على الرغم من حزننا على موت المتظاهرين العزل جراء هذا التصرف الأمريكى الغير مسئول والمؤسس أيضاً على وساوس ورهاب الأخر, الدموى دوماً والأرهابى والمخخ بالمتفجرات, لكن من ناحية أخرى يبدو أن دماء الضحايا على كلفته المريره سيقدم دروساً هامة سوى كان الموت الحزين والمؤسف لسفير الولايات المتحدة بليبا أو موتى محيط السفارة بالخرطوم ,فالحكومة الأمريكية يجب ان تفهم بان طائرات الناتو وحدها ومحاولة الدخول الأنتهازى لسيناريو الثورات العربية لن يكون كافياً لحصد أمتنان الشعوب (وتشكراتها القلبية) ولن تكون قذائف الناتو وحدها وطائراته وهى تدوى فوق الأنحاء رسائل تحمل بشائر العالم الحر وهدايا الليبرالية, ثمة فرق وتجربتكم فى العراق خير دليل.
أما أخوتنا من ذوى اللحى والغضبات الاٍيمانية الطاهرة ومن عامة المسلمين الغاضبين ..من أهل السودان نقول ليهم (سورى) منو القال ليكم أنو الأرض التى تمشون عليها أرض سودانية ودار اسلام, صحيح عندنا جوامع كثيرة وماعندنا بارات ولادسكوهات وعندنا أمبده والثوره ماعندنا هارلم وبروكلين وعندنا المسرح القومى ماعندنا هوليوود وعندنا علم وحكومة ورئيس مسلم يصلى الصبح حاضر, وشوارع زلط ,وخمسة كبارى ،وسد وجيش وجهاز أمن قوى..ألخ ألخ لكنها صراحةً (كلها أمريكية محيط السفارة ولا محيط استاد الهلال مابتفرق )..الفرق طبعاً أن أرضنا أمريكية ولكن بظروف معيشة سودانية...وظرف ولطف الأمريكان أنو خلوها ليكم (بظروف معيشة سودانية ) أحتراماً للخصوصية والعادات والتقاليد والأديان
كنتوا مفتكرين شنو يعنى...البلد بلدكم...
(عدل بواسطة حاتم الياس on 09-15-2012, 00:08 AM) (عدل بواسطة حاتم الياس on 09-15-2012, 00:13 AM)
09-15-2012, 00:09 AM
سيف النصر محي الدين سيف النصر محي الدين
تاريخ التسجيل: 04-12-2011
مجموع المشاركات: 8995
Quote: لكنها صراحةً (كلها أمريكية محيط السفارة ولا محيط استاد الهلال مابتفرق )..الفرق طبعاً أن أرضنا أمريكية ولكن بظروف معيشة سودانية... وظرف ولطف الأمريكان أنو خلوها ليكم (بظروف معيشة سودانية ) أحتراماً للخصوصية والعادات والتقاليد والأديان
الكلام ده كيف يا ود الياس؟ سؤ الحظ الملازم السودانيين على طول الخط خلاهم يكونو اول ضحايا للذعر الامريكي من تكرار تجربة بنغازي ، و الدنيا انتخابات. هسه لو كانو مرقو قبال يومين يمكن كان المسألة انتهت على خير و دماء المساكين دي اتحقنت.
فى برتكول بتاع مكافحة أرهاب بين الحكومتين وتنسيق وماف زول عارف نقاط البرتكول دى فيها شنو ولاحدوده وين (حدود سلطات الأمريكان فى استعمال القوة وفقاً لهذا البرتكول والتنسيق)..نحن دايرين شفافية وناس الحكومة يوروهو لينا ياشعب السودان نحن أتفقنا على كده وكده...حتى نحتفل كل يناير من مطلع العام يعيد الأستقلال ونحن مطمئنون باننا نحتفل بحاجة حقيقية...
هل يمكننى أن أضحك...(فقط عليك تخيلها)..دون كتابة أومساعدة من ايقونات الكمبيوتر..عاليه جداً
09-15-2012, 04:12 AM
Abureesh Abureesh
تاريخ التسجيل: 09-22-2003
مجموع المشاركات: 30182
يا حاتم انا سألت علاء الدين عن التقرير الطبى لاسباب الوفاة... وعـد وأظن لظروف فروق الوقت لم يجب حتى الان ولم يعد لبوستـه..
من الصـورة التى رأيتهـا لا يمكن ان يكون المرينز هم الذى قتلوا هؤلاء المساكين.. فأين دليلك؟
الدليل الوحيد المعتمد هو التقرير الطبى من المشـرحـة إنهم قتلوا برصاص وليس صدمة سيارة.. ثم على الشرطة بعد ذلك إثبات انهم قتلوا برصاص المرينز وليس الشرطـة.
09-15-2012, 10:38 AM
قيقراوي قيقراوي
تاريخ التسجيل: 02-22-2008
مجموع المشاركات: 10380
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
حاتم الياس
سيف النصر محي الدين
Abureesh
قيقراوي
فيس بوك
تويتر
انستقرام
يوتيوب
بنتيريست