|
Re: هـارون ديـاب ... بدون لـف و دوران .... دايرين حقنـــا !! (Re: Alsa7afa_30)
|
الاحباب الجميلين بورداب الزمن الجمييييييييييييييييييل بورداب الدوحة مساء الجوائز
وبكل صراحة ......احسست الفرح في عيونكم جميعا.... جاهزين ....موية وزيت . انتوا الاحق بالجائزة ..... حددوا المكاااااااااااااااان والزمااااااااااااان كل شئ علي اخوكم. انشاء الله كل واحد نعمل ليه كرامه في بيتوا ...برضوا ماعندنا مانع. الجميل حسام.....والرائع محمد الطيب انتوا تأمروا وتتدللوا.... وعليكم الترتيبات .... جايييييييييييكم راااااااااجع .
برضو تحياتي هارون دياب
| |
|
|
|
|
|
|
Re: هـارون ديـاب ... بدون لـف و دوران .... دايرين حقنـــا !! (Re: Alsa7afa_30)
|
صحافه,, مساك نور ,,
قبل ماهارون يفوز بالعربيه , أنا كان أدونى سؤال وفزت فيه بساعه سويسريه فاخره بعد ما أستلمتها وعدت وجلست بجانبه ( حنكنى ) وقال لى يأخى والله ساعتى اللابسها دى منظر ساى , وماشغاله ,, غايتو حننى قمت أديتو الساعه ,, أها بعدها بنص ساعه قريبك فاز بالعربيه ,, عسان كده أنا بهدى ليك الساعه , وياهارون بلاش طمع بالله تسلم صحافه الساعه وفورا , الراجل قريبك وبرضوا حبيبنا .
صحافه : بالله الكلام ده بيبى وبينك بس ,,
| |
|
|
|
|
|
|
Re: هـارون ديـاب ... بدون لـف و دوران .... دايرين حقنـــا !! (Re: Alsa7afa_30)
|
الزعيييييييييييييييم / كمال سالم مساء الخير
Quote: أنت قاعد لهسه ,, أنا قايلك فى سواكن مزرزرنك ناس الجمارك ,,, |
يااخوي ماتسيبك من الساعات والنضارات وقوم حرك الشباب ..... انا شايف الولية اليومين ديل ماعندها كلام غير ...غويشاتي بقن ضيقات .....والسلسل ده انا البسه كم سنه ....وماعارف امنية دي مابقت محتاجه جوال بكاميرا . والله بعد شويه الا اكان نضبح ليكم بطيخة . وقد اعذر من انذر . ولو خلص الفول انا مش مسئول . تحياتي هارون دياب
| |
|
|
|
|
|
|
Re: هـارون ديـاب ... بدون لـف و دوران .... دايرين حقنـــا !! (Re: Alsa7afa_30)
|
الزعييييييييييم / كمال سالم صباح الخير
Quote: أنت قاعد لهسه ,, أنا قايلك فى سواكن مزرزرنك ناس الجمارك ,,, |
يزرزرو منو ....؟ سواكن دي حقتنا ياعمك .....انت بس اقيف في الصالة وقول عووووووك تلقي 20 رتبة بقولوا ليك شبيك ....لبيك .....
المهم يااخوانا صحافة 30 ده يشتغل براهو ولا شنو .....؟ الله يجيك بالسلامة ياضحية .....بلاك خربانه .
| |
|
|
|
|
|
|
Re: هـارون ديـاب ... بدون لـف و دوران .... دايرين حقنـــا !! (Re: Alsa7afa_30)
|
الاحباب / صحافة 30 ومحمد الطيب صباح الخير
شنو يااخوانا ....؟ الجوع ماقطع مصارينا ....! بعدين معانا ناس قاعدين يبلعوا حبوب ....والحبوب مع البطن الفاضية مابنفع . يلا شدوا الحيل وورونا ابداعاتكم . اخوكم جاهز ..... ووعد الحر دين عليه ... وبعدين ذي ماقال ابو ساندرا ....الكرامة بتجيب الزيادة . في انتظاركم هارون دياب
| |
|
|
|
|
|
|
Re: هـارون ديـاب ... بدون لـف و دوران .... دايرين حقنـــا !! (Re: Alsa7afa_30)
|
الشاب المهذب/ حسام
قريبك طلع (كنجوس) وعمل نايم لكن قوليهو وراك وراك انشاءالله لى القضارف وراك وحقنا مابنخلى ولو مااديتنا ليهو اللانسر بنكسر زجاجها بالحجار الا توديها بورتسودان وانا اصلى كنت زعلان وحردان حتى البوست بتاع خبر الفوز ماتداخلت فيه الا قريبك ده يدينا حقنا بعدين هو زاتو انا لو ماحظى الزى الزفت البنت ماقرأت الاسماء وقالت الاسم ده صعب وغير واضح اتاريهو ده اسمى هسى عليك الله ابوى لو كان قال باص ما اخير من التسميه دى؟ اها بعديها بقت تقرا فى الاسماء الى ان جاء مقطوع الطارى قريبك اب حظا سعيد وفاز بالسياره لكن انا اقترح انو يديها لى مدثر اصلو هو صاحبى قبل هرون.
انتو مسعولين من الخير صديق عمر ماقال عندو رحله يوم 17 يعنى الجمعه الجايه، شيلو خروف هرون وانمشى عليه طوااااااااااى انا على الدكوه والشطه.
| |
|
|
|
|
|
|
Re: هـارون ديـاب ... بدون لـف و دوران .... دايرين حقنـــا !! (Re: Alsa7afa_30)
|
ياصحافه
Quote: محمد الطيب !
ويييييين انت ياخ !
و كمان ما بترد على التلفون !
|
خلاص قمت لحركات عمك هارون دي اها ياسيدي انحنا جينا وكيا للمابينا
والله اليله من الصباح جري وتعب ربك يعين بس اخر حاجه مشينا ادونا كم من الفولتات ناس الكهربا يعني كويس اتشحنا الكترونات سااااااااااااي جاينكم كهربتنا عاليه
المهم: يوم الجمعه الصباح ياحبيب حانمشي انا وانت المحميه ونجهز الخيم والذي منو وبيجاي صحبك هارون يكون وضب الباااع
ولمن نتلاقي ولحين اشعار اخر
| |
|
|
|
|
|
|
Re: هـارون ديـاب ... بدون لـف و دوران .... دايرين حقنـــا !! (Re: محمد الطيب حسن)
|
ياشباب
هنالك اقتراح من الاخ صديق عبد المنعم عمر ان تكون الرحله فى نادى الشاطى راس لفان لبورداب الدوحه واسرهم لكن فقط هو الان فى انتظار الموافقه او هنالك اقتراح بتاجيلها للجمعه القدامه لكى يتمكن من اخذ موافقه الاداره للنادى لكن هنالك شرط اساى يجب حصر المشاركين وعددهم واسرهم لكى يكون هنالك كنترول لان العدد عندما يوكن اكثر من المعقول تكون المساله ما مرتبه وما منظمه نرجو ان نسمع اقتراحاتكم وفى انتظارها.
| |
|
|
|
|
|
|
Re: هـارون ديـاب ... بدون لـف و دوران .... دايرين حقنـــا !! (Re: Alsa7afa_30)
|
عاجل ----------- علمت الآن أن شباب الخور قد إلتزموا بتجهيز مترتبات الرحلة في شاطيء الخور وفقآ للضوابط التي أشار اليها ضحية بشان تحديد عدد المشاركين بشكل صارم حتى تتم الترتيبات وفقآ لذلك وعليه تقرر تاجيل الرحلة إلى الجمعة القادمة الموافق 21/ مارس وكذلك تقرر أن يواصل حسام صحافة ومحمد الطيب التنسيق مع هارون ومع ناس صديق عمر في الخور
افيدونا بعلمكم والتزامكم حتى نحدد عدد المشاركين لناس الخور
| |
|
|
|
|
|
|
Re: هـارون ديـاب ... بدون لـف و دوران .... دايرين حقنـــا !! (Re: كمال سالم)
|
يابوسندارا
والله انا غايتو الحله كلها قالت جايه ده من غير اسرتنا المكونه من جقجمية نفر وكلمت هارون قلت ليه شيل شيلتك
(( زعلني وقال لي انشا الله تجيب الحله المجاوره كمان ))
بالمناسبه يا عم بركه عايزنها تكون زي اخر رحله كانت في الخور (( وياجمااااعه ماتنسو بالله اب جقادو )) لمن لديه رقمه عليه الاتصال به علي الفور
والعاقبه عندكم في المسرات مدير الانتاج
| |
|
|
|
|
|
|
Re: هـارون ديـاب ... بدون لـف و دوران .... دايرين حقنـــا !! (Re: Alsa7afa_30)
|
Quote: (( زعلني وقال لي انشا الله تجيب الحله المجاوره كمان ))
|
يا مدير نحن ما شغالتنا ، انت وصاحبك على كيفكم تعزموا الريان كله وجميع مرتادو نادي الفروسية وحتى الخيول وديمول وسعيد حركات وارنوبلو والأرضي ذاتو بإسطبلاتو
بس لازم العدد يكون محدد وموضح ولابد ان يتطابق العدد المحصى هنا حتى مساء الأربعاء القادم يتطابق مع الحاضرين يوم الجمعة وممكن ينقص لكن لايزيد ولا طفل واحد ناهيك عن زول كامل
الضبط ده لزوم التحضيرات هناك
| |
|
|
|
|
|
|
|