دعواتكم لزميلنا المفكر د.الباقر العفيف بالشفاء العاجل
|
|
 جانا "حرامي" سنونو صُفر .. "سرق" الناقة و الشنقاقة
|
قبل عشرة أيام تقريباً حدثني قريبي ضابط الشرطة أن "كشات" ضخمة قد حدثت للباعة الجالين و تم منعهم من البيع.
بينما كنت اتحسر على هؤلاء المساكين لفت محدثي انتباهي الى أمر آخر مهم بالنسبة له كرجل أمن.
قال ان ذلك سيؤدي الى زيادة نسبة الجريمة لأن أغلب الباعة هم من اصحاب السوابق الذين سيعودون الى الجريمة حال قفل باب الرزق الحلال امامهم.
دار بيننا حوار لطيف و نحن نشرب شاي المغرب حول هذا الأمر ثم نسيته تماما قبل أن يذكرني له الأخ الحرامي بنفسه في اليومين الماضيين.
|
|
 
|
|
|
|
|
|
|
|
Re: جانا "حرامي" سنونو صُفر .. "سرق" الناقة و الشنقاقة (Re: حمور زيادة)
|
بالنسبة لشخص مثلي نشأ في ام درمان القديمة فان مربع سبعة بالحلفايا الذي اسكن به هو حي آمن جداً ..
في ام درمان اعتدنا على نداءات الليل ..
حرامي ي ي ي ي ي
بعدها يخرج رجال و شباب الحي الى الطريق لمطاردة اللص الذي غالبا ما يكون متخففا من ثياب الدنيا الفانية مكتفياً بما يستر عورته فقط داهنا جسده بمادة زيتية تجعله لزجا و لامعا معاً.
في الحلفايا اترك سياراتي احيانا خارج المنزل لعدة ليالي.
بل كنت انسى ان اغلقها حسب عقلي السارح دوما.
لكن الامور اختلفت في اليومين السابقين.
| |
|
|
|
|
|
|
|
|
|
Re: جانا "حرامي" سنونو صُفر .. "سرق" الناقة و الشنقاقة (Re: حمور زيادة)
|
و طنين النوم يدوي في رأسي و بعض احلام ليلتي معلق بعينيّ سمعت امي تتحدث عن بيتنا.
لم استوعب كلامها جيدا.
فسنوات الامان جعلتني اظن ان زيارة الحرامي هي شئ يحدث للاخرين فقط.
جيرانك هم من يغشاهم اللصوص.
و علاقتك بالامر أنك تسمع حكاياتهم و تزورهم لتقول لهم كفارة و تصر أن " الجاتكم في مالكم سامحتكم "
فلماذا تتحدث امي عن بيتنا ؟
| |
|
|
|
|
|
|
|
|
|
Re: جانا "حرامي" سنونو صُفر .. "سرق" الناقة و الشنقاقة (Re: حمور زيادة)
|
حين خرجت الى الحوش فوجئت بشبك الحديد الخارجي لشباك الصالون منزوعا من مكانه.
لقد استمتع الاخ الحرامي بوقته جدا.
قام بكسر الحائط ليخرج الشبك من مكانه.
لكنه لسبب ما عجز عن كسر الشباك.
و انا اشكره جدا على رأفته هذه لأن شباك الالمونيوم غالي جدا .. فلابد أنه شخص رقيق المشاعر فضل ان يترك السرقة بدلا عن كسر شباك الالمونيوم.
| |
|
|
|
|
|
|
|
|
|
Re: جانا "حرامي" سنونو صُفر .. "سرق" الناقة و الشنقاقة (Re: حمور زيادة)
|
شكري له لا يعني أن اتجاوز تعجبي لأنه ترك طرقا اسهل لدخول المنزل ليختار بدلا منها محاولة الدخول عبر الشباك بكسر شبك الحديد.
كان يمكنه أن .......
أو أن .....
معزرة أني لم املأ النقاط . تقدرون طبعا حساسية الامر فلا استطيع ان اكتب في شبكة الانترنت في واحدة من اشهر المواقع السودانية الطرق المتاحة لدخول منزلي.
لا احد يدعوا الفئران الى بيته كما يقال.
و لو شرحت لكم بالتفصيل فستكون دعوة مفتوحة للاخوة اللصوص للمحاولة.
فربما كان اللصوص في هذا الزمن الاغبر يستخدمون الانترنت .. من يدري ؟
| |
|
|
|
|
|
|
|
|
|
Re: جانا "حرامي" سنونو صُفر .. "سرق" الناقة و الشنقاقة (Re: حمور زيادة)
|
انتهى حادث اليوم الاول بهذه القصة التي قدرت أنها ستصبح مادة لطيفة للسمر و الونسة في مقبل الايام.
أصبح عندي حكاية احكيها كلما ذكر الناس اللصوص.
ما ان تأتي السيرة حتى انجعص و اقول :
ياخ نحنا جانا يومداك حرامي كسر القرل بتاع الصالون... الخ الخ
و افتن في حكاية ما حدث كل مرة بطريقة لاحافظ على اهتمام السامعين.
اخشى من ان اسمع يوما عبارة :
ياخ ما عندك غير قصتك الفرماله دي ؟
سانتحر اذا جاء هذا اليوم.
لذلك نويت أن لا احكي لاحد قصة الحرامي قبل ان اجد لها الاسلوب المناسب.
هذا بمثابة اعتذار للاخوة ناجي الملك و طارق مصطفى ( الضيف الوجيه ) و ماجد معالي أني لم اخبرهم بهذه القصة أمس.
| |
|
|
|
|
|
|
|
|
|
Re: جانا "حرامي" سنونو صُفر .. "سرق" الناقة و الشنقاقة (Re: حمور زيادة)
|
لكن ما حدث أمس هو أمر بغيض بكل المقاييس.
أمس ليلا تفضل الاخ الحرامي بزيارتنا مرة أخرى.
يبدو أن ادروب ولوف كما تقول النكتة.
او ان كبرياء الحارمي المهني لم يقبل ان يزور بيتنا و لا يسرق فقام بزيارتنا مرة اخرى ليدافع عن سمعته.
بالامس قام الاخ بزيارتنا زيارة موفقة جدا بالنسبة له.
حزينة للغاية بالنسبة لي.
| |
|
|
|
|
|
|
|
|
|
Re: جانا "حرامي" سنونو صُفر .. "سرق" الناقة و الشنقاقة (Re: حمور زيادة)
|
أمس توجه الاخ الحرامي الى غرفة مكتبتي مباشرة.
و هي الغرفة التي لا اغلق بابها بالمفتاح ظنا مني ان اللص الذي يسرق الكتب هو لص يستحق ذلك.
فأن تقفز في منتصف الليل الى بيت لتسرق منه مجموعة كتب الطيب صالح فان هذه مغامرة لا يقوم بها كثيرون هذا الزمن.
لذلك لم اكن اهتم باغلاق المكتبة على اساس ان ما يوجد بها لا يهم احدا غيري.
لكني نسيت ان هناك اشياء صغيرة مهمة اتركها احيانا هناك.
و قد كان الاخ الحرامي محظوظا فوجدها.
| |
|
|
|
|
|
|
|
|
|
Re: جانا "حرامي" سنونو صُفر .. "سرق" الناقة و الشنقاقة (Re: حمور زيادة)
|
غزوة الاخ الحرامي للمكتبة افادته غنائم جيدة.
فأولا حصل على كاميرتي الديجتال ذات التمنية ميجابيكسل التي احضرتها من مصر العام الماضي.
بهذا اشير للاخ سفيان نابري و الاخ ياسر هارون و الاخ عبد الواحد ابراهيم و الاخ حسن بركية أن صورهم بطرف الاخ الحرامي.
كما حصل على ولاعتين مذهبتين قيمة الواحدة منهما خمسين جنيه مصري.
ما اثار غيظي أنه قام بتجربة الولاعات فترك لي الثالثة التي لا تعمل.
كما اخذ مشكورا جلابية و ثلاثة قمصان لم احزن عليهم جميعا بقدر حزني على القميص البنفسجي الذي يجعلني فاتنا.
ان لهذا القميص ذكريات خاصة معي .. كما ان له سحرا خاصا جربته كثيرا.
ان جاذبتي للفتيات ستنقص كثيرا بعد فقدي لهذا القميص.
| |
|
|
|
|
|
|
|
|
|
Re: جانا "حرامي" سنونو صُفر .. "سرق" الناقة و الشنقاقة (Re: حمور زيادة)
|
اللطيف ان الاخ تصفح بعض كتب المكتبة.
و يبدو أن له اعجابا خاصا بالسيد شكسبير. و الا كيف تفسر لي أنه انزل مجموعة كتب شكسبير و وضعها على الارض ؟ بل اني وجدت مسرحية يوليوس قيصر مفتوحة على الصفحة السابعة.
هل تظنون أنه سيعود ليواصل القراءة ؟
ان المسرحية مطبوعة في اكثر من مئة صفحة.
سيحتاج لأن يكرر زياراته اكثر من عشر مرات لينتهي منها كلها ان كان يقرأ سبعة صفحات في السرقة .. اقصد في الليلة.
| |
|
|
|
|
|
|
|
|
|
Re: جانا "حرامي" سنونو صُفر .. "سرق" الناقة و الشنقاقة (Re: حمور زيادة)
|
طبعا لجأت سريعا الى قريبي الشرطي.
اتصلت به هائجا و انا ارغي و ازبد .. لقد جروء اللص ان يسير فوق موكيت مكتبتي فدنسها.. لابد أن ارى بعض الرؤوس تقطع انتقاما.
اني اريد الدم.
كان قريبي واضحا جدا.
نبهني - لأنه يعرف علاقتي - أن اقرب الجيران لي الذين هم غفراء في منزل م يكتمل بعد سيكونون اول المتهمين.
قلت له ان هذا امر مستبعد جدا بالنسبة لي.
قال انه يعرف هذا و يفهمه.
لكن المتحري لن يرى رأيي. و رجال الشرطة سيعتبرونهم اول المتهمين و سيأخذونهم الى القسم لاستجوابهم.
طبعا كلنا نعرف ان لفظة الاستجواب هي طريقة لطيفة لقول : سيضربونهم حتى يظهر لهم صاحب.
الحقيقة ان البوليس يمارس اسلوبا يذكرني دوما بمحاكمة الساحرات في القرون الوسطى.
كانت المتهمة بالسحر تلقى في الماء مقيدة.
ان غرقت فهي بريئة رحم الله روحها.
و ان طفت فهي ساحرة يأخذونها لتحرق.
الشرطة كذلك تأخذ المشتبه فيه و تضربه حتى يقر.ان كان لصا فسيعترف. ان كان بريئا فانها العدالة لابد ان تأخذ بعض الابرياء في مجراها.
| |
|
|
|
|
|
|
|
|
|
Re: جانا "حرامي" سنونو صُفر .. "سرق" الناقة و الشنقاقة (Re: حمور زيادة)
|
الاديب حمور سلام
Quote: كان يمكنه أن .......
أو أن .....
معزرة أني لم املأ النقاط . تقدرون طبعا حساسية الامر فلا استطيع ان اكتب في شبكة الانترنت في واحدة من اشهر المواقع السودانية الطرق المتاحة لدخول منزلي.
لا احد يدعوا الفئران الى بيته كما يقال.
و لو شرحت لكم بالتفصيل فستكون دعوة مفتوحة للاخوة اللصوص للمحاولة.
فربما كان اللصوص في هذا الزمن الاغبر يستخدمون الانترنت .. من يدري ؟ |
بالغت عددددددددددديل !!!!
| |
|
|
|
|
|
|
|
|
|
Re: جانا "حرامي" سنونو صُفر .. "سرق" الناقة و الشنقاقة (Re: حمور زيادة)
|
ازيك يا حمور:
كفاره,,
الوالد عنده مكتبه حائطيه مليئه بالكتب, من كل الأنواع واللغات,
وحافظهم كتاب كتاب, ورصتهم دي زاتها عامله فوق راي..
يعني لو عاين ليها ساكت بعرف الناقص شنو.
وكتبه دي عنده أهم من قميصك البنفسجي زي مليون مره,
يعني لو استلفت (لاحظ استلفت) منه كتاب وما رجعته في وقت مناسب برااااااك جبته لروحك,
بس يوم الوالد لاحظ اختفاء بعض الكتب من المكتبه,
وواصلت الكتب في الاختفاء..
المهم وقفونا ليك طابور زي الترتيب..
قمنا طلعنا براءه نص نص كده (ما كان مقتنع)..
يوم بالصدفه ماشي يتفرج في الكتب الفارشينها في سوق بحري,
لقي الكتب حقته قاااااعده وعليها اهداء كمان (بالثابته)..
طبعا الوالد في كتبه دي ما فيش رحمه, بوليس وتحقيق,
لغاية ما طلع ده الولد الشغال خاتي عينه علي الكتب من زمان..
فاكر الوالد ما حيحس باختفاءهم.
المهم أنا عندي الولد ده عامل فيها ذكي لكن هو فاشل..
بدل مايسحب الكتب, كان يسرق ليه حاجه تنفعه..
بعدها يخرج رجال و شباب الحي الى الطريق لمطاردة اللص الذي غالبا ما يكون متخففا من ثياب الدنيا الفانية مكتفياً بما يستر عورته فقط داهنا جسده بمادة زيتية تجعله لزجا و لامعا معاً.
ماكان في داعي توصف لينا لأنه نحن خوافين وما شفنا حرامي قبل كده,,
شكرا, بوست لذيذ..
| |
|
|
|
|
|
|
|
|
|
Re: جانا "حرامي" سنونو صُفر .. "سرق" الناقة و الشنقاقة (Re: حمور زيادة)
|
حمور،
ما عارفين نقول كفارة للكاميرا و لا الولاعة و لا القميص ؟؟؟
لكن بينى و بينك،
دة شكلو حرامى فاهم،،
قطع شك ما ناس ماريا الغفراء،،،
و دة براهو سبب يخليك تقوى قلبك و تبلغ البوليس،
لكن تقول ليهم قميصى البنفسجى؟؟؟
ياخى اقول ليك شى؟؟
أستعوض الله فى الولاعات ،
و أمشى سوق الحرامية...
تلقى كاميرتك هناك،
تشتريها،
و يا دار ما دخلك شر!!!!!
| Quote: قال ان ذلك سيؤدي الى زيادة نسبة الجريمة لأن أغلب الباعة هم من اصحاب السوابق الذين سيعودون الى الجريمة حال قفل باب الرزق الحلال امامهم |
و تيب؟؟؟؟!!!!
| |
|
|
|
|
|
|
|
|
|
Re: جانا "حرامي" سنونو صُفر .. "سرق" الناقة و الشنقاقة (Re: Hala Hassan)
|
كفاره يا حمور
لمن كنت صغيره كنت فاكره الحرامي ده مخلوق تاني، ما بني ادم زينا،
و علي قدر ما كنت دايره اشوفه، علي قدر ما فكره اني اشوفه كانت بترعبني،
و لو زول قال لي زول بالهظار يا حرامي، كنت بزعل جدا
I still feel/think the same now, but for different reasons
-----------
يا زول متاكد ده ما حمار النوم؟
| |
|
|
|
|
|
|
|
|
|
Re: جانا "حرامي" سنونو صُفر .. "سرق" الناقة و الشنقاقة (Re: أميرة فاروق عبد العال)
|
Quote: كفارة والله يا حمور..
والجاتك في البنفسجي سامحتك.. |
آآخ يا أميرة
ما تتخيلي مصيبتي في القميص البنفسجي دي قدر شنو
تعرفي كان عندي قميص زيو اتقطع بالاكره حقت الباب. مشيت فتشت السوق لحد ما لقيت قميص بنفسجي زيو
بعد فترة المكوة شالتو .. فجبت الاخير الشالو الحرامي ده
مسألة مؤلمة ياخ انك كل مره تفقد قميصك البنفسجي الذي يجعلك فاتنا
| |
|
|
|
|
|
|
|
|
|
Re: جانا "حرامي" سنونو صُفر .. "سرق" الناقة و الشنقاقة (Re: حمور زيادة)
|
كفارة ليك والجاتك في الشباك قطعاً لم تلج الهدف. يا أخي الحراميه هم نتاج وإفراز طبيعي لأمة ما فيها balance وأتمنى أن يظهر لصوص على شاكلة أرسين لوبين يسرقوا من الأغنياء ليعطوا الفقراء – صحيح أنه حتى في أزهي أيام العدالة في التاريخ كان هناك لصوص بس ديل كان بيأخذوا جزاهم العادل لكين واحد يسرق عشان يأكل أو يلبس أو يتعالج أو في حاجة إلى أمس الضرورات ده من حقه يسر ق ورجل الخط يطنش كمان.
سرقة بيتكم كوم وسرقة البلد دوت كوم تاني ، إنتو في البقعة كنتو بتجرو ورا الحرامي لغاية ما نفسو يقوم ويقعد ويمكن تصيبه سكته قلبيه ، أها الحا يجري ورا الجماعه السرقو البلد ديل منو خاصة وأننا لا نملك أحذية جري وما عندنا لياقه بدنيه تؤهلنا للمشاركة في المطاردة عطفاً على فقر الطعام وفقر الدم وفقر التدريب ، بالإضافة إلى إنعدام الوطنية بالقدر الذي يجعل جل المواطنين مشروع حراميه لو أتيحت لهم الفرصة للتسلل.
يا أم حمد
دقي المحلب
في توب أحمد
أحمد غايب
في الركايب
جانا كلب
سنونو صفر
حلب الناقة
في الشنقاقه
كريت يا نويقه
بشجع الهلال ولا المريخ
| |
|
|
|
|
|
|
|
|
|
Re: جانا "حرامي" سنونو صُفر .. "سرق" الناقة و الشنقاقة (Re: baha eassa)
|
Quote: حمور يارائع .. فعلا بالغ الحرامي
شوف القميص دة لو قدرك : |
استاذ بهاء ..
شكرا ليك .. بس مشكلتي ما بحب الفنايل البصور دي حتى لو كانت صورة الرائع جيفارا
ياخ بحس بالزول اللابس هدوم فيها كتابة او صورة زي القاطع ليو صفحة مجلة و لابسا زي هدوم بنات ام لعاب الزمان ديك
السادة احلى منو مافي
| |
|
|
|
|
|
|
|
|
|
Re: جانا "حرامي" سنونو صُفر .. "سرق" الناقة و الشنقاقة (Re: حمور زيادة)
|
حمور الظريف
كلما مررت بالبوست دا بتذكر القميص البنفسجي وأسمع الكلاكلات دي مليانة حرامية
الليلة قلت للمرة دس القميص البنفسجي دا لمن الشتاء دا يفوت
وهي مسكينة صدقت ما عارفة الحاصل شنو ،،انا قلت في سري معناها
في موجة بتاعة سرقة البنفسج الحايم لانو
امكن الطلب عليه زايد خاصة وقميصي دا خامة تركية ممتازة،،،
ودا ما بمنع أتضامن معاك أديك ليه شدة شدتين ياحمور زي ما كنا بنشد الايام الخوالي
| |
|
|
|
|
|
|
|
|
|
Re: جانا "حرامي" سنونو صُفر .. "سرق" الناقة و الشنقاقة (Re: ياسر الامير ابوجكة)
|
في ايام البرد القارس ياحمور ، نهاية الاسبوع ، يوم خميس قبل أكتر من سنتين
جا حرامي لي جيرانا وجيرانا بالحيطة كمان
وفي نفس الحي الإنت ساكن فيهو دة وكانت الساعة 2:30 صباحاً تقريباً
ولسؤ حظ الحرامي كانو شباب الحلة كلهم متعودين على السهر يوم الخميس في المسطبة القدام بيت جيرانا ..
ونسة وضحك ، ضحك ونسة .. وعدم موضوع ..
الحرامي تلب بالحيطة الخلفية للمنزل والجماعة ماكانو شايفينو ..
لكـن بعد 4 دقائق سمعت خالتنا اميرة الكانت صاحية
سمعت ليك صوت "تلُب" في حوش البيت ..
وطوالي فكت ليك الصرخة والكواريك .. حراااامييي .. حراممييي .. حرامييي .. الحقونا ..
سمعت ليك ناس الحلة كلهم ..
بعد الكورايك دي الحرامي ركبتو ليك خلعة قوية جداً
لحدي ما جا طالع قدام الشباب في المسطبة ..
فكان موضوع ممتع بالنسبة لشباب الحلة الفاقدين مواضيع ..
واي زول فيهم فرغ ليك زعلو ومشاكلو في الحرامي المسكين دة ..
سكو ليك الحرامي دة خمسة ... جابو ليك في دقيقة ..
وتعال شوف البرنامج ..
جيبو الحبل ..
وياتو عامود نربطو ..
والموية الباردة ..
والشطة ..
والحرامي ما إتعشا ..
وايييك
غوانتنامو كان ارحم ..
لكن من اليوم داك ماجانا حرامي ، ولا أظن ح يجي حرامي لي حلتنا تاني ..
 
| |
|
|
|
|
|
|
|
|
|
Re: جانا "حرامي" سنونو صُفر .. "سرق" الناقة و الشنقاقة (Re: هشام الطيب)
|
يا حمور الجاتك فى قميصك سامحتك ..
ذكرتنى أيام الشباب كنا بنلبس القمصان الأفريقية كلها شجر وورد .. خالنا رحمه الله كان ساكن معانا .. كل ما يشوفنى يضحك بصوت عالى ويقول لى "قميصك فيه وردة" زى الإكتشفا بالصدفة .. يوم جا الحرامى النتن لما حبل الغسيل كله عدا قمصانى .. وكان يوم الخال بقى .. يضحك اليوم كله ويقول لى "الحرامى أباهم"
حكى ممتع ياخ .. يا "حمور" .. عشان تانى ما تزنقنى فى هفوة كى بورد ولا فلقة حيمورة
إستمتعت بالونسة معاك ياخ لكن قرضت لى كرت أسبوع ..
| |
|
|
|
|
|
|
|
|
|
Re: جانا "حرامي" سنونو صُفر .. "سرق" الناقة و الشنقاقة (Re: هشام الطيب)
|
Quote: في ايام البرد القارس ياحمور ، نهاية الاسبوع ، يوم خميس قبل أكتر من سنتين
جا حرامي لي جيرانا وجيرانا بالحيطة كمان
وفي نفس الحي الإنت ساكن فيهو دة وكانت الساعة 2:30 صباحاً تقريباً
ولسؤ حظ الحرامي كانو شباب الحلة كلهم متعودين على السهر يوم الخميس في المسطبة القدام بيت جيرانا ..
ونسة وضحك ، ضحك ونسة .. وعدم موضوع ..
الحرامي تلب بالحيطة الخلفية للمنزل والجماعة ماكانو شايفينو ..
لكـن بعد 4 دقائق سمعت خالتنا اميرة الكانت صاحية
سمعت ليك صوت "تلُب" في حوش البيت ..
وطوالي فكت ليك الصرخة والكواريك .. حراااامييي .. حراممييي .. حرامييي .. الحقونا ..
سمعت ليك ناس الحلة كلهم ..
بعد الكورايك دي الحرامي ركبتو ليك خلعة قوية جداً
لحدي ما جا طالع قدام الشباب في المسطبة ..
فكان موضوع ممتع بالنسبة لشباب الحلة الفاقدين مواضيع ..
واي زول فيهم فرغ ليك زعلو ومشاكلو في الحرامي المسكين دة ..
سكو ليك الحرامي دة خمسة ... جابو ليك في دقيقة ..
وتعال شوف البرنامج ..
جيبو الحبل ..
وياتو عامود نربطو ..
والموية الباردة ..
والشطة ..
والحرامي ما إتعشا ..
وايييك
غوانتنامو كان ارحم ..
لكن من اليوم داك ماجانا حرامي ، ولا أظن ح يجي حرامي لي حلتنا تاني ..
|
الشطة لشنو يا هشام ؟ 
| |
|
|
|
|
|
|
|
|
|
Re: جانا "حرامي" سنونو صُفر .. "سرق" الناقة و الشنقاقة (Re: Baha Elhadi)
|
Quote: من زمان داير زول يوريني معني الكلمة دي
حلب الناقة
في الشنقاقه
يعني شنو شنقاقة ؟
هل هي لمجرد القافية ؟
حرقتني أكتر من قميصك |
ازيك يا بهاء طوكيو ..
الشنقاقة عندها معنى طبعا ..
الشنقاقة عند حبوباتنا في الوسط هي يد المفراكة
و في الشمالية الشنقاقة دي الخُمارة
اما الشنقاقة في قصة ام احمد الدقت المحلب فدي شنقاقة اهلنا ناس كردفان .. ده ماعون الحلب ( بيسموهو الكبروس برضو)
| |
|
|
|
|
|
|
|
|
|
Re: جانا "حرامي" سنونو صُفر .. "سرق" الناقة و الشنقاقة (Re: حمور زيادة)
|
العزيز حمور
العمر لزوم الصرخة وكده يعني لو عمرك اقل من ثلاثين ده بيكون صااارخ شديد
لو عمرك اكتر من تلاتين واقل من ا ربعين ده بيكون ليلاك بنفسجي فاتح
لو عمرك اكتر من اربعين واقل من خمسين بيكون بنفسجي قريب للابيض
لو خمسين لحدي ستين يكون بنفسجي بالنية بس
لو اكتر من ستين ما ح نرسل ليك قميص بنفسجي وحقو تغني للحرامي حتى باقي العمر شيلو
تحياتي
زاتوووو
| |
|
|
|
|
|
|
|
|
|
Re: جانا "حرامي" سنونو صُفر .. "سرق" الناقة و الشنقاقة (Re: حمور زيادة)
|
ياود الصائم ،،
مشكلة القميص خلاص حليناها
انت دق سدرك ( صدرك ) ورسل للراجل كاميرا سوني ممكن يتساهل معاك لحدي 7.2 بسكل بدلا من 8 بسكل دي ياود الصائم سعرها بين 600 الى 800 ريال تقريبا ماكتيرة على ا لراجل يستاهل اكتر من كده
ياحمور القميص ح نجيبو ليك جرئ جدا يعني صااارخ للطيش يعني لمن تطلع من البيت ناس الكدرو وام القرى ح يشوفوك صدقني انا جادي في موضوع القميص
تحياتي
زاتوووو
| |
|
|
|
|
|
|
|
|
|
Re: جانا "حرامي" سنونو صُفر .. "سرق" الناقة و الشنقاقة (Re: ALZOLZATOO)
|
انت عارف يا استاذ حمور الحرامي دا لو يوم ساي سمعك بتتونس مع زول كان غير برنامجو دا خلي يقرأ ليك حتة مداخله صحي الما بعرفك يجهلك
بالله واحد ينزل لينا كيف يجهلوك بصوت الراحل المقيم خضر بشير يرحمه الله ولا النور الجيلاني وبشير خضر بشير تضامنا مع حمور
الزول زاتووو
بالله ادفر لينا نفس القميص 4XL or its #####alent , ومعاه واحد اخضر داكن من دكين
| |
|
|
|
|
|
|
|
|
|
Re: جانا "حرامي" سنونو صُفر .. "سرق" الناقة و الشنقاقة (Re: حمور زيادة)
|
سلامتك من الحرامي .. يا حمور ..
إنشاء الله حراميك ده يجيني ..
ويشيل الدايروا .. بعد داك أمسكو ..
عشان أقعدوا في الواطه دي ..
أشوف وجهة نظرو شنو في البقجة الشايله دي ..
أصلي ما عندي غير شوية هديمات قديمات ..
بس بفتح بيهم باب نقاش معاهو ..
أكان أقنعني .. أقول ليهو يا زميل ..
ونمرق ننط سوا ..
وأكان أقنعته ..
برضو نمرق ننط سوا .. بس في الخير ..
والجاتك في مالك سامحتك ..
وأدعو الله أنا ما أفشل في إقناعه ..
عشان المرة الجاية حنجي ناطين ليك نحن الإتنين ..
وسلامتك ..
| |
|
|
|
|
|
|
|
|
|
Re: جانا "حرامي" سنونو صُفر .. "سرق" الناقة و الشنقاقة (Re: mutasim Hameed)
|
حمور فى حلقة مفقودة بين زيارتى الحرامى
المفروض بعد الزيارة الاولى تكون تنبهت للثغرات
الموجودة فى البيت وحاولت تعالجها وكمان مفروض
تكون عملت تحليل لاسلوب الحرامى وعرفت His preferences
وبناء على ذلك تجهز خططك للمواجهة وكان دلوقت
قميصك قاعد فى الدولاب مع اخوانه
الا ان اهمالك لسرد الاحداث مابين الزيارتين يوضح
تقصيرك فى ماكان يجب عليك ولايسعنا فى هذه الحالة
الا ان نهنى الحرامى على هذا الاداء الذى اتى بعد
تخطيط ومثابرة وتجرد
حقيقى امتعنا سردك لحد الندم على عدم قراءة كتاباتك
السابقة
هالة حسن
ماسمعتى من حمور انه الحرامية بقوا بيتصفحوا النت
فى هذا الزمن الاغبر فعليه لو الحرامى شافك بتتحاومى
فى البوستات دى بيحقد عليك وممكن يتكبد مشاق زيارتكم
براحة
| |
|
|
|
|
|
|
|
|
 Re: جانا "حرامي" سنونو صُفر .. "سرق" الناقة و الشنقاقة (Re: احمد التجانى احمد)
|
زاااتوو،
Quote: قوات نظامية يعني
نحن عايز نلم عليك الحبايب
وانتي عايزه تطفشيهم ، اكيد كاتله الجداده وخامه بيضها |
لكن أنا ما كتلت (حاجة)،،
بس قلنا (الليمونى) موضة!!!!
(وش برئ و مسكييين)
لكن ترجع تانى و تقول لى ألبس طقم مع حمور،
نو نو نو نو نو نو.......
أحمد التجانى،
حوالينا ما علينا،،،،
إنت ما شايف أول حاجة أتضامننا مع عمو الحرامى كيف؟؟؟
و شاكلنا حمور كمان،
بشع بالراجل ياخى.....
ال إيه ال؟؟؟
ال اميص بنفسجى ال!!!!
| |
|
|
|
|
|
|
|
|
|
Re: جانا "حرامي" سنونو صُفر .. "سرق" الناقة و الشنقاقة (Re: Hala Hassan)
|
Quote: بشع بالراجل ياخى.....
|
والله ياهالة فعلا الموضوع مابيستاهل
يعنى شنو حتة قميص بنفسجى
وكاميرا 8 ميغا بيكسل بس وكمان من مصر
عمرى ماسمعت لى بكاميرا من مصر
مصر دى سمعنا بيجيبوا منها اباريق البلاستيك
والصبغة وصوانى الفرن وخصوصا للكيك (ام فتحة)
او اى حاجة رديئة الصنع ممكن تجى من هناك
لكن كاميرا دى نو نو نو
وبعدين قال ايه ؟ ولاعات !!! كويس انه شالهم ودة يدل على
احساسه العالى بالمشاكل البيئية وخصوصا
ال Global warming
| |
|
|
|
|
|
|
|
|
|
Re: جانا "حرامي" سنونو صُفر .. "سرق" الناقة و الشنقاقة (Re: احمد التجانى احمد)
|
Quote: حمور فى حلقة مفقودة بين زيارتى الحرامى
المفروض بعد الزيارة الاولى تكون تنبهت للثغرات
الموجودة فى البيت وحاولت تعالجها وكمان مفروض
تكون عملت تحليل لاسلوب الحرامى وعرفت His preferences
وبناء على ذلك تجهز خططك للمواجهة وكان دلوقت
قميصك قاعد فى الدولاب مع اخوانه
|
احمد التجاني انا موقفي كان منطقي جدا ..
مافي حرامي بيطبق الزيارة .. ده حرامي وله حنه ؟
انا افتكرت انو بعد زيارتو الكريمة الأولى خلاص تاني ياخد ليو سبعة تمنيه سنين لحدي ما يقرر يجي تاني
ما كنت قايلو حيتعود
الظاهر سايكلوجيه الحرامية اتغيرت الزمن ده
| |
|
|
|
|
|
|
|
|
|
Re: جانا "حرامي" سنونو صُفر .. "سرق" الناقة و الشنقاقة (Re: mutasim Hameed)
|
الاخ حمور والله سلامات والجاتك في ديغيتالك 8 ميغا بكسل. سامحتك
لكن بيني بينك القميص ما يتعوض
انا جاي السودان يوم 26 فبراير
لمن نتلاقى حاكون لابس القميص بتاعي البنفسجي
تاكيد المعلومة ...دة القميص الوحيد لمن اكون لابسو بسمع تعليق من نوع
القميص دة مبالغة لكن ... لكن ماتقول لي ....
ارسل المقاس
انا مقاس xxxxxxxxxxxxxxxxxxl
انت كم اكس ؟؟
سرد لطيف يا حمور
انا عندي عم وعمة في الحلفايا سلم عليهم
| |
|
|
|
|
|
|
|
|
|
Re: جانا "حرامي" سنونو صُفر .. "سرق" الناقة و الشنقاقة (Re: جمال الباقر)
|
اتاريك يا حمور !!!!!!
وانا اقول الزول ده اختفي من النت مالو يا ربي يكون انتحر
صدق ما لقيت بوستك ده الا عن طريق السيرش
علي العموم كفارة الكاميرا هينة الا القميص البنفسجي صدقني ما بتعوض
اصلو دي حكاية دايرة ليها بوست براو مثلاً لما تلبس زي معين تقوم تقابل زول معين لمن الزول ده يقول بالله البني ادم ده ما عندو غير الهدوم دي
Quote: معزرة أني لم املأ النقاط . تقدرون طبعا حساسية الامر فلا استطيع ان اكتب في شبكة الانترنت في واحدة من اشهر المواقع السودانية الطرق المتاحة لدخول منزلي.
لا احد يدعوا الفئران الى بيته كما يقال.
و لو شرحت لكم بالتفصيل فستكون دعوة مفتوحة للاخوة اللصوص للمحاولة.
فربما كان اللصوص في هذا الزمن الاغبر يستخدمون الانترنت .. من يدري ؟ |
نسيت تقول انو الحرامي ممكن يكون عضو في سودانيز او نلاين او بزور سودانيز اونلاين كتير اصلو سودانيز اونلاين من زيارات الهكر الكتيرة بقت وكر معتبر
| |
|
|
|
|
|
|
|
|
|
Re: جانا "حرامي" سنونو صُفر .. "سرق" الناقة و الشنقاقة (Re: Nazik Eltayeb)
|
| Quote: اصلو دي حكاية دايرة ليها بوست براو مثلاً لما تلبس زي معين تقوم تقابل زول معين لمن الزول ده يقول بالله البني ادم ده ما عندو غير الهدوم دي |
طبعا يا نازك الموضوع ده بيكون شاغل ناس كتار و بيختو ليو بالم شديد .. اما الزول الاروش الزيي ده فعمرو ما ينتبه لانو مشى الحته الفلانيه بياتو قميص او لاقى ناس فلان و هو لابس شنو
مرات بقوم بتذكر لي قميص معين .. امشي افتشو في نص الهدوم .. اقلب الحاجات كلهاو ما القاو .. استغرب .. اقول اكون ملخبط و انا ما عندي قميص زي ده يا ربي ؟ اقوم اجي ماري قدام المراية فاكتشف اني لابس القميص الكنت بفتش عليو
بالنسبة لي يا نازك الهدوم دي اهميتا انو ما نمرق في الشارع عرايا .. بعد داك تتشابه كل الثياب .. طبعا في ما عدا قميصي البنفسجي الذي يجعلني فاتنا .. داك براو طبعا
| |
|
|
|
|
|
|
|
|
|
Re: جانا "حرامي" سنونو صُفر .. "سرق" الناقة و الشنقاقة (Re: mutasim Hameed)
|
Quote: سلامتك من الحرامي .. يا حمور ..
إنشاء الله حراميك ده يجيني ..
ويشيل الدايروا .. بعد داك أمسكو ..
عشان أقعدوا في الواطه دي ..
أشوف وجهة نظرو شنو في البقجة الشايله دي ..
أصلي ما عندي غير شوية هديمات قديمات ..
بس بفتح بيهم باب نقاش معاهو ..
أكان أقنعني .. أقول ليهو يا زميل ..
ونمرق ننط سوا ..
وأكان أقنعته ..
برضو نمرق ننط سوا .. بس في الخير ..
والجاتك في مالك سامحتك ..
وأدعو الله أنا ما أفشل في إقناعه ..
عشان المرة الجاية حنجي ناطين ليك نحن الإتنين ..
وسلامتك .. |
ما عارف ليه ذكرتني نكتة الراجل و الأسد .. لو سكيتني بجري .. لو حصلتني ما بتكالني .. و لو اكلتني انشاالله ما انفعك
| |
|
|
|
|
|
|
| |
حمور زيادة
العوض المسلمي
عمار عبدالله عبدالرحمن
صلاح أبودية
Rihab Khalifa
أميرة فاروق عبد العال
عمر صديق
عبدالوهاب علي الحاج
الملك
baha eassa
معتصم دفع الله
ASHRAF MUSTAFA
Magdi Ahmed Elsheikh
رأفت ميلاد
naeem ali
7abib_alkul
ALZOLZATOO
humida
محمد عبد الماجد الصايم
احمد التجانى احمد
جمال الباقر
Nazik Eltayeb
فيس بوك
تويتر
انستقرام
يوتيوب
بنتيريست