|
|
|
 Re: قالو الحجيج قطع....الاهداء لحجاج بيت الله الحرام...اوعدنا يارب (Re: haroon diyab)
|
وابدع ابونا الشيخ ابو كساوي
قالو الحجيج قطع طالب نور البقع قلبى زاد وجع حمانى القيد منـع
العبدو قام شرع متقاصر ما بتع جاب العسل نقع كباه فى القـــــــــــرع
ديوانه اجتمع ماصغى لأهل السمع مجزومم تف وقع كالمغشى من الصرع
فى الدنيا ارتفع والاخرة نال شفع
قمر القسوم طلع الضوا ما انقطع فى العرش لاح سطع الذاكر ما انضجع
حبو للردوم خلع يوم النهار صقع لولاه نروح جرع
قلبى زاد وجع حمانى القيد منـــــع
العالى فى القدر ذو العز والفخر لو طويل و لو قصر لو غليد و لو نسر
فى حقه الصبر حين ينزل الامر شفيعنا فى الحشر ليلة عرقنا يخر
التبعك للخدر والخالف من حاله كر
قلبى زاد و جع حمانى القيد منع
دقو النحاس ورف جا صاحب الوظف
ركب الصديق وقف اتيامن وحــــلف
معلوم بهدم الصف ما بعاين الطرف مابخلى
الدم يجف رقدهم كالعلف والعوق من عنده رف
قبض الملوك عنف كدى جرا الكى خلف
قلبى زاد وجع حمانى القيد مــــــــنع
دقو النحاس ضرب جا صاحب الادب
فاروق الاحتسب العزا للدين نصـب
سل سيفو المو كعب يغرز فى العين جب
السيمت اب هجب من عندو قام هـرب
رسلهم بالسلب للهاشمى العجب
قلبى زاد وجع حمانى القيد منع
يا فمى قول السى للنسبو من اميى
فارسا بريد الدى ضربو النجيض مو نى
سيفو الما بفضل شى الدبرة الفيها
اب عى شقاها وخلف الكـــــــــــــــــى
نصرو العزيز الحى زوج ام كلثوم و رقيى
قلبى زاد وجع حمانى القيد منـــع
دقو النحاس و رز ركب المضرغم وهز
دخل المداين جز خلا الرمام للمـــز
فى الارض ماهن نز كل المشكر فز
ود عمو الليل فرز نصر اب علامه وعــز
يا حى يا مجيب ندعوك الفى جمل
على المشهاد و الايد نتدلى المويـــه
بالزاد نجفى ############ نتدلى احبابنا الجمبى
والبعيد نتدلى الفقرا البقرو فى المســـيد
جملى البدورو ما اظنو يتوجد
ابيض فى لونه وعلى الدبلان يزيـــد
افطس قدومو تام شوفو بتاكيد
سمحات عيونو ختما الدق والتبيـــــد
شرفات اذنيبه مكلوفا يا الرشيد
زمامو الفضه اربع تاواق و يزيـــــــد
خناقو الشولق غشيما دهب العبيد
رسنو حريرا بارد لمسك الايـــــــــــد
ان قلت رقبتو كالروقه الفى الهميد
موكوكب زورو والفدعه العند الايــــــد
ضامر حشاهو ماهوالبدين عريض
مرخى عرقوبو شوتال مدقوق جديد
سمحات سيقانو كا ليد الفى الحديــــــــد
مدور خفه فى ا****ه مو عريض
شارف سنامو قبة سيدى العبيـــــد
طبعو المؤدب لو عاصى لو عنــــيد
كدى جيبو و نوخو يا لعرض يا العبيـد
سو فوقو سرجا مكسى محشى جديد
ان قت مجدولا كالفصل الفى العقيــــد
مفروش للفروه يا تويلى يا مرعيد
قام جب بينا يضرب و ينفض الايـــــد
ان جاك ماشى كيف عفرات الصـعيد
يا اخوى اقرأ لو من كونك ماك جديد
حنق للطاره طالب الرسول الســـيد
ريس السفينه قال اهلا مداح الســــــيد
دون شك ادخلو ان شاء الله توافقو العيد
ودخلنا فيها كدى قلنا يا مجـــــــيد
فى سروه واحدة وصلت بقدرة السيد
فى جدة خروجنا مافينا من مريض
وحلقنا شعورنا ورجمنا خصم السيد
طال لينا المنار ام شبكا من حديـــــد
قلنا له سلاما يا سيد رسالة اب زيد
قال اهلا مرحى انا قلبى ليك بريـــــد
انت واحبابك الجمبى والبعيد
تسكنو قصورا شامخات بلا تحديـــد
يات من كان منكم الفين حوريه نهيد
وعيد الراوى الما رتل وقال قصيد
يوم لمت الوعيد يضمنا النبى السيد
قلبى الزاد وجع حمانى القيد منـــع
احمد عليك قصد فى مدحه ما اجتهد
كان دايح بالبلد لا اطامن لا قعـــــد
لا صام لا عبد لا انفق بليله قد
القمرا الفوق السد بيك يسلم النشــــد
صليت على العدل فى شرعه ما زغل
ما صب سحاب نزل كب ماهو انهمل
والغيث الفى السهل عد علم اللم يزل
ندخلو فى ام قلل ونواجهو بلا عــــلل
قلبى زاد وجع حمانى القيد منع
| |
 
|
|
|
|
|
|
|
|
Re: قالو الحجيج قطع....الاهداء لحجاج بيت الله الحرام...اوعدنا يارب (Re: سيف اليزل برعي البدوي)
|
الحبيب
الصديق
الجميل
وصاحب كل الصفات الجميلة
Quote: واولي الاهداءات لحبيبنا
ابن البورت الجميل
وعضو المنبر
الحاج خالد العطا
ربنا يسهل ليك الطريق |
اتمنى من كل قلبي ان يسهل لك ربنا حجة هذا العام
وستجني في انتظارك في مداخل مكة
ولجميع الاخوان اي واحد قاصد حج هذا العام
سوف يجد الجوال على البروفايل
مستعدين لخدمة كل ضيوف الرحمن
انشاء الله
0
0
0
0
هارون اصدق النية وبتحج انشاء الله
مابنساك يوم الوقوف بعرفه بديك دعوة كاربة
نسال الله لها القبول
| |
|
|
|
|
|
|
| |
haroon diyab
الامين موسى البشاري
سيف اليزل برعي البدوي
mekki
SHIBKA
محمد عبدالرحمن محمد
عبدالفتاح أبوشيمة
معاوية المدير
omer osman
نزار محمد عثمان
فضل الصادق
فيس بوك
تويتر
انستقرام
يوتيوب
بنتيريست