|
دعواتكم لزميلنا المفكر د.الباقر العفيف بالشفاء العاجل
|
|
 Re: حيوانات منوية من مصدر مختلف ....ربما وداعا للرجال ! (Re: Tabaldina)
|
دبي- العربية.نت
رفض علماء دين ما توصل إليه العلماء في جامعة نيوكاسل من إنتاج حيوانات منوية في معاملهم من خلال خلايا جذعية جنينية لمساعدة الرجال الذين يعانون مشكلات في الإنجاب محذرين من أن يؤدي ذلك إلى نتائج غير أخلاقية في ضوء التلاعب المحتمل فيها، وذلك وفقا لما ورد في تقرير نشرته جريدة "الخليج" الإماراتية.
واعتبر د. حامد أبو طالب عضو مجمع البحوث الإسلامية والعميد السابق لكلية الشريعة والقانون بجامعة الأزهر، أن قضية الخلايا الجذعية والتلاعب الذي يتم فيها بتخليق الحيوانات المنوية من الخلايا الجذعية للأجنة أمر ظاهره الرحمة وحل مشكلات الأزواج الذين يعانون من العقم وباطنه العذاب لما يترتب عليه من كوارث أخلاقية.
وأكد أنه أمر يرفضه الإسلام لأنه نوع من التدخل في عملية الإنجاب بصورته الطبيعية المعترف بها شرعا من الزوجين فقط.
ويرفض أبو طالب التلاعب بالخلايا الجذعية التي هي خلايا المنشأ التي يخلق منها الجنين ومنها تتشكل مختلف أنواع خلايا جسم الإنسان، مشيرا إلى أن ما يتعلق بعمليات التخليق للحيوانات المنوية يتعارض مع حرص الإسلام على سلامة الأنساب التي يحوطها بسياج كبير من القدسية والوضوح وعدم تدخل البشر فيها إلا في ضوء ضوابط شديدة تمنع أي تلاعب أو عبث وألا يقوم بها إلا من يتصفون بأخلاق عالية ومخافة الله وليس تجارا هدفهم الكسب المادي والشهرة العلمية حتى ولو أدت لكوارث علمية وأخلاقية.
| |
 
|
|
|
|
|
|
|
 Re: حيوانات منوية من مصدر مختلف ....ربما وداعا للرجال ! (Re: tmbis)
|
توضيح :
الأخوة المتداخلين قبل الرد على المداخلات اود توضيح ..
أولا هذا خبرا وليس رأيا ..
ثانيا وداعا للرجال هي أحد الإحتمالات التي طرحت في حال أصبح الأكتشاف جاهزا للتداول ..
ثالثا البوست مفتوح للنقاش وعليه أيقونة دالة على ذلك ..
ولو صبرتم كنت ساطرح محاور النقاش ..وساطرحها فعلا ..
تنويه :
هذا البوست لنقاش الإكتشاف ..
| |
|
|
|
|
|
|
|
|
 Re: حيوانات منوية من مصدر مختلف ....ربما وداعا للرجال ! (Re: داليا حافظ)
|
| Quote: أولا هذا خبرا وليس رأيا .. |
.. طيب تمام يا داليا .. طالما هو خبر معناته صياغة العنوان من عندك .. بي الربما دي ..
| Quote: ثانيا وداعا للرجال هي أحد الإحتمالات التي طرحت في حال أصبح الأكتشاف جاهزا للتداول .. |
وداعا للرجال .. واللا لي النوع بشكل خاص ... واللا يكونو يادوبك بدو بينا نحن وما قبلو على القرد والفيل ووحيد القرن ..إلخ
Quote: ثالثا البوست مفتوح للنقاش وعليه أيقونة دالة على ذلك ..
ولو صبرتم كنت ساطرح محاور النقاش ..وساطرحها فعلا .. |
.. تمام يا داليا حسع دا ما نقاش .. بس انت طولي بالك وما تضعي شروط للحركة جوه البوست الشكلو غريب دا ..
Quote: تنويه :
هذا البوست لنقاش الإكتشاف .. |
.. ااادي قعده يا داليـا .. لكن بعيدن ارجوك حددي لينـا مصير الجماعة ديل .. ح يكونو مشاركين واللا حيكونو كومبارس .. اعني الرجال طبعا ..
ــــ
| |
|
|
|
|
|
|
|
|
|
Re: حيوانات منوية من مصدر مختلف ....ربما وداعا للرجال ! (Re: tmbis)
|
يا داليا ..
انت الموضوع دا فاتحاهو كخبرية صغتي عنوانه من خلال الخبرية النزلتيها دي واللا متابعة للبحث دا ؟؟ والعنوان الجذاب دا علشان خاطر العلاج بالصدمة واللا علشان يمشي البوست بي سرعة الصاروووخ ..؟
ربما وداعاً للرجال .. والله دا ينفع عنوان فلم عربي بطولة نادية الجندي والباقر جكس ..
ما عراف لكن ليه اتذكرت القصيدة بتاعت الخواض ليس هم للسرير وحده ..
لو اتضحت النبوه بتاعتي .. معناته:
الشخصية الانثوية قاعده تعمل طلعات جوية للشخصية الذكورية..
ـــ
| |
|
|
|
|
|
|
|
|
|
Re: حيوانات منوية من مصدر مختلف ....ربما وداعا للرجال ! (Re: وليد محمد المبارك)
|
| Quote: ما هي تحفظاتك على هذا الإكتشاف ؟ |
يا داليــا نحن حسع عرفنا شنو زاتو عن الاكتشاف لما نجي نتحفظ عليهو ..؟
المسالة عبارة عن خبرية .. تمت صياغتها في المنبر العام لسودانيزاونلاين على طريق العلاج بالصدمة الاساسية ..
يعني بي صورة اوضح يا داليا ...
لقيتي الخبرية دي في المكان الجبتيهو منو دا .. وقلتي كدي نمشي سودانيز دي نشوف الناس دي فكرته شنو عن الخلايا الجزعية دي .. وبالمرة نصدمم ليك في صمة خشمم ..
ووين الاكتشاف دا والحيثيات .. وباقي الكلام المتعلق بيهو ..
ما شايفه انك ضغطتي علي النوع كدا ..؟
ـــ
| |
|
|
|
|
|
|
|
|
|
Re: حيوانات منوية من مصدر مختلف ....ربما وداعا للرجال ! (Re: وليد محمد المبارك)
|
Quote: الخلايـا الجزعية ( الجنية ) دي وين زاتو كدي من الأول .. يعني قاعده وين في الراجل واللا في المرا؟؟
يعني بي صورة أوضح:
الخلايا دي ذكورية في الاساس..؟ يعني ليها علاقة بالسلطة الذكورية ..؟ |
سؤال ذكى من تمبس...
الخلايا الجزعية دى وين زاتو؟
حأحاول أن أجيب السؤال دة بصورة مبسطة جدا وأتمنى أن أوفق فى ذلك..وقبل الإجابة عن مكان تواجد الخلايا
الجزعية فى جسم الإنسان ينبغى علينا تعريف الخلايا الجزعية.
المعروف أن البداية كانت بإندماج حيوان منوى (من الرجل) فى بويضة (من الأنثى). وكلا الحيوان المنوى والبويضة
عبارة عن خلايا. إندماج الحيوان المنوى بالبويضة يعطينا خلية واحدة مخصبة تسمى الزايجوت..هذه الخلية الواحدة
تنقسم لتعطينا خليتين وتنقسم مرة أخرى لتعطينا أربع خلايا ومرة أخرى وهكذا..هذه الخلايا هىالتى تكون الجنين
بأعضاءه المختلفة ..بمعنى أن لدى هذه الخلايا القدرة على التمايز ..فبعضها يعطى خلايا عصبية تكون النواة لتكوين
المخ والنخاع الشوكى..وبعض هذه الخلايا يعطى خلايا الجهاز الهضمى وهكذا..
فمن خلية واحدة تتكون مليارات من الخلايا المختلفة فى المهام والوظائف..من هنا نخرج بتعريف للخلايا الجزعية
بأنها أى خلية لها المقدرة على التمايز وإنتاج خلايا أخرى متخصصة.
من هنا يتضح أن الخلايا الجزعية تتواجد فى الجنين (فى رحم أمه) فى مراحل تكوينه المختلفة ..والخلايا الجزعية
تتواجد فى أى جنين سوى ذكر أو أنثى..
شىء اخر ينبغى ألا ننساه وهو أن الخلايا الجزعية أيضا توجد فى أجسام البالغين..فى أماكن محددة ولها وظائف محددة
مثلا فى نخاع العظم توجد خلايا لها القدرة على التمايز وإنتاج خلايا دموية مختلفة..
من هذا يتضح أن لدينا نوعان من الخلايا الجزعية:
1) خلايا جزعية جنينية (وهى التى تستخدم فى الأبحاث كما فى البحث المشار إليه أعلاه)
2) خلايا جزعية فى البالغين .
وأبحاث الخلايا الجزعية أحدثت ثورة فى عالم الطب وفتحت أمال كبيرة لعلاج أمراض مستعصية ..ولكن فى
نفس الوقت قوبلت هذه الأبحاث برفض شديد من رجال الدين سواء المسلمين أو المسيحيين..
الرفض بإختصار أن الخلايا الجزعية المستخدمة فى التجارب هى خلايا جنين فى طور التكوين وفى
النهاية هو إنسان يستحق العيش تماما كصاحب المرض المستعصى الذى يودون علاجه بإستخدام بالخلايا الجزعية
| |
|
|
|
|
|
|
|
|
|
Re: حيوانات منوية من مصدر مختلف ....ربما وداعا للرجال ! (Re: علاء الدين محمد بابكر)
|
نقلا عن BBCعربية
علماء في نيوكاسل في إنتاج حيوانات منوية في معملهم، وذلك من خلال خلايا جذعية جنينية.
ويعتقد الباحثون ان ذلك سيساعد الرجال الذين يعانون مشكلات في الانجاب. ولكن خبراء آخرين أعربوا عن اعتقادهم بانه لم يتم تخليق حيوانات منوية كاملة.
وكتب فريق الباحثين في صحيفة "ستيم سيلز آند دفيلوبمنت" يقول إن الأمر قد يستغرق 5 سنوات حتى يكتمل هذا التكنيك الذي بدأوه بخلايا جذعية جنينية.
وقد تم أخذ الخلايا الجذعية من جنين عمره أيام وحفظها في صهاريج بها نيتروجين سائل. ثم وضعت في درجة حرارة الجسم وفي خليط كيمياوي لتشجيعها على النمو.
اختراق
وقال البروفيسور كريم نايرنيا، رئيس فريق الباحثين في جامعة نيوكاسل، إن فريقه حقق اختراقا علميا جديدا، بنجاحه في تطوير طريقة مبتكرة لإنتاج حيوانات منوية في مراحلها المبكرة، وذلك عبر معالجتهم لخلايا جذعية أخذوها من أجنة بشرية واستخدامهم حمض الريتينويك، وهو مشتق من فيتامين "أ".
يقول العلماء إنهم وجدوا أن حوالي 20 بالمائة من الخلايا المستخدمة في اختباراتهم قد أنتجت حيوانات منوية في مراحلها المبكرة، أو مرحلة ما يسمى علميا بـ "السبيرمأتاغونيا".
ويضيفون قائلين إنه بعد عمليات زرع إضافية للخلايا الحديثة المنتجة، وجدوا أن عددا من تلك الخلايا يواصل عملية الانشطار والانقسام.
أما الاختراق العلمي الحقيقي، حسب البروفيسور نايرنيا، فقد جاء عندما اكتشفوا أن بعض الخلايا قد واصلت عملية النمو، حيث أخذت تستطيل وبدأ ينمو لها ذيل يساعدها على الحركة وتكوين خلايا منوية يمكن تمييزها بسهولة ويسر.
وقال البروفيسور نايرنيا: "إذا ما توصلنا إلى فهم أفضل لما يجري، فقد يقودنا هذا إلى طرق جديدة لعلاج العقم."
شكوك
غير أن الدكتور آلان باسي استاذ البيولوجي في جامعة شيفلد فيقول إنه ليس مقتنعا بان الحيوانات المنوية التيى تم تخليقها كاملة مشيرا الى الحاجة لاخضاعها لاختبارات لتحديد مت تم إنجازه بالفعل.
وطرح هذا البحث قضايا أخلاقية حيث تقول جوزفين كوينتافيل من أحد المراكز المعنية بالبعد الأخلاقي في البحوث العلمية "ان هذا البحث دليل آخر على الجنون اللاأخلاقي حيث يتم تدمير أجنة بشرية لتخليق حيوانات منوية، إنهم يقضون على حياة من اجل احتمال تخليق حياة أخرى، انني أؤيد علاج العقم ولكني أعتقد انه لا يمكنك عمل كل ما تريد القيام به".
| |
|
|
|
|
|
|
|
|
|
Re: حيوانات منوية من مصدر مختلف ....ربما وداعا للرجال ! (Re: داليا حافظ)
|
| Quote: وطرح هذا البحث قضايا أخلاقية حيث تقول جوزفين كوينتافيل من أحد المراكز المعنية بالبعد الأخلاقي في البحوث العلمية "ان هذا البحث دليل آخر على الجنون اللاأخلاقي حيث يتم تدمير أجنة بشرية لتخليق حيوانات منوية، إنهم يقضون على حياة من اجل احتمال تخليق حياة أخرى، انني أؤيد علاج العقم ولكني أعتقد انه لا يمكنك عمل كل ما تريد القيام به". |
| |
|
|
|
|
|
|
|
|
|
Re: حيوانات منوية من مصدر مختلف ....ربما وداعا للرجال ! (Re: علاء الدين محمد بابكر)
|
| Quote: ما أظن فينا واحد بفتح بوست وما عايزو يتقري |
.. كلامك صاح .. لكن لما كمان شكل العنوان صارخ كدا ومضحك وجوه خالص في جدل لسه ما اثبت صدقيني يا داليا .. بيخلي الزول البيقرا انو يضع مية علامة استفهام .. للشخص البفتح بوستات بالشكل دا .. وربما لاحقـا يضع ضوابط محددة للتعامل مع كاتب البوست ..
دا طبعا بشبه كتير من الجرايد بتسعى للترويج السلعي اكتر من المعلومة المفيدة ..
ممكن يقرو البوست دا مليون نفر .. ويحتفظو بي راي سلبي جدا نتاج الاستفزاز النوعي بتاع ربما حقتك اللخصتي بيها الخبر .. وممكن يجو كم واحد هنا دا .. يقولو ليك نحن زاتنا ما عندنا خلايا جزعية ويفقدو ليك المنطق .. وفي النهاية يطلع البوست شمار في خور ..
التعامل مع الاكتشافات العلمية المتطورة والاستنساخات الجينية وعلم الوراثة والحاجات دي .. لسه في طور البشرية ما وصلت لي حلول جادة فيهو .. ولسه في جدل بين الدين والعلم .. اعتقد انو المسالة اكبر من اننا طوالي نفرمنه في نسف الآخــر ..
والله ربما وداعا للرجال دي ناس الدار ما سبقوك عليها ..
ـــ
| |
|
|
|
|
|
|
|
|
 Re: حيوانات منوية من مصدر مختلف ....ربما وداعا للرجال ! (Re: tmbis)
|
Quote: يا تمبس!
الخلايا البتاعية دي .. تحت الحجاب الحاجز ولا فوقو؟ |
.. عليك الله اسألني دبل ..
انا خايف بكره يطلع اكتشاف جديد يقولو في ناس الخلايا البتاعية دي زاته ما قاعده تقوم ليهم
كدا المسالة بتكون بايظه خالص ..يعني الاتنين بقو عليهو .. ربما وداعا ليهو + خلايا جزعية (تك) والله دا تاني غلا يقفلو بيهو الباب يبقى قاعد في البيت زيو وزي الدقل واحد
| |
|
|
|
|
|
|
|
|
|
Re: حيوانات منوية من مصدر مختلف ....ربما وداعا للرجال ! (Re: Tabaldina)
|
Quote: يا تامبا
مع اتفاقى التام لوجهه نظركـ
بس ما تضغط على البنزين شديد .. |
والله يا تنقـا ما ضاغط ولا اي حاجة .. لكن بس مسالة المصادر المختلفة دي لحدت الآن عامله لي ملاوزه .. قلت اشوف النجيضة بتاعت البدايل المتاحة ..
اها على العموم .. انا ماش انوم .. ظنيتو الصيام طار لي في راسي وبقيت اهضرب ساكت ..
يللا يا شباب خلو بالكم من خلاياكم الجزعية ما معروف بكره يجازفو منكم شنو يحليلكم والله بقيتو حالتكم تحنن
ناس دكتور كريم نايرنيا، طلعوكم هبووود ساكت .
| |
|
|
|
|
|
|
|
|
|
Re: حيوانات منوية من مصدر مختلف ....ربما وداعا للرجال ! (Re: tmbis)
|
Quote: وأبحاث الخلايا الجزعية أحدثت ثورة فى عالم الطب وفتحت أمال كبيرة لعلاج أمراض مستعصية ..ولكن فى
نفس الوقت قوبلت هذه الأبحاث برفض شديد من رجال الدين سواء المسلمين أو المسيحيين..
الرفض بإختصار أن الخلايا الجزعية المستخدمة فى التجارب هى خلايا جنين فى طور التكوين وفى
النهاية هو إنسان يستحق العيش تماما كصاحب المرض المستعصى الذى يودون علاجه بإستخدام بالخلايا الجزعية |
تشكر يا دكتور امبدة على المعلومات المفيدة جدا .. عن الخلايا الجزعية، وسؤالي كان القصد منو فعلا ما اشرت ليه بالزايجوت ..
| Quote: من هنا يتضح أن الخلايا الجزعية تتواجد فى الجنين (فى رحم أمه) فى مراحل تكوينه المختلفة ..والخلايا الجزعية تتواجد فى أى جنين سوى ذكر أو أنثى.. |
..Quote: 1) خلايا جزعية جنينية (وهى التى تستخدم فى الأبحاث كما فى البحث المشار إليه أعلاه)
2) خلايا جزعية فى البالغين . |
.. شكرا يا دكتور .. والله دا كلام علمي نجيض جدا ..
| |
|
|
|
|
|
|
|
|
|
Re: حيوانات منوية من مصدر مختلف ....ربما وداعا للرجال ! (Re: tmbis)
|
والله ياجماعة وديتو الخبر في خبر كان
الزولة قصدها نقل خبر عملتوهو حاجات تانية
غايتو يا المغتربين بختكم ممكن مع المصاريف ترسلوا الخلايا الجذعية في كيس وتتفكوا من الاستقدام والتذاكر والسكن والمصائب الكتيرة بس ماتختوا الخلايا الجذعية في الشنطة عشان الولد مايطلع مشوه وكده بعدين في اي مشكلة الواحد يقول ليهو عامل نخرتك زي علبة الصندلية كده كااااااااااااك
معليش ياداليا الناس جرجرت الموضوع
زاتوووو
| |
|
|
|
|
|
|
|
|
 Re: حيوانات منوية من مصدر مختلف ....ربما وداعا للرجال ! (Re: tmbis)
|
الأخوة المتداخلين
ماجبت حاجة من عندي والموضوع كان مطروح من خلال وسائل مختلفة ..وآخرها أمس على إذاعة BBc ، وتم
مناقشة الموضوع في برنامج "نقطة حوار "، وكان في طبيب مستضاف أكد على أنو الإكتشاف جاهز
للإستخدام،وإتكلموا عن التحفظات الأخلاقية حول الموضوع ، والمقارنة بين الفائدة المرجوة منو
والمخاطر ..
وبين إمكانية إستخدامو مع شروط مشددة ..وكيف يمكن أن يؤثر على الأسرة والأنساب إلى آخرو
وبتمنى يجي واحد من أطباء البورد يرفد البوست باراء مفيدة ويؤكد او ينفي ..
هام جدا ..
كان الهدف هو مناقشة إحتمال عدم حاجة النساء للرجال في موضوع الإنجاب ..من خلال هذا
الإكتشاف ..ومن ثم كونه طبيعي اولا ..وإلى ماذا يمكن أن يؤدي ..ألخ
| |
|
|
|
|
|
|
|
|
|
Re: حيوانات منوية من مصدر مختلف ....ربما وداعا للرجال ! (Re: داليا حافظ)
|
| Quote: ماجبت حاجة من عندي والموضوع كان مطروح من خلال وسائل مختلفة ..وآخرها أمس على إذاعة BBc ، وتم |
حيوانات منوية من مصدر مختلف .... ربما وداعا للرجال ! جبتي والله يا داليا وجبتيها دقله يكركب كمان ..
حسع الناس الكانو بيناقشو ديل جو قالو ربما وداعاً للرجال ..؟
اكيد ماف واحد فوقم بيتجرأ ويقول كدا دا ..
سؤالي الرد لي عليهو دكتور امبده .. كنت عايز اصل معاك في اطار النقاش لي مصدر الخلايا.. والاصل في وجوده .. داخل أو خارج الرحم .. جنين كانت ام خلايا حية .. يعني بالعربي الواضح .. الاصل في تكوينه.. يعني يا داليا لو اي واحد فينا مسك خلاياهو الجزعية عليهو .. والله ناس كريم ديل إلا ( يكسرو ) الخلايا دي بي شامبيون
| Quote: وبتمنى يجي واحد من أطباء البورد يرفد البوست باراء مفيدة ويؤكد او ينفي .. |
.. يعني نطلع ليك منها يا داليــا ..؟
واللا نقرا طب ونجيك ..؟ ما نحن برضو عندنا خلايا حية حايمه في البوست بتاعك دا ..
| |
|
|
|
|
|
|
|
|
|
Re: حيوانات منوية من مصدر مختلف ....ربما وداعا للرجال ! (Re: tmbis)
|
بدخلني في لوم الآخرين ..لأنو برد ليك
يعني مشكلتك كلها في ربما وداعا للرجال دي ..
طيب لو ما كنت كتبت ربما كان علقت لي مشنقة ؟
تاااااني
ربما وداعا للرجال تعني : إحتمال عدم إحتياج النساء في حتة (الإنجاب ) تحديديا للرجل وده إختزال
جائز لأنو ما مكن أكتب عنوان مشروح ..
Quote: يعني نطلع ليك منها يا داليــا ..؟
واللا نقرا طب ونجيك ..؟ ما نحن برضو عندنا خلايا حية حايمه في البوست بتاعك دا .. |
لا ياتمبس أنا الما قارية طب ..عشان كدة فضلت انو يرد العارف بالأمر على أسئلتك
التعسفية ..وبالتحاول تسخر فيها وتقلل من شأن الآخر ، عشان هم يدوك إجابات نجيضة ما حتلقاها عندي
انا مهمتي بتتوقف عن حدين ..نقل خبر ومحاولة نقاشو الفشلت لأنها إتحولت لغرض أبدا ما كان في تفكيري
ودخل حتى في النوايا !!
| |
|
|
|
|
|
|
|
|
|
Re: حيوانات منوية من مصدر مختلف ....ربما وداعا للرجال ! (Re: داليا حافظ)
|
| Quote: بدخلني في لوم الآخرين ..لأنو برد ليك |
دا معناتو كلامي مهم يستحق الرد .. زي ما كان بوستيك مهم يستحق الدخول ..
Quote: يعني مشكلتك كلها في ربما وداعا للرجال دي ..
طيب لو ما كنت كتبت ربما كان علقت لي مشنقة ؟ |
ااي مشكلتي فوقه .. ومشكلة الناس الهنا ديل كلهم ومشكلة الناس القرت كلامك دا .. ومشكلة حواء مع آدم مع ابليس .. ما كنتت علقت ليك مشنقه بريه انت من الحبل .. كان ضربتك رصاص عديل كدا .. وانا في وضعية القيام راقدا .. Quote: ربما وداعا للرجال تعني : إحتمال عدم إحتياج النساء في حتة (الإنجاب ) تحديديا للرجل وده إختزال
جائز لأنو ما مكن أكتب عنوان مشروح .. |
تااني برضو يا داليا بقوليك عنوانك كان ممكن يكون اقل اثارة من الحصل دا والبلبلة دي .. وكان ممكن طلعنا بي حاجات مفيدة اكتر من كدا .. لكن اي واحد يقرا عنوان البوست من الشمال لليمين أو من اليمين للشمال .. والله كان لقاهو في الواشنطون بوست يقول دا كاتبنو ناس الدار .. في الحتات دي يا داليا .. تكفي .. المرة الجاية اكتبي عنوان مشروح. | Quote: لا ياتمبس أنا الما قارية طب ..عشان كدة فضلت انو يرد العارف بالأمر على أسئلتك التعسفية ..وبالتحاول تسخر فيها وتقلل من شأن الآخر ، عشان هم يدوك إجابات نجيضة ما حتلقاها عندي |
.. لا يا داليا اسئلتك ما تعسفية ولا القصد منها اسخر بيها من زول ولا انت كمان قاريه طب ولا انـا .. أنا عارف ما ح اللقاها عندك النجيضة البفتش ليها .. لانو لو عندك اساسا ما كان جيتي قلتي كلامك دا .. لكن كنت عايز اصل معاك لي حته تقنعيني بيها بي ربما بتاعتك الجابت ليك الرصاص دي .. خاصة بعدما عرفت انها من عندك ناجراها براك في صياغه للخبر ..
تعرفي يا داليا انا بطلت اقرا جرايد من فترات بعيدة خلاص .. حتى في النت ما قاعد اقراها .. بتجيني في المكتب سبعة جرايد يومية قاعد اكبها في الحال .. حساسيتي مع الجرايد زادت من فترة .. تقرا ليك مانشيت عريض جدا وتدخل جوه تلقى كلام عجيب جدا ..
Quote: انا مهمتي بتتوقف عن حدين .. نقل خبر ومحاولة نقاشو الفشلت لأنها إتحولت لغرض أبدا ما كان في تفكيري
ودخل حتى في النوايا !! |
نقل الخبر بي ضبانتو ؟؟ واللا زيادات منك وكنكلوشن ؟؟
بعدين نوايا شنو ياداليا الدخلنا فيها ..؟
ياخ قلتي ربما .. وجينا قلنا ليك ما ربمـا .. حسع المسالة دي علاقته بالنوايا شنو يا داليا .. ؟
بعدين اوعك تكوني مارقه مخليه البوست دا بالطريقة دي .. لا والله ما بتمشي .. لازم نصل لي حل في المسالة بتاعت ربما دي .. وتقنعيني يا اقنعك ..
يللا عندك فرصة جيدة جدا .. طالما انك صحفية فجاتك فرصة من دهب .. تراجعي اسباب فشل الحوار دا .. وليه ما قدرتي تسيطري عليهو .. وتوصلي وجهة نظرك .. ما شايفه انك استفدتي مننا اكتر من ما اننا استفدنا منك بي الربما بتاعتك دي ..؟
| |
|
|
|
|
|
|
|
|
|
Re: حيوانات منوية من مصدر مختلف ....ربما وداعا للرجال ! (Re: tmbis)
|
..
| Quote: وبتمنى يجي واحد من أطباء البورد يرفد البوست باراء مفيدة ويؤكد او ينفي .. |
أنا واحد من دكاترة البورد ده وشايف الموضوع ده من الأول للأخر نظرى من ناحية علمية وعملية ..يعنى ممكن تعمل (assumption ) زى ده داخل المختبر وتفرح تجرى تعمل فقاعةفى الأعلام .. يلقطوها العواطلية ( اقصد الخبراء متعهدي الفضائيات ) زى عبد البارى عطوان وكده.. يعملو ليك منها قصص..
بصراحة دى مؤامرة من دول الغرب ضدناوضد تراثنا وتقاليدنا.. من طلح وشاف وملحقاته ألأخرى...
يعنى ألحيوان المنوى ده زوول عديل كدة .. عنده عيون ومخ وحركة عشان كدة مهما كان ماممكن يتقلد..
ملحوظة: |ذا كان الهرطقة دى صحيحة احسن أوقف البنا بتاعى البديتو ده ..ما فى داعى اتعب على الفاضى..
هذا ما لزم توضيحه ..
| |
|
|
|
|
|
|
|
|
|
Re: حيوانات منوية من مصدر مختلف ....ربما وداعا للرجال ! (Re: Awad Omer)
|
Quote: أنا واحد من دكاترة البورد ده وشايف الموضوع ده من الأول للأخر نظرى من ناحية علمية وعملية ..يعنى ممكن تعمل (assumption ) زى ده داخل المختبر وتفرح تجرى تعمل فقاعةفى الأعلام .. يلقطوها العواطلية ( اقصد الخبراء متعهدي الفضائيات ) زى عبد البارى عطوان وكده.. يعملو ليك منها قصص..
بصراحة دى مؤامرة من دول الغرب ضدناوضد تراثنا وتقاليدنا.. من طلح وشاف وملحقاته ألأخرى...
يعنى ألحيوان المنوى ده زوول عديل كدة .. عنده عيون ومخ وحركة عشان كدة مهما كان ماممكن يتقلد..
ملحوظة: |ذا كان الهرطقة دى صحيحة احسن أوقف البنا بتاعى البديتو ده ..ما فى داعى اتعب على الفاضى..
هذا ما لزم توضيحه .. |
الاخوة المتداخلون
تحياتي
اعلاه راي لاحد الاطياء ينفي امكانية الاكتشاف المذكور في الخبر
| |
|
|
|
|
|
|
|
|
 Re: حيوانات منوية من مصدر مختلف ....ربما وداعا للرجال ! (Re: وليد محمد المبارك)
|
| Quote: حيوانات منوية من مصدر مختلف ....ربما وداعا للرجال ! |
بعدين قصة مصدر مختلف دي كيفن ؟
يعني فرحانين ؟ المصدر الجديد ده بيؤدي نفس أغراض المصدر الاول ؟
نفترض في مصدر مختلف .. اها ..
تاني الواحد يشيل ليو مصدرين و لا يشيل مصدر إحتياطي و لا يكتب في السي في حقو ولا يعرفو كيف إنه عنده مصادر متعددة ؟
_
ود الصايم إنت عندكـ كم مصدر ؟ و مصادر دخل و لا مصارف صرف ؟
| |
|
|
|
|
|
|
|
|
|
Re: حيوانات منوية من مصدر مختلف ....ربما وداعا للرجال ! (Re: فيصل نوبي)
|
نظريا وبهذا الإكتشاف العلمى يمكن الإستغناء عن الرجال فى عملية التكاثر..كما ذكر موقع CBS الأخبارى
على الأنترنت:
| Quote: Sperm could be produced from female stem cells. That would mean women would no longer need men to create babies. |
المذهل أنه وبنفس الطريقة يمكن إنتاج ملايين الأجنة المتشابهة فى كل شىء..(ما كنا نشاهده فى أفلام الخيال العلمى بدأ يصبح واقع)
| |
|
|
|
|
|
|
|
|
|
Re: حيوانات منوية من مصدر مختلف ....ربما وداعا للرجال ! (Re: فيصل نوبي)
|
احتراماتي
لا أرى سبب وجيه يدعو لكل هذه السخرية المتخذة من قبل معظم من شارك في البوست
الخبر موضوع علمي متناقل في جميع وكالات الأنباء لأنه اكتشاف خطير قد يغير مجرى الأحداث الطبية والعلمية تماماً كموضوع النعجة دولي
و طبعا ًلو كان الموضوع مطروح من قبل أحد رجال البورد أكيد ما كنت دخلت ولا شاركت، لو سجيمان مثلاً كتب الخبر كان حيكون عادي فهو استايله مثلاً، الجديد أن كاتبته فتاة أو سيدة رقيقة كالأخت داليا
يلا قوام قوموا عقدوها في حنانها وبلعوها لسانها وكرهوها البورد ومن جاء فيه
أما انها جاءت بخبر يناقش كأي خبر طبي آخر (ذي موضوع علاج السكر مثلاً) فهذا حلم بعيد المنال
ويحكها كمان تمبس لما تجيب الدم،
يعني!!
سو يا قول الخواجات!!
كتبت عنوان لافت للنظر، هذا يفسر بالشطارة، فالكاتب الجيد هو من يستطيع لفت النظر لما يكتب ويعمل ضجة بمجرد عنوان
ده بسموه (عصف ذهني ) يا تمبس يا شين يا ثقيل
لا ادري متى سنصل لمرحلة النضج الجنسي ؟؟!
متى سنصل لمرحلة النقاش العلمي الهادف؟؟!
الناس بتتلقف هذه الأخبار لأهميتها وإمكانية أن تغير مجرى الحياة كله
مش لأنها مدعاة للضحك والسخرية
تضحكوا مكسرة سنونكم إن شاء الله
داليا
كان المفروض تجيبي خبر عن مثلاً قزاز عاملة تخفيض رهيب، أو تتحدثي عن آخر خطوط دور الأزياء سانكروست واللا شنو ما بعرف، أو قصيدة شعر من نوع (عندما جلست في السنديانة تداعت عصافير الخريف فتبنشرت لغة السنونو)
حاجة كده
سلمتم جميعاً
| |
|
|
|
|
|
|
|
|
|
Re: حيوانات منوية من مصدر مختلف ....ربما وداعا للرجال ! (Re: بت قضيم)
|
بالله عليك الله يا بت قضيم
ما تبدي لينا الموضوع باحرتاماتي وتختمي لينا بسلمتم جميعا وفي النص تحشري لينا نبز وتهكم
صحصح في ناعلقت .. واتهكمت
لكن برضو داليا عنوانا كان مستفز .. حتى هي نفسها اعتزرت عنو وقالت وا قاصده
بعدين العقده الواقعات فوقها انتو دي شنو ؟
طوالي وكت ما يدرشوا ليكم واحده
تشبكونا لو كان ده راجل ولو كان دعيسى
وجاريات تتحامن في حكاية الجندرة دي
مالها داليا حافظ قاصر .. عشان تنفرز من سجيمان او اي راجل تاني
التحيز الجندري ده يا بت قضيم في راسك انت بس
فبالله ما تسقطى عقدك فينا
نحن هنا بنتعامل مع النك نيم والنك نيم ما عنده جندر
Quote: لا ادري متى سنصل لمرحلة النضج الجنسي ؟؟!
متى سنصل لمرحلة النقاش العلمي الهادف؟؟! |
بنصل لو داليا فتحت الموضوع صاح
وانت بطلتي ترمي اي حاجة في سوق الجندرة وبطلتي الوصاية
بنصل
خلاف كده ياه بكون شكل الموضوع كده
| |
|
|
|
|
|
|
|
|
|
Re: حيوانات منوية من مصدر مختلف ....ربما وداعا للرجال ! (Re: بت قضيم)
|
..
.
Quote: لا ادري متى سنصل لمرحلة النضج الجنسي ؟؟!
متى سنصل لمرحلة النقاش العلمي الهادف؟؟! |
بس اسالك سؤال انت قبال كدا ما كان عندك بوست
واتقلب ونسه .. قدرت تعملو عليهو كنترول
وليه ما قلت كلامك دا بنفس المستوى ..؟؟
شنو مرحلة نضح .. ومراهقة
ونقاش علمى ..!!!؟
___________
حاجة عجيبة كل زول جاى شايل ليهو سوط !!
| |
|
|
|
|
|
|
|
|
 Re: حيوانات منوية من مصدر مختلف ....ربما وداعا للرجال ! (Re: Frankly)
|
الحمد لله نتفكى منكم زاتو ما كان تلقوا الحل ده من زمان
أنا قلت كده برضو
نتمنى أن يكون المصدر المختلف جميلا ووجيها ومفتول العضلات وسيم الطلعة وخالى من الصلعة !
وكذلك يحسن قيادة السيارة والسباكة ويجيد التسوق وشراء الذهب ! ويتقن فن الحراسة الليلة ! ولا يكل ولا يمل !
لا بريدك لا بحمل براك
داليا شكراًعلى الخبريه ويا جماعه أدوها فرصه تناقش الموضوع
مع( الدكاترة )
خليك مع موضوعك وما تلفي :)
| |
|
|
|
|
|
|
|
|
 Re: حيوانات منوية من مصدر مختلف ....ربما وداعا للرجال ! (Re: وجن)
|
عذرا لكل [B]رجل أحس بالإهانة من هذا البوست ..وشعر أنو فيهو رسالة ما..
ما كان عندي أي مآرب[/B] اخرى غير التعامل مع الخبر كخبر ..ومحاولة نقاش يبدو انها
فشلت ..
أن كان في العنوان أي إيحاء بإسأة فهي غير مقصودة أبدا ..
اعتذر لعدم المواصلة لأن هناك مداخلات لا يمكنني مجاراتها أبدا ...
ألف شكر لكل من مر بهذا البوست ..
| |
|
|
|
|
|
|
|
|
|
Re: حيوانات منوية من مصدر مختلف ....ربما وداعا للرجال ! (Re: Frankly)
|
| Quote: من هنا يتضح أن الخلايا الجزعية تتواجد فى الجنين (فى رحم أمه) فى مراحل تكوينه المختلفة |
أما فى أبحاث الخلايا الجزعية فيتم تخصيب البويضة خارج رحم المرأة ببيئة تشابه بيئة الرحم..والهدف من البويضة المخصبة
أو الجنين (وفى رأى أنه إنسان) هو الخلايا المراد إستخلاصها فقط..أى أن تطور الجنين لا يكتمل للاخر..
| |
|
|
|
|
|
|
|
|
|
Re: حيوانات منوية من مصدر مختلف ....ربما وداعا للرجال ! (Re: ombadda)
|
Quote: عذرا لكل رجل أحس بالإهانة من هذا البوست .. وشعر أنو فيهو رسالة ما..
ما كان عندي أي مآرب اخرى غير التعامل مع الخبر كخبر ..ومحاولة نقاش يبدو انها
فشلت ..
أن كان في العنوان أي إيحاء بإسأة فهي غير مقصودة أبدا ..
اعتذر لعدم المواصلة لأن هناك مداخلات لا يمكنني مجاراتها أبدا ... |
داليا .. عايني .. عني انا كتمبس واحد المشاركين في البوست دا .. اطلاقا ما حسيت بي انك عندك مآرب أخرى .. واطلاقا ما حسيت بي انو في رسالة ما .. ما تضغطي على نفسك كدا دا .. نحن البنوصل ليك في الفكرة دي أخوانك وقاعدين نتلاقى معاك في حتات كتيرة .. انا القدامك دا شخصيا ما بحب اكتب لي عنوان يدي على الاقل مساحة صغيرة لي الامتهان من الأخرى .. وحرصة عالي جدا في الحتة دي .. فما بالك بي انك صحفية ودي مهنتك واكل عيشك .. يعني انا لو اي زول قرا لي كلام بالشكل دا ممكن عادي يمشي يلف بي طعمية .. لكن انت لو كتبتي كلامك دا في اي مكان ونزلت عليك سياط النقد .. هل بي مقدورك انك ترجعي خطوات لي وراء واللا ح تبطلي مهنتك دي ؟؟
تفشل محاولة النقاش مرة ومرتين وتلاتة .. لكن نستفيد من فشلنا دا يعني ما تمشي محمبكه كدا وتقولي والله الليلة ناس تمبس اتلمو فيني وكتبو لي كلام ما لذيذ ..
عنوانك دا والله يا داليا غير الشبك ما بجيب لينا حاجة ..
| |
|
|
|
|
|
|
|
|
|
Re: حيوانات منوية من مصدر مختلف ....ربما وداعا للرجال ! (Re: ombadda)
|
داليا :
سلامات ..
انا حا اكون جادي جداً في الحتة دي وصدقيني لو جابوتي عليها براك كنتي ما حتحتاجي تجي تنزلي الموضوع ده عشان يبقا للنقاش كما تفضلتي انتي..
إنتي مش اتخطبتي قريب ده ؟؟؟
ربما وداعاً لي خطيبك ؟؟
لو ودعتيهو فحينها فقط تكوني جاوبتي على التساؤل حول الاكتشاف ..
ولو كمان ما ودعتيهو يبقا سبب واااحد يخلي باقي نساوين خلق الله ديل يودعوا رجالهم ..
تحياتي..
تخريمة :
والما عندها جسم تمشي القسم ..
والما عندها حبيب تجيني قريب ..
والما عندها جزعة عايزة الفزعة ..
إنتو الحفلة دي ما فيها فلاتة ؟؟
| |
|
|
|
|
|
|
|
|
|
Re: حيوانات منوية من مصدر مختلف ....ربما وداعا للرجال ! (Re: ombadda)
|
Quote:
كان الهدف هو مناقشة إحتمال عدم حاجة النساء للرجال في موضوع الإنجاب ..من خلال هذا
الإكتشاف ..ومن ثم كونه طبيعي اولا ..وإلى ماذا يمكن أن يؤدي ..ألخ |
يمكن ان يؤدى الى اخضرار النجيلة ( لعدم الحوجة لمعطها ) ....
يمكن ان يؤدى الى ثراء الجنس الذكورى الذى يبدد ماله فى سبيل الانجاب .. من فتحة الخشم لى فتحة القبر ..
يمكن ان يؤدى بهذا ابوست الى الخور رحمة بودالصايم و تمبس القاعدين لابدين 24 ساعة لى نوع ده .
حسنا فعلت داليا بالانسحاب التكتيكى ...
| |
|
|
|
|
|
|
|
|
|
Re: حيوانات منوية من مصدر مختلف ....ربما وداعا للرجال ! (Re: ombadda)
|
Quote: عذرا لكل رجل أحس بالإهانة من هذا البوست ..وشعر أنو فيهو رسالة ما..
ما كان عندي أي مآرب اخرى غير التعامل مع الخبر كخبر ..ومحاولة نقاش يبدو انها
فشلت ..
أن كان في العنوان أي إيحاء بإسأة فهي غير مقصودة أبدا ..
اعتذر لعدم المواصلة لأن هناك مداخلات لا يمكنني مجاراتها أبدا ...
ألف شكر لكل من مر بهذا البوست .. |
سلام يا داليا
انتى تبرى من الفشل
و خلى نفسك طويل وواصلى موضوعك كما تريه
والا يجيك محمد المبارك ناطى و يقول ليك هن شنو ما بعرفو داك :)
يا شباب السلام عليكم و كده
معظمكم كما ارى من من احترمهم واقدر كتاباهم
والله منكم من اسعى لبوستاته سعى صفا و مروة
لكنى اراكم هنا قد استجبتم للونسه "الشديدة" الوقع على النفس
يعنى داليا دى يا تمبس وضحت ليك كلامها اكتر من مره
(لكن و على حسب متابعتى لكتابتك) حساسيتك ضد اللغة الجندريه
خلتك تزازى العنوان شديد
يلا اذا انت مقتنع بتوضيح وجهة نظر داليا او لم تقنعك
احمد لها محاولات الشرح المستمر لما تعنى و حتى لنواياها !!!!
خلونا نناقش الموضوع فى المحاور التى وضعتها
ولا اظنها تمنع اى محاور اخرى بعيده عن مرامى الحوار الدار ده
يا جماعة انا بكتب لأول مره كحكيم عرب
و عامله ساتر منكم ياااااخ دا انتو منكم خوفة
وبعدين ارخو لى اضانكم شويه
انا ادرى تماما انكم بتحترمونا كأخوات عزيزات
و انا هنا اعنى المتداخلين فى هذا البوست لانو فى ناس نفسهم ما بحترموها خلينا نحن!!!!
بلاهى نحن كاخوات بنقول ليكم ما طفشونا من البوستات
بفتح موضوعات نراها لا تناسب بعض منا فى الاسافير
لا لاشى ولكن لثقافة قمنا عليها فيها ما يزعجنا
و ما يريحنا
يعنى بالعربى كده ما تزازونا:)
اقعدو عافيه
| |
|
|
|
|
|
|
|
|
|
Re: حيوانات منوية من مصدر مختلف ....ربما وداعا للرجال ! (Re: Siham Elmugammar)
|
Quote: (لكن و على حسب متابعتى لكتابتك) حساسيتك ضد اللغة الجندريه
خلتك تزازى العنوان شديد |
.. تعرفي يا سهام بالرغم من اني ما كنت راجع البوست دا ، لانو عندي حساسية مع البوستات البتنتهي زي نهاية الافلام الهندية دي ..
عارفه كلامك الفوق دا ربما لاول مرة اقولو هنا بشكل مباشر ..
عندي حساسية شديدة جدا جدا كمان ضد اللغة الجندرية خاصة لما تجرده من جندره ويظهره بمظهر آخـر تحاول انها تصل ليهو لكن هي في الحقيقة ما بتقدر ..
وبي نفس القدر عندي حساسية شديدة جدا مع النوع التاني البتسلطن على الجندر ويحاول بي لغتو يفرض سيطرتو .. شفتي الاتنين ديل يا سهام بيعنو لي حاجة واحدة .. وصنف واحد.
مشكلتي في العنوان وختيتو لي داليا بالواضح .. ولحدت الآن مصر على كدا .. مع قناعاتي التامة انو داليا اساسا ما قصدها الحرفي للعنوان ..
Quote: يلا اذا انت مقتنع بتوضيح وجهة نظر داليا او لم تقنعك
احمد لها محاولات الشرح المستمر لما تعنى و حتى لنواياها !!!! |
.. انا اساسا مقتنع بيها على حسب معرفتي بي داليا الشخصية البتكتب معاي هنا .. لكن زي ما قلت لي عزاز كنت بتوقع انها ترجع شوية وتشيل ربما دي .. وبعداك بنتفق على اي حاجة ..
المهم في الموضوع - العايز يعمل بحث والعايز يصنع ليهو زول .. والعايز يطير كلوو ببقى .. لكن اكيد ماف زول بيقع ليهو في راسو اختراع يا اكتشاف علمي عشان ينسف بيهو الاخر .. اصلو ما ممكن يكون في علم ما بيخدم البشرية ..
انا ح اقيف ها يا سهام ..
| |
|
|
|
|
|
|
|
|
|
Re: حيوانات منوية من مصدر مختلف ....ربما وداعا للرجال ! (Re: داليا حافظ)
|
العزيزة داليا،
تحايا و سلامات ..
اعذريني إن أبديت تحفظا من (جزئية) المذيلة لعنوان البوست و أرى أن الاكتشاف العلمي
إن تحقق في أرض الحقيقية سيكون حلا لكثير من مشاكل الإنجاب ولكنه لن يكون عوضا
عن الرجل الشريك في الإطار الشرعي بأية حال من الأحوال ...
الإخوان من غير تحديد أسماء ، كلكم غالين و العشم فيكم كبير ...
رجاء خاص،
رجاء خاص جدا بأن تنوءوا بالطرح و الحوار عن هذا المنحى فالأمر لا يستدعي
نقل اللغة و أريحيتها من درجة بورد مقروء للكل إلى حوار بين أصدقاء حميمين في مقام قصي ...
ولكم الشكر مقدما في حال الاستجابة
والاحترام من قبل و من بعد ...
| |
|
|
|
|
|
|
| |
داليا حافظ
سيف بخيت موسي
محمد عبد الماجد الصايم
انور التكينة
nazar hussien
طارق جبريل
tmbis
Yassir Tayfour
وليد محمد المبارك
صلاح أبودية
ombadda
زهير عثمان حمد
علاء الدين محمد بابكر
Muna Khugali
فيصل نوبي
Hassan Makkawi
سيف اليزل جعفر عبد الرحمن
ادريس خليفة علم الهدي
هيثم درار
ALZOLZATOO
Awad Omer
عمر صديق
Frankly
بت قضيم
Mohammed Elhaj
وجن
عمر الفاروق
Siham Elmugammar
فيس بوك
تويتر
انستقرام
يوتيوب
بنتيريست