|
|
 الى عبد الوهاب علي الحاج في رحلته الى الفن و الادب
|
الى عبد الوهاب علي الحاج في مقدم سعده
توطئة :
الخريفُ يحمل سحبَهْ
تقئ فوقنا حممها ..
لكننا لا ننهزم
النص :
عبورٌ هو لا كالعبور
اين الطريق ؟
اني افتش حولي
قدمي تاهت
تسألْ ..
أين الطريق
الطريق
الطريق
الطريق
الطريق
الطريق
واها من ذاك الحريقْ
هل قد أتيت ؟
اني متعبٌ
هاتوا الخيام تضمني
يا وحشتي
يا حسرتي
يا جزمتي
يا صلعتي
الحر احرق صلعتي
و لم يعطني المنديلْ
أه يا منديل
أبكي أنا
و أوديسيوس لم يعد بعد من رحلته
هل طالت الاسفار ام خان الدليلْ
من شرفة الاحزان تُشرِفُ زوجةٌٌ
زوجي يا عابرين
هل رأه منكم أحد ؟
طال الغياب و برد الغداءُ على الطاولة
يا للنساء و هن اسيرات الغداء على الطاولة
يا للغداء وحيدا في الطاولة
يا للطاولة
الطاولة
الطاولة
الطاولة
الطاولة
ايها الماشي الى الفن
بليل وحدك لا تعد
اذهب
الفن قبلتك فلا تعد
هات الكلام باي شكلٍ
لا تخف
هوميروس في الزنزانه
عنترة يأكل اللبانه
نزار يسكر مع نسوانه
النهار ينزف كالبرتكانه
الوالي مات في الاستانه
الدكتور في الاجزخانه
لا تخف
فالفن مبذولْ
و انت فطحولْ
و اليل ارغولْ
و فاطمه السمحه أكلها الغولْ
الغول
الغول
الغول
الغول
الفاعل منصوبٌ بالكسرة
و الفعل الماضي لم يأتي
و الموسيقى في جوفك
اخرج اغلالك
اكسر اوزانك
بشتن ما شئت
فالفن حلالك
الشمسُ طلعت
نظرتُ نحوها
قالت فتاة في الطريق
الطريق
الطريق
"يا حبيبي"
اغلق البحر امواجه و استقال
من أين نشتري جريدة اليوم
و البحر اغلق امواجه ؟
بكم كيلو البطاطس ؟
اخبروني
ان عيون حبيبتي اغلى من البطاطس
البطاطس
البطاطس
البطاطس
قبليني يا حبيبتي
ارسمي شفتيك على شفتيّ
كرفسي الملايه
فالمكوجي صديقي
لن يغضب ان كرفستي الملايه
هاتي الحبَ
لن يبرد الغداءُ فوق الطوالة
لن تنوح الطاولة
فانا سأكل
و أنتي ستأكلين
مضى عهد الجواري
و النساء اللائي يأكلن بعد الرجال
شكرا ماكدونالدز
فقد انهيت عهد الحريم
تخرج من مسامات حبيبتي وردة
عيون حبيبتي شرشفةٌ سمندلية
قامتها منحرشة التوقع فوق ازهار الاندهاش
بسمتها عالية التسامي في نهارات الهجير
لا ظل الا ظل الابتسامة
و اندلاقاتها زبرجد الروض الشفيف
يا باسقات الحب هذا مذهبي
عبد الوهاب اتى
فهاتي الشرندق من يمينك
و اسكبي لحن التحوصل في المرارات القديمة
و ارفضي..
زمن الهزيمة
الهزيمة
الهزيمة
الهزيمة
الهزيمة
الهزيمة
خاتمة :
حين رأى الحلاج جلاديه
ابتسم
فذلكة :
اوديسيوس لم يعد بعد
لو عاد سريعا
لأفلس هوميروس لأنه لم يكن ليكتب الاوديسه
|
|
 
|
|
|
|
|
|
|
 Re: الى عبد الوهاب علي الحاج في رحلته الى الفن و الادب (Re: حمور زيادة)
|
شكرا يازميل
انا شاكر ليك هذا الدعم السخي
وادعوك ياصديقي لمشاركتي غدا
مخاض وولادة باكورة انتاجي الادبي
شكرا لك على هذا النص الاحتفائي
الذي حرك داخلي كل البرك الاسنة
مامهم طول النص او قصره المهم الاكشن
وخيال المتلقى
شكرا ليك يا شفيف
وكن بخير
_____
ياشفيف الزوماكس ما جاب نتيجة ولا شنو
| |
|
|
|
|
|
|
|
|
|
Re: الى عبد الوهاب علي الحاج في رحلته الى الفن و الادب (Re: محمد الطيب يوسف)
|
سلامات يا ناس
المحتفى به يا زول كان نزلت نصك هنا نزلتو
و كان ما نزلتو انا عندي نص جاهز
اشتغلتو امس و كلف معاي
يا حمور دا نص متعوب عليه و اشتغلتو على اربع .. . خمس مستويات لغة اقل شئ
غير تكنيك السرد القطعتو ليكم من راسي . . . و الموسيقى الداخلية الاستعنت فيها بالجمهور في اكثر من مرة كنوع من اشراك للمتلقي في العملية الابداعية ؤ كدا . . . مش زي المبدعين التقلديين بتاعنكم الفرزوا كومن
اها رايكم شنو انزل النص
| |
|
|
|
|
|
|
|
|
 Re: الى عبد الوهاب علي الحاج في رحلته الى الفن و الادب (Re: عبدالوهاب علي الحاج)
|
Quote: شكرا يازميل
انا شاكر ليك هذا الدعم السخي
وادعوك ياصديقي لمشاركتي غدا
مخاض وولادة باكورة انتاجي الادبي
شكرا لك على هذا النص الاحتفائي
الذي حرك داخلي كل البرك الاسنة
مامهم طول النص او قصره المهم الاكشن
وخيال المتلقى
شكرا ليك يا شفيف
وكن بخير |
الشفيف القادم وهبه
اكتب اخي
فالمخاض طويل
الفجر سيأتي
قبل أن اقرأ نصك أقول لك
هذا نص ملئ بالرؤى و احتفائية الكينونة فيه تظهر في التفكيك البنيوي للمسطح الميتافيزيقي للموجودات
ان استلهامك للموروث في تأطير السايكوفوتيه للبطل تظهر في تناسق اللغة في توازي مع الشكل التناصي للصورة الكلية
كتابة محفزة للخيال و تفتح أسئلة كثيرة
| |
|
|
|
|
|
|
|
|
|
Re: الى عبد الوهاب علي الحاج في رحلته الى الفن و الادب (Re: حمور زيادة)
|
Quote: هذا نص ملئ بالرؤى و احتفائية الكينونة فيه تظهر في التفكيك البنيوي للمسطح الميتافيزيقي للموجودات
ان استلهامك للموروث في تأطير السايكوفوتيه للبطل تظهر في تناسق اللغة في توازي مع الشكل التناصي للصورة الكلية
كتابة محفزة للخيال و تفتح أسئلة كثيرة |
انا مش قلت لك يا وهبة
حمور دا قاصدك عديل
| |
|
|
|
|
|
|
|
|
|
لُعاب المنيّة (Re: حمور زيادة)
|
خربشة اولى . . .
لُعاب المنيّة
في اكتوبر الفات كنت في السودان في قصة مدورة على خلفية هجمة العمال الاجانب و هوجة العمران . . .
قليك في عمك جلابي كدا ببني في فيلا و يوم شطبوها المقاول جابو يستلم - و طبعاً الاخير هو الكان بعرفوه العمال و ما شافو عمك الغندولي داك و كانوا في اغلبهم اجانب مصريين . . . بنجلاديش . . . ؤ كدا .
المهم الحنفولي داخل ليك عليهم بجتتة التخينة و هيبة و آخر ألاقة من الباب كدا لقى الجماعة صلوا و قاعدين نظام تسبيح و بريك كرباوي كدا ، قام رمى ليهم سلام استعلائي من طرف النخرة كدا و طوالي مدا يدو اليمين - الرفعا لتحية ما فيها دفء و لا اي حميمية - مد يمينه لضراعو الشمال سل سكين من ضراعو و قال بدون اي ود : عاوز واحد مسلم؟ . . .
وجوم . . . وجوم . . . موسيقى تصويرية . . . ساعدوها بخيال او ذاكرة مسلسلات مصرية اقل شئ . . .
الرويحة كمان ما حلوة ! ، زول قال انا مافي .
عمك اضطر يختار براوهو و قع الاختيار على بنغالي . . . المسكين اتقدم لحتفه خطوة لي قدام و اتنين لي وراء .
طلع القصة كلها عمك جايب معاه خروف " كرامة " ؤ كدا و حكاية التمييز دي عشان يحلل الضبح بس . صاحبنا البنغالي الغلبان انفرجت اساريره - مع اني ما عاف اساريره دي جمب الكوع و لا هي ادنى للبوع - المهم صاحبنا كربو انفرج . و ما ننسى انو بنغالي و حكمة الله الغتاتة ياها ذاتا طوالي لكن ليك القصة : انا في يذبح لكين ما في يسلخ .
و قد كان ضبح الخروف و السكين تنقط دم مداها للحنفولي و اختفى خلف الافق لماسورة يعرفها هو عشان يغسل يدو .
اتخيل موسيقى تصويرية من عندك لمنظر الحنفولي و هو شايل السكين وهي تنقط دم و البنغالي سادر في الغياب .
و طبعاً عمك خوفاً على الجلابية البيضاء المكوية مادي السكين لي قدام بي حمرتا ديك و الدم السائل منها مشهد يحكي قصة قصيرة طويلة برواية واحدة ( يجسد لسان الموت المستهزئ بالاحياء الباقين ممدود ظن و وعيد . . . )
عاوز مسلم تاني . . . ؟ بنفس الطريقة الاولى بلا روح كأنها طالعة من آلة تسجيل في حلقوم الحنفولي
كل زول زاد التصاقه بحتة الارض القاعد فوقها و دقات قلبوا تحاكي ارتفاع مؤشر احتمالات معكوس النص و انو قصة الفوقية و التحتية دي مسألة وقت ما اكتر مع " لُعاب المنيّة السائل من السكين . و الجلابي قسماتو صارمة . . . جلاد بلا روح . . .
فجأة تتوقف الموسيقى التصويرية ، تقاطعها غتاتة دولة البنغلاديش مرة اخرى - الناس دي غتاتها ما بتنتهي - خد هذا إمام هو كتير مسلم - مع عدم توضيح كم كيلة يعني ؟ - عسان هو على تووووول إمام . . .
و صاحبنا المرة دي مصري . . . تيري رم . . . تيري رم. . .
و ديل ما بغلبهم رد مهما كان المحك فرسان كلام هلا هلا : ايه يا قدع . . . قرى ايه . . . يعني الواحد ما يصليلوش ركعتين خلاص تحسبوه مسلم . . . ؟ !!! . . . الخ من علامات التعجب
انتهت
كل الحقوق محفوظة . . . ( دائرة فيها آر ) *
فتح الرحمن حمودي *
جدة 3 شباط الفين و تسعى . . . برجلينا
------------------
* حق الصعوط و حق العشاء بالذات
** يا حمور دا اسمي الفني ( الفاميلي نيم ؤ كدا ) ظبّط لي دي عشان اظهر بيهو و كان ما ظبطت ياخ كتابك الجاي نزلوا باسمي مش نحن اصحاب ياخ ؟
*** ما عملت رايح و الله يا حمور كدي راجع كتاب الوش صفحة راس الولد المغطي الحاجة الداير تشوفا . . . و هنا راقدلي فوق رأي
| |
|
|
|
|
|
|
|
|
 Re: لُعاب المنيّة (Re: قيقراوي)
|
Quote: خربشة اولى . . .
لُعاب المنيّة
في اكتوبر الفات كنت في السودان في قصة مدورة على خلفية هجمة العمال الاجانب و هوجة العمران . . .
قليك في عمك جلابي كدا ببني في فيلا و يوم شطبوها المقاول جابو يستلم - و طبعاً الاخير هو الكان بعرفوه العمال و ما شافو عمك الغندولي داك و كانوا في اغلبهم اجانب مصريين . . . بنجلاديش . . . ؤ كدا .
المهم الحنفولي داخل ليك عليهم بجتتة التخينة و هيبة و آخر ألاقة من الباب كدا لقى الجماعة صلوا و قاعدين نظام تسبيح و بريك كرباوي كدا ، قام رمى ليهم سلام استعلائي من طرف النخرة كدا و طوالي مدا يدو اليمين - الرفعا لتحية ما فيها دفء و لا اي حميمية - مد يمينه لضراعو الشمال سل سكين من ضراعو و قال بدون اي ود : عاوز واحد مسلم؟ . . .
وجوم . . . وجوم . . . موسيقى تصويرية . . . ساعدوها بخيال او ذاكرة مسلسلات مصرية اقل شئ . . .
الرويحة كمان ما حلوة ! ، زول قال انا مافي .
عمك اضطر يختار براوهو و قع الاختيار على بنغالي . . . المسكين اتقدم لحتفه خطوة لي قدام و اتنين لي وراء .
طلع القصة كلها عمك جايب معاه خروف " كرامة " ؤ كدا و حكاية التمييز دي عشان يحلل الضبح بس . صاحبنا البنغالي الغلبان انفرجت اساريره - مع اني ما عاف اساريره دي جمب الكوع و لا هي ادنى للبوع - المهم صاحبنا كربو انفرج . و ما ننسى انو بنغالي و حكمة الله الغتاتة ياها ذاتا طوالي لكن ليك القصة : انا في يذبح لكين ما في يسلخ .
و قد كان ضبح الخروف و السكين تنقط دم مداها للحنفولي و اختفى خلف الافق لماسورة يعرفها هو عشان يغسل يدو .
اتخيل موسيقى تصويرية من عندك لمنظر الحنفولي و هو شايل السكين وهي تنقط دم و البنغالي سادر في الغياب .
و طبعاً عمك خوفاً على الجلابية البيضاء المكوية مادي السكين لي قدام بي حمرتا ديك و الدم السائل منها مشهد يحكي قصة قصيرة طويلة برواية واحدة ( يجسد لسان الموت المستهزئ بالاحياء الباقين ممدود ظن و وعيد . . . )
عاوز مسلم تاني . . . ؟ بنفس الطريقة الاولى بلا روح كأنها طالعة من آلة تسجيل في حلقوم الحنفولي
كل زول زاد التصاقه بحتة الارض القاعد فوقها و دقات قلبوا تحاكي ارتفاع مؤشر احتمالات معكوس النص و انو قصة الفوقية و التحتية دي مسألة وقت ما اكتر مع " لُعاب المنيّة السائل من السكين . و الجلابي قسماتو صارمة . . . جلاد بلا روح . . .
فجأة تتوقف الموسيقى التصويرية ، تقاطعها غتاتة دولة البنغلاديش مرة اخرى - الناس دي غتاتها ما بتنتهي - خد هذا إمام هو كتير مسلم - مع عدم توضيح كم كيلة يعني ؟ - عسان هو على تووووول إمام . . .
و صاحبنا المرة دي مصري . . . تيري رم . . . تيري رم. . .
و ديل ما بغلبهم رد مهما كان المحك فرسان كلام هلا هلا : ايه يا قدع . . . قرى ايه . . . يعني الواحد ما يصليلوش ركعتين خلاص تحسبوه مسلم . . . ؟ !!! . . . الخ من علامات التعجب
انتهت
كل الحقوق محفوظة . . . ( دائرة فيها آر ) *
فتح الرحمن حمودي *
جدة 3 شباط الفين و تسعى . . . برجلينا
|
دينااااااااااااااااك
خربشة اولى و في شباط كمان ؟
| |
|
|
|
|
|
|
|
|
|
انا حالة كوني شاعر حداثوي (Re: حمور زيادة)
|
هي الطقوس الدائرية
و المرايا المستطيلة تعكس الارواح في مرأى الغروب
فهل تعجل بالذهاب
بعض من القصص القديمة في الكتب
تحكي عن الام الغياب
و تدمن الروح الرحيل
و تظل تحلم بالوصول المستحيل
و الاسطمير
يبخر الاجواء اروقة المسير
عبثاً يحاول ان يطير
ولا يزول
و كلما اشتعلت حصاة
زاد في القلب اماني الخندريس
| |
|
|
|
|
|
|
|
|
|
Re: انا حالة كوني شاعر حداثوي (Re: Amjed)
|
الزميل امجد ..
مرحبا بمقدمك البهي ايها الطل
اهديك هذا النص ..
حوصلة الظلام
تتكئ على وسائد الرشيد
هارون و النساء
يا شعبي لا تأكل من موائد اللئام
فان طعامهم مسموم
يأتي من حوصلة الظلام
فراشة النار ..
تدمع باللهيب
تتوشح سنابلي
سبع سنبلات خضر
و النصر آت
افتحوا الابواب
تخرج الجحافل بائسة
ابتساراتها و الخاصرة
في مقلة اليتامى
تنام مثل الخنجر الدامي
يا ارق انهزامي
لم تزل
و انا لم ازل
في الصبح او في الظهر
حطموا الهة الظلام
اسفكوا في كعبة الخفافيش الخمور
اسكبوها
و اشربوها
باسم الشعب
فالنصر اتي
و الصبح اتي
رغم كل جبار و عاتي
| |
|
|
|
|
|
|
|
|
|
Re: انا حالة كوني شاعر حداثوي (Re: حمور زيادة)
|
رفيق وجعات المساء
صديق المسافات المكعوجة
حمور
ايها الشفيف الشفاف
دعني احدثك في وجع الامنيات الحاضرات
و الليالي المستوحشة وحدتها القانية
واهديك ما تحلبه حروف النص الاتي على لسانها :
أيها المتوحشون ...
توقفوا
فشعري الحريري الخصل
بات يشكو معيطكم !!
و شفتاي ما عادت تحتمل
قبلاتكم !!!
ولا زلت انتظر الصباح
اترقب بائع اللبن الذي يأتي
ولا يأتي
حسب احكام القدر
و نفسيات البقر
في ذاك الصباح !!!
و البط يسبح في البحيرة ...
و البحيرة ترضع النهر العظيم
و الصيادون يرتادون مجرى النهر في كل يوم
و يشعلون النار في وسط المدينة
لمجازر شواء السمك
سمك سمك
سمك سمك
دنيا سمك
وانا انام في الصبح
كي اعد الامنيات ...
في انتظار جودو !
حتى المساء
و عندها يرتادني الصيادون كأنني النهر العظيم!!!!!
ابها المتوحشون
شعري تمعط
و المكوجي ليس صديقي...
فيزعل من هذه الكرافس على سطح الملاية !
فافرنقعوا ...
الاخطاء الواردة في النص اعلاه تعبير عن نزعة التمرد ضدد قواعد النحو الغبية التي تحاول التحكم في احاسيس الكاتب المنعكسة على ماورائيات قطعته الابداعية
| |
|
|
|
|
|
|
|
|
|
Re: انا حالة كوني شاعر حداثوي (Re: Amjed)
|
صاحبي امجد ..
فتحت جراحات النصوص و ناس البورد يحلهم الله ..
اهديك هذا النص ..
الخروج المئة و الستين لعوضية الشمشارة
عوضية ..
عوضية..
عوضية ..
وجع الجرح في عوضية
يا ذات الشلخة
في ذات الارصفة
حين الانفجار
الموج يحمل تربيزة الجزار
السوق ما عاد السوق
فتحت عوضية احزانها
خبأت في محفضة الوجع دموعها
ثم تمخطت
انعكاس :
الجزار لم يجد تربيزته فصاح
انعل ابوكم
| |
|
|
|
|
|
|
|
|
|
Re: انا حالة كوني شاعر حداثوي (Re: حمور زيادة)
|
يا صاحبي حمور
بذكر السوق قلبت المواجع فهل رثينا معاً طاولة الجزارة :
يا طاولة
يا طاولة
يا طاولة
هلمو هلمو ايها السابلة
و دعو انحناءات الخريف تخمكم
فالخم سيحميكم من الهم
الذي يأتي
اثر غياب اللحم عن الطاولة
و ذلك الجزار البسيط
سيغدو وحيداً عندما نأتي اليه
ولا نجد الطاولة
تتربع الصدر من الجزارة
فنغدو للرواح
تاركين له الصمت والوحدة
و الام التمزق بالعطالة و الاسى
ستدركون الفرق في الدنيا التي
غابت عن جزاراتها الطاولة
و سيفلس بعد ذلك
مدربي البنغ بونغ حول العالم
و ينهار الاقتصاد الصيني
و تحترق روما مرة اخرى
| |
|
|
|
|
|
|
|
|
|
Re: انا حالة كوني شاعر حداثوي (Re: Amjed)
|
هلا هلا بفحول شعراء الحداثة و نص و خمسة
شايف متلبساكم بنية وعي ضبان ضكورية ؤ كدا
بتتمظهر بنية الوعي دي في المشهدية في النصوص . . .
الضحية ( الثور ) كقاسم مشترك في اعمالكم الجوز مما يستدعي بالضرورة حوامة الضبان بالذات في ( الطاولة ) . . . طاولة الجذار
بأخذ مدلولات ( فحل . . . ثور ) و قمنا بعد الفرتقة دي لميناها و حزمناها مستصحبين الضيف الجديد ( الضبان ) و قطع شك ح يكون ضكر بنلقى انو بنية وعيكم اصلاً تماهت في بنية وعي سميناها بـ مدلولاتها لتعطي المعنى (بنية وعي الضبان الضكر )
و اصلوا و انا بمش انوم و اجيكم الصباح لفرتقة نصوصكم دي
| |
|
|
|
|
|
|
|
|
|
Re: انا حالة كوني شاعر حداثوي (Re: نادية عثمان)
|
Quote: قبليني يا حبيبتي
ارسمي شفتيك على شفتيّ
كرفسي الملايه
فالمكوجي صديقي
لن يغضب ان كرفستي الملايه
هاتي الحبَ
لن يبرد الغداءُ فوق الطوالة
لن تنوح الطاولة
فانا سأكل
و أنتي ستأكلين
مضى عهد الجواري
و النساء اللائي يأكلن بعد الرجال
شكرا ماكدونالدز
فقد انهيت عهد الحريم
تخرج من مسامات حبيبتي وردة
عيون حبيبتي شرشفةٌ سمندلية
قامتها منحرشة التوقع فوق ازهار الاندهاش
بسمتها عالية التسامي في نهارات الهجير
لا ظل الا ظل الابتسامة
و اندلاقاتها زبرجد الروض الشفيف
يا باسقات الحب هذا مذهبي
عبد الوهاب اتى
فهاتي الشرندق من يمينك
و اسكبي لحن التحوصل في المرارات القديمة
و ارفضي..
زمن الهزيمة
الهزيمة
الهزيمة
الهزيمة
الهزيمة
الهزيمة |
تصدق يا حمور،
تاثرت غاية التأثر و أنا بقرأ النص (الشفاف) دة،
حتى بكيت،
اسأل الجنبى،،،
لكن عبد الوهاب بستاهل،،،،
قلت لى المكوجى صديقك بكوى الدستة بكم؟؟؟؟
| |
|
|
|
|
|
|
|
|
|
Re: . (Re: Amjed)
|
صديقي أمجد ..
ماذا اقول لك ؟
اني اعتصر قلبي
اغمض عينيّ
يتهدج صوتي
ترتعش يداي
يقطب جبيني
و اهمس لك ..
الحلزونه يمه الحلزونه
| |
|
|
|
|
|
|
|
|
 Re: .. (Re: Amjed)
|
و للحلزونة فى قلوبنا قصص ذات شجون........
| Quote: لقيت اهتماماتك نمطية شديد يا حوه |
مافى وقت أبوى،
ما فى وقت....
حوة أم جارتنا؟؟
بتعرفها من وين؟؟؟
| |
|
|
|
|
|
|
|
|
|
Re: .. (Re: Hala Hassan)
|
Quote: قيقراوي ..
بنية الوعي الذكوري انت ده
ما تنبز يا زول |
دي مشكلتكم يا حداثة
بتسموا الحاجات بغير اسماءها الولدتا بيها امهاتها
النبز دا تأصيل للنقد و لا شنو ؟ او هي معادل موضوعي للتفكيك ؟
في عصف ذهني كان عاصراني فكرة حداثاوية اكتشفت بعد ولادتها انها من بنات افكاري غير الشرعيات
طلعت فكرة بت حرام ساي في الاخر . . .
و اكتشفت انو المخاض كان حادث حراك فكري ساي . . . يعني لا حداثة و لا يحزنون !!
طولوا بالكم يا حداثة بطريقتكم الاصولية دي متوقع تهدروا دمنا عديل كدا المرة الجاية او تعلنوا علينا جهاداً مقدس
| |
|
|
|
|
|
|
|
|
|
Re: .. (Re: قيقراوي)
|
| Quote: شكرا عزيزي حمور وانت تخرج عبدالوهاب من تلك العباءة الباليه الي رحاب اوسع ,,, |
شكلو حيخرج وهبى من المنبر بالطريقة دى
هسة وهبى معتكف بيفكر فى حاجة تالتة غير السياسة والأدب!!!
أظهر يا وهبى
| |
|
|
|
|
|
|
|
|
|
Re: .. (Re: Hassan Makkawi)
|
| Quote: ان استلهامك للموروث في تأطير السايكوفوتيه للبطل تظهر في تناسق اللغة في توازي مع الشكل التناصي للصورة الكلية |
يا سلام يا حمووور،
كلام معبر جدا،
و إن دل يدل على الحالة السايكوباثية لإحساس البارنويا البقوم بيها الكاتب من الصباح،،،
كلو تمام،
كلو تمام،،،
| |
|
|
|
|
|
|
|
|
|
Re: .. (Re: Hala Hassan)
|
يعني تاني يا حمُّور نتوقع إنو نجي نلقا بكري معلِّق فوووووووووووووق بوست لوهبة الشفيف عنوانو مثلاً:
إليها ذات حين(غُصة)
غُصة تطعن في الحلِق
| |
|
|
|
|
|
|
|
|
|
Re: .. (Re: علاء الدين يوسف علي محمد)
|
حمور
كمان انت ما تبالغ شوية شوية علي وهبة صاحبي
ابدا ليهو بالمعلقات والمتنبي
لان المنبت لا ارض قطع ولا ظهر ابقي
وزي ما عارف الراجل اديب مولفة قلوبهم
| |
|
|
|
|
|
|
|
|
|
Re: .. (Re: khaleel)
|
قريباً
وهبى يسكت ( الخشامة )
فى ظهورة الفنى و الأدبى الأول منبرياً
ترقبوا الحدث
| |
|
|
|
|
|
|
|
|
|
Re: .. (Re: Hassan Makkawi)
|
Quote: قريباً
وهبى يسكت ( الخشامة )
فى ظهورة الفنى و الأدبى الأول منبرياً
ترقبوا الحدث |
هلا بمكاوي
من امبارح بحاول اعمل بيت شعر واحد
ما قدرت ولو بالايجار
انا شايف ياخوي اخير ارجع لقواعدي سالما
| |
|
|
|
|
|
|
|
|
|
Re: .. (Re: عبدالوهاب علي الحاج)
|
و الله يا حمور ما قصرت لكن إخترت الرهان الخاسر
الزول دا عارف نفسوا كويس لكن مرات كدا بياكل ليهو حاجات بتعمل فيه أكتر من كدا
شوفوا قال شنو هنا
Quote: من امبارح بحاول اعمل بيت شعر واحد
ما قدرت ولو بالايجار |
بعلن الإيجار على العلن عليك الله دا زول فن دا ؟؟؟؟؟(أللهم إلا إذا كانت الشين دي عليها فتحة)
غايتو في شارع الهرم............. إمكن ( وش مستغرب شديد)
| |
|
|
|
|
|
|
|
|
|
Re: .. (Re: ABUHUSSEIN)
|
عبد الوهاب يعلن انسلاخه من مجتمع الفن و الادب بعد اربعة و عشرين ساعة !!!!!!!
اليه اهدي هذا النص الأسود الحزين ..
اطعن خاصرة النبته
اقتل اخضر احساسي
قال لي نوري ماسي
و احذر التماسي
انتكاس كل راياتنا
مهزومة كل الجيوش التي نرسلها
لساحة الحرب
او زمن الحب
و الثواني كالشباشب القديمة
تدق فوق الهزيمة
طق طرق
دق درق
طش طلش
تدوي الشباشب
فتجيبها الشباطه
او جزمة باتا
ناعسات كاحلاته
عصفور أنا
مغرد بالولوله
يحفظ اخر الدرس
و ينسى اولّه
نابليون على القمر
يمشي كاسباروف على خطاه
و ظله لا يموت
فالظل لا يموت
هل الظلال تموت ؟
بالتأكيد الظلال لا تموت
من قال ان الظلال تموت ؟
تموت
تموت
تموت
| |
|
|
|
|
|
|
|
|
|
Re: .. (Re: حمور زيادة)
|
تموت تخلى
او ما تخلى على كيفك
خلى بلعك يا وهبة ياخ
يالزازيت احساسى معاك
يا الطرقت غنا الايام مطارق جوف
يالجوف الوقف مرتاح على حدب البنية الشالت
مدارق السيل
سيل يطرطش راسك يا وهبة ياخ
واخ ثم اخ
لابد للقصيدة الحداسية ان "تمتح " وتفتح على كل ابواب الشعر الحداسى
ونبدا الان
نبدا اجراس الزمن طاخ طيخ
ملحوظة
الجرس يقول رن رن ررن
وسالى صابونة من نوع ايه؟تغسل وتشطف وتريح
سالى صابونة من انتاج
اس ام اى
اخر ابداعات وهبة الحلزونى
| |
|
|
|
|
|
|
|
|
|
Re: .. (Re: سلمى الشيخ سلامة)
|
قصة قصيرة :
ذات استيقاظ اشرقت سهيلة على اليوم كمجئ نجمة القطب بشارة بالربيع الذي لن يأتي. اولجت صحوها في زلف النهار.
رفع الديناصور رأسه و نظر اليها فدقت اجراس الكنائس رغم ان اليوم الثلاثاء.
الذباب كان ما يضايق الديناصور. رغم أن فتح الله الترزي انكر وجوده لكن العسكر كانوا محملين على سطح كل ذبابة ازعجت الديناصور في مرقدة الابدي جوارها عند لافتة صدرها المضيئة تعلن انه ممنوع الاقتراب او التصوير.
ذات تثائب فتحت سهيلة فمها فهربت الفطريات خوفا من غسول السيجنال القادم.
غضب الديناصور من فوهة فمها المشرعة كبركان فيزوف .
حاول الكلام لكن الذباب بدأ انزال العسكر فاثر الصمت.
| |
|
|
|
|
|
|
|
|
|
Re: .. (Re: حمور زيادة)
|
قصة اقصر من القبلها :
دلف السمندل الى ذاته . اشعل البخور. تمطى. ثم اغلق نافذة الفراشات و نام قرب المذياع.*
ـــــــــــــ
* هذا النص المحفز للخيال استغرق مني في كتابته اربعة سنوات و سبعة أشهر حتى خرج بهذه الصورة
ااااه كم انا متعب من رهق هذا النص.
| |
|
|
|
|
|
|
|
|
|
Re: .. (Re: حمور زيادة)
|
صورة مرتبطة ارتباط وثيق بالقصة اعلاه و هي تعبير بصري عن القصة و عن صراع الانسان المعاصر:
| |
|
|
|
|
|
|
|
|
|
Re: .. (Re: حمور زيادة)
|
Quote: قصة اقصر من القبلها :
دلف السمندل الى ذاته . اشعل البخور. تمطى. ثم اغلق نافذة الفراشات و نام قرب المذياع.* |
قصة اقصر منها و محتاجة صورة برضو ( الرجاء المساعدة " الفنية " . . . اها يا وهبة و رينا ابداعك الفني هنا ) :
انكشف المظروف عن " بطاقة دعوة لحضور عقد قرانها " فبعث لها باعتذار على خلفية صورة الرجل الذي حدق في قرص الشمس حتى غضت الطرف . *
حمودي
جِدة و نص و خمسة
6 شباط 2 كيلوسنة و تسعى . . . في الخير
--------------
* دي قريتها قمت اعدت كتابتها . . . و مشيت عملت قوقلة بـ " صورة الرجل الذي. . . " طلع لي النص دا قمت اضفت عليهو التوقيع . . . و العملية دي في فقهنا الحداسوي اسمها " القيقرة "
* بكسر الحاء بالمناسبة . . . طيب لما الاسم الفني الاول ما نجح شلنا منو قشران دا خليناهو حمودي ساي .
| |
|
|
|
|
|
|
|
|
|
Re: .. (Re: قيقراوي)
|
و الله انا حاسدك على شباط دي جنس حسادة يا فتحي
المرة الجاية حاكتب تواريخ نصوصي بتاريخ الثورة الفرنسية
| |
|
|
|
|
|
|
|
|
|
Re: .. (Re: حمور زيادة)
|
وووووووووووووووووووووووو
لوووووووووووووول !!
انتو البورد دا مافيه نظام عام ؟؟
ماشى سااااى كدا بشى لله يا حسن ؟
منو المسؤول من الرهط دا ؟
منو المسؤول من الذوق العام تبعو ؟
منو المسؤول من اشياءنا الثمينة ؟
منو المسؤول هنا من كريم المعتقدات ؟
منو المسؤول من امجد دا ؟
منو المسؤول من قيقراوى ؟
وين مراكز التاهيل لوهبى وحمور ؟
منو المسؤول
منو المسؤول
منو المسؤول
منو المسؤووووووووول ؟
مافى فاعلين (شر) ؟
قال المولى عز وجل : { كلا إذا بلغت التراقي وقيل من راق }
كرهتونا
ارتقو لى مستوى الحدث ..
| |
|
|
|
|
|
|
|
|
|
Re: .. (Re: دينا خالد)
|
| Quote: منو المسؤول من الرهط دا ؟ |
يا دينا ما هو سموهو رهط عشان كده
ما في اي مسؤولية من اي شخص تجاه اي من كان
ولا انتما ولا تخصص بل تحكمنا السليقة !!!!
وعشان كده نحنا مستمتعين وإلى الامام يا وهبة
ومنتظرين ابداعاتك في المجال الفني ويلا سريع
قبل ما تهف ليك وتجي تقلب حاجة وتانية
وإلى معلم الادب والفنون حمور عايزين نشوف
حاجة تانية ياخي
| |
|
|
|
|
|
|
|
|
|
Re: .. (Re: صلاح ليون)
|
Quote: انتو البورد دا مافيه نظام عام ؟؟
ماشى سااااى كدا بشى لله يا حسن ؟
منو المسؤول من الرهط دا ؟
منو المسؤول من الذوق العام تبعو ؟
منو المسؤول من اشياءنا الثمينة ؟
منو المسؤول هنا من كريم المعتقدات ؟
منو المسؤول من امجد دا ؟
منو المسؤول من قيقراوى ؟
وين مراكز التاهيل لوهبى وحمور ؟
منو المسؤول
منو المسؤول
منو المسؤول
منو المسؤووووووووول ؟
مافى فاعلين (شر) ؟
قال المولى عز وجل : { كلا إذا بلغت التراقي وقيل من راق }
كرهتونا
ارتقو لى مستوى الحدث .. |
شكراً يا مبدعة مع انك كرهتينا الاسئلة التعسفية ذاتو
لكن دا نص جيد للفرتقة يا وهبة . . . جيب عدتك النقدية وتعال - اهم حاجة " الديك " حيث ثبت امكانياته النقدية
كمية المسئولين المندوهين ديل اسي اولاد ماما يحوقوا ليك فيهم كيف ؟
بركة الما ندهتي بوليس المرور كان نسف لينا مشروع ألحوادث بتاعنا دا !
يا حمور تعال طلع دينا. . .
خلينا نعرف نبدع ياخ . . . اسي عاصرني نص جديد . . . و عندي موعد " نظام ديت " ؤ كدا مع ملكة جمال ربات الشعر
و عزيزنا المتلقي " المبدع " موعود بانخاب شديدة و اقواس قزح . . .
| |
|
|
|
|
|
|
|
|
|
Re: .. (Re: قيقراوي)
|
Quote: قصة اقصر منها و محتاجة صورة برضو ( الرجاء المساعدة " الفنية " . . . اها يا وهبة و رينا ابداعك الفني هنا ) :
|
| |
|
|
|
|
|
|
|
|
|
Re: .. (Re: عبدالوهاب علي الحاج)
|
| Quote: انا شايف ياخوي اخير ارجع لقواعدي سالما |
Back to where you belong!
____
And BTW, before you join the gang (rahhat), you have an unfinished business with Dr. SM, complete the task and then ask.. FYI, this is a new rule we as (rahhat) have implemented during your scape..
| |
|
|
|
|
|
|
|
|
|
Re: .. (Re: Yassir Tayfour)
|
ترقبوا قريباً قصة جديدة بعنوان :
ابن نوح يتناول افطاره في اسبوع
بقلم القاص الناشئ عبدالوهاب علي الحاج
| |
|
|
|
|
|
|
|
|
|
Re: .. (Re: عبدالوهاب علي الحاج)
|
Quote: ترقبوا قريباً قصة جديدة بعنوان :
ابن نوح يتناول افطاره في اسبوع
بقلم القاص الناشئ عبدالوهاب علي الحاج |
كرهتنا النشوء و التطور ذاتو . . .
في الحداسة ما في حاجة اسمها قصة براه و شعر براهو . . . كلو فاتح في بعضه زي بيوت اهلنا في الارياف الحنينة
تكستس . . . ( نصوص ) يا عمك . . . نص عرقي . . . نص ساعة . . . نص الكوب المليان . . . جِدة و نص و خمسة . . .
نص جديد . . .
بعدين اوعك تتواضع تقول : " نص جديد للاستاذ المبدع اليهو انا " التواضع مضر لوضعك في المجال دا ياخ لازم تستعلى على المتلقي عشان تعلى
| |
|
|
|
|
|
|
|
|
|
Re: .. (Re: قيقراوي)
|
يا داوود ،
يا داووووووووووووود ،
" ... تعرفوا اجمل حاجة انو لا خوف على انفتال بوستات زي دي . . .
يا دوب ماانعدلت
قالو في دبيب سِكر مشى دوغريييييييي ... " .
| |
|
|
|
|
|
|
|
|
|
Re: .. (Re: قيقراوي)
|
Quote: في الحداسة ما في حاجة اسمها قصة براه و شعر براهو . . . كلو فاتح في بعضه زي بيوت اهلنا في الارياف الحنينة
تكستس . . . ( نصوص ) يا عمك . . . نص عرقي . . . نص ساعة . . . نص الكوب المليان . . . جِدة و نص و خمسة . . . |
قيقا
كان كدا صدقوني تعبتو معاي
وانا اصلو نجاض نص استوا ماعندي
على اليمين ابراكم برى لمن ابقى براي في البورد دا
اسأل واجاوب وارد على رقبتي
والى ذلك الحين كونوا بخير
وترقبوا القصة الجديدة
| |
|
|
|
|
|
|
|
|
|
Re: .. (Re: Magdi Ahmed Elsheikh)
|
دكتور مجدي
حمد لله على السلامة
ونورت المنبر ياخ| Quote: ما الفرق بين القصة والحجوة؟ |
طبعا يا مجدي في الحداسة مافي حاجة اسمها حجوة ولا قصة كلو فاتح على بعضو
يعني المسألة مخلوطة خلط شديد في بعض
في الحداسة لا فوارق ولا حدود يعني زي الطبيب الـ house officer
يمشي يفتح عيادة في الاطراف ويكتب :
باطنية واطفال وجراحة ونساء وتوليد ومرات يضيف ليها علم نفس
كلو مع بعض
| |
|
|
|
|
|
|
|
|
 Re: .. (Re: Magdi Ahmed Elsheikh)
|
Quote: يعني المسألة مخلوطة خلط شديد في بعض
|
طيب مخلوطة دي سموها شنو؟!
وما هي فوائدها الادبية؟
وهل هذا انعكاس للواقع السياسي علي الادب والفن؟؟؟
| |
|
|
|
|
|
|
|
|
|
Re: .. (Re: Magdi Ahmed Elsheikh)
|
أنا إنفعلت بهذا النص الرايع لهذا وجب الرد
مدخل للنبيذ في مغارب المطر
واحد
عند المسلة ..
تدخل جثة عبد الشمس القابع في ترتيب الجو
ترطيب الجو
تسريب الجو
و صوت المطر على يافوخي
شو
شو
شو
أتنين.. ألف
مستحيل أن يظل الوعد تحت رؤى البنفسج حستبان
و جهك المبلول بان
برتكان
برتكان
بر... تكان
عندها هتفت بي الخيل التجيب الريح قم
فأعتدلت على مرايا
و الدواخل فجرها
قد آن..
آن
و آن طفلة الشبق.. منذ البلاد و المرمر
تدخل في مشفاي العنبر
بين سريري
و سرير القاعد جمبي
نورا صنقر
أخضر
أحمر
أصفر
و شكرا
| |
|
|
|
|
|
|
|
|
|
Re: .. (Re: Magdi Ahmed Elsheikh)
|
| Quote: وهل هذا انعكاس للواقع السياسي علي الادب والفن؟؟؟ |
والله دا احتمال غير وارد
لانو زي ما قلت ليك الحاجات كلها خاشة في بعض
بمعنى انو السياسة لا تنعكس انماهي منتج اساسي
واساسي جدا .
ياخ البوست دا عمل لي معنويات كدا
| |
|
|
|
|
|
|
|
|
|
Re: .. (Re: عبدالوهاب علي الحاج)
|
Quote: والله دا احتمال غير وارد
لانو زي ما قلت ليك الحاجات كلها خاشة في بعض
بمعنى انو السياسة لا تنعكس انماهي منتج اساسي
واساسي جدا .
|
استاذنا وهبة..
ارجو ان تفصح اكثر..
ماذا تعني بان الحاجات كلها خاشه في بعض؟
هل تعني بان الامور فنجطت وجاطت..
وهل للزخم الاعلامي السياسي القي بظلاله عليها..
وهل ليل الظلم والافلاس هو السبب في الجوطه
واختلاط الحابل بالنابل..
وكيف سيدي يكون الحل لفك الاختلاج هذا؟؟
| |
|
|
|
|
|
|
|
|
|
Re: .. (Re: عبدالوهاب علي الحاج)
|
| Quote: حاول حسها الحاجات دي بتتحس |
عزيزي وهبة..
عطفا علي ماذكرته من تداخلات
واختلاط الحابل بالنابل..
الا توافقني القول من زاوية فنية منعرجة
ان الاحساس لا مكان له من الاعراب
| |
|
|
|
|
|
|
|
|
|
Re: .. (Re: Magdi Ahmed Elsheikh)
|
| Quote: اسأل واجاوب وارد على رقبتي |
انت ما سمعت ؟ :
ان شاء الله براي ادق بابي
و افتحو و اقول :
هي دا منو دا الجاني ؟
دكتور منوت نيابة عن مدرسة " مشروع الحوادث " دا مرحب بيك ياخ
مرحب بيك في سفر الغياب دا . . .
و اصلوا مشروعنا دا هدفو يعلم الغيم انو يلبس البامبرز عشان ما يبلل فال الليل
الحاج اخوي حكى لي انو مشى مناطق في السودان الناس فيها بشوفوا انو طرزان دا متزمت ساي
هو زنان و مرات بقنبلها آي . . . لكن لو طلع كلاموا صاح اتخيلو خجلتنا من نفسنا . . .
شايف قصة الدبيب ريحتك ؟
| |
|
|
|
|
|
|
|
|
|
Re: .. (Re: قيقراوي)
|
Quote: و الله انا حاسدك على شباط دي جنس حسادة يا فتحي
المرة الجاية حاكتب تواريخ نصوصي بتاريخ الثورة الفرنسية |
تحسدوا المبدع على شباطتو ؟! . . . ما هوداك نصك مليان جزم عديل ! بس الحداسة دي ساكت هي ؟
دا عصر الصحافة بالجزم و " السياسة المجزومة بالجزمة " . . . و الفكر اللابس جزمة صيني كمان
تاريخ الثورة الفرسية . . . . يا الله ياخ دا التاريخ الانطلقت منو الحداثة كلها ياخ . . .
الخبز الفرنسي المحمس
القبلة الفرنسية
باريس قلاري
و باريس سان جيرمان
و غيييييك *
يا حمور يا اخوي من فرنسا كلها من زمن نابيلون لي يوم الليلة ما لقيت غير التاريخ ؟
التاريخ بتدوربو شنو؟ اظفر بذات الدين تربت يداك
-----------------
* دا رسم لـ عيييييك الفرنسية بحروف عربية
| |
|
|
|
|
|
|
|
|
|
Re: .. (Re: قيقراوي)
|
ثم واصلنا المسير اذ طلعت الشمس
فبلغنا الهوفكارتن وشربنا القهوة
ثم تحدّثنا لساعة
ما أنا بالروسية بل من ليتوانيا
المانية اصيلة
ويوم كنا اطفالا نقيم عند الارشيدوق
ابن عمي اخذني على زلأّقة
فاصابني الخوف قال ماري
تمسكي باحكام وانحدرنا نزولا
في الجبال يشعر المرء بالحرية
اقرأ معظم الليل
وانزل الجنوب في الشتاء
ما هذه الجذور المتشّبتة اية غصون تنمو
من هذه النفايات المتّحجرة يا ابن ادم
انت لا تقدر ان تقول او تحزر
لأنك لا تعرف غير كومة من مكسّر الاصنام
حيث الشمس تضرب والشجرة الميتة
لا تعطي حماية ولا الجندب راحة
ولا الحجر اليابس صوت ماء
ليس غير الظل تحت هذه الصخرة الحمراء
تعال الى ظل هذه الصخرة الحمراء
فأريك شيئا يختلف عن ظلّك في
الصباح يخبّ وراءك او ظلّك في المساء
ينهض كي يلاقيك
لسوف اريك الخوف في حفنة تراب
من قصيدة الارض اليباب لـ ت.س. اليوت
مفروض انها قصيدة رائعة ..
البيفهما بختو و الله
| |
|
|
|
|
|
|
|
|
|
Re: .. (Re: حمور زيادة)
|
يا حمور
الزول دة ما يغشكم
دة ما دربو
دُرّابو محفوظ عندي
حتى المشى الخور ألليلة القريبة دي 
و انا الاتخدعتة فيهو و قلتة بكرة بكري يعلِّق ليهو منجور أدبية جديدة
| |
|
|
|
|
|
|
|
|
|
Re: .. (Re: حمور زيادة)
|
APRIL is the cruellest month, breeding
Lilacs out of the dead land, mixing
Memory and desire, stirring
Dull roots with spring rain.
Winter kept us warm, covering 5
Earth in forgetful snow, feeding
A little life with dried tubers.
Summer surprised us, coming over the Starnbergersee
With a shower of rain; we stopped in the colonnade,
And went on in sunlight, into the Hofgarten, 10
And drank coffee, and talked for an hour.
Bin gar keine Russin, stamm' aus Litauen, echt deutsch.
And when we were children, staying at the archduke's,
My cousin's, he took me out on a sled,
And I was frightened. He said, Marie, 15
Marie, hold on tight. And down we went.
In the mountains, there you feel free.
I read, much of the night, and go south in the winter.
What are the roots that clutch, what branches grow
Out of this stony rubbish? Son of man, 20
You cannot say, or guess, for you know only
A heap of broken images, where the sun beats,
And the dead tree gives no shelter, the cricket no relief,
And the dry stone no sound of water. Only
There is shadow under this red rock, 25
(Come in under the shadow of this red rock),
And I will show you something different from either
Your shadow at morning striding behind you
Or your shadow at evening rising to meet you;
I will show you fear in a handful of dust. 30
Frisch weht der Wind
Der Heimat zu.
Mein Irisch Kind,
Wo weilest du?
I do, when I read it in English/German and when I read the whole poem - have issues understanding it in its Arabic format
------------
Abdelwahaaaab, Hammour da ma tatab3o, bijeeb lekom al7arami
(عدل بواسطة Rihab Khalifa on 02-09-2009, 05:40 PM)
| |
|
|
|
|
|
|
|
|
|
Re: .. (Re: Rihab Khalifa)
|
اما انا يا رحاب فما فهمتها لا بالعربي لا بالانجليزي
فيها صور جميلة بتجي فجأه لكن برجع بلقاها ما مترابطة
تعزيتي كانت انو حتى بعض النقاد الانجليز اعتبروها غامضة و بعضهم كان قايلا نكتة زي قصيدتي الفوق دي
| |
|
|
|
|
|
|
|
|
|
Re: .. (Re: حمور زيادة)
|
| Quote: بعض النقاد الانجليز اعتبروها غامضة |
true, and even more, hated it
C Powell called it "so much waste paper", just like the title Waste Land
having said that, I sort of like it/can relate to it, although I hardly identify with this kind of poetry
| |
|
|
|
|
|
|
|
|
|
Re: .. (Re: Rihab Khalifa)
|
انا عندي مشكلة عديييل مع الشعر الغير عربي كلو
شعرنا العربي عندنا ليو تفعيلاتو و بحورو و واضح بالنسبة لي
لكن الشعر الافرنجي ده صعب بالنسبة لي
ما بقدر استوعبو كويس
و ده المخليني شعر الحداثة يبقى لي زي ضرب الركبة
لأنو -شكلو بالنسبة لي- زي الشعر المترجم
عيناك في البحيرة
كوخ صيفي
و اسماك السلمون تواصل هجرتها
بحيرة شنو و ياتو كوخ ؟
و متين انا شفت لي سمك سلمون مهاجر وله ماشي عمره عشان افهم الكلام ده زاتو ؟
خليني في الشعر العربي البقدر افهمو
و الله مكر مفر دي سمحه جنس سماحة
| |
|
|
|
|
|
|
|
|
|
Re: .. (Re: Hassan Makkawi)
|
حتى انت يا رحاب ؟
كرهتونا الابداع ذاتو
اول مرة اشوف لي عرس بدون عريس
انت يا حمور البوست دا بالضبط عملتو تبدع فيه لي رقبتك دي ؟
و لا لي عبد الوهاب الصابئ عن دين الفن و الآداب و المرتد لجماعتو الما نقصوا بحسب ادعاء ملاسي ؟
و لا لشنو بالضبط ؟
لا بالجد كدا و بعيد عن الخستكة . . .
اسمع خالد عباس " دندرمة بروح سعاد " و اديني رأيك يا حمور . . .
| |
|
|
|
|
|
|
|
|
|
Re: .. (Re: قيقراوي)
|
Quote: و لا لي عبد الوهاب الصابئ عن دين الفن و الآداب و المرتد لجماعتو الما نقصوا بحسب ادعاء ملاسي ؟
و لا لشنو بالضبط ؟
|
وهبه لازال يعاني من كاروشة الابداع ..
شوهد منذ قليل يتحاوم في بوست الفنان فاضلابيمرات .. مرات
| |
|
|
|
|
|
|
| |
حمور زيادة
عبدالوهاب علي الحاج
قيقراوي
rosemen osman
ود محجوب
Amjed
العوض المسلمي
Hassan Makkawi
علاء الدين يوسف علي محمد
khaleel
ABUHUSSEIN
سلمى الشيخ سلامة
دينا خالد
صلاح ليون
Yassir Tayfour
منوت
Magdi Ahmed Elsheikh
fadlabi
Rihab Khalifa
فيس بوك
تويتر
انستقرام
يوتيوب
بنتيريست