ونسال عنه كان طول هو ابراهيم حسين فنان لدرجة انك تنسى الى اى الاصوات ينتمى هل هو كروان ؟ام نسمة ؟ ام بلبل ؟ لاتعرف لفرط ان الغناء يدخلك جميعك حين تعلقنا باستار غنائه كنا صبايا بعد كان يغنى فى حفلات نادى العباسية حيث عاش ردحا من الزمان ومنذ الطفولة التصق صوته بلهاة القلب واللسان فلم يعد مجرد فنان بل تعدى ذلك ليكون احد ملامح المدينة (العباسية ) لكم احب صوته فى كل اغنية له مذاق وفى اى لحن له ترتيب خاص شكرا لك محمد لانك تلهبنا بكل هذا الشجن
06-04-2008, 00:16 AM
Sabah Hussein Sabah Hussein
تاريخ التسجيل: 09-05-2006
مجموع المشاركات: 2024
الحبيب محمد خليل صااحب الصور الجميلة للمشاهير..و صاحب الرحلة الماكوكية للثغر الحبيب,,,
تسلم يا جميل على حضورك الجميل فى واحة ابناء الشرق كجراى و ابراهيم حسين.. و ما تنسى تبدا تسلم لينا و انت داخل بورتسودان من هوشيرى و حتى البر الشرقى بهناااك و ما تنسى المخبازة عند هارون..
حى العبااسية هذا الحى الذى خرج منه الكثير من المبدعين فى مختلف ضروب الفن و الريااضة...الحى العريق المعتق الذى تخرج منه دايما رائحة البهجة و الطرب..
كنت اشااهد كثيرا الفنان ابراهيم حسين هناك هذا الفنان الذى ارتبطت اغنيااته فى اذهااننا باياام جميلة فى مرحلة الصبا البااكر حيث كنا نردد دايما مع سااعة الغروب مشيت اسال عليكم و نجمة نجمة الليل نعدو السنين يا حليلنا عدو و كانت اغنيااته على لسان البنات فى حفلات الاعراس مع الدلوكة واغنية كجراى الاخرى قالوا الزمن دوار يا بسمة النوار كانت حااضرة دايما.. و اااه يا زمن....
شكرا سلمى و دايما مداخلاتك تعطر المكان برائحة الزمن الجميل و هى ترحل بنا فى تناغم بديع الى اياام كاانت جميلة..
ياسسسلام يا محمد عثمان وانت يا زول مالك علي انا المسكين (قاصدني عديل كده ) الزمان: واه من ذلك الزمان الذي ذهب مع رياح الايام التي اتت تتقاطر وتتكاثر يوم ورا يوم وكانها تتامر مع رمال النسيان حتي تغطي سيرة تلكم الشفيفة الظريفة ذات اللون الابنوسي والضحكة التي تحاكي المزيكة... المكان: مدينة الان سكنها القبح واصبحت اماسيها ليس بين ثنايا دقائقها وساعتها السادسة رائحة ولا عطر تلك التي كانت ترسل في داخلنا عشق ذلك الفنان الذي يحتاج الي اعادة اكتشاف وتسليط كثيف الضوء علي فنه المميز الرهيف... يا محمد عثمان بجنس غناويك دي يوم بتخلي ليك زول يفك اخرو ويموت زززززززت
يا اخى لك التحية و فعلا من وين نجيب عمر تاانى مرة فى بوست للاخ ابو ذر جات سيرة اغنية للفنان صلااح ود البادية و كانت اغنية الف اهلا يا دموع و كان ان ارتبطت هذه الاغنية معى بمشاهد مماثلة لما ذكرته فى مداخلتك فكان ان فكيت اخرى وغايتو ربك ستر و مرت بسلااام.. يا صااحبى فضفض هو فى حدى جايب خبر...و احسن لينا من ان نموت بالحسرة على زمن جميل عدى و فات...
يا زول ربنا يديك العاافية و يحفظك من كل شر..
06-04-2008, 07:14 PM
Emad Abdulla Emad Abdulla
تاريخ التسجيل: 09-18-2005
مجموع المشاركات: 6751
لك التحية و التقدير و هى لحظاات نهرب فيها الى الغناء الجميل عله يشفى قليل من غليل و عدوة انتقلت الينا منذ زمن بعيد و جددها و نشطها من جديد اخونا عماد ربنا يديهو العاافية...
كل مودتى....
ـــــــــــــــــــــــــــــــــــــــــــــ و ما احلى التصاافى من بعد... و لما ترجع بالسلااامة و ترجع اياامنا الجميلة و رجوع القمرة لوطن القمارى.. و رجعنالك.. و رجع الصدى.. و نحن رااجعين فى المغيرب..
شفتى الغناء السودانى الجميل محتفى بالرجوع قدر شنو..!!
06-04-2008, 07:51 PM
انعام عبد الحفيظ انعام عبد الحفيظ
تاريخ التسجيل: 12-07-2005
مجموع المشاركات: 8738
إنعام .. يا أجمل كائنات الليل المغلغلة .. ( طبعا ده مقارنة بمحمد عثمان و ثروت و حيدر و خدر و انا .. و شوية كدايس ) .. ياخي ما ترحمي المواطن ده أصلو .. هو كان رحمنا في الأول لما بينزل الحاجات السعرانة دي ؟؟
أديهو ..
06-04-2008, 08:29 PM
Marouf Sanad Marouf Sanad
تاريخ التسجيل: 12-02-2004
مجموع المشاركات: 4835
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
هاشم أحمد خلف الله
انعام عبد الحفيظ
ALGARADABI
الجندرية
هند محمد
سلمى الشيخ سلامة
Sabah Hussein
محمد خليل ساني
عبدالكريم الامين احمد
Emad Abdulla
Ishraga Mustafa
Marouf Sanad
فيس بوك
تويتر
انستقرام
يوتيوب
بنتيريست