تحياتي بلاحدود لجميع وللمميز دائما بكري صاحب الابداعات الفريدة لكن ياجماعةشنو قصة كب الزوغة والشتات فهمونا الحاصل شنو يعني لينا كم يوم ما دخلنا وكنا معطلين وكاسرين ركبة جوة تحت البطانية بس من يوم الاربعاء وما نزلنا شغل الا الليلة وعشان كده ياجماعة جايين عطشانييييييييييييين لكن باين علي ما حاروى حسي منو العندو موية يسقينا يا فرد مع تحياتي ابراهيم
04-14-2002, 11:12 AM
قرشـــو قرشـــو
تاريخ التسجيل: 02-05-2002
مجموع المشاركات: 11385
ياقرشو بالغت عديل كده ما عارف انو قرض على كده ممنوع من البث هنا ولاشنو ياناس ايمو وشلته عايزين نعرف رائكم وثانيا ياتو شات يا قرشو انا حسي لي كم يوم كده بعاين بعيوني بس وعائز اعرف نحن حنرسى في النقاش دا لوين ماهو باين في العيون مواضيع تفتح ثم تغلف ثم تفتح ثم ينبثق منها موضوع اخر والموضوع الاخر ينبثق منه موضوع ودواليك والله قصة البوردات دي في المواقع بقت ذي اللجان البتشكل في الحكومة وتنبثق منها لجنة واللجنة تنبثق منها لجنة غايتو انا عائز بس اعرف اخرتها شنو ياقرشو يا قطعناهو ناشف ولاقطعناهو لين مع تحياتي
04-14-2002, 01:42 PM
قرشـــو قرشـــو
تاريخ التسجيل: 02-05-2002
مجموع المشاركات: 11385
ابراهيم ياخوى ازيك بعدين اليوم المنعوا فيه قرط على كده انا كنت غائب ومافى زول كلمنى انا عارف الاحتجاج على هييييييي يكة وبعدين انت لو شفت ايام كده يا فردة كانت انقلابات ومشاكل والبجى الصباح يكون سيد البورد الحمد لله هسع راقت الحكاية والجكس عطر المساحات وخضرها كده رضا يا صاحبى وخليك معانا مافيش احلى من كده لكن برضك ما جاوبت لى انت بتاع الشات الزمااااااااان ولا غيره ؟؟؟ أجب بلا أو نعم ؟؟؟ ولو ما عاوز تجاوب يكون عندنا كلام ثانى هييييييي يكه
04-14-2002, 01:47 PM
ebrahim_ali ebrahim_ali
تاريخ التسجيل: 02-05-2002
مجموع المشاركات: 2968
ياقرشو تحياتي ياتو شات انت البتقول عليهو دا الاشيتن يكون متخبي بين الشبكات واحد اسمو ابراهيم لكن بيني وبينك انت كنت داخل في شات جكس نضيف لمن غلط وشنو اجابة بلا او نعم نحن في امتحان ولا انت فرقت معاك الامتحانات وياريت لوكنا لسع طلبة بدل الجهجهة والغربة والبهدلة دي والله زمن والله زمن معليش تعيش وتشوف وقصة مانعيين المتل قرضو على كده ياخي انا رسلت واحدة محتشمة جدا من النكات الجماعة كلهم وقعو فيني لبع وجديع بالنعلات والحمد لله جات سليمة وسحبناها حسي انت كده اسحبها قبل الجماعة يقولو فيك راي
حبابك يا ابراهيم اخوي يا اخوي انت عندك دفار جاري خط الكلاكلات ولا شنو يا فردة، لجان منبثقة ولجان منسدحة ولجان تمضغ في اللبان ولجان تطالب بإعتماد بند اللهف في ميزانية الدولة وكلام كتييييييييييييييييير اسمع انت قرشـــو ده مالو عاوز قربك
قرشـــو ولا كلمة
04-14-2002, 02:14 PM
ebrahim_ali ebrahim_ali
تاريخ التسجيل: 02-05-2002
مجموع المشاركات: 2968
يايمو والله انا حسي معاي بنغال وبتان شغالين شغلة عندي تركيب فرش جديد في المكتب وحسي تعرف والله بين البورد والعمال وقصة انو قرشو عائز اتقرب دي اسالوا عنها انت براك والا يكون وراء القرب دا حاجات تانية حاميني ومالك يايمو ما سخنت مع ناس قرشو في قرضو على كده والله عشششششششششششششششششششان كيفتك
04-15-2002, 04:26 AM
ebrahim_ali ebrahim_ali
تاريخ التسجيل: 02-05-2002
مجموع المشاركات: 2968
يابشر وينكم انتو رحتو وين كدي امرقوا لي بره جاي انا راجيكم لي زمن ومافي زول قال كدي انقبل على خايب الرجا دا ونفتح معاهو موضوع البركة في ناس قرشو وايمو لكن برضو باين عليهم عندهم مصالح عندي دي يلقوها عند الغافل لانو امي وصتني قبل ما اسافر قالت لي اوعكي من ناس الكلام الحلو دي بلحسوك لحس تحياتي
04-15-2002, 05:44 AM
بكرى ابوبكر بكرى ابوبكر
تاريخ التسجيل: 02-04-2002
مجموع المشاركات: 18779
العظيم الغالي بكري تحياتي لاحدود لها وين يارجل لين زمن ما شوفناك ولا سمعنا ليك حس البركة الليلة الطيريتنا وقلت في جماعة كده نحن متجاهلينهم كدي نفتح معاهم موضوع وشكرا شكرا على التواصل ونتمنى المزيد من الابداع يامبدع ورائع والله يبعد منك عين الحسود وعيني باردة ياود امي وربنا يغطيك ويديك الفي مرادك ويعودك لاهلك سالم غانم وكل الاحبة
04-15-2002, 07:32 AM
بكرى ابوبكر بكرى ابوبكر
تاريخ التسجيل: 02-04-2002
مجموع المشاركات: 18779
بالمناسبة يالحبيب بكري انا في فترة من الفترات عندنا بعض الاخوة في الشبكة الاسلامية في قطر قالو لي بان موقع سودانيز اون لاين بعثوا له عن بطريقة غير معروفة لديهم كمية هائلة من الملفات وفي نفس الوقت اصبحت ترجع هذه الرسائل لهم مرة اخرى فاتضح في النهاية ان هنالك فيروس يكون في اجهزتهم عندمايفتحون موقعكم ولكن تم التغلب عليها الان نهائيا وناسف اذا سببنا لكم اي ازعاج نيابة عنهم مع تمنياتي لك بالمزيد والمزيد يامن اشعرتنا بان هنالك من يحترقون ليضؤوا للاخرين ويكون ذلك على حساب راحتهم واولادهم ومشغولياتهم التي تحص ولا تعد لكي يالغالي المتفرد في زمانك هذا الذي كثرت فيه الآنية وحب الذات ورغم ذلك تشعل لنا هذا الموقع بكل ماهو مميز وجدير بالاحترام لك حبي وتقديري ولكل من يقف معك في هذا الانجاز الذي يحسب لكم والذي نامل ان تكف بعض الاقلام والمواقع الحاقدة عن التشويش لهذا الموقع وانتم كفيلين بالرد عليهم ونحن لانملك الا الدعاء والتوفيق
04-15-2002, 12:28 PM
قرشـــو قرشـــو
تاريخ التسجيل: 02-05-2002
مجموع المشاركات: 11385
ابراهيم ياخوى سيك سيك معلق فيك وصوك ولا خلوك جوك جوك المهم انا بقول ليك لو عارف اى احد من المذكورة اسماءهم ادناه قول لى : الهلال بتار الريلة فيرى النيل نور ترهاقا موز ابوزينب يا بتاع الجكس
يلا احكى ليك نكتة بمناسبة النكتة بتاعتك الجدعوها بالبراطيش لكن ده مؤدبة زمان المداحين بمدحوا تحت ظل الشجرة فى ميدان ابوجنزير والمداح يفرش ليه شال ولا شوال والناس ترمى القروش فيه بعد ما يعرضوا طبعا هسع بقوا يمدحوا بالساوند وفى الصالات المكيفة المهم جاء واحد كانه عاوز يفك ليه جنيه شال القروش كلها وقام جارى الناس جرى بى وراه جاء واحد لقى المداح براه واقف وما عارف الحصل قال ليه يا عم بالله امدح لينا شفيع الامة المداح عاين ليه وقال ليه بالله هسع دى امة يشفعوا ليها هاااااى يكه
04-15-2002, 01:27 PM
ebrahim_ali ebrahim_ali
تاريخ التسجيل: 02-05-2002
مجموع المشاركات: 2968
ياقرشو ياخي انت قصتك معاي شنو ثم ثانيا ديل ذاتين مااسماء الاحد يقول اسماء ناس وديل لو كانن جكس اسامهم بطير الجكس منهم عشان كده فتش ليك على زول تاني والجكس بين وبينك زمان كان سمح جد ونضيف ومطيع لكن حسي الاخبار البتجي من السودان الجماعة بقو يخافو والتعليقات كترت والسبب معروف والخوف من المجهول وامكن يصيبك ويوديك في خبر كانه
يالحبيب وقرشو وكمان ايمو وكل الغالين تحياتي لكم وين ياجماعة الخير من صباح الرحمن بنفتش لينا في طريقة نخش معاكم ما لاقين الحكاية شنو صفرت ولا شنو الحكاية ياجماعةالخير فرفشو شوية ويا بكري ممكن تعطر المسحات الفاضية الان بوجودك معنا
04-16-2002, 12:21 PM
قرشـــو قرشـــو
تاريخ التسجيل: 02-05-2002
مجموع المشاركات: 11385
الأخ ابراهيم انت باقى لى ما عارف انه انا الزول البقصقص الريش لكن والله حيرتنى عدييييل كده فى كلامك ده اقصقصه ولا اخليه وبما انى اعيش خارج السودان ارى استخدام تلك الكلمة النابئة عندنا والعادية عندهم اصبحت شبه مألوفة للسودانيين بالخارج ولكن بالداخل المسألة ما زالت فيها قطع رقاب عديييل كده وما يحيرنى بحق ان الكثير من كلمات المهجر رحلت الى الداخل واستوطنت وظللت اراقب ذلك سنينا عددا وارى القادمين للعمرة والحج واراقبهم فزاد عجبى .. وهذا ما جعلنى احتار اقصقص ريشك فى الكلمة اياها ولا اخليها .. طبعا هنالك كلما بشعة جدا لدينا يستخدمها اخواننا العرب بكل بساطة والعكس ايضا موجود .. حيرت قلبى معاك خليته بيك مشغول
04-16-2002, 01:41 PM
ebrahim_ali ebrahim_ali
تاريخ التسجيل: 02-05-2002
مجموع المشاركات: 2968
ياقرشو حمد لله على السلامة ظهرت انا قلت امكن الزول حصل ليهو شيء من الشيء البحصل عندو طوالي انا اخبارك معاي وبالذات ناس جدة ما مقصرين بمدوني بالمعلومات اول باول وقصة الريش دي قصة ريدة القديمة بتعرفها لو برضو عائز شرح وتعال هنا شنو الكلمة العندنا وباستعملوها عادي اوع تكون ...... انت مصيبة ودي ما بتتكتب الا باذن مسبق من ايمو وبس
04-16-2002, 01:54 PM
bob bob
تاريخ التسجيل: 03-03-2002
مجموع المشاركات: 3353
ياود يابوب يالذيذ من وين وانت كردفاني حبابك ياخوي انا ما دخلت انا جيت اعاين بعيوني بس شفت الناس الحلوين دخلت وقعدت اكورك ياناس الحلة انا مكسر في ناس سودايز اون لاين ديل ياناس الحلة دي من عرس الزين ياجماعة لو في زول عند اي معرفة بالطيب صالح يمدنا ولو عارفين كتب بالذات موسم الهجرة الي الشمال ورونا موقعها وين او العندو ممكن ينزلها ليها مع شكري يابوب وكويس انك ما بوش
04-17-2002, 09:22 AM
bob bob
تاريخ التسجيل: 03-03-2002
مجموع المشاركات: 3353
وبمناسبة كردفانى انا من ولاية شمال كردفان مدينة ام روابة
عندى ياابراهيم صحبى عزيز على اسمه برضه ابراهيم على واحتمال تكون انتا وانا ماعارف عليك يا ابراهيم تانى خش براحه عندنا اخوانا هنا حبيب الكل راجل كبير عنده ضغط وحاجات تانى عجبانى هههههههههههه يكه
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
ebrahim_ali
قرشـــو
EMU إيمو
بكرى ابوبكر
bob
فيس بوك
تويتر
انستقرام
يوتيوب
بنتيريست