|
دعواتكم لزميلنا المفكر د.الباقر العفيف بالشفاء العاجل
|
|
 Re: اما نحن فلا بواكي لنا (Re: حمور زيادة)
|
كندا
سويسرا
تركيا
السعودية
الكويت
البحرين
امريكا
اليابان
لبنان
و غيرهم ..
تفرغت بعثاتهم الدبلوماسية للاطمئنان على رعاياهم في مصر ..
وخصصوا خطوط هاتف للاتصال العاجل بمواطنيهم وللطوارئ ..
اما ابناء السودان .. فليموتوا لو ارادوا
| |
 
|
|
|
|
|
|
|
|
Re: اما نحن فلا بواكي لنا (Re: حمور زيادة)
|
انعدام امن ..
اطلاق نار في الطرقات ..
اقتحام بيوت ( قضيت اربعة ليالي في الشارع مع الجيران احاول حماية سكني من هجمات بلطجية الشرطة المصرية )
وحوالي خمسة مليون سوداني ( حسب احصاءات غير رسمية ) في مصر.
لم يسأل عنهم أحد.
| |
|
|
|
|
|
|
|
|
|
Re: اما نحن فلا بواكي لنا (Re: حمور زيادة)
|
حمد لله على السلامة يا حبيب ... وطمنا على بقية الزملاء والاحباب .. من حبيب نورة لغاااية النفاي وانتا ماشي اردم ما بينهما من الاصدقاء والصديقات والاهل ..
يدي اكلتني افتح بوست اسال منكم فيهو .. وقرررربت انفعل وافتحو لكن في الاخر خفت اني اتصنف من الناس البيسألو من المستلبيين وعالفي امباز الغزاة وكدة ..
اما صاحبنا النفاي فقد افتقدناهو .. والا كان قد نفي لنا جميع اخبار البي بي سي .. والجزيرة وغيرها
وطلعها شمار في مرقة وانه الشعب طلع لانه بيحب حسني مبارك ويموت في دباديبو ودي مسيرات مناصرة ليهو ..
المجد لكم وانتم تحملون جنسية دولة لا يُسال اهلها وحكومتها تعيش عارية كالإبرة تكسي غيرها ..
اكيد هناك الكثير ننتظره منك ترويه لنا بلسان شاهد العيان عندما تصفو الأجواء ..
Quote: دبي - العربية.نت
أكد مشتركون بخدمات الإنترنت في مصر اليوم الأربعاء 2-2-2011 أن موقعي التواصل الاجتماعي فيسبوك وتويتر عادا للعمل بعد قليل من استئناف تشغيل شبكة الإنترنت في البلاد عقب انقطاع دام خمسة أيام بسبب الاحتجاجات المناوئة لنظام الحكم في البلاد. فيما بدأ نائب الرئيس المصري عمر سليمان اتصالات مع المحتجين وقوى المعارضة.
وأكد المشتركون الذين اتصلت بهم رويترز أنهم استطاعوا الاتصال بشبكة الإنترنت مجددا بعد انقطاع الاتصال منذ يوم الجمعة الماضي الذي شهد تفجر مظاهرات مطالبة بإنهاء حكم الرئيس حسني مبارك المستمر منذ 30 عاماً.
وكان موقعا التواصل الاجتماعي فيسبوك وتويتر من أبرز المواقع التي استخدمها المحتجون لتنظيم صفوفهم في الاحتجاجات التي بدأت في 25 يناير/ كانون الثاني.
|
| |
|
|
|
|
|
|
|
|
|
Re: اما نحن فلا بواكي لنا (Re: طارق جبريل)
|
الاخ حمور الف حمد الله على سلامتك والاخوان المعاك ,, ربنا يغطيكم والله ويحفظكم ,,
متخيلين الوضع كيف هناك .. ربنا يعينكم
لكن ما تعشموا في حكومة السجم تسأل منكم
ديل ناس همهم روحهم فاكرين خا يتخلدوا فيها ,,,
مصيرهم يجيهم يوم اسود زي يوم مبارك
مبارك كان بقدر مع مساعدة اعوانه الصهاينة كان قدر على شعبه
لكن الشعب كان اقوى عزيمة وإصرار
ربنا ينصرهم
وينصر شعبنا المظلوم ويرد كل حقوقه
تحياتنا ليك ولكل الشباب المعاك اخي حمور
سلام كتير ليهم الاخوان جنابو وحبيب نورة و سفيان نابري وكل اخوانا واهلنا المعاكم
ربنا يحفظكم إن شاء الله
| |
|
|
|
|
|
|
|
|
|
Re: اما نحن فلا بواكي لنا (Re: حمور زيادة)
|
والله يا حمور أمبارح أعاين في صور منقولة من مطار القاهرة قمت أتذكرتكم.
وقلت ياربي الحكومة عملت شنو مع الجماعة ديل. تاني قمت قلت ياخي حتسوي ليهم شنو يعني؟ هي كلها عندها طيارتين وانتو 5 مليون يعني عشان ترحلكم كلكم عايزة ليها زي سنة ولحدي الوقت داك الأمور بتكون هدأت. والشي التاني السفير الهمام أكيد ما بيكون قصر معاكم.
بعدين تاني قلت هم أصلهم الشقايا ديل ما مكتوب ليهم يطلعوا ليهم قوزا أخضر. يعني يمرقوا من انتفاضةمصر يقعوا في انتفاضةالسودان.
أسمع نكلم ليك خالك يرسل ليك طيارة من أمريكا؟
| |
|
|
|
|
|
|
|
|
|
Re: اما نحن فلا بواكي لنا (Re: shammashi)
|
والله يا حمّور الواحد شعر بكمية من الغبن للقصة دي... اي بلد سألت عن مواطنيها وخارجتهم.. السعودية دي قالوا عندها في مصر 300000 زول، نقلتهم لفنادق ومن هناك للمطار.. ياخ الاردن المقطّعه الما عندها اي شي نقلت رعاياها....
نستاهل احنا البندفع الضرايب!
| |
|
|
|
|
|
|
|
|
|
Re: اما نحن فلا بواكي لنا (Re: shammashi)
|
سلام يا حيدر ..
جنابو بخير .. بقية الزملاء تعذر عليّ الاتصال بهم .. شبكة الموبايلات لم تعمل بعد بكامل طاقتها.
لكن بعد عودة النت أكيد سيظهرون تباعا.
الموضوع ما محتاج جنابو ينفي.
امس ظهر احد المنافقين ليقول ان مظاهرات 25 يناير كانت في الحقيقة مظاهرات احتفال مع الشرطة في عيدها لكن قلة مندسة حولتها الى تخريب.
يمكنك مشاهدة التلفزيون المصري لتعرف " ما لا يحدث " الان على الارض.
لا اقدر ان اروي الان ..
لم تنهي الامور بعد.
كما اني اخشى الله و امن الدولة على نفسي.
فانا في الاخر اجنبي.
وتهمة التحريض قد اطلقت اعلاميا على كثير من الاجانب الموجودين في مصر.
عموما ..
نراقب عن قرب و ننتظر.
حظر تجوال ..
تفتيش في كل راس شارع ..
نقص في المواد الغذائية و غلاء..
تبادل طلقات رصاص ( مشكلتي اني اسكن امام وزارة الداخلية المصرية مباشرة و خلف ميدان التحرير )
سلب و نهب ..
نظرية الامن مقابل النظام تؤتي أكلها بنجاح حتى الان.
| |
|
|
|
|
|
|
|
|
|
Re: اما نحن فلا بواكي لنا (Re: حمور زيادة)
|
Quote: كما اني اخشى الله و امن الدولة على نفسي.
فانا في الاخر اجنبي.
وتهمة التحريض قد اطلقت اعلاميا على كثير من الاجانب الموجودين في مصر. |
حمور ينفي تهمة توزيع المنشورات في ميدان التحرير من قبل الأجانب
| |
|
|
|
|
|
|
|
|
|
Re: اما نحن فلا بواكي لنا (Re: حمور زيادة)
|
تحياتي يا اسماء ..
حكومة السجم لو كانت ختت ليها رقم تلفون مقطوع كان مرقت من النبيشة ..
لكن عملت فيها ما سمعت بالحاصل في مصر ده خالص ..
و اتوقع انو يكون في خبر صغير في صفحة داخلية في الجرايد السودانية يقول انو الجالية السودانية بمصر بخير.
رغم ان الجيش المصري القى القبض على سودانيين مسلحين في السويس قبل يومين.
ديل طبعا لو جو السفارة حبوا على الجمر ما بتعاين ليهم.
| |
|
|
|
|
|
|
|
|
|
Re: اما نحن فلا بواكي لنا (Re: حمور زيادة)
|
اهلين يا فتحي ..
القذافي عندو رعايا كتار هنا ..
لكن عاين تركيا العندها 750 نفر ...
رسلت ليهم طيارات مخصوص و الاخلاء بدون قروش.
دول لا يضام لها مواطن.
اما نحن ..
فلينا الله و القضاء و القدر.
شعب مؤمن.
| |
|
|
|
|
|
|
|
|
|
Re: اما نحن فلا بواكي لنا (Re: حمور زيادة)
|
اهلين يا فتحي ..
القذافي عندو رعايا كتار هنا ..
لكن عاين تركيا العندها 750 نفر ...
رسلت ليهم طيارات مخصوص و الاخلاء بدون قروش.
دول لا يضام لها مواطن.
اما نحن ..
فلينا الله و القضاء و القدر.
شعب مؤمن.
| |
|
|
|
|
|
|
|
|
|
Re: اما نحن فلا بواكي لنا (Re: حمور زيادة)
|
يا شماشي ما يرحلونا ..
يسألوا مننا في التلفزيون ساي في شكل حركة ..
كان ما عشانا عشان منظر الدولة .
لكنهم خايفين زول يصدق الخبر و يجري السفارة.
او يجري على بيت السفير الفخم في المعادي.
قال لي مصري : هم الجماعة بتعكو ماسألوش عنكو ليه ؟ مش عايزنكو وله ايه يا عم ؟
لم أجد اجابة.
تذكرت قلة أدب عمرو اديب حين كان يطالب على الهواء بتدخل الجيش المصري في السودان لحماية المصريين.
فشكيت ذلنا و هواننا على الناس.
و من الهوان ان الحزب الوطني لم يجد مكاناً يقيم فيه مظاهرة تأييده للرئيس المصري الا ميدان "مصطفى محمود " سيء التاريخ.
حيث تخلت الامم المتحدة و الحكومة السودانية عن مواطنين سودانيين ليموتوا تحت سنابك الشرطة.
| |
|
|
|
|
|
|
|
|
|
Re: اما نحن فلا بواكي لنا (Re: حمور زيادة)
|
يا مريم ..
الثورة المصرية اسقطت كثير من الاكاذيب ..
قصة دولة مقطعة زي الاردن دي ما بقت شغالة تاني ..
الدول المقطعة هي الدول التي تترك خمسة مليون من رعاياها أغلبهم يطمحون ان يصلوا الى خط الفقر تتركهم حيارى في ملجأ لهم و لا عاصم.
حين استوقفني الجيش اول امس في ميدان التحرير و اخذ يفتشني كنت افكر لو اعتقلوني الى من ألجأ ؟
عاصمي من بطشهم كان اكذوبة البلد الواحدة التي لا اظن احدنا يصدقها.
قلت لنفسي لو اصابتني طلقة فمن سيعمل على ترحيل جثماني ؟
هل سيفتح عبدالرحمن سر الختم باب بيته اصلاُ ان حملو اليه جثة سوداني اصيب في الشارع ؟
احساس بالهوان لا بعده.
كما سقطت اكذوبة "الحلبة الخوافين" ..
سأفكر الف مره قبل أن اعابث اصحابي هنا مرة اخرى ان السودانيين شجعان و المصريين جبناء.
فما رأيته من شجاعة و تصميم يفوق خيالي.
اقول بصدق : لم احترم هؤلاء الناس كما فعلت في الايام السابقة.
| |
|
|
|
|
|
|
|
|
 Re: اما نحن فلا بواكي لنا (Re: حمور زيادة)
|
يا حمور يا خوي إنت متوقع من حكامنا ديل يسألوا فيكم .. ياخي بالغت والله ..
هم سائلين في المواطنين المعاهم داخل السودان عشان يسألوا فيكم إنتو الفي مصر البعيييييدة ديك ..
المواطن السوداني أكتر مواطن في العالم مهمل من حكَّامو وداخل وطنو .. ديل همهم أنفسهم وبس ..
المواطن السوداني بيموت عادي كما تموت البعير بالمرض أو بالإهمال ..
أو بالقتل أحياناً إذا إعترض أو عارض الحكام ..
ربنا يغطيكم يا حمور يا أخوي ..
وحاسبو على أنفسكم بأنفسكم .. وأنسوا حكامكم ديل نهائي ..
| |
|
|
|
|
|
|
|
|
|
Re: اما نحن فلا بواكي لنا (Re: محمد يوسف الزين)
|
حمدلله على السلامة يا حمور
| Quote: مشكلتي اني اسكن امام وزارة الداخلية المصرية مباشرة و خلف ميدان التحرير |
والله لو ما الضحك عيب في حالة زي دي ل تدرقت كودالصائم
شقاوتك شقاوة يا حبيب
و معاك في سقوط الأكذوبة الثانية..
أثبت أولاد بمبة أنهم جدعان و (المصريين أهم)
ربنا يغطي عليكم
| |
|
|
|
|
|
|
|
|
|
Re: اما نحن فلا بواكي لنا (Re: سلمى تاور)
|
تحياتي يا عبد الله كسلا ..
اذا ما شغالين بينا كان يشتغلو على الاقل بسمعتم ..
كل الدول " المحترمة " سألت من مواطنيها ..
بأي حق نفخر في غربتنا اننا سودانيين و وطننا لا يعيرنا التفاتاً ؟
| |
|
|
|
|
|
|
|
|
|
Re: اما نحن فلا بواكي لنا (Re: حمور زيادة)
|
و الله يا سعد الدين ياها الشقاوة التخلي "حزامك" يعتر ليك.
بالنسبة لأولاد بمبة فالعملوهو غريب.
سيبك من الغضب و الشجاعة و الثبات و الكلام ده.
الاغرب انو يوم السبت الصباح اشترى الشباب اكياس زبالة و وزعوها على المعتصمين و هم يختفون : نضف بلدك يا مصري.
و قاموا بتنظيف ميدان التحرير تماما من كل اثار الحريق و التكسير الذي حدث يوم جمعة الغضب.
و ما ان انتهوا حتى انتظموا مرة اخرى في التظاهر.
| |
|
|
|
|
|
|
|
|
|
Re: اما نحن فلا بواكي لنا (Re: حمور زيادة)
|
عملا لله .. و من باب الواحد يكون احسن من ناس السفارة
فانا اتمنى ان تكون مباني السفارة السودانية و العاملين بها بخير بعد تمدد الاشتباكات الى جاردن سيتي حيث مباني السفارة قبل ساعتين و ارتفاع دخان من جهة السفارة.
| |
|
|
|
|
|
|
|
|
|
Re: اما نحن فلا بواكي لنا (Re: حمور زيادة)
|
حمور !!
منو القال ليك؟؟ بكينا وفترنا
والله انا عن نفسى سالت منكم بالواحد
وحتى بالامارة رفعت ليك بوستيك ..
يعنى الا تبكى الحكومة !!
بعدين انت ما تصعبها شديد كدا كمان
ح تساوى نفسك بصبايا وشباب لبنان ؟؟
وتركيا وامريكا بعد ؟؟ ولا كندا واليابان !!
اذنـــــــــ تستاهل مزيد من البنبان ..
حمور ارجع ارجع واستغفر الله ..
وهتفنا معاكم ::
يا سوززاان لو بتحبيييه
اسحبيييه !!
بعدين ياخ ديل برحلوهم من الهوايل
الحاصلة دى الى حيث
الامان والرفاهيه والنجاة ..
انتو يودوكم وين ؟؟
دى مش ياها ذاااتهاقصة المستجير من الرمضاء
بالنار !!
اخير ليكم ميدان التحرير دا ..
الكفت والضرب فى الهواء الطلق ..
دايرين بى حق (ام غمتى) شنو ؟
هسه عليك الله يا حمور لو قبضوك جابوك هنا
ما كان عوقوك .., ؟؟
ــــــــــــــ
بحكو انو ايام حرب الخليج ديك قالوا لى الطيار
امشى اضرب السودان .. جاءهم راجع قال ليهم
لقيتها مضرووووووبة ..
| |
|
|
|
|
|
|
|
|
|
Re: اما نحن فلا بواكي لنا (Re: دينا خالد)
|
حمور سلام
وبركه الرجع الانترنت واطمأنينا عليكم.
والله طارينكم في سرنا الا زي ما قالت لك دينا نحن العلنيا شويه..؟؟
والحكومه ما تزعل منها دي مزروره زرت ###### في طاحونه.
Quote: رغم ان الجيش المصري القى القبض على سودانيين مسلحين في السويس قبل يومين.
|
اها ديل شنو؟؟ياهم البجيبوا لكم الهواء
وكمان شفنا لافتات جاليات قالوا مؤيده للمظاهرات؟؟؟
البوديهم يعموا كده شنو يا حمور هم اجانب ما يقعدوا مؤدبين؟؟!!
التقول لما استفردوا بيهم في ميدان مصطفى محمود من قبل في اسلامي جاء سال عنهم؟؟!!
بتفق معاك انه اولاد بمبه اثبتو بساله
وثاني لسانا ينقطع لو قلنا خوافين(هههههههه)!
اها كلام دينا ده حقيقي البلد مولعه و الكيزان داخلين في جحر ضب.
Quote: بعدين ياخ ديل برحلوهم من الهوايل
الحاصلة دى الى حيث
الامان والرفاهيه والنجاة ..
انتو يودوكم وين ؟؟
دى مش ياها ذاااتهاقصة المستجير من الرمضاء
بالنار !!
|
| |
|
|
|
|
|
|
|
|
|
Re: اما نحن فلا بواكي لنا (Re: دينا خالد)
|
Quote: قال لي مصري : هم الجماعة بتعكو ماسألوش عنكو ليه ؟
مش عايزنكو وله ايه يا عم ؟ |
مـوجع حـد البكاء أن تسمـع مثل هذا الكـلام في ظروف كتلك !
ولكن لكم الله ياحمـور يحفظكـم ويرد غربتكم سالمين
تحياتنا ودعواتنا للوالدة ولكل أخواتك و إخوانك
السودانيين هناك.
| |
|
|
|
|
|
|
|
|
|
Re: اما نحن فلا بواكي لنا (Re: حمور زيادة)
|
دندونه ..
ياخ انا البيبقيني زي راغب علامة و جاد شويري شنو ..
عارف رقبتي مقطع و شين ..
اصلا نحن لو كنا زي جاد شويري كان انتو النسوان بقيتو زي دوللي شاهين.
الحكاية دي الله مقسما.
ما قلنا يرحلونا.
لكن انت عارفه في نص الجوطة دي لو سوداني اتقبض او اضرب طار ليو عديل ؟
خاصة لو كان فقير.
في معمعة زي دي لا ينجيك الا مالك او ظهر دبلوماسي.
| |
|
|
|
|
|
|
|
|
|
Re: اما نحن فلا بواكي لنا (Re: حمور زيادة)
|
Quote: بعدين انت ما تصعبها شديد كدا كمان
ح تساوى نفسك بصبايا وشباب لبنان ؟؟
وتركيا وامريكا بعد ؟؟ ولا كندا واليابان !! |
دينا يا حاقدة أسه عليكـ الله حمور ده فرقو من مهند شنو ؟؟ 
حمد الله على السلامة يا مان و طمنونا على حبيب نورا الزول ده جوالو كعب و الشبكة كعبة و هو زاتو كعب ..
| |
|
|
|
|
|
|
|
|
|
Re: اما نحن فلا بواكي لنا (Re: Ashraf el-Halabi)
|
أخي حمور يبدو أن حالكم مثل حال أهل مكة أيام الحج! ما في زول شغال بيكم.... ولكن كيف فعلتم في أول أيام التشريق!!! حيث رمي الجمرات متبادل بين الحجاج والأباليس الذين بانوا على حقيقتهم (فقد خلقوا من نار ومولوتوف)!
من وجهة نظر درامية: ألا ترى معي أن مخيلة المبدعين غالبا ما تتأخر عن الواقع!؟؟!
من وجهة نظر رياضية: عرفت الآن لما يتفوق المصريون في رياضة كرة القدم.... ما شاء الله لياقة عالية تمكن صاحبها من لعب 18 ساعة متواصلة!
من وجهة نظر بطولية: أكاد أجزم أن أبطال ميدان التحرير أشجع من أبطال 6 أكتوبر.
من وجهة نظر إعلامية: لا أجد وصفا ملائما لقناة الجزيرة إلا بوصفها السرطان الذي يفتك بالأنظمة الفاسدة، أو إن شئت فقل الطوفان الذي لا عاصم منه سواء صعد المرء جبل المقطم أو برج القاهرة!
| |
|
|
|
|
|
|
|
|
|
Re: اما نحن فلا بواكي لنا (Re: حمور زيادة)
|
حمور يا مستهبل
Quote: لكني لم اعرف الحقيقة من مصدر محايد.
صديقي الوحيد السويسي يرقد في المستشفى في
غيبوبة و الكـــلبشات في يده.
(عدل بواسطة حمور زيادة on
|
خلاص ميدان التحرير بقا بعيد ؟؟
انزل بى كميرتك جيب لينا النجيضة
بلا وسيط .. قبل السور جدع كانك معاهم
وادخل بعد السور اهتف مع التانيين ..
بعدين الغنايم دى ح تتوزززع امكن تلقى
ليك حصان ..
و وزير الداخلية دا حالتو الجديد ؟؟
ياخ دا قال لى القديم بتعرف شنو ..
فعلا دى عصابة لا حد لها ولا عدد ..
ــــــــ
اذا لم يحقن هذا الطاغية الدماء اليوم
فحقيقى يا حمور المصريين مقدمين على كارثة
قلوبنا معكم .. لو لم يفعل حسنى فى خلال ال 30 عاما
اى شىء .. فما حدث بالامس فقط كافى لاعدامه فى ساحة
التحرير ..
| |
|
|
|
|
|
|
|
|
|
Re: اما نحن فلا بواكي لنا (Re: حمور زيادة)
|
هلا يا حامد ..
الشبكة ما شغالة كويس
اكتر من زول بيقول لي بضرب ليك و ما بترد و ما بيكون في جرس اصلا هنا.
شكلها المكالمة بتمشي للاجهزة المختصة في الاول بعد داك يسمحو ليها تخش.
| |
|
|
|
|
|
|
|
|
|
Re: اما نحن فلا بواكي لنا (Re: حمور زيادة)
|
يا اشرف ..
قالوا : من كان اخر كلامه فهمتكم .. دخل جدة.
و
آحيي السعودية اللامة العواطلية.
تخيل ود الصايم يلاقي بن علي في السوبرماركت .. يقول ليه يا عمك انا زيي زيك ما تعمل لي فيها رئيس سابق قوم لف كده.
| |
|
|
|
|
|
|
|
|
|
Re: اما نحن فلا بواكي لنا (Re: حمور زيادة)
|
يا دينا بطلي لولوه ..
انا بتكلم عن السويس ..
و الله لو بقيتي انت زاتك معتقلة في السويس ما امشي هسه.
بالنسبة للتحرير فما محتاج انزل .. امد يدي من الشباك اجيب ليك اربعة بمبانات.
ــــــــــــــ
سرت اخبار من نص ساعة انو البلطجية بقو يهاجمو بيوت قادة الرأي الذين تحدثوا الى القنوات و وسائل الاعلام.
| |
|
|
|
|
|
|
|
|
|
Re: اما نحن فلا بواكي لنا (Re: حمور زيادة)
|
عليك الله يا حمور تعرف لينا أخبار لبيد بن ربيعة الهمجي الجاء على ظهر ناقته وكأنه يبشر بقدوم أبرهة أو النعمان بن المنذر!!!
ياخ الراجل دا ركّاب جمال بشكل!!! مش زي الفارس الخايب الذي سقط من قولة تيت!
| |
|
|
|
|
|
|
|
|
|
Re: اما نحن فلا بواكي لنا (Re: حمور زيادة)
|
ههههههههه
يا ود أخت امين نوته، يشهد الله كنت مشغول عليك و اتسال عنك
ياخى انتا بقيت كارثة كبيرة، قاعد مع ناس بيتكم جبت ليهم الارهاب و الحرائق
مشيت مصر لحسنى مبارك جبت ليهو النكبة و قلبت الدنيا راساً على عقب فوق راسه
حسنى لو عرف انو انتا فى مصر ح يرجعك السودان
| |
|
|
|
|
|
|
|
|
|
Re: اما نحن فلا بواكي لنا (Re: حمور زيادة)
|
Quote: لو قاصد ابو تي شيرت اصفر فقالو اسمو عبد العال.
ده تاني ما اظنو يقدر يركب اي حاجة. |
صاحبك عبعال شكلوا مُقرقِب! وطبعا القرقوبي دا مخدر بستخدموه المغاربة بيخلي الواحد يستقبل جهنم بطلع البدر علينا وهي بترد عليه: هل من مزيد!
| |
|
|
|
|
|
|
|
|
|
Re: اما نحن فلا بواكي لنا (Re: حمور زيادة)
|
حمد الله على السلامة يا حبيب ..
و ربنا يطمنا عليكم ..
Quote:
عملا لله .. و من باب الواحد يكون احسن من ناس السفارة
فانا اتمنى ان تكون مباني السفارة السودانية و العاملين بها بخير بعد تمدد الاشتباكات الى جاردن سيتي حيث مباني السفارة قبل ساعتين و ارتفاع دخان من جهة السفارة.
|
إنت متأكد مع مغستك دي ..
ما عندك يد في الدخان ده
خليك قريب علشان ما نقلق عليك ..
| |
|
|
|
|
|
|
|
|
|
Re: اما نحن فلا بواكي لنا (Re: محمد قرشي عباس)
|
الأخ/حمور
نحياتي
فعلا يحس المرء بالإمتهان
عندما لا تعيره (دولته) إهتماماً.
أين هؤلاء الخمسة مليون سوداني؟
بالأمس كنت أتجول في شوارع الإسكندرية
ومعي زوجتي بالتوب السوداني،
قابلنا القلة القليلة منهم، وكأن الاسكندرية خالية من السودانيين.
كنت أتوقع أن يكون لهم وجوداً مكثفاً هنا في المدينة الثانية في مصر.
سلمكم الله وبقية السودانيين معكم.
| |
|
|
|
|
|
|
|
|
 Re: اما نحن فلا بواكي لنا (Re: الجندرية)
|
بكري علوم يا شيوعيي الاشاعات ..
مفكر امشي اليمن اجرب الكج بتاعي.
اصلو عمك داك قافل مخاواة.
لو سقط برجع السودان عشان البلد تستفيد من النحس بتاعي.
ـــــــــــــ
ما قدرت افهم قصة طالب الاهلية.
داير زول يشرح لي الحاصل ياخ.
قبضوكم بشهيد وله شنو ؟
| |
|
|
|
|
|
|
|
|
|
Re: اما نحن فلا بواكي لنا (Re: حمور زيادة)
|
يا محمد الامين ..
اقتحام انصار الرئيس مبارك لميدان التحرير على ظهر الجمال يدل ان الحزب الوطني حزب اسلامي.
خاصة انه واجه الاخوان المسلمين عام 2005 بالسيوف في الانتخابات.
| |
|
|
|
|
|
|
|
|
|
Re: اما نحن فلا بواكي لنا (Re: حمور زيادة)
|
اهلين يا عثمان ..
في الحقيقة انا لا اعرف الاسكندرية جيدا ..
علاقاتي فيها محدودة و اماكن تحركي فيها لا تتجاوز مكتبة الاسكندرية و مكتبة اكمل مصر و قهوة التجارية و اسماك إلع و منطقة المنشية.
و فعلا لا اجد فيها كثير من السودانيين.
لكن من يعرفون الاسكندرية من السودانيين يقولون انها مليئة بهم.
هذا له علاقة باماكن حركة الافراد.
شخصيا لم اصادف اي سوداني في الاسكندرية من قبل. لكني كنت اصادفهم في القطار ذاهبين الى القاهرة.
| |
|
|
|
|
|
|
|
|
|
Re: اما نحن فلا بواكي لنا (Re: حمور زيادة)
|
يا جندرية عارفم ما بيشتغلو بينا ..
لكن بس دي نبيشة مسبقة عشان بكره ما تكتب جريدة الرائد انو السودانيين في مصر بخير و انو السفير اطمن عليهم.
انا اعلن اني ما بخير ..
حلتنا ما فيها سجاير و كروت الشحن قطعت من المحلات.
اطالب السفارة بتوفير سجاير ال ام و كروت شحن فئة عشرة جنيه فورا.
| |
|
|
|
|
|
|
|
|
|
Re: اما نحن فلا بواكي لنا (Re: حمور زيادة)
|
سفيرنا رفض الخروج لتلقي عريضة المحتجين باسم مبادرة لا لقهر النساء.
و قال لضابط امن الدولة المصري : ديل ما سودانيين.
يبدو ان السفير لم يكن يقصد فقط المحتجين امام السفارة .. بل كل من لا يحضر حفلاته.
| |
|
|
|
|
|
|
|
|
|
Re: اما نحن فلا بواكي لنا (Re: حمور زيادة)
|
السلام عليكم حمور
و الف حمد الله على السلامة
وبقدر غضبنا عن تجاهل الحكومة لاوضاعكم الا ان هذا متوقع متى اهتموا لسوداني متى احترموه
بالامس كان نائب الرئيس في مؤتمر صحفي يريد ان يتخلص من كل السودانيين ويصدرهم للخارج للتخلص منهم عندما سئل عن فرص العمل
فلا تتوقعوا منهم دمع واحدة او حتى نظرة عطف
اخي حمور و جميع السودانيين بمصر
بقدر خوفنا عليكم وسعادتنا بعودتكم للمنبر
بقدر ما نحسدكم لانكم تعاصرون اجمل صفحات التاريخ التي تكتب كقصيدة ملحمية بالدماء الان في القاهرة
تغيرت نظرتي للمصريين كثيرا كنت اراهم متملقين ولاعقي احذية و كاذبين
الان اراهم ابطال يستحقون الاحترام
| |
|
|
|
|
|
|
|
|
|
Re: اما نحن فلا بواكي لنا (Re: Nazik Eltayeb)
|
انت يا نازك واحدة من الناس الحاطالبم باعتذار رسمي و مكتوب يقدم لي على غلاط السنين الفاتت لما كنا بنختلف حول مصر.
و انتم تصرون ان مصر هي مصر واحدة الكريهة الظالمة العنصرية.
و انا اصر ان هناك اكثر من مصر.
مصري التي اعرفها هي من في الشارع اليوم تنتفض.
زمان عمنا احمد فؤاد نجم قال :
مصر العشة ؟ وله القصر ؟
ــــــــــــــــــــ
غايتو سوادكم مع بشاشا.
انا صنفني جاسوس للمخابرات المصرية و انتهى.
الكلام انتو الظهرتو جداد يا مستلبين.
| |
|
|
|
|
|
|
|
|
|
Re: اما نحن فلا بواكي لنا (Re: Nazik Eltayeb)
|
حمد الله على سلامتكم يا حمّور ..
وشايف الحفلة لسة مدوّرة .... فـ
خلّوا بالكم من نفسكم شديد .... وأنسوا إنو الحكومة تسأل دي.
القاعدين جوة منجّضاهم كل يوم ..... تقوم تفكّر في الإتخارج وقطع وشّو؟
التحية لجميع الأخوة .... وكل السودانيين.
| |
|
|
|
|
|
|
|
|
|
Re: اما نحن فلا بواكي لنا (Re: حمور زيادة)
|
حمدلله على السلامة يا حمور و بركة (القريناك) طيب
| Quote: [ المجد للفيس بوك .. محرر الشعوب ] |
و المجد لقناة الجزيرة
و وردة بيضاء للمراسلين على الأرض
وللمرابطين في ميدان التحرير،، شكر عميق عميق على تعليمنا معنى الصمود...
| |
|
|
|
|
|
|
|
|
|
Re: اما نحن فلا بواكي لنا (Re: عزاز شامي)
|
يا حمور حمد الله بالسلامة...
بركة الشوفة يا كونج
....
بالنسبة للإعتذار البتطالب بيه نازك ..هل نحن انكلودد عشان الزول يهرق ليه كم ياندويدث واقفين ليه في زوره في بوستك ده
_
قبيل الكهربا قطعت ..كنت بقرا في الوسيط..الجريدة كلها سباكين وبتوع تشطيبات مهرة من دولة مصر الشقيقة..أغرب طالب وظيفه مصري لقيته قال كاتب سيناريو محترف للسينما والتلفزيون..شلت التلفون ضربت ليه..هي ميد ماي دي غايتو..اقنعته يشتغل كاتب سيناريو للاعلانات لأنو ده فيه قاب كبير ويرخي موضوع السينما ده هسة كدى..شكرني وشكرته وتمنيت له التوفيق..شعب عجيب...يفقه في كل شيء يفضي اللاشيء.
| |
|
|
|
|
|
|
|
|
|
Re: اما نحن فلا بواكي لنا (Re: حمور زيادة)
|
يا قمر بوبا ياخ النوبة لا يطالبو باعتذار.
هسه انت شفت اسمك مكتوب هنا ؟
ـــــــــــــــ
يا زول المصريين ديل فيهم ناس الله بس خلقم للفارغة و النضمي الداخل مارق.
امبارح البي بي سي استضافت واحد من المتظاهرين.
حارس عقار .. او بالدوغري كده بواب.
المذيعة قالت ليو انت تخرج للمظاهرات ضد ماذا او ضد من ؟
قال ليها : يا هانم انا لا مع ماذا و لا مع من .. انا عايز الامان.
| |
|
|
|
|
|
|
|
|
|
Re: اما نحن فلا بواكي لنا (Re: حمور زيادة)
|
علمت منذ قليل من مصدر "مطلع" انو السفارة السودانية عاملة اعلان للرعايا الزينا ديل و خاته رقم تلفون للاتصال.
الاعلان شريط تلفزيوني على تلفزيون السودان.
يا سفارتنا .. البيحضر تلفزيون السودان ده ما بينفع تنقذوهو زاتو.
ده منتهي و فات عليو الفوات.
في ذمتكم في نص الاحداث دي اليخلي القنوات الاخبارية و يفتح تلفزيون السودان مش يستاهل يطلع فوقو بتاع الجمل داك بجملو ؟
| |
|
|
|
|
|
|
|
|
|
Re: اما نحن فلا بواكي لنا (Re: حمور زيادة)
|
حمور زيادة , تحية وتقدير ...
يأخي انت في بلد الجماعة ديل فحاسب على كلامك
دعواتنا للراجل الكبير وللبشوات كلهم باشا باشا
في البد ديك يا حمور ما تنحني ساي الانحناء الوحيد المسموح بيهوا
علموه الانحناء بتاعت وصايا أسبارتكوس الاخيرة غيره أى أنحناء بيجيب الهواء
----------------------------------
بالمناسبة في مصر ممكن يعملو حسابهم في حت القبض على أى أجنبي
إلا السودانيين الناس ديل عاملين معنا الحاله وأحدة
| |
|
|
|
|
|
|
|
|
|
Re: اما نحن فلا بواكي لنا (Re: حمور زيادة)
|
ألف حمد لله على السلامة ياحمور ، لم تغيبوا يابورداب مصر عن الذاكرة ، نسأل الله للجميع السلامة
أما حكومتنا ...
فمرفوع عنها القلم ، و معظمكم يعلمون !
سفاراتنا ؟!
بتتخيل يا حمور قنصل تمشى لحدى عندو و معاك مجموعة من البشر تملا العين ، للتبليغ عن حادث إغتيال سودانى ، لا تزال جثته فى المشرحة تنتظر إفادة الطبيب
يكون رده بسؤال : مقيم و لا قادى السلك ؟
بعدين ناس الحكومة رايهم واضح يقدروا على بيتهم ( .... ) أحسن من يمشوا يعلموا الجارة المشاط أو يجيبوا منها أولادهم و الهموم .
التحية للشعب المصرى الباسل .. الذى غير نظرة الناس إليه طوال سنوات الصمت .
التحية لكم ... و قلوبنا مع صادق الدعاء .
نتمناكم جميعاً بخير .
| |
|
|
|
|
|
|
|
|
|
Re: اما نحن فلا بواكي لنا (Re: عبدالرحمن عزّاز)
|
Quote: يا قمر بوبا ياخ النوبة لا يطالبو باعتذار.
هسه انت شفت اسمك مكتوب هنا ؟
|
ياخي دي رخصة عمومية عديل...وتأكد يا حبيب انو حسيء استخدامها
غايتو ما دام لا جناح علينا ونحن معفيين..نازك والمستلبة أماني الأمين ومن لف لفهم من الما نوبة موتوا موتتكم مع حمور..
| |
|
|
|
|
|
|
|
|
|
Re: اما نحن فلا بواكي لنا (Re: عبدالرحمن عزّاز)
|
Quote: بتتخيل يا حمور قنصل تمشى لحدى عندو و معاك مجموعة من البشر تملا العين ، للتبليغ عن حادث إغتيال سودانى ، لا تزال جثته فى المشرحة تنتظر إفادة الطبيب
يكون رده بسؤال : مقيم و لا قادى السلك ؟
|
هؤلاء من يجعلوني اظن ان الدبلوماسيه مشتقه من الدبليوسي.
و الحكمة النهائية هي : عزيزي السوداني حول العالم .. جر الموية بعد التعامل مع السفارات.
| |
|
|
|
|
|
|
|
|
|
Re: اما نحن فلا بواكي لنا (Re: حمور زيادة)
|
Quote: بالمناسبة في مصر ممكن يعملو حسابهم في حت القبض على أى أجنبي
إلا السودانيين الناس ديل عاملين معنا الحاله وأحدة |
قدر ما حاولنا نقنعم انو مصر و السودان ما هته واحد الجماعة ديل ما عايزين يسمعو.
لكن النصيحة لله الرش اليومين دي لا يفرق بين الاجانب. اخوك زيو زي الامريكي اليومين دي.
من اروع انواع السخرية المبكية ما كتبه بلال فضل عام 2005 عن ضحايا ميدان مصطفى محمود .. قال السودانيون في الميدان كانوا يطالبون بمعاملتهم كمصريين و نحن نقول لهم مشفقين بلاش. أهي الداخلية عاملتهم كمصريين.
| |
|
|
|
|
|
|
| |
حمور زيادة
HAIDER ALZAIN
تيسير عووضة
طارق جبريل
اسماء الجنيد
Fathi Ali Mohammed
مريم بنت الحسين
جعفر محي الدين
عبد الله كسلا
محمد يوسف الزين
قاسم المهداوى
saadeldin abdelrahman
سلمى تاور
smart_ana2001
أسامة البلال
عمران حسن صالح
دينا خالد
Tragie Mustafa
أحمد ابراهيم عثمان
Abd Alla Elhabib
خالد عبد الله محمود
حامد محمد حامد
محمد الأمين موسى
abubakr salih
محمد قرشي عباس
عثمان رضوان
الجندرية
Nazik Eltayeb
محمد أبوالعزائم أبوالريش
محمد عبد الماجد الصايم
baha eassa
عبدالرحمن عزّاز
فيس بوك
تويتر
انستقرام
يوتيوب
بنتيريست