|
|
|
 Re: إلزام بائعات الشاى والأطعمة بإرتداء الحجاب.. وحظر عملهن بعد السادس (Re: عادل خياري)
|
Quote: اﳌناقل/ اﳌيدان
حظرت أمس ﳏلية اﳌناقل عمل بائعات
الشاي واﻷطعمة بعد الساعة السادسة
مساءا.
وقال شهود عيان من سوق اﳌناقل
لـ(اﳌيدان) إن اﶈلية أبلغت صاحبات
الشاي واﻷطعمة عﱪ مكﱪات الصوت ﰲ
السوق عن قرار حظر عملهن بعد الساعة
السادسة مساء، وأضاف الشهود إن
اﶈلية أعلنت كل من ﲣالف ذلك سوف
تتعرض للغرامة 100 جنيها والسجن
«7» أيام ﰲ اﳌرة اﻷوﱃ و 200 جنيها
والسجن «14» يوما إذا خالفت القرار
للمرة الثانية.
وأشاروا إﱃ تطبيق القرار من يوم أمس،
كما أجﱪتهن على ارتداء الزي اﻹسﻼمي
أثناء العمل ﰲ السوق، حتى إذا كانت
إحداهن غﲑ مسلمة.
واعتﱪت هنادي فضل اﶈامية القرار
ﳐالف لقانون العمل والدستور، وقالت
إن القانون اﳉنائي ﻻ تنص أي مادة فيه
على السجن والغرامة ﰲ حالة العمل
ليﻼ، كما أن المكمة هي الجهة الوحيدة
الﱵ ﲢدد عقوبة السجن وليس اﶈلية.
|
لاحظ ان المحلية هى التى تحدد العقوبة وليس المحاكم . هو الإرهاب دا كيف؟
بعدين فى مصانع بتشتغل ثلاثة دوامات ويعمل بها نسوة حتى الصباح .دى حلها كيف
| |
 
|
|
|
|
|
|
|
|
Re: إلزام بائعات الشاى والأطعمة بإرتداء الحجاب.. وحظر عملهن بعد السادس (Re: شمس الدين ساتى)
|
Quote: أبلغت المحلية صاحبات الشاى والأطعمة بمكبرات الصوت وبدأ التنفيذ يوم أمس الإثنين ١٣ فبراير ٢٠١٢
وعقوبة المخالفة في المرة الأولي (١٠٠ ألف جنيه + ٧ أيام سجن) وفي المرة الثانية (٢٠٠ ألف جنيه + إسبوعين سجن) |
الاخ / عاطف
تحياتى
موضوع بائعات الشاى فيه وجهات نظر مختلفة ، وتختلف وجهات النظر بحسب الموقع الوظيفى للشخص وهاك بعض الامثلة:
مسؤلى المحليات عن ايرادات المحليات يدافعون عن مهنة بائعات الشاى
مسئولى المحليات عن المظهر الحضارى العام يحاربون مهنة بائعات الشاى
وزارة الرعاية الاجتماعية والمنظمات النسوية يدافعون عن مهنة بائعات الشاى .
بعض الطوائف الدينية يحاربون مهنة بائعات الشاى.
بعض المواطنين يدافعون عن مهنة بائعات الشاى .
بعض المواطنبن يحاربون مهنة بائعات الشاى .
ومن بعض المداخلات اتضح ان القرار صادر من محلية المناقل ، ولكنه قد يصدر فى محليات اخرى ، كما أن المحليات لديها الحق فى طلب تشريعات من مجلس المحلية او الولاية باجازة قوانين محلية وتنفيذها.
ما دعانى ان اكتب مداخلة هى محاولاتى عندما كنت أعمل ببنك الاسرة فى ايجاد اسلوب يلبى رغبات الكل وذلك من خلال تطوير مهنة بائعات الشاى وتكون بمظهر خدمى متطور ومقبول من كل وجهات النظر ، وايضا تحويل بعض النساء من مهنة بيع الى الشاى فى الطرقات الى مهن أخرى تتناسب ومقدراتهم وذلك من خلال تنظيمهم فى شكل مجموعات تضامنية منتجة وبالتعاون مع كافة المنظمات النسوية ، المشروع تم تنفيذه بشكل جيد ولكن تسرعنا فى التنفيذ اظهر بعض العيوب وهى عدم او قلة الخبرة فى ممارسة انشطة اقتصادية اخرى ، الامر الذى قادنا الى مطالبة المنظمات النسوية الى القيام بتنظيم وتدريب بائعات الشاى فى المهن الجديدة وكان تجاوب المنظمات الطوعية ضعيفا .
تظل المسألة تحتاج الى حلول .
هامش :
مهنة بائعات الشاى الغالبية منهم من أهلى الاثيوبيين ( الحبشيات) .
| |
|
|
|
|
|
|
|
|
|
Re: إلزام بائعات الشاى والأطعمة بإرتداء الحجاب.. وحظر عملهن بعد السادس (Re: عاطف مكاوى)
|
ياسلالالالالالالالالالالالالالالالالام على هذا القرار
والله ريحونا راحة تامة
يعني تاني الواحد لو عاوز يسافر المناقل أول شيء يغتسل
ثم يتوضأ
وبعدها يلبس الاحرام
ومن ثم تشرب كباية !لشاي بمزاااااااااااج رايق !!!!
كنا مفتكرين البلد هاملة وفيها ستات شاي
لكن الظاهر حا نسميهم بعد كده { ستات الشاي المسلمات } !!!
الخبر الثاني قراته وأنا أشرب في فنجان قهوة عربية
وقد شرقت من الضحك
وتناثرت القهوة في كل الأوراق امامي
{ محلية الكاملين تفرض رسوماً على أزيار السبيل } !!!
والله دي أظرف محلية في العالم
وبجدارة تستحق عليها التهنئة والثناء !!!
باقي تفرضوا رسوم على الصلاة
الحمد لله الواحد أول شاكوش أخذه في السوق الشعبي
وقد حكيت ليكم
يومها ذهبت كداري من السوق الشعبي الى الفتيحاب
وكل زير سبيل قابلني في الطريق أخذت منه جغمة
يعني لو حصل ليك الموقف الآن يكون شاكوكش ورسوم !!!
والله العظيم بعض المعتمديات والمحليات يجب أن تحمل ببلدوزر كبير وترمى بالبحر !!!!
| |
|
|
|
|
|
|
|
|
|
Re: إلزام بائعات الشاى والأطعمة بإرتداء الحجاب.. وحظر عملهن بعد السادس (Re: عاطف مكاوى)
|
الأخ عاطف مكاوي
تحياتي - والله المحلية دي حنينة بالحيل ز يا أخي نحن في بداية الإنقاذ واحد من جماعتنا كان مركب مكنة الشيخ ذاتو وقال لكل ستات الشاي بعدم الشغل بالمرة . ولمن مشن ليه في الممجلس قال ليهم أيوا ما تشتغلن شاي !! قالن ليه طيب نشتغل شنو ؟ قال ليهن إحتطبن زي ما الصحابة كانوا بحتطبوا!!! يعني الخلاء أحسن من محل شاي مفتوح علي أربعة إتجاهات!!!
بحيراوي
| |
|
|
|
|
|
|
|
|
|
Re: إلزام بائعات الشاى والأطعمة بإرتداء الحجاب.. وحظر عملهن بعد السادس (Re: عاطف مكاوى)
|
Quote: Quote:
مهنة بائعات الشاى الغالبية منهم من أهلى الاثيوبيين ( الحبشيات) .
العزيز صلاح نزلاوى
أعتقد أن هذه المهنة قد إجتاحت كل شرائح المجتمع نسبة للضائقة المعيشية التي أدخلنا فيها هؤلاء المجرمين. |
الاعزاء عاطف ونزلاوى
سلامات وتحيات
الموضوع رغم انه موضوع عن قضايا المرأة وحقوقها والقهر الذى يقع عليها الا ان صاحب البوست سلط الضوءعليه كموضوع اسرة تكابد كى تعيش تبيع الشاى ام الاسرة كى تعول ابنائها واكيد ليس بينهن من الفتيات والصبايا عد كبير وهذا هو محور الحديث
شكرا يا عاطف على تجردك من النظرةالذكورية ووقوفك مع قضايا النساء وحتى الحبشيات ان كنا يقمن بهذة المهنة فأن اخوان السودان نشطوا تجارة استقدام الفلبنيات كخادمات بيوت هل هذا شرع ان تستجلب نساء داخل بيوتهم لا ندرى ان كانت قد نظموا لهن قوانيين تحكم ساعات عملهن وحجابهن
السسؤال يحتاج اجابة وياريت نزلاوى يجيبنا
| |
|
|
|
|
|
|
|
|
|
Re: إلزام بائعات الشاى والأطعمة بإرتداء الحجاب.. وحظر عملهن بعد السادس (Re: عاطف مكاوى)
|
وبعد السادسة دى لزومها شنو؟
طيب لو فى واحده عندها مزاج عايزة تقعد تحت شجرة الى الساعة تمانية بدون ما تبيع
شاى او بطيخ او اى شىْ دى حكمها شنو فى اسلام الانقاذ ده؟
ياخى والله الحكومة دى غلبا البتعملو، تغرق الناس فى مشاكل وتفتعل معارك فى غير معترك
هسه يعنى دى اخر فتوحات الانقاذ؟ بدل تدرس الاسباب التى اجبرتهن على التاخر الى هذه
المواعيد خارج منازلهن وهى الفقر والمتربة والمسغبه التى شقين ويشقين بها والبحث
عن مخرج من هذه الوهدة يجوا يطلعوا قرار ######## بهذا الشكل
لعنة الله على الحكومة الجائر اهلها،،،
| |
|
|
|
|
|
|
|
|
 Re: إلزام بائعات الشاى والأطعمة بإرتداء الحجاب.. وحظر عملهن بعد السادس (Re: عاطف مكاوى)
|
أنا المواطنة كلتوم بسطونة؛ ست شاي؛ أنا ضد المغارز؛ وضد الغرصنة؛ وضد الكشّة؛ وضد حركات العساكر في اللوري؛ وأنصاص الليالي في الحراسة . أنا أؤيد كل أنواع الديمقراطية والتعددية؛ كفتيرة شاي لكل مواطن؛ وحجر شيشة لكل لقّوية؛ وشارع نيل لكل مواطن . رجاءاً ما تجهجهونا؛ كتلوك ولا جوك جوك ! أنا مع التغيير؛ الوطن يسع الجميع؛ والنفوس كان إتطايبت كباية الشاي بتسقي تلاتة نفرين؛ أنا سودانية أصلية . :) ^ــ^
بالله دي أمة يشدوا ليها كباية شاي ؟؟؟؟؟
| |
|
|
|
|
|
|
|
|
|
Re: إلزام بائعات الشاى والأطعمة بإرتداء الحجاب.. وحظر عملهن بعد السادس (Re: عاطف مكاوى)
|
Quote: شكرا يا عاطف على تجردك من النظرةالذكورية ووقوفك مع قضايا النساء وحتى الحبشيات ان كنا يقمن بهذة المهنة فأن اخوان السودان نشطوا تجارة استقدام الفلبنيات كخادمات بيوت هل هذا شرع ان تستجلب نساء داخل بيوتهم لا ندرى ان كانت قد نظموا لهن قوانيين تحكم ساعات عملهن وحجابهن
السسؤال يحتاج اجابة وياريت نزلاوى يجيبنا |
الاخت ايمان
سلامات
والله انا موجود فى السودان والحقيقة ومن غير زعل اول من ادخل الفلبنيات السودان هم المغتربين ، حيث يتم اصطحاب الفلبينية فى الاجازة الى السودان وقد يكون هذا على شاكلة التفاخر ( انا أحد اشقائى عمل العملة السودة دى) ، بعد ظاهرة المغتربين اصبحت انتشار استجلاب خدم المنازل بواسطة الميسورين الذين يستطيعون سداد المرتب وقيمة تذاكر السفر ( وبالمناسبة احيانا فى المنزل اكثر من واحدة)، اما اعضاء الحكومة والحزب الحاكم فلم اتشرف بزيارتهم ولكننى ارجح ان منهم قد يكون لديه خادمة منزل فلبينية ما دام هو مستطيع ولكن كثيرا من الذين اعرفهم وهم اعضاء بالمؤتمر الوطنى ليس لديهم خادمات فى منازلهم ولا فلبينيات ولا حبشيات ( هذه حقيقة قد لاتصدقوها وقد اتهم بأنى مؤتمر وطنى وكوز و و و الخ)
اما ساعات العمل لخادمات البيوت فهى من الصباح وحتى المساء تتخللها ساعات راحة فى الظهر وبعد الوجبات وساعات نوم بالليل، وهذه غير خاضعة لقوانين العمل لا بالسودان ولا غير السودان ، اما الحجاب فأعتقد بانها مسألة شخصية .
اما انا فلمتزم بقانون العمل الدولى بعدم تشغيل الاطفال القصر من ابنائى او الغير ولا استخدم اى شغالة بل نعتمد على انفسنا ونستخدم المعدات الحديثة مثل الغسالة نصف اوتوماتيك ، كما اننى اراعى حقوق الانسان فى نفسى اولا حتى لا اقع تحت طائلة المطالبة الدولية كما اننى حذر جدا فى التعاطى مع الغير بحيث اتجنب كل ما يورد فى تهلكلة المنظمات الحقوقية وبالذات حقوق المرأة ونحن على ابواب 8 مارس.
حتى اهلى الاثيوبيين اتحاشى استخدامهم وبالذات بناتهم حتى لا اتهم منزليا بان لدىّ ميول عاطفى نحوهم .
هامش
العزيزة ايمان
انا عارف ما جاوبتك وفقعت مرارتك (سامحينى)
| |
|
|
|
|
|
|
|
|
|
Re: إلزام بائعات الشاى والأطعمة بإرتداء الحجاب.. وحظر عملهن بعد السادس (Re: ايمان بدر الدين)
|
Quote:
اها بمناسبة المناقل دي نحكي ليك قصة ما بتحصل إلا في السودان وحصرياً بالاضافة إلى حقوق الاصدار كمان
في فترة في التسعينات بتذكر كويس محافظ محافظة المناقل اصدر اغرب قرار في تاريخ العالم الحديث والقديم
فرض ضرائب على الأكل
والله صحي على قول البشاري
اها صحن الفول ضريبتو كم جنيه + سعر الفول
صحن الكباب كم ج + سعر الكباب
الناس قنعت من الأكل والشراب في السوق واي زول املأ كرشو فل
وامشي على السوق المطاعم وقفت ...... طواااااااااااااالي قنعوا من القرار |
العزيز سيف اليزل
تحياتي
يعني محافظة المناقل متعودة علي القرارات الغريبة.
| |
|
|
|
|
|
|
|
|
|
Re: إلزام بائعات الشاى والأطعمة بإرتداء الحجاب.. وحظر عملهن بعد السادس (Re: عاطف مكاوى)
|
الأخ عاطف ,
بهذا القرار تكون قد اكتملت آخر اركان (الفضيلة والعفاف والشرف والنزاهة والأمانة) فى ربوع السودان .
فلا فساد فى شركة الأقطان ولا فى بنك السودان ولا فى البنك الزراعى ولافى الغير زراعى ولا ديوان النائب العام ولا فى ديوان الزكاة ولا فى هيئة الحج والعمرة ولا فى سفارات السودان بالخارج ولا فى الوزارات او المؤسسات التى تأبى ان يعتب ببابها المراجع العام خوفا من كشف المستور والمسكوت عنه وما خفى ولا يتسع المجال لذكره كان اعظم .
بس الكان ناقص هو ذلك القرار .
ياأخونا انتو الناس ديل ماعندهم شغلة فى الدنيا دى غير النسوان والتضييق عليهن فى ارزاقهن ؟
ياأمة ضحكت من جهلها الأمم.
| |
|
|
|
|
|
|
|
|
|
Re: إلزام بائعات الشاى والأطعمة بإرتداء الحجاب.. وحظر عملهن بعد السادس (Re: عاطف مكاوى)
|
| Quote: القصد منو منهم فى الحيكومة بجيز جنس العمايل بتاعة استجلاب الخادمات من الفلبين ويفتح مكاتب لذلك وبزنس كمان عليه ضرائب وقننه ليصبح واقع دولة التمكين هذة هى الفكرة يا زميل وعلى فكرة معظمهن ان لم يكن كلهن مسلمات بعدين حكاية المغتربين دى كانت زمان لما كيزان السودان نادوهم من الاغتراب للتمكين والخم وبناء الفلل الرئاسية وقعاد القصر الهسع دخلوا فيهو قيادات الاحزاب فى اخر لحظة وبالمرة جابوا معاهم العادات اياها اما مغتربين السواد الاعظم اخير منهم انتو الفى السودان واصحابكم الكيزان هههههه |
واصحابكم الكيزان
اللهم زد وبارك
وبالمناسبة دينق قال صلاح نزلاوى كوز متخفى
يعنى مشى خطوة اكبر
بس اوعك يا ايمان تقومى تمشى خطوات ابعد وتقولى صلاح نزلاوى أحد زعماء الحركة الاسلامية العالمية علشان الموضوع ما يصل الى عضوية تنظيم القاعدة.
قيادات الاحزاب فى اخر لحظة عبارة جميلة ان شاءالله لحظات باقية.
نرجع الى موضوع البوست
الاجابة فى التعليق ان استجلاب الفلبينيات وخدم المنازل اصبح بزنيس وما دام عليهو ضرائب واضح ان القانون يسمح وانتقاد القانون او دعمه ليس محل البوست ، لاننا نناقش محاربة المحليات لمهنة بائعة الشاى وذكرت ان نفس المحليات تقوم بالتصديق لهم يعنى المحلية تصدق لهم مقابل رسوم ونفس المحلية تعمل كشات ليهم طبعا مع اختلاف الادارات فى المحلية كل حسب وجهة نظره وطبعا هذه مشكلة ، المشكلة الثانية هى فرض الحجاب وان صح هذا الحديث فغالبا المسئول الذى اتخذ هذا القرار لديه معتقد دينى واجب النفاذ ما دامت هذه مسئوليته ، والوضع هذا سيدخلنا فى تركيبة موظفى المحليات ومعتقداتهم وخلطها بمهامهم الوظيفية وهذه مشكلة قد تحدث فى اى وقت فقط مطلوب المعالجة الحكيمة.
| |
|
|
|
|
|
|
|
|
|
Re: إلزام بائعات الشاى والأطعمة بإرتداء الحجاب.. وحظر عملهن بعد السادس (Re: صلاح الدين نزلاوى)
|
الأخ عاطف..
الجديد شنو؟؟
تم الزام الموظفات ، مسلمات وغير مسلمات، منذ قديم الزمان (أقصد من سنوات الانقاذ الأولى) بلبس الحجاب. موظفات قابعات في عقر مكاتبهن، يعني مش في قارعة الطريق الغاشي والماشي يتفرج عليهم ويتسلى بالتعطل حولهم وشرب الشاي والونسة المجاني وتفريغ مكنونات النفس أيا كان نوعها.. يعني هم الشايلينه على قلوبهم ما شوية فما مشكلة يعني شوية قماش زيادة. وعموما قرارات المحليات دائما القصد منها جباية الاموال.. أي موضوع ممكن استحلاب قدر لا بأس منه من المال سيتم فرضه على المواطن سواء كان زير موية ولا حجاب ستات شاي. وبعدين "نظريا كده" كل النساء في السودان محجبات .. مش ياهو الكم الطويل والطرحة؟ غايتو أنا بقول إنه الدخل من قرار زي كده ما مفيد ومحلية المناقل ما ركزت كتير لما فكرت فيه غايتو إلا يركزوا على موضوع الساعة ستة ده. شكرا ليك على البوست.
الأخ صلاح الدين.. عندي تعليقين على مداخلاتك .. ح أرجع ليك إن شاء الله
| |
|
|
|
|
|
|
|
|
|
Re: إلزام بائعات الشاى والأطعمة بإرتداء الحجاب.. وحظر عملهن بعد السادس (Re: عاطف مكاوى)
|
Quote: واصحابكم الكيزان
اللهم زد وبارك
وبالمناسبة دينق قال صلاح نزلاوى كوز متخفى
يعنى مشى خطوة اكبر
بس اوعك يا ايمان تقومى تمشى خطوات ابعد وتقولى صلاح نزلاوى أحد زعماء الحركة الاسلامية العالمية علشان الموضوع ما يصل الى عضوية تنظيم القاعدة.
قيادات الاحزاب فى اخر لحظة عبارة جميلة ان شاءالله لحظات باقية.
نرجع الى موضوع البوست
الاجابة فى التعليق ان استجلاب الفلبينيات وخدم المنازل اصبح بزنيس وما دام عليهو ضرائب واضح ان القانون يسمح وانتقاد القانون او دعمه ليس محل البوست ، لاننا نناقش محاربة المحليات لمهنة بائعة الشاى وذكرت ان نفس المحليات تقوم بالتصديق لهم يعنى المحلية تصدق لهم مقابل رسوم ونفس المحلية تعمل كشات ليهم طبعا مع اختلاف الادارات فى المحلية كل حسب وجهة نظره وطبعا هذه مشكلة ، المشكلة الثانية هى فرض الحجاب وان صح هذا الحديث فغالبا المسئول الذى اتخذ هذا القرار لديه معتقد دينى واجب النفاذ ما دامت هذه مسئوليته ، والوضع هذا سيدخلنا فى تركيبة موظفى المحليات ومعتقداتهم وخلطها بمهامهم الوظيفية وهذه مشكلة قد تحدث فى اى وقت فقط مطلوب المعالجة الحكيمة. |
انت يا نزلاوى قالوا وقلنا دى شنو كمان البقيت فيها ومن متين ايمان البتعرفوا عن التنظيم الاسلامى العالمى بتناقش فيهووكمان يصل لمن يهمهم عضوية تنظيم القاعدة !!! هوى يا نزلاوى ارعى بيقيدك وبطل بلطجة
تعرف يا نزلاوى كلام دينق عنك كان عبارة عن انطباع او تحليل لما تكتبه تحت سطورك لكن انا وحسب معرفتى بالكيزان هم الان ما عايزين ناس تبدو فيهم او عليهم مظاهر التدين ويا حبذا لو كانت خلفيتهم يسارية او حزب معارض كما يسعون فى زج بعض اصحاب المشاكل والفتن المشهوريين يعنى البفرتقوا الكورة وبقسموا المنظمات والفرق الرياضية وبعملوا المصائب كان بين الناس او فى الاسفيريات اوالجاليات اوالعمل الجماهيرى ومحتاجين ليهم يعملوا عمايلهم دى ليس للدفاع عن مشروعهم الحضارى بل لخلق مشاكل ونزاعات لأعدائهم الحقيقيين يعنى ببساطة كدة بحبوا الدفر وتحميل وش القباحة لبعض الارزقية للقيام بهذة المهام
طبعا بعتذر ليك مقدما وانت غير المقصود بهذة الشريحة طبعا كنت طالب معاى فى طنطا بس بحكى ليك عن طريقة الكيزان وطبعا كلك نظر
| |
|
|
|
|
|
|
| |
عاطف مكاوى
عادل خياري
شمس الدين ساتى
صلاح الدين نزلاوى
jini
وليد محمد المبارك
ابوحراز
البحيراوي
ايمان بدر الدين
صديق الموج
حبيب نورة
قلقو
rummana
فيس بوك
تويتر
انستقرام
يوتيوب
بنتيريست