|
Re: دا..ما سلااامك..!! (Re: محمد عثمان)
|
الله عليك يا محمد عثان ..
تعرف .........
في إتنين غناهم بـ يخجوني خج بي نبرة صوتم الحنينة دي في غنا اللوم والإعتذار ...
أولم مجذوب أونسة دا ..
والتاني الامين عبد الغفار ..
يا خي الإتنين ديل لمن يغنو أغاني البكا والعتاب والإعتذار بي مزاج ، والله العظيم إلا تبكي معاهم بي دموعك عدييل كدة !!!
تسلم يا أبو حميد على اللحن الجميل دا ...
| |
|
|
|
|
|
|
Re: دا..ما سلااامك..!! (Re: ناذر محمد الخليفة)
|
ناااذر,,,
تحية و سلاااام كلماات عزمى جميلة..و عبد الطيف خضر ابدع فى اللحن و صوت مجذوب صوت طروب..فخرجت الاغنية كاجمل ما يكون.. و مع السقط دا لا نملك الا ان نستمع للغناء الجميل..
شكرا للمرور البهيج...
| |
|
|
|
|
|
|
Re: دا..ما سلااامك..!! (Re: محمد عثمان)
|
جينا بعد الفرقة نسأل جينا نلقى محنة عندك نحكي ليك عن ليل شقانا وعن مسار نجمو بعدك نحن سالمناك بي طيبة وياما بكىَّ عيونا ردَّك ليه زمان أديتنا ريدك وجيت حرمتنا تاني ودَّك
| |
|
|
|
|
|
|
Re: دا..ما سلااامك..!! (Re: محمد عثمان)
|
أخي محمد عثمان عارف أحلي من الروائع دي شنو؟؟ إختيارك ليها.. نعم فأنت تغوص في بحور الإبداع لتجلب لنا شتي الروائع ربنا يديك ألف عافية
أما تماضر الخنساء ... أنتما تعزفون سيمفونية الجمال واصلوا ونحن في إنتظار المزيد
| |
|
|
|
|
|
|
Re: دا..ما سلااامك..!! (Re: نها محسن أبورأس)
|
Quote: عارف أحلي من الروائع دي شنو؟؟ إختيارك ليها.. |
يا لروعتك وحِس رهافتك وبهجتك ونور جبينك وحسن فالك وضحتك بتضؤي لينا زي شموع ببسمتك يا محمد صدقني جد لو تغيب بنفقدك
وربنا ما يجيب الفراق إنشاء الله يا وجيه شكراً كتير ابو حميد .
| |
|
|
|
|
|
|
Re: دا..ما سلااامك..!! (Re: هاشم أحمد خلف الله)
|
Quote: يا لروعتك وحِس رهافتك وبهجتك ونور جبينك وحسن فالك وضحتك بتضؤي لينا زي شموع ببسمتك يا محمد صدقني جد لو تغيب بنفقدك
وربنا ما يجيب الفراق إنشاء الله يا وجيه شكراً كتير ابو حميد . |
الشفيف هااشم..
حضور جميل برقة و شفاافة كلمااتك لانيقة شكرا كتير و انت دايم الحضور فى واحة الغناء الجميل,,
تسلم
| |
|
|
|
|
|
|
Re: دا..ما سلااامك..!! (Re: نها محسن أبورأس)
|
Quote: أخي محمد عثمان عارف أحلي من الروائع دي شنو؟؟ إختيارك ليها.. نعم فأنت تغوص في بحور الإبداع لتجلب لنا شتي الروائع ربنا يديك ألف عافية |
الجميلة نها..
و حضورك دايما هو الاروع تسلمى..و شكرا للحضور الرقيق.
مودتى...
| |
|
|
|
|
|
|
Re: دا..ما سلااامك..!! (Re: salma subhi)
|
حين انطلق صوته لاول مرة فى منتصف السبعينات كنا نهاجر له اينما كان فهو من نقزو فى بربر ثم سكن فى فترة فى حى العباسية مما زاد التحامنا بغنائه واحببنا صوته الهديل كم كنت على صعيد خاص اتمنى طلته فى التلفزيون لا لسبب الا لاننا ابناء الاقاليم نحب جدا صوته وحين نزلنا الى امدرمان تعرفنا اليه عبر محمد نجيب محمد على فى بيته حيث كان مبارك شقيق نجيب يلحن له كلمات الشاعر محمد نجيب وعرفنا معنى الصوت حين يكون صداحا يا لمجذوب اونسة مازال صوته بكرا رغم الاعوام تحس كل مرة انه صوت خارج للتو ليقع على اذنك
حكاية عن مجذوب قيل ان زميلنا الفنان معتصم ( ويكيكه، عازف الكمان خريج معهد الموسيقى والمسرح وكان طريفا حاضر البديهة ، رد الله غربته ) كان معتصم يلعب الكمان ومجذوب اونسة قالوا له ذات مساء وكان ما يزال فى الداخلية ـ مجذوب اونسة منتظرك تحت فرد بقوله ـ هسى الزول يشيل كمنجة ولا نبلة غناهو كلو طيور وقمارى وهذا لعمرى ما شدنا اليه
| |
|
|
|
|
|
|
Re: دا..ما سلااامك..!! (Re: سلمى الشيخ سلامة)
|
الجميلة سلمى..
دايما ننتظرك لنسمع منك حكااوى الزمن الجميل الفنان مجذوب اونسة فنان ذو نكهة خااصة صوت جميل و قدرة تطريبية هائلة يعطيك الاحسااس انه يغنى من دوااخله و هو النوع من الفناانين الذين دخلوا السااحة الغناائية من اجل الفن و لا غير ذلك اتذكر ظهوره كان من خلال برناامج ساعة سمر الذى كان يقدمه عمر عثمان هذا البرنامج الى اسهم فى ظهور الكثير من الفناين...و لو اسعفتنى الذااكرة كان ظهوره باغنيته المشهورة الريد..الريد يا اهل متين لديااركم نصل..
Quote: حكاية عن مجذوب قيل ان زميلنا الفنان معتصم ( ويكيكه، عازف الكمان خريج معهد الموسيقى والمسرح وكان طريفا حاضر البديهة ، رد الله غربته ) كان معتصم يلعب الكمان ومجذوب اونسة قالوا له ذات مساء وكان ما يزال فى الداخلية ـ مجذوب اونسة منتظرك تحت فرد بقوله ـ هسى الزول يشيل كمنجة ولا نبلة غناهو كلو طيور وقمارى وهذا لعمرى ما شدنا اليه |
لكن دى قوية يا سلمى..مباالغة..
و اذكر ايضا له قصة مشهورة مع الفنان ود الامين ذكرها بنفسه مرة فى التلفزيون..انه رزق بولد فاخبر الفنان محمد الامين بذلك..و عااد مرة اخرى ليخبره بالسمااية و بدا الحديث مع ود الامين يانه رزق بولد..فرد عليه محمد الامين قائلا ..تانى..!!
شكرا كتير سلمى...
| |
|
|
|
|
|
|
Re: دا..ما سلااامك..!! (Re: تماضر الخنساء حمزه)
|
الأخ الفاضل محمد عثمان تحية طيبة وسلاااام أخوك مكسح شديد وعاشق شعر.. والكلم الطيب فعله فينا كما فعل النار في الهشيم الهش أغنية ( ما سلامك ) من ألاغاني الجميلة التي تغنى بها مجذوب أونسة وما أحلى ماقال شاعرها ( شيلنا شوقنا رجعنا بيهو وما ندمنا علي سلامك ).
لمجذوب أونسة درتين ولكن للأسف ما وجدت لهم تسجيل نضيف حتى الآن
( القمري يا رحال ) ( وجيت أوادعك يا قماري )
لو حصلت عليهم رجاءً أخي عثمان تسعفنا بهما مع لنيك الحفظ أكيد المسلط ناذر بجيب خبرهم
لك تحياتي أخي
| |
|
|
|
|
|
|
Re: دا..ما سلااامك..!! (Re: خالد علي محجوب المنسي)
|
Quote: الأخ الفاضل محمد عثمان تحية طيبة وسلاااام أخوك مكسح شديد وعاشق شعر.. والكلم الطيب فعله فينا كما فعل النار في الهشيم الهش أغنية ( ما سلامك ) من ألاغاني الجميلة التي تغنى بها مجذوب أونسة وما أحلى ماقال شاعرها ( شيلنا شوقنا رجعنا بيهو وما ندمنا علي سلامك ). |
الاخ خاالد...
لك التحية..و شكرا للحضور الجميل و فعلا البيت معبر جدا..
Quote: لمجذوب أونسة درتين ولكن للأسف ما وجدت لهم تسجيل نضيف حتى الآن
( القمري يا رحال ) ( وجيت أوادعك يا قماري )
لو حصلت عليهم رجاءً أخي عثمان تسعفنا بهما مع لنيك الحفظ أكيد المسلط ناذر بجيب خبرهم |
بخصوص الاغنيتين..كدا نرجع للدفااتر و نجيك راجعين و انشاء الله الاخ ناذر يمر بهنا عشان يسااعد كمان
مودتى...
| |
|
|
|
|
|
|
|