|
|
|
 Re: بى حالى وسهادى نجوم الليل شهيده..! (Re: النصرى أمين)
|
| Quote: انت الفنان دا عبد المنعم حسيب يا محمد عثمان ولا منو؟؟ |
الاخت الحبيبة انعام
تحياتى
هذا الفنان اسمه ابراهيم خوجلى
وهو من ابناء توتى
ولعله من اوائل الذين تغنوا بالماندولين
فى اوائل السبعينات هو والفنان النور الجيلانى
كان قد دخل الى معهد الموسيقى والمسرح فى تلك الفترة
لكنه لم يكمل مشواره التعليمى لظرف من الظروف
صوته هادئ ورزين
وله اكثر من عشرين اغنية مسجلة فى الاذاعة السودانية
اما عبد المنعم حسيب
دا فنان قامة
له عديد من الاغنيات اشهرها "عيونك كانوا فى عيونى"
وداير ليهو قعدة
بصراحة لانى بحب اغنياته جدا وطريقة الاداء عنده
شكرا
محمد عتمان الحبيب
| |
 
|
|
|
|
|
|
|
|
Re: بى حالى وسهادى نجوم الليل شهيده..! (Re: سلمى الشيخ سلامة)
|
Quote: هذا الفنان اسمه ابراهيم خوجلى
وهو من ابناء توتى
ولعله من اوائل الذين تغنوا بالماندولين
فى اوائل السبعينات هو والفنان النور الجيلانى
كان قد دخل الى معهد الموسيقى والمسرح فى تلك الفترة
لكنه لم يكمل مشواره التعليمى لظرف من الظروف
صوته هادئ ورزين
وله اكثر من عشرين اغنية مسجلة فى الاذاعة السودانية
اما عبد المنعم حسيب
دا فنان قامة
له عديد من الاغنيات اشهرها "عيونك كانوا فى عيونى"
وداير ليهو قعدة
بصراحة لانى بحب اغنياته جدا وطريقة الاداء عنده
|
سلمى يا سلمى يا جميلة وندية دايماً
تسلمي للمعلومة الجميلة والمفيدة
ايوا لاحظت صوت الماندولين واضح
وفعلاً إبراهيم خوجلي دا صوتو هادئ وجميل
وشخصياً إرتحت لصوته جداً وأعتقد إني شاهدت
ليهو تسجيل لأغنية مره في التلفزيون
اما الفنان عبد المنعم حسيب فكنت سعيدة جداً
بأن سمعت قبل فترة من الزمن بالصدفة جزء من برنامج
إذاعي يوثق لمسيرته الغنائية في إذاعة أف أم 100
شكراً ياسلمى يا مخزون المعرفة الذي لا ينتهي 
| |
|
|
|
|
|
|
|
|
|
Re: بى حالى وسهادى نجوم الليل شهيده..! (Re: سلمى الشيخ سلامة)
|
Quote: هذا الفنان اسمه ابراهيم خوجلى
وهو من ابناء توتى
ولعله من اوائل الذين تغنوا بالماندولين
فى اوائل السبعينات هو والفنان النور الجيلانى
كان قد دخل الى معهد الموسيقى والمسرح فى تلك الفترة
لكنه لم يكمل مشواره التعليمى لظرف من الظروف
صوته هادئ ورزين
وله اكثر من عشرين اغنية مسجلة فى الاذاعة السودانية
اما عبد المنعم حسيب
دا فنان قامة
له عديد من الاغنيات اشهرها "عيونك كانوا فى عيونى"
وداير ليهو قعدة
بصراحة لانى بحب اغنياته جدا وطريقة الاداء عنده |
شكرا بت الشيخ..
ما قصرت تب..
تحاايا..
| |
|
|
|
|
|
|
|
|
|
Re: بى حالى وسهادى نجوم الليل شهيده..! (Re: محمد عثمان)
|
.. تحياتي
إنعام، وباسط، وسلمى،وتماضر الخنساء، والنصري
وكل حواري الجمال و الطرب ، المحلقين وجدا" في سجادة
الشيخ الولي / ود عثمان اب جلابية
وقد سمعت من ناس توتي ان (بر محمد نور) قد جرجرته الى هذا الليرك البديع
ذات تلك الحسناء الوديعة التى قال فيها: إنتِ كلك زينة .. وعايمة كالوزينة .. و يحفظك مولاك
هنا بلاغة فذة:
البدرين تهابك .. ومن حسنك بعيدة
هي تجاوزت البدر حسنا .. غير ان القمر(قد يفر فراسخا و مسافات خشية الحسن العاصف)
إستوقفتني قصيدة حمدى الصائغ (شاهدان و قبر و وادي غير ذى زرع) في صدد الرحيل المفجع لزوجتة
وكان الصائغ قد إستعار في مناجآتها بعض ابيات بر محمد نور الجارية امامنا بخماسي المندلين، و ضريات التم تم التقيل
و صوت ابراهيم خوجلي المتدرج ما بين التنور و البارتون و الباص الخفيف
.. جيب لينا يا باسط مندلين ابراهيم خوجلي في كلام عتيق: الفي قلبي باين يعلم بيهو ربك .. يا ذا القدر رفقا بمهجة مُحبك
موعدي معك في بوست القطار المرا، ففي النفس شىء من حتى
| |
|
|
|
|
|
|
|
|
|
Re: بى حالى وسهادى نجوم الليل شهيده..! (Re: أحمد طراوه)
|
Quote: .. تحياتي
إنعام، وباسط، وسلمى،وتماضر الخنساء، والنصري
وكل حواري الجمال و الطرب ، المحلقين وجدا" في سجادة
الشيخ الولي / ود عثمان اب جلابية
وقد سمعت من ناس توتي ان (بر محمد نور) قد جرجرته الى هذا الليرك البديع
ذات تلك الحسناء الوديعة التى قال فيها: إنتِ كلك زينة .. وعايمة كالوزينة .. و يحفظك مولاك
هنا بلاغة فذة:
البدرين تهابك .. ومن حسنك بعيدة
هي تجاوزت البدر حسنا .. غير ان القمر(قد يفر فراسخا و مسافات خشية الحسن العاصف)
إستوقفتني قصيدة حمدى الصائغ (شاهدان و قبر و وادي غير ذى زرع) في صدد الرحيل المفجع لزوجتة
وكان الصائغ قد إستعار في مناجآتها بعض ابيات بر محمد نور الجارية امامنا بخماسي المندلين، و ضريات التم تم التقيل
و صوت ابراهيم خوجلي المتدرج ما بين التنور و البارتون و الباص الخفيف
.. جيب لينا يا باسط مندلين ابراهيم خوجلي في كلام عتيق: الفي قلبي باين يعلم بيهو ربك .. يا ذا القدر رفقا بمهجة مُحبك
موعدي معك في بوست القطار المرا، ففي النفس شىء من حتى |
دكتور طراوه...
شكرا على المداخله الشحمانه كما اتعودنا منك دايما
ما عارف السر الذى ربط الشاعر بر محمد نور مع فنانى توتى شنو...؟؟
حمد الريح ايضا تغنى له باغنية ابراهيم عبد الجليل امنه
و هذه الاغنية اعادها حمد للاستماع فى بدايه حياته الفنيه...
شكرا ليك كتير...
| |
|
|
|
|
|
|
|
|
|
Re: بى حالى وسهادى نجوم الليل شهيده..! (Re: محمد عثمان)
|
حبك يا حبيبي اصبح لي فريضة
انت هلكت روحي وانا روحك بريده
------
محمد عثمان
يازول انت نصيح
عٍلا والله يوم بتكتلو ليكم زول في البوست
ده .نقول نرتاح من طارق جبريل يظهر ليناهارون دياب
واجي ماشي بعند بوستيك وخايف اقول كدى
نشوف بوستات المشاكل ونرجع
لكن كدي نحجيك
زمان في بحري زمن البلدية وهي قصر الصداقة حاليا
قالوا لما يعملوا الجلسات والقعدات هناك
ولما يسمعوا بالجهه المقابله من توتي
كروان توتي ابراهيم خوجلي الناس في بحري
تتربع وتسمع .وتطرب .. وتنتشي
بس بالله شوفو جمال الصوت وكمية اصوت في شخص
طبعاالكروان ابراهيم خوجلي ترك الغناء لفتره
ورجع اليه مره اخرىوالان استقر به الحال
بالثورة الحارة العاشرة على ما اظن .
بالمناسبة يا محمد عثمان هذه الاغنية تغنى بها
مبارك حسن بركات من زمان بطريقة جميله كمان
وحبيت اهديك ليها بس ماوجدتها
بوست موفق
-------------
يديك العافية يامحمد عثمان انت والمعاك
| |
|
|
|
|
|
|
|
|
|
Re: بى حالى وسهادى نجوم الليل شهيده..! (Re: مدثر قرجاج)
|
من اوصاف عديدة ظهرت بى قوافى
وفنون جديدة افكارى تايهة
========
تطربنى القمارى فى غصنك نشيدة
يا الحزت المحاسن يا المنية الوحيدة
انا يانور عيونى محبتى ليك اكيدة
يا الصاين جمالك حسادك تكيدة
======
قربك لى سعادة وشوفتك لى مفيدة
بشكى ليك حظوظى وظروفى العنيدة
يا الناعسات عيونك لى عينا سهيدة
بى حالى وسهادى نجوم الليل شهيدة
=======
يا حبيب انت جافى نيرانى بتزيدة
شايل قلبى عندك والروح انت سيدة
يا عقد الجواهر يا معنى القصيدة
تضرب بى سهامك ارواحنا وتصيدة
======
حبك ياحبيبى اصبح لى فريضة
فى وصفك مكمل فى ذاتك فريدة
انت سلبت روحى وانا روحك بريدة
شفنا الصيدة عارت من جيدك وريدة
======
الروح تهوى زاتك يا حبيب وانت عيده
البدرين تهابك من حسنك بعيدة
نظراتك دواى وما منظور تعيده
لو طيفك يزورنى دى الليلة السعيدة
Quote: ياوليد الف دولار ستكون بطرف المهندس علاء الدين
لو قلت لى شاعر الاغنيه دى منو ................
ولو ماعرفته استعين بالاصدقاء |
ود قرجاج لو كنت في السودان كنت وريتك الشاعر
نحن هنا يدوب بنتذكر ناس بيتنا
طبعا هذه الاغنية تغنت باوركسترا مع الفنان مبارك حسن بركات
وكثير من الشباب غنوها
ولكن والله في اجازتي قبل الاخير لم يفارقني شريط قديم للكروان ابراهيم خوجلي
وفي نفس الشريط مكتورب اسم الشاعر بس تقول شنو
وممكن نستعين ( بصديق )عشان الفايده تعم
واديها لفه كده بالله وبعدين نزل لينا اسم الشاعر
لان الاغنية تستاهل لما بها من وصف جميل
------------------------
تشكرات تاني ود عثمان
| |
|
|
|
|
|
|
|
|
|
Re: بى حالى وسهادى نجوم الليل شهيده..! (Re: وليد عبد اللطيف)
|
Quote: ود قرجاج لو كنت في السودان كنت وريتك الشاعر
نحن هنا يدوب بنتذكر ناس بيتنا
طبعا هذه الاغنية تغنت باوركسترا مع الفنان مبارك حسن بركات
وكثير من الشباب غنوها
ولكن والله في اجازتي قبل الاخير لم يفارقني شريط قديم للكروان ابراهيم خوجلي
وفي نفس الشريط مكتورب اسم الشاعر بس تقول شنو
وممكن نستعين ( بصديق )عشان الفايده تعم
واديها لفه كده بالله وبعدين نزل لينا اسم الشاعر
لان الاغنية تستاهل لما بها من وصف جميل |
الاخ وليد...
شكرا لاضافة كلمات الاغنية التى يحتاجها هذا البوست..
اسم الشاعر فوق يا حبيب...
تسلم...
| |
|
|
|
|
|
|
|
|
|
Re: بى حالى وسهادى نجوم الليل شهيده..! (Re: مدثر قرجاج)
|
Quote: محمد عثمان لك التحيه على الاغنيه الجميله
ياوليد الف دولار ستكون بطرف المهندس علاء الدين
لو قلت لى شاعر الاغنيه دى منو ................
ولو ماعرفته استعين بالاصدقاء |
الاخ مدثر...
لك التحية و التقدير و تسلم كتير..
بالمناسبة الاف دولار بتاعتك ربنا شافا ساكت
يا زول اسم الشاعر موجود فى مداخلة دكتور طراوه فوق..
غايتو يا وليد يا اخوى ربنا ما اداك...
يديكم العاافية...
| |
|
|
|
|
|
|
|
|
|
Re: بى حالى وسهادى نجوم الليل شهيده..! (Re: وليد عبد اللطيف)
|
Quote: بالمناسبة يا محمد عثمان هذه الاغنية تغنى بها
مبارك حسن بركات من زمان بطريقة جميله كمان
وحبيت اهديك ليها بس ماوجدتها |
شكرا اخ وليد..
مداخلة كاربه و حكاوى جميلة
و كان اغنية فى شاطئ النيل الخصيب
التى يتغنى بها الفنان ابراهيم خوجلى تحكى
عن جلسه فى حديقة البلديه التى ذكرتها فى مداخلتك..
بالمناسبة ذكر دكتور طراوه اسم الشاعر فى مداخلته الفوق
و صاحبك سرح بيك سااكت...
تسلم يا حبيب...
| |
|
|
|
|
|
|
|
|
|
Re: بى حالى وسهادى نجوم الليل شهيده..! (Re: أحمد طراوه)
|
Quote: جيب لينا يا باسط مندلين ابراهيم خوجلي في كلام عتيق: الفي قلبي باين يعلم بيهو ربك .. يا ذا القدر رفقا بمهجة مُحبك
موعدي معك في بوست القطار المرا، ففي النفس شىء من حتى
|
د. طراوة اولاً شكراً لمداخلتك الدسمة
ومنتظرينك بهناك في بوست القطار المرا
| |
|
|
|
|
|
|
|
|
|
Re: بى حالى وسهادى نجوم الليل شهيده..! (Re: هاشم أحمد خلف الله)
|
Quote: بالمناسبة ذكر دكتور طراوه اسم الشاعر فى مداخلته الفوق
و صاحبك سرح بيك سااكت... |
ود عثمان
طبعا انا قلت خلاص نحن الذاكره مع الغربة اتلحست
وقلت ود قرجاج متابع اسم الشاعر (برمحمد نور)
واذا كان هو اسم شاعر الاغنية ماكان سأل بهذه الطريقة
عشان كده قلنا نستعين بصديق متابع
وضاعت الف دولار
ود عثمان وكما تفضلت
في شاطي النيل الخصيب === انا وانت جالسين ياحبيب
اغنية ماساهله تب ويريت تعمل لينا بيها شغل كمان
| |
|
|
|
|
|
|
| |
باسط المكي
انعام عبد الحفيظ
سلمى الشيخ سلامة
طارق جبريل
أحمد طراوه
سمير شيخ ادريس
وصال عالم
SHIBKA
محمد الشيخ أرباب
Rihab Khalifa
وليد عبد اللطيف
مدثر قرجاج
خدر
هاشم أحمد خلف الله
فيس بوك
تويتر
انستقرام
يوتيوب
بنتيريست