|
دعواتكم لزميلنا المفكر د.الباقر العفيف بالشفاء العاجل
|
|
 Re: بالمناسبة... الحكومة حتحتفل بي شنو السنة دي ياربي.....؟ (Re: المر)
|
المر ياحبيبنا ويادفعة
| Quote: على الأقل رد التحية ياااااخى؟؟ انا بس ختيت رأى ولو عندك رأى فى المشاركة انسحب، بس التجاهل ماحلو؟ |
تجاهل شنو يامان قول ياساتر
ياخي والله لاتجاهل ولا حاجة... نحنا لاقنك عشان نتجاهلك......؟
بس انت نزلت المداخلة فوووووووووووق
والبوست من امبارح عشان كده ماشفتها... عامل الزمن وكده
بقي يخلي الواحد يستلم الوردية من اخر مداخلة .
المهم....
مشتاقين ياحبة وربنا يجيب الاحتفال الكبير
اها.....
لقيتني كييييييييييييييييييييييييف......؟
| |
 
|
|
|
|
|
|
|
|
Re: بالمناسبة... الحكومة حتحتفل بي شنو السنة دي ياربي.....؟ (Re: haroon diyab)
|
حتحتفل بمرور24 سنة من قهر الشعب السوداني
حتحتفل بضعف الجنيه وسقوطه امام الدولار
أكلنا من ما زرعها ولبسنا من ما صنعنا
بوحدة البلاد والسلام ورخاء المعيشة وثبات الأسعار ورخص البترول
24 سنة من الرخاء والتنمية
شوارع ظلط بمواصفات عالمية - وفرة الدواء وتسهيل العلاج
توفير فرص العمل للخريجين والعمالة الاجنبية
مشاريع استثمارية لمصلحة الشعب
وهلم وجرا .................
| |
|
|
|
|
|
|
|
|
|
Re: بالمناسبة... الحكومة حتحتفل بي شنو السنة دي ياربي.....؟ (Re: مصطفى توفيق)
|
ويقدم الاستاذ مصطفي توفيق
بمقترحات مهمة للاحتفال
Quote: حتحتفل بمرور24 سنة من قهر الشعب السوداني
حتحتفل بضعف الجنيه وسقوطه امام الدولار
أكلنا من ما زرعها ولبسنا من ما صنعنا
بوحدة البلاد والسلام ورخاء المعيشة وثبات الأسعار ورخص البترول
24 سنة من الرخاء والتنمية
شوارع ظلط بمواصفات عالمية - وفرة الدواء وتسهيل العلاج
توفير فرص العمل للخريجين والعمالة الاجنبية
مشاريع استثمارية لمصلحة الشعب
وهلم وجرا ................. |
شكرا يادرش....ستتم احالة المقترحات الي اللجنة
| |
|
|
|
|
|
|
|
|
|
Re: بالمناسبة... الحكومة حتحتفل بي شنو السنة دي ياربي.....؟ (Re: haroon diyab)
|
..
.
حيحتفلوا بقهرهم وتعذيبهم للشعب لمدة 24 سنة ..
بتقسيمهم للبلاد .. وعدم قدرتهم على حفظ الامن وسد الثغور ..
بسرقتهم لاموال المواطنين.. بسقوط كاودا ..واستعادتهم لهجليج :)
بزيادة مخصصات الوزراء والمستشارين وابناء الوزراء كمان ..
وبتغيير الزى الرسمى لقوات الشعب المسلحة :)
-------------------
وما تنسوا ببيعهم لخط هيثرو كماان ..
| |
|
|
|
|
|
|
|
|
|
Re: بالمناسبة... الحكومة حتحتفل بي شنو السنة دي ياربي.....؟ (Re: Tabaldina)
|
Quote: حيحتفلوا بقهرهم وتعذيبهم للشعب لمدة 24 سنة ..
بتقسيمهم للبلاد .. وعدم قدرتهم على حفظ الامن وسد الثغور ..
بسرقتهم لاموال المواطنين.. بسقوط كاودا ..واستعادتهم لهجليج :)
بزيادة مخصصات الوزراء والمستشارين وابناء الوزراء كمان ..
وبتغيير الزى الرسمى لقوات الشعب المسلحة :) |
ومقترح جديد من تبلدينا
اضاف فيه اسباب خارجية للاحتفال تتمثل في :
| Quote: وما تنسوا ببيعهم لخط هيثرو كماان .. |
سوف نضمنه في الاقتراحات بعد عرضه علي السادة اعضاء برلمان
سقط .... لقط
| |
|
|
|
|
|
|
|
|
|
Re: بالمناسبة... الحكومة حتحتفل بي شنو السنة دي ياربي.....؟ (Re: haroon diyab)
|
سـلام يا هرون.. ياخي والله ليك حق ما تعرف ليهم كم سنة، لأنو حكاية الإحتفالات دي زاغوا منها من السنة الفاتت.. متذكر تلاتين يونيو السنة الفاتت حصل فيهو شنو؟.. طيب نفكرك: في اليوم داك كانت طيارة البشير لافة صينية بين كازخستان وتركمانستات وإيران وربما أستانات أخرى في محاولة العبور للصين.. وفي الوقت الكان ناس الحكومة بالبورد يتجارون بالأخبار الملفقة مثل: طيارة الرئيس نزلت قبل ربع ساعة، بعد ساعتين يقول ليك طيارة الرئيس ح تنزل بعد ساعة.. بعد ستة ساعات يقولوا ليك طارت.. ثم ركت وعاك عيك.. وكنا بنقول ليهم ياخوانا الليلة ما عيد الثورة إنتو نسيتوا ولا شنو؟ وحاتك مافي واحد قال لينا بتهببوا في شنو.. وفي نفس اليوم على ما أظن كان نافع يوقع إتفاقه مع عقار في أديس.. يعني مش ما إحتفلوا وبس.. ديل خلوا ليكم السودان كلو اليوم داك.. وطبعاً التاسع من يوليو كان على الأبواب والرجفة حاصلة.. عشان كدة السنة دي عادي ممكن ينكروا الإنقلاب زاااتو حطب خليك من يحتفلوا بيهو.. بعـدين زي ما قلت إنت زمان كانوا بغشونا بافتتاح مصنع (مضروب) زي بتاع الطيارات أو شارع ماكلين تلاتة أرباعو الخ.. المرة دي بعد ما النقاطة وقفت.. وناس الجنوب طلعوا أنجض منهم وقفلوا الخط الكان البشير بهدد وبتوعد وببتز بقفلو.. تاني ما يفتتحوا قهوة...قال شنو؟ قال 36 دولار لعبور البرميل.. الآن بقوا راجين (إستراتيجية) بلة الغايب في الإستعانة بالجن لحل الضائقة الإقتصادية وزي ما قرينا وسمعنا مجهزين كونتينراتهم لدهب بيت حلفا..
| |
|
|
|
|
|
|
|
|
|
Re: بالمناسبة... الحكومة حتحتفل بي شنو السنة دي ياربي.....؟ (Re: haroon diyab)
|
الاخ هارون سلام
مع وضع في الاعتبار كل ما كتب الاخوة من قبل و مع كل مساؤي الحكومة المعروفة للجميع ...لكني اعتقد ان لهذه الحكومة حسنات
فأنا شاهدت في قناة الشروق اكتمال اعمال الخرصانة في تعلية خزان الرصيرص ( اعتقد انو الطاقة الانتاجية للخزان ستبلغ 1.8 قيقاوات /ساعة ) اظن ده انجاز كويس ....طبعا في مدرستين في العالم بخصوص موضوع السدود ده(مع بشدة..وضد السدود بشدة )........
| |
|
|
|
|
|
|
|
|
 Re: بالمناسبة... الحكومة حتحتفل بي شنو السنة دي ياربي.....؟ (Re: مدثر صديق)
|
Quote:
سـلام يا هرون.. ياخي والله ليك حق ما تعرف ليهم كم سنة، لأنو حكاية الإحتفالات دي زاغوا منها من السنة الفاتت..
متذكر تلاتين يونيو السنة الفاتت حصل فيهو شنو؟.. طيب نفكرك: في اليوم داك كانت طيارة البشير لافة صينية بين كازخستان وتركمانستات وإيران
وربما أستانات أخرى في محاولة العبور للصين.. وفي الوقت الكان ناس الحكومة بالبورد يتجارون بالأخبار الملفقة مثل:
طيارة الرئيس نزلت قبل ربع ساعة، بعد ساعتين يقول ليك طيارة الرئيس ح تنزل بعد ساعة.. بعد ستة ساعات يقولوا ليك طارت..
ثم ركت وعاك عيك.. وكنا بنقول ليهم ياخوانا الليلة ما عيد الثورة إنتو نسيتوا ولا شنو؟ وحاتك مافي واحد قال لينا بتهببوا في شنو..
وفي نفس اليوم على ما أظن كان نافع يوقع إتفاقه مع عقار في أديس.. يعني مش ما إحتفلوا وبس.. ديل خلوا ليكم السودان كلو اليوم داك..
وطبعاً التاسع من يوليو كان على الأبواب والرجفة حاصلة.. |
اوسكاااااااااار يا عيسى
سلام وتحية ليك يا ود عمي دياب ولكل زوارك الكرام
وأنا اضيف لأخوي عيسى وللخال حمزاوي إنه نوهاااااائي ما ظنيتهم يحتفلوا , والله صحي
اهلنا قالوا التتفاولو تتناولو , يعني المثل بقول كل ما نتمناه بنلقاه بإذن الله
دحين الناس ديل تب ما ظنيتهم يقدروا يحصلوا يوم الإحتفال ده
الله كريم على اهلنا ، بركة الأيام المباركة من الشهر الكريم , يزيل عنا هذا الكابوس الخرب ودمر البلد وشتت اهله
يمهل ولا يهمل
| |
|
|
|
|
|
|
|
|
|
Re: بالمناسبة... الحكومة حتحتفل بي شنو السنة دي ياربي.....؟ (Re: اسماء الجنيد)
|
سوما ياشقيقة
سلامات ومشتاقين
Quote: وأنا اضيف لأخوي عيسى وللخال حمزاوي إنه نوهاااااائي ما ظنيتهم يحتفلوا , والله صحي
اهلنا قالوا التتفاولو تتناولو , يعني المثل بقول كل ما نتمناه بنلقاه بإذن الله
دحين الناس ديل تب ما ظنيتهم يقدروا يحصلوا يوم الإحتفال ده
الله كريم على اهلنا ، بركة الأيام المباركة من الشهر الكريم , يزيل عنا هذا الكابوس الخرب ودمر البلد وشتت اهله
يمهل ولا يهمل |
مع اوسكار عزيزنا......
تستحقين اكبر اوسكار
يمين الوضع ياشقيقة اصبح لايسر عدو ولاحبيب
ده راي انسان راج من السودان قبل اسبوعين
مفروض يقعد مع اخوانو واخواتو ... خلاهم ورجع
والله كان شفتي سوء الحال يغني عن السؤال
ربنا يرفع عن الناس الطيبين ديل كل اسباب البلاء .
هذا مع تحياتي للحبيب ود الجنيد والوليدات .
| |
|
|
|
|
|
|
|
|
|
Re: بالمناسبة... الحكومة حتحتفل بي شنو السنة دي ياربي.....؟ (Re: haroon diyab)
|
يا خال..نهارات السعادة
بالله ناس السودان ديل هم أهل الوجعه الحقيقية
كلم الناس البتجي هنا تفجنط دي خليهم يضربو التراطيب
و ينومو تحت الكندشة ....الحكومة ستحتفل بلا شك بخيبة
المعارضة الهزيلة التي جعلت من حكومة البشير و مناصيره
بعبعا صعب الاقتراب منها.....بالنسبة لناس أمريكا أهو الأمبراطور علي قولتهم معاهم
الناس في شنو و ال...........في شنو قومو لفو بلا معارضة بلا مناتلة
| |
|
|
|
|
|
|
|
|
|
Re: بالمناسبة... الحكومة حتحتفل بي شنو السنة دي ياربي.....؟ (Re: امير طمبل)
|
طمبلاوي ياوااااااااااااااضح
سلامات
Quote: الحكومة ستحتفل بلا شك بخيبة
المعارضة الهزيلة التي جعلت من حكومة البشير و مناصيره
بعبعا صعب الاقتراب منها.....بالنسبة لناس أمريكا أهو الأمبراطور علي قولتهم معاهم
الناس في شنو و ال...........في شنو قومو لفو بلا معارضة بلا مناتلة |
وهذا هو الاحتفال الحقيقي للحكومة
صعب جدا ياطمبلاوي ان تري اسرا كانت عزيزة
وابوابا كانت مشرعة للضيفان تواري اصحابها خلفها
بسبب الفقر وضنك العيش وعدم المقدرة علي استقبال الضيفان .
والله نحن قاعدين في الترطيبة زي ماقلته وماجايبين خبر.....!!!!
الله يهون ويجيب العواقب سليمة....!!!!
وزمان قالوا : الكديسة كان جاعت بتأكل وليداته .
تحياتي يا ابو مصطفي
| |
|
|
|
|
|
|
| |
haroon diyab
Abdlaziz Eisa
Hani Arabi Mohamed
مصطفى توفيق
عبدالكريم أحمد الامين
وليد الطيب قسم السيد
مدثر صديق
اسماء الجنيد
امير طمبل
فيس بوك
تويتر
انستقرام
يوتيوب
بنتيريست