|
|
|
 Re: الف الف الف مبروك هارون دياب يفوز بسيارة 2008 ((توجد صور )) (Re: ismeil abbas)
|
شكرا اخي محمد الطيب
ومع اخي كمال ادعو لك يا هارون:
Quote: مبروك ألأخ/هارون دياب...
وربنا يديك خيرها ويكفيك شرها إن شاء الله.....
|
وعليكم الله يا بورداب كلكم و القراء كمان كما ديعيتوا ليه بهذا الدعاء.
يا هارون يا حبيب
احفظ لي القديمه اديها لرجاء و لما اجيكم الدوحة عشان اسوقها معها.
قل لي رجاء اتعلمي السواقة يلا.
الف مبروك.
ربنا يحفظك بقلبك الطيب.
و القميص البرتقالي ذكرني مراسيدي ابوك الله يرحمه البرتقالي.
عالة فكرة يا شباب ابو هارون دياب ده الله يرحمه عمي دياب
كان من اشيك رجال برورتسودان ومشهور بانه بيسوق احلى مارسيدسات في شوارعها.
سبحان الله يا هارون من نصاعة عممه الله يرحمه.
| |
 
|
|
|
|
|
|
|
|
Re: الف الف الف مبروك هارون دياب يفوز بسيارة 2008 ((توجد صور )) (Re: محمد الطيب حسن)
|
الاحباب..........!
الاعزاء.........
بورداب الزمن الجمييييييييييييييييل .
نبارك ليكم الجميل الدائم في ايامكم.
لغايت حسع الاحتفال مستمر في البيت ....
رجوية قاعده تنطط ....وهي شايله احمد .
امنيه لسه مامصدقه...
عبودي طلب تغيير الموبايل....
جدو....نام من الفرح.
اماصحبة معتصم الطاهر ....اسيل.... فما عارفه تعمل شنو ....؟
شكرا....
محمد الطيب
ابو ساندرا
كمال سالم
رشيده الرشيدة
الاستاذ محمد المكي والد صديقنا طارق المكي وزوجته الاستاذه ناجيه ....
الاستاذه نعمات .....
السودانيين الجميلين الذين تواجدوا هناك وكنت ارئ الفرح في وجوه الجميع .
الاتصالات الجميلة التي مازالت تتواصل
شكرا ....للذين تتداخلوا ....والذين سيتداخلون مهنئين .
وعقبال ليكم كلكم .
التحايا
هارون دياب
| |
|
|
|
|
|
|
|
|
|
Re: الف الف الف مبروك هارون دياب يفوز بسيارة 2008 ((توجد صور )) (Re: محمد الطيب حسن)
|
الجار العزيز / هارون دياب
هي الدنيا مقلوبة و نحن ما جايبين خبر ؟! خليتنا مع عمك الحاج جابر أمير المجانين
و إنت مع في محل الترطيبات !!
بس الخدرا لسه شايفها واقفة ، ما تشوف ليها بلدية توديها ليها !
و يا محمد طيب حقو تعقد لينا مقارنة بالصور بين القديم و الجديد و ( الماعندو قديم
ما عندو جديد ) .
بارك الله لك فيها يا هارون و عقبال المارسيدس زي أبوك الله يرحمه ، و للا الكروزر أحسن ؟!
| |
|
|
|
|
|
|
|
|
|
Re: الف الف الف مبروك هارون دياب يفوز بسيارة 2008 ((توجد صور )) (Re: عبد الرحمن الطقي)
|
العزيز الطقي
Quote:
هي الدنيا مقلوبة و نحن ما جايبين خبر ؟! خليتنا مع عمك الحاج جابر أمير المجانين
و إنت مع في محل الترطيبات !!
|
اريته ترطيبتك قول آمين
Quote:
بس الخدرا لسه شايفها واقفة ، ما تشوف ليها بلدية توديها ليها !
|
انت عايز الراجل ده يزعل ولا شنو
زكرتني يوم المفتاح قفلو جواها (( كان يوم عصيب خالص )) لكن خلاص ايام وولت
Quote: و يا محمد طيب حقو تعقد لينا مقارنة بالصور بين القديم و الجديد و ( الماعندو قديم
ما عندو جديد ) . |
النسي لقديمو ضل (( دي بتكون ماسمعت بيها - محمود عبدالعزيز وكده ))
عقبال يباركو ليك عرس بتك الاموره دي
| |
|
|
|
|
|
|
|
|
|
Re: الف الف الف مبروك هارون دياب يفوز بسيارة 2008 ((توجد صور )) (Re: محمد الطيب حسن)
|
ألف مليون مبروك أخونا هرون دياب ،،
والله تستاهل كل خير ، دائما مجامل الناس وبتتفقدم وبتشاركم أفراحم وأحزانم في البوستات أو برة المنبر ،
وربنا يوريك خيرا بإذن الله
صنفرة :
فك اللانسر بي 3 حافلات هايس ورسلم لي أخوك في السودان عشان أشغل ليك واحدة في خط الكلاكلة السوق العربي والتانية ترحيل شفع روضة ماما نوال والتالتة تحميل لي فرقة الفنانة الصاعدة سلوى لكوم وأنا أضمن ليك دخل شهري ثابت ألف وأربعمية دولار !
قلت شنو ؟!!
| |
|
|
|
|
|
|
|
|
|
Re: الف الف الف مبروك هارون دياب يفوز بسيارة 2008 ((توجد صور )) (Re: ناذر محمد الخليفة)
|
والله ياناذر شكلك عايز تصنفر الزول ده
قال صنفره قال
Quote: صنفرة :
فك اللانسر بي 3 حافلات هايس ورسلم لي أخوك في السودان عشان أشغل ليك واحدة في خط الكلاكلة السوق العربي والتانية ترحيل شفع روضة ماما نوال والتالتة تحميل لي فرقة الفنانة الصاعدة سلوى لكوم وأنا أضمن ليك دخل شهري ثابت ألف وأربعمية دولار !
قلت شنو ؟!! |
بس لكن كلامك صح والله هارون اخو اخوان ويستاهل كل خير
يلا طعمه لينا بأغنيه من زوقك
وياحبذا من العايز تشغل معاها الحافله (( سلوي لكوم ))
| |
|
|
|
|
|
|
|
|
|
Re: الف الف الف مبروك هارون دياب يفوز بسيارة 2008 ((توجد صور )) (Re: ناذر محمد الخليفة)
|
ياناذر ياخوي الخيل تجقلب والشكر لاخونا ابورماد
Quote: محمد الطيب ..
ياخي والله نسيت أشكرك على الخبر المفرح ،،
Quote: وياحبذا من العايز تشغل معاها الحافله (( سلوي لكوم ))
سلوى لكوم هي فنانة صاح لكن ما بتتسمع !
بتتشاف بس لمن تغني ودي البهجة زااااااااااااااتا
|
البهجه ماعندكم لكن
مافي طريقه ترسلوها بعثه هنا
تكمل دراسات فوق الغنائيه
انشا الله شهر بس
| |
|
|
|
|
|
|
|
|
|
Re: الف الف الف مبروك هارون دياب يفوز بسيارة 2008 ((توجد صور )) (Re: محمد الطيب حسن)
|
هارون دياب ,, مليون مبروك , وشفت وشى حلو كيف عليك ,, والله ياجماعه الزول ده الانا
مليت ليهو كبون الفوز , ورميته ليهو فى الصندوق , وكمل لى سجايرى طوال السبعه
أشواط بتاعة السباق , بعد ده مش حقو يستعمل السياره سته شهور وأنا سته شهور , أفتينا
ياشيخ الطقى , ممكن كمان ندى أبوساندرا ورشيده شهرين لانو شربنا شاييهم وقهوتهم ونحن
بنستمتع بالسباق .
والله أنا مستغرب لانو واحد من المتداخلين ماسأل العربيه دى هارون كسبها فى شنو ,,
وطبعا صاحب البوست ذاتو فاتت عليهو الحته دى ,
أنا حأشرح ليكم :
اليوم كان هنالك سباق قطر الدولى للخيول العربيه الاصيله, والذى أقيم بنادى الفروسيه
بالدوحه , وكانت جوائز الخيول الفائزه أكثر من عشره مليون ريال لسبعه أشواط ,
جرت العاده فى مثل هذه السباقات تخصيص جائزه للجمهور عباره عن سياره , يجرى عليها
السحب نهاية السباق . (الغالبيه العظمى من جمهور سباقات الخيل فى الدوحه من السودانيين )
وعندما بدا الاعلان عن الفائز كان الجميع فى حالة ترقب وانتظار , وسحب الكبون الاول واعلن
عن اسم الفائز مره ومرتين ولم يكن موجودا , وأخذ كبون ثانى واعلن عنه ايضا لم يكن موجود
وأخذ كبون ثالث وأعلن عنه وظهر صاحبه الا أنه ووسط دهشة الجميع بحث فى جيوبه عن جزء الكبون
الذى يفترض أن يكون معه ولم يجده , استبعدوه , وأدخل رئس اللجنه يده ليخرج الكبون الرابع
وهذه المره كان على الكبون كلمه واحده تحمل أسم أشرف , واستبعدت اللجنه هذا الكبون
لان من الشروط أن يكون الاسم ثلاثى , وادخل رئس اللجنه يده مرة أخرى ليخرج الكبون الخامس
والذى كان هذه المره يحمل أسم هارون دياب ,,, بالله شفتوا ليكم حظ زى ده ,,,
عدد الحضور كان يزيد عن الخمسه ألف شخص ,,
مليوووووووووووووووووووووووووون مبروك هاروووووووووووووووووووووووووون
| |
|
|
|
|
|
|
|
|
|
Re: الف الف الف مبروك هارون دياب يفوز بسيارة 2008 ((توجد صور )) (Re: محمد الطيب حسن)
|
الف مبروك هارون اللة يديك خيرة ويبعد عنك شرها
لكن يا كمال تستاهل لانو لو كان اجتماع جالية ولا مشى مقابر كنت اول زول كلمتو انا زى ما قال الطقى محل الترطيبات دى بتشوف ناس تانين .............................................
غايتو انا مركزى الجديد حا يكون مقابل الفروسية بعد اقل من شهر ان شا اللة يعنى زيتنا فى بيتنا
وكدى اشوف زول طاير بهناك تلقانى اول زول هناك بالرغم لو انو انا الوحيد وهناك 3 جوائز ما حا اكسب واحدة لانى كج كدة ....................................
لكن رايك شنو فى السودانى الفاز بى سيارة مارسيديس بى 350 الف ريال مائة الف دولار .....
وقبالها فاز بالجواز ................................................................
كمال سالم خليك فى جاليتك وابعد من الضغط وغنيلو .وتانى اضرب لى قول لى امشى ابو هامور.ههههه
| |
|
|
|
|
|
|
|
|
|
Re: الف الف الف مبروك هارون دياب يفوز بسيارة 2008 ((توجد صور )) (Re: ناجية مصطفى)
|
العزيزه ناجيه مصطفي (( والده العايز يسرق مني العربون طارق المكي ))
والله دعواتكم دي هي الجابت ليه الحظ ((مفروض يسلمكم السياره لمدة 6 شهور عشان كمل ليكم الشاي بتاعكم كله))
Quote: الأخ هارون الف الف الف مبروك وتستاهل يازول يارائع ولك منى كل الود ولأفراد الأسرة الأخت رجاء والأبناء الأعزاء
|
وهارون دياب وفرحه شديده مع ناجيه ورشيده
| |
|
|
|
|
|
|
|
|
|
Re: الف الف الف مبروك هارون دياب يفوز بسيارة 2008 ((توجد صور )) (Re: ناجية مصطفى)
|
الاخت / ام طارق
مساء الخير
| Quote: الأخ هارون الف الف الف مبروك وتستاهل يازول يارائع ولك منى كل الود ولأفراد الأسرة الأخت رجاء والأبناء الأعزاء |
انا مافلته ليكي رجلك بارده .....الدور الجاي عندك باذن الله
الحبيب / طارق المكي
Quote: هارون والله أنا جيت مخصوص عشان افتح البوست بتاع التهنئة في باقي الليل ده لكن الود محمد الظاهر قبض عربون وفتح البوست من بدري .
مبروك .. مبروك .. مبروك وتستاهل يا راجل يا لذيذ إنت وعقبال ما تفوز بالمارسيدس
وفي تفاصيل كده ما حا نتكشفا هنا يا lord of the rings
راجينك بالكرامة
تحياتي
طارق دياب
عفواً هارون المكي
أوبس طارق المكي |
بس اقول ليك ......تسلم البطن الجابتك......
شكرا .....لهذه الاسرة الكريمة التي غمرتني بحبها واحسست بالفرح في دواخلهم ...
لكم كل لحب
هارون المكي
| |
|
|
|
|
|
|
|
|
|
Re: الف الف الف مبروك هارون دياب يفوز بسيارة 2008 ((توجد صور )) (Re: بدر الدين الأمير)
|
استاذنا / ود الامير
مساء الخير
Quote: أخى وصديقى هارون دياب
أجمل التهانى لك واسرتك
وسعيد الحظ من يعرفك او
يتعرف عليك ياانسان وفنان
ويا محمد الطيب بس انت فارق
مقروش الطارى ود القريش وحا تكسب
وشكرا ياجميل على الخبر الجميل |
كم اسعدتني مداخلتك ....
وصدقني .... اعرف مدي فرحك بهذا الخبر....
ومن يفرح لفرح الاخرين غير اصحاب الفرح الجميل ....
عقبال لبيد ....واخوانه ...
ودي
هارون دياب
| |
|
|
|
|
|
|
|
|
|
Re: الف الف الف مبروك هارون دياب يفوز بسيارة 2008 ((توجد صور )) (Re: عادل التجانى)
|
عادل التجاني
مساء الخير
Quote: هاررررررررررررررررررررررررررون
تحياتي
وتستاهل الخير
أنا بقول الزول دا مالو ما ظاهر وبوستاتو ومداخلاتو بقت شويه
مبروك مبروك مبروك
يا أخوي بعد (الهجمه دي) أظهر وبان عليك الأمان
عادل التجاني
شكراً محمد الطيب |
استاذ الجميع....
لك كل الحب والتقدير
بس الاحتفالات المنزلية تنتهي لنبداء الاحنفالات المنبرية
خليك معانا .....
مودتي
هارون دياب
| |
|
|
|
|
|
|
|
|
|
Re: الف الف الف مبروك هارون دياب يفوز بسيارة 2008 ((توجد صور )) (Re: wd al geran)
|
انعام حيمورة كتلتيني بالضحك
يختي يكون عندي حبوبه زي حبوبتكم وانا ما عارفه؟؟
Quote: عارف نحن حبوبتنا داعية لينا ما نربح يا نصيب ابدا ..
ما اظنها كانت عارفة الزمن بتغلب وتبقى الشغلة سيارات وفارهات ..
هسى من ما قمنا -وقبل - زول ربح ليه قرش مافي
انا بتكلم جادة ..
الف الف مبروك
|
لول لقيتي لينا طريقة لفك الدعوات
دي ويبدو معانا اخونا عمر سعد ايضا
ومبروك ثاني يا هارون وعقبالك يا محمد الطيب.
الآن فقط عرفنا السودانيين ساكنين في نادي الفروسيه ليه
اتاري الجوائز مغريه.
بلغوا ابو ساندرا اشواقنا.
| |
|
|
|
|
|
|
|
|
 Re: الف الف الف مبروك هارون دياب يفوز بسيارة 2008 ((توجد صور )) (Re: Mohammed Haroun)
|
يا هــارون ..
الف . الف مبروك .. يديك خيره ويكفيك شرهــا ..
أنا زمان كسبت لي فيديو من الإمارات والله متكيف لحدي الآن .. لي سبب واحد: إنو لما كنت صغير حظي كان زي الزفت .. (الشختك بختك ) كنت (بخجها) قبلما اشتريها بلقاها (بتكركب) .. بعدما ادفع قروشه وافتحه تطلع فاضية .. 
المهـم:
انا بفتكر أنو عندي نص من العربية دي .. اسيــل دي مش صاحبتي واللا بعد كدا خوه فرتق  ؟
محمد الطيب حسن .. عقبالك 
| |
|
|
|
|
|
|
|
|
|
Re: الف الف الف مبروك هارون دياب يفوز بسيارة 2008 ((توجد صور )) (Re: tmbis)
|
تمبسكو يااجمل الحلوين
صباحات شوقنا بي خيرن
Quote: يا هــارون ..
الف . الف مبروك .. يديك خيره ويكفيك شرهــا ..
أنا زمان كسبت لي فيديو من الإمارات والله متكيف لحدي الآن .. لي سبب واحد: إنو لما كنت صغير حظي كان زي الزفت .. (الشختك بختك ) كنت (بخجها) قبلما اشتريها بلقاها (بتكركب) .. بعدما ادفع قروشه وافتحه تطلع فاضية ..
المهـم:
انا بفتكر أنو عندي نص من العربية دي .. اسيــل دي مش صاحبتي واللا بعد كدا خوه فرتق ؟
محمد الطيب حسن .. عقبالك |
والله قومتك بالسلامة ...وشوفتك بي هنا ...دي تستاهل ليها كرامه براها .
ومن اسيل وامها واخوانه ....لك عاطر التحايا ....وحمد الله علي سلامتك .
شكرا ايها الحبيب الجميل
هارون دياب
| |
|
|
|
|
|
|
| |
محمد الطيب حسن
BADRELDIN MAHMOUD
على محمد على بشير
عبداللطيف خليل محمد على
صديق الموج
ismeil abbas
Tragie Mustafa
haroon diyab
حواء سليمان ابراهيم
عبد الرحمن الطقي
ناذر محمد الخليفة
keiga2000
العوض المسلمي
Waeil Elsayid Awad
Deng
معتصم الطاهر
Salah Waspa
Alsa7afa_30
tarig almakki
كمال سالم
محمد سنى دفع الله
انعام حيمورة
doma
كمبورة
عاطف عمر
salma subhi
عمر سعد
اسعد الريفى
بدر الدين الأمير
هضيبي علي سعيد
رقم صفر
فيصل عباس
عادل التجانى
غباشي
wd al geran
emad altaib
هاشم نوريت
AnwarKing
عبد الواحد أبراهيم
Mohammed Haroun
tmbis
.gif)
رأفت ميلاد
Raja
nadus2000
mohanad haimoura
james
محمد مكى محمد
بابكر التوم
معتز القريش
فيس بوك
تويتر
انستقرام
يوتيوب
بنتيريست