دعواتكم لزميلنا المفكر د.الباقر العفيف بالشفاء العاجل
|
|
 موصيلك بريق الصحو فى النجمات....
|
********
موصيلك بريق الصحو فى النجمات
مكلم ليك انا الموجات
تقول لعيونك الحلوات
معديلك
وجاي الرحلة من شاطي
النوى المهجور
معدي بحور
مهاجر ليك مدثر
بالفرح والنور
لاحزنان متل الاول
ولا الخاطر كمان مكسور
موصيلك طيورالنورس العايدة
تقول لك فارسك المغوار
برغم خطورة الابحار
وطول السكة والمشوار
ولفح الريح مع التيار
معديلك
وجايب ليك من المنفى
البعيد تذكار
وجايلك
يقاسمك فرحة الميلاد
ويعيد جنبك الاعياد
وكل الزاد
نجيمة شوق تقرب
يومى للميعاد....
|
|
 
|
|
|
|
|
|
|
 Re: موصيلك بريق الصحو فى النجمات.... (Re: محمد عثمان)
|
موصيلك بريق الصحو فى النجمات
مكلم ليك انا الموجات
تقول لعيونك الحلوات
معديلك
وجاي الرحلة من شاطي
النوى المهجور
معدي بحور
مهاجر ليك مدثر
بالفرح والنور
لاحزنان متل الاول
ولا الخاطر كمان مكسور
موصيلك طيورالنورس العايدة
تقول لك فارسك المغوار
برغم خطورة الابحار
وطول السكة والمشوار
ولفح الريح مع التيار
معديلك
وجايب ليك من المنفى
البعيد تذكار
وجايلك
يقاسمك فرحة الميلاد
ويعيد جنبك الاعياد
وكل الزاد
نجيمة شوق تقرب
يومى للميعاد....
ود عثمان يا مبدع
كل سنة وانت طيب
ومشتاقين كتير يعلم الله
والتحية عبرك لابوعركي البخيت
وياريت لو توريني شاعر الأغنية منو ؟؟
| |
|
|
|
|
|
|
|
|
|
Re: موصيلك بريق الصحو فى النجمات.... (Re: محمد عثمان)
|
حسن السر وابوعركى البخيت
انا لله
اتلاقو اول مرة فى بخاف
اغنية عجيبة الشكل والمضمون
الحكمة لمن كتبها كان فى الثانوى
وعركى زول شواف الله يغتى عليهو
قام لحن الاغنية والاغنية قامت فازت فى مهرجان الاغنية العربية فى الجزائر اوائل السبعينات
موصيلك طيور النورس العايدات وجاييلك
تعال ياخ
عركى البخيت الطيب
حكى لى تجربته الغنائية والحيايتة دون تزلف او تجميل
قال
ـ كنت شغال مع ابوى فى الحدادة ، ولمن بقى عمرى تمانية سنين ما خشيت المدرسة
دخلتها بعد داك وما تميتا لكن لمن بقيت اغنى مشيت الفصول المسائية وامتحنت ودخلت المعهد
كانت القراية مخصوص عشان ادخل المعهد
تخرج ابو عركى فى معهد الموسيقى والمسرح قسم الموسيقى بطيبعة الحال
ومازال يغرد ويفرد للجمال اجنحة بلا حدود
ياخ الزول دا كان شفتوه جميل جمال وسمح وسماحة لمن ما بشبه زول فى الدنيا
حنين لمن غلط وطيب لمن يذكرك ابوك وامك
وغناى لمن تقول بعده مافى زول بغنى
ابوعركى الله يغتيك ود امى
| |
|
|
|
|
|
|
|
|
|
Re: موصيلك بريق الصحو فى النجمات.... (Re: سلمى الشيخ سلامة)
|
Quote: حسن السر وابوعركى البخيت
انا لله
اتلاقو اول مرة فى بخاف
اغنية عجيبة الشكل والمضمون
الحكمة لمن كتبها كان فى الثانوى
وعركى زول شواف الله يغتى عليهو
قام لحن الاغنية والاغنية قامت فازت فى مهرجان الاغنية العربية فى الجزائر اوائل السبعينات
موصيلك طيور النورس العايدات وجاييلك
تعال ياخ
عركى البخيت الطيب
حكى لى تجربته الغنائية والحيايتة دون تزلف او تجميل
قال
ـ كنت شغال مع ابوى فى الحدادة ، ولمن بقى عمرى تمانية سنين ما خشيت المدرسة
دخلتها بعد داك وما تميتا لكن لمن بقيت اغنى مشيت الفصول المسائية وامتحنت ودخلت المعهد
كانت القراية مخصوص عشان ادخل المعهد
تخرج ابو عركى فى معهد الموسيقى والمسرح قسم الموسيقى بطيبعة الحال
ومازال يغرد ويفرد للجمال اجنحة بلا حدود
ياخ الزول دا كان شفتوه جميل جمال وسمح وسماحة لمن ما بشبه زول فى الدنيا
حنين لمن غلط وطيب لمن يذكرك ابوك وامك
وغناى لمن تقول بعده مافى زول بغنى
ابوعركى الله يغتيك ود امى |
الحبيبة سلمى...
شكرا ليك و انت تحكى عن انسان فنان اخو اخوان
سمعت من الكثيرين عن هذا الفنان المتفرد و كل الناس لا يذكرونه
الا بالخير فهو اضافة الى تميزه الفنى و تفرده ظل وفيا و مخلصا
لكل الاخوة و الاخوات فى قبيلة الفن..
اصبحنا مدمنين لابوعركى فى بواكير حياتنا و كنا نسمع يا نورا النوار
و عسل النحل الا ان جاءت بخاف والتى كانت فتحا فى عالم الكلمة الغنائية
و فتحا فى عالم التلحين فهى فرضت نفسها وقتها بقوه و اصبحت على كل لسان..
التحية لك اخت سلمى و انت دايما تزينين بوستات الغناء بالحكى الجميل
الذى يحمل فى طياته الكثير من تاريخ طويل ممتد و حافل بالابداعات المختلفة
من ناس جميلين مثلكم و مثل الفنان الانسان ابو عركى البخيت و التحية للشاعر
حسن السر الذى كتب درب حلتنا جابك يوم...
كل الود يا رفيقة الغناء الجميل و ربنا يخليك و يحفظك من كل شر...
| |
|
|
|
|
|
|
|
|
|
Re: موصيلك بريق الصحو فى النجمات.... (Re: khaleel)
|
Quote: محمد عثمان
ياخي لو سمحت اغنية شهر العسل لابراهيم عوض
وماذا يكون لكابلي ضروري ضروري يا كاروري
طارق جبريل مشتاقين وكدا |
خليل يا حبيب...
كيفك..؟؟
اها ماذا يكون هنا:
ماذا يكون...؟!
و للاغنية التانية بجيك راجع..
و صاحبك طارق جبريل لسه فراشو ما اترفع بهناك..
يديك العاافية...
| |
|
|
|
|
|
|
|
|
|
Re: موصيلك بريق الصحو فى النجمات.... (Re: Azhari Nurelhuda)
|
Quote: تعرفي يا سلمى
كلمات الأغنية دي كانت في رأس عركي
و قام عمر بولينو على ما أعتقد سأل عركي قال ليهو:
الليلة شنو يا عركي....؟
و رد عليهو عركي و قال:
الليلة التلاتاء....
و راح عركي شابك ليك في الليلة التلاتاء,,الليلة التلاتاء
لحدي ما الأغنية بقت غنية...
و ممكن تلاحظي الشكل الإيقاعي لي الليلة التلاتاء في (الثيمة) الأساسية
و التي تقول بالعربي عديل كدا:
الليلة التلاتاء الليلة التلاتاء الليلة.....
و كان أميقو (عليه الرحمة) بقوله بلسان كلارنيتيي مبين...
و أنا كم و كمين سنة كده و شوية بغني مع عركي
ما سمعتو يوم واحد بقول بريق الصحو
و كل ما يكون عايز الفرقة تعزف الأغنية دي بقول الليلة التلاتاء
و كانت معروفة للفرقة بإسم الليلة التلاتاء
و بريق الصحو دي ما عرفناها إلا لامن إتفلهمنا كدي و لاقيناكم ياناس سلمى أختي...
تصوري.......
__________________________
عذبتوني شديد
لاني كنت بسمع في أميقو و الصادق عوض و محمد طيرة في خلفية شغل العود الجميل ده
و هم بردموا ردم تمام في الأغنية دي...
و بصراحة ديل أعظم و أحسن ناس عزفوا الأغنية دي
و ما بتكرروا تاني....
يا حليللهم
و حليلنا
و حليل عركي الجميل
و حليل السودان العظيم
و حليل زمنا..... |
الجميل الفنان ازهرى..
فعلا حكااية لاغنية كما ذكرت وانتهت لتصبح اغنية مشفرة بكود معروف
للفرقه...
تسلم يا حبيب و يا حليلك يا بلدنا
يديك العاافية..
| |
|
|
|
|
|
|
| |
طارق جبريل
نوفل عبد الرحيم حسن
الطيب شيقوق
فاروق أبوحوه
عاطف عبدون
انعام عبد الحفيظ
هاشم أحمد خلف الله
هواري نمر
سلمى الشيخ سلامة
Azhari Nurelhuda
khaleel
فيس بوك
تويتر
انستقرام
يوتيوب
بنتيريست