دعواتكم لزميلنا المفكر د.الباقر العفيف بالشفاء العاجل
|
|
 يا حبيبي أين أيام الصفاء...؟!
|
يوم كنا كل صبح و مساء
في تلاق و عناق و هناء
إن رأيت البدر في كبد السماء
أو رأيت الطير يشدو بالغناء
يا حبيبي أين أيام خوال؟
يوم كنا بين سمار الليالي
ننهل الحب و نفنى في الجمال
و على النيل مواعيد الوصال
لم يدم لي غير ذكرى في خيالي
يا حبيبي هذه الدنيا لنا
فاملأ الكون بهاء و سنا
إنما سلواي ذكرى حبنا
أين يا ليلاي مني عشنا؟
لم يدم في العش إلا طيفنا..
|
|
 
|
|
|
|
|
|
|
|
Re: يا حبيبي أين أيام الصفاء...؟! (Re: نوفل عبد الرحيم حسن)
|
Quote: حليل زمن الصبا الماضى
وحليل زمن الحياة الزاهر
حليل زمن الحبيب راضى
وحليل زمن الهوى الطاهر
يديك العافيه يا محمد عثمان |
الحبيب نوفل..
طلتك نور فى هذا الليل الجميل
من الصدف اننى كنت بستمع لاغنية الكاشف حليل زمن الصبا
و ذلك قبل لحظات من مداخلتك هذه...فعلا القلوب شواهد
تسلم...
| |
|
|
|
|
|
|
|
|
|
Re: يا حبيبي أين أيام الصفاء...؟! (Re: سيف الدولة كامل)
|
Quote: هلا هلا يا محمد عثمان,,,, ليل بهيج
الا شايف المسنوحه حايمه بي هنا
نوفل , انت بتنوم بتين الساعة
عندكم 1 صباحا ما شغال؟ |
هلا بالحبايب
ياخى انت و صاحبك ود شيقوق ما تدونا فرقة معااكم
فى الخيمة بالهناك...هههههه
Quote: يا محمد عثمان,, انت اشتغلت
في سلاح المهندسين؟ |
يمكن يكون اسم على اسم
و عاشت الاسامى يا ملك...
شكرا للطلة الليلية...
| |
|
|
|
|
|
|
|
|
|
Re: يا حبيبي أين أيام الصفاء...؟! (Re: عماد شمت)
|
Quote: سلام حبيبنا محمد ودعثمان..
يازول مالك علينا والله يوم بتكتل ليك زول بالحسرة ..
يااخي الايام دي انتهت بقت مافي صفاء الا الجفاء
ايام لن تعود ..
لك حبي وكثير ودادي مع دوام العافيه |
الجميل عماد..
تسلم يا حبيب
ربنا يديك العاافية...
| |
|
|
|
|
|
|
|
|
|
Re: يا حبيبي أين أيام الصفاء...؟! (Re: Rihab Khalifa)
|
Quote: بالله تمسحو استريح، في ضلكم الهادي المريح..
:)
----
مع الاعتذار للاغنيه |
ياخى انتى عندك حق الفيتو هنا
يعنى اذنك معاك و كدا...مش انتى بتاعت المالية..؟؟
اها الوكيل منو..؟؟ههههه
ما يجى يسمعنا طارق كمان..
وشكرا للطلة...
| |
|
|
|
|
|
|
|
|
|
Re: يا حبيبي أين أيام الصفاء...؟! (Re: Huda AbdelMoniem)
|
محمد عثمان
صباحك زاكي العبير
ورحم الله الأستاذ العاقب محمد حسن
كان رائدا في مجال التجديد في الموسيقي و الكلمات
وكان يختار كلمات لشعراء غير سودانين لهذه الغاية
وخير مثال على ذلك أغنية هذه الصخرة للشاعر مصطفي عبدالرحمن
والتي تشابه كلماتها لحد بعيد هذه الأغنية وكلو في مقام البكاء و الحنين للماضي
يا حبيبي ظمأت روحي وحنت للتلاقي
وهفا قلبي الي الماضي
وناداني اشتياقي
أنا ظمآن ألاقي من حنيني ما آلاقي
فاسقني
وأملأ من النور ليالي البواقي
عليه الرحمة
| |
|
|
|
|
|
|
|
|
|
Re: يا حبيبي أين أيام الصفاء...؟! (Re: ALGARADABI)
|
Quote: محمد عثمان
صباحك زاكي العبير
ورحم الله الأستاذ العاقب محمد حسن
كان رائدا في مجال التجديد في الموسيقي و الكلمات
وكان يختار كلمات لشعراء غير سودانين لهذه الغاية
وخير مثال على ذلك أغنية هذه الصخرة للشاعر مصطفي عبدالرحمن
والتي تشابه كلماتها لحد بعيد هذه الأغنية وكلو في مقام البكاء و الحنين للماضي
يا حبيبي ظمأت روحي وحنت للتلاقي
وهفا قلبي الي الماضي
وناداني اشتياقي
أنا ظمآن ألاقي من حنيني ما آلاقي
فاسقني
وأملأ من النور ليالي البواقي
عليه الرحمة |
القرضابى الجميل...
شايفك لسه مع الفنان الذرى و صبااحات مشرقة...تسلم ياخى
العاقب محمد حسن بحق و حقيقة فنان يجبرك للاستماع اليه
فهو يختار كلماته و الحانه بعناية خاصة ساعدته موهبته و دراسته
الموسيقية فى جمهورية مصر العربية و لقد اطلق عليه فنان الفنانين
و ذلك لمقدرته التطريبية العالية و تميزه الشديد فى ما يختاره من اعمال..
له الرحمة و المغفرة فلقد خّلف لنا الكثير من الدرر الغنائية الخالده..
شكرا يا حبيب و شكرا للمداخلة الثرّه..
يديك العاافية...
| |
|
|
|
|
|
|
|
|
|
Re: يا حبيبي أين أيام الصفاء...؟! (Re: Huda AbdelMoniem)
|
Quote: محمد عثمــان
سبحان الذى لا يموت
مشتاقبن لاختياراتك الجميلة
تسلم
و Happy mother day
هيد الام بالولايات المتحدة الامركية |
هدى..
تحايا كتار و الف حمد لله بالسلاامة
و التحية ايضا لكل الامهات و ربنا يحفظهم و يخليهم..
كل الود...
| |
|
|
|
|
|
|
|
|
|
Re: يا حبيبي أين أيام الصفاء...؟! (Re: محمد عثمان)
|
العزيز محمد عثمان
كيف حالك يا زول يا نغم
يا حضور يا مشرق دائما
طولت ما لاقيتك ومشتهيك والله ومشتهى تواقيع جيتك البتدوزن الفجة كلها
العاقب مطرب المطربين
أكتر شى محزن يا محمد هو غياب صوت "القانون" من أغنياتنا
صحيح هو آلة شرقية بإمتياز، لكين كان بيدى مزيكتنا السودانية الخماسية طعم حلو وبديع جدا
من ايام العازف المبدع "مصطفى كامل" المصرى، ما حاول أى عازف سودانى الشغل على الآلة الغنية دى
ليه ؟
والسؤال موصل للموسيقيين هنا وكل المهتمين
شكرا ليك يا سمح
| |
|
|
|
|
|
|
|
|
|
Re: يا حبيبي أين أيام الصفاء...؟! (Re: أبوذر بابكر)
|
Quote: العزيز محمد عثمان
كيف حالك يا زول يا نغم
يا حضور يا مشرق دائما
طولت ما لاقيتك ومشتهيك والله ومشتهى تواقيع جيتك البتدوزن الفجة كلها
العاقب مطرب المطربين
أكتر شى محزن يا محمد هو غياب صوت "القانون" من أغنياتنا
صحيح هو آلة شرقية بإمتياز، لكين كان بيدى مزيكتنا السودانية الخماسية طعم حلو وبديع جدا
من ايام العازف المبدع "مصطفى كامل" المصرى، ما حاول أى عازف سودانى الشغل على الآلة الغنية دى
ليه ؟
والسؤال موصل للموسيقيين هنا وكل المهتمين
شكرا ليك يا سمح |
الشفيف أبوذر بابكر...
فعلا اشرت الى ملاحظة لى تاتى الا من اضان نضيفة ومن زول صاحب
حس موسيقى عالى...
اله القانون فى التسجيلات السودانية حكااية طويلة و بالتحديد فى تسجيلات
فترة الستينات و السبعينات من القرن الفايت...
هذه الفترة شهدت ظهور شخصين كان لهم اثر كبير جدا فى تطوير فرقة موسيقى الاذاعة
فى ذلك الوقت..الاول عازف الكمنجة الايطالى مايسترلى الذى حضر الى السودان بتوجيه
من الاطباء حيث كانت بنته تعيش باثيوبيا و حضر اليها هناك من ايطاليا و لكنه كان يعانى
من الام الرطوبة فاوصاه الاطياء بالذهاب الى السودان كاقرب مكان حيث طبيعة الجو الجاف
و بالتحديد الى الخرطوم..فكان حضوره ان شكل نقلة كبيرة لعازفى الكمنجة فى الفرقة السودانية
حيث قام بتعليمهم مبادى النوتة الموسيقية و ايضا طريفة المسك الصحيح للقوس و الكنجة فكان
ان اسهم مع بقية الفرقة فى اخراج اعمال جميلة جدا يستطيع المستمع تمييزيها عند السماع لبعض
التسجيلات التى اشترك بها..و يمكن ملاحظة ذلك فى التسجيل القديم لاغنية وحيات ابتسامتك
للفنان محمد الامين حيث كانت الصولة الموسيقية باله الكمان فى بداية الاغنية على يده هو
و نفس الشئ فى اغنية صالح الضىء سلوان ايضا هو من قام باداء صولة الكمان فى بداية الاغنية
و هذين التسجيلين هما التسجيلين الموجودين بالاذاعة الان...
عازف القانون مصطفى كامل حضر للسودان مع البعثة التعليمية المصرية ايضا فى فترة
الستينات و ايضا سااهم كثيرا فى تطوير فرقة الاذاعة فى ذلك الوقت كما كان له دور كبير
فى تنظيم الفرقة و ايضا فى الطريقة التى يتك بها تسجيلات الاغانى..
صولاته ظاهره فى الكثير من الاغنيات التى سجلت خلال تلك الفترة و اغنية ابسمى يا ايامى
واحدة منهم و ايضا اغنيات اخرى للفنان ابراهيم عوض و يكاد يكون مصطفى كامل يكون
قد شارك فى تسجيلات اعلب الفنانين خلال تلك الفترة و اى صوت لالة القانون فى تسجيلات
تلك الفترة هو صوت قانون مصطفى كامل...و اسمع هوى الروح لابراهيم عوض
فاسهامات و اضافات مصطفى كامل واضحة فيها فهى اعطت لهذه الاغنيه شكلا مميزا جدا..
شكرا ليك و انت تغوص فى كل هذه التفاصيل الجميلة...و شكرا للمداخلة الثرّة
كل الود....
| |
|
|
|
|
|
|
|
|
|
Re: يا حبيبي أين أيام الصفاء...؟! (Re: محمد عثمان)
|
Quote: يا حبيبي أين أيام خوال؟
يوم كنا بين سمار الليالي
ننهل الحب و نفنى في الجمال
و على النيل مواعيد الوصال
لم يدم لي غير ذكرى في خيالي |
تسلم وتشكر أخي محمد عثمان على إثراء وجداننا بما تقدم من اختيار رائع موفق للأغنيات.
| |
|
|
|
|
|
|
|
|
|
Re: يا حبيبي أين أيام الصفاء...؟! (Re: Gaafar Ismail)
|
العاقب محمد حسن
يا للفنان الرزين
الذى طلع علينا كبدر فى كبد الغناء
رحل الى مصر وعاد منها دارسا للموسيقى فى معهد الموسيقى العربية اواخر الخمسينات
حاول الى الغناء فى السلم السباعى
لكن تلك النغمات احس وهو الفنان العارف بعدم مؤامتها لمزاجنا
فعاد الينا مجللا بافنان الغناء النابع من الخماسى
كان ملحنا باهرا
لا يقل سطوة عن الفذ الاخر برعى محمد دفع الله
لكن حظه لم يكن مواز لحظ لبرعى
الا انه مجيد فى ذات الوقت
استطاع ان يشكل الى حد كبير مزاجا لعدد غير قليل من البشر فى محيط اللحن
تغنى له محمد ميرغنى من كلمات السر قدور
ولعلها من اكثر اغنياته شعبية "حنينى اليك"
ثم تغنى باحد اغنيات السر قدور التى راجت فى السبعينات او ما قبل ذلك
"ياحبيبى نحنا اتلاقينا مرة"
حكى لى عم السر قدور "ان الفنانة عائشة الفلاتية اعجبت بتلك الاغنية ، وسالته ان تغنيها ، فوافق ،
لكنها جاءت مساء احد الايام الى دار الفنانين ، وكان العاقب يجرى بروفات تلك الاغنية ، فجاءته غاضبة
ـ السر ! ليه اديت العاقب الغنية دى وكنت اديتنى ليها ؟
فرد عليها عم السر بقوله
ـ هسى انتى يا عاشة اختى بتقدرى تطلعى المسرح وتقولى يا حبيبى انحنا اتلاقينا مرة ،انشا الله تانى الف مرة كل مرة؟
فجاءت الاجابة ضاحكة منها
ـ برى
ـ اها خلاس الاغنية حقت العاقب
رحم الله الفنان العاقب محمد حسن والفنانة عائشة الفلاتية وامد الله فى ايام حبيبى عم السر
خارج النص
فى ذات مرة كنت فى الاستديو مسترخية ارقد الى ارض الاستديو ظانة انى وحدى
فلقد كنت متعبة بعد يوم طويل انتظر تسجيل برنامج ما ، وحتى يعود الزملاء تمددت على ارض الاستديو
كنت اغنى "ياحبيبى ظمئت روحى وحنت للتلاقى "
وحين اكملت المقطع الاخير وجدت الاضاءة تسرى فى الاستديو
وقفت فزعة حيث ثمة كلام عن ان الاذاعة "مسكونة"
وجدت استاذ العاقب ومعيته الفنان احمد المبارك عازف الكمان والملحن يقفان امام الباب
كانا يستمعان الى غنائى
وحين اكملت الغناء وجدتهما يصفقان اعجابا الامر الذى ادهشنى
حينها قال لى استاذ العاقب
ـ تعرفى اجزنا صوتك
ضحكت منهما وقلت
ـ دا صوت ينسمع فى الحمام بس
فردا على اننى مجازة من تلك اللحظة
ليتنى سمعت "الكلام" حينها
لكين مرمى الله ما بترفع
| |
|
|
|
|
|
|
|
|
|
Re: يا حبيبي أين أيام الصفاء...؟! (Re: سلمى الشيخ سلامة)
|
Quote: العاقب محمد حسن
يا للفنان الرزين
الذى طلع علينا كبدر فى كبد الغناء
رحل الى مصر وعاد منها دارسا للموسيقى فى معهد الموسيقى العربية اواخر الخمسينات
حاول الى الغناء فى السلم السباعى
لكن تلك النغمات احس وهو الفنان العارف بعدم مؤامتها لمزاجنا
فعاد الينا مجللا بافنان الغناء النابع من الخماسى
كان ملحنا باهرا
لا يقل سطوة عن الفذ الاخر برعى محمد دفع الله
لكن حظه لم يكن مواز لحظ لبرعى
الا انه مجيد فى ذات الوقت
استطاع ان يشكل الى حد كبير مزاجا لعدد غير قليل من البشر فى محيط اللحن
تغنى له محمد ميرغنى من كلمات السر قدور
ولعلها من اكثر اغنياته شعبية "حنينى اليك"
ثم تغنى باحد اغنيات السر قدور التى راجت فى السبعينات او ما قبل ذلك
"ياحبيبى نحنا اتلاقينا مرة"
حكى لى عم السر قدور "ان الفنانة عائشة الفلاتية اعجبت بتلك الاغنية ، وسالته ان تغنيها ، فوافق ،
لكنها جاءت مساء احد الايام الى دار الفنانين ، وكان العاقب يجرى بروفات تلك الاغنية ، فجاءته غاضبة
ـ السر ! ليه اديت العاقب الغنية دى وكنت اديتنى ليها ؟
فرد عليها عم السر بقوله
ـ هسى انتى يا عاشة اختى بتقدرى تطلعى المسرح وتقولى يا حبيبى انحنا اتلاقينا مرة ،انشا الله تانى الف مرة كل مرة؟
فجاءت الاجابة ضاحكة منها
ـ برى
ـ اها خلاس الاغنية حقت العاقب
رحم الله الفنان العاقب محمد حسن والفنانة عائشة الفلاتية وامد الله فى ايام حبيبى عم السر
خارج النص
فى ذات مرة كنت فى الاستديو مسترخية ارقد الى ارض الاستديو ظانة انى وحدى
فلقد كنت متعبة بعد يوم طويل انتظر تسجيل برنامج ما ، وحتى يعود الزملاء تمددت على ارض الاستديو
كنت اغنى "ياحبيبى ظمئت روحى وحنت للتلاقى "
وحين اكملت المقطع الاخير وجدت الاضاءة تسرى فى الاستديو
وقفت فزعة حيث ثمة كلام عن ان الاذاعة "مسكونة"
وجدت استاذ العاقب ومعيته الفنان احمد المبارك عازف الكمان والملحن يقفان امام الباب
كانا يستمعان الى غنائى
وحين اكملت الغناء وجدتهما يصفقان اعجابا الامر الذى ادهشنى
حينها قال لى استاذ العاقب
ـ تعرفى اجزنا صوتك
ضحكت منهما وقلت
ـ دا صوت ينسمع فى الحمام بس
فردا على اننى مجازة من تلك اللحظة
ليتنى سمعت "الكلام" حينها
لكين مرمى الله ما بترفع |
الحبيبة سلمى...
ليك وحشة و سالنا عليك فى بوست على ما اذكر كان للاخت حنين
و مافى زول عبرنا...فجيدا جيتى و بالجد فاقدنك هنا..
شكرا للحكى الجميل و السير العطرة للراحل العاقب
الذى كان يحلو للفنانين ان ينادوهو بفنان الفنانين..
خارج النص كانت فى الصميم و اوعدك بالاغنية فى بوست منفصل..
لك كل الود...
| |
|
|
|
|
|
|
|
|
|
Re: يا حبيبي أين أيام الصفاء...؟! (Re: Gaafar Ismail)
|
| Quote: تسلم وتشكر أخي محمد عثمان على إثراء وجداننا بما تقدم من اختيار رائع موفق للأغنيات. |
الحبيب جعفر..يا رفيق الغناء الجميل
شكرا ليك كتير وانت دايما ما تعطر ساحاتنا
و ساحة الغناء بطلتك الوريفة..
تسلم و لك كل الود...
| |
|
|
|
|
|
|
|
|
|
Re: يا حبيبي أين أيام الصفاء...؟! (Re: محمد عثمان)
|
.. و لا يزال محمد عثمان قابضا علي جمر الغنائية الجميلة
.. وكمان يا ابوذر : يعود لإيزو ماستريللي، فضل تعليم خواض و بدر التهامي و علاء الدين حمزة، الطريقة
العالمية ذات التقنية العالية لمسك الكمان (طريقة فيولا)
و يعود لعزيزتنا إنعام عبد الحفيظ فضل البقاء حوارا" مخلصا في مسيد غناء السودان الاوركسترالي الجميل
* العاقب يسير على درب الخماسي السوداني، ليلامس المقام الدياتوني - العربي الكبير في كامل الإستمساك
بإيقاع الرمبا الاتيني
المغنى حياة الروح .. يسمعها العليل تشفيه (كلام لبيرم)
| |
|
|
|
|
|
|
|
|
|
Re: يا حبيبي أين أيام الصفاء...؟! (Re: أحمد طراوه)
|
Quote: .. و لا يزال محمد عثمان قابضا علي جمر الغنائية الجميلة
.. وكمان يا ابوذر : يعود لإيزو ماستريللي، فضل تعليم خواض و بدر التهامي و علاء الدين حمزة، الطريقة
العالمية ذات التقنية العالية لمسك الكمان (طريقة فيولا)
و يعود لعزيزتنا إنعام عبد الحفيظ فضل البقاء حوارا" مخلصا في مسيد غناء السودان الاوركسترالي الجميل
* العاقب يسير على درب الخماسي السوداني، ليلامس المقام الدياتوني - العربي الكبير في كامل الإستمساك
بإيقاع الرمبا الاتيني
المغنى حياة الروح .. يسمعها العليل تشفيه (كلام لبيرم) |
الجميل د. طراوة
يا زول مشتاقين شديد و برضو كنا فى سيرتك
مع زول قريبا ليك فى المهندسين..قبل يومين كدا...
باخى تانى ما تختفوا قدر دا و برضو شوف لينا معاوية
اخبارو شنو عشان نعاود من جديد فى سيرة مايسترلى و مصطفى كامل
قبل كم يوم مان يتجدث محمدية و جات سيرة مايسترلى فذكر لى ان الصدفة
وحدها لعبت دورا كبيرا فى انهم يتعرفوا على هذا الايطالى القادم من فلورنسا
و كانت الام الرطوبة سببا فى قدومه للخرطوم من اديس و التى كانت تعيش فيها بنته
هناك...
ذكر محمدية ان عربة مايسترلى تعطلت فذهب بها الى المنطقة الصناعية الى ميكانيكى
معروف حيث كان هو الوحيد الذى يعرف تصليح عربات البيرفكت و هى نوع العربة التى
كان يقودها مايسترلى...تعرف عليه الميكانيكى هناك و عرف ايضا انه عازف كمان فى ايطاليا
فقام باخبار العازف احمد بريس و الذى قام بعد ذلك بايصاله للاذاعة و تعريفيه بالفرقة
الموسيقية للاذاعة فى ذلك الوقت...و بعدها بدات رحلة مايسترلى مع ذلك الجيل
و ايضا اشترك معهم فى تسجيل الكثير من الاعمال الغنائية وقتها...
تسلم د. طراوة...
| |
|
|
|
|
|
|
| |
نوفل عبد الرحيم حسن
سيف الدولة كامل
طارق جبريل
عماد شمت
انعام عبد الحفيظ
Rihab Khalifa
ALGARADABI
Gaafar Ismail
أبوذر بابكر
سلمى الشيخ سلامة
أحمد طراوه
فيس بوك
تويتر
انستقرام
يوتيوب
بنتيريست