|
دعواتكم لزميلنا المفكر د.الباقر العفيف بالشفاء العاجل
|
|
 Re: يا جماعه...عبد القادر دا منو..؟! (Re: ماجدة عوض خوجلى)
|
Quote: وانا مامنتظرنى يعنى ولاشنو ...
انا بعرفو اسمو عبدالقادر وبيغنى يابنت النيل وهو الفنان المفضل للحجيه ام انعام ...
اهاقصرت معاكم انا اها دى الطوبه الصحى صحى ..
تسلم محمد عثمان ... |
ماجده..
و فى الجيل مثالك نادر
و دا الجنن عبد القادر...
و منتظرين..
شكرا للطوبه..و المونه علينا
سلمت من كل شر..
| |
 
|
|
|
|
|
|
|
|
Re: يا جماعه...عبد القادر دا منو..؟! (Re: محمد عثمان)
|
الاغنية طبعا للراحل احمد محمد الشيخ الجاغريو
و عبد القادر من اهلو ناس العيلفون ...
و يمكن لاولاد العيلفون و الدبيبة ان يضعوا النقاط فوق الحروف
شكرا محمد عثمان فقد اعتدت ان ( تحت ) من اذاننا تراب الكلام الردئ
| |
|
|
|
|
|
|
|
|
|
Re: يا جماعه...عبد القادر دا منو..؟! (Re: هواري نمر)
|
الاخ العزيز / محمد عثمان
لك التحية والود
اغنية بنت النيل من كلمات الشاعر المهندس بشير عبدالرحمن
وكان يقيم فى الاربعينات بمصر ولقد اعطاها للفنان احمدالمصطفى
عند زيارته لمصر سنة 1944 عند عودته هو وسرور وحسن عطية من ليبيا
بعد الترفيه عن القوات السودانية المشاركة فى الحرب العالمية التانية
وكانت الاغنية تنتهى عند ( احبو واحب نوناتو) ، ولقد اضاف لها الجاغريو
الكسرة وقال البعض ان ذلك كان فى زواج الفنان احمد المصطفى
اما عبدالقادر فهو عبدالقادر مضوى من العيلفون وهو صديق وقريب للشاعر احمد
محمد الشيخ الجاغريو
| |
|
|
|
|
|
|
|
|
|
Re: يا جماعه...عبد القادر دا منو..؟! (Re: Ahmed al Qurashi)
|
Quote: اغنية بنت النيل من كلمات الشاعر المهندس بشير عبدالرحمن
وكان يقيم فى الاربعينات بمصر ولقد اعطاها للفنان احمدالمصطفى
عند زيارته لمصر سنة 1944 عند عودته هو وسرور وحسن عطية من ليبيا
بعد الترفيه عن القوات السودانية المشاركة فى الحرب العالمية التانية
وكانت الاغنية تنتهى عند ( احبو واحب نوناتو) ، ولقد اضاف لها الجاغريو
الكسرة وقال البعض ان ذلك كان فى زواج الفنان احمد المصطفى
اما عبدالقادر فهو عبدالقادر مضوى من العيلفون وهو صديق وقريب للشاعر احمد
محمد الشيخ الجاغريو |
دكتور ود القرشى..
يا زول اوفيت و ما قصرت نب و شكرا للمعلومه المفيده جدا
و يا ريت دا يكون مدخل لشغل تانى فى سيرة الاسامى التى ذكرت فى اغنيات
الحقيبه خلال الفترات المتعاقبه..و كما ما هو معروف ذكرت الكثير من الاسامى
و كانت مربوطه باحداث معينه و بظروف زمانية و مكانيه مختلفة
كما هو فى بعض من قصائد خليل فرح و ابو صلااح و غيرهم من الشعراء..
تسلم يا دكتور و شكرا للمداخلة الثره..
يديك العاافية..
| |
|
|
|
|
|
|
|
|
|
Re: يا جماعه...عبد القادر دا منو..؟! (Re: هواري نمر)
|
Quote: هو عبد القــــــــــــــادر براه!!!
كلنا زي عبد القادر
و مجانين في بنت النيل!!!
اها العبو بينا كده ..
انت و معاك ود جبرين..!!
يا اخوانا براحة..واحدة واحدة...
تسلم كتيـــــــــــــر
ويسلم عميد الفن و ربنا يتولاه برحمته.. |
هوارى يا حبيب...
ما برااك يا زول شكلنا كلنا فى الهوا سوى
ناس زمان كانو ناس واضحين و بيكتبو الفى راسهم
مافى لف و دوران..
تسلم يا جميل و سلم لينا على كبير المجانين ود جبريل..
| |
|
|
|
|
|
|
|
|
|
Re: يا جماعه...عبد القادر دا منو..؟! (Re: انور التكينة)
|
Quote: الاغنية طبعا للراحل احمد محمد الشيخ الجاغريو
و عبد القادر من اهلو ناس العيلفون ...
و يمكن لاولاد العيلفون و الدبيبة ان يضعوا النقاط فوق الحروف
شكرا محمد عثمان فقد اعتدت ان ( تحت ) من اذاننا تراب الكلام الردئ |
الاخ انور لك التحية و التقدير و انت حضورا هنا
و الدبيبه و العليفون فعلا مستودع للابداع فلقد خرج منها
الكثير من مبدعى هذا البلد فى مختلف المجالات..
دكتور ود القرشى وضع النقاط فوق الحوف فى مداخلته التحت..
تسلم يا حبيب..
| |
|
|
|
|
|
|
|
|
|
Re: يا جماعه...عبد القادر دا منو..؟! (Re: محمد عثمان)
|
محمد عثمان
شكرا نبيلا للالق السمح دة
بنت النيــــــل اصلا وجع وبتوجع وبتوّر الكاروشة والكوفارة مع بعض
عبد القادر مضوى .. حسب قصة حكاها لى عمك كبير من ناس العيلفون .. بانه رجل جميل ويحب البهجة والطرب بالاضافة لذلك ( ودة الاهم ) انه زول بكاى شديد الله يرحمه ويحسن اليه ..
كان بمشى الحفلات وعندما يشاهد فتاة جميلة جدا بفقد المنطق وفى صمته العنيف دة بشيل ( الفرار ) وبرفعو وطوالى فى ساقو ... .. بكسر الساق وبشيلوه جماعته فى كل حفلة يفقد فيها المنطق وتكررت هذه الحالة فى اربعة حفلات بالعيلفون والمناطق المجاورة ..
الجننو هو الجمال الشاهق
| |
|
|
|
|
|
|
|
|
|
Re: يا جماعه...عبد القادر دا منو..؟! (Re: محمد زكريا)
|
ده الجنن عبدالقادر
منقول
حكى لي أحدهم :
أحبو وأحب نوناتو .. نوناتو الفى وجناتو .. وهل يا صحابى أبقى لنا ( البوش والدكوة و الشنو ما بعرف داك ! ) وجنات - عشان تكون فى نونات؟؟ - ( أختفتالنونات ) بل إختفت ( الوجنات ذاتا ) .. صارت الوجوه ( شاحبة ) يلتصق اللحم فيها بالعظم كما الإستيكر بزجاج العربة .. حكمة الله حتى ( نونات الأطفال ) التى كانت تتوسط وجناتهم الندية عندما يضحكون إختفت ؟؟ وكيف لا تختفى ( نونات الصغار )والطرقـات ملأى بالألبان المشعة والبسكويتات منتهية الصلاحية ؟؟ وكيف لا تختفى ( نونات الكبار ) ومعظم الأسر صارت تعيش على ( طقة واحدة ) – وكمان من غالب قوت أهل البلد !! مما جعل ( أهيف فيروس ) كفيـروس (النـزلة) مثلاً يبرم فى شنباتو ويعمل فيها أبوعرام !! ويحتل ( هذه الأجساد الواهنة ) لأيام وربما لأسابيع .
لاأدرى لماذاإسترسلت فى موضوع ( النونات ) ده مع أنو قصدى ( عبدالقادر ) الذى ورد أسمه فى الأغنية والتى يؤديها عميد الفن أحمد المصطفى . هذا العبدالقادر فقد صوابه كما جاء فى الأغنية و( جنتـر ) أو ( إتلحس ) لسبب غير معروف لنا معشرالمستمعين . تذكرت قصة ( عبد القادر ) صاحب الأغنية وأنا أستمع إلى حكاية عبدالقادر آخر رأيته وهو يحتل أحدى ( الصوانى الناصية ) في الخرطوم .
وهويشير بكلتا يديه إلى الذين يمرون من أمامه وهو يصرخ فى تشنج حتى تنتفخ ( عروق رقبتو ) قائلاً :
هسع دى تجى كيف ؟؟ هسع دى تجى كيف ؟؟
بالأمس وجدته وقد ترجـل عن الصينية بعد أن لسعته حرارة الشمس الحارقه ليقطع الشارع ويقف تحت ظل البقالة التى قصدتها لشراء علبة سجائر ..كان يبدو أن حالته فى ذلك اليوم ( أحسن شويه ) لذلك فقد خطرت لى فكرة أن أدخل معه فى نقاش علنى أستنطقه وأعرف قصة سؤاله التاريخى الذى يردده وهو : ( هسع دى تجى كيف ؟؟ ) .. طلبت له زجاجة حاجة باردة أمسك بها وإتجه إلى جدار البقالة حيث الظل وجلس .. قويت قلبى وجلست فى مواجهته فى هدوء وترقب سائلاً أياه :
- إسمك منو ؟؟
- إنت هسع خلينى من إسمى .. أنا إسمى هين !! لكن بس دى تجى كيف ؟ - مواصلاً فى تشنج - دى والله أصلها ما بتجى ؟
- هى شنو الما بتجى ؟؟
- إنت بس جيبا ليا ؟
قلت فى نفسى على طريقه الفنان عادل إمام ( والله لو أعرف أقول ) إلا أننى ( وبعدأن راق شويه ونزل منو) عرفت إنها ما بتجى ( كلو كلو ) !!
قال لى وهو يبدأ الحكاية … أنا إسمى (عبدالقادر) أمى ولدتنى وماتت فى الوضوع قام أبوى ربانى وأصلو ما فكر يتزوج قمت أنا كبرت وإشتغلت وإتعرفت ليا على أرملة وقمت إتزوجتها - ياخد ليهو بقة من البارد - أها زوجتى دى عندها ( بت ) قام أبوى شاف البت وعجبتو وإتزوجا - مواصلاً -أها يا زول بعد سنة كدهـ زوجتى ولدت ليا ولد وكمان ( أبوى ) برضو زوجتو ( بت زوجتى ) جابت ليهو ولد - يستعدل فى جلسته متسائلاً - أها ولد ( أبوى ) ده أخوى - وهو ينتظر إجابتى - مش كده ؟؟ فأجبته بالإيجاب ... مواصلاً - وولدى أنا ببقى لى أخوى ده ( أخو أمو ) يعنى ( خالو ) مش كده ؟؟ فأجبته بالإيجاب - مواصلاً - وزوجتى أنا بتبقى لى أخـوى ده ( حبوبتو )أم أمو مش كده ؟؟ فأجبته بالإيجاب - .. مواصلاً - وأبوى ده ذاتو ببقى لى ( ولدى ) جدو أبو أبوهو مش كده ؟؟ فأجبته بالإيجاب .
هنا نظر إليا وقد إتسعت حدقتا عينية وكأنه فى طريقه لحالة (الجنون) تلك قائلاً :
طيب لمن ولدى أنا يا أستاذ يكون ( خال أخوى - مش معنى كده إنو أنا جـد أخوى - وهو يقيف على حيلو - ولمن أكون أنا ( جد ) أخوى مش معنى كده يا أستاذ أنا جـد نفسى ..
ثم رافعا كلتا يديه متسائلاً :
أها بس دى تجى كيف ؟؟ أها بس دى تجى كيف ؟؟
أجبته وأنا أتجه صوب عربتى : قوم ..قوم يا عبدالقادر ( أطلع صينيتك ) والله دى ما تجى كلو كلو !!
| |
|
|
|
|
|
|
|
|
|
Re: يا جماعه...عبد القادر دا منو..؟! (Re: محمد زكريا)
|
Quote: انتو كدي خلونا من عبدلقادر يجن ولا يطقع بالحجار
بنت النيل دي منو؟بعدين شنو يعني احبوا واحب نوناتو؟
ياربي بتستاهل اجنن عشانهاهسع
غايتوا ناس زمان ديل كانو بيبكوا علني عدييييل كده |
ود زكريا...
سلااام ياخى
باقى ليك الكلااام دا بيطلع ساكت...ما اظن
جماعتك ديل كانوا بيصلوا ذروه الانفعال و يكتبوا لينا
الحاجات الجميلة دى..غايتو المسالمة دى شكلها كان فيها العجائب
ولا شنو..؟؟
تسلم يا حبيب..
| |
|
|
|
|
|
|
|
|
|
Re: يا جماعه...عبد القادر دا منو..؟! (Re: الفاتح الصادق حامد)
|
Quote: شكرا نبيلا للالق السمح دة
بنت النيــــــل اصلا وجع وبتوجع وبتوّر الكاروشة والكوفارة مع بعض
عبد القادر مضوى .. حسب قصة حكاها لى عمك كبير من ناس العيلفون .. بانه رجل جميل ويحب البهجة والطرب بالاضافة لذلك ( ودة الاهم ) انه زول بكاى شديد الله يرحمه ويحسن اليه ..
كان بمشى الحفلات وعندما يشاهد فتاة جميلة جدا بفقد المنطق وفى صمته العنيف دة بشيل ( الفرار ) وبرفعو وطوالى فى ساقو ... .. بكسر الساق وبشيلوه و جماعته فى كل حفلة يفقد فيها المنطق وتكررت هذه الحالة فى اربعة حفلات بالعيلفون والمناطق المجاورة ..
الجننو هو الجمال الشاهق |
الاخ الفاتح..
لك التحيه و التقدير
شكرا للمداخله الثره و شكلها الشغلانه كان فيها كسر ساق عديا كدا
و فعلا كان زمان جميل..زمن التجرد و الانفعال الصادق و حقيقة
الجمال كتّال و التبعات كما هو واضح من مداخلتك ممكن تفوق
كل التوقعات..
شكرا ليك و سلمت من كل شر...
| |
|
|
|
|
|
|
|
|
 Re: يا جماعه...عبد القادر دا منو..؟! (Re: محمد عثمان)
|
محمد عثمان يا صديقي تسلم شديد علي الطرب الجميل و يسلم ذوقك
Quote: باقى ليك الكلااام دا بيطلع ساكت...ما اظن
جماعتك ديل كانوا بيصلوا ذروه الانفعال و يكتبوا لينا
الحاجات الجميلة دى..غايتو المسالمة دى شكلها كان فيها العجائب
ولا شنو..؟؟ |
المسالمة دي زي ما انت عارف و عايشت المجتمع فيها كانت و ما زالت مصدر
للجمال و المحبة .
لكم جمعيا" محبتي
| |
|
|
|
|
|
|
|
|
|
Re: يا جماعه...عبد القادر دا منو..؟! (Re: heba Elmahi)
|
Quote: محمد عثمان يا صديقي تسلم شديد علي الطرب الجميل و يسلم ذوقك
المسالمة دي زي ما انت عارف و عايشت المجتمع فيها كانت و ما زالت مصدر
للجمال و المحبة .
لكم جمعيا" محبتي |
شكرا هبه على الطله الوريفه..
المسالمه عشنا فيها اجمل حياتنا
و لنا فيها اياام جميلة و ذكرياات ستظل خالده ما حيينا..
يديك العاافية..
| |
|
|
|
|
|
|
|
|
 Re: يا جماعه...عبد القادر دا منو..؟! (Re: حمزاوي)
|
المكرم / محمد عثمان
صباحك زين
--------------------------------
شكرا لغنية العميد الروعة
ومع انو الذكرة خربة لكين السؤال ده لما ألحه على الناس شديد
لقي د. حساس محمد حساس إجابة لما كتب ده الجنن عبد القادر
ما قادر أستحضر كل التفاصيل بس عبد القادر ده زول كان مقدم في الخطة الاسكانية
والحكاية بتروي معاناتوا مع ناس الأراضي لحدى ما بقي الموضوع أنو يلقوا لى مساح يسلموا القطعة
وكل مساح يجي يمسك موضوع عبد القادر تحصل لى ظروف والموضوع يتعكس
لحدى ماكان الحل أنو يقوم يقري وأحد قريبوا مساحة في المعهد الفني
وينتظروا لحدي ما يتوظف في الأراضي
ونهاية الحكاية أنو المساح المنتظر ده ما تعين في الاراضي
خلى البلد وأغترب
وعبد القادر نهايتو معروفة
تحية للدكتور عبد الله الريح
ولى زمن بفتش في كتابو ده لانوا من الكتب الممتعة شديد ( يوميات حساس محمد حساس )
-----------------
تقديري
| |
|
|
|
|
|
|
|
|
|
Re: يا جماعه...عبد القادر دا منو..؟! (Re: عبدالقادر علي عبدالرحيم)
|
يامحمد اخوى
الحمد لله العرفنا عبد القادر
لكين يا وليد اتاريك ممسوخ
ضحكت لمن دمعت مع قصة بتاع الصينية
اتذكرت اوديب "المسرحية "
فى حاجة مشابهة
ماعارفاها بالظبط شنو
اها نجى للجنن عبد القادر
عارف يا محمد "عتمان" زى ما بتقول حبوبة
قصة عبد القادر البكسر كراعو دى حكاها لى جدى بشير رحمة الله عليه
وكان زولا بحب البهجة متل عمك عبد القادر دا
اها
عبد القادر دا لمن يشوف ليهم بنية سمحة فى السباته وقامت ترقص
طوالى بمرق فاسو ويهرس ساقو
عندى خالة لى كان من ضحاياها
البنية سمحة قاطعة
عليك امان الله لمن بقت حبوبة حلاتا وحلات الدنيا عليها
قامت ترقص
وصاحبنا شافها "العرس دا كان فى حى العرب " وقالت كدى ماست والزمن داك البتميس دى ما ست اللعب
اها عمك عبد القادر نط فوق وكرج كسر الساق
والعهدة على الراوى "على "انه كان عبد الرحمن الريح اجمل شاعر غنائى قاعد
قوم يا عبد الرحمن الريح "جوعر "على راى اخونا طارق
والجوعيرة جابت ليها غنوة فى البنية السمحة
زمان ما كانوا "بقطعوا الغنا فى الحال " حار حار
هيع عفيت من الحضزر الوقاد
غايتو يامحمد عثمان يوم بتكتلنى عديل
| |
|
|
|
|
|
|
|
|
|
Re: يا جماعه...عبد القادر دا منو..؟! (Re: سلمى الشيخ سلامة)
|
Quote: يامحمد اخوى
الحمد لله العرفنا عبد القادر
لكين يا وليد اتاريك ممسوخ
ضحكت لمن دمعت مع قصة بتاع الصينية
اتذكرت اوديب "المسرحية "
فى حاجة مشابهة
ماعارفاها بالظبط شنو
اها نجى للجنن عبد القادر
عارف يا محمد "عتمان" زى ما بتقول حبوبة
قصة عبد القادر البكسر كراعو دى حكاها لى جدى بشير رحمة الله عليه
وكان زولا بحب البهجة متل عمك عبد القادر دا
اها
عبد القادر دا لمن يشوف ليهم بنية سمحة فى السباته وقامت ترقص
طوالى بمرق فاسو ويهرس ساقو
عندى خالة لى كان من ضحاياها
البنية سمحة قاطعة
عليك امان الله لمن بقت حبوبة حلاتا وحلات الدنيا عليها
قامت ترقص
وصاحبنا شافها "العرس دا كان فى حى العرب " وقالت كدى ماست والزمن داك البتميس دى ما ست اللعب
اها عمك عبد القادر نط فوق وكرج كسر الساق
والعهدة على الراوى "على "انه كان عبد الرحمن الريح اجمل شاعر غنائى قاعد
قوم يا عبد الرحمن الريح "جوعر "على راى اخونا طارق
والجوعيرة جابت ليها غنوة فى البنية السمحة
زمان ما كانوا "بقطعوا الغنا فى الحال " حار حار
هيع عفيت من الحضزر الوقاد
غايتو يامحمد عثمان يوم بتكتلنى عديل |
سلمى يا حكّايه..
شكرا للحكااية و عليك الله شفتى التعبير عن المشاعر
عند ناس زمان كان كيف...ياخى دى مساله صعبه خلاص
كسر ساق عديل كدا...الله يدينا خيرهم..
شكرا ليك كتير وانت دايما تتحفينا بالذكرياات
و الحكاوى الجميلة المعبره جدا..
كل الود...
| |
|
|
|
|
|
|
|
|
|
Re: يا جماعه...عبد القادر دا منو..؟! (Re: عبد الناصر الخطيب)
|
Quote: المكرم / محمد عثمان
صباحك زين
--------------------------------
شكرا لغنية العميد الروعة
ومع انو الذكرة خربة لكين السؤال ده لما ألحه على الناس شديد
لقي د. حساس محمد حساس إجابة لما كتب ده الجنن عبد القادر
ما قادر أستحضر كل التفاصيل بس عبد القادر ده زول كان مقدم في الخطة الاسكانية
والحكاية بتروي معاناتوا مع ناس الأراضي لحدى ما بقي الموضوع أنو يلقوا لى مساح يسلموا القطعة
وكل مساح يجي يمسك موضوع عبد القادر تحصل لى ظروف والموضوع يتعكس
لحدى ماكان الحل أنو يقوم يقري وأحد قريبوا مساحة في المعهد الفني
وينتظروا لحدي ما يتوظف في الأراضي
ونهاية الحكاية أنو المساح المنتظر ده ما تعين في الاراضي
خلى البلد وأغترب
وعبد القادر نهايتو معروفة
تحية للدكتور عبد الله الريح
ولى زمن بفتش في كتابو ده لانوا من الكتب الممتعة شديد ( يوميات حساس محمد حساس ) |
شكرا اخ عبد الناصر..
الدكتور عبد الله الريح قلم جميل افتقدناه فى هذه الساحة..
تسلم و شكرا للمداخلة الخفيفة الظل..
| |
|
|
|
|
|
|
|
|
|
Re: يا جماعه...عبد القادر دا منو..؟! (Re: حمزاوي)
|
Quote: عبدالقادر دا دفعة اخونا صديق الموج
وصديقه الشخصي كانوا بيقعدوا مع بعض في رويال |
الحبيب حمزاوى..
ود الموج دا زول صاحبنا ياخى
و يملك روح كل الاجيال..
بس شايفو فاكى اخرو مع انا و النجم و المساء
و ياخى مقعد بازرعة دا كان فى البحر الاحمر
ما كان جمب النيل...
تسلم اخونا حمزاوى و شكرا للطلة...
| |
|
|
|
|
|
|
|
|
|
Re: يا جماعه...عبد القادر دا منو..؟! (Re: haroon diyab)
|
Quote: يامحمد عثمان
ازيك
هو جنن عبد القادر
لكن....
انت كل يوم مجننا بالروائع
تسلم .....
بالمناسبة
| Quote: يا جماعه...عبد القادر دا منو..؟! |
ده واحد كنغولي بس لقبو ( موبوتو....!!!!)هههههههههه |
هاارون يا حبيب...
تسلم يا جميل و الحمد لله صوتك مرق اخيرا
بس عليك الله الجنن يوهانس منو..؟؟؟
دا اظنو تاريخ ما بيتنسى ابدا..ولا ايه..؟؟
تسلم...
| |
|
|
|
|
|
|
| |
انعام عبد الحفيظ
انعام حيمورة
ماجدة عوض خوجلى
انور التكينة
هواري نمر
Ahmed al Qurashi
الفاتح الصادق حامد
طارق جبريل
محمد زكريا
وليد الطيب قسم السيد
heba Elmahi
haroon diyab
سلمى الشيخ سلامة
فيس بوك
تويتر
انستقرام
يوتيوب
بنتيريست