|
دعواتكم لزميلنا المفكر د.الباقر العفيف بالشفاء العاجل
|
|
 Re: القراقير...اسد علي..... وفي الحروب نعامة.....0( يوجد راجي ) (Re: omer osman)
|
دياب يا عمّك أولا نبارك الفوز
لكن للامانة كدا حال المريخ لا يسر هلالابي و لا وصيف
ياخي ليه كروجر ما يلعب السعودي أو بن ضيف الله و هما المهاجمان الصريحان عندو
و كيف يطلّع هنو بي حالو دا لكن على الأقل مهاجم و ممكن يسجل في أي لحظة
ياسر الديبة اتوفّق في ترجمة الفرصة اللقاها و النتجت عن خطأ دفاعي لكن غير كدا و طيلة الفترة اللعبها ما قدم شي مقارنة مع مجهود هنو في فترتو اللعبها
و تحياتي لراجي عبد العاطي و ثقته في قدراته لكن بصراحة لعبتو فيها مقامرة خصوصا في زمن زي دا و الفرص البتضيع الله اعلم تجي تاني
الأسلم و الأصح كان تمرير الكورة لزميل في مكان أريح للتهديف باعتبار ضيق الزاوية الهدف منها
قون راجي شبيه بقون حموري - أعتقد صححوني لو غلطان - الحسم كأس الأمم الإفريقية للسودان عام 70
من نفس المكان و نفس طريقة التهديف تقريبا
هوي يا دياب كروجر دا قدام الهلال بضيّعكم علي اليمين
| |
 
|
|
|
|
|
|
|
|
Re: القراقير...اسد علي..... وفي الحروب نعامة.....0( يوجد راجي ) (Re: محمد البشرى الخضر)
|
اول شي دوما بنقول نعم نعم مورداب احبكم
ببدا من نقطة قالها هارون السنة الجاية الموردة في الليق
عزيزي الموردة كبيرة بناسها وبرجالها ومن سابع المستحيلات تلعب في الليق موردة جابت المحينة وعمر عثمان وعمر التوم والصياد وبريش وحسن حامد يستحيل تهبط الليق وده الدايرنو انتو
الموردة بتمرض لكن ما بتموت والاسد طول عمرو اسد ولو عجز ومرض
مبارة الهلال الموردة مرت بظروف طرد لاعبين في اول نص ساعة وضربات جزاء وهمية اي فريق مكان الموردة بياخد ستة
بعدين غلب المريخ ما جديد علينا واسال حامد بريمة وعادل ادم وكل حراس المريخ من الصبابي وبريش وعصمت ومغربي وحضرة وهم بقولو ليك
الموردة مرت بظروف لكن قادرة برجالتها انها تعود وده حالتو ما جيناكم زي الاول لو جيناكم زي الاول كان عملتو شنو
بطلو جرسة وبكا
| |
|
|
|
|
|
|
|
|
|
Re: القراقير...اسد علي..... وفي الحروب نعامة.....0( يوجد راجي ) (Re: ALMURADABI)
|
Quote: قون راجي شبيه بقون حموري - أعتقد صححوني لو غلطان - الحسم كأس الأمم الإفريقية للسودان عام 70
من نفس المكان و نفس طريقة التهديف تقريبا
|
حموري عندو قون زي ده فعلا وافتكر في زامبيا .....
ايامه السودان كان بلبس فنلة بيضاء فيها علم السودان بشكل وتري على الفنلة ...
واظنو النقر برضو جاب قون في الكورة دي بس ما نهائي كأس على ما اذكر ........
| |
|
|
|
|
|
|
|
|
|
Re: القراقير...اسد علي..... وفي الحروب نعامة.....0( يوجد راجي ) (Re: omer osman)
|
Quote: عزيزي الموردة كبيرة بناسها وبرجالها ومن سابع المستحيلات تلعب في الليق موردة جابت المحينة وعمر عثمان وعمر التوم والصياد وبريش وحسن حامد يستحيل تهبط الليق وده الدايرنو انتو
الموردة بتمرض لكن ما بتموت والاسد طول عمرو اسد ولو عجز ومرض |
كلكم بتعرفوا المورده وضايقين سمها والمورداب اسوووود عليكم كلكم
من كبيركم لي صغيركم وان شاء الله عايدين باذن الله...
| |
|
|
|
|
|
|
|
|
|
Re: القراقير...اسد علي..... وفي الحروب نعامة.....0( يوجد راجي ) (Re: Sayed Bekab)
|
لاننكر بأن فريق الموردة العريق كان ندا قويا للمريخ يوم أمس ..
كما لانسمح لولدنا المريخابى الاصيل بأن ينطق ( كلمة الليق ) لفريق
مثل الموردة .
ونعلم بأن فريق الموردة قدم درسا كبيرا لفتية المريخ وعلى كروجر
أن يستفيد من تلك المباراة ويعالج تلك السلبيات التى رايناها وشاهدها
المدرب ومن معه !!
لكننى سعيد ( بحقنة ) راجى عبدالعاطى القاتلة التى حولت فرح ناس
( فلان ) الى دموع غالية (( حرام والله حرام )) ..
يسعدك ربى ياراجى ..
الحقنة غاليه يادكتور شهاب لكنها قاتلة !!
فتكم بعافيه يا الحبان ..
تاج السر
| |
|
|
|
|
|
|
|
|
|
Re: القراقير...اسد علي..... وفي الحروب نعامة.....0( يوجد راجي ) (Re: تاج السر محمد حامد)
|
Quote: لاننكر بأن فريق الموردة العريق كان ندا قويا للمريخ يوم أمس ..
كما لانسمح لولدنا المريخابى الاصيل بأن ينطق ( كلمة الليق ) لفريق
مثل الموردة .
ونعلم بأن فريق الموردة قدم درسا كبيرا لفتية المريخ وعلى كروجر
أن يستفيد من تلك المباراة ويعالج تلك السلبيات التى رايناها وشاهدها
المدرب ومن معه !!
لكننى سعيد ( بحقنة ) راجى عبدالعاطى القاتلة التى حولت فرح ناس
( فلان ) الى دموع غالية (( حرام والله حرام )) ..
|
الاخ تاج السر فعلا الموردة عريقة والموردة كيان رياضي له وزنه
من باب المداعبة مقبولة المداعبة مطلوبة في الوسط الرياضي
ولكن من باب السخرية والتقليل من شأن الموردة الكيان ده كلام ما بنقبلو
المرة دي طلعتو منها بكرامة البليلة
بس عليك الله الجرسة ما حارة ؟
| |
|
|
|
|
|
|
|
|
|
Re: القراقير...اسد علي..... وفي الحروب نعامة.....0( يوجد راجي ) (Re: omer osman)
|
العزيز هارون
سلامات
مبروك الفوز الغالي الذي انتزعه المريخ عنوة واقتدار
الموردة لو بتؤدي مبارياتها بنفس مستوى مباراة الأمس
لنافست بلاشك على بطولة الممتاز .
ونستأذنك لنجيب على تساؤل محمد البشرى خضر ومعذرة إن
كان خارج سياق البوست .
Quote: قون راجي شبيه بقون حموري - أعتقد صححوني لو غلطان - الحسم كأس الأمم الإفريقية للسودان عام 70
من نفس المكان و نفس طريقة التهديف تقريبا |
الهدف الذي أحرزه حموري وبنفس الطريقة كان في مرمى ساحل العاج وانتهت تلك المباراة بفوز السودان 2/ صفر وأحرز الهدف الثاني مصطفى النقر ولم تكن بالطبع ضمن دورة كاس الأمم الإفريقية في العام 1970 م ,, والصورة التالية من تلك المباراة
الفريق القومي السوداني :
وقوف من اليمين : السر المصباح , حموري , فتحي فرج الله , بحر , يس أبو شنب ( كابتن ) , مصطفى النقر , أحمد أدم .
جلوس من اليمين : الجيلي عبد الخير , سامي عز الدين , أبراهومة , حافظ عبيد .
| |
|
|
|
|
|
|
|
|
|
Re: القراقير...اسد علي..... وفي الحروب نعامة.....0( يوجد راجي ) (Re: omer osman)
|
Quote: يا جنابو يبدو انو أنا رحت
طيب الواحد/صفر مع غانا في فاينل أمم افريقيا سنة سبعين الجاب القون منو؟ |
والله يا ود البشرى انت الظاهر عليك الرايح ياخ حموري ده ماقدر ناس سنة 70 ديك
| Quote: حسبو الصغير لاعب بري على ما اظن |
صاح يا جنابو .. وقون حموري كان في زامبيا فعلا وانتهت 2/0 فعلا وبرضو فعلا النقر الجاب القون التاني
| |
|
|
|
|
|
|
|
|
 Re: القراقير...اسد علي..... وفي الحروب نعامة.....0( يوجد راجي ) (Re: محمد البشرى الخضر)
|
ياعمكـ
Quote: يا جنابو يبدو انو أنا رحت
طيب الواحد/صفر مع غانا في فاينل أمم افريقيا سنة سبعين الجاب القون منو؟ |
زي حالتك دي عندنا اخونا واحد
عندو اخوه لعب في منتخب 70 ياخي
الزول ده تتكلم في ميسي يقول ليك
ناس حسبو كافي والاسيد واسماء ما عارف
بجيبه من وين....!!!!
تجيب سيرة الطعمية يردد نفس الكلام....!!!!!
حسع كدي خلينا منهم وركز لينا مع كروجر
الاعاد الروح ثم بداء بؤادها.....
| |
|
|
|
|
|
|
|
|
|
Re: القراقير...اسد علي..... وفي الحروب نعامة.....0( يوجد راجي ) (Re: haroon diyab)
|
Quote: الموردابي ياحبه
وييييييييييييينك ومشتاقيييييييييين
كدي خلي كلامك الفوق ده كلو
حسع عملية اولادكم دي بترضي مؤمن يامؤمن....؟ |
هارون دياب الشوووووق كميات وكميات
اها يازول انشاء الله روقتا وهديت
دي ما كانت عصرة البتخليك تجقلب كده
بعدين انت ما عارف براك مبارياتكم لو الموردة في حالتها في الجيب
والتاريخ بشهد
غايتو كلامكم وفرحتكم بالغلب ده بتوري الموردة شنو بركة الشوفنا بسمتكم
| |
|
|
|
|
|
|
|
|
|
Re: القراقير...اسد علي..... وفي الحروب نعامة.....0( يوجد راجي ) (Re: خالد حامد الجزولي)
|
صحيفة الخرطوم عدد الغد 20/10/2010م إن شاء الله
شارع الموردة
الموردة جاية ...
خالد حامد الجزولي
قناعتي دائماً أن للموردة فريقها مميز – دائماً على مر الأيام – فالناظر نظرة فنية للاعبين يجد أنهم أصحاب مهارات عالية وإمكانيات مهولة ، وفوق ذلك أعمار سنية صغيرة ، تعد عاملاً مساعداً لخلق فريق عملاق للموردة في المستقبل القريب إذا تركنا (الصقور) ولم ينقضوا على مواهبنا مثلما يحدث نهاية كل موسم كروي ، فالشاهد على ما أقول والدليل القاطع إليه أن المنتخب القومي السوداني للشباب يضم سبعة لاعبين من فريق الموردة ، وهذا دليل كاف على الثقة الكبيرة من الفنيون الذين أوكل لهم أمر اختيار لاعبي المنتخب في لاعبي الموردة . كما ان الفريق وخلال مباريات الدوري ال21 التي لعبت خسر فقط خمس مباريات ، وإن كان الفريق قد افتقد خلال الفترة الماضية المدرب الذي يوظفهم التوظيف السليم ويستفيد الاستفادة القصوى من مقدراتهم الفنية المهولة لمصلحة الفريق ، سقت هذه المقدمة لأقول للاعبي الموردة والذين أدوا المباراة الأخيرة أمام المريخ أنكم قدمتم وما استبقيتم شيئاً واحرجتم المريخاب بالهدف الذي تقدم به المهاجم الخطير الطيب الماحي حتى الدقيقة 72 من عمر المباراة والتي شهدت هدف التعادل للمريخ من الهدف الفضيحة الذي جاء من تسلل مكشوف شهده كل من شاهد المباراة إلا حكم الراية – سامحه الله – فقد اتبع مدرب الفريق تكتيكاً جيداً في المباراة طبقه اللاعبون بصورة جيدة ساعدهم على ذلك الفهم الجيد للدور المطلوب لكل لاعب فكان العطاء الجيد الذي خلص به الشوط الأول إلى التعادل ، وحتى بعد أن تعادل المريخ ، وفي الجزء الأخير من المباراة الدقيقة 72، تحرر اللاعبون من تكتيكهم الأول وانطلقوا مهاجمين بعد أن وضح لهم أن دفاع المريخ مرهق وغير متجانس وليس أدل على ذلك من ان أي كرة بين الطيب الماحي وسفاري احتسب فاول على سفاري وذلك في أكثر من كرة مشتركة اثناء المباراة مما حدا بحكم المباراة إلى إشهار الكرت الأصفر لسفاري أما طارق مختار فحدّث ولا حرج.! وكان مع التحرر والإنطلاق إلى الهجوم غفلة من الدفاع أن احرز المريخ هدف الفوز ، ولا أعرف هل تحرر اللاعبون من تلقاء أنفسهم بعد أن شعروا بتهالك دفاع المريخ أم أنهم تلقوا تعليمات من جهازهم الفني بذلك ، عموماً نقول قدم اللاعبون مردوداً جيداً وأظهروا حماساً كبيراً وأثبتوا أنهم كبار ولا يقلون قامة عن بقية الفرق الأخرى وليس أدل على ذلك أن جائزة سوداني ون التي تقدم لأحسن لاعب كانت من نصيب لاعب الموردة الطاهر الحاج ، وأنهم آتون في الموسم القادم بكل ثقلهم ليقدموا موردة جديدة تحرسها دماء شابة وسواعد قوية بإذن الله فلنقف معاً صفاً واحداً خلف هؤلاء الشباب فإنهم في حاجة للوقوف بجانبهم وشحذ هممهم ، ولندعم مجلس الإدارة حتى نهاية هذا الموسم وبعد ذلك نرتب الأوراق لنأتي للموسم الجديد ونحن أكثر قوة ومنعة وحماساً للتنافس على المراتب الأولى فالله معنا.
ناصية الشارع
للهلب نحن اخترنا.... شايلين معاه أملنا
مهما خانا زمنا ... ما بنخلي وطنا الموردة
| |
|
|
|
|
|
|
|
|
|
Re: القراقير...اسد علي..... وفي الحروب نعامة.....0( يوجد راجي ) (Re: خالد حامد الجزولي)
|
الموردة تكشف حال المريخ
هذا هو عنوان المقال الصحفي للكاتب الرائع عبد المجيد عبد الرازق
الناس البتفهم كورة صاح ويجمع الناس عليهم في صحيفة الصدى الرياضية اليوم
لموردة تكشف حال المريخ
كما توقعت أمس في هذه المساحة فقد قدم فريق الموردة أفضل مبارياته هذا الموسم أمام المريخ كالعادة، وأدى لاعبوه المباراة بروح قتالية مكنتهم من السيطرة على كل الكرات المشتركة مع لاعبي المريخ وأجادوا التحول من الدفاع للهجوم ولو تحللوا من الدفاع لحققوا الفوز.
وبالمقابل أدى المريخ واحدة من أسوأ مبارياته ونال أغلى ثلاث نقاط بعد أن فقد كل ملامحه في هذه المباراة وأدى اللاعبون المباراة بلا روح وكأنهم لا ينافسون على اللقب وفشلوا في كسر التكتل الدفاعي لفريق الموردة وتعددت الأخطاء في التمرير والاستلام مع رعونة في التهديف.
ووقع الجهاز الفني في أخطاء عديدة وهو يبدأ بتشكيلة خاطئة ويضطر الى الدفع ببدلائه مبكراً ولا نعرف كيف كان سيكون الحال لو أصيب حارس المرمى ولا يعرف أحد حتى الآن غياب لاعبين يحتاجهم الفريق في مقبل مبارياته وعلى رأسهم لاسانا وعبد الحميد السعودي ومرابط.
بديهي أن يكون هذا هو مستوى الفريق لأن مدربه مشغول بتجديد عقده، ومباراة الأمس تؤكد أن هذا المدرب أقل قامة من المريخ ولم يقدم حتى الآن ما يشفع له بالبقاء لأن النتائج التي حققها الفريق في المباريات السابقة كانت مع فرق ضعيفة والاختبار الحقيقي له كان أمام الأمل وأمس أمام الموردة وفشل بدرجة الامتياز.
مستوى الفريق الذي أظهره أمس يفرض على جمهور المريخ أن يهئ نفسه من الآن لتحمل الخروج من الموسم بدون لقب كما كان في الموسم السابق.
استحق لاعبو الموردة الاحترام لأنهم كانوا قدر المسئولية ولو كان مدربهم يملك الشجاعة وحلل الفريق من الدفاع لنال النقاط.
| |
|
|
|
|
|
|
|
|
|
Re: القراقير...اسد علي..... وفي الحروب نعامة.....0( يوجد راجي ) (Re: خالد حامد الجزولي)
|
| Quote: وأنهم آتون في الموسم القادم بكل ثقلهم ليقدموا موردة جديدة تحرسها دماء شابة وسواعد قوية بإذن الله فلنقف معاً صفاً واحداً خلف هؤلاء الشباب فإنهم في حاجة للوقوف بجانبهم وشحذ هممهم ، ولندعم مجلس الإدارة حتى نهاية هذا الموسم وبعد ذلك نرتب الأوراق لنأتي للموسم الجديد ونحن أكثر قوة ومنعة وحماساً للتنافس على المراتب الأولى |
سلامات أخي خالد الجزولي
مافدمته الموردة من أداء راقي في مباراة الأمس مع المريخ يؤكد لنا بالفعل بان الموردة قادمة ,, أتمنى أن تؤدي الموردة مبارياتها القادمة بنفس روح العزيمة والإصرار التي كانت في مباراة الأمس وليحافظ مجلس الإدارة على هذا الفريق الشاب المرعب فعودة الموردة تعني عودة العافية للكرة السودانية .
| |
|
|
|
|
|
|
|
|
|
Re: القراقير...اسد علي..... وفي الحروب نعامة.....0( يوجد راجي ) (Re: Emad Ahmed)
|
هارون .. صفوة الأحمر ...
سلام من قلب الحدث ..
تصدق أمبارح أول مره أدخل استاد المريخ العظيم منذ أكثر من 21 عاما ..
و آخر مباراة حضرتها للمريخ كانت يوم 22 / 5 / 1989 ضد النادى البنزرتى
التونسى ( 2 صفر , سانتو - رفاعه ) و كانت باستاد الخرطوم ضمن تصفيات كأس الكؤوس الأفريقية ( كاس مانديلا )
و التى فاز بها الأعظم مريخ المحمولة جوا تلك السنة .. ( و الحلمانين بيا الجماعه إياهم هذه الأيام ) !!!!
.....
دائما ما تتسم مباراة الزعيم مع المورده بروح التنافس القوى كمباراة الأمس منذ أيام الصبابى و حسن حامد و كمال عباس و غيرهم ..
و لكن كانت تجربه جيده للاعبين المريخ الجدد .. الذين إستطاعوا تغيير النتيجة لصالحهم فى آخر الدقائق بعد دخول الخبرة فيصل و قلق ...
لقد إنزنقناو كنت خايف أخوك إطلع ( كُج ! ) بعد 21 سنه من الغياب الرياضى المباشر و ربك لطف و جاء الفرج من قدم راجى ...
و فى هذه الحالة ال 3 نقاط هى الأهم ...
...
مع خالص التحايا لعموم الصفوة ...
عبدالماجد
| |
|
|
|
|
|
|
|
|
|
Re: القراقير...اسد علي..... وفي الحروب نعامة.....0( يوجد راجي ) (Re: ALMURADABI)
|
| Quote: قناعتي دائماً أن للموردة فريقها مميز |
اخونا خالد الجزولي تحياتي ..
الموردة كانت دائماً متميزة حتى جيل الجقر ومجدي وعصمت وعصام عباس وحسن حامد ومغربي وبريش
ولحق بهم علي كابو ونميري سكر ومحمد الخاتم ومحمد ادم .. لكن بعد كده الموردة فقدت العافية
وتغيرت ملامحها ولا تستأسد الا على المريخ زي ما قال هارون وحتى هذا الاستئساد يكون احيانا وفي
النهايةتؤول النتيجة للمريخ بالصعوبة التي كانت عليها المباراة الأخيرة واذا رجعت الى نتائج
مباريات المريخ والموردة في المواسم السابقة او حتى في الدورة الاولى حا تلقاها لا تقل عن اربعة
وتلاتة اهداف وباداء بااااهت جدا من الموردة .. جد اتمنى ان تتعافى فرقة الموردة وتعود كما كانت
في السابق ايام الدورة العربية .. وايام مباراة الزمالك الشهيرة وعزف السيمفونيات الرائعة ..
بس اتخيل لي الشغلانية عايزة مجهودات كبيرة من ناس الموردة وعايزة شغل كتير .. وتكون مصيبة لو
المورداب جعلوا (زنقتم) لينا اول امبارح دي انجاز ليهم ده معناه يا موووووردة عليك السلام !!!
| |
|
|
|
|
|
|
|
|
|
Re: القراقير...اسد علي..... وفي الحروب نعامة.....0( يوجد راجي ) (Re: خالد حامد الجزولي)
|
هارون أخوى
كيف حالك وأحوالك ليك وحشة والله !!!
داير أصحح ليك معلومة لا تستأسد الموردة أو غيرها إنما يستأسد اللاعبين
وذلك للأسباب الآتية:
1. الظهور بمظهر جيد أمام المريخ يدخل اللاعب فى دائرة الضو .
2. الحالة النفسية لإثبات الذات أمام لاعبى المريخ المدللين .
3. الحلم بالتوقيع للمريخ يدفع اللاعب للظهور بمستوى مميز .
4. مباريات المريخ هى التى تتحكم فى التسجيلات والدليل (هنو) .
5. ظهور اللاعب بروح قتالية وعدائية ضد المريخ ربما قاده للمعسكر الأزرق .
ولك ودى !
| |
|
|
|
|
|
|
|
|
|
Re: القراقير...اسد علي..... وفي الحروب نعامة.....0( يوجد راجي ) (Re: خالد حامد الجزولي)
|
Quote: وليد ع اللطيف
Quote: من فريق ضعيف مثل الموردة
كبيرة منك والله |
ابو الجزل
الموردة فريق متهالك اشباح تتحرك في الملعب
بعد ان كانت تمثل بعبع للهلال والمريخ اما باقي الفرق
لاتهتم بها كثيرا لان للموردة اسلوب متفرد في طريقة الضغط على الخصوم
بعد الفن والطرب والمزيكة في المرجات يمتعوك غنا وكورة
Quote: ناصية الشارع
للهلب نحن اخترنا.... شايلين معاه أملنا
مهما خانا زمنا ... ما بنخلي وطنا الموردة |
بالموردة نحن فُتنا ... و كابو بالفن محنّا
بريش بالسرعة ازهلنا ... جابها قون وكتلنا
ياخالد الجزولي
تحدثنا كثيرا في امور الموردة مع برهان تية لما قابلته هنا ومع المرحوم كلانا
ومع هيثم شوشة هذه صراحة ليس الموردة التي نعرفها وهذه ليس اول سنة
ارجع كم سنة للوراء تجد ان الموردة كل يوم تتفكك وتهتز هيبتها
| |
|
|
|
|
|
|
|
|
|
Re: القراقير...اسد علي..... وفي الحروب نعامة.....0( يوجد راجي ) (Re: وليد عبد اللطيف)
|
Quote: ففريقنا يهز الأرض تحت أقدام الجميع
والموردة هي الموردة على مر الدهور والأجيال
تخيل هذا الفريق بوجود المعز محجوب خليفة والتاج
وبشة وهنو وصالح عبد الله وعنتر ، كيف سيكون شكله
وهل يستطيع فريق الوقوف أمامه
حسبي الله ونعم الوكيل |
يا سلاااااااااااااااااااااااااااام يا خالد انت جيتني في مكاني وده قصدي انا..
زمااان كان طموح لاعبي الاندية في عموم السودان هو الوصول لأحد اضلاع مثلث القمة
(المريخ - الهلال - الموردة) بدون ترتيب .. الآن طموح لاعبي الموردة هو اللعب
لأحد ناديي القمة (المريخ او الهلال) .. لاحظ كل اللاعبين الذكرتهم اعلاه اتوزعوا على احد الفريقين
وده كلامي ليك انو الموضوع عاوز شغل من ناس الموردة يعني خلوا الموردة تكون جاذبة وخلوا طموح لاعب الموردة يكون الفوز مع الموردة بكاس افريقيا .. ليه بريش وعصمت وعصام عباس وحسن حامد ومحمود الامتداد وحافظ ومغربي وغيرهم ما فكروا في الانتقال آنذاك للمريخ والهلال وهل اللاعبين الانت ذكرتهم
افضل من هؤلا ء بالتاكيد لا بس زمان الكتوف متلاحقة لكن الان كتف الموردة مال ونزل عشان كده بقت الموردة
زيها وزي بقية الاندية اي لاعب يبرز فيها طوالي تعرف انه الموسم القادم اللاعب ده بيكون في كشوفات واحد
من الكبيرين اذاً!!!!!!!!!!!!!!!!!!!!!!!! الموردة تقزّمت امامهما ودي المشششششششششششكلة .
| |
|
|
|
|
|
|
|
|
|
Re: القراقير...اسد علي..... وفي الحروب نعامة.....0( يوجد راجي ) (Re: امير عوض الجمري)
|
Quote: داير أصحح ليك معلومة لا تستأسد الموردة أو غيرها إنما يستأسد اللاعبين
وذلك للأسباب الآتية:
1. الظهور بمظهر جيد أمام المريخ يدخل اللاعب فى دائرة الضو .
2. الحالة النفسية لإثبات الذات أمام لاعبى المريخ المدللين .
3. الحلم بالتوقيع للمريخ يدفع اللاعب للظهور بمستوى مميز .
4. مباريات المريخ هى التى تتحكم فى التسجيلات والدليل (هنو) . |
ياهارون دياب كلام ابودية عين العقل
كل لاعب يلعب بقوة امام هلال مريخ وعينه في التسجلات
وهذه فكرة اي لاعب مُنذ زمن طويل .
| |
|
|
|
|
|
|
|
|
|
Re: القراقير...اسد علي..... وفي الحروب نعامة.....0( يوجد راجي ) (Re: امير عوض الجمري)
|
أخي الجمري
Quote: سلاااااااااااااااااااااااااااام يا خالد انت جيتني في مكاني وده قصدي انا..
زمااان كان طموح لاعبي الاندية في عموم السودان هو الوصول لأحد اضلاع مثلث القمة
(المريخ - الهلال - الموردة) بدون ترتيب .. الآن طموح لاعبي الموردة هو اللعب
لأحد ناديي القمة (المريخ او الهلال) .. لاحظ كل اللاعبين الذكرتهم اعلاه اتوزعوا على احد الفريقين
وده كلامي ليك انو الموضوع عاوز شغل من ناس الموردة يعني خلوا الموردة تكون جاذبة وخلوا طموح لاعب الموردة يكون الفوز مع الموردة بكاس افريقيا .. ليه بريش وعصمت وعصام عباس وحسن حامد ومحمود الامتداد وحافظ ومغربي وغيرهم ما فكروا في الانتقال آنذاك للمريخ والهلال وهل اللاعبين الانت ذكرتهم
افضل من هؤلا ء بالتاكيد لا بس زمان الكتوف متلاحقة لكن الان كتف الموردة مال ونزل عشان كده بقت الموردة
زيها وزي بقية الاندية اي لاعب يبرز فيها طوالي تعرف انه الموسم القادم اللاعب ده بيكون في كشوفات واحد
من الكبيرين اذاً!!!!!!!!!!!!!!!!!!!!!!!! الموردة تقزّمت امامهما ودي المشششششششششششكلة . |
كلامك دا كلو كويس
لكن الشيء الحصل دا
سببو صلاح إدريس وجمال الوالي
عديل كدة
هم السعرو اللعيبة على القروش
وربفعوا أسهمهم وخلو لعاب لاعبي
بقية الأندية يسيل
ويكون مناهم الإلتحاق بتلك الأندية
من أجل القروش
وأصبح الولاء في خبر كاااان
هذا هو السبب وأنا قلت ليك مبااااشر
بدون لف أو دوران
واجهت صلاح إدريس مرة في جدة هنا
وتحدث معي بخصوص موضوع صالح عبد الله
وقلت ليه انتو تشيلو لعيبة الموردة
وتغروهم بالمال
قال لي أنا بحب الموردة ياخي وقد
اتبرعت ليها قبل أن أعرف شخص فيها
فقلت له ‘إذن (من الحب ما قتل )
تحياتي
وبجيك راجع أكيييد
| |
|
|
|
|
|
|
|
|
|
Re: القراقير...اسد علي..... وفي الحروب نعامة.....0( يوجد راجي ) (Re: امير عوض الجمري)
|
الجمري يا حبيب
يا خي الدخلوه الإثنين ديل في الكرة السودانية تاني ما بطلع
إضافة لذلك شداد الذي شن قانون فك التسجيلات أبو ثلاثة سنوات
دا
يعني زمان نحن اللاعب كان بيلعب معانا 6 سنوات وبعد دا
لو عاوز يفرتق بيفرتق ، لكن الآن يا دووووووب تجيبوا
ومايثبت في التشكيلةوينسجم مع المجموعة يكون شمله فك التسجيل
ويفكر في الرحيل لي نادي آخر ياخي حتى الأندية الأخرى صارت لينا
مشكلة
نحن فات مننا محمد السر وبلبوط وأنور كباشي للأمل عطبرة
وعادل بخاري ومروان هجو ونور الدين عنتر على النيل الحصاحصيا
تصور هوان الموردة بالله في لاعب عنده مخ يترك الموردة بكل اسمها
وتاريخها حتى لو كانت فقيرة ويمشى هناك الفرق الفوق دي مع أكيد
احترامي لها.
المسألة كبيرة وإذا ظلت سيطرة هذين الناديين على الكرة السودانية
فسنظل هكذا محلك سر ولن نتقدم، وليس في مصلحة البلد ولا كورة البلد
ذلك ، فلنظر بعين فاحظة وبعد أن نصل إلى مستوى البلدان الأخرى
فلنطبق سياسة الاحتراف
تحياتي
| |
|
|
|
|
|
|
| |
haroon diyab
امير عوض الجمري
كمال علي ابراهيم
شهاب الفاتح عثمان
Dr.Elsadig Abdalla
omer osman
محمد البشرى الخضر
ذواليد سليمان مصطفى
ALMURADABI
عصام ابوعكر
Sayed Bekab
الحاج حمد الحاج
تاج السر محمد حامد
Emad Ahmed
هاشم محمد الحسن عبدالله
وليد عبد اللطيف
خالد حامد الجزولي
صلاح أبودية
فيس بوك
تويتر
انستقرام
يوتيوب
بنتيريست