يا عيونى اسكبى دمع الحنين....!

Quote: ليه يا محمد عثمان كده سوينا ليك شنو يعني؟ في داعي للحزن ده؟ انا من امبارح دموعي ما وقفوا لحظه سافروا من والدي و والدتي .... و أصابتني الاغنيه في مقتل هم سعد عمري و حياتي دونهم كفؤاد العاشق الدامي الحزين تاني بكيتني !!!

Quote: والله الذي لا إله إلا هو يا محمد .. نقلتني من حالٍ إلى حال .. و جات العبرة من وين ما عارف .. و جا معاها الشجن القديم . الله يديك العافية يا محمد عثمان .. و يا عثمان حسين .. تتوسد الباردة .. و يرحمك الرحمن بقدر هذا الجمال الذي سكبته علينا و مشيت .

Quote: ينصر دينك ياخ والله ببحث عنها لي كم سنة وكتبت في هذا المكان شاحدآ السميعة لتزويدي بها وبكيت ل صلاح عبدالله بدموع الدم ( يا عيوني أبكي دم شوقآ لهم )

Quote: قليل من الشجن الاليم نكحل به اعين هذا الليل الطويل لكن البراعة التي تصنع منه جمالاً ينفذ الى الدواخل ليضمدها أو يزيح شيئاً من حرقتها شيء نادر لا يجود بها الا من امثال ابو عقان...

Quote: يا فرحة ماتمت يا محمد عثمان يا فنان نزلها تاني بطريقة اسهل عشان تفتح معانا

Quote: يا الله..

Quote: يا محمد ياخي والله ماها ناقصي شي يمين ان كان للجوعير وصلناهو حدو

Quote: نعم قليل منه يكفي

Quote: يا ود جبرين... الليلة انا ما بتهبش كلو.. كلو نار مولعة عديل كدا..غايتو ساعدونا بالمويه..

Quote: يمين ان بقيت رميتني ضُمممممممممممة في بحر الساموري ياعين الحرقان ههههههههههههههه

Quote: اها يا محمد عثمان انا قاعد اصلح بين ناس الخرطوم وامدرمان تقوم تدور وبي نمرة 4 والمسخوت ده ما كان بي هناك لاحوله ولاقوة اتقول عندو قرون استشعار بالسرعة دي وصل امانا ما بكااااااااايييي والله يا محمد عثمان ما مجاملة ذوقك راااااااااااااااااااااااااقي وبالجد بتعرف مكان الوجع,,, ودوااااااااك شااااااااااااااافي تسسسسسسسسسسسسسسسسسسسسلم وربنا يخليك لينا تبكينا وترضينا

Quote: الاخ محمد لك التحيه العملاق مبدع والاغنيه نادره وانت صاح تحياتى طبعا انا اقف تادبا لهذاالعملاق لالغيره وذكرت هذا فى البرفايل

Quote: واقف لي فترة ذنبك عند الله يا محمد عثمان رجعت ليك زول للبتاع جرررررررررز

Quote: يا محمد ما ذنبك كيف دموعي جارت والمنام ابى ليا عايزني اعمل شنو لو ما امشي للبتاع الله يجازي الـ كان السبب ههههههه

Quote: لعله هذه الاغنيه الحزينة عبر الصوت الشجى لأبى عفان كلمات الشاعر الدبلوماسي صلاح احمد محمد صلاح الذي يشكل الشاعر الثالث الأقوى في مسيره عثمان حسين بعد قرشي محمد حسن بفراشه الحائر ولقائه الأول وخمره عشاقه ثم باز رعه بدرره التي يصعب حصرها الآن من لدن " القبلة السكري / أنا والنجم والمساء / لا تسلني / شجن / بعد الصبر / الوكر المهجور وهلم جرا ... صلاح احمد محمد صالح يشكل ضلع مثلث أخر وتره باز رعه و ضلعه الأخر حسين عثمان منصور شكلوا في الخمسينات تحديدا حدائقا أنتجت أزهار عجزت حواء الفن السوداني من تجاوزها حتى الراهن بل يصعب عليها تجاوزها مستقبلا حسب المعطيات رغم خفوت أصواتهم في الستينات بعد الصمت المبدع لباز رعه وهجرته عبر المالح وانشغال حسين منصور بالعمل السياسي المعارض الذي دفع به لاحقا إلى القاهرة ثم لندن أما صلاح احمد محمد صالح فاستغرقه العمل الاعلامى الحرفي ثم الدبلوماسية ويحمد لصلاح أثناء وجوده باذاعه لندن تلك الفترة تسجيل الكثير من أغنيات ذاك الجيل تحديدا عثمان حسين وحسن عطية واحمد المصطفى عبر التصوير السينمائي Video Clips في منتزهات لندن تحديدا أل Hyde Park حيث البط والإوز الشهير الذي يسبح على بحيرة أل Serpentine الشهيرة كما يلاحظ في أغنيات عثمان حسين المصورة قديما ابيض واسود ممسكا بعوده المسحور... صلاح احمد محمد صالح يعتبر أكثر شعراء عثمان حسين قربا منه وصداقه كما شهد بذلك عثمان حسين في "كتاب الفن" لأبى العزائم رحمهما الله وطوال فتره منتصف الخمسينات وأواخر الأربعينات كان لايفرق بينهما العمل أو النوم عبر التلاقي في دار والد صلاح قرب مكي ود عروسه با م درمان ثم الذهاب في الأمسيات إلى السينما با م درمان ولقد اعترف عثمان حسين أن جل أغنيات صلاح له كتب مطالعها داخل السينما وهم يتابعون الأفلام المصرية لعبد الوهاب ثم يكملها لاحقا ولعل أشهرها : أنا المظلوم جفاني حبيب فراقو هجرو لي صعيب ..... و " ليالي الغرام " وغيرها وخلافا لعثمان حسين كتب صلاح احمد محمد صالح أغنيات لأحمد المصطفى أشهرها " نحن في السودان نهوى أوطانا إن رحلنا بعيد نطرى خلانا نطرى جلستنا في ضفاف النيل ** تحيه لمحمد عثمان بحسه الرفيع وذاكرته الراقية ولعل الأسبوع القادم تحل الذكرى السنوية الأولى لرحيل عثمان حسين فله الرحمة ولاسرته ومحبيه الصبر والسلوان . ** تنبيه: انتبهوا لغلظه ووضوح نقرشه عثمان حسين على العود فى نهايه كل لازمه عندما تصمت الكمنجات وغيرها من الالات المصاحبه تمجيدا واحتراما لمزهر عثمان حسين الذى يعادل اوركسترا بمقاييس هذا العصر الهابط !!!!

Quote: لو يفيد الدمع أو يجدي الأنين

Quote: لو .... يا اخوي محمد عثمان الف تحية ليك

Quote: عثمان حسين... ينثر الإبداع في أرجاء الوجدان السوداني... خير من يترجم الكلمات المفعمة بالشجن إلى لحن... وخير من ينقل هذا اللحن إلى مسامات المستمعين... له الرحمة والمغفرة... وكأنه خلق ليطربسكان الجنة!

Quote: أبو حميد ياخ و الله الهكر ده عذب بكري و عذبنا معاهو !! غايتو إلا نقعد نقلب في دفاترنا القديمة .. تسلم يا جميل ..

Quote: يا سلام يا محمد عثمان ونعود الي الملاعب ونحن نمتص هذا اللحن الذي وعدتنا علي امثاله وجعلت من هذه المساحة مرتعا للدهشة والروعةوالحنين

Quote: واصل تقديم الاعمال الفنية الرائعة. شكرا على الاغنية

Quote: اخوي محمد عثمان لقد قالها مرة الفنان المرحوم عثمان الشفيع ان الحان عثمان حسين تؤرقه جدا ولم استطع ان الحن كما يلحن عثمان حسين .. فعدما لحن عثمان حسين انا والنجم والمساء قال الشفيع انه تعب جدا وبدأ يعكف على لحن يكون مقاربا وقال ما ارتحت الا عندما لحنت .. لحن الحياة منك وما تقول نسينا الماضي ..... شكل التنافس في ذاك الزمن الجميل ليولد الابداع .. الله يرحمهم ..