|
عندما قـذفت الشـرطة البـمبان داخل المسـجد
|
مشهد رايته ولم يحكيه احد
رايت قنبلة بمبان على فرش الصلاة داخل مسجد الامام عبد الرحمن نهار اليوم عندما دخلت للمسجد وعيوني تدمع اثر استنشاق الغاز المسيل للدموع لاحتمي قيلا ببيت الله الذي كنت اظن ان انه حرمة لا تمسها الشرطة لاتفاجا بهذا المنظر المؤلم حقاً انه السقوط المريع لا حول ولا قوة الا بالله
_______ الموجوددين داخل المسجد في هذا الوقت تحديداً هم شيوخ كبار السن غير قادرين على الخروج في ظل القمع الموجود خارج المسجد وبعض المصابين
انه السقوط بعينه
|
|
|
|
|
|
|
|
Re: عندما قـذفت الشـرطة البـمبان داخل المسـجد (Re: حافظ انقابو)
|
Quote: لاحتمي قيلا ببيت الله الذي كنت اظن ان انه حرمة لا تمسها الشرطة لاتفاجا بهذا المنظر المؤلم حقاً انه السقوط المريع لا حول ولا قوة الا بالله |
العزيز انقابو دى دولة اسلام الانقاذ فتأمل!!!!!! لما جدعوا البمبان قالوا الله أكبر بتاعت الدجدل الكيزانى الحصرى للسودان دى ولا نسوها !!!!!! غايتو الحادثة دى لو مابقت سبب لنهايتهم يكون على الاسلام والمسلمين السلام...
| |
|
|
|
|
|
|
Re: عندما قـذفت الشـرطة البـمبان داخل المسـجد (Re: صلاح جادات)
|
Quote: الحق الادبي للاخ عثمان عكاشة مصور الشروق في التقاط هذه الصورة التي اقتطعها من فيديو قام بتصويره اثناء محاولة دخولة للمسجد لتغيير الشريط |
حافظ انقابو
سلام...... ياخ ما كان في داعي لذكر الاسم هسي ممكن تجيب للزول دا هوا وكتاحة زاتو والله صحي ابعدوا عن ذكر الاسماء وخصوصاً هذه الايام .. ..
__ صلاح جادات
سلام .. ومعليش خليني أقيف في الحتة دي شوية
Quote: اها شايف اليوم بورداب الخرطوم مالين المنبر وامس كنتم وين لابدين زي فئران التجارب تخرج وتدخل بأمر الامن الامر واضح ولا يحتاج لذرة ذكاء معقولة البورداب الععدهم زي التراب ولا واحد فيهم ينجح يصور المظاهرات وينزلها |
يا صلاح أمبارح كان جمعة وأكيد الناس كانت معطلة معظم بورداب الخرطوم ديل بخشوا النت من المكاتب ومحل عملهم او المقاهي والواحد بيقتطع ليهو 2 جنيه عشان يخش من مقهى ديل الما عندهم نت في محل العمل او البيت بعدين للناس ظروف ياخ وحق النت دا أكيد عندهم اولويات تانية اكل وشرب وعلاج ..... الخ ولا شنو؟!
| |
|
|
|
|
|
|
|