|
دعواتكم لزميلنا المفكر د.الباقر العفيف بالشفاء العاجل
|
|
 Re: ولكن سيدي المجلس . . لم يخجل أحد ! (Re: HAIDER ALZAIN)
|
أعتذر مقدماً من الأستاذة داليا حافظ عن خروجي عن مسار البوست الذي أرادته له
ولكن يبدو أن حيدر الزين قرر ترك القضية برمتها والتفت إليّ .. ربما هو الغليل الذي لم يشفه بعد منذ آخر صراع.
| Quote: هذا ما نقوله لمن حملوا مباضع تشريحهم للنص الان بعد أن تكلم المجلس .. وصفقوا طويلاً عند كتابتها .. |
سأخبرك لماذا أشرح النص الآن وليس في وقته يا حيدر الزين
(1) لأن النص الذي صفقتُ له كان منشوراً على الإنترنت وقتها، وليس على صفحات جريدة لها قوانينها وضوابطها.
(2) لأن قضية "خدش الحياء" لم تكن مطروقة آنذاك.
(3) لأن تشريح النص لا يعني على الإطلاق الإعابة فيه
ربما لا تعلم أنني (شخصياً) لا أرى أن قصة ولاء خادشة للحياء على الإطلاق، ولكن عندما يكون هنالك ما يُشبه الاستفتاء فإن احتمالية أن يكون خادشاً للغير واردة وبصورة كبيرة هو كما هو حادث الآن في المنبر، وكما رأى مجلس الصحافة والمطبوعات. وكوني لا أرى أنها خادشة لا ينفي أنني أعيب حمّور "الاسترسال" الذي يخل ببنية القصة القصيرة وليس بالحياء العام.
للمرة الأخيرة يا ود الزين ....
Let it go and no need to fight for nothing
| |
 
|
|
|
|
|
|
|
|
Re: ولكن سيدي المجلس . . لم يخجل أحد ! (Re: هشام آدم)
|
هشام ادم ليكن معلومك الاتي ..
1/ لم أقرأ ما كتبته ما عدا الفقرة الاولي التي جاء بها اسمي - وبالتأكيد قبل النظر اليه مجرد طوطيح كلام وتطويل لا يلزمني ولست بمزاج له-
2/ لا تعنيني انت البتة ولا اتتبعك فلا تعتبر اني هنا اطاردك فإنت تطارد نفسك بنفسك في سعيك الدائم لمحاولة التبرير او إثبات الذات الفطير باللواقة وهي تُسقطك قبل ان يسقطك قلمك ..
3/ يصيبني الغليل ممن اجده مكافئ لي لكنك تعرف قدرك نفسك ولن تعدوه فأقبع في مكانك ..
4/ عندما آخذ اي راي في المنتدي لا اشاورك ولا اعتبر في نقدي لرايك اي مطاردة شخصية بل تعليق كُتب بالامس ادهشني في حين اني عند قراءة البوست المعني للاخ حمور وجدت راي مختلف فأقتبسته فاتيت أنت ببقجة غبائنك تتكلم عن عفة القلم بكل بجاحة .
5/ اذا رددت ام لم ترد لا يعنيني رايك ولا تبريرك ولن ارد عليك .. فحل عن سماى يرحمك الله ..
| |
|
|
|
|
|
|
|
|
|
Re: ولكن سيدي المجلس . . لم يخجل أحد ! (Re: هشام آدم)
|
هشام لمن تقول :
| Quote: لأن قضية "خدش الحياء" لم تكن مطروقة آنذاك. |
ده بوحي أنو عندك رأي ..أي لو كانت إنطرحت كان بكون عندي رأي..
وتجي تقول :
| Quote: ربما لا تعلم أنني (شخصياً) لا أرى أن قصة ولاء خادشة للحياء على الإطلاق، |
ما شايف شوية تناقض في كلامك ده ؟
| |
|
|
|
|
|
|
|
|
|
Re: ولكن سيدي المجلس . . لم يخجل أحد ! (Re: HAIDER ALZAIN)
|
أهلين ياحيدر
والله يا حيدر جد متحيرة ..
شيء مخجل ان يقرر لنا متى نخجل ؟!
أي شخص من حقو يقرر ما يخدش حياه من غيره ..وان يقبل او يرفض مايريد ولكن التوقيت البطلع فيهو
الرأي مهم جدا، لأنو بحدد وبفتح إحتمالات كتيرة ..
أولها ..هل رأيك هو رأيك الخاص ام انك بتتأثر بالآخرين ؟
وتانيها أنو قد يكون ده رأيك من زمان لكنك ما بتمتلك الجرأة عشان تقولو ..
أو تكون شخص بحب يضارى ورا آراء الناس ..
"وكلها عوجة "..
والإحتمال الأخير وهو بريء جدا
إنو تكون قريت الموضوع يا دااابك ..
| |
|
|
|
|
|
|
|
|
|
Re: ولكن سيدي المجلس . . لم يخجل أحد ! (Re: داليا حافظ)
|
Quote: سأخبرك لماذا أشرح النص الآن وليس في وقته يا حيدر الزين
(1) لأن النص الذي صفقتُ له كان منشوراً على الإنترنت وقتها، وليس على صفحات جريدة لها قوانينها وضوابطها.
(2) لأن قضية "خدش الحياء" لم تكن مطروقة آنذاك.
|
هشام سلامات
كيف الأحوال
كلامك دة أنا شايفوا ما متماسك
قريت ليك في كم مكان في المنبر كنت مقنع
مالك في الموضوع دة مامكرب حجتك
| |
|
|
|
|
|
|
|
|
|
Re: ولكن سيدي المجلس . . لم يخجل أحد ! (Re: عمر عشاري)
|
داليا حافظ
والمتداخلين جميعا
السلام عليكم
مافي أي زول بقدر يجينا بأسامي ناس المجلس ديل
شهاداتهم الكاديمية
أعمارهم
أحوالهم الإجتماعية
مقدراتهم الأدبية
معرفتهم بفنون النقد الأدبي
أحوالهم النفسية
طفولتهم برضوا بتفيد
| |
|
|
|
|
|
|
|
|
|
Re: ولكن سيدي المجلس . . لم يخجل أحد ! (Re: عمر عشاري)
|
| Quote: وجه اعتراضك شنو بالتحديد؟ |
هشام رد سلام ساي ماعندكم
عوجة مافي
مثلا ياهشام حكاية إنو قصة خدش الحياء ماكانت مطروقة ماحجة ...لو إنت كنت شايفها خادشة من الزمن داك كان تطرقها براك
عشان كدة انا تعليق ود الزين بقي لي مقنع ( ولو إن النقاش بيناتكم يمضي علي مايبدو علي ماض من المرارات قديم ) لما قال يبدو أن المثقف لايزال يدور في فلك السلطة
ورغم إني بستبعد ذلك لكن الكلام مناسب وفقا لتسلسل القصة
بعدين يعني شنو جريدة عندها ضوابطها
ماهم ياهشام نشروها بموافقة رئيس التحرير
ودي وإحترامي
| |
|
|
|
|
|
|
|
|
|
Re: ولكن سيدي المجلس . . لم يخجل أحد ! (Re: عمر عشاري)
|
الأخ عمر عشاري
بعتذر عن عدم رد السلام .. سلامات
القصة لما نشرت في سودانيز وقتها خشيت وقريتها وعجبتني وعلقت عليها بالإعجاب، وما في أي زول قال إنو القصة خادشة للحياء ، ولا أنا شخصياً شفتها خادشة للحياء يعني أجيب السيرة دي بمناسبة شنو؟ حسي في موضوع مطروح (إنو القصة خادشة للحياء) يبقى الكلام عنها بعد داك وفق احتمالات (ليه الناس ديل شايفتها خادشة للحياء؟) أنا قلتَ رأيي في النقطة دي بالتحديد (إنو يمكن همّا شافوها خادشة للحياء لأنها بتسهب في شرح حادثة الاغتصاب) وبس
القضية ما قضية منو فينا (أنا ولا حيدر الزين) كلامو مقنع، ولو إنتا خاشي من الزاوية دي فده موضوع تاني.
أما عن ضوابط الجريدة فأعتقد إنو رئيس التحرير زاتو مدعو للمثول أمام مجلس الصحافة في نفس القضية. أنا كان قصدي الضوابط الصحافية بشكل عام مش ضوابط الجريدة بالتحديد
| |
|
|
|
|
|
|
|
|
|
Re: ولكن سيدي المجلس . . لم يخجل أحد ! (Re: داليا حافظ)
|
سلامات يا داليا ومساك خير ...
إحتمالاتك كلها واردة .. بما فيها حقيقة انه الدولة الشمولية من حقها - طبعاً حسب منظورها - انها تحدد لينا متين نخجل ونشعر بالحياء .. وتحدد تلبسي شنو وما تلبسي شنو .. وممكن الاكل ومواعيد النوم ..
بس الكارثة بتكون في الخيار التاني الوضعتيهو دا ..
Quote: وتانيها أنو قد يكون ده رأيك من زمان لكنك ما بتمتلك الجرأة عشان تقولو ..
أو تكون شخص بحب يضارى ورا آراء الناس ..
|
دي بتكون مشكلة في انه الشمولية تركب في ضهر الناس ليوم الدين ..
لك التحية
| |
|
|
|
|
|
|
|
|
|
Re: ولكن سيدي المجلس . . لم يخجل أحد ! (Re: داليا حافظ)
|
وفي أسئلة بتطرح نفسها أثارتها آراء البعض ..
هل في الأدب (رواية ـ قصة ـ شعر ) ما نتعامل معه على انه سري ولايصلح للنشر على صفحات الجرائد
بإعتبارها متاحة للجميع ، بينما يمكن ان يختبئ في طيات الكتب لتطلع عليه قلة؟
هل من المفترض أن يخجل الكاتب مما يكتب ؟
وهل الكاتب على أن يتعامل بصفوية وينتقي الفئة التي تقرأه والتي تفرق بين الخادش للحياء من غيره
أوحتى التي مفهومها لخدش الحياء مختلف ؟
| |
|
|
|
|
|
|
|
|
 Re: ولكن سيدي المجلس . . لم يخجل أحد ! (Re: داليا حافظ)
|
دلوش ....
صباحك ورد ....
ما زلنا في انتظار قرار (المجلس) لكي (نجلس) الكثيرين عن قول (ما لايفقهون) ...
تحياتي يا حبيبه ...
------------------------------------------------
دلوش رسلي لي رقمك في الخاص لامر عاجل ....
| |
|
|
|
|
|
|
|
|
|
Re: ولكن سيدي المجلس . . لم يخجل أحد ! (Re: داليا الكباشى)
|
| Quote: ما زلنا في انتظار قرار (المجلس) لكي (نجلس) الكثيرين عن قول (ما لايفقهون) ... |
الأستاذة داليا الكباشي
صباح الخير
بكل صراحة وصلني إحساس أبداً ما حلو من جملتك الفوق دي، لأنو فيهو نبرة بتاعت تهديد من ناحية، وناحية استعلاء من ناحية تانية. فياخي رجاءً ممكن توضحي لي قاصدة شنو بالكلام ده؟ وهل ممكن الكثيرين ديل زاتهم يجلسوكِ عن قول ما لا تفقهين بناءً على قرار المجلس برضو؟ يعني لو كان القرار شنو ممكن "تجلسينا" عن قول ما لا نفقه، ولو طلع القرار شنو ممكن يحصل العكس؟ ولا العكس ما حيحصل؟ وشنو هو الشيء الما بنفقه ده زاتو؟ وليه الخشونة في الرد أصلاً؟
| |
|
|
|
|
|
|
|
|
|
Re: ولكن سيدي المجلس . . لم يخجل أحد ! (Re: داليا حافظ)
|
| Quote: أيّ قارئ عادي يُمكن أن يُقرر ما هو خادش وما هو غير خادش. |
يعني هسة القاعدين في المجلس ديل قراء عاديين بحاكموا في قصص الكتاب والأدباء
الناقد الأدبي يمكنه ان يفتي ماإذا كانت التفاصيل التي ذكرها حمور ضرورية ولم تقحم إقحاما
بعدين حكاية أي قارئ عادي يقرر ماإذا كانت القصة خادشة أم لا ...دي حاجة ماكويسة
ممكن لو خدشتو يخليها وخلاص ...لكن مايكون عندو سلطة إلغاء النص وتكميم الكاتب
دي ياهشام حاجة حتودي البلد دي لي وراء اكتر من وضعها الحالي
ودي
| |
|
|
|
|
|
|
|
|
|
Re: ولكن سيدي المجلس . . لم يخجل أحد ! (Re: عمر عشاري)
|
الأخ عمر عشاري
سلامات .. مع إني شايفك الدورة دي ما سلّمتَ
حسي أيّ زول كقارئ عادي ما ممكن يحكم على أيّ نص أدبي إنو جيّد أو سيء؟
ومش من الممكن إنو ناقدين أدبيين متخصصين يختلفوا حول نص أدبي واحد؟
حكاية منع وحجب النصوص من النشر بسبب رأي شخصي (سواء من متخصص أو غير متخصص) دي بالجد مشكلة كبيرة وأنا بوافقك عليها وده البحاول أقوله من قبيل ..
| |
|
|
|
|
|
|
|
|
|
Re: ولكن سيدي المجلس . . لم يخجل أحد ! (Re: داليا حافظ)
|
Quote: وفي أسئلة بتطرح نفسها أثارتها آراء البعض ..
هل في الأدب (رواية ـ قصة ـ شعر ) ما نتعامل معه على انه سري ولايصلح للنشر على صفحات الجرائد
بإعتبارها متاحة للجميع ، بينما يمكن ان يختبئ في طيات الكتب لتطلع عليه قلة؟
هل من المفترض أن يخجل الكاتب مما يكتب ؟
وهل الكاتب على أن يتعامل بصفوية وينتقي الفئة التي تقرأه والتي تفرق بين الخادش للحياء من غيره
أوحتى التي مفهومها لخدش الحياء مختلف ؟ |
يا سلام يا داليا حافظ ..
والله اسئلتك دي تستحق بوست قائم بذاته خليك من إنه يتبرع لينا اديب من الادباء او ناقد من النقاد بالاجابة هنا ..
وبالله لو لقيتي الاجابة باصيها لينا معاك ..
لانه عملية الابداع وتفكير المبدعين محيرة فعلاً لي زول زي كدة بيقرأ لكن كقارئ عادي فقط ما عنده خلفية ادبية ..
| |
|
|
|
|
|
|
|
|
|
Re: ولكن سيدي المجلس . . لم يخجل أحد ! (Re: داليا حافظ)
|
أستاذة: داليا حافظ
صباح النور
| Quote: نفهم أنك (الكثيرون ) ديل ولا شنو؟ |
ما حسألك نون الجمع في (نفهم) دي عائدة على منو بالضبط ودلالات الجمع شنو، لكن داير أسألك: إنتي ليه على طول الخط دايرة تفهمي في اتجاه مُحددة كده زي الدايرة تثبتِ حاجة؟ ياخي لو دايرة تفهمي حاجة اسأليني دغري، بجاوبك دغري، ولا كيف؟
| Quote: وليه أخدت كلام داليا على محمل شخصي ؟ |
المفروض آخدوا على ياتو محمل يعني؟
| |
|
|
|
|
|
|
|
|
|
Re: ولكن سيدي المجلس . . لم يخجل أحد ! (Re: هشام آدم)
|
أستاذ: هشام
| Quote: إنتي ليه على طول الخط دايرة تفهمي في اتجاه مُحددة كده زي الدايرة تثبتِ حاجة؟ |
وين على طول الخط ؟ وياتو إتجاه ده ؟ وحاجة شنو الدايرة أثبتا وبالأحرى هل الحاجة المشار إليها
(المجهولة لدي )بتخصك أنت ؟!
| |
|
|
|
|
|
|
|
|
|
Re: ولكن سيدي المجلس . . لم يخجل أحد ! (Re: داليا حافظ)
|
أستاذة: داليا حافظ
ياخ أنا شغل (حاوريني يا كيكا) ده ما قاعد أحبو ولا عندي ليهو أخلاق أصلاً
أسئلتك البرئية دي ما عندي ليها إجابات، وإلا ما كان سألتك أصلاً. أما عن
(على طول الخط) فأنا قاصد البوست ده تحديداً فيُمكن أن تراجعي مداخلاتك معاي
أنحنا ناس كُبار وواعين، أو المفروض نكون كده. والمباشرة والوضوح أحسن منهم
مافي كان في النقاش أو في التعامل العادي بين الناس. فلو إنتي شايفة روحك
واضحة في حاجاتك، فمعليش يا زولة وأمسحيها لي في وشي، بس اتذكري إن السؤال
ما كان موجه ليكِ وإنك إنتِ اللي اتطوعتِ للرد على السؤال (بعدة أسئلة)
Don't search for reasons to hate people, hate them directly because they won't ask you about them
| |
|
|
|
|
|
|
|
|
|
Re: ولكن سيدي المجلس . . لم يخجل أحد ! (Re: هشام آدم)
|
أستاذ :هشام آدم
نبدأمن الآخر
| Quote: Don't search for reasons to hate people |
يازول أنت ماشايف روحك مشيت بعيد ..كراهية شنو ياخ ..ممكن أختلف معاك وأتغاظ من أرائك وما تعجبني
لكن موضوع الكراهية ده أرخيهو ما ليهو لازمة وما عندو مناسبة ..
| Quote: ياخ أنا شغل (حاوريني يا كيكا) ده ما قاعد أحبو ولا عندي ليهو أخلاق أصلاً |
إحتداد غير مبرر وأنا ما بعرف كيكا عشان أفهم قصدك ..
| Quote: أما عن على طول الخط) فأنا قاصد البوست ده تحديداً فيُمكن أن تراجعي مداخلاتك معاي |
مداخلاتي معاك مالا ..أنت هنا الماواضح وريني الحتة الما عجبتك ..
Quote: أنحنا ناس كُبار وواعين، أو المفروض نكون كده. والمباشرة والوضوح أحسن منهم
مافي كان في النقاش أو في التعامل العادي بين الناس. |
تعرف يا هشام انا بسأل كتير أسئلتي البريئة ليه ؟ عشان ما بحب التأويل ..لكن لو إنت فاكر
أنو البوست ده الكلام فيهو ده موجه ليك أنت هشام آدم شخصيا فأنت غلطان ..لكن موجه ليك ضمن المجموعة
الأبدت إعتراضها في الوقت ده ..
Quote: بس اتذكري إن السؤال
ما كان موجه ليكِ وإنك إنتِ اللي اتطوعتِ للرد على السؤال (بعدة أسئلة) |
بس من حقي ككاتبة البوست أرد على أي مداخلة ..وأظنه عرف سائد ..ولو هذا التطوع ضايقك أنا
بعتذر ليك .
| |
|
|
|
|
|
|
|
|
|
Re: ولكن سيدي المجلس . . لم يخجل أحد ! (Re: داليا حافظ)
|
أستاذة: داليا حافظ
أنا كمان بعتذر ليكِ لو شايفة إني احتديت بدون مبرر، أنا كل الكنتَ داير أقولو إنو الناس ممكن تختلف، وما في زول مسئول يُبرر لقناعاتو الشخصية ويوضحها للناس. إنتي شايفة x إنتي حرة، أنا شايف y أنا حر. Full Stop والقلب من القلب أبيض (زي ما بيقولوا ناس الخليج) لكين حسيت إنك كل مرة بتحاول تلمحي لحتة معيّنة ما كريمة أبداً وهي (تناقض موقفي من القصة) رغم إني حاولتَ توضيح المسألة دي كم مرة. وبعدين إنتِ ما تطوعتِ للرد على الأسئلة (يا ريت) إنتِ تطوعتِ بطرح أسئلة :) على العموم بكرر اعتذاري وأسفي. بس اسمحي لي أشاغلك مشاغلة "بريئة" برضو هنا:
| Quote: نفهم أنك (الكثيرون ) ديل ولا شنو؟ |
Quote: لكن موجه ليك ضمن المجموعة
الأبدت إعتراضها في الوقت ده .. |
يعني وكت إنتي فاااااهمة المعنى الشلاقة العليكِ شنو من البداية؟ :) :)
أرقدي عافية
| |
|
|
|
|
|
|
|
|
|
Re: ولكن سيدي المجلس . . لم يخجل أحد ! (Re: هشام آدم)
|
أستاذ هشام
صباح الخير
عذرا لتأخر الرد ..إنشغلت شوية
قلت :
| Quote: أنا كل الكنتَ داير أقولو إنو الناس ممكن تختلف، وما في زول مسئول يُبرر لقناعاتو الشخصية ويوضحها للناس. إنتي شايفة x إنتي حرة، أنا شايف y أنا حر |
وما بتعارض مع كلامي أدناه
Quote:
أي شخص من حقو يقرر ما يخدش حياه من غيره ..وان يقبل او يرفض مايريد |
ونقطة خلافي معاك هي :
Quote: ولكن التوقيت البطلع فيهو
الرأي مهم جدا، |
ومهم جدا دي طبعا في رأي الشخصي .
| |
|
|
|
|
|
|
| |
داليا حافظ
osman righeem
HAIDER ALZAIN
هشام آدم
Emad Abdulla
عمر عشاري
داليا الكباشى
فيس بوك
تويتر
انستقرام
يوتيوب
بنتيريست