|
دعواتكم لزميلنا المفكر د.الباقر العفيف بالشفاء العاجل
|
|
 Re: (درة الحقيبة....بصوت العملاق ...اهديها لمن تحب) (Re: haroon diyab)
|
زيدنى فى هجرانى
وفي هواك يا جميل
العذاب سراني
على عفافك دوم
سيبني في نيراني
لمتين تطراني
أنظرك في النوم
جوز نواعسك راني
طرفي قصدو يراك
و ما قصدت تراني
ما بسيب حبك
و الله لو ضراني
يا نعيم أزماني
يا حياة روحي
و بهجة أمدرماني
في الحياة غيرك
مافي زول هماني
و في بعادك أزاي
و في وصالك أماني
بلبل الأغصان
غنى بي ذكراك
و بالنويح أوصاني
الجمال خصاك
و العذاب خصاني
و الدلال أوصاك
علي دوام تعصاني
يا درر ألحاني
يا أزاي و دواي
يا راحي يا ريحاني
إنت نايم
و أنا ألم البعاد صحاني
حن عليّ بغرامك
و الله كان يمحاني
مال فريعك باني
فيه بدر و ظلمه
و فيه ردفا" باني
حين نسيم الليل
بي روايحك أتاني
زاد عليّ الشوق
و دمعي سال هتاني
و على عفافك دوم
زيدني في هجراني
| |
 
|
|
|
|
|
|
|
|
Re: (درة الحقيبة....بصوت العملاق ...اهديها لمن تحب) (Re: haroon diyab)
|
هارون العزيز.......سلام
انا اهدى الاغنية للزميلات :
فادية اليمنى،د.داليا الكباشى،اميرة فاروق،انعام حيمورة،سمية الحسن طلحة،الجندرية،اسيا ربيع،نادية السر
مريم عبدالله،وجن،دانيا المكى،دوما،حنين للبلد،سارة على،عزاز شامى،سلوى غالب،عالية عوض الكريم،تماضر شيخ الدين
مريم محمد الطيب،د.نبراس،حليمة محمد عبد الرحمن،عشة بت فاطنه،رجاء العباسى،راوية العباسى،مهيرة،ست البنات
نجوان،داليا حافظ،انعام حمود،عواطف عبد الرحمن،ناهد بشير الطيب،نها ابوراس،منى خوجلى،منال خوجلى،ماجده خوجلى،
نهلة محكر،ميسون النجومى،لنا مهدى،مريم بت الحسين،ام سهى،عفاف ابو كشوة،اشراقه حيمورة،ام وضاح،بت قضيم،تيسير النورانى
بنت الاحفاد2000،حجة امنة،
وقطعا لا اهديها ابدا لحمزاوى ورغيم..
هارون طبعا عبد الرحمن الريح برع فى مجاراة عمر البنا،وكنت اجلس مع عم عمر وهو رجل قوى الشكيمة
وفى طبعه شدة،ولايتكلم الا قليلا،فكنت استفزه لاخرج منه الكلام،مرة قلت لاحد الاصدقاء فى حضرة عم عمر
انا عاجبانى قصيدة عم عبد الرحمن الريح التى يغنيها الفاضل احمد وهى:
غبت عن انسانى يا وحيد الكون السقام مسانى
اذا فراقك طال ابقى لاتنسانى.
وهى طبعا مجاراة للاغنية موضوع البوست.
فقال عم عمر محتدا عبد الرحمن شكى قال السقام مسانى وانا قلت ليها
زدنى فى هجرانى فى هواك ياجميل العذاب سرانى
تقول عاجباك احسن من كلامى؟انت بتعرف شى والله الغناء السمعتو انا
هارون الرشيد ما سمعوا قوم من جنبى..
رحم الله عم عمر فقد كان شاعرا فذا،شكرا لك انت اخى هارون وانت تلون المنبر
بمثل هذا،،،
| |
|
|
|
|
|
|
|
|
|
Re: (درة الحقيبة....بصوت العملاق ...اهديها لمن تحب) (Re: صديق الموج)
|
سيد الكل
وحبيب الجميع
صديق الموج
سلام ياود قلبا
Quote: فادية اليمنى،د.داليا الكباشى،اميرة فاروق،انعام حيمورة،سمية الحسن طلحة،الجندرية،اسيا ربيع،نادية السر
مريم عبدالله،وجن،دانيا المكى،دوما،حنين للبلد،سارة على،عزاز شامى،سلوى غالب،عالية عوض الكريم،تماضر شيخ الدين
مريم محمد الطيب،د.نبراس،حليمة محمد عبد الرحمن،عشة بت فاطنه،رجاء العباسى،راوية العباسى،مهيرة،ست البنات
نجوان،داليا حافظ،انعام حمود،عواطف عبد الرحمن،ناهد بشير الطيب،نها ابوراس،منى خوجلى،منال خوجلى،ماجده خوجلى،
نهلة محكر،ميسون النجومى،لنا مهدى،مريم بت الحسين،ام سهى،عفاف ابو كشوة،اشراقه حيمورة،ام وضاح،بت قضيم،تيسير النورانى
بنت الاحفاد2000،حجة امنة، |
واولا : لكل من اهديته هذه
الرائعة كل الود واعتقد بانهم
يستحقون الاهداء .بس مانسيت زول.....؟
وش متلقي حجج ...
طبعا ود قلبا ونص مادام بتجيب
الكلام الزي ( الدكوة ) ده .
Quote: هارون طبعا عبد الرحمن الريح برع فى مجاراة عمر البنا،وكنت اجلس مع عم عمر وهو رجل قوى الشكيمة
وفى طبعه شدة،ولايتكلم الا قليلا،فكنت استفزه لاخرج منه الكلام،مرة |
والله ياصديق احسدك حتي علي وجودك
في هذا المكان الذي جمع هذه القامات
السوامق واخرج لنا هذه الدرر التي شكلت
ومازالت تشكل وجداننا .
ان تجلس بجوار عبد الرحمن الريح
وعمر البنا فقد نلت
اعلي مراتب الطرب الاصيل والشجن النبيل .
هذه قامات سنظل نجتر زكرياتها مادام في العمر بقية .
ياخي انا لامن شفت المرحوم ابراهيم عوض ( شعرت جلدي كلبت )
بعدين.....
امنت بالله
والله انت سيد الشي زاااااااااااااتو
كل الود
علي مرورك الجميل الذي يريح
ويسعد دائما
تسلم علي هذه المداخلة الفخمة الضخمة
كفخامة وضخامة (السني دفع الله)
| |
|
|
|
|
|
|
|
|
|
Re: (درة الحقيبة....بصوت العملاق ...اهديها لمن تحب) (Re: haroon diyab)
|
Quote: والله ياصديق احسدك حتي علي وجودك
في هذا المكان الذي جمع هذه القامات
السوامق واخرج لنا هذه الدرر التي شكلت
ومازالت تشكل وجداننا .
ان تجلس بجوار عبد الرحمن الريح
وعمر البنا فقد نلت
اعلي مراتب الطرب الاصيل والشجن النبيل . |
هارون العزيز اعود وبى من الود مايكفى مئونة التحفظ
انت عارف انا اكتر شى فى حياتى انا فرحان بيه انو انا
الدنيا دى قعدتنى مع الناس ديل لانى قعدت
مع عم عمر البنا وود الرضى وعتيق وسيد عبد العزيز وعبيد عبدالرحمن
والعبادى وحدباى والجاغريو وسمعت عنهم ومنهم ماينوء بالعصبة اولى القوة
وشاهدت جزء من ملهماتهم بدور القلعه وظبية المسالمه تصدق؟؟
وهذا لقبها ظبيه دهـ وغنوا ليها بنت النيل ولى فى المسالمه غزال
وحبيب تعال شوف جفاك اذالى يا غزالى يا غزال..
قد اعود فى مداخله عشان اوريك عمك عبد الرحمن الريح كان بجارى عم عمر البنا عن قصد كيف؟؟
| |
|
|
|
|
|
|
|
|
|
Re: (درة الحقيبة....بصوت العملاق ...اهديها لمن تحب) (Re: صديق الموج)
|
هارون دياب
يا لطيف ...
إنها درة الدرر ..
أعزيك وأعزي أحبابنا أهل الهوى أصحاب الطرب الأصيل واللطف الجزيل. وأعزي كل المزامير والمعازف والآذان النظيفة في جل الدنيا .... برحيل هؤلاء العمالقة ... عثمان حسين ... وعبد الرحمن الريح ...
وجدت نفسي أدندن بهذه الكلمات الرائعة ...
شكرا دياب
| |
|
|
|
|
|
|
|
|
|
Re: (درة الحقيبة....بصوت العملاق ...اهديها لمن تحب) (Re: ALGARADABI)
|
القرضابي
سلامات واشواق
Quote: هارون يا وصيفابي
زي اليوم ده كنتا بتكتب المريخ يستعد لدك حصون الاتحاد
معليش
ولا تقنطو من رحمة الله
بعد ده أملكم في الأمل |
هيييييييييييي دنيا.....!!!!!
حتي الستة مابتشفع
الله غالب
بس ماعارف انتو قوة العين دي
جايبنها من وين.....؟
بعدين ياعمك امل شنو....؟
التسوي بي ايدك يغلب اجاويدك
زماااااااااااااااان قلناه
وحاتك الحمام الميت ده مايجيب
( مريسة تام زينو.....)
سلام
| |
|
|
|
|
|
|
|
|
|
Re: (درة الحقيبة....بصوت العملاق ...اهديها لمن تحب) (Re: haroon diyab)
|
تسلم.. يااستاذ هارون
دائما تأتي.. بالدرر النفيسة
من روائع ..الحقيبة.. والفن الاصيل
والتحية عبرك.. للاستاذ صديق الموج
نصير المرأة اينما وجدت.. وحلت
ولكن بطريقته الخاصة ..في التعبير الجميل
الذي لا يخلو من المرح والدعابة
ونحن سعداء بتلك المناصرة
بالله عليك ياهارون
مزيد من الدرر والطرب الاصيل
مع تحياتي وودي
لعشاق الحقيبة
| |
|
|
|
|
|
|
|
|
|
Re: (درة الحقيبة....بصوت العملاق ...اهديها لمن تحب) (Re: عفاف ابوكشوه)
|
الاستاذة والاخت الفاضلة / عفاف
صباح الخير والطرب الاصيل
وتسعد الحقيبة دائما بمرورك
شكرا للمرور والمداخلة الرائعة
صديق ياخال ....
Quote: والتحية عبرك.. للاستاذ صديق الموج
نصير المرأة اينما وجدت.. وحلت |
اها يازول المداخلة دي اكان طلعت
بيها من المنبر بس ....( تكفيك )
واصل السرد ياود قلبا .
شكرا استاذة عفاف
| |
|
|
|
|
|
|
|
|
|
Re: (درة الحقيبة....بصوت العملاق ...اهديها لمن تحب) (Re: haroon diyab)
|
| Quote: فكنت استفزه لاخرج منه الكلام |
Quote: طبعا عبد الرحمن الريح برع فى مجاراة عمر البنا،وكنت اجلس مع عم عمر وهو رجل قوى الشكيمة
وفى طبعه شدة،ولايتكلم الا قليلا،فكنت استفزه لاخرج منه الكلام،مرة قلت لاحد الاصدقاء فى حضرة عم عمر
انا عاجبانى قصيدة عم عبد الرحمن الريح التى يغنيها الفاضل احمد وهى:
غبت عن انسانى يا وحيد الكون السقام مسانى
اذا فراقك طال ابقى لاتنسانى.
وهى طبعا مجاراة للاغنية موضوع البوست.
فقال عم عمر محتدا عبد الرحمن شكى قال السقام مسانى وانا قلت ليها
زدنى فى هجرانى فى هواك ياجميل العذاب سرانى
تقول عاجباك احسن من كلامى؟انت بتعرف شى والله الغناء السمعتو انا
هارون الرشيد ما سمعوا قوم من جنبى..
رحم الله عم عمر فقد كان شاعرا فذا،شكرا لك انت اخى هارون وانت تلون المنبر
بمثل هذا،،، |
وكيف نستفزك نحن يا صديق الموج لنخرج منك مثل هذا الكلام ؟؟؟
راودتني فكرة ليت أخواتي المذكورات أدناه يوافقنني عليها
ويتطوعن لأدائها لأن محصلتها سوف تكون كنز من المعارف وكون من الطرف والملح
الأخواتQuote: فادية اليمنى،د.داليا الكباشى،اميرة فاروق،انعام حيمورة،سمية الحسن طلحة،الجندرية،اسيا ربيع،نادية السر
مريم عبدالله،وجن،دانيا المكى،دوما،حنين للبلد،سارة على،عزاز شامى،سلوى غالب،عالية عوض الكريم،تماضر شيخ الدين
مريم محمد الطيب،د.نبراس،حليمة محمد عبد الرحمن،عشة بت فاطنه،رجاء العباسى،راوية العباسى،مهيرة،ست البنات
نجوان،داليا حافظ،انعام حمود،عواطف عبد الرحمن،ناهد بشير الطيب،نها ابوراس،منى خوجلى،منال خوجلى،ماجده خوجلى،
نهلة محكر،ميسون النجومى،لنا مهدى،مريم بت الحسين،ام سهى،عفاف ابو كشوة،اشراقه حيمورة،ام وضاح،بت قضيم،تيسير النورانى
بنت الاحفاد2000،حجة امنة، |
المطلوب من كل منكن توجيه سؤال للعزيز صديق الموج عن حقيبة الفن .. أغانيها .. أشعارها.. قصص أغانيها ......
ولأنه ( نصير المرأة اينما وجدت.. وحلت ولكن بطريقته الخاصة ..في التعبير الجميل الذي لا يخلو من المرح والدعابة ) - على حسب الأخت عفاف أبو كشوة - فإنه حتماً لن يبخل عليكن بإجابة
وربما سررررررح في الإجابة
وتكون نتيجة ذلك
دراً نفيساً
وحديثاً كالشهد حلاوة
يكفينا جميعاً
ويشجينا جميعاً
ويفيض
شكراً هارون الحبيب على كل شئ
كل شئ
| |
|
|
|
|
|
|
|
|
|
Re: (درة الحقيبة....بصوت العملاق ...اهديها لمن تحب) (Re: عاطف عمر)
|
عاطف عمر ياصاحب
صباح الخير
Quote: وكيف نستفزك نحن يا صديق الموج لنخرج منك مثل هذا الكلام ؟؟؟
راودتني فكرة ليت أخواتي المذكورات أدناه يوافقنني عليها
ويتطوعن لأدائها لأن محصلتها سوف تكون كنز من المعارف وكون من الطرف والملح
الأخوات |
وياريت......وياريت
يجينا خالنا وخال الجميع
ويدينا حصة كل يوم عن هذا
الالق والجمال الذي شكل وجداننا
واصبحنا نجتره كذكري ......
صديق الموج......
وحات الفوق ديل كلهم .....
احكي.....احكي....ونحن آذان صاغرة
تسلم عاطف
| |
|
|
|
|
|
|
|
|
|
Re: (درة الحقيبة....بصوت العملاق ...اهديها لمن تحب) (Re: haroon diyab)
|
تحياتى يا أخا موسى يا هارون
ويا أخانا
كيف الحال
تعرف زمان كنت مفتكر الأغنية من كلمات عتيق، ليه ما عارف
ربما لأنه عتيق من "حزب" ابو صلاح وعمر البنا
سبحان الله المجموعة دى ربط بينها شى وجدانى إلهى، ومعظم اشعارهم لحنها الزول الما عادى، وعبقرى التلحين إلى يوم يبعثون، عبد الكريم عبد الله مختار المعروف ب "كرومة"
وأنا كمان برضو من حزبهم، وبميل وبطرب لأغنيات أبوصلاح والبنا وعتيق وغناء كرومة وبرهان، اكتر من أغنيات العبادى وسيد وعبيد ومعاهم سرور طبعا
وخصوصا الأغنية دى
لو سمعتها يا هارون من كرومة، والله الحيطة الجنبك حتتمايل طرب معاك
اللحن عند كرومة أخف شويه من الطريقة الغناها بيها عثمان حسين
تقريبا بنفس سرعة ايقاع أغنية "غبت عن إنسانى" لو سمعتها عند عطا ومحمود أولادالموردة
شكرا ليك ياخ على موسقة الفجة هنا ورش النغم السمح فينا
| |
|
|
|
|
|
|
| |
haroon diyab
بشير حسـن بشـير
صديق الموج
saif massad ali
عابدون محمد عابدون
وليد عبد اللطيف
othman mohmmadien
أبو ساندرا
ALGARADABI
حمزه بابكر الكوبي
بكري عباس علي
Gaafar Ismail
عفاف ابوكشوه
الجندرية
الهادي محمد ابراهيم
ضحيه ابراهيم
Alsa7afa_30
عاطف عمر
أحمد الصديق
أبوذر بابكر
فيس بوك
تويتر
انستقرام
يوتيوب
بنتيريست