لا مناص من الضغط علي قيادات الأحزاب .. وأى كلام عن تخطيها غير مُفيد.

Quote: مثال للضغط علي القيادات الذى أعنيه : ... بإعتبارى واحداً من جماهير وأصدقاء الحزب الشيوعي السوداني : * أُطالب قيادة الحزب بإصدار بياناً داخلياً وجماهيرياً* يُطالب فيه كل عضويته بالمناطق والأفرع المختلفة للمساهمة والمشاركة بقوة والعمل علي قيادة الحراك الثورى الذى إنتظم كامل البلاد وسودانيي الشتات وبشكل شخصي سأُحملهم إى إخفاق في هذا الجانب ... وأن يكون البيان واضحاً لا مناورة فيه وأن تتحمل القيادة كامل تبعات ذلك.

Quote: سبب واحد مافي غير الإنتهازية.. التظاهر من جامع السيد عبد الرحمن لزوموا شنو.. الناس ما تقفل شارع الموردة أو شارع الستين.. ذهاب الخريجين للسيدين بعد مؤتمر الخريجين و تكوين الأحزاب الوطنية هو المغطس حجرنا لي هسه... يقوموا الناس بعد سبعين سنة تاني يمشوا ليهم في بيوتهم و يسلموهم أمرهم.. يا للبؤس و الهوان.. يسقط البشير.. يسقط الصادق.. يسقط الترابي.. عاش كفاح الشعب السوداني.. عاش كفاح المرأة السودانية.. عاش كفاح الشباب الثوري.. عاشت إنتفاضة الهامش.. معاً مع كل الخيريين من أجل سودان جديد..

(عدل بواسطة عاطف مكاوى on 07-17-2012, 02:03 PM)

Quote: تحياتي أخي عاطف من وطن أصبح مثقل بالهم وأصبح يخجل من تكرار كلمة الحمدلله التي تستر عورات الانقاذ المتتالية قريت البوست بتاع لا بد من الضغط على قيادات الاحزاب ! اثق أنك بتكتب بحس المواطن الحقيقي الخايف على بلده ، لكن أخي عاطف ما عاوزة أكون متشاءمة واقول ليك أين هي قيادات الأحزاب التي يجب الضغط عليها!! الا يكفي حال البلد والناس ليكونوا وسيلة ضغط عليهم بتلقائية وبدون فرض ضغط عليهم إذا هم من أنفسهم ما حسوا واتفاعلوا مع الناس في وقت زي ده ومنعطف خطير بيمر بيهو السودان ، هل ممكن انه يتم تعاطفهم وتحركهم بقوى ضغط من الشعب!! وهل اصلا حيكون في تاثير او فائدة لهكذا تجاوب !! دخل الوطن في شهره الاول من الاحتجاجات وما زال الجميع في غفوته وسباته او بالاصح على طريقة مجلس الامن في شجب وادانة امر الدول في وقت بيكون فيه الشجب والادانة اقرب لطبطبة لا تسمن ولا تغني من جوع ، السودان وشعبه كل يوم بيصحوا الصباح وما زالت وجوه الانقاذ البائسة قعدة وتمارس عليهم صنوف الاذلال والقهر واهل الاحزاب في وادي تاني لسه بيديروا حال البلد بفهم وعجلة قديمة لم تتطور!! التغيير سيأتي من اناس آخرين هم من رحم هذا الشعب ، من ناس ساخطة ورافضة الظلم ، وجوه تانية لا بتعرف احزاب ولا وثائق بديلة وخطب وكلام لا بيودي ولا بجيب وتهتدون وتسلكون شكرا واسفة للاطالة

(عدل بواسطة عاطف مكاوى on 07-17-2012, 06:46 PM)

Quote: ربما اتفق معك على هذه الضرورة بس للأسف مثالك دا :- Quote: مثال للضغط علي القيادات الذى أعنيه : ... بإعتبارى واحداً من جماهير وأصدقاء الحزب الشيوعي السوداني : * أُطالب قيادة الحزب بإصدار بياناً داخلياً وجماهيرياً* يُطالب فيه كل عضويته بالمناطق والأفرع المختلفة للمساهمة والمشاركة بقوة والعمل علي قيادة الحراك الثورى الذى إنتظم كامل البلاد وسودانيي الشتات وبشكل شخصي سأُحملهم إى إخفاق في هذا الجانب ... وأن يكون البيان واضحاً لا مناورة فيه وأن تتحمل القيادة كامل تبعات ذلك. ما بيحصل ببساطة ذاكرة التاريخ السياسي القريب فيها الكتير الذي يتكرر في بلد العجائب دي خت في بالك ما كرره جماهير الشعب في ملاحظاته لكل الاتفاقيات بداً مت مشاكوس لحدي اتفاقية الدوحة فهل سمع قيادت الاحزاب ما تقول!!!!؟ المشكلة الاعظم يا صاحبي هي تراجع العمل الحزبي اليومي داخل هذه الاحزاب ذاتها فالاحزاب لم تمسي هي تلك الكتلة الحركية التي تعرفها بعملها الدؤوب اليومي بل اصبحت عبارة عت مجوعة محددة مت اصحاب يتحركوا على اقل تقدير خطوات بسيطة .

Quote: اثق أنك بتكتب بحس المواطن الحقيقي الخايف على بلده ، لكن أخي عاطف ما عاوزة أكون متشاءمة واقول ليك أين هي قيادات الأحزاب التي يجب الضغط عليها!! الا يكفي حال البلد والناس ليكونوا وسيلة ضغط عليهم بتلقائية وبدون فرض ضغط عليهم