|
|
 النادي السوداني ب مسقط ، كانت ساعة مع أكتمال القمر ..
|
b
تقريبا الفرح عام داخل المدينة ، بسبب مهرجان مسقط السنوي حيثما تدير الطرف تحس البهجة والفرح الزينات والالعاب النارية ، هذه الليلة حتى القمر يتامر مع المكان وينافسه ما أجمل أكتماله خلف الجبال التي تطوق عنق المدينة والقمر ماسة في مهوى عروس .، لوحة تمتص منك توتر الانتظار وخنقة السيارات .
في هذه الليلة الحفية كان لنا لقاء في مهرجان اخر مهرجان خاص بذكرى الاستقلال ، بنادي الجالية السودانية بمسقط لقاء مخصص للاغنية الوطنية فكانت الكلمة خطاب موجه لضفاف النيل وعيون الوطن ، فصدحت الهام عبد الخالق وفاضت غنى –الزول بفتخر وبباهي بالعندو نحنا اسياد شهامة والكرم جندو - ، وتفجرت الموهبة الجميلة هالة دهب ذات الصوت الملائكي القوي ، بأغاني تغنت بها الجدات ضد المستعمر وكان طلعت القمرة الخير يا عشانا تودينا لاهلنا بسألوك مننا وحكى دكتور أحمد طراوة تاريخ كل أغنية ومناسبتها ( جماعة النقرزان ) وكأن الارض قد شقت وأتت بمجموعة الفرقة القومية للفنون الشعبية السودانية لتعطر سماء النادي وسط الزغاريد لتؤدي اغنية انا سوداني أنا للعطبراوي .. ، ما اروعنا من أمة تتغنى لسوادها وتنتمي لنيلها وأنسانها ..
أيها الناس نحن من نفر عمروا الارض حيثما قطنوا
يذكر المجد كلما ذكروا وهو يعتزوا فيما يعتبروا
هكذا مضت هذه الامسية حملتنا الاغنيات عاليا الى حيث الوطن .. وصوت الصغيرة لينة الملئ بالجسارة والنضار يغزو الفضاء ضاربا في جزور التاريخ يذكرنا بالمهدي وعبدالقادر الحبوبة والمك نمر ،الم أقل لكم أنها ليلة من الق الوطن .
|
|
 
|
|
|
|
|
|
|
 Re: النادي السوداني ب مسقط ، كانت ساعة مع أكتمال القمر .. (Re: عشة بت فاطنة)
|
الغالية بت فاطنةاكثر مايفرحني في كل هذه المواسم هو فرحك وانت هناك خلف كاميرتك تؤرخين لكل هذا التعاضد بالصوت والصورة وباالتحريض في احيان اخري برفع العقيرة بغناء الزمن الجميل ....
ووالله يابت فاطنة انا من هناك وعلي الشغل طوالي وعزائي انك هنا ماتزعلي مني وماحاقول ليك انت خير من يقدمنا ويتقدمنا لانها حقيقة زي عين الشمس ودمتي
الهام
| |
|
|
|
|
|
|
|
|
|
Re: النادي السوداني ب مسقط ، كانت ساعة مع أكتمال القمر .. (Re: الجندرية)
|
حباب عشه بت بلدى هناك فى الاول وتانى هنا ..
بشوشه كالعاده وحضورك وطلتك بهيه
حقيقة عجبتنى مداخلتك يا عشه يوم الندوه ..
عبرتى ودافعتى عن كيان كل امرأة سودانيه ليس فى مسقط وحدها
بل فى كل العالم .. وببساطه وعفويه وروح دعابه وبدون تشدد
كنت شايفاك قلت اجى اقالدك من قريب فجأة وسط الزحمه لقيتك مافى
لنا لقاء قريب ان شاء الله ..
تسلمى يا ستى كتير
تخريمه
قصى همرور سلام يا حنين
ان شاء الله تكون شفت السهره تالت يوم فى العيد فى تلفزيون السودان
جابو لقطه من النادى السودانى ..وناس بيتكم كانو ظاهرين ..
بالزات الدكتوره الحنينه ست الحبايب..
اما اب سيف البعرض ده يا هو عريس الحفله كان ..احمد اخوك ..غايتو لو جيت قريب بتحداك فى العرضه والبشير..انت بتكون نسيت الحاجات دى
وطبعا العروسه الحلوه ما شاء الله ورا دى آيه من الجمالما شاء الله ..
تحياتى لك ولكل المتداخلين ..
وتسلمى يا عشه مره تانى
..
| |
|
|
|
|
|
|
|
|
 Re: النادي السوداني ب مسقط ، كانت ساعة مع أكتمال القمر .. (Re: عشة بت فاطنة)
|
| Quote: الاخوة الاعزاء ، اعضاء جالية مسقط اعتزر عن مواصلة هذا البوست واتوقف عن أي نشاط لى بالمنبر ..وشكرا لمشاركاتكم |
بت فاطنه الزعلك منو يازوله كلميني انا اخوك يا بنيه,,,ونحن لم يبقى لنا في هذا البورد غير قلة من الناس الحلوه امثالك نسمع منهم مايزيل عننا مرارة الغربة,,وانا والله قاعد على الهبشه شايل جواي وساكت اسي دي الدم للركب والبيهبشك انتي او اي واحد من ناسي هنا بي طرف عينو ابعج ليهو عينو,,
وتحياتي للحلوين ناس شيخ علي واخرين.
الفاتح 
| |
|
|
|
|
|
|
|
|
|
Re: النادي السوداني ب مسقط ، كانت ساعة مع أكتمال القمر .. (Re: عشة بت فاطنة)
|
انشالله احاول انزل مقتطفات من الحفل في شكل فديو ومن الفعاليات الواضحة في الحفل العازفين ومنهم الموسيقار عازف الكمان ابوزيد عبدالله الامام، وابو زيد موجود بالسلطنة طبعا يا ناس الموسيقى والمسرح .
وشارك ايضا عازف الاكورديون ناجي ابوزيد -ما ولدو صدفة-
وشارك ايضا اشرف دهب بيز جيتار .
وطارق الاسد في الايقاع
ومنظم الحفل ومخرجه الاستاذ أحمد طراوة من جماعة النقرزان ، ومذيعة الربط الطفلة ليناالزاكي .
| |
|
|
|
|
|
|
|
|
|
Re: النادي السوداني ب مسقط ، كانت ساعة مع أكتمال القمر .. (Re: عشة بت فاطنة)
|
وأختم هذا البوست لاواصل معكم في بوست اخر لباقي الفعاليات وقبل الختام احب أوجه كلمة شكر لكل من ساهم في اخراج هذا الفرح من لجنة النادي والى كل المشاركين والمشاركات الائي قامت معظم المناشط على أكتافهن ، ومن أسرة اليوم الاول عفاف وسامية وماما عشة ود/صفية ، والعزر لمن سقط اسمها سهوا .
واسرة اليوم الثاني أخص الاستاذة وداد واسرتها ،ومعي الى بوست اليوم الثالث والرابع ..وشكرا لكل من تداخل معنا في هذا البوست ..
| |
|
|
|
|
|
|
| |
عشة بت فاطنة
Kamel mohamad
Ehab Eltayeb
Adil Isaac
Yaho_Zato
)
julia shawqi hamza
Sakotaweya
الجندرية
حبيب نورة
nada ali
Yasir Elsharif
A.Razek Althalib
فيس بوك
تويتر
انستقرام
يوتيوب
بنتيريست