|
|
|
 Re: يا الله...عندما يلتقي عملاقان ( الكاشف وعثمان حسين) انت عارف انا بحبك (اهداء لكم ) (Re: حسن الجزولي)
|
الحبيب صاحب الاذن الذهبيه هارون دياب لك تحياتي
تعرف ياهارون يقال ان عثمان حسين حينما يلحن اغنيه لايسجلها للاذاعه الا بعد ثلاثة اشهر
علي اقل تقدير بعد تجويدها اجاده كامله ليكون العمل مكتمل 100% ولا يتعجل ابدا ......
كذلك اختياره لاغنيات الحقيبه فقد اختار (زيدني في هجراني) و ( مارأيت في الكون)
وتعتبر هاتين الاغنيتين من اجمل اغاني الحقيبه .
وللاستاذ حسن عطيه غني له اغنيه ( فراق الزين ونار البين) وهي من اجمل اغاني امير العود
اما ابوالفن السوداني الكاشف فقد صدح الرائع عثمان حسين بهذه الاغنيه في ليلة تابين الكاشف
بمسرح التلفزيون في يوم 25.11.1969 بعد ثلاثة اشهر تقريبا من وفاة الكاشف لذلك تعتبر
اغنية (انت عارف ) للشاعر سيد عبدالعزيز من اميز اغنيات الكاشف طالما اختارها ابوعفان
دونا عن باقي اغاني الكاشف .
هنالك تسجيل مشترك لاغنية (صه ياكنار) للشاعر محمود ابوبكر من الرباعي
عثمان حسين
ابراهيم الكاشف
حسن عطيه
احمد المصطفي
ضربة جانبيه
خليك قريب في بوست الكاشف
لانه في الايام الجايه حانوثق لتشجيع الكاشف للمريخ وتعصبه الشديد له
| |
 
|
|
|
|
|
|
|
|
Re: يا الله...عندما يلتقي عملاقان ( الكاشف وعثمان حسين) انت عارف انا بحبك (اهداء لكم ) (Re: حسن الجزولي)
|
استاذنا /حسن الجزولي
وصباح معطر بالرياحين
Quote: قبال كده قلنا
إنو كمية الطرب الموجود في الأغنية دي
لو وزعوهو على كل أجناس السودان لكفى وزاد!
هذه الأغنية تمثل بجد أحد روائع جيل من مطربين أطربونا غاية الاطراب..
مش ملاحظين معاي أو أبو داؤود مشارك في الدندنة والآداء مع عثمان حسين؟! .. رحمهم الله أجمعين
وفي ميزان حسناتك يا هارون دياب ومتابعنك ..
فهل ممكن تتم جميلك يا خي وامدنا برابط الحفظ؟!
شكراً لك مرة أخرى |
وسيظل هؤلاء العمالقة في دواخلنا دائما
كم جملوا ليالينا ومنحو حياتنا رونقها
في تلك الايام الجميلة.....
هل تعود تلك الايام ام نظل نجتر زكرياتهم.....؟
صوت ابو داؤود زاد من جمال الاداء .
فلهم جميعا الرحمة....
باذن الله رابط الحفظ انزله بعد قليل .
كل الود
| |
|
|
|
|
|
|
|
|
|
Re: يا الله...عندما يلتقي عملاقان ( الكاشف وعثمان حسين) انت عارف انا بحبك (اهداء لكم ) (Re: haroon diyab)
|
بقناعة تامة اعتقد بانو
العملاق عثمان حسين ركن اساسي
في تاريخ الاغنية السودانية
ولما يغني اي اغنية معناها انو
اقتنع بان هذه الكلمات تستحق الغناء
لكن لما يجي يختار اغنية لفنان تاني
ويغنيها فدي شهادة بانو الاغنية دي
عظيمة وانو من لحنها هو عملاق بحق
اذا.....
انت عارف انا بحبك عندما يوديها
الهرم عثمان حسين فهذه شهادة نجاح
ومرور الي قلوب الكثيرين
الا رحم الله العملاقين .
آميييييييييييييييييين
وبرضو....
انت عارف انا بحبك.....؟
| |
|
|
|
|
|
|
|
|
|
Re: يا الله...عندما يلتقي عملاقان ( الكاشف وعثمان حسين) انت عارف انا بحبك (اهداء لكم ) (Re: haroon diyab)
|
هارون
شكراً علي كبسولة الزمن هذه التي رجعتنا بنا
إلي زمن أخضر وأحلام مخضرة
علي ذكر أغنية إنت عارف
يحكي ويقال
أنه في الستينات وفي إحتفال جماهيري
تم ترتيب الفقرات والتي إطلع عليها الكاشف
فوجد أنه سيغني بعد إنصراف الرئيس إبراهيم عبود
فطلب الكاشف أن يغني وقت وجود الرئيس وإلا فإنه يرفض الغناء
حمل أحد ( الشمشارين ) هذا الكلام للرئيس عبود بغرض أن يوقع بالكاشف
ولكن عبود خيب ظن الواشي وطلب تعديل البرنامج كما اصر الكاشف
وقد كان
ثم لما صعد الكاشف إلي المسرح
قال مخاطباً عبود : أغني شنو يا ريس ؟؟؟؟
فقال له عبود : يا أبو خليل إنت عارف
فغني الكاشف ( إنت عارف أنا بحبك )
خفجة
شفتو تورية عبود البليغة
وذكاء الكاشف
ومدي التفاهم بين الرئيس والكاشف
عطر الله ذكري تلك الأيام
| |
|
|
|
|
|
|
|
|
|
Re: يا الله...عندما يلتقي عملاقان ( الكاشف وعثمان حسين) انت عارف انا بحبك (اهداء لكم ) (Re: Fadl Karrar)
|
يا سلااااااااااااااااااااااااااام يا هارون ياااااااخي
بالجد انا اول مرة اسمع (ما لقيت اي تعابير تليق بالحاصل ده)
تعرف يا هارون ايام تكريم العملاق عثمان حسين في الرياض كنت قاعد معاهم هو والاستاذ ذوالنون بشرى والاستاذ فيصل عبداللطيف في مقر اقامتهم وكان في التلفزيون في مقطوعة لواحدة من روائع الكاشف قام
دندن معاه كده وقال يا سلاااااام والله الكاشف ده عمنا كلنا .. تخيل هذا التواضع من هذا الهرم الكبير
عليك الله يا هارون طوالي سوي لينا كده وخلينا نسسسسسسسسسسسسسستمع ونستممممممممممتع .
| |
|
|
|
|
|
|
|
|
|
Re: يا الله...عندما يلتقي عملاقان ( الكاشف وعثمان حسين) انت عارف انا بحبك (اهداء لكم ) (Re: saber alhawatti)
|
الجميل / صابر الحواتي
مساء الخير
Quote: هارون
ياعمك يا راجل يا فنان ويا راقى
خليتنا نحب الدوحه وناسها ومن جده ليك ألف تحيه
بس مشكلتك اللون الأحمر يا أخى الواحد كركدى مابشربوا ...!! |
معقولة انت في جده.......
طيب اخوك جاييك قرييييييييييييييييييييييييييييييييييب
المهم......
شكرا لهذا المكان الجميل الذي جمعنا بامثالك .
بعدين ياخوي الاحمر اليومين دي شكل تااااااااااااني
الكلام في الازرق المامعروف حالو بكون كيف يوم الاحد........!!!!!!
كل الود
| |
|
|
|
|
|
|
|
|
|
Re: يا الله...عندما يلتقي عملاقان ( الكاشف وعثمان حسين) انت عارف انا بحبك (اهداء لكم ) (Re: haroon diyab)
|
أنتا عارف انا بحبك وبحلفيك ولا ماك عارف بالمرة
انت صارف عني مدة وانا خايف تتحدى
طمنى تعال نبدأ التآلف والتعارف والمودة
يا حبيبى من فضلك طاوعنى جاملنى
لا تخالف واحدة مرة
أنا شايف المحاسن الطرائف فى صمتك فى كلامك
فى عيونك فى إبتسامك فى خدودك فى قوامك
انت جالس انت ماشي انت واقف
انت نائم صغير غرير الطرف حالم ماك عارف
انا طرفى جفا المنام آلف الحب والهيام
مع الجمال بالعواطف فى غرامك استمرا
متين أصادف رضاك على وعلى توالف
هواى مناى حياتى حبك المسرة
بلاك أشوف النور ظلام
واضوق طعم كل حاجة مره
وإن ما رايتك بالقرب منى
هل تدرى إنى اسعد أظنى
احس بعظمة وشان كبير أفرح كتير
فرح كبير واكاد اطير من الفرح
والأمل احيا واحالف المسرة
زورنى مرة حبيبى مرة
| |
|
|
|
|
|
|
|
|
|
Re: يا الله...عندما يلتقي عملاقان ( الكاشف وعثمان حسين) انت عارف انا بحبك (اهداء لكم ) (Re: ريهان الريح الشاذلي)
|
أ . ريهان
صباح الخير
وشكرا...علي المرور
Quote: شكرا استاذ هارون علي المتعة اعلاه ..
عادة يتم غناء هذه الاغنية بنوع من الاستعجال يعني
تحس انو اللحن جاري والفنان جاري وراهو لأول مرة اسمعها مقعدة وبدون نفس قايم ..
كتر خيرك |
ولهذا فهم العمالقة
الذين شكلو وجداننا
جيل الزمن الجميل
والذين لانزال نجتر ذكرياتهم
ونتحسس خطواتهم علنا نقتبس شيئا
من هذا الجمال الابداعي الفطري .
طبعا العملاق عثمان حسين
ملك ( قعيد الغناء بلا منازع.... )
اما الكاشف فهو الابداع عينه .
كل التقدير
| |
|
|
|
|
|
|
| |
haroon diyab
محمد مكى محمد
محمد مختار جعفر
وليد عبد اللطيف
Emad Ahmed
Alsa7afa_30
طارق جبريل
Faisal Elrasheed
حسن الجزولي
حمزه بابكر الكوبي
omer osman
معتز القريش
معاوية عوض الكريم
ebrahim_ali
بدر الدين الأمير
صالح عبده
محمد النيل
أبو ساندرا
JAD
جمال السنوسي
mekki
Fadl Karrar
امير عوض الجمري
saber alhawatti
ريهان الريح الشاذلي
محمد المرتضى حامد
Elmosley
مدثر قرجاج
د.محمد حسن
بكري عباس علي
عفاف ابوكشوه
الهادي محمد ابراهيم
النذير حجازي
فيس بوك
تويتر
انستقرام
يوتيوب
بنتيريست