو كلو
.
.
شكرا يا محمد وخليك عن كثب
| |
|
|
|
|
|
|
|
|
|
Re: حكايات عمايك وعولق (Re: بله محمد الفاضل)
|
عزيزي الفاضل بله والرقم جلا
.
.
Quote: أظنك بتكون دفعة ناس مندوية وكتاب والطيب مصطفى..
صح |
.
.
انا ما من المحيريبا رغم اني تمنيت ان اكون من سكانها ولكن الرقم جلا كما ذكرت لك اعلاه
.
.
وايضا لم ادرس بالمحيربا ولكننا كنا في الاجازة الصيفية بنجي نشتري الرغيف من المحيريبا
ونوزعو بالحلول طق طق طق في صناديق الشاهي الكبار ديك
منها نشتري علوق الحمار للمدرسة والباقي للرادا والقميص والفول المدمس والطعمية ام شطة
من حاجة حبيبة الله يرحمها .....( قرينا بالتمويل الذاتي ) حتى بند العلوق علينا ههههههه
.
.
اتمنى ان نلتقي ولي شرف معرفتك يا ود بلدي
| |
|
|
|
|
|
|
|
|
|
Re: حكايات عمايك وعولق (Re: عبدالله ود البوش)
|
يعني علاقات تجارية وكدا
رحلة كفاح جميلة
ومثلك كُنا يا صاحبي
طُلبة ولقيمات وشاي وبياعين خدار في رمضان
وعييييييييييييك
تشرفت بمعرفتك ويسرني التواصل معك
كما وسعدت بحرفك
وأتمنى عليك ألا تهمل ما أوصيتك به
فلم أجاملك
وما الكتابة
مزيد من الانتباه والالتقاط
ولا أظنه سيصعب عليك ذلك
دمت بمحبة ولطف
| |
|
|
|
|
|
|
|
|
|
Re: حكايات عمايك وعولق (Re: بله محمد الفاضل)
|
ود خشني السبعيني مزنوق
شايل الموبايل في جيبه ولابس نضارة قليدة
دخل الحمام اتشمر قوم يا الموبايل اقع جوة الحفرة
عاين ليهو النضارة برضو وقعت جوة الحفرة
قام قال
انعل ابو دي (..................)
| |
|
|
|
|
|
|
|
|
|
Re: حكايات عمايك وعولق (Re: khaleel)
|
واحد من العمايك يا ود البوش عرسولو واحدة عميكة زيو وازرط منو كمان
المهم بعد شهرين تلاتة امو دايرا تتطمن انو الخازوق دا قد قام باللازم واصبح ابو عيال .. فسألتو: اها آ ولدى ان شاء مرتك حملت؟؟؟
فرد عليها : والله يايمه ما بعرف لكن أضانا صفّرت !!
ود البوش يديك العافية وكما قلت ان ما شدنى الى هذا البوست هو تلك اللغة التى ادمنتها حتى الثمالة ولكن اظن والله يكضب الشينة (ان زامر الحى لا تطرب مزامره)
لك التحية
| |
|
|
|
|
|
|
|
|
|
Re: حكايات عمايك وعولق (Re: ادريس خليفة علم الهدي)
|
ود البوش كيفك وعربك أريتكم تامين ولامين
والجنا مع العليهو غرقان وفى النوبه والطار والتهليل زى زول الزار
راجل ظريف ووناس عليه الرحمه ووصاف ما بتلاحق أها أبوه الشيخ عالم
واصل وإمام له صوت جهورى جذاب ممتلئا قداسة ورهبه فى خطبه التى
يرتجلها عند الجمع وهو أكرم من حاتم طى ولو حضره لأقر بذلك وهو ذرية
الغوث أحمد الطيب ود البشير عود الناس على الإكرام يوم الجمعه وبهل
الفول والتمر على البروش تقسيم الرسول بالتساوى لا ظالم ولا مظلوم
ومن ثم يأتيك الشاى الما خمج فى الكبابى التركية تلك ككبابى بنت الكرمه
المزوقه باللون الذهبى والممستكه تفوح رائحتها مع رنة الكبابى وفى
تلك الجمعه غرق الجنا فى الأنس ونسى الشاى فصاح الشيخ يا الخايب الله يخيبك
قوم جيب الشاى فإتنفض كما الدفره فى الريح وخرجنا معه لأننا من
كان السبب ونفخناه كيف له أن يهرشك أمام الناس فاستل سكينه
التى يطلق عليها القريمانه وقلع حجرا من الأرض وخرش تلك السكين
عليه وقال بحرقه الليله ما يبقى حديث وجخ داخل الجامع تعال
مارق لا برا عشان القريمانه دى تسوطك سواطه. ولهم الرحمه والغفران
والفوز بالفردوس.
منصور
| |
|
|
|
|
|
|
|
|
|
Re: حكايات عمايك وعولق (Re: munswor almophtah)
|
Quote: فإتنفض كما الدفره فى الريح وخرجنا معه لأننا من
كان السبب ونفخناه كيف له أن يهرشك أمام الناس فاستل سكينه
التى يطلق عليها القريمانه وقلع حجرا من الأرض وخرش تلك السكين
عليه وقال بحرقه الليله ما يبقى حديث وجخ داخل الجامع تعال
مارق لا برا عشان القريمانه دى تسوطك سواطه |
.
.
يا سلاااااااااااااااااااااااااام يا منصور المفتاح
| Quote: وقلع حجرا من الأرض وخرش تلك السكين |
كاني اراهو قدامي ولابس سفنجة واحدة خدرا والتانية ظهرية مقطوعة ومربوطة بدلقان
فانقطع الدلقان من معافرة الحجر طارت هناك جنب ركن الخلوة المتاخمة للجامع
والدنيا حر وصناية تدخل القمرية في الراكوبة فَبَرْتَب اليها كانه يعلب شدت
فتنفك تكة سرواله ويجبدها خجلا يعض عليها بالنواجز
وهو يطنطن بكلمات منعت التكة مخارج الحروف التي اصلا معولقة
.
.
شكرا صديقي منصور على هذه اللوحة
يا زول ات اصلو ما بتتصاقع كلو كلو عمايكيا وادبيا
الله اديك العافية
عربي طيبين وجرهن ملان عجين اتمنى لمن حولك اضعاف ما عندنا
اكرر شكري وتقديري واحترامي يا زول يا جميل
| |
|
|
|
|
|
|
|
|
|
Re: حكايات عمايك وعولق (Re: ادريس خليفة علم الهدي)
|
ادريس ود اخوي الناظر
ارفعك الله في حبو
.
.
عميكة دخلوهو المدرسة في سنة اولى
اول يوم في المدرسة .... دخلتو الفصل جررررررر خرا في هدومو اسهال عديل
الاستاذ اف اف شم ريحة الاسهال
دا منو يا اولاد
دا انا يا استاذ
ليه عملت كدا ؟
قايلا فسوة يا استاذ ههههههههههههههههههههه
ومن يومها ولليوم العلينا دا اسمو فسوة
.
.
شكرا يا معجب
| |
|
|
|
|
|
|
|
|
|
Re: حكايات عمايك وعولق (Re: على احمد النعيم)
|
Quote: واحد من العمايك يا ود البوش عرسولو واحدة عميكة زيو وازرط منو كمان
|
واحد من العمايك يا على احمد النعيم عرسلو واحدة عميكة زيو وازرط منو كمان
المهم بعد شهرين تلاتة ولدت هههههههههههههههه
.
.
الشباب بشاغلو فيهو .... تلاتة شهور بس ومرتك ولدت ؟ الحكاية شنو ؟
اها انجهونا انجهونا
.
.
| Quote: ولكن اظن والله يكضب الشينة (ان زامر الحى لا تطرب مزامره) |
فعلا لايطرب في الحي نفسه ولكن اين نحن من هاتيك الاحياء
.
.
واصل يا علي واصل
مع تحياتي
| |
|
|
|
|
|
|
|
|
|
Re: حكايات عمايك وعولق (Re: khaleel)
|
Quote: ود خشني السبعيني مزنوق
|
خليل يا خلي يا لذيذ يا رايق
حكايتك كلمات في شكل صورة رهيبة .....
.
.
ود اب زهانا السبعيني مزنوق في صلاة الجمعة بريح عاتية تجلل دواخله
واتمنى الفرج من رب العالمين احاي ليهو اللمام بسرعة قراءة التشهد وقد طال انتظاره
ليسمع السلام عليكم .....
وفي هذا الثناء وضع كعب قدمه على فوقة السبيل مانعا خروج الريح ومنتظرا من الامام سلاما
وقبل السلام ينفلت الكعب المرتجف اصلا وتخرج الريح
وتسمع عمك ود اب زهانا بطول حسو الذي لايغبا جمهور المصلين
تسسسسسسسسسسود خطوتك سوادا
| |
|
|
|
|
|
|
|
|
 Re: حكايات عمايك وعولق (Re: عبدالله ود البوش)
|
إتنين عمايك وحكمة ربنا عندهم شراكه فى شاى النادى
وأوعك من فحم هبيله مره عشر ومره شوك ومرة حطب طلح
وحمالتك على تعاين لهم تقول حفرة دخان وتسمع قح ومع
الشاى فى الهبيله شوال قنقرهم مستف وصوت الفى النار تحت
الشاى بى عويشو يسوى طق طق وحكمة ربنا سوقهم قايم
أها عادة لبنهم حليب وليهم حله ليها فقره بس إلا تسمع
فار فار فار ونحن مع التلفزيون والبلابل لون المنقه يا
الشايل المنقه وفى إنتظار كباية التلص أم قرين أمانه مى
حاره تشوى الشلوفه حرم زى الطهوره أها الدنيا بقت محل
والغنم غرزن وبقوا راكبين الناس شاى أحمر أها فى زول ظريف
جابلهم علبة نيدو كبيره من السعوديه ووراهم كيف إسوهو أها
جماعتك ترسو الحله مويه وقالو كدى للعلبه شو فيها وحاتك
الحله بقت مديده أكان أبوالتفح لى خيرشيد قت قت أى
يعنى قطع قطع وحاتك اللبن داك إلا إقطعوا بالسكين
وتقولى عمايكنا!!
منصور
| |
|
|
|
|
|
|
|
|
|
Re: حكايات عمايك وعولق (Re: munswor almophtah)
|
غريبة يا منصور ..... نحن بنقول عليها الهبلة
.
اتو يا منصور نار البعر ما عندكم ؟
.
.
يا زول هوووووي نحن عمايكنا عوج الطندب هييييييييع
.
.
وين تلقوا زي دا ..... حرم العجبو امو ولا عشرة عمايك من انديكم
العجب امو قالوا ليهو سرعة امشي للنفاسة امك دايرة تلد جري من هنا ومن هناك
العجب امو وبريد امو درع كوزو وعض عراقيهو في سنونو وتحت ميطي وفلي لي
فووووووو ادور البيت واجي داخل القاهم اياهم ناس بيتن ذاتو
واقول ديل اتو ؟.....
اقوليهو العجب امو ؟
وتاني إرِح جاري وحسب ازعاجو علي امو راسو سخن وبقى الف دائرة
فوووووووو اعقب البيت والفرملة في العتبة
هي ديل اتو ؟
العجب امو ؟
حمالتك علي بعد امو شقاها الجنا
عمايكنا خترين ما بصاقعوا يا المصباح اخوي
اقوليك سر انا ذاتي القدامك دا عميكة هييييييييييييع اركز
| |
|
|
|
|
|
|
|
|
|
Re: حكايات عمايك وعولق (Re: عبدالله ود البوش)
|
الله يقطع مصارينك آود البوش ياخى هردت كلانا بالضحك.
اتنين عمايك راجل ومرتو مكملنها تب. اها الراجل قام سافر مدة طويلة لانو شغال شغلة ضراع بعدين زولك اشتاق للمرة وقال انا امشى اعدى لى يوم يومين واجى واظنها هى وصتو قالتلو لامن تجى جيب لى معاك الشئ الفلانى وجا وما جابو ليهاقامت زعلت منو وصاحبنا منتظر متين الشمس تغيب والرجل تنقطع ويقوم يعافر لانو منطر انطرارة شديدة. المهم المرة سوتلو العشاء ومادة شلاليفا شبرين من الزعل . اها لامن بقو على الموضوع قامت نهرتو وابت تجيهو كلو كلو رغم انو هى منطرة اكتر منو علا ساهى لايكة الصبر قام المسيكين رقد فى عنقريبو والبيت مضلم .. اها بعد شوية زولك غلبو الرقاد قام ينده فى شيخو ود حسونة بصوت هامس (الليلة يا ود حسونة تجيبا لى .. الليله ياود حسونة تجيبا لى) العميكة تراها بتصنت فما كان منها الا ان قامت من عنقريبا ماشة على عنقريبو وهى تقول (يا ود حسونة ما تدفرنى يا ود حسونة ما تدفرنى)الى ان وقعت عليهو لقمة سائغة ببركة الانطرارة.
لكن بالجد آود البوش والله عمايكك ديل خترين كلو كلو
تسلم وتحياتى لك بلا حدود
| |
|
|
|
|
|
|
|
|
 Re: حكايات عمايك وعولق (Re: على احمد النعيم)
|
Quote: بعدين يا سيد الامنتى ليك رجعت المغرب لامها وحكتلها الحاصل بكل تفاصيله...
امها خافت وقالتلها اسكتى على الكلام دا آبت اوعى يسمعو ابوك والله العظيم يلحق يسمعوا
علا يكتلك ويضبحك من الاضان لا الاضان !!
فما كان من العميكة الا ان قالت لامها (والله ابوى ان كتلنى ولا خلانى باكر يانى الماشالو)
|
*** ياخ والله إنتو مجانين عديل كدا .
زمان بقولوا البقعد جمب المساطيل بالريحة بسطل .
لكن الظاهر البقرا بوستاتم بنصقع عديييل كدا .
لكين ما قلتوا لى عمايك المؤتمر الوطني ديل تابعين لى منو فيكم ؟
| |
|
|
|
|
|
|
|
|
|
Re: حكايات عمايك وعولق (Re: الطيب عثمان يوسف)
|
عمنا الجيلي ود الصادق شغال طياني (مدماك والانداية عدل) وباكر فراجا فوق
الحال وقف والشغل قل .. يمشي الانداية يحنس الشيخة يضرب عبارين والشيخة تشخت
في الحيطة(نظام كشف حساب) .. في ايام النحس دي جاء من الانداية بعد الضهر مشي
لي اختوا . غداك شنو؟ مفروكة خدرة .. فات خلاها .. دخل بيت ود اخو سأل المرة
غداك شنو ؟ خدرة المهم لفة زي خمسة بيوت ويبدوا ان السوق اليوم داك ما فيهوا غير
خدرة .. المهم نادي اختوا وزوجها و وداختوا وقال ليهم داير يعرس .. يازول الكلام دا
كيف .. العرس مسئولية .. المهم خلاهم لمن كملوا كلامن طب .. قال ليهم ما الخدرة دي
يمين اشبعا فيها.
| |
|
|
|
|
|
|
|
|
|
Re: حكايات عمايك وعولق (Re: ادريس خليفة علم الهدي)
|
ود الناظر يا تحفة
سلامات ومشتاقين والدنيا خميس ياخي واخر شهر
دائما وجودك يحفز ذاكرتي باستدراج حكايات العمايك في المدارس
.
.
بلولة العولاق دخلوهو المدرسة وقاعد في الفصل ولا جايب خبر
وفجأة كدا كورك بدون أئ مناسبة ها ها ها
الاستاذ : مالك يا بلولة في شنو ؟
فندي خلعتني قبورة
هههههههههههههههه
علما بانه الدنيا صيف لافي قبور ولا ابو العتاب
| |
|
|
|
|
|
|
|
|
|
Re: حكايات عمايك وعولق (Re: ادريس خليفة علم الهدي)
|
ود الناظر يا تحفة
سلامات ومشتاقين والدنيا خميس ياخي واخر شهر
دائما وجودك يحفز ذاكرتي باستدراج حكايات العمايك في المدارس
.
.
بلولة العولاق دخلوهو المدرسة وقاعد في الفصل ولا جايب خبر
وفجأة كدا كورك بدون أئ مناسبة ها ها ها
الاستاذ : مالك يا بلولة في شنو ؟
فندي خلعتني قبورة
هههههههههههههههه
علما بانه الدنيا صيف لافي قبور ولا ابو العتاب
| |
|
|
|
|
|
|
|
|
|
Re: حكايات عمايك وعولق (Re: عبدالله ود البوش)
|
الطيب وحمد حاذوق اخوان اشقاء عمايك جد
من عمايك بحر ابيض وحكمة الله العمايك والضان يحبو بعض
كل عمايك بحر ابيض عندهم السعية
العمدة التوم ودرجبة عمدة ود العكلي حكم لاخت الطيب وحمد في الورثة بي بقرة
وحمد والطيب زعلو شديد من العمدة التوم علية رحمة الله لانهم بعتبروا البقرة حقتهم وماحقت اختهم لانها مرة
صادف القدر النميري يلقي العمودية الطيب العميكة اها ظنها نصرا من الله ليهو ولي اخوه بقي يجي قريب بيت العمدة
ويكورك النميري الدنة السدة النالة(نميري الجني الشقة النالة) العمدو وينو تاني
حبوبتي الله يرحمها كانت بتدي الطيب غنمها لي السرحة وبياخد 15 قرش كل شهر صادف انو يجيها وجع عيون تسافر الخرطوم بحري لمستشفي العيون
ترجع بعد15 يوم اها الطيب شاف الهلال بقي كبير وقروشو ما ادوها ليهو ,تجي حبوبتي لابسة نظارة شمس للعيون يلم فيها الطيب
يكورك دادر الله علي تبرك سويتي لك نداره وي البعاين ليتي منو احجلي اديني حمستاسر درسي (قادر الله علي كبرك سويتي ليك نضارة وي البعاين ليكي منو اديني قروشي)
حبوبتي طوالي سلمتو القروش خوفا من لسانو الطويل
| |
|
|
|
|
|
|
|
|
|
Re: حكايات عمايك وعولق (Re: saif massad ali)
|
ود عوج الدرب
سلامات يا قريبي وعوافي
.
.
Quote: من عمايك بحر ابيض وحكمة الله العمايك والضان يحبو بعض
|
لان الضان هو عميكة الحيوانات
.
.
خلينا تلتقي في قوز الرهيد
سعيد التِرْدَة أعمى بمشي انداية قوز الرهيد اتناول ليهو حبة شية حبة عجورة
واجغم ليهو بقنية وارجع نصت نهار شعبان اترع
اليوم داك دخل غرفة خاصة في اللنداية اسمها الجنة دي خاصة بكبار الشخصيات
اها قدامو عبار صفيحة كبيرة كوووووف دقشو دفقو
سيد العبار جا لقى عبارو مدفوق
دا الدفقو منو ؟
الجماعة قالوا ليهو دفقو التردة
صفق ايد على التانية وقال : عمي الدنيا ديل كلهم في الجوامع اكان عمينا نحنا الوسط اللنادي
| |
|
|
|
|
|
|
|
|
|
Re: حكايات عمايك وعولق (Re: saif massad ali)
|
ود عوج الدرب
سلامات يا قريبي وعوافي
.
.
Quote: من عمايك بحر ابيض وحكمة الله العمايك والضان يحبو بعض
|
لان الضان هو عميكة الحيوانات
.
.
خلينا تلتقي في قوز الرهيد
سعيد التِرْدَة أعمى بمشي انداية قوز الرهيد اتناول ليهو حبة شية حبة عجورة
واجغم ليهو بقنية وارجع نصت نهار شعبان اترع
اليوم داك دخل غرفة خاصة في اللنداية اسمها الجنة دي خاصة بكبار الشخصيات
اها قدامو عبار صفيحة كبيرة كوووووف دقشو دفقو
سيد العبار جا لقى عبارو مدفوق
دا الدفقو منو ؟
الجماعة قالوا ليهو دفقو التردة
صفق ايد على التانية وقال : عمي الدنيا ديل كلهم في الجوامع اكان عمينا نحن الوسط اللنادي
| |
|
|
|
|
|
|
| |
عبدالله ود البوش
الامين موسى البشاري
محمد البشرى الخضر
حمزه بابكر الكوبي
أبوعبيدة محمد الأمين
الطيب عثمان يوسف
ود الخليفه
ادريس خليفة علم الهدي
محمد عبدالرحمن
فيصل محمد خليل
الطيب رحمه قريمان
علي طاهر
khaleel
على احمد النعيم
munswor almophtah
بله محمد الفاضل
saif massad ali
فيس بوك
تويتر
انستقرام
يوتيوب
بنتيريست