|
دعواتكم لزميلنا المفكر د.الباقر العفيف بالشفاء العاجل
|
|
 Re: بعد دخول الجزيرة علي الخط رسميا.....كم تبقي للقذافي في السلطة ....( توقع) (Re: Abdelrahim Elamin)
|
وتحليل منطقي وجميل
ياعبد الرحيم.....
اتفق معك تماما هنا
Quote: الراجل ده بدأ بالذخيرة الحية .. يعني إتجاوز مرحلة الغاز المسيل للدموع و خراطيم الماء
وكمان جايب ليه مرتزقة أجانب عشان يكتلوا شعبه .. المجتمع الليبي عشائري و قبلي
و وجود المزيد من الضحايا ما ح ينتهي بي أخوي و أخوك |
واتمني ان يصح توقعك هنا
Quote: في حالة خروج العاصمة طرابلس بنفس منوال بنغازي أتوقع له أقل من 6 ساعات
وذلك ليس ببعيد . |
مودتي واحترامي
| |
 
|
|
|
|
|
|
|
 Re: بعد دخول الجزيرة علي الخط رسميا.....كم تبقي للقذافي في السلطة ....( توقع) (Re: عبدالرازق الطيب يس)
|
| Quote: لا فرق بين الجزيرة وميسي |
يعلم الله برنس بس يا صيرى >> كلام موزون
,,,,,,
القذافى بعد المريخ عسكر فى ليبيا يا هارونا راح فى امات طه
>>>> بس ياخ ما تخلوا لينا المريخ الايام ده يعسكر داخليا >>> ممكن يعمل شغل ويحقق لينا احلامنا
>>>> قطع شك لحظتها حاكون مريخابى على السكين يا هارونا >>>> احب نجومك ... احب نجومك من دفاعك لهجومك
>>> ابو الجمكسين ظاااااتو
,,,,,,,
شوق كميات
| |
|
|
|
|
|
|
|
|
|
Re: بعد دخول الجزيرة علي الخط رسميا.....كم تبقي للقذافي في السلطة ....( توقع) (Re: طارق الكوتش)
|
كوتش يا اجمل حاجة
يمين شوقك ما اكتر من شوقنا
Quote: القذافى بعد المريخ عسكر فى ليبيا يا هارونا راح فى امات طه
>>>> بس ياخ ما تخلوا لينا المريخ الايام ده يعسكر داخليا >>> ممكن يعمل شغل ويحقق لينا احلامنا
>>>> قطع شك لحظتها حاكون مريخابى على السكين يا هارونا >>>> احب نجومك ... احب نجومك من دفاعك لهجومك
>>> ابو الجمكسين ظاااااتو
,,,,,,, |
انت كمان لاحظته...؟
الظاهر علينا نحسنا مارق لي بره....!!!!
اتفقنا علي معسكر تونس
بن علي طااااااااااار....!!!!
مشينا سوا القاهرة
ركبنا حسني التونسية....!!!!
سافرنا برانا ليبيا
لحقنا معمر القذافي الزينين....!!!!
كدي السنة دي نمرقو
من التمهيدي ونبقي قاعدين جوه البلد....!!!!
يمكن يتحقق البالي ...بالك
| |
|
|
|
|
|
|
|
|
|
Re: بعد دخول الجزيرة علي الخط رسميا.....كم تبقي للقذافي في السلطة ....( توقع) (Re: haroon diyab)
|
اعتقد صعب الواحد يتنبأ بحاجة تحصل في ليبيا ، دايما ليبيا كانت منعزلة بالذات شعبيا ، يعني اي زول ما عاش فيها اظن ما بقدر يعرف حاجة عن الشعب الليبي ، بس لو نجحت انتفاضة ليبيا دي ، ايييييك حنشوف شوف ، تغيير الرؤساء حيبقى اسهل من تغيير الألفه بتاع الفصل ( اصلا رؤسانا ديل كلهم نظام ألفوات - جمع الفه الماعارف بكتبوها كيف دي - ) .
- شنو يا عمك ننتظر الشباب لمن يطلعوا من الاستاد وناخدهم معانا مشوار صغير كده الرئيس ده والله ما عاجبني الأيامات دي !!!
ممكن دي تحصل ؟
تحياتي هارون والجميع
| |
|
|
|
|
|
|
|
|
|
Re: بعد دخول الجزيرة علي الخط رسميا.....كم تبقي للقذافي في السلطة ....( توقع) (Re: محمد عثمان الحاج)
|
صعب الواحد يتوقع
أصلو أبو القذائف دا رجل بغزالة
وبحب السلطة للنخاع
ممكن يكمل شعبو ويحكم نفسو براهو
علا الناس العاقلة في ليبيا يتحركو مع الجيش
ويحصل تغيير من داخل السلطة العسكرية
نحن النوعا ما مفتحين مسكوها عساكرنا وحكمونا مليون سنة ولسع من حفرة لي دحديرة رغم الانتفاضات وتجاربنا معاها الما سمحة..
ومصر دي مصروها العساكر دشليون سنة لما اخيراً حصل التغيير ولسع في يد العسكر لي هسع.
ليبيا دي دايرالها كم سنة يا الله .. الله أعلم
| |
|
|
|
|
|
|
|
|
|
Re: بعد دخول الجزيرة علي الخط رسميا.....كم تبقي للقذافي في السلطة ....( توقع) (Re: محمد عثمان الحاج)
|
أ. محمد عثمان
تحياتي
| Quote: أتوقع أن أحداث ليبيا سوف لن تسير في نفس مسار تونس ومصر بعد أن سمعت بعض أهل المناطق المضطربة يؤكدون توزيع الأسلحة والسيطرة العسكرية الكاملة ـ تحول الأمر إذن لحركة مسلحة وليست سلمية، وبالتالي لن يسير الأمر كما في مصر وتونس التي ظلت الاحتجاجات فيها سلمية! |
اتفق معك وازيد
سقوط اكثر من 200 شهيد في
بنغازي والتي تعتبر مدينة الثورات
في ليبيا فعمر النظام لن يطول....
بالمنسبة....
اصوات الرصاص تسمع بوضوح الان ....!!!!
| |
|
|
|
|
|
|
|
|
|
Re: بعد دخول الجزيرة علي الخط رسميا.....كم تبقي للقذافي في السلطة ....( توقع) (Re: محمد عثمان الحاج)
|
سلام يا هارون دياب
القذافي يقال انو بدأ يضرب بالطيران، والمرتزقة يمارسون الاغتصاب والشعب بدأ يتسلح
يعني ماشين في اتجاه ازمة تشبة ازمة دارفور، سيبدأ الليبيون في النزوح من المدن الكبيرة
في الشرق، ويتجهون للصحراء، فيها يهلكوا فيها تحصلهم قوات اممية وتسكنهم في معسكرات نازحين
زي ناس دارفور وبي كده ممكن يقعد تاني 8 سنوات زي البشير من بداية جريمته في دارفور
لكن الفرق ان الليبيين كلهم 6 مليون او يزيد، يعني سكن دارفور بس.
بمعنى ان العالم لن ينتظر موت 300 الف كما دارفور، 3000 الف بجيبوا خبرو
الاشكالية في حالة ليبيا اننا نجهل تركيبتها العجيبة مرة بتفرج على التلفزيون الليبي
وشاهدت اجتماع سنوي بين
الهيئة العليا للجان الشعبية مع اللجنة الشعبية العليا لشنو كده ما عارف
والى اليوم ما عرفت منو كان مجتمع مع منو ههههههههههه
الدير اقولوا، في حالة تونس لمن جات ساعة الصفر يعني ساعة الحسم
الناس ما تعبت كتير وقبلت على الجيش خاصة انه معروف بحيادة وفي مصر كذلك لم يتلفت الناس
او يهلعوا، خاص وان المؤسسة العسكرية المصرية معروفه انها كانت حاكمة منذ ثورة يوليو
الشعب ممكن يثور ويقلب الدنيا لكن دائما هناك شخص او جهة هي البتقلب التربيزة
في حالة ليبيا هل هي:
اللجان الشعبية
المؤسسة العسكرية
اه، الحالة الجديدة في حالة ليبيا ان الشعب لن يسمح له بالهرب ك بن علي او حسني
سيتم قتله شر قتله في ليبيا
اسبوعين
| |
|
|
|
|
|
|
|
|
|
Re: بعد دخول الجزيرة علي الخط رسميا.....كم تبقي للقذافي في السلطة ....( توقع) (Re: محمد عبد الماجد الصايم)
|
اخوى هارون
السوال الملح عندى لماذا كبت قناة الجزيرة الزوغة من احداث البحرين؟ الموضوع شيعى؟
تانيا معليش انا رامى لقدام
الجزيرة قناة تجارية برضك بتدخل الخط بعد بلوغ الضحايا اكتر من ١٠٠ فهى برضو دايرة تبيع. لزوم التسويق وكده
واخيرا اقول وادعو الله رب العرش العظيم ان يلطف بالشعب الليبى فهذا الرجل وهذا رأى شخصى هو طارق بن زياد عصره بس بصورة مختلفة تماما
كل سفنه محروقة وما عندو اى وجهة حتى السعودية حرق معاها لذلك سيستميت على منصبه
| |
|
|
|
|
|
|
|
|
|
Re: بعد دخول الجزيرة علي الخط رسميا.....كم تبقي للقذافي في السلطة ....( توقع) (Re: haroon diyab)
|
Quote: طريقة الاسئلة الايحائية....!!!!
اختيار الضيوف.....!!!!
اختيار الصور المرافق للخبر....!!!!
التركيز علي المتحدثين الثوريين....!!!!
التركيز علي الاسئلة المستفزة للشارع.....!!!!!
كلها طرق ادارت بها الجزيرة تغطيتها
للاحداث في الثورتين السابقتين
وخاصة في مصر...عجلت برلاحيل النظام ....!!!! |
أتفق في كل زكرت سابقا مع الأخذ في الأعتبار الأتجاه المعاكس لقناة العربية في تضخيم المظاهرات المؤيدة لنظام مبارك وإستياء المصرين من التظاهر وشل حركة الحياة وأختفاء وغلاء السلع وانتشار حالة الفوضي وإبراز التصريحات لعدم التظاهر من شيخ الأزهر والبابا شنودة ووزير خارجية الأمارات و.....ولكن لاشك في الدور الأعلامي لقناة الجزيرة في نجاح ثور الشباب والظروف في ليبيا حتما مختلفة فلا اتوقع نتيجة ما حصل في مصر وتونس ,اهمها خلو طرابلس ( المركز ) من قوة التظاهر وكثير من المدن الليبية الأخري مما يسهل علي النظام الليبي القضاء والقمع بكل السبل وسوف نري دموية اكثر مما نشاهده الآن وليس للنظام الليبي مايخشاة في سجل حقوق الأنسان .
| |
|
|
|
|
|
|
|
|
|
Re: بعد دخول الجزيرة علي الخط رسميا.....كم تبقي للقذافي في السلطة ....( توقع) (Re: بشير أحمد)
|
تسلم يابشير
| Quote: فرقة الصاعقة في بنغازي تعلن تحرير المدينة من جنود القذافي. |
فعلا الاخبار الان تتحدث عن سقوط بنغازي
لكن الخوف كل الخوف من عصابات المرتزقة
الافارقة الذين يجوبون الشوارع تقتيلا
في المتظاهرين....!!!
قبل قليل تحدث احد الشرفاء الليبيين
عن انهم لايتمنون اراقة اي دم ليبي
لكن العصابات المسماه بالك لا ب السسعرانة
تعمل في المواطنين تقتيلا وترويعا
وانهم سيكونون مضطرين للرد .
ربنا يجيب العواقب سليمة ؟
| |
|
|
|
|
|
|
|
|
|
Re: بعد دخول الجزيرة علي الخط رسميا.....كم تبقي للقذافي في السلطة ....( توقع) (Re: khaleel)
|
ندعو الله ان ينصر الشعب الليبى على نظام الدكتاتور
الدموى معمر القذافى ...
القذافى عميل و خائن للامة العربية و الاسلامية و الافريقية ...
الحبيب هارون من امبارح انا بفكر انو لازم نعمل معسكر للمررررريخ
ببورتسودان عشان يريحنا من الطاغية ايلا عليه لعنة الله ...
Quote: طارق يابلدينا
كيفنك
Quote: على بالحرام المريخ لحق القذافى امات طه
المريخاب مشو مصر حسنى لحق دحش ود أحمد ...
طيب مانرسلهم لي اخوانا في بورسودان
معسكر يومين في بلس....والموضوع يخلص |
| |
|
|
|
|
|
|
|
|
|
Re: بعد دخول الجزيرة علي الخط رسميا.....كم تبقي للقذافي في السلطة ....( توقع) (Re: khaleel)
|
خلي ياهندسة
صباح الخير
Quote: بن علي حكم تلاتة وعشرون عاما وسقط في
ثلاثة وعشرون يوم
حسني حكم تلاثون عاما وسقط في تلاتة اسابيع
قذافي حكم اتنين واربعون عاما اتوقع ان ياخد اسبوعين |
وبنفس طريقتك
بن علي سقط في 23 يوم مع 87 شهيد
حسني سقط في 3 اسابيع مع حوالي 200 شهيد
القذافي في يومين اكتر من 500 شهيد
بعد اسبوعين حيبقو كم.....؟
شفته الفرق....؟ الراجل ده لازم يمشي خلال هذا اليوم
والا ستحدث الكارثة
| |
|
|
|
|
|
|
| |
haroon diyab
معاوية المدير
خضر عبدالغفور
ABUHUSSEIN
Abdelrahim Elamin
عبدالرازق الطيب يس
Abdullah Idrees
showgi idriss
أحمد ابن عوف
محمد عبد الماجد الصايم
إبراهيم عبد الحليم
علي جلاس
إيهاب الأمين
طارق أحمد أبوبكر
smart_ana2001
بشير أحمد
khaleel
Mohamed Foto7li
أمين محمد سليمان
فيس بوك
تويتر
انستقرام
يوتيوب
بنتيريست