|
دعواتكم لزميلنا المفكر د.الباقر العفيف بالشفاء العاجل
|
|
 Re: إنتو كدة ولا أنا برااااي ...(أفتوني) ؟! (Re: حمور زيادة)
|
يا داليا
سلام
لا أفتي.. لكن الواحد علشان الحالات الزي دي تلقيه فاتح ليه بوستات متنوعة..
لما نتعكنن من بوستات السياسة نستريح ببوستات الجمال والطبيعة ولو بعيدة عن الوطن..
واحيانا ندخل بوستات الرياضة..
نلقى المزاج انعدل والأفكار انتظمت للمشاوير الجديدة..
تحياتي
عبدالعزيز
| |
 
|
|
|
|
|
|
|
|
Re: إنتو كدة ولا أنا برااااي ...(أفتوني) ؟! (Re: داليا حافظ)
|
آي والله
بالجد
الناس يا داليا فاكرة الحكاية بشير وانقاذ وبس
والله القصة دي صومال وأسوأ من الصومال
بس خلي اليقبضوا البشير او يقتلو برصاصة وتعالي شوفي
مافي زول بتلفت لكلمة سمحة وللا صوت عقل
مافي الا الانتقام والشكوك والتهم
والجنوبين موقفهم يا داليا وااااضح
في احسن الاحوال حاسنسحبوا لحدود 56
والله يستر على النيل الازرق وجبال النوبة واب ياي
الانتقام حايكون حدو انجمينا والحدود حا تكون مهددة والدم للركب
والبديل منو
بكري صالح؟
عبد الرحيم محمد حسين؟
او عسكري آخر من جوة القيادة العامة
مافي غيرهم
الجيش حا يتدخل ويستلم بذريعة منع الفوضى
الى متى الله اعلم
كل كله ممكن جدا ووارد بقوة وفي اي لحظة
مامعقول مامعقول الناس المعرضة وشمتانة في البورد دا وانصار المتمردين ما هاميهم كلو كلو
شئ عجيب فعلا
| |
|
|
|
|
|
|
|
|
|
Re: إنتو كدة ولا أنا برااااي ...(أفتوني) ؟! (Re: محمد عبدالقادر سبيل)
|
Quote: والله القصة دي صومال وأسوأ من الصومال
بس خلي اليقبضوا البشير او يقتلو برصاصة وتعالي شوفي
مافي زول بتلفت لكلمة سمحة وللا صوت عقل
مافي الا الانتقام والشكوك والتهم
والجنوبين موقفهم يا داليا وااااضح
في احسن الاحوال حاسنسحبوا لحدود 56
والله يستر على النيل الازرق وجبال النوبة واب ياي
الانتقام حايكون حدو انجمينا والحدود حا تكون مهددة والدم للركب |
شيخ سبيل ..
تحياتي
انت متأكد انك قاري الوضع صاح ؟
يعني لو انت متأكد من انو ده الحيحصل مفروض تكون مطالب الرئيس انو يفدي البلد بتسليم نفسو او على الاقل عقد صفقة سياسية عشان ده كلو ما يحصل.
الموضوع ما قدر ده يا شيخ سبيل.
هو مقلق ..
لكن قرايتك مخيفة.
و اساسا داليا ست البوست ما ناقصة
| |
|
|
|
|
|
|
|
|
|
Re: إنتو كدة ولا أنا برااااي ...(أفتوني) ؟! (Re: حمور زيادة)
|
| Quote: يعني لو انت متأكد من انو ده الحيحصل مفروض تكون مطالب الرئيس انو يفدي البلد بتسليم نفسو او على الاقل عقد صفقة سياسية عشان ده كلو ما يحصل. |
مش عليك الله المفروض دا يحصل يا حمور ..
يديك العافية يا حبيب ..
يا داليا ..
تلفزيونا اللا قومي دا حدنا معاهو برنامج الرياضة يوم الجمعة بس ..
نحن ناقصين وجع ..
| |
|
|
|
|
|
|
|
|
|
Re: إنتو كدة ولا أنا برااااي ...(أفتوني) ؟! (Re: محمد عبدالقادر سبيل)
|
Quote: والله القصة دي صومال وأسوأ من الصومال
بس خلي اليقبضوا البشير او يقتلو برصاصة وتعالي شوفي
مافي زول بتلفت لكلمة سمحة وللا صوت عقل
مافي الا الانتقام والشكوك والتهم
والجنوبين موقفهم يا داليا وااااضح
في احسن الاحوال حاسنسحبوا لحدود 56
والله يستر على النيل الازرق وجبال النوبة واب ياي
الانتقام حايكون حدو انجمينا والحدود حا تكون مهددة والدم للركب
والبديل منو
|
أستاذ عبدالقادر الله يطمنك قدر ما أفزعتني ..إنتقام منو من منو وأي شكوك وأي تهم ؟!Quote: والبديل منو
بكري صالح؟
عبد الرحيم محمد حسين؟
او عسكري آخر من جوة القيادة العامة
مافي غيرهم
الجيش حا يتدخل ويستلم بذريعة منع الفوضى
الى متى الله اعلم
|
إلى عشرين سنة اخرى عقدين تاني يضيعوا من عمرنا لوفضل فيهو تاني عشرين ..
Quote: كله ممكن جدا ووارد بقوة وفي اي لحظة
|
بتفق معاك في الاخيرة دي
| |
|
|
|
|
|
|
|
|
|
Re: إنتو كدة ولا أنا برااااي ...(أفتوني) ؟! (Re: Deng)
|
قراءة الأخ سبيل لا يستطيع أي عاقل الا ان يأخذها مأخذ الجد، وعلى الذين في ايديهم القلم ان يعوا قبل ان ( يعوعوا) و(يتباعوا) .
بت الحافظ
الهم العام يشغل الجميع .
لكن اول مره اتكيف من همز ولمز ملاسي :
واكرر انت بسببك ((((((((((((((( الخاص ))))))))))))))))) .
والقصه قصة هنود (( الهندي بتاعك داك ))
| |
|
|
|
|
|
|
|
|
|
Re: إنتو كدة ولا أنا برااااي ...(أفتوني) ؟! (Re: محمد الواثق)
|
Quote: وعلى الذين في ايديهم القلم ان يعوا قبل ان ( يعوعوا) و(يتباعوا) .
بت الحافظ
|
ليه كدة يا استاذ الواثق نحن بينا الإحترام وأنا بنتقي كلماتي جدا ولا أنا (بعوعي ) ولا عندي (أتباع)
لوسمحت تقول رأيك بمنتهى الإحترام .| Quote: لكن اول مره اتكيف من همز ولمز ملاسي |
إذا كنت من البتكيفو من الهمز واللمز فده شأنك .
Quote: واكرر انت بسببك ((((((((((((((( الخاص ))))))))))))))))) .
والقصه قصة هنود (( الهندي بتاعك داك )) |
ده برضو همز ولمز مع سبق الإصرار والترصد ..وتشكيك في فكرة البوست ومحاولة لتسخيف تفكيري وده كلو مرفوض تماما .
| |
|
|
|
|
|
|
|
|
|
Re: إنتو كدة ولا أنا برااااي ...(أفتوني) ؟! (Re: داليا حافظ)
|
اختنا المحترمة جدا
داليا بت الحافظ
الإحترام محفوظ جدا
مالك خاشه فيني شمال .
ال في ايدهم القلم : انا قاصد بيها ناس الحكومة والحركات الدارفورية بدل ما ما يقعدو يتكلموا في الفضائيات بملاسنات لا فائدة منها غير ازكاء الخلاف ، عليهم ان يجلسوا ويفكروا في مخرج يجنب السودان المواجهات مع المجتمع الدولي والصراعات الداخلية . قبل ما البيع يحصل ويجدون انفسهم ( حكومة وحركات مسلحة ) خارج الدائرة .
هذا ما عنتيه بالجمل الأولى .
بعدين انا علقت على كلام ملاسي على اعتبار انك مهمومه بشأن ( سعيد ) خاص بك .
ولمحاولة مني لتقريب الفكرة كتبت قصة الهندي ( البوست بتاع الحلم الهندي ) . قاصدا من ذلك تقريب فكرة الحدث ( السعيد ) .
وانا قلت بالحرف الواحد ( انا اول مره اتكيف من ) وفي هذا دلالة واضحة لعدم حبي للهمز واللمز .
عموماً :
اذا ما فهمتي ما اعني فلك العتبى حتى ترضين . والبينا عامره .
| |
|
|
|
|
|
|
|
|
|
Re: إنتو كدة ولا أنا برااااي ...(أفتوني) ؟! (Re: محمد الواثق)
|
Quote: داليا بت الحافظ
الإحترام محفوظ جدا
مالك خاشه فيني شمال .
ال في ايدهم القلم : انا قاصد بيها ناس الحكومة والحركات الدارفورية بدل ما ما يقعدو يتكلموا في الفضائيات بملاسنات لا فائدة منها غير ازكاء الخلاف ، عليهم ان يجلسوا ويفكروا في مخرج يجنب السودان المواجهات مع المجتمع الدولي والصراعات الداخلية . قبل ما البيع يحصل ويجدون انفسهم ( حكومة وحركات مسلحة ) خارج الدائرة .
هذا ما عنتيه بالجمل الأولى .
بعدين انا علقت على كلام ملاسي على اعتبار انك مهمومه بشأن ( سعيد ) خاص بك .
ولمحاولة مني لتقريب الفكرة كتبت قصة الهندي ( البوست بتاع الحلم الهندي ) . قاصدا من ذلك تقريب فكرة الحدث ( السعيد ) .
وانا قلت بالحرف الواحد ( انا اول مره اتكيف من ) وفي هذا دلالة واضحة لعدم حبي للهمز واللمز .
عموماً :
اذا ما فهمتي ما اعني فلك العتبى حتى ترضين . والبينا عامره . |
كلامك يا محمد الواثق بحتمل التاويل وعموما يا سيدي إعتذارك مقبول وانا برضو بعتذر عن الحدة الرديت بيها .
| |
|
|
|
|
|
|
|
|
|
Re: إنتو كدة ولا أنا برااااي ...(أفتوني) ؟! (Re: احمد سردوب)
|
| Quote: يعني لو انت متأكد من انو ده الحيحصل مفروض تكون مطالب الرئيس انو يفدي البلد بتسليم نفسو |
شيخ حمور اخوي
دا واحد من اسوأ السيناريوهات تتصور؟
الناس ما عارفة
انو في عناصر راديكالية جدا داخل الجيش والدفاع الشعبي وخارجم
بيفتكروا انو كلبشة الرئيس واحتجازو جوة القفص اهانة بالغة جدا لانه هو قايد الجيش الاعلى
وهذه اهانة واحتقار للجيش السوداني كله
كونو القايد بتاعم يكلبشنو نساوين سمان ويختنوا قدامن ذليل لحد القفص
كتيرة والله لررجال السودانيين ساكت
خلي الجعليين
وخلي العساكر
لا لا كتيرة
مين قال ليك انو مافي عناصر متشددة منتظرة الرئيس يرخي ويرضخ ويحاول يفدي السودان بيروحو
اذا قدم البشير استقالتو ونوى تسليم نفسه في احتمال كبير يتم اعدامو فورا
اما من جانب الجيش دفاعا عن الشرف العسكري ( القايد يستسلم !!)
واما من جانب الأمن
او من جانب الذي يخشى على نفسه من ان يجره التحقيق مع البشير
يعني حياة الرئيس في خطر شديد اذا اقدم على تسليم نفسه حتى ولو بعد الاستقالة
لانو منو الحايقبل استقالتو من الجيش ؟
بكري وللا عبد الرحيم وللا نميري؟
الموقف عجيب جدا وفوق كل تصور
والعجب العجاب هو موقف فرنسا اليومين ديل
بالله بتتعامل بصورة عاطفية انتقامية لا مبالية بشكل ما معقول
حالفة يمين كان حتى تختطفوا من الجو ما تخليو
بغض النظر عن التداعيات
يافراج الكرب
ياولي المستضعفين
انت ولي كل ذلك والقادر عليه
اللهم الطف بنا وباهلنا ووطننا
اللهم هاهي مكائد شياطين الانس والجن فاجعل لنا من بينهن مخرجا
_______________
رب اشرح لي صدري
| |
|
|
|
|
|
|
|
|
|
Re: إنتو كدة ولا أنا برااااي ...(أفتوني) ؟! (Re: أيمن الطيب)
|
اختنا المحترمة جدا
داليا بت الحافظ
الإحترام محفوظ جدا
مالك خاشه فيني شمال .
ال في ايدهم القلم : انا قاصد بيها ناس الحكومة والحركات الدارفورية بدل ما ما يقعدو يتكلموا في الفضائيات بملاسنات لا فائدة منها غير ازكاء الخلاف ، عليهم ان يجلسوا ويفكروا في مخرج يجنب السودان المواجهات مع المجتمع الدولي والصراعات الداخلية . قبل ما البيع يحصل ويجدون انفسهم ( حكومة وحركات مسلحة ) خارج الدائرة .
هذا ما عنتيه بالجمل الأولى .
بعدين انا علقت على كلام ملاسي على اعتبار انك مهمومه بشأن ( سعيد ) خاص بك .
ولمحاولة مني لتقريب الفكرة كتبت قصة الهندي ( البوست بتاع الحلم الهندي ) . قاصدا من ذلك تقريب فكرة الحدث ( السعيد ) .
وانا قلت بالحرف الواحد ( انا اول مره اتكيف من ) وفي هذا دلالة واضحة لعدم حبي للهمز واللمز .
عموماً :
اذا ما فهمتي ما اعني فلك العتبى حتى ترضين . والبينا عامره .
| |
|
|
|
|
|
|
|
|
|
Re: إنتو كدة ولا أنا برااااي ...(أفتوني) ؟! (Re: محمد الواثق)
|
Quote: اذا قدم البشير استقالتو ونوى تسليم نفسه في احتمال كبير يتم اعدامو فورا
اما من جانب الجيش دفاعا عن الشرف العسكري ( القايد يستسلم !!)
واما من جانب الأمن
او من جانب الذي يخشى على نفسه من ان يجره التحقيق مع البشير
|
يا شيخ سبيل ..
و الله انا كنت قايل روحي متشائم ..
لكن لقيتك فايتني شديد
اذا نوى الرئيس تسليم نفسو فما بتكون خطوة شخصية حقتو براو.
ثم مفاصل الامور في يد المؤتمر الوطني.
سواء الجيش او الامن او الذين يخشون على انفسهم
(بالمناسبة يخشون على انفسهم دي ادانة منك ليهم لأنو البرئ لن يقتل خشية ان يجره التحقيق )
فلو في قرار بفداء البلد ما بيكون حق الرئيس بقدر ما بيكون حق الحزب او المجموعة النافذة في الحزب.
اها ديل لو اتفقو .. مافي زول بيعترض
من قيادات الدولة حتى اصغر منتسب لامانة الشباب بالحزب الحاكم.
عموما انا ذكرت لك فرضية التسليم كاستنكار للسناريو الذي عرضته انت
لكن توبتني منو لأنو لقيت عندك سناريو اسوأ من الاول داك
يا شيخ سبيل قول خير
و ربك بيفرجا
| |
|
|
|
|
|
|
|
|
|
Re: إنتو كدة ولا أنا برااااي ...(أفتوني) ؟! (Re: أيمن الطيب)
|
فى الشارع و فى البيت و فى المكتب
و حين تكون بصحبه اولائك الناس الذين جعلهم الله لك رفقه
تجد ان الارض و الانسان معآ يضنان عليك بالفرح
و تجدك انت و حدك فى اعتكار نفسك و فى تجنى الذات عليك
الى متى و حتى متى يا موطنى ...
يا ارض المليون
يا ايها الشعب الذى لهبت ثوريته
و تساقطت هاماته رمادآ و تلال
ابت الا ان تفرقنا و تعفن ما تبقى من مياهنا العذبه
حتى متى يا موطنى
| |
|
|
|
|
|
|
|
|
|
Re: إنتو كدة ولا أنا برااااي ...(أفتوني) ؟! (Re: سيف الدين مصطفى كرار)
|
يا داليا احكي ليك الحكاية دي و الله انا زاتي شفقتني و شكلي ما حانوم زيك ..
واحد في الاذاعة كان بيتكلم عن اوكامبو
كان ماشي سميييييح في رفض الادعاءات و ما شابه من الكلام المكرر ..
فجأه قال :
" و احب اقول معلومة مهمة انو الان اوكامبو و من خلفه اصبحو معزولين تماما و يبحثون عن حلول "
اها لما سمعت الكلام ده اتذكرتك و اتذكرت بوستك ده ..
و قلت اذا كان ده الكلام البيتقال في الراديو فمعناها مفروض بالجد نقلق.
| |
|
|
|
|
|
|
|
|
|
Re: إنتو كدة ولا أنا برااااي ...(أفتوني) ؟! (Re: حمور زيادة)
|
Quote: كان ماشي سميييييح في رفض الادعاءات و ما شابه من الكلام المكرر ..
فجأه قال :
" و احب اقول معلومة مهمة انو الان اوكامبو و من خلفه اصبحو معزولين تماما و يبحثون عن حلول "
|
والله لا عرفت أضحك ولا أبكي يا حمور ...ياخ الخطاب المستخدم مع الشعب السوداني والله بحير ..انا بحضر تلفزيون السودان
وبعد كلو مرة أحضرو بحس بالحزن وبقلة الحيلة ..وبسأل نفسي ديل جادين ؟!!بقنعوا في نفسهم ولا في الناس ..وبشحنوا في
همة منو قصاد شنو ؟ والبكتل أنو الناس في السودان قاعدين راجين المصير البتجروا ليهم( الإنقاذ ) بين مصدقين ومستبعدين
،ديل أفقدو الناس الإحساس بالتفاعل ، أفقدوهم القدرة على التفكير المنطقي ...تعتيم ..تضليل.. وإلتواء في تقديم
الحقائق ...لمتين يا حمور البحصل ده لصالح منو ؟!
| Quote: و قلت اذا كان ده الكلام البيتقال في الراديو فمعناها مفروض بالجد نقلق. |
طبعا يا حمور لازم نقلق ..تتذكر (الصَحاف ) وحديث (العلوج ) ..أقلق يا حمور أقلق شديد .
| |
|
|
|
|
|
|
|
|
|
Re: إنتو كدة ولا أنا برااااي ...(أفتوني) ؟! (Re: JAD)
|
سلاما يا داليا,,| Quote: قصدك (ترللي ) عليك الله البخلي الزول ما يجن شنو |
.ترللى دا عندو أى علاقة ب( ترا ترا) !!!!!!| Quote: و قلت اذا كان ده الكلام البيتقال في الراديو فمعناها مفروض بالجد نقلق |
نحن كلنا مفروض نحيى الحبيب حمّّور دا لأنه لسه ما قلّق,,,لكن نصيحتى لي ما تصل التلفزيون !!!! بكتلك,,,
تحياتى,,,
| |
|
|
|
|
|
|
|
|
 Re: إنتو كدة ولا أنا برااااي ...(أفتوني) ؟! (Re: داليا حافظ)
|
دلوش:
نصيحه لوجه الله,,
ماتركزي شديد مع بلدنا دي..
بتفوتي..
هسي أنا كل ماأفكر في حكاية الرئيس يسافر قطر وللا لأ دي بتجهجه زيك,
ماعارفين نصدق منو, جماعة الرئيس زاتهم اتحيروا..
بقينا نسمع كلام علي وزن خطف طائرات رئاسيه واسقاطها,,
طيب دي ما حرب عديل,
هسي عليييييك الله البسمع الحاجات دي تاني بنوم؟
عشان كده أحسن ماتركزي...
تحياتي,,
| |
|
|
|
|
|
|
|
|
|
Re: إنتو كدة ولا أنا برااااي ...(أفتوني) ؟! (Re: داليا حافظ)
|
| Quote: قلب مقبوض ..ونوم مجهج ..وشغل تعبان |
ههههههه ..
ياخي و الله مشكلة دي ..
كان بقت عليك براك هينة ..
هسع الناس الما حتنوم بعد ما قرت كلامك دا نعمل ليهم شنو ..
انت ما بتحضري MBC2 .. مش في مرات كدا المسئول الكبير بتفأجا انه ما كان عارف الموضوع ..
بقوموا يقولوا ليهو .. دي من اجل مصلحة الامن القومي ..
هسع في داعي تجهجهي الامن القومي كدا ..
شتتي لينا صف الوحدة الوطنية .. ما بين رئيس مطلوب .. و داليا ما قادرة تنوم و قلبا مقبوض ..
وانتي تعلمين يقينا انه النفخة الكدابة بتاعتنا قايمة علي حاجتين ..
عنترية جعلية نساند بيها الريس ..
و قلب رهيف .. نقلق بيهو عليك ..
..
..
الله يهدي سرك يا بتي .. 
| |
|
|
|
|
|
|
|
|
 Re: إنتو كدة ولا أنا برااااي ...(أفتوني) ؟! (Re: humida)
|
Quote: كان بقت عليك براك هينة ..
هسع الناس الما حتنوم بعد ما قرت كلامك دا نعمل ليهم شنو ..
|
طلعت ما براي ..الناس تراها ممكونة صابرة ..النوع الزي حلاتي
ده البفت الفي قلبو بريحهم شديد ..بخليهم يفضفضوا ..يعني الشعب ده يموت كمد ؟
Quote: وانتي تعلمين يقينا انه النفخة الكدابة بتاعتنا قايمة علي حاجتين ..
عنترية جعلية نساند بيها الريس ..
و قلب رهيف .. نقلق بيهو عليك ..
|
إن شاء لا تقلق على عزيز لا تساند رئيس .
| |
|
|
|
|
|
|
|
|
|
الخلاصة (Re: داليا حافظ)
|
غير الهولنديين... جميعهم الهمم حاميهم النوم...
بمعنى كلنا نفس حالتك....
ما عدا الذين يدفنون رؤسهم فى الرمل
خلاصة الخلاصة:
من مرت عليه حالتك ولو ثوانى اضمنى ان لديه وطنية مازالت حية..
| |
|
|
|
|
|
|
|
|
|
Re: الخلاصة (Re: haider osman)
|
Quote: كلنا نفس حالتك....
ما عدا الذين يدفنون رؤسهم فى الرمل |
أو المغيبين يا حيدر أو الما مصدقين ..او المتشاغلين ..
| Quote: من مرت عليه حالتك ولو ثوانى اضمنى ان لديه وطنية مازالت حية.. |
انا متأكدة انو الحالة دي مارة على الجميع بس في البتجاهلوها وفي البسخرو منها وفي المنازعين بين وبين ...النتيجة
كلنا بنحب بلدنا وفق الزاوية البنشوف بيها الامور ..وربنا يكدب الشينة .
شكرا كتير يا حيدر .
| |
|
|
|
|
|
|
|
|
|
Re: الخلاصة (Re: داليا حافظ)
|
داليا
القصة عندها علاقة بي اوكامبو
وللا الازمة الاقتصادية
وسوق دبي اللحق غنم زهراء
يا ربي ناس الشغل يكونو قالو ليك
يا داليا (فحطي )
| |
|
|
|
|
|
|
|
|
|
Re: الخلاصة (Re: khaleel)
|
دي اعراض مرض حامد ..
تخريمة :
في صدر صفحة مجلة سيدتي العدد 98734257 بتاريخ 12-ايار-2035 وفاة الفنانة صباح الشحرور متأثرة بحمى النفاس..
| |
|
|
|
|
|
|
|
|
|
Re: الخلاصة (Re: عمر الفاروق)
|
يا عمر الفاروق ياخي انت ما مريحنا .. تقوم تجيب لينا ولدك ..
صغر الصورة دي ..
يعني اول تواجد منبري للزول دا .. يقوم يفتل لينا البوستات .. !!
| |
|
|
|
|
|
|
|
|
|
Re: الخلاصة (Re: humida)
|
يعني يا حميدة ما اتفتل الا البوست ده ؟؟
طيب في بوست خراب ادريس الصورة دي ما كانت قااااعدة وما قلت لينا لا احم لا دستور ..
ولا عشان يعني الصور خشم بيوت بي جاي ..
تخريمة :
ما حاسي بي الام في الانكل او الرباط الصليبي بمناسبة احاسيس الناس الايام دي؟
انا غايتو حاسي بي ارتكاريا في الضمير..
| |
|
|
|
|
|
|
| |
داليا حافظ
saif addawla
Hussein Mallasi
حمور زيادة
Abdlaziz Eisa
معتصم دفع الله
omer osman
محمد عبدالقادر سبيل
Emad Abdulla
Zomrawi Alweli
Deng
محمد الواثق
أميرة فاروق عبد العال
ALMURADABI
العوض المسلمي
احمد سردوب
osman abdala
أيمن الطيب
محمد عبد الماجد الصايم
ابراهيم سائحون
محمد البشرى الخضر
JAD
هيثم درار
humida
صلاح أبودية
khaleel
عمر الفاروق
طلال جبير جابر
عبدالغني كرم الله
فيس بوك
تويتر
انستقرام
يوتيوب
بنتيريست