|
|
 أحذر البائين (بربر ـ بارا) كلام بروف
|
الاخوة الاعزاء جميعاً تحياتي وعظيم احترامي
لقد كان معي امس احد الاساتذة الاجلاء وهو بروفسيور ورجل قامة اعلامية مميزة هجر الوطن منذ سنين عدد وهو الآن في أواخر العمر كما ادعي هو ولكن حديثه مفعم بالأمل والحيوية والنشاط والذكريات العطرة والروح الوثابة التي لا تعرف الكسل والخنوع تخرج على يديه العديد من الوجوه الاعلامية المتميزة داخل الوطن الحبيب وخارجه كذلك .
التقطت من خلال ونسته معي حديثا اعادني لحضن الوطن وذلك عندما ذكر لي بان الانجليز في نهايات عهدهم كانوا يحذرون بعضهم البعض وكذلك السودانيين من البائين فقلت له ما هن البائين فقال لي والدهشة تتملكني هما مدينتا بربر وبارا قلت له ان تلك المدينتين لهما تاريخ حافل وحضارة راسخة في الجذور ولاسيما بربر صاحبة الارث الثقافي المميز والحاضر الآن وبارا لها وقعها الخاص لدى نفوس العديد من اهل السودان وقلت له مما يحذرون قال والدهشة تكاد ان تسقطني من ناسهما!!!!!!
سؤال مجرد سؤال فقط دون اية اعتبارات جغرافية او قبلية او جهوية فانا انتمى للشمال وللوسط واعتز جدا بكردفان هل هذا الحديث صحيح ام انه كان في فترة من الفترات ؟؟؟
ولابناء بربر واولهم العزيز البليك خالص محبتي ولاهل بارا وكردفان عموما عظيم مودتي
|
|
 
|
|
|
|
|
|
|
|
Re: أحذر البائين (بربر ـ بارا) كلام بروف (Re: essam&amal)
|
ام وضاح تحياتي وسلامي وشكراً جزيلاً للعبور والافادة
نعم هذا التحذير من البائين هل المقصود اخذ الحذر والحيطة من أهل هاتان المنطقتان ام عدم التعرض لهما من قريب او بعيد واظنكي انكي اخذت المعني الاخير يابت بربر ولا مش كده
مرة اخرى شكري الكثيف واحترامي العميق
| |
|
|
|
|
|
|
|
|
|
Re: أحذر البائين (بربر ـ بارا) كلام بروف (Re: siddieg derar)
|
الحبيب صديق ضرار تحياتي وسلامي
مما يجرني الله من بارا ولا بربر
والثلاثة شين دي ما دخلت في لحم الجماعة الحي
البخل دا ذي قصة العريس ال... قالوا ليه عائزين نعمل ليك ساونا قال ليهم بكم قالوا ليهو بمائة الف قال ليهو شطفوني بس عرفتو ..
ويا ولدى مالك عايز تدخلنا فى المشاكل
شوف ناس عمك شوقى بدرى يقول ليك كل الحكاية
ياعم مافي اية مشاكل بس انت خليك كده ياعمو
| |
|
|
|
|
|
|
|
|
 Re: أحذر البائين (بربر ـ بارا) كلام بروف (Re: ebrahim_ali)
|
الأخ ابراهيم
ما تخاف ناس بربر ناس حلوين ورايقين
وبرضو خطرين ،،
موضوعك مثير،، وكبير
وقيل ان البائين في بربر
لأن بربر خليط متنوع
من داخل السودان
وايضا من خارجه
وبها المغاربة والجعافرة والريافة والأتراك
والصينيون والهنود والتشاديون والنيجريون
ويمكن للأستاذ عبدالله بولا ان يفيدك كثيرا في هذا المضمار
وانا سوف اعود لك من بربر الدكة ،،
بي كلامنا البربرواي المميز
| |
|
|
|
|
|
|
|
|
 Re: أحذر البائين (بربر ـ بارا) كلام بروف (Re: ebrahim_ali)
|
سلام الناس الهنا.... هدو اللعبة شوية...بربر الكلام الطيب فيها ما ليهو نهاية.. نمسكوا من وين ونفكوا من وين عاد..دراسة أهل زيارات. خير وخرير..لوبيا..فن غناء.. خضرة جمال.. نعمة رزق تجاره..دا عن بربر لأنو أهلي وجيراني بس نحنا جيرانن في النهاية..أما بارا والله معرفتي بيها ما كبيرة.. كدي خلونا نمشي ونجي يمكن نلقي زمن نكتب ليكم.. لكن ذكرياتي معاها كتيرة...ما بتنتهي.. مع انو جابتنا ليها القراية.. وناسبونا في المناصير وجدناهم نعم الناس والله لسه بفتش لى واحدة زميلتي درست معاي تالتة ابتدائي بالمناصير جابتا أختا الاستاذة تقريها معانا ما لاقيها. من عشرين سنه.اسمها نوال احمد الكنزي.. كنتا انا أول الفصل وهي تاني الفصل.. أختا الأستاذة قاعدة تحشيها حشي عشان تغلبني.. وطبعا انا زول اغبش ساكت لازول يقريني لاحاجة..
| |
|
|
|
|
|
|
|
|
 Re: أحذر البائين (بربر ـ بارا) كلام بروف (Re: منصوري)
|
الأحباب جميعاً سلامي وكثيف احترامي واسف لعدم التمكن من الرد خلال اليومين الماضيين
يأحمد حنين تحياتي وسلامي كلامك في الصميم (ما تخاف ناس بربر ناس حلوين ورايقين ) وما يعجبني في بربر هذا الخليط المهجن الممزوج بعروبة وأفارقة وآسيويين كمان يعني خلطة لرب السماء
ام وضاح سلامي واحترامي هدي اللعبة العم صديق لم يقصد البتة بما ذهبتي اليه فارجوا ان لا تفهمي عمنا صديق خطاء فهو لم يقصد بتلك الكلمات التي كتبها أهل بربر وأنا اثبت لكي ذلك من خلال هذه الكلمات التي قالها أحد الأحباب في زمان سابق قال:
تلاتة شين ما ينصروا الدين : شايقية وشنابلة وشكرية
والسكر والعربدة عشرة درجات : تسعة فى الشايقية والجعليين وواحدة فى سائر عباد الله
والبخل عشرة درجات تسعة فى البنى عامر والهدندوة وواحدة فى سائر عباد الله
بعدين الخليفة لمن قبض الحاردلو عشان يذله قام ختاه فى سوق الحطب يبيع حطب ( وطبعا هو ناظر قبيلة فقام فى عرب منهم من البطانة عايزين يغيظوه واحد فيهم قال ليه : ياعربى الكوم بكم ؟ قال ليه : الخليفة يقول قرشين( يعنى أن ما ببيع حطب لكن الخليفة هو البيبيع ) أتمنى أن أكون وضحت لكي الرؤية من حديث عمنا صديق وإلا أنقلبت علي الآية أنا وتنزل علي براكين الغضب والسخط مما ذكر من أبناء هذه القبائل
العم صديق ضرار
لماذا هذا الصمت ولماذا هذا الوداع؟ عد وأكتب
الحبيب سيجمان وكت ات جار الأولى ما بتشرب مويتها مالك خلي ليمون بارا لناس بارا يازول خت الرحمن في قلبك السكر دا حسي الجابو ليك شنو .. ممكن تفسر لينا الباء الثالثة وارد سيجمان يا سي جي
يابشري انت من حلفا ولاعبري شكراً ياملك
الحبيب منصوري
سلام جاك ياخي انت لسع بتذكر البت القرت معاك في الابتدائي انت خطير (أختا الأستاذة قاعدة تحشيها حشي عشان تغلبني.. وطبعا انا زول اغبش ساكت لازول يقريني لاحاجة.) ياخي زولاً أغبش غبشة وبرضو بتفتش لنوال الكنزي دي تلقهاها حسي ساكنة الطائف ولا الرياض لانو ناس بربر احتلوا تلك المناطق والأحياء الراقية لانهم برضو ناس قرش
| |
|
|
|
|
|
|
|
|
|
Re: أحذر البائين (بربر ـ بارا) كلام بروف (Re: ebrahim_ali)
|
اخى العزيز صديق ضرار
والله عزيزى ما قصدت ابدا زعلك ولكن لا ارضى فى بربر كلمة
وانت ما شرحت بوضوح وانا لانه البوست بخصوص بربر وبارا لم
افكر فى غير ذلك .
لظروف خاصة لم استطع الرد امس وجئت اليوم ولم اجد البوستات .
انا جعلية حمقاء انت من وين جبت الحماقة .
حقك على وانا لا اتوانى فى ان اعتذر لكل من اخطأت فى حقه ابدا
لك العتبى حتى ترضى واكرر اعتذارى .
ولك الود اخى صديق
اخى ابراهيم على
لك العتبى ايضا
وتحياتى
ام وضاح
| |
|
|
|
|
|
|
|
|
 Re: أحذر البائين (بربر ـ بارا) كلام بروف (Re: essam&amal)
|
الحبيب hanouf56 سلامي
والله دي كمان زيادة ومعلومة جديدة للباء الثالثة بس خوفي يكون من باء رابعة
العزيزة ام وضاح سلامي وكثيف احترامي
اولاً أقدرك لكي غيرتك وحميتك على بلدتك بربر وكذلك روحك الجعلية الحمشة فانتي بنت العم فلن ينالك مكروهاً ولن ينال بربر كذلك كل ما ذهب إليه العم صديق إنه سرد بعض الأحرف الأولى لتلك القبائل ولم يسمى قط اية منها بل تركها مجهولة حتى استدركتها وأنزلتها وانا من ضمن القائمة الثانية الجعليين فلذلك العم صديق لا اظنه قد خرج بدون عودة وبرضو زولاً عندو بعض من الحماقة وليست حماقة الجعليين يعني الواحد فيهم لمن يربط خلاص ما بتنفك إلا بعد ما يروق المزاج
فمرحبا بك عم صديق مرة اخرى ومرحباً بكي أم وضاح أخت عزيزة وجعليه حمشة
مافي عتاب بين الأصحاب ولا مش كده
| |
|
|
|
|
|
|
|
|
|
Re: أحذر البائين (بربر ـ بارا) كلام بروف (Re: ebrahim_ali)
|
الإبن الأبر إبراهيم على
سلامات
أولا إنت كاتب إسمك بطريقة الاش دى عشان تتعب الناس القدام الما بيعرفوا
حركات الكومبيوتر وتصعبها عليهم لييييييييييييييه ؟
بعدين ولا يهمك
أنا مشكلتى إنه أولادى خيلانهم من بربر . يعنى المشكلة عندى فى البيت
وأنا ذاتى من قبيلة البخل ودا قول سيدى الإمام ( رضى الله عنه )
بعدين أختنا العزيزة أم وضاح وأيضا أبو وضاح
المشكلة معاى هينة ما فى زعل وما بتحتاج لاعتذار
بس المشكلة أساسا فى البص . ودعواتنا لكم إنها تتحل
وحندعو ليكم فى مكة . وأنا خايف إذا فى حاجة من ناس بربر
أقوم أورثها من أولادى . يعنى بدل ما يورثونا عمارة والا بااااااااااااااااص
يورثونا . . .
والبركة فيك إبننا إبراهيم للآتى :
فلو كل مشكلة فى البورد تثور بين إتنين وواحد يحرد ويحرن ـ التانى بى كلمة
صغيرة يرضيه وترضيه وترضى الجميع . فيل ريت لو الأمور تمشى كدا
موش غل وغبينة نتفشاها فى بعض . وطبعا أنا حرنت و حردت يمكن بس
لأنه أكبر سنا شوية وقلت يا أخى ما فى داعى ديل زى أبنائك فيجب
أن تكون زى الأب ليهم . لكن إنتو سبقتونى وبقيتوا أكرم منى
وأم وضاح فعلا أخلاق ربنا ييسر لها أمورها دنيا وآخرة ويبارك لها
فى أبنائها . فعلا ما أخطأت بل بالعكس أدت درس يجب أن نستفيد منه جميعنا
سلام كتير وخليكم فى ما أنتم عليه زى ما قال الإمام الشافعى :
ودى بجيب ليك بعدين يا أبا خليل خلاص كبرناك وعملناك دفعة
ويا بشرى أخوى نحن لسع ما جينا للهاء بتاعة حلفا ولا بورتسودان
آخ وقعت دى فيها باء . أوعى تمسكوها لى ! ! !
| |
|
|
|
|
|
|
|
|
|
Re: أحذر البائين (بربر ـ بارا) كلام بروف (Re: siddieg derar)
|
العم المفضال صديق ضرار سلام واحترام
اشكر لك هذه الاستجابة السريعة والعودة المتوقعة اصلا
اولا معليش على كتابة الاسم بهذه الطريقة وذلك خوفا من تشابه الاسماء حتى الاميل كذلك
العم ضرار سلامي للأولاد وما دام هم اصلا خيلانهم من بربر يعني هنا وهناك شكلتك مدورة وبعدين تعال ياشيخنا قبائل البخل في السودان كتييييييييييييييييييييرة كده مالا ما سمعت بنكتة الشايقي مع الجعلي اها نحكيها ليك
قالو في شايقي عزم ليهو جعلي والجعلي يازول ركب دابة واتجة نحو ارض الشوايقة وبعد ما صاحبنا الجعلي نزل ليك في بيت الشايقي الشايقي قام عزم اخوانه بس وجاب ليهو قدح بتاع عصيدة صغيرة كده وقام قبل الاكل قال للجعلي قول بسم الله الجعلي اغتاظ جدا ومن اليوم داك ختاها ليهو وقام عزمو في دار جعل وضبح الماخمج وعزم كل الحلة وخت ليهو صحن كبيييييييييير وقال ليهو اكل انت وشيطانك بسم الله دي هنا ما عندنا
اها نقول على جنس البخل دا شنو
مشكور جدا على الكلمات الرقيقة في حقي وحق الأخت أم وضاح ولك الشكر أجزله
وبعدين ياخي نحن أولاد متين لمن تعملنا دفعة نحن يادوبك كده في العشرينات يعني دفعة الاولاد وكده
ومنتظرين هاءات حلفا وبورسودان يلا حرك اللعب ياعمو
| |
|
|
|
|
|
|
| |
ebrahim_ali
essam&amal
ahmed haneen
سجيمان
bushra suleiman
منصوري
hanouf56
فيس بوك
تويتر
انستقرام
يوتيوب
بنتيريست