بعض من ملامح العرس الوئيد "يوميات العصيان الأول...
إلى شباب ثورة العصيان المدني: الحرية لا تقبل المساومة!
منبر التجانى الطيب للحوار بواشنطن يقيم ندوة بعنوان الازمة السودانية و افاق التغيير يتحدث فيها على الكنين
العصيان المدني...... تجميع فيديوهات للتوثيق ومزيد من النشر
19 ديسمبر .. إني أرى شعباً يثور !!
صدور... الهلوسة
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-09-2016, 00:08 AM الصفحة الرئيسية

مكتبة محمد عثمان(محمد عثمان)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

اكتوبريات...يا ثوّار أكتوبر يا صنّاع المجد

10-16-2009, 08:40 AM

محمد عثمان

تاريخ التسجيل: 11-09-2006
مجموع المشاركات: 6465

للتواصل معنا

FaceBook
تويتر Twitter
YouTube

كيف احذف مداخلة من بوستى

اكتوبريات...يا ثوّار أكتوبر يا صنّاع المجد

    يا ثوّار أكتوبر يا صنّاع المجد
    للحرية الغالية حطّمناهو القيد
    هيا هيا ...
    هيّا حيّوا الثورة
    وشمّروا ساعة الجِد .. ساعة الجَد
    ***
    هتف الشعب من أعماقو
    التطهير واجب وطني
    والحرية في أرض بلادي
    للأحرار بسمة وطني
    حقوق المرأة الكانت ضايعة
    عادت وزانت رفعة وطني
    من أهداف ثورتنا ..
    حماية جيرتنا .. سلامة وحدتنا
    هيا هيا ...
    هيّا حيّوا الثورة
    وشمّروا ساعة الجِد .. ساعة الجَد
    ***
    من نخلاتك يا حلفا
    للغابات ورا تركاكا
    من دارفور الحرة نبيلة
    لكل قبيلة على التاكا
    لكل الدم السال يا وطني
    بنحلف نحن فداكا فداكا
    بسمك يا رايتنا
    نجمع من قوتنا
    نشدد من عزمتنا
    هيا هيا ...
    هيّا حيّوا الثورة
    وشمّروا ساعة الجِد .. ساعة الجَد
    ***
    لإفريقيا نمد الأيدي .. أيدي شباب
    صادق ونبيل
    ولما ينادي الوطن العربي
    نخوض في الموت على كل دخيل
    ونبقى الآفة الما بتتلافى
    وكل الشافا يضوق الويل
    بسمك يا أمتنا
    نصدق في كلمتنا
    وتظهر بيك عزتنا
    هيا هيا ...
    هيّا حيّوا الثورة
    وشمّروا ساعة الجِد .. ساعة الجَد


                   |Articles |News |مقالات |بيانات

10-16-2009, 08:46 AM

Mustafa Mahmoud
<aMustafa Mahmoud
تاريخ التسجيل: 05-16-2006
مجموع المشاركات: 36016

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: اكتوبريات...يا ثوّار أكتوبر يا صنّاع المجد (Re: محمد عثمان)


    لما لليل الظالم طول****وفجر النور من عينا اتحول
    قلنا نعيد الماضي الأول
    ماضي جدودنا الهزموا الباغي**** وهدوا قلاع الظلم الطاغي
    وفي ليلة وكنا حشود بتصارع*****عهد الظلم الشب حواجز... شب موانع
    جانا هتاف من عند الشارع
    قسما قسما لن ننهار**** طريق الثورة هدي الأحرار
    والشارع ثـــار
    وغضب الأمة إتمدد نار***** والكل ياوطني حشود ثوار
    وهزمنا الليل..... وهزمنا الليل
    والنور في الأخر طل الدار **** والعزة اخضرت للأحرار
    وطني نحن سيوف أمجادك**** ونحن مواكب تفدي ترابك

    ولسه الشارع بيشهد لينا **** في يوم الغضبة حصاد ماضينا
    مشينا نعطر حقل الثورة **** بدم نفديه بلادنا الحرة
    وكان (اكتوبر) فجر الغضبة**** كسرنا قيود الماضي الصعبة

    لما مشينا موالكب صامدة**** تهدر..وتغلي..تهتف راعدة
    الرصاص لن يفنينا **** الرصاص لن يفنينا
    وسال الدم في أرض الوادي**** فدينا النور بالروح يا بلادي
    وكانت صفحة حكاها العالم**** وفجر (أكتوبر) طل وسالم

    كان في الجامعة موكب هادر**** صمم يجلو الليل السادر
    وكان الليل السادر غادر**** وكان الليل السادر غادر
    فجر غدره سموم دخان ***** ورصاص من صوته صحي السودان
    والشعب الثائر صمم هادر**** يصرع لنا الراجي الطول
    وكان القرشي شهيدنا الأول
    وما تراجعنا .. نذرنا الروح**** مسكنا دربنا ..وما تراجعنا
    للشمس الناير قطعنا بحور **** حلفنا نموت او نلقي النور
    وكان في الخطوة بنلقي شهيد **** بدمه بيرسم فجر العيد

    يا (أكتوبر) نحن العشنا ثواني زمان **** في قيود ومظالم وليل وهوان
    كان في صدورنا غضب بركان ****وكنا بنقسم بالأوطان..
    نسطر اسمك يـا سودان

    بدمانا السالت راوية الساحة **** حلفنا نسير ما نضوق الراحة
    شرعنا سيوف عصيانا المدني **** وكانت وحدة صف يا وطني
    اليد في اليد حلفنا نقاوم **** ما نتراجع ما بنساوم
    خطانا تسير في درب النصر***** هتافنا يدوي يهد (القصر)
    كسرنا حواجز..ازلنا موانع.**** صفنا واحد ،عامل طالب زارع وصانع
    وهزمنا الليل .... وهزمنا الليل

    والنور في الآخر طل الدار**** يا ساحة (القصر) يا حقل النار
    يا واحة بتحضن روح نصار**** رويينا ورودك دم ثوار
    وشتلنا فضاءك هتاف أحرار
    خطينا ترابك أحرف نايره **** بتحكي سطور ايامنا الثائره

    وشلنا الشهداء ومشينا نهتف **** وجرح النار في قلوبنا بينزف
    سجينا الشهداء وجينا نقاوم **** ما نتراجع ما بنساوم
    بينا وبينك نار يا ظالم**** وفجأه ونحن صفوف بتصمم
    زغرد فجر الفضة الحالم

    وهزمنا الليل وهزمنا الليل ***** والنور في الآخر طل الدار
    قسما ..قسما يا (أكتوبر) **** نحمي شعارك نحمي ثمارك
    ونرفع راية الثورة الغالية **** عالية ترفف فوق السارية
    عليها شعار الثورة الأكبر**** رسمه النار زاهي وأخضر
    ولسه بنقسم يا (أكتوبر)
    لـمـا يطـل في فجـرنا ظـالم **** نحمي شعار الثورة نقاوم
    نبقي صفوف تمتـد وتـهـتـف**** لـمـا يـعود الفــجـر الحـالم
    يـــــــا أكتوبر
                   |Articles |News |مقالات |بيانات

10-16-2009, 08:49 AM

محمد عثمان

تاريخ التسجيل: 11-09-2006
مجموع المشاركات: 6465

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: اكتوبريات...يا ثوّار أكتوبر يا صنّاع المجد (Re: Mustafa Mahmoud)

    تسلم يا دكتور

    شكرا على الاضافة..

    يديك العاافية..
                   |Articles |News |مقالات |بيانات

10-16-2009, 09:02 AM

Mustafa Mahmoud
<aMustafa Mahmoud
تاريخ التسجيل: 05-16-2006
مجموع المشاركات: 36016

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: اكتوبريات...يا ثوّار أكتوبر يا صنّاع المجد (Re: محمد عثمان)



    لك يا محمد و لاكتوبر النبيل


    photos_534CAFDE-421B-43E6-B0CC-A88702E64ED6.jpg Hosting at Sudaneseonline.com
                   |Articles |News |مقالات |بيانات

10-16-2009, 01:15 PM

Mustafa Mahmoud
<aMustafa Mahmoud
تاريخ التسجيل: 05-16-2006
مجموع المشاركات: 36016

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: اكتوبريات...يا ثوّار أكتوبر يا صنّاع المجد (Re: Mustafa Mahmoud)

    حنبنيهو

    للشاعر/ محجوب شريف



    حنبنيهو..
    البنحلم بيهو يوماتى
    وطن شامخ
    وطن عاتى
    وطن خيّر ديمقراطى

    وطن مالك زمام أمرو
    ومتوهج لهب جمرو
    وطن غالى
    نجومو تلالى فى العالى
    إراده
    سياده
    حريّه
    مكان الفرد تتقدم..
    قيادتنا الجماعيّه
    مكان السجنِ مستشفى
    مكان المنفى كليّه
    مكان الأسري..
    ورديّه
    مكان الحسره أغنيّه
    مكان الطلقه
    عصفوره
    تحلق حول نافوره
    تمازج شُفّع الروضه
    حنبنيهو
    البنحلم بيهو يوماتى

    وطن للسلم أجنحتو
    ضدّ الحرب أسلحتو
    عدد مافوق ما تحتو
    مدد للأرض محتله
    سند للإيدو ملويّه
    حنبنيهو..
    البنحلم بيهو يوماتى
    وطن حدّادى مدّادى
    ما بنبنيهو فرّادى
    ولا بالضجه فى الرادى
    ولا الخطب الحماسيّه
    وطن بالفيهو نتساوى
    نحلم..
    نقرا
    نتداوى
    مساكن
    كهربا ومويه..
    تحتنا الظلمه تتهاوى
    نختّ الفجرِ طاقيّه
    وتطلع شمس مقهوره
    بخط الشعب ممهوره
    تخلي الدنيا مبهوره
    إرادة وحده شعبيّه
                   |Articles |News |مقالات |بيانات

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de