دعواتكم لزميلنا المفكر د.الباقر العفيف بالشفاء العاجل
|
|
 الاحمر الوهاج المنتشي بالصدارة المحلية يستعد للعودة لمنصات التتويج القارية (بالتوفيق)
|
علي بركة الله وبتوفيقه
وبدعوات المحبين
ومؤازرة الصفوة
اليوم يومك يابطل
والجواك بطل....
الاحمر الوهاج.....
الزعيم.....
الصفوة .....
نجمة السعد....
يعود لمنصات التتويج القارية
وهو منتشي بالصدارة المحلية
بعد ثلاثة جولات قضي فيها علي
هلال الساحل والهلال العاصمي والاهلي شندي
محققا العلامة الكاملة
وبثوب جديد .....يقوده جهاز فني مصري
بقيادة المدرب حسام البدري
وكتيبة كوماندز يقودها
عصام الحضري....
واوا باسكال.....محمد علي سفاري
موسي الزومة ....بله جابر
مصعب عمر ....احمد الباشا
نصر الدين الشغيل....كلاتشي اوسنوا
ساكواها.....محمد مقدم
بجانب الخيارات المفتوحة بوجود
عبد الكريم الدافي....طارق مختار
فيصل العجب....سعيد السعودي
بدر الدين قلق ....هيثم طمبل
والحارس محمد كمال .
|
|
 
|
|
|
|
|
|
|
|
Re: الاحمر الوهاج المنتشي بالصدارة المحلية يستعد للعودة لمنصات التتويج القارية (بالتوفيق) (Re: haroon diyab)
|
هلا يا هارون
طبعا أبو الخل الهلالابي عندو سوء حظ قاهر جدا مع هلالو
وكلما كتب متفائلا كان لأبي الهل رأيا آخرا، عشان كدا
لما كتب قبل يومين متشائما من الهلال قلت ليهو الله يستر
الهلال ما يكوش على الموسم داخليا وخارجيا.. 
أها ياخ أتمني ما تصدق توقعاتي بشأنك وتكون فال خير
على المريخ المرة دي ..
لكن بصراحة كدا المريخ الشايفو دا ما عليهو تكل حتى
ولو حصل على نتيجة إيجابية اليوم ..
المريخ مازال غارقا في جوطة عميقة جدا ما ح يمرق منها
إلا بالعمل الخالص له لا لتحقيق المصالح الذاتية الضيقة ..
الكلام دا يا هارون قلتو ليك ولغيرك من المريخاب قبل كدا كتير
لكن المشكلة أنو عاطفتكم القوية نحو المريخ ما مدياكم فرقة
عشان تتحسسوا مواطن الخلل المعطلو .
تحياتي يا زول جميل .
| |
|
|
|
|
|
|
|
|
|
Re: الاحمر الوهاج المنتشي بالصدارة المحلية يستعد للعودة لمنصات التتويج القارية (بالتوفيق) (Re: haroon diyab)
|
يا هرون يا حبيب
إذا إتا والغيرك من محبي المريخ مكتفين بالساهل وهو حب
المريخ دون الإنشغال بأوجاعو وهمومو فصدقني ح يستمر الحال
على ماهو عليه إلى أن ينقلب إلى ضده.
الإحتفاء المبالغ بكل ما يفعله مجلس الإدارة ويكتبه الإعلام
وتمجيده والموافقة عليه بطاعة عمياء لن يصلح حال المريخ
لأنه في الحقيقة ضوء أخضر يتيح لهم المضي قدما في ضلالهم القديم..
المريخ يا هرون لم يبدأ ولن ينتهي بمجلس جمال الوالي الحالي
ومن شايعه وبايعه بل هو كيان راسخ في جذور التاريخ وسيظل
هكذا لا تؤثر فيه متغيرات الزمن وتقليات الطبيعة.
المريخ ملك حر لجماهيره ولها فيه كما للذي لإدارته والمتنفذين
فيه فلا تتركوه مضغة علكة في أفواههم يمتصون حلاوتها ثم يلفظونها..
أثنوا على أصحاب العمل الجيد وأرفعوا من معنوياتهم لكن بالمقابل
حاسبوهم على تقصيرهم ولا تسمحوا لهم بالفوضي وتمرير الاجندة والمصالح
خاصتهم على حساب هذا الكيان الشامخ .
| |
|
|
|
|
|
|
|
|
 Re: الاحمر الوهاج المنتشي بالصدارة المحلية يستعد للعودة لمنصات التتويج القارية (بالتوفيق) (Re: طلحة عبدالله)
|
عارف ياطلحة....
مشكلة العاطفة التي تحكم تعاملنا
مع المريخ او اي كيان ننتمي اليه
حتي التعامل مع الاولاد في البيت...اصبحت
هي العقبة الكادا التي لم نستطيع تجاوزها .
بالنسبة لي وعند زيارتي الاخيرة كنت قريب جدا
من المريخ جماهير ادارة لاعبين وشاهدت الكثير
الذي يجب ان يقف عنده الناس ....!!!!
لكن....
دايما ماتاتي احداث ومشاركات والتزامات للمريخ
تجعل من فتح هكذا ملفات كصورة لتشتيت الانتباه
وزرع العوائق في طريق الفريق .
احمد للسيد جمال الوالي تفانيه وخدمته واياديه
البيضاء للمريخ ...لكني اعتب عليه الاصرار علي
شلة الارزقية الذي يريدون الاستثار بكل شي في
المريخ ولكانه ضيعة من ضياعهم .
سنتحدث كثيرا عن كثير الملفات المطلوب معالجتها
في المريخ ....لكن بتروي وفي الوقت والزمان والمكان
المناسب .
اما الان فالمهمة الاولي لنا هي نصرة المريخ في هذا
الاستحقاق الافريقي الذي ظل عصيا علينا طويلا .
احمد لك انت ايضا حبك وغيرتك للمريخ والعمل لمصلحته .
عشان كده ...واحد زيك يشد
وواحد تاني يرخي...وباذن الله نصل للمبتغي والمراد
مادام الهدف واحد هو مصلحة ورفعة المريخ .
مداخلة تورت لي نفسي
| |
|
|
|
|
|
|
|
|
|
Re: الاحمر الوهاج المنتشي بالصدارة المحلية يستعد للعودة لمنصات التتويج القارية (بالتوفيق) (Re: غباشي)
|
اهم احداث الشوط الاول....
امتلاك المريخ للمباراة حتي تسجيل الهدف
الحضري يثبت بانه حل نهائي لمشكلة الحراس
العاجي باسكال ادي مباراة طيبة حتي الان
الفريق الانغولي خطييييييير برشة وباستطاعته
التسجيل في اي لحظة .
طرد المدافع الانغولي
طمبل لازال خارج الفورمة
مصعب عمر في احسن حالاته
بله جابر كما قال غباشي نقطة ضعف واضحة
والهجوم الانغولي يمر عن طريقه بسهولة .
نتمني شوط ثاني افضل وتسجيل اكثر من هدف
مع الحذر من مرتدات انتر كلوب .
حتي الشوط الثاني لنا عودة
| |
|
|
|
|
|
|
| |
haroon diyab
رامي إبراهيم أحمد
نور الدين عثمان
الصادق خليفة
طلحة عبدالله
حبيب نورة
الامين موسى البشاري
غباشي
أحمد ابن عوف
معاوية محمد الحسن
صديق الموج
keiga2000
محمد المسلمي
omer osman
محمد عبد الماجد الصايم
عبدالله كع
فيس بوك
تويتر
انستقرام
يوتيوب
بنتيريست