|
دعواتكم لزميلنا المفكر د.الباقر العفيف بالشفاء العاجل
|
|
 Re: سنة أولى بورد .. بوست في شكل عيد ميلاد (Re: حمور زيادة)
|
في مثل هذه الايام كان دخولي الى هذا العالم الاسفيري.
الحقيقة أني حين اتذكر ذلك و أحب أن ارويه أجد نفسي اتذكر مسرحية " الزعيم " لـ "عادل امام ". تحديدا مشهده الافتتاحي حين يقف مخاطبا و يقول :
" لماذا قمنا بالثورة ؟ في الحقيقة انا لا ادري لماذا قمنا بالثورة .. أنا كنت في الحمام ساعتها ".
دخولي الى عالم سودانيز اون لاين لم يكن مميزا و لا حدث ارخت له.
طبعا لم اكن في الحمام " ساعتها " لكنه كان دخولا عاديا لا سبب له. دخلت لمجرد الدخول.
سأحاول ان احكي لك عن دخولي عالم البورداب .. و عن هذا العام الاسفيري.
| |
 
|
|
|
|
|
|
|
|
Re: سنة أولى بورد .. بوست في شكل عيد ميلاد (Re: حمور زيادة)
|
فليغضب بكري ابو بكر او لا يغضب لكني لم اسمع بموقع سودانيز اون لاين منذ وقت طويل.
و حتى حين صادفني في احدى حومات البحث لم اعرف انه اكبر موقع سوداني و لم اهتم به.
بل انه اضجرني.
الأخ الفاضل " جوجل " قادني الى بوست في مكتبة للاستاذة تماضر شيخ الدين.
موضوع البوست (الذي نسيته الان ) كان جميلا ، لكنه كعادة البورد كان رأس خيط ينتظر من المتداخلين ان يكملوه.
بقية الخيط لم يكملها احد. كان البوست مليئا بـ " الرائعة تماضر فلق الصباح يغازل خط قرينتش حين تبلور احاسيس بصات الكلاكلة بما تعانيه " .. " استاذة تماضر مرور للتحية " و " up " و مزيد من الـ " up " و كثير من الـ "up " .
طبعا لم أفهم ان up تعني up قط. فلم اكن اعرف ان البوستات ترتفع و تهبط بالمداخلات.
ناهيك عن ان البوست كان في مكتبة الاستاذة تماضر فلم افهم اين هو بقية سودانيز اون لاين الذي ظهر اسمه في " جوجل ".
هذه كانت تجربتي الاولى مع سودانيز و كانت مخيبة نوعا ما.
| |
|
|
|
|
|
|
|
|
|
Re: سنة أولى بورد .. بوست في شكل عيد ميلاد (Re: حمور زيادة)
|
بعد أيام قادني " جوجل " مرة اخرى الى سودانيز .. ان لـ "جوجل " فضلا كبيرا على بكري ابو بكر.
هذه المرة قادني الى المنبر العام.
يا لهول ما رأيت.
"ألناس دي وهم وله شنو ؟؟ "
هذا هو تلخيص كل ما فكرت فيه. كمية من التطاحن .. كمية من الحروب .. كمية من الشتائم .. الكثير من الـ "up ".
في الحقيقة يا صاحبي انا لم اكن معتادا على النقاش بهذه الاساليب.
لم اكن افهم كيف يتجاوز متداخل رأيا قويا طرح فقتل له كل الفرضيات التي بنى عليها بوسته .. و لا كنت افهم كيف يمكن ان يشتم "زول كبير و واعي " أحدا بهذا الاسلوب الذي رأيته و قرأته.
يع ع ع ع ..
التجربة الثانية لم تكن مرضية ايضا.
| |
|
|
|
|
|
|
|
|
|
Re: سنة أولى بورد .. بوست في شكل عيد ميلاد (Re: حمور زيادة)
|
يا حمور يا زيادة ....
أقدر أقول إنك بوردابي (إتولد) بسنونو ..... وأذكر كمان إنو أول بوست أقراهو ليك كان (لماذا لم يتزوّج بطوط زيزي) .. وكان لي فيهو مداخلة دون أعرف إنك (برلوم).
| Quote: الكثير من الـ "up ". |
كويس إنك ما لقيت - وقتها - (over).
| |
|
|
|
|
|
|
|
|
|
Re: سنة أولى بورد .. بوست في شكل عيد ميلاد (Re: حمور زيادة)
|
التجربة الثالثة لم تكن عبر "جوجل " .. كانت عن سبق اصرار و ترصد ..
كتبت عنوان المنبر أكثر من مرة حتى توصلت الى العنوان الصحيح.
اكتشفت ان للمنبر صفحة مقالات جميلة جدا. غصت فيها و قرأت منها الكثير.
هذه التجربة كانت جميلة جعلتني اسأل بعض من يفهم هذه الامور فقال لي ان سودانيز اون لاين هو اكبر المواقع السودانية.
اممم .. بالله ؟ كويس. حصل لينا الشرف.
| |
|
|
|
|
|
|
|
|
|
Re: سنة أولى بورد .. بوست في شكل عيد ميلاد (Re: حيدر حسن ميرغني)
|
شقي الحال كيفنك
وحاتك يا ود زيادة نا زيك كدي
جاني المتصفح حاليا البوردابي الجهبوز حاتم ابراهيم
وقال لي ياخي قريت اسمك في مداخلة في بوست الزقازيق اجدع ناس
انا كنت قايسل البورد كله الزقازيق دي
وقدر ما اجي ارد منبر الجن دة يحرن
قمت كلمت اخونا نزار عثمان (السمندل) الله يطراه بالخير
قام كلم بكري وبعد يومين ادوني كلمة المرور
وحاتك لي في زول رحب لي
ولا في زول هببو لي
بقيت محل ما اداقش مافي زولا ساعل فيني
قمت قلبت المنبر شايقي كله
ومن ديك وعييييييييييييييك
وحاتك يا الحبيب انا واحد من الناس البيفتشوا لي بوستاتك
وحقيقي بخاف اكتب مداخلة عندك عشان ما اكوجنلك البوست
| |
|
|
|
|
|
|
|
|
|
Re: سنة أولى بورد .. بوست في شكل عيد ميلاد (Re: طارق جبريل)
|
أأالمبروك ود جبرين ..
كيفنك ياخ ؟
مونصيح ؟ عافيي ؟
باقيلي "شقي الحال " دي الت سيدنا الطيب ود صالح كان بقولا للحردلو مو كدي ؟
يا زول قوالتك الت البوردي ده كلو الزقازيق دي كان ساوها واحداً اخونا هني دا ..
غاتس لعضنى في بوستي إليل تايتنك .. ينومبو و يقومبو.
أكان مره بالغلط مرق منو لقالك الدنيا وسيعي خلاس.
اخونا داك ذاتو شايقي .. باقيلي انتو البلد التخشوها جديد محل يقعدوكم ما بتتلفتو .. مو شوايقي عاد.
يا زول قصة ما يشتغلوبك دي انا ضقتها لامن شلاليفي اتظلطن.
بحكيها ليك آآالمبروك.
ابقى طيب.
| |
|
|
|
|
|
|
|
|
|
Re: سنة أولى بورد .. بوست في شكل عيد ميلاد (Re: حمور زيادة)
|
دلفت الى البورد و قمت بضبط بروفايلي الشخصي (بمعنى اني تركت كل المعلومات فارغة كالعادة )
و ذهبت اتداخل.
حسنا ..
بدون ذكر اسماء و لن اقول بشاشا او تراجي لكني تداخلت في بوست كله "جلابة " و " كاره ذاتك " و اشياء من هذا القبيل.
لا احب ان اخوض في ذكريات مؤلمة لكني حملت حمل بعير شتائم و ذهبت.
اغلقت الموقع و المتصفح و الكمبيوتر و اغلقت باب البيت خلفي و ذهبت لالعب كوتشينه في الموردة.
و لم ارجع (الى البورد طبعا ) الا بعد ذلك بشهور.
اعادني خليل ابراهيم و غزوة ام درمان.
| |
|
|
|
|
|
|
|
|
|
Re: سنة أولى بورد .. بوست في شكل عيد ميلاد (Re: حمور زيادة)
|
كنت في مدينة ود مدني انوي العودة صباحا الى الخرطوم محل الرئيس بنوم و الطيارة بتقوم.
كنت في برج الجزيرة في ضيافة قريبي و صديقي الدكتور أحمد حمور نقلب سويا في قنوات التلفزيون حين مر شريط اخباري عن اخبار تتحدث عن قتال شمال ام درمان.
فزعنا الى التلفزيون السوداني .. كان التلفزيون طبعا على قدر الحدث .. كان يذيع برنامجا من داخل الاستديو مع احد الضيوف الرائعين الذين يضحكون كثيرا قبل ان يتحدثوا فلا تفهم ما قالوا و لا تستسيغ الضحكة ايضا.
الجزيرة .. العربية .. البي بي سي (حتى الان اجد فكرة مشاهدة البي بي سي غريبة. هذه مؤسسة وجدت لنسمعها لا لنراها ) .. كلها تتحدث بابهام لكن لا تفاصيل.
تذكرت سودانيز اون لاين و كيف انهم يقولون عنها ان الاخبار و الشمارات بها اولا فأول.
فتحت الكمبيوتر ( كنت قد اقتنيت لابتوب و ام دي اس ال منذ اشهر قريبة فلم يكن يفارقني في حل او ترحال. حتى اني سافرت بالـ ام دي اس ال الى القاهرة من شدة سعادتي به ) .. ولجت الى المنبر فوجدت ان المعركة تدور فيه.
القائدة تراجي و الكمنضال ابراهيم بقال يوشكان على دخول الاذاعة.
قواتنا الباسلة ( كما قال التلفزيون بعد ذلك ) كانت تصر على ان المتمردين قد ماتوا على اسوار ام درمان.
في الحقيقة كان ممتعا جدا ان اقرأ المعركة و هي تدور في المنبر و انسى ان خالاتي في ام درمان و ان امي وحدها في الحلفايا.
لكن المنبر لم يشر لهن قط.
في المعارك يصبح من الترف ان تتذكر ان خالتك قد تسقط قتيلة لمجرد ان زوجها اسكنها منذ ثلاثين عاما بالقرب من شارع الموردة.
| |
|
|
|
|
|
|
|
|
|
Re: سنة أولى بورد .. بوست في شكل عيد ميلاد (Re: حمور زيادة)
|
عدت الى الخرطوم في اليوم الثاني .. و لم اترك متابعة المنبر قط .
العودة كانت رحلة مغامرة لطيفة ذكرني ان احكيها لك في يوم من الايام.
فقد اوشك عسكري ان يرديني قتيلا في تفتيش سوبا لمجرد اني سألته هل يمكننا العبور راجلين ؟
يبدو ان القانون العسكري يمنع الاسئلة لأن شكل الكلاش الذي وضع على عنقي لم يكن مرحبا بالسؤال.
بعد يوم اخر كانت المعركة قد ماتت في البورد و على ارض الواقع و انتى كل شئ.
فففتحت بوستا اتكلم فيه عن معركة ام درمان التي دارت هنا.
وجد ردا او اثنين و انتهى.
بعدها كتبت بوستا عن العنصرية ( كمظهر من مظاهر ما حدث في ام درمان ) و اسميته " كلنا عنصريون ".
تداخل معي الاخ محمد سليمان و كال لي ما كتب الله لي.
قال لي من ضمن ما قال :
انها عنصرية مقيتة ما عارف عملت شنو كده جواك فقئتها في هذا الكلام. و ذهب.
| |
|
|
|
|
|
|
|
|
|
Re: سنة أولى بورد .. بوست في شكل عيد ميلاد (Re: حمور زيادة)
|
ذهبت انا ايضا و غبت زمانا لا ادري لماذا.
ثم جئت لا ادري لماذا اتيت. او كما قال عمنا ابو ماضي.
كتبت بوستا اسمه " سانا بانا برتكانه ".
تداخل فيه العوض المسلمي و سلمى الشيخ سلامة و هارون دياب.
و نزل ايضا و لم اعرف كيف ارفعه.
و كتبت اكثر من مئة مداخلة في عدة بوستات لم يعبأ بها احد و لم يكلف احدهم خاطره بالرد .
كان ينبغي ان اذهب اليس كذلك ؟
لكني هذه المرة كنت قد جئت لابقى.
كان رمضان قد اوشك و انا اعاني من حالة عدم الموضوع فقررت ان ابقى.
انا هنا باقون.
| |
|
|
|
|
|
|
|
|
|
Re: سنة أولى بورد .. بوست في شكل عيد ميلاد (Re: حمور زيادة)
|
جاء الاعلان عن افطار البورداب السنوي في رمضان.
كنت قد كتبت ثلاثة او اربعة بوستات و اشتكيت في بوست للطيب شيقوق من ان بوستاتي بايرة لا تجد من ينش ضبانها.
لكني كنت قد بدأت اكون معرفة او اثنين.
دخلت بوست الافطار متوكلا على الله و مارست نوعا من الشغب.
و بحاسة الاقلية تضامنت مع الشباب و اثرتهم فتجاوب معي امجد فريد و سامي صلاح ( و كان بيننا تعارف أولي في الفيس بوك ).
لكني استطعت ان اذهب الى الافطار و انا اعرف بعض الاسماء و يعرفني ثلاثة او اربعة.
في الحقيقة ان الميزة الرئيسية في الافطار كانت اني اعرف شذى بلة حيها الغمام في بلاد العم سام.
من الصعب ان يتجاوزك احد و انت جالس مع الغجرية الماتعة شذى.
هذه حقيقة علمية.
| |
|
|
|
|
|
|
|
|
|
Re: سنة أولى بورد .. بوست في شكل عيد ميلاد (Re: حمور زيادة)
|
بعدها اتتني الفرصة الكبرى تطرق بابي.
انا من هذا البوست التوثيقي ابعث التحايا للاخ الهكر اينما كان.
فله مني جزيل الشكر على فعلته الشنعاء التي فعلها في البورد.
و انما مصائب بكري عند حمور فوائد.
و ساخبرك كيف كان التهكير فائدة لي.
| |
|
|
|
|
|
|
|
|
 Re: سنة أولى بورد .. بوست في شكل عيد ميلاد (Re: مؤيد شريف)
|
والله الليهو فضل على بكري لا قوقل ولا حاجة...ياهو الناس الكتّابين والفقريين الزييك ديل...سُب عليكم !
الزول فينا يلاقط في ضُلو ...ومستعد يقوّم ليهو مليون شكلة في اليوم من كوريا البعيدة دي...
عشان يجي يقرا لناس تماضر وسابقاً ندى وندى وإيمان وإشراقة والجندرية وبكري الجاك وعبد العاطي ،
ونصّار وحسن ستّة وملامح وناس فعلاً أتعلمتا منهم الكتير ود.حيدر بدوي ود.عباس مصطفى صادق،
ولاحقاً للمنصور جعفر... أو أبو آمنة وآخرين لا يمكن حصرهم هنا...لهم جميعاً المحبة والتجلة والإحترام...
أها عشان كدة وقت نلقى الهتر والشكل...ما بنتلفت...الواحد في بطنو بطيخة صيفي أنو حا يعتر ليهو في عضم جاوره اللحم
عبر بوست طيّب الأخلاق وكدة...
شفتا إستراتيجية الدمار الشامل بتكون كيف؟
حتى أنو هواياتنا بقت تتغير يا (حمّور = قيلي) ، عارف ولا لا؟
هواية صديقي الحبيب أحمد عبد الله هي: مناكفة ذوي العاهات الفكرية...لوولز
وعلى ذلك قس...
تقبّل إحتراماتي وحبي لك لله في لله...تغشاك رحمة الأوسط...
أخوك أنور
| |
|
|
|
|
|
|
|
|
|
Re: سنة أولى بورد .. بوست في شكل عيد ميلاد (Re: حمور زيادة)
|
أنور كنج ..
تعرف انا اتجاوزت في بداية التوثيق ده اني احكي علاقتي بالانترنت قبل البورد عشان ما اقول انو كنت بسمع بديناصورات النت انور كنج و علي سعد علي.
يا زول انا لمن لقيتك بتكتب هنا ده حسيت ليك نو الموقع ده مهم خلاص.
زي واحد من الاعضاء مرة خش لنادية عثمان بوست و سألا انتي نادية المذيعة ؟ لمن قالت ليو ايوه . الزول قال هذا المنبر العظيم يجمعنا بشخصيات رائعة.
| |
|
|
|
|
|
|
|
|
|
Re: سنة أولى بورد .. بوست في شكل عيد ميلاد (Re: حمور زيادة)
|
دخولك، يا أستاذ حمور، كان إضافة نوعية للمنبر.
كل عام وأنت بخير، ونحن، بوجودك مستأنسين
بشخص يفكر قبل أن يكتب، ويجمل الحرف بالمواقف
والمواقف بالحرف. تناولك لقضية لبنى، وغيرها
من القضايا الآنية ذات الدلالات التاريخية الكبيرة،
نبهني لك بأكثر من كل مساهماتك الأخرى القيمة.
ومثلك يسعد المرء أن يراه خصماً فكرياً، فالخصومة
مع من يفكرون ليست إلا خصباً إنسانياً، يدرك من يتعاطاه
أن الفكر الحر نفسه ليس إلا وسيلة للحياة الإنسانية الخصيبة.
ولا يجب أن تهزم الغاية بالوسيلة، وإن كانت تلك
الوسيلة التفكير الحر.
كثر الله من أمثالك، يا عزيزي.
| |
|
|
|
|
|
|
|
|
|
Re: سنة أولى بورد .. بوست في شكل عيد ميلاد (Re: حمور زيادة)
|
Quote: و الباقي انت عارفو اكيد.
|
أها كدة بقى بترفع لي ضغطي...وضغط مليون شخص آخرين بيكونوا متابعين للكلام ده...والشمار مفطّسهم يا حمّور...
أكرر وأكرر وأكرر...
Every Tiny bit of Information, Counts
فلا تستهون الموضوع...
حا تجي إنتا زاتك يوم تقوقل روحك عشان تلقى المعلومة، "بعد عمر طويل " وزهايمر متأخر...
فأكتب المعلومات كما تحب أن تجدها في المستقبل...
دي النظرية بتاعتي الماشي بيها يا حمّور...بعد مرات بيجيني ملل من روحي زاتا...لكن خايف
ناس إقبال بتي ديل بعدين يغشوهم شفوت النت عبر الويكي بيديا وكدة...لوولز
فعشان كدة بالذات المعلومات السودانية دي أسهب فيها قدر ما تقدر يا حمّور...
بعد المقدمة الطويلة دي...أها ما عارف قيلي أصلها قيلا... جد جد والله...
أنا قيلي دي زاتها لافحها من بروف جعفر ميرغني...هي والأبوابي وأسماء مشتركة تاني بين القبائل السودانية المختلفة...
كامل إحترامي يا حمّور...وأنتم سنايرنا وديناصورات علينا ونحن تلاميذ صغار جداً في دروب هنا وهناك...
منكم نستفيد
| |
|
|
|
|
|
|
|
|
|
Re: سنة أولى بورد .. بوست في شكل عيد ميلاد (Re: AnwarKing)
|
| Quote: يا وهبة انا لو فتحت بوست سميتو قصتي مع وهبة بدي العدو فيك فرصة .. |
النبي ... الرسول
باصيها بالمسنجر إن شاالله و أنا بتكفل بالباقي إذ لا اخاف ولا ارعى في وهبة عهدا أو ذمة
مبروك الشمعة الاسفيرية و عقبال السادسة *
___________________________________________
* ستة سنة للبورد افتكر مور ذان إنف
| |
|
|
|
|
|
|
|
|
|
Re: سنة أولى بورد .. بوست في شكل عيد ميلاد (Re: محمد البشرى الخضر)
|
الابن الفاضل حمو لك التحية والاحترام
تصدق أنا احترمتك من كتاباتك ومن الناس الى
الزول بفتح بوستاتم دون تردد فى ناس كدا تفكر مائة
مرة قبل ماتقرى ليم خلى ترد
الموقع دا بكشف حاجات كتيرة فى ناس بتكون عارفم من فترة
وخاتيهم كدى فى حتت ناس مهمين وبفكروا تتابع تلقاهم
العرفتو داك كان حاجات كدى من الكراس ساى
والله أنا سعيدة بكل ما تكتب لكين سعيدة بان هناك شباب يحملون هذه
الأخلاق أكتر من الكتابة
| |
|
|
|
|
|
|
|
|
|
Re: سنة أولى بورد .. بوست في شكل عيد ميلاد (Re: الصادق عوض)
|
حمور زيادة - كيفنك
وكل سنةوانت طيب ..
وتصوم تفطر على خير ..
تعرف مما دخلته في المنبر ده وانا منتظره
لي فرصة فيك ...
يأخ انت إبداع عديييل كده ..
ويشهد الله بفتش على بوستاتك بس (ابحث عن فضولي) ..
وبعرفك جنس عرفه سبحان الله ...
وحكمة الله لا بتعرفني ولا بتعرفني .. بس بارك الله فى الشيء ده ..
يا سيدي وأصل إبداعك وربنا لا يحرمنا من مداخلاتك حتى ..
ولك كل الود
ما رحبته بي .. لكن كيتن فيك بدخل بوستاتك ..
بت الصادق
| |
|
|
|
|
|
|
|
|
|
Re: سنة أولى بورد .. بوست في شكل عيد ميلاد (Re: وليد محمد المبارك)
|
Happy MinberDay, Hamoooooor
من خلال وجود (منذ الأزل)، في هذا المنبر، ومراقبة لدورات صعوده وهبوطه، والقادمين والمغادرين،
فألاحظ أن هناك دورة خاصة وموازية لأخريات، وان كان مسارها مختلف نوعياً،وهي أن أن كل فترة يظهر في
سماء المنبر كاتب/ة، متميز، ويشكل إضافة حقيقية، متميزة، ويحضرني هنا عدد كبير من الأخوة والأخوات
أعتقد أن ذكرهم/ن قد يحتاج إلى بوست خاص، ولكن يقيني أن حمور زيادة، أحد هذه الإضافات المهمة...
دايماً ما أجد نفسي في حالة مقاربة بين حمور وعصام عبدالحفيظ، فكل منهما يختار الزاوية التي لن تخطر ببال الناس العاديين الزينا.
| |
|
|
|
|
|
|
|
|
|
Re: سنة أولى بورد .. بوست في شكل عيد ميلاد (Re: حمور زيادة)
|
الاستاذ نادوس ..
لك الشكر .
Quote: دايماً ما أجد نفسي في حالة مقاربة بين حمور وعصام عبدالحفيظ، فكل منهما يختار الزاوية التي لن تخطر ببال الناس العاديين الزينا.
|
سيسرني أن أكون شاهد اتهام اذا فكر الصديق المبدع عصام عبد الحفيظ في مقاضاتك بتهمة مقارنة ابداعه بما اخطه.
| |
|
|
|
|
|
|
|
|
|
Re: سنة أولى بورد .. بوست في شكل عيد ميلاد (Re: حمور زيادة)
|
جعفر ..
الحفلة ما انتهت و الله ..
بس مشغول حبة .. و يوم الليلة ده كان يوم طويل لدرجة اني اتوقعت القى اخبار عاجلة عنو في المنبر .
الحاصل شنو كان الليلة ؟ يوم اسبوع عديل. اضافة الى السخانة و المطرة و الكتاحة و قطع الكهربا و قطع الموية.
| |
|
|
|
|
|
|
|
|
|
Re: سنة أولى بورد .. بوست في شكل عيد ميلاد (Re: omer osman)
|
أستاذنا / حمور ود زيادة - كيفنك
Quote: عفاف يا برلومة ..
ياخ حبابك و مرحب بيك .. |
شكراً على الترحيب .. وتسلم ..
| Quote: مكتوب جمب اسمك انك عندك 112 مداخلة .. سويتيهن وين يا زولة ديل ؟ |
يا زول قول يا لطيييييف الجديد شديد وكده .. الحاله ما بقينا داخل ..
| Quote: وحات" كندي مر " ما شفت بوست الترحيب حقك. |
فتشوا بتلاقى ... " كندي مر " ده شنو ده .. أفصح أكثر ...
| Quote: معليش ياخ العتب على النظر و عامل السن. |
ياخ طخ .. ده عذر شنو ده .. قال العتبى على النظر قال ...
وعامل سن ده شنو كمان ده يا أخوي لسه بدري .. وفي انتظار البترول ...
مودتي
بت الصادق
| |
|
|
|
|
|
|
|
|
|
Re: سنة أولى بورد .. بوست في شكل عيد ميلاد (Re: معتصم دفع الله)
|
حمور كل سنة وانت بخير :
من المقلوب سوف احكي عن تجاربي في الدخول الي بوستاتك، إبتدأت معرفتي بكتاباتك من خلال قصة جميلة
وان كنت قد نسيت العنوان ولكن كانت تحكي عن سفر لك مع امك الي شيخ (صوفي ) المهم هذه القصة اعجبتني جداً لدرجة اني عملت ليك distribution سوف اطالبك بحقي نقداً000 حق الدعاية القوية خارج المنبر
وداخله...
| |
|
|
|
|
|
|
| |
حمور زيادة
ALazhary2
محمد أبوالعزائم أبوالريش
naeem ali
حيدر حسن ميرغني
طارق جبريل
عمر التوم
عبدالوهاب علي الحاج
AnwarKing
محمد عبد الماجد الصايم
وجن
Muna Khugali
ناصر احمد الامين
Haydar Badawi Sadig
محمد البشرى الخضر
زينب بدر الدين
Hussein Mallasi
جعفر محي الدين
العوض المسلمي
الصادق عوض
عفاف الصادق بابكر
Siham Elmugammar
وليد محمد المبارك
nadus2000
قيقراوي
Hani Arabi Mohamed
محمد عبدالله مختار
مهيرة
Amjed
الطيب رحمه قريمان
أيزابيلا
ombadda
heba Elmahi
Alsa7afa_30
omer osman
هند محمد
معتصم دفع الله
ibrahim alnimma
فيس بوك
تويتر
انستقرام
يوتيوب
بنتيريست