|
|
 مسدار الثورة
|
يا وطني العزيز هلن بشاير الخير
قامت ثورتك بعد السبات وشخير
الخلاهو شعبك لي كتم الغيوظ دخير
صحصح يابلد الظلم تب حفاك
والخير الكتير في كل شبر جافاك
اتفش الغلا ويا الشعب الظروف تافاك
هاجر تب شبابك وابعد خلاص قافاك
ياريس قسم الحال صعب بالحيل
اسعار السلع ورتنا ليهو الويل
الخلانا صابرين في فراشنا مليل
يمكن بكره نصبح نلقاك تكوسلو شليل
مصانع السكر يا ريس كتار مي شويه
ومنتوج المزارع بعيشنا سنه ضويه
اشجار الهشاب في الغرب خريف مرويه
وفي بطانة ابعلي تلقي السعايه هويه
يا ريس قسم بالله الحال صعب للكافر
ومن قومت الدغش فوق الملاح بنعافر
نتراوح عصير لي كوم معوز بندافر
يمكن نستكين ونعيش معيشن ظافر
صارعنا المحال والغربه ضقنا مرارها
لاوينا الحديد والنار شوانا شرارها
عدينا النجوم والوحشه زاد تكرارها
والخير الوفير لي بلادي حتمي قرارها
اسعار الجمارك ياها النهب بي عينو
وقبانات الطريق القاها عده سنينو
سد مروي العظيم الصانعو زاد تفنينو
والعجب العجيب الشعب كاتم انينو
ياود ابنعوف الحقنا بيهو غناك
والقول السمح في كل قصيد بدناك
الكيزان خلاص يالشعب كتلو ضناك
ويا ام الشهيد ربي العظيم هناّك
هتف كل الشباب الحكم دارو اسقاطو
وبي همه وعزيمه خلو الجبن ماتاطو
يابلدي العزيز الظلم كبدك ساطو
والعطال كتاااااار جوه الحفر بتناطو
القصيدة كتبنا وليدنا : فارس ود امحمد
|
|
  
|
|
|
|
|
|
|
|
Re: مسدار الثورة (Re: عبدالرحمن الحلاوي)
|
الشعب آ البشير لازم تحرقك نارو
صيحة قوم ثمود جاياك مع ثوارو
بي عزماً جلود صمم عليهو قرارو
والكاينة التكون ما دام رفعتو اسعارو
الرباعيات ديل نضم ولدنا مدثر الإنقريابي
| |
|
|
|
|
|
|
|
|
|
Re: مسدار الثورة (Re: الطيب شيقوق)
|
البلد انتهت كترت عليها صقورة
وخبتا في الكراع والجايفي صنقورة
الشيخ والمشيخ والساهياب دبورة
ضيعو البلد لعبوبة لعب الكورة
المربعات ديل الليلات ولدنا عبدالله ود أمحمد احمد
| |
|
|
|
|
|
|
|
|
|
Re: مسدار الثورة (Re: الامين موسى البشاري)
|
Quote:
البلد انتهت كترت عليها صقورة
وخبتا في الكراع والجايفي صنقورة
الشيخ والمشيخ والساهياب دبورة
ضيعو البلد لعبوبة لعب الكورة
|
تحزن للعدامى الـ ماها لاقية جرورة
تحزن لليتامى الـ ماها لاقية سرور ا
تحزن للتلاميـذ مـا لاقية فطـورا
ومشروعنا الحضاري ال انقلب (ماسورة)
أحمد الشايقي
| |
|
|
|
|
|
|
|
|
|
Re: مسدار الثورة (Re: وليد محمد المبارك)
|
Quote: صارعنا المحال والغربه ضقنا مرارها
لاوينا الحديد والنار شوانا شرارها
عدينا النجوم والوحشه زاد تكرارها
والخير الوفير لي بلادي حتمي قرارها |
البزرع المحن بلولي جهالها
شاشات التلفزيون من كضبكم تضاره
واقلام الكتابةمن محاجمك خاره
شباب الثورة صناديد والعساكر فاره
كتاحة الثورات توهطت الجابره
| |
|
|
|
|
|
|
|
|
|
Re: مسدار الثورة (Re: عبدالرحمن الحلاوي)
|
الامين ود موسى حبابك ونضمك سمح بلحيل ....منتظرين الزيادة.
ودالمبارك .االمبيريك نضم درر
الشايقي الليلي شعرن شربان موية جروف عشان التربالة والغلابة ...تحياتي لكم جميعا ...البوست بوستكم كلما تجود به قرائحكم وثقوه
| |
|
|
|
|
|
|
| |
عبدالرحمن الحلاوي
الطيب شيقوق
الامين موسى البشاري
أحمد الشايقي
فيس بوك
تويتر
انستقرام
يوتيوب
بنتيريست