|
|
 مولانا قال الحب حلال
|
اتلموا ناس طه و نضال
و نسات دقاقه و نقنقه
نظرات وداعه موثقه
و الجو عجيييييب ... تنظير شديد
باب النقاش اختلفوا كونو الحب حلال
***
أحمد بقول الحب حلال
و الريده مفتاح القلوب
و الحب عشان يثمر يدوب
لازم تكون قعدات هنا
مرقات هناك
و نسات حنينه و دندنه ... و حاجات كده
رايكم شنو يا ناس ندي ؟؟؟
واحد بقول الحب حرام
و بدايتو أقرب للوهم
و في نصو بنقطع الطريق
و نهايتو شاكوش محترم
ما بين تطرف و انحلال
بنوته أقرب للملاك
وشيشه زي بدر التمام
قدلاته دايما بانتظام
و الصوت أحن من الحنان
اتنحنحت ...
اتململت ...
و اتقندفت ...
و اتصلحت ... يا أخوانا لا !!!
يا أخوانا عيب !!!
أدوني فرصه
أنا زي بفكر انو ... لا
زي عايز أقول يا أخوانا ... ده
لا ... ما كده
فاهمني يا روحي الجميل
فاهمني يا حمزه النبيل
يا سيد حياتي و مالكه
***
واحد رصين حسه بخطر
حاول يلملم القلوب
يا حمزه اتحلت خلاص
انا عندي ليك و جهة نظر
رايكم شنو في شيخ وليد ؟؟؟
مولانا مولانا البطل
***
يا شيخنا عندنا كلمتين
ما تنبهر يمكن نزوده حبتين
رايك شنو ؟؟؟
في عبدو صاحب الدمعتين
لو مره قدم وردتين
لي بت بتقدل قدلتين
مولانا ... ياخي باختصار
رايك شنو ؟؟؟ الحب حلال ؟؟؟
مولانا شاب
شاب في نهاية الأربعين
يوم عرسو داك
شالوهو شيييييل ... ختوهو خت
راجل بدين
من وشو ظاهر زول وسيم
في الحله قالو عليو كعب
مولانا أصعب من صعب
و تحت تحت حبيب قديييييييم
***
مولانا تمتم مرتين
من سبحتو ...
مولانا بجدع جدعتين
مولانا دنقر في الأرض
مولانا صنقع في السما
شاف لي مني
و ركز كتييييير في وش مها
همهم كتير بي تمتمه
من بعد ما حن و دنا
قال ليهم الحب يا شباب
مفتاح قلوبنا و شاهدا
و الحب كلام ناعم جميل
بشبه كلام مروه و شذي
و الله و الله العظيم
لو ما العمر سافر خلاااااااااص
انا زااااااااتي كان حبيت ندي
و بعد كده ...
مولانا اتنحنح رجع
قال بي وقار بي صوت رصين
الحب حلاااااااال
بالله شوفوا الفتوه دي
مولانا قال الحب حلال
مبروك كتير حمزه و ندي
بيت مال و فرحه و زغرده
لي عبدو ود المورده
و أبشر عديله و جردقه
لي و جدي مرضان البنات
أصلو المجكس أخت شذي ...
ناصر
|
|
 
|
|
|
|
|
|
|
|
Re: مولانا قال الحب حلال (Re: nasiradin)
|
والله يا نصر الدين بحب الحلمتشيين شديد وبعدين
| Quote: رايكم شنو في شيخ وليد |
ده ود الشيخ
Quote: مولانا تمتم مرتين
من سبحتو ...
مولانا بجدع جدعتين
مولانا دنقر في الأرض
مولانا صنقع في السما
|
ما يكون مولانا خدر
| |
|
|
|
|
|
|
|
|
|
Re: مولانا قال الحب حلال (Re: nasiradin)
|
ناصر أحييك على العرض الجميل لمسألة غاية في التأزم.. وشيوخ التحليل والتحريم... رغم اني موافقه على فتوته دي  .. لكن .. استغرب (مثلك) على العقول الكتيره الناقشت الأمر في النهاية رموا الكوره للشيخ .. عشان يوريهم....
استمتعته جداً بالقصيده...
بنت الحسين
| |
|
|
|
|
|
|
|
|
|
Re: مولانا قال الحب حلال (Re: مريم بنت الحسين)
|
العزيزه مريم بنت الحسين
شكرا كتيييييييييير على المرور
| Quote: لكن .. استغرب (مثلك) على العقول الكتيره الناقشت الأمر في النهاية رموا الكوره للشيخ .. عشان يوريهم.... |
هذا هو حالنا فى السودان يا أختى معظم قضايانا نعلقها على شماعة القضاء و القدر
و مسألة الشيوخ هذه هى واقعنا الذى نعيشه فى السودان ولابد ان نتعامل معه بوعى أكثر يوجد أولياء و كرامات و لكن يوجد ايضا رب و عقل و لابد من توازن و ايمان و ادراك
المهم فى الموضوع انو الحب حلااااااااااااااااااااااااااااااااااااااااااااااااااااااال
تحياتي ... ناصر البطل
| |
|
|
|
|
|
|
|
|
|
Re: مولانا قال الحب حلال (Re: صديق الموج)
|
صديق الموج
بى زيارتك بيتنا نور و الله
انت فى واحد قال الحب حرام ولا فى واحد قال
الحب فى الارض بعض من توهمنا
لو لم نجده عليها لاخترعناه
تحياتي .. ناصر البطل
| |
|
|
|
|
|
|
|
|
|
Re: مولانا قال الحب حلال (Re: nasiradin)
|
الحب حلااااااااااااااااااااااااااااااااال
أااى
حلاااااااااااااااااااااااااااااااااااااال
العجبو حلال
و الما عجبو حلال
و الله زى ما
قالوا احبها و تحبنى
و تحب ناقتها بعيرى
تحياتي ... ناصر البطل
| |
|
|
|
|
|
|
| |
nasiradin
almulaomar
مريم بنت الحسين
صديق الموج
فيس بوك
تويتر
انستقرام
يوتيوب
بنتيريست