|
|
|
 Re: حمور زيادة يخدش الحياء العام (Re: معتصم الطاهر)
|
Quote: حمور زيادة يخدش الحياء العام
على زمة المجلس الاعلى للصحافة و المطبوعات
|
لأن الكتاب الأميين
لا يقرأون ،
وإن قرأوا ،
لايفهمون ما يقرأون،
وإن فهموا بعضاً منه،
ظنوا بأنفسهم الظنون،
يكاد الواحد منهم أن يقول:
""خذوني".
تحياتي لهذا المندغ الغظبم.
تحياتي
| |
 
|
|
|
|
|
|
|
|
Re: حمور زيادة يخدش الحياء العام (Re: بله محمد الفاضل)
|
Quote: نشر حمور قصته اعلاه (ولاء لم تعد تضحك) في الملف الثقافي الذي يشرف عليه بجريدة الاخبار الخميس الماضي
فقرر المجلس اىلاعلى للصحافة و المطبوعات
ان الحياء العام قد خدش
|
أمجد ما تدينا الموضوع بالقطاره !
المجلس الليلت الصحافة و المطبوعات ده عمل شنو ؟! طلع بيان ؟! فتح بلاغ ؟!
الشي البهمني في الموضوع ده ، إنو حمور ده أنا مكلفو يعمل لي حاجات بتطلب وجودو خارج السجن ، فبالله ما يحبسو ، لكن لو دايرين يجلدو ولا يعذبو و يرجعو البيت مافي مشكله ! المهم ما يحبسو !!!
| |
|
|
|
|
|
|
|
|
|
Re: حمور زيادة يخدش الحياء العام (Re: أمين محمد سليمان)
|
| Quote: إنو حمور ده أنا مكلفو يعمل لي حاجات بتطلب وجودو خارج السجن ، فبالله ما يحبسو |
ياخال مواضيعك انا بقضيها ليك احسن من حمور
بالله خليهم يحبسو دايرين نتضامن ياخ.. طولنا ما اتضامنا لينا مع زول
___
الموضوع لسه في طور صياغة الاتهام
| |
|
|
|
|
|
|
|
|
|
Re: حمور زيادة يخدش الحياء العام (Re: MOHAMMED ELSHEIKH)
|
شكرا لصديقي أمجد و ضيوفه ..
كما قال أمجد فإن اتصالا من وحدة الرصد و المتابعة ورد للصحيفة يقول أنهم رصدوا " عبارات خادشة للحياء " في قصة ولاء لم تعد تضحك.
و بحسب ما أبلغتني ادارة الصحيفة فإنهم سيبعثون بطلب حضور رسمي بهذا الشأن.
حقيقة مازلت أظن أن في الأمر خطأ أو اني لم احسن فهم ما أخبروني به في الصحيفة.
فبحسب تقييمي قد كنت حاولت أن أكتب القصة بأكبر قدر ممكن من الألفاظ الغير نابية تقديرا لرغبتي في أن تكون قصة " اسرية " لا يخجل أحد من قراءة كلمة فيها لتصل رسالتها الى عدد أكبر من القراء.
و قد كنت نشرت القصة سابقا هنا في الرابط الذي وضعه أمجد مشكورا و تداخل عدد كبير من الأعضاء و لم أظن أنها خدشت حياء أحدهم رجالا و نساء.
عموما لا أدري هل هذا الأمر خطر أم هو هين !!
فبعض من علموا به ينظرون لي في حسرة و قلق و يطلبون مني أن أتصبّر .. فأعدهم.
و البعض يضحك و يطلبون مني أن لا أهتم .. فأعدهم.
لكني كما قلت ، مازلت أظن أن في الأمر خطأ ما.
فمن الصعب أن اصدق أن هذه القصة - بدلا عن أن تحرك الشعور العام - خدشت حياء المجتمع.
و مازلت اترقب مقبل الأيام.
ـــــــــــــــــــ
الخال أمين .. ياخ انت اختك دي رضعتني موية مطرة ؟
ياخ مش تقيف مع ود اختك غلطان او ما غلطان ؟
ديل شنو خيلان المضرة الما عندهم محنّة ديل.
| |
|
|
|
|
|
|
|
|
|
Re: حمور زيادة يخدش الحياء العام (Re: Amjed)
|
معقول هى الحكاية وصلت للدرجة دى؟
هل يمكن لانسان مثل الأخ حمور أن يخدش الحياء العام؟
أم هى تصفية حسابات مع الأخ المبدع حمور؟
على العموم نحن أيضاً منتظرين
ومن هسع متضامنين وجاهزين للدفاع عن أخونا حمور
الأخ حمور قلم مبدع وانسان شفاف نكن له كل الحب والتقدير
| |
|
|
|
|
|
|
|
|
|
Re: حمور زيادة يخدش الحياء العام (Re: حسن حماد محمد)
|
القارئي الكريم
هل مهمة الكاتب والمجلس المعني هي توقير "الحياء العام" أو هي ترقيته وتثقيفه؟
ما رأيهم في الشجن الجنسي في كثير من القصص والروايات والمجلات والأفلام والمسلسلات العربية والغربية.
الحياء العام يتعفن ويتلف بكثرة التكتيم والغتغتة وقليل من الهواء الطلق ينعش الروح الإنسانية أفضل من ألف حجاب وأحسن من ألف مكيف هواء.
وللنقاد والقراء كل التقدير .
| |
|
|
|
|
|
|
|
|
 Re: حمور زيادة يخدش الحياء العام (Re: Al-Mansour Jaafar)
|
رعي الحياء العام مطلوب من السلطان في مواضيع كثيرة منها:
المياه
الكهرباء
السكن
التعليم
الصحة
المواصلات
الزراعة
الصناعة
التعدين
التجارة الخارجية
العدالةفي تقسيم الموارد بين المركز والأقاليم
مكافحة الفساد
إجراء العدالة السياسية والقضائيةفي مسائل رئيسة مثل إنقلاب يونيو 1989 وعملية قمع الأحزاب والنقابات، وعمليات التعذيب والفصل العسفي، والفساد التجاري والإداري، وحملات الجهادالجائر وحرق القرى في انحاء السودان، وضرب الطلاب بالسياط وبالرصاص والتعدي على حقوقهم الأكاديمية والنقابية، التعدي على النساء العاملات، حرق القرى في دارفور، التفريط في السيادة الوطنية، التعدي على حرية النشر ..إلخ.
فإن لم يكن للسلطان والدولة حياء لإقامة العدل في هذه الأمور فمن الأنسب ألا تتناول قلم شاب مبدع ناشد للجمال بالتكريه والتعويق وهو يضيف جمالاً إلى الذوق السوداني، الذي تفسده الدولة وتجرحه كل يوم بأكاذيبها ونفاقها.
ولكم التقدير
| |
|
|
|
|
|
|
|
|
|
Re: حمور زيادة يخدش الحياء العام (Re: Dania Elmaki)
|
Quote: الخال أمين .. ياخ انت اختك دي رضعتني موية مطرة ؟
ياخ مش تقيف مع ود اختك غلطان او ما غلطان ؟
ديل شنو خيلان المضرة الما عندهم محنّة ديل. |
والله يا حمور المحنه راقده بالكوم ، لكن قصه اقيف معاك ضد الحكومه دي شويه صعبه ! الناس ديل يا حمور ما بخافو الله و الما بخاف الله خاف منو .
أمشي قابل الناس دي و أنا بقرا ليك ( يس ) و وصيتي ليك لو أدوك خيارات ما تختار الحبس !!
| |
|
|
|
|
|
|
|
|
 Re: حمور زيادة يخدش الحياء العام (Re: أمين محمد سليمان)
|
أنا بكامل وعيِّ وقواي العقليَّة أقف كتفاً بكتفٍ مع الشعور العام المخدوش أو من يمثله، وبهذا أعطي الشخص الهمام الذي سوف يمتثل الزميل الكاتب حمور زيادة امامه، أن يمثلني في عريضة الإتهام وأن يأخذ مستحقاتي كمتضررٍ نفسياً جراء تلك الكتابات "الشاحدة للخياء"..
____
عشان تاني تعمّل لي فِلتّر!
| |
|
|
|
|
|
|
|
|
|
Re: حمور زيادة يخدش الحياء العام (Re: وليد محمد المبارك)
|
والله يا حمور قريتها بقلب الاب صدقني قلبي رجف وخصوصاً انه نحن في بلد فيها مليون جنس، الولد تخاف ترسله الدكان.
الدنيا لم تعد كما كانت والناس تغيرت انفسهاوالاخلاق انحطت الي درجة مخيفة.
بس انت غلطان ما مفروض توعي الناس وتنبههم لمثل هذه الاخطار خليهم في عماهم .
بالله يا جماعة لو حمور بقصته التحذيرية دي خدش الحياء العام (الاتقياء) البيزنوا في نص نهار رمضان بيكونوا عملوا للحياء العام شنو؟
| |
|
|
|
|
|
|
|
|
|
Re: حمور زيادة يخدش الحياء العام (Re: Al-Mansour Jaafar)
|
Quote:
ولاء لم تكن تعلم أن عائلة الخالة عواطف سافرت قبل أيام لعزاء في مدينة بعيدة.
حامد ابن أخت الخالة عواطف جاء ليقيم في البيت ريثما يعود أصحابه |
القصة في منتهى الزوق والأدب وليس فيها خدش للحياء العام
بس الجماعة ديل أكيد شافوا نفسهم في (حامد)
وشافوا الوطن في ولاء
وإلاّ ما كان جقلبوا كده
| |
|
|
|
|
|
|
|
|
|
Re: حمور زيادة يخدش الحياء العام (Re: Elawad Eltayeb)
|
يا حمور .. انا زماااان نصحتك وقلت ليك بلاش الحركات دي
اهو كلامي جا في محلو .. دايما كلام القصير ما بنسمع في البلد دي (منو القال انا قصيرة هسي)
ناس الصحافة والمطبوعات ديل رهيفين وما بستحملو قلمك المسنون دة ياخي
اهو هسي انت اتسببت في خدش حياءهم .. بالله امسك ليك اقرب حجر وحاول خفف من حدة سن القلم
ولا اقول ليك ارميهو أحسن ... ما يجو بعدين يمسكوهو في يدك ويبقى معروضات ودليل دامغ ضدك
غايتو للضمان كدة .. ما حاتضامن معاك تضامن كامل .. لحدي ما نشوف آخرتا
والدور يمكن يلف ويدور علينا .. فنص ليك ونص ليهم .. لحفظ التوازن وكدة
وياناس الصحافة والمطبوعات .. الجاتكم في حياءكم سامحتكم
| |
|
|
|
|
|
|
|
|
|
Re: حمور زيادة يخدش الحياء العام (Re: نهلة محكر)
|
حمور الصراحه هذه القصة لا تخدش و تجرح في مقتل الحياء الخاص لاي مريض نفسي
اذا خدشت هذه القصة الحياء العام فاتمني ان اري الحياء العام مزبوحا من الوريد الي الوريد
________________________________________________________________________________
اول مره اعرف انو ناس الصحافه و المطبوعات عندهم موظفين يعملوا كمجسات للحياء العام
| |
|
|
|
|
|
|
|
|
|
Re: حمور زيادة يخدش الحياء العام (Re: وليد محمد المبارك)
|
حمور وامجد
زمان كنا كواكب يعني ناس بنجي قلمنا فاضي بتاع الحبر ونقعد نشحد في الباب جيب نقطة جيب نقطة لحدي ما يكون عندنا اكتر من غيرنا حبر .....
المهم عليك الله حبرك بالتكتب بيهو دا وبخدش وما عارف شنو نقط منو لينا هنا في البورد دا عشان الحكاية كان جابت ليها جلد ما بتحلك الا لبادة بتاعت لستك
يعني السيلكون ما كفاية باقي لي الشباب كان مبدع زمان لمن يجي يزوق من الجلد هش بقت كروت توزعها بتتعب كل جبان .
طبعا كواكب = شحادين
لبادة = قطعة قماش او لستك تحميك من السوط عند اسفل الظهر وكتبنا الظهر حتي لا نخدش الحياء .توضع تحت الرداء الكاكي ولديها ربطة معينة ويجب ان تكون كاتم صوت حتي لا تكتشف بواسطة الاستاذ ،،،
اي كلام تاني ارجعوا مصطلح خدش الحياء العام البكتب فوقوا حمور دا ....
اسمع البوليس ح يحلف يقول شاف شنو المرة دي ,,,,
عندك حصانة ولا لا ؟؟؟
| |
|
|
|
|
|
|
|
|
|
Re: حمور زيادة يخدش الحياء العام (Re: طارق مصطفى)
|
محمد إبراهيم و مجدي و القريش و من لف لفهم :
المثل السوداني بيقول (كان الحكومه زعلت من ود أختك ، أزعل منو ) ! غايتو ( يس ) بنقرأها ليهو لكن (التضامن) و الكلام البزعل الحكومه ده : يسمو !!
| |
|
|
|
|
|
|
|
|
|
Re: حمور زيادة يخدش الحياء العام (Re: محمد الطيب يوسف)
|
ما كلمتونا
خدش الحياء العام !! كيف ؟؟؟
يعني جاء بدبى ومعاهو مطوة !
ولا خنجر !!
وخدش الحياء العام ؟؟
وهو زاتو لقى الحياء العام وين ؟
وليه الحياء العام ده ما اشتكى من زمان ؟
والحياء العام ده
اخو الحياء الغرق؟؟
هذه الأسئلة وغيرها نريد اجابات لها
مش ممكن يكون الحياء العام ده اشاعة ؟؟؟؟
| |
|
|
|
|
|
|
|
|
|
Re: حمور زيادة يخدش الحياء العام (Re: محمد سنى دفع الله)
|
كنت عايز أتضامن معاك يا حمورة
لكن أسئلة أستاذنا محمد السني الفوق رأسي دي خلتني أغير رأي عشان أتأكد
بس أنا كنت قريت القصة ورجعت هسع فتشت الحياء العام بتاعي قلت ربما يكون قد خدش في مكان ما
للحقيقة والتاريخ لم أجد أي خدش
وبناءً عليه أبرئ حمور زيادة من خدش الحياء العام
| |
|
|
|
|
|
|
|
|
|
Re: حمور زيادة يخدش الحياء العام (Re: مؤيد شريف)
|
صديقي ثامر اليامي من السعودية
يعلن كامل تضامنه مع حمور زيادة من على البعد
كتب ثامر بعد قراءته للقصة هذه الكلمات :
أين العزاء !! ... ماذا اقول وخاطري يبكي ولاء ...
أين السلام ... والنور ينشج تحت طغيان الظلام ...
ماتت ملاك الله في أرض العباد ... مات الوداد ... مات الحياء ...
ماتت ترانيم الكنائس ... وأستشهدت كل المآذن ...
والكل بائس والكل خائن ... والكل من كلٍ برااء ...
ماذا أقول ... والبعض من بعضي خجول ...
والعيش عهرٌ وبغاااء ... بعدما غابت ولاااء :(
ثامر اليامي متضامناً مع حمور زيادة
| |
|
|
|
|
|
|
|
|
|
Re: حمور زيادة يخدش الحياء العام (Re: ALazhary2)
|
| Quote: الرائع أمجد : والله كنت قايلك بتهظر لغاية ما قريت مداخلة حمور |
الولد الما رائع امجد والله انا ذاتى كنت قايلاك بتهظر و ما دخلت البوست من عنوانو قايلاها
تدويرا وقلت اشوف الحاصل شنو لما المزاج يروق
اها قام حمور رسل لى مسج مع الناس برضو ما صدقت
قلت الولد ده تكون عجبتو قصة لبنى والا شنو؟؟؟
ويكون حارى ليهو منفعة؟؟!!!! او كما قال
فى انتظار حمور يجى يورينا الحصل شنو فى التحقيق
وحتى ذلك الوقت على ملاسى ان يتحقق من شغلونا والا ح يشغلونا بقضية حمور
| |
|
|
|
|
|
|
|
|
|
Re: حمور زيادة يخدش الحياء العام (Re: سيف النصر محي الدين محمد أحمد)
|
أولاً انا مع الدكتورة "أمانى الأمين" ... متضامنة مع "حمور زيادة" كانت؛ أو شاجبة لخدشه للحياء العام ...
ثانياً أدعو زميل المنبر والصديق "عبدالفتاح عرمان" ليفتينا فى المسألة (بما أنه من الذين ناضلوا فى إجازة قانون الصحافة الحالى، ونالت الصيغة النهائية قدر كبير من رضاه، وليس الرضا التام) ..
هل يا أستاذ عبدالفتاح ... مسألة "خدش الحياء العام" هذه وردت فى القانون الجديد بالصيغة المطروحة فى قضية الأخ "حمّور زيادة" هذه؟
بالنسبة للحياء العام نفسه ... فننصحه بالبحث عن "لزقة" ... قبل أن تستشرى الإلتهابات!
... المهم ...
| |
|
|
|
|
|
|
|
|
|
Re: حمور زيادة يخدش الحياء العام (Re: Hussein Mallasi)
|
الاعنية دى جات مارقة كده
أدوها لى زول فايق يغنيها ..اللحن أى لحن بنقع
ان شا الله تعجبكم
والى الاغنية:
حياءالناس ما بعرفو
وانا حيائى بس مخدوووش
--------------
-----------
الناس تاكل السلطة
وتحلى بالباسطة
وانا آكل القرقوووش
----------
الناس كلها بتبنى
وبتزرع وبتجنى
والنحنا اوضة وحووووش
--------------
الناس عندهم صحة
دوا ومصل ومصحة
وهنا البا....عوض عنكووووش
------------
الناس بتدلع اطفالها
احبابا وعيالا
والنحنا بالخرطووووش
-------------
الناس بتقدس الزوجة
وبتصلح العوجة
وهنا تمشى بالبرطووووش
------------
الدنيا حرية
وكرامة شخصية
وأنحنا فى يد قوووووش
-----------
الناس عندها شوارع
تخطيط مدن بارع
وهنا المطر بس توووش
-----------
انا بس حيائى مخدوش
ناقص لسان وقروش
انا بس حيائى مخدوش
الليلة بالبرطوش
انا بس حيائى مخدوش
المطر ة تدخل توووش
انا بس حيائى مخدوش
الليلة فى يد قوووش
واللابس الطربوش
انا هوى حيائى مخدوش
بدل العنب قرقوووش
والبا~ أعوض عنكووووش
( الجزء الاخير ده للكسرة)
| |
|
|
|
|
|
|
| |
Amjed
معتصم الطاهر
حامد محمد حامد
محمد يوسف الزين
على محمد على بشير
أمين محمد سليمان
د.محمد بابكر
أبو ساندرا
بله محمد الفاضل
عبدالوهاب علي الحاج
Faisal Elrasheed
عبدالعزيز الفاضلابى
MOHAMMED ELSHEIKH
حمور زيادة
حسن حماد محمد
Dania Elmaki
Yassir Tayfour
محمد إبراهيم علي
وليد محمد المبارك
كمال حسن
فايزودالقاضي
مجدي عبدالرحيم فضل
محمد أبوالعزائم أبوالريش
محمد عمر الفكي
محمد عبدالله مختار
معتز القريش
نهلة محكر
rosemen osman
أحمد ابراهيم عثمان
معتز تروتسكى
الفاتح سليمان
baha eassa
Bashasha
محمد سنى دفع الله
جعفر محي الدين
Hussein Mallasi
ALazhary2
Siham Elmugammar
تبارك شيخ الدين جبريل
سعد مدني
Tumadir
ممدوح أبارو
AnwarKing
معتصم دفع الله
فيس بوك
تويتر
انستقرام
يوتيوب
بنتيريست