دعواتكم لزميلنا المفكر د.الباقر العفيف بالشفاء العاجل
|
|
 من هم المناضلين الذين زوروا في طلبات اللجؤ
|
وبسببهم نال الكثيرين حق الجؤ بمعلومات كاذبة ومفبركة
وكانو قد امتهنوا كتابة طلبات اللجؤ للراغبين بمقابل مادي نظير قيامهم بفبركة قصة لكل من يدفع المقابل ليحصل علي اللجؤ؟
وهل هؤلاء لايستحون من افعالهم هذه ؟؟؟؟؟؟؟؟؟؟؟؟؟؟؟
ومل نطمع في اعتذارهم واعترافهم ؟؟؟؟؟؟؟؟؟؟؟؟؟؟؟
|
|
  
|
|
|
|
|
|
|
 Re: من هم المناضلين الذين زوروا في طلبات اللجؤ (Re: محمد المسلمي)
|
ليك حق يا عمر فى كلامك دا و انت تتقلب فى نعيم الانقاذ و ما شاعر باى معاناة و عايش فى امان
مالك و مال اللاجئين؟
اما ان كنت تدافع عن القوم بلوشى من غير مناصب فالامر جد مضحك
ثم ان كان كلامك هذا صحيحا و انا اشك فيه جملة و تفصيلا: افلا يبيح الدين شرب الخمر لمن لا يجد الماء
الم ينطق سيدنا عمار بن ياسر بكلمة الكفر حتى ينقذ نفسه من عذاب كفار قريش؟
من اين اتيتم يا عمر؟ هل انتم بشر اسوياء: يا اخى ناس طلعنم زيتم من الضيق و قاموا سابوا ليكم البلد بحالو و تجى بعد دا بكل بجاحة عايز تطاعنم من غير نخوة
| |
|
|
|
|
|
|
|
|
|
Re: من هم المناضلين الذين زوروا في طلبات اللجؤ (Re: عوض محمد احمد)
|
سلام يا عمر ...... تعرف الحاجة البتخلى الناس تفقد تعاطفها تماما مع الحكومة البائسة دى هو نوع كتاباتك دى !!!! يااخى ملايين الشباب السودانى مش زوروا بس عشان يهاجروا من البلد دى والله فى ناس طلعوا من مصر ومن غيرها بجوازات حبشية وارترية ؟؟؟ انت عارف الكلام ده معناهو شنو ؟؟ معناهو انو ديل كفروا عديل بالوطن ده اللى ماوفر ليهم حتى ابسط المقومات عشان يقدروا يعيشوا مواطنين بى كرامة وبى كامل ادميتهم !!!! تعرف شنو معنى انو الزول يتخلى عن جنسيتو بى كل البساطة دى ؟ معناها انو نحن الان كلنا بلاوطن لانو وطننا حاكمنو ناس ممكن يطردوا الشعب ده كلو عشان يحكموا ؟؟
| |
|
|
|
|
|
|
|
|
|
Re: من هم المناضلين الذين زوروا في طلبات اللجؤ (Re: خالد احمد محمد)
|
| Quote: سلام يا عمر ...... تعرف الحاجة البتخلى الناس تفقد تعاطفها تماما مع الحكومة البائسة دى هو نوع كتاباتك دى !!!! يااخى ملايين الشباب السودانى مش زوروا بس عشان يهاجروا من البلد دى والله فى ناس طلعوا من مصر ومن غيرها بجوازات حبشية وارترية ؟؟؟ انت عارف الكلام ده معناهو شنو ؟؟ معناهو انو ديل كفروا عديل بالوطن ده اللى ماوفر ليهم حتى ابسط المقومات عشان يقدروا يعيشوا مواطنين بى كرامة وبى كامل ادميتهم !!!! تعرف شنو معنى انو الزول يتخلى عن جنسيتو بى كل البساطة دى ؟ معناها انو نحن الان كلنا بلاوطن لانو وطننا حاكمنو ناس ممكن يطردوا الشعب ده كلو عشان يحكموا ؟؟ |
| |
|
|
|
|
|
|
|
|
|
Re: من هم المناضلين الذين زوروا في طلبات اللجؤ (Re: على محمد على بشير)
|
| Quote: سلام يا عمر ...... تعرف الحاجة البتخلى الناس تفقد تعاطفها تماما مع الحكومة البائسة دى هو نوع كتاباتك دى !!!! يااخى ملايين الشباب السودانى مش زوروا بس عشان يهاجروا من البلد دى والله فى ناس طلعوا من مصر ومن غيرها بجوازات حبشية وارترية ؟؟؟ انت عارف الكلام ده معناهو شنو ؟؟ معناهو انو ديل كفروا عديل بالوطن ده اللى ماوفر ليهم حتى ابسط المقومات عشان يقدروا يعيشوا مواطنين بى كرامة وبى كامل ادميتهم !!!! تعرف شنو معنى انو الزول يتخلى عن جنسيتو بى كل البساطة دى ؟ معناها انو نحن الان كلنا بلاوطن لانو وطننا حاكمنو ناس ممكن يطردوا الشعب ده كلو عشان يحكموا ؟؟ |
كفيتنى عناء الرد
تحياتى خالد
| |
|
|
|
|
|
|
|
|
|
Re: من هم المناضلين الذين زوروا في طلبات اللجؤ (Re: على محمد على بشير)
|
مرحباً عمر صديق.
سؤال:-
وهل كذب/ يكذب من وصف/ يصف الحكومة بما فيها / بل وأكثر من مساوئ؟؟!!!
بعدين كدى أذكر لنا أسباب ومسوغات منح اللجوء, ومن هو اللاجى أصلاً,
وما الفرق بين طالب اللجوء, واللاجئ حتى نعلم أنك تتحدث عن معرفة
ودراية بقوانين اللجوء, وما الفرق بين الإتفاقيتين الدولية, والأفريقية,
والبروتوكول الخاص بهما, ومن الذى يستحق منحه صفة اللاجئ, ومن الذى
لا تنطبق عليه الشروط المتوجب توفرها, بعد ذلك تعال نتناقش فى (حيثيات)
الكذب من خلافه, لأن ما تراه أنت كذباً قد يكون هو صلب الحقيقة وعينها.
دمت يا عمر
(عدل بواسطة عبدالله شمس الدين مصطفى on 06-14-2012, 10:15 AM)
| |
|
|
|
|
|
|
|
|
|
Re: من هم المناضلين الذين زوروا في طلبات اللجؤ (Re: عبدالله شمس الدين مصطفى)
|
شــكرا عفراء سند
كلام فى الصميم
Quote: حكمته بالغة من يعتذر لمن ..
أي سوداني من غير الطغمة الحاكمة تنطبق عليه أحد شروط اللجوء وهو تهديد حياته بواسطة الحكومة أو عدم مقدرتها على حمايته...
فهل نطمع في إعتذار نيابة عن دولتكم الموقرة
|
وتانى فى الصميم عفارم عليك يا عوض
Quote:
ليك حق يا عمر فى كلامك دا و انت تتقلب فى نعيم الانقاذ و ما شاعر باى معاناة و عايش فى امان
مالك و مال اللاجئين؟
اما ان كنت تدافع عن القوم بلوشى من غير مناصب فالامر جد مضحك
ثم ان كان كلامك هذا صحيحا و انا اشك فيه جملة و تفصيلا: افلا يبيح الدين شرب الخمر لمن لا يجد الماء
الم ينطق سيدنا عمار بن ياسر بكلمة الكفر حتى ينقذ نفسه من عذاب كفار قريش؟
من اين اتيتم يا عمر؟ هل انتم بشر اسوياء: يا اخى ناس طلعنم زيتم من الضيق و قاموا سابوا ليكم البلد بحالو و تجى بعد دا بكل بجاحة عايز تطاعنم من غير نخوة
|
| |
|
|
|
|
|
|
|
|
|
Re: من هم المناضلين الذين زوروا في طلبات اللجؤ (Re: salah awad allah)
|
Quote: حكمته بالغة من يعتذر لمن ..
أي سوداني من غير الطغمة الحاكمة تنطبق عليه أحد شروط اللجوء وهو تهديد حياته بواسطة الحكومة أو عدم مقدرتها على حمايته...
فهل نطمع في إعتذار نيابة عن دولتكم الموقرة
|
Quote:
ليك حق يا عمر فى كلامك دا و انت تتقلب فى نعيم الانقاذ و ما شاعر باى معاناة و عايش فى امان
مالك و مال اللاجئين؟
اما ان كنت تدافع عن القوم بلوشى من غير مناصب فالامر جد مضحك
ثم ان كان كلامك هذا صحيحا و انا اشك فيه جملة و تفصيلا: افلا يبيح الدين شرب الخمر لمن لا يجد الماء
الم ينطق سيدنا عمار بن ياسر بكلمة الكفر حتى ينقذ نفسه من عذاب كفار قريش؟
من اين اتيتم يا عمر؟ هل انتم بشر اسوياء: يا اخى ناس طلعنم زيتم من الضيق و قاموا سابوا ليكم البلد بحالو و تجى بعد دا بكل بجاحة عايز تطاعنم من غير نخوة |
لا بالله ـ طيب البرجع للبلد قدموه للمحاكمة بأنو مزور
| |
|
|
|
|
|
|
|
|
|
Re: من هم المناضلين الذين زوروا في طلبات اللجؤ (Re: نزار يوسف محمد)
|
| Quote: سلام وطننا حاكمنو ناس ممكن يطردوا الشعب ده كلو عشان يحكموا ؟؟ شن طعم حكمهم نان بدون شعب |
هل تدري مهما بلغوا من الكذب لم يوصلوا للمجتمع العام مثقال ذره مما يدور بهذا الوطن
ولو كنت تدرك قدر معناة البعد واللجوء عن الوطن لما اثرت هذا الموضوع
تحياتي يالاخو
| |
|
|
|
|
|
|
|
|
|
Re: من هم المناضلين الذين زوروا في طلبات اللجؤ (Re: ABDELMAGID ABDELMAGID)
|
| Quote: سلام يا عمر ...... تعرف الحاجة البتخلى الناس تفقد تعاطفها تماما مع الحكومة البائسة دى هو نوع كتاباتك دى !!!! يااخى ملايين الشباب السودانى مش زوروا بس عشان يهاجروا من البلد دى والله فى ناس طلعوا من مصر ومن غيرها بجوازات حبشية وارترية ؟؟؟ انت عارف الكلام ده معناهو شنو ؟؟ معناهو انو ديل كفروا عديل بالوطن ده اللى ماوفر ليهم حتى ابسط المقومات عشان يقدروا يعيشوا مواطنين بى كرامة وبى كامل ادميتهم !!!! تعرف شنو معنى انو الزول يتخلى عن جنسيتو بى كل البساطة دى ؟ معناها انو نحن الان كلنا بلاوطن لانو وطننا حاكمنو ناس ممكن يطردوا الشعب ده كلو عشان يحكموا ؟؟ |
ياخى فكو دربنا وجعتو قلبنا
| |
|
|
|
|
|
|
|
|
|
Re: من هم المناضلين الذين زوروا في طلبات اللجؤ (Re: محمد عادل)
|
عمر صدقني الشغله ما محتاجه انك تكذب
لو قلت مافى حقوق انسان بتكون صح
لو قلت اغتصبوك دى حقيقة
لو قلت ظلموك حقيقة
لو قلت فار بدمك حقيقة..
لو قلت التعيين فى الوظائف العامة بالانتماء لحزب الحكومة بتكون ماقلت الا الحق
لو قلت الفساد يبدا من أعلى القمة صدقت
لو قلت اتعرضت لاعتقال غير مسبب بكون ماجبت شىء من عندك
لو قلت فى اضطهاد عنصرى دى حقيقة
لو قلت فى اضطهاد دينى برضو حقيقة
لو قلت الحرب شرق وغرب وشمال و جنوب فهذه حقيقة
لو قلت مافى آمن دى حقيقة
لو قلت مافى صحة حقيقة..
تانى ممكن الزول يقول شنو ؟
هو المافى شنو يا بلاش ؟
البخلى حكومات الدول المستضيفه ماتديك حق لجوء سياسى كفلته وثيقة حقوق الانسان؟
| |
|
|
|
|
|
|
|
|
|
Re: من هم المناضلين الذين زوروا في طلبات اللجؤ (Re: ABDELMAGID ABDELMAGID)
|
| Quote: معناهو انو ديل كفروا عديل بالوطن ده اللى ماوفر ليهم حتى ابسط المقومات عشان يقدروا يعيشوا مواطنين بى كرامة وبى كامل ادميتهم !!!! تعرف شنو معنى انو الزول يتخلى عن جنسيتو بى كل البساطة دى ؟ معناها انو نحن الان كلنا بلاوطن لانو وطننا حاكمنو ناس ممكن يطردوا الشعب ده كلو عشان يحكموا ؟؟ |
صدقت الاخ خالد ...
ممكن اوضح لصاحب البوست انا كتبت شنو عشان اخد اللجوء....
1) كتبتة انا ما بقدر اعيش فى وطن على راسو حرامية واكلى مال السحت والحرام...
2) وطن قاعد فى السهلة اراضيهو مغتصبة ....
3) وطن رفع يدو من التعليم والصحة والأمن........
...... و ..........
ياخى خلى د ا كلو موية الله والرسول دى فى تلتلة.
| |
|
|
|
|
|
|
|
|
|
Re: من هم المناضلين الذين زوروا في طلبات اللجؤ (Re: Kostawi)
|
Quote: لو عايز لستة للكيزان الطلبوا اللجوء السياسي ممكن نكتبها ليك في البوست دا.....ياخ في أولاد و بنات سفراء الإنقاذ ماخدين لجوء
فأخجل |
لو في خجل فاولي به المناضلين اولا ثم من قلت انهم كيزان او ابناء وبنات السفراء
اما انا فليس لدي اشياء مخجلة
| |
|
|
|
|
|
|
|
|
|
Re: من هم المناضلين الذين زوروا في طلبات اللجؤ (Re: عبدالله شمس الدين مصطفى)
|
Quote: مرحباً عمر صديق.
سؤال:-
وهل كذب/ يكذب من وصف/ يصف الحكومة بما فيها / بل وأكثر من مساوئ؟؟!!!
بعدين كدى أذكر لنا أسباب ومسوغات منح اللجوء, ومن هو اللاجى أصلاً,
وما الفرق بين طالب اللجوء, واللاجئ حتى نعلم أنك تتحدث عن معرفة
ودراية بقوانين اللجوء, وما الفرق بين الإتفاقيتين الدولية, والأفريقية,
والبروتوكول الخاص بهما, ومن الذى يستحق منحه صفة اللاجئ, ومن الذى
لا تنطبق عليه الشروط المتوجب توفرها, بعد ذلك تعال نتناقش فى (حيثيات)
الكذب من خلافه, لأن ما تراه أنت كذباً قد يكون هو صلب الحقيقة وعينها.
دمت يا عمر |
الاخ عبد الله شمس الدين
تحياتي
انا لااتحدث عن شروط منح اللجؤ ومن يستحقها حينما يكتب عن حالته بصورة صادقة
ولكن من اقصدهم
من يدبجون الطلبات (الكيسات) لكل من هب ودب ويكتبون لاغير او لانفسهم اسباب واحوال يحتار فيها صاحبها قبل غيره لانه يعلم انها كاذبة
اما المعارضين حقا او الذين كانو في مناطق حروب اهلية اونزاعات مسلحة وطلبو حق الجؤ فهؤلاء لااقصدهم
| |
|
|
|
|
|
|
|
|
|
Re: من هم المناضلين الذين زوروا في طلبات اللجؤ (Re: خالد احمد محمد)
|
| Quote: سلام يا عمر ...... تعرف الحاجة البتخلى الناس تفقد تعاطفها تماما مع الحكومة البائسة دى هو نوع كتاباتك دى !!!! يااخى ملايين الشباب السودانى مش زوروا بس عشان يهاجروا من البلد دى والله فى ناس طلعوا من مصر ومن غيرها بجوازات حبشية وارترية ؟؟؟ انت عارف الكلام ده معناهو شنو ؟؟ معناهو انو ديل كفروا عديل بالوطن ده اللى ماوفر ليهم حتى ابسط المقومات عشان يقدروا يعيشوا مواطنين بى كرامة وبى كامل ادميتهم !!!! تعرف شنو معنى انو الزول يتخلى عن جنسيتو بى كل البساطة دى ؟ معناها انو نحن الان كلنا بلاوطن لانو وطننا حاكمنو ناس ممكن يطردوا الشعب ده كلو عشان يحكموا ؟؟ |
مرحب ياخالد وتحياتي
اولا من كان يتعاط مع الكومة او يفقد تعاطفه بمثل كتاباتي او بغيرها فهو يحتاج الي وعي يجعله يححد قناعته بصورة ذاتية وليس بسبب عاطفة مع او ضد
ثانيا نات تقر بحالات التزوير وبل اكثر من ذلك بتغيير الجنسيات
فمن يعمل ذلك ايا كانت مبرراته
فهل من حقه ان يدعي انه مناضل ضد النظام ؟؟؟؟؟؟
| |
|
|
|
|
|
|
|
|
|
Re: من هم المناضلين الذين زوروا في طلبات اللجؤ (Re: عوض محمد احمد)
|
Quote: ليك حق يا عمر فى كلامك دا و انت تتقلب فى نعيم الانقاذ و ما شاعر باى معاناة و عايش فى امان
مالك و مال اللاجئين؟
اما ان كنت تدافع عن القوم بلوشى من غير مناصب فالامر جد مضحك
ثم ان كان كلامك هذا صحيحا و انا اشك فيه جملة و تفصيلا: افلا يبيح الدين شرب الخمر لمن لا يجد الماء
الم ينطق سيدنا عمار بن ياسر بكلمة الكفر حتى ينقذ نفسه من عذاب كفار قريش؟
من اين اتيتم يا عمر؟ هل انتم بشر اسوياء: يا اخى ناس طلعنم زيتم من الضيق و قاموا سابوا ليكم البلد بحالو و تجى بعد دا بكل بجاحة عايز تطاعنم من غير نخوة |
ماليك حق يابروف
ان تبرر لمن يريد حق اللجؤ ان يدلي بمعلومات كاذبة ومزوة
لمجرد كراهيتك للانقاذ!!!!!!!!!!!!!!!!!!!!
وانا لم اتحدث عن المعارض حقا الذي دفعه موقفه السياسي الي طلب اللجؤ
ولكن ان يدعي احد موقف سياسيا غير حقيقي او ان يلفق اسبابا كاذبة لنيل الجؤ!!!!!!!!!!
وبعد ذلك تاتي لتبرر هذا الفعل وتشبهه بحالة الضرورةالشرعية !!!!!!!!
عموما ان كانت هذه هي اخلاق وافكار النضال فستدوم الانقاذ الي ماشاء الله
| |
|
|
|
|
|
|
|
|
|
Re: من هم المناضلين الذين زوروا في طلبات اللجؤ (Re: Afraa Sanad)
|
| Quote: أي سوداني من غير الطغمة الحاكمة تنطبق عليه أحد شروط اللجوء وهو تهديد حياته بواسطة الحكومة أو عدم مقدرتها على حمايته... |
دا ما موضوع البوست
موضوعنا مثلا واحد من شندي او من الجزيرة يمش يقول انا من دار فور
او واحدة من الخرطوم وزجها من الشمالية تمش تكتب انها اتزوجت جنوبي واهلها مضهدنها لهذا السبب
والامثلة معروفة وبي الاسم
لو في واحد او واحدة من هؤلاء
فهو مقصود هنا
لكن اي معارض حقيقي او من ذكر معلومات حقيقية ونال بها اللجؤ فهو غير مقصود
وهذا بمثابة رد عام للمناضلين والمناضلات الذين دخلو في عذا البوست مستنكرين او من الذين هبشهم راس السوط
| |
|
|
|
|
|
|
|
|
|
Re: من هم المناضلين الذين زوروا في طلبات اللجؤ (Re: عمر صديق)
|
والله ياجماعة اكسبتني التجربة الثورية الطويلة ، والتعاطف مع الضعفاء والمسحوقين ، وحتي دي عاملة لي مشكلة في تشجيع كرة القدم "ههههههه" ولذلك احس بان الاسواط التي قد تداعت علي جسد وبوست اخونا عمر صديق قد كثرت واصبحت مؤلمة ، فيا اخونا عمر تعرف انو الانقاذ دي التي افقدتك الحس الوطني السليم .
فبدلاً من التعاطف مع كل من هرب من هذا السودان ، حتي بالمناسبة الذين ذهبو الي السعودية عمر وزوقة "وطبعاً دي مخالفة لقوانين السعودية " فهم ضحية لهذا النظام القمعي والباطش لهم .......حيث ان النظام بدلاً من التعامل معهم كخارجين عن القانون ، فهو يدفعهم الضرائب زي الترتيب ، وانا القداماك ده واحد من ضحايا هذه السياسة .
ثم يقول اخونا عمر صديق :| Quote: لكن اي معارض حقيقي او من ذكر معلومات حقيقية ونال بها اللجؤ فهو غير مقصود |
اذن هناك معارض حيقيقي يستحق اللجؤء ،ياريت ياعمر لو تكلمت قليلاً عن مواصفات هذا المعارض "مناتل " بس عشان نفرز وكدة .......
كامل تضامني الحقيقي معك ........نعمل شنو من التعاطف مع الضعفاء ده ..........
| |
|
|
|
|
|
|
|
|
|
Re: من هم المناضلين الذين زوروا في طلبات اللجؤ (Re: صلاح غريبة)
|
Quote: حضوري للقاهرة كشف لي الكثير من الامور الخاصة بالطلبات
وطبعا حدثوني عن الكاس Case وامور اخرى
قريبا سانشر تحقيفا صحفيا عن امور اللجوء ومن ورائها والشبكة التي تضم
واشياء اخرى
صلاح غريبة - اعلامي وكاتب صحفي مقيم بالقاهرة |
شكرا ياباشمهندس
وفي انتظارك
| |
|
|
|
|
|
|
|
|
|
Re: من هم المناضلين الذين زوروا في طلبات اللجؤ (Re: ibrahim alnimma)
|
| Quote: عموما ان كانت هذه هي اخلاق وافكار النضال فستدوم الانقاذ الي ماشاء الله |
المعني يا اخونا عمر ان الانقاذ ستدوم الي ماشا الله ،ليس بانجازاتها ولا بتوفير الحياة الكريمة لمواطنيها ، انما السبب الوحيد الذي يوفر لها فرص البقاء هو ابتعاد معارضيها علي الاخلاق الحميدة ، اليس كذلك؟ طبعاً الكلام بتاع طول البقاء للانقاذ ده بقولوه ناس لا يعلنون عن انتماءهم الحقيقي للانقاذ ........وانت ادري بهم .
ولكن الناس الواضحين في انتماءاتهم ما بقولو زي انعمي بطول بقاء " الفرزدق " علي كل حال لو كان المعارضين عديمي اخلاق او انتهازين ده ما بدي الانقاذ طولة عمر ولا حاجة ، اذ ان اسقاط الانقاذ ليست مهمة المعارضين فقط ، انما هي مهمة شعبية منوط بها كافة الشعب .....اللهم الا المتخمين الانقاذين فهم في مواجهة التغير الي اخر اللحظات او هكذا نتوقعهم .
| |
|
|
|
|
|
|
|
|
|
Re: من هم المناضلين الذين زوروا في طلبات اللجؤ (Re: ibrahim alnimma)
|
عمر صديق سلامات...
طيب يا عمر ياخي ما تفشلو ليهم طلباتهم دي وتفكوا زمارة رقبة البلد دي؟
يعني انتو تكونوا السبب في هروب الناس ولمن يهربوا ويستغلوا تاريخكم وحاضركم الملئ بالقتل والسحل والاغتصاب والحرق تقوموا تقولوا لا لا الناس ديل ما كلهم صادقيين؟
معقولة لكن يا عمر؟
المشكلة ما في انهم بزوروا المشكلة انهم مهما زوروا واخترعوا الناس بتصدقهم عارف ليه ولا اقول ليك:)
تحياتي..
| |
|
|
|
|
|
|
|
|
|
Re: من هم المناضلين الذين زوروا في طلبات اللجؤ (Re: حسين نوباتيا)
|
Quote: معقولة لكن يا عمر؟
المشكلة ما في انهم بزوروا المشكلة انهم مهما زوروا واخترعوا الناس بتصدقهم عارف ليه ولا اقول ليك:)
تحياتي.. |
الاخ حسين نوباتيا
تحياتي
بل المشكلة ليست في تصديقهم من عدمه
ولكن المشكلة هل تري ان معارضة الانقاذ تبيح لكل شخص ان يدعي او ينسج قصة من خياله ليكون بذلك في عداد المناضلين؟
| |
|
|
|
|
|
|
|
|
|
Re: من هم المناضلين الذين زوروا في طلبات اللجؤ (Re: ibrahim alnimma)
|
| Quote: المعني يا اخونا عمر ان الانقاذ ستدوم الي ماشا الله ،ليس بانجازاتها ولا بتوفير الحياة الكريمة لمواطنيها ، انما السبب الوحيد الذي يوفر لها فرص البقاء هو ابتعاد معارضيها علي الاخلاق الحميدة |
والاغرب يا ابراهيم ان الانقاذ اصبحت تتراجع بفعل بعض قادتها الذين يهدمون كل الانجازات بسياسات اقتصادية تاكل ما انجزته الانقاذ وتهدم بنيانها الذي اعجز معارضيها
| |
|
|
|
|
|
|
|
|
|
Re: من هم المناضلين الذين زوروا في طلبات اللجؤ (Re: ibrahim alnimma)
|
| Quote: المعني يا اخونا عمر ان الانقاذ ستدوم الي ماشا الله ،ليس بانجازاتها ولا بتوفير الحياة الكريمة لمواطنيها ، انما السبب الوحيد الذي يوفر لها فرص البقاء هو ابتعاد معارضيها علي الاخلاق الحميدة |
والاغرب يا ابراهيم ان الانقاذ اصبحت تتراجع بفعل بعض قادتها الذين يهدمون كل الانجازات بسياسات اقتصادية تاكل ما انجزته الانقاذ وتهدم بنيانها الذي اعجز معارضيها
| |
|
|
|
|
|
|
|
|
|
Re: من هم المناضلين الذين زوروا في طلبات اللجؤ (Re: ibrahim alnimma)
|
الأخ عمر
سلام
بالغت والله
لا أدرى مدى إلمامك بتفاصيل ما يدور فى المهاجر والمسكوت عليه بسبب ما تبقى من أخلاق المهاجرين وترفعهم عن الإنحدار لمستوى منسوبى النظام بمجاراتهم أو الإنتقام منهم بسبب ما تعرضوا له من غبن وتشريد...
غايتو بالبوست دا أرتكبت أكبر خطأ بشأن أخوانك وأخواتك فى المؤتمرين الوطنى والشعبى وبقية منسوبيكم ومنهم قيادات معروفة...
لأنه فى ناس كتيرين لا يمنعهم من نشر معلومات ناسكم ديل من لجوء و جوازات دبلوماسية أو حتى فضائح قضائية فى المهاجر، سوى عدم إستقصاد الأفراد والأسر بالأضافة لحسابات لا علاقة لها بحكومة السجم والرماد ديك,,,
وزى ما ذكر الأخوان نزار وكستاوى. حقو تخليها مستورة ، لأنو لو اللست نزلت بتجيب لنفسك الكتاحة، ولو كمان مصر أمشى شاور وتعال ، لأنو القصة لو بدت بتجر والغسيل الوس خ ا ن مردوم ...
أنا غايتو أيدى ملوية بسبب أكل العيش ، وحدى مع ناسك ديل المعلومات المتوفرة لأى زول فى السجلات العامة كان جرائم ولا غيرها...
لكن ليك علينا ما بترجع فاضى والرهيفة التتقد...
حا نبدأ ليك بأحد الناس اللى بيقدموا للناس لجوء فى أمريكا:
هو أحمد الهلالى وهو زول كان محامى فى السودان وله هنا ترخيص مستشار وهو ترخيص محدود يمنح للمحامين الأجانب حسب خبرتهم وترخيصهم ببلدانهم يسمح لهم بتقديم أستشارات خاصة بقوانين تلك البلدان وليس قوانين أمريكا . ولكن الهلالى يدعى أن له ترخيص لممارسة المحاماة بشأن القوانين الأمريكية ومنها قوانين الهجرة...
أها الزول دا أسأل منو الناس اللى بيشرفوا موائد السحت وشوفه شايت وين...
بالمناسبة المعلومات دى عامة مصدرها أعلانات الزول دا وسجل جمعية المحامين بواشنطون اللى بينفى ما يدعيه بالأضافة لعدم وجود أسمه كمحامى فى أى ولاية أخرى.... ...
ويا عمر أخوى والله الناس ساكتة فضل وحساب ،وهسة الزول الفوق دا لو ما بيضر الخلق بإدعائه ما كان جبت سيرته رغم رأئى السياسى فيه...
لكن لو عايزنا نواصل صدقنى الناس اللى حا يضايروا هم ناسكم لزم ... رأيك شنو؟؟؟؟؟
تحياتى
سيف مصطفى
| |
|
|
|
|
|
|
|
|
|
Re: من هم المناضلين الذين زوروا في طلبات اللجؤ (Re: SAIF MUstafa)
|
الاخ العزيز
سيف مصطفي
تحياتي
ان كان هنالك اعضاء في المؤتمر الوطني قد زوروا او كذبوا من اجل الحصول علي اللجؤ
فهذا لايعفيهم ولايبقي مبررا للفعل او التزوير
وهم بذلك محل ادانتي واستنكاري
ولكن بالنسبة لكم انتم كمعارضين هل ترون ان من يفعل ذلك محقا؟ وهل معارضة الانقاذ تبرر ذلك السلوك ؟؟
هذا هو موضوعنا في هذا البوست
مع العلم ان رايكم في اتباع المؤتمر الوطني معروف ولا تؤثر فيه معلومات عن بعضهم نال اللجؤ او غيره فانتم ضدهم علي كل حال
عشان كدا خلونا في المناضلين المقصودين هنا
| |
|
|
|
|
|
|
|
|
|
Re: من هم المناضلين الذين زوروا في طلبات اللجؤ (Re: SAIF MUstafa)
|
Quote: حضوري للقاهرة كشف لي الكثير من الامور الخاصة بالطلبات
وطبعا حدثوني عن الكاس Case وامور اخرى |
كاس السودان.هههههههه
و الله يا غريبة انت اكبر لاجئ بس ما عارف نفسك ساكت..ياخي عودتك الطوعية من السعودية لم تطاوعك
فيها نفسك على العودة للسودان! انت اللجوء ده قايلو شنو؟ ما ياهو زي ده.
سيف النصر و الأسرة- عودة طوعية من السعودية لبلاد اليانكي.و لاجئ محتمل .
| |
|
|
|
|
|
|
|
|
|
Re: من هم المناضلين الذين زوروا في طلبات اللجؤ (Re: سيف النصر محي الدين)
|
أصبح الصبح/محمد الفيتوري
اصبح الصبح
ولا السجن ولا السجان باقي
واذا الفجر جناحان يرفان عليك
واذا الحزن الذي كحل تلك المآقي
والذي شد وثاقا لوثاق
والذي بعثرنا في كل وادي
فرحة نابعة من كل قلب يابلادي
أصبح الصبح
وها نحن مع النو التقينا
التقى جيل البطولات
بجيل التضحيات
التقى كل شهيد
قهر الظلم ومات
بشهيد لم يزل يبذر في الأرض
بذور الذكريات
أبدا ما هنت يا سوداننا يوما علينا
بالذي اصبح شمسا في يدينا
وغناء عاطرا تعدو به الريح
فتختال الهوينى
من كل قلب يا بلادي
فرحة نابعة من كل قلب يابلادي
| |
|
|
|
|
|
|
|
|
|
Re: من هم المناضلين الذين زوروا في طلبات اللجؤ (Re: ibrahim alnimma)
|
Quote: اذن هناك معارض حيقيقي يستحق اللجؤء ،ياريت ياعمر لو تكلمت قليلاً عن مواصفات هذا المعارض "مناتل " بس عشان نفرز وكدة .......
كامل تضامني الحقيقي معك ........نعمل شنو من التعاطف مع الضعفاء ده .......... |
يا ابراهيم يا اخوي انت احوج للتعاطف من اي شخص اخر
لانو مداخلتك دي اما انو راس السوط هبشك
او راح ليك الدرب في القش
| |
|
|
|
|
|
|
|
|
|
Re: من هم المناضلين الذين زوروا في طلبات اللجؤ (Re: نبيل عبد الرحيم)
|
يا استاذ عمر السلام عليكم ورحمة الله وبركاته
اولاً ليس هناك تزوير والذين زوروا هم جماعة الانقاذ وعناصرهم الذين يشكلون جماعة الدعم فى بلاد المجهر والكلام معروف للقاصى والدانى
ولكن هل هذا هو الموضوع المقلق مضاجعكم حتى تفردوا له بوست كامل فى المنبر ام هناك خطة لشغل المناضلين عن الصراع الحقيقي والحتمى لزوال الانقاذ
الحقيقة البائنة وعلى الكل تدراكه ليس هناك موضوع شاغل اهل الانقاذ سوى قرب زوال مملكتهم مملكة الفساد والاستبداد
وعليه تم توجيه طاقمهم فى المنابر الاسفيرية والصحف اليومية وكافة اشكال المنابر الاعلامية ورقية كانت او الكترونية بطرح قضايا انصرافية وهامشية لشغل المناضلين حتى لا يتم رص صفوفهم
الحقيقة الماثلة امام الجميع :
1- موضوع نيفاشا (2) مع قطاع الشمال لانتاج سيناريو جديد لاستمرار الاستبداد والفساد لمرحلة انتقالية جديدة ( دا موضوع مهم جدا على الحادبين على وحدة من تبقى من الوطن نقاش هذا الموضوع وطرح الاراء والضغط من اجل مشاركة جميع السودانيين بكل فئاتهم وقطاعاتهم وجبهاتهم لفرض واقع التغيير ولا والف لا للاتفاقيات الثنائية لاستمرار الاستبداد والفساد)
2- موضوع الغلاء المعيشي والفاحش وبداية رص الصفوف الحقيقي من قبل الجماهير التى بدات تنظم صفوفها
3- الانقسامات والتكتلات الداخلية فى النظام وبداية التمرد لاهم قطاعاتهاكل هذه الاسباب جعلت منكم الهرولة والتدافع نحنو خلق مواضيع لا تستقيم فى عودها بهدف ماكر لحرف بوستات النقاش عن قضايا الساعة
نقطة وسطر جديد
تعرف يا عمر الناس البتتكلم عنهم ديل هم العناصر التى دخلت بين صفوف المناضلين وزوروا مسوغات الطلب بايعاز من الحكومة ليكونوا خلايا نائمة لرصد حركات المناضلين والا ما هو السبب البخليهم اليوم مناصرين لحكومة الجوع والفساد واذا كانوا حقا مناضلين واصحاب قضية وطنية لما انحازوا لكم والغريب فى الامر جميع من زوروا مسوغات طلب اللجوء لا علاقة لهم بالعمل الوطني ولا النضال من اجل الشعب المسكين الماقادر يستر عورته من الجوع والمرض والجهل .
مع ذلك لك التحية لتنبيهنا بمخطاطكم
الصديق عبدالمجيد
| |
|
|
|
|
|
|
|
|
|
Re: من هم المناضلين الذين زوروا في طلبات اللجؤ (Re: سيف النصر محي الدين)
|
زمان يا جنابو عمر فتحت بوست عنوانه كيف يحتمل الكيزان كل هذه الكراهية..
انتو عايشين كيف وسط الناس البتكرهكم دي؟ جلودكم دي دبغتوها وين؟ أريتا دباغة الهنا و السرور:)..
رغم الكراهية المخيفة دي لسة بتوفرو في اسباب جديدة، يعني انتو كلو يوم بتقيسو تيرومتر كراهية الناس ليكم ولو لقيتوها نقصت بتقوموا تعملو بحوث لاسباب جديدة تجدد الشعور بالكراهية تجاهكم. يا جنابو و حاة تقالة دمكم المافيها غلاط دي لو وقفت الف سنة من اجترار اسباب كراهية جديدة " الكراهية الفي الناس تجاهكم تملاكم لي جنا الجنا. "قول يالطيف"
| |
|
|
|
|
|
|
| |
عمر صديق
Afraa Sanad
Abdlaziz Eisa
محمد المسلمي
خالد احمد محمد
على محمد على بشير
هشام عباس
عبدالله شمس الدين مصطفى
salah awad allah
محمد علي البصير
نزار يوسف محمد
mona altom
صديق عبد الجبار
Kostawi
ناصر المحسى
تبارك شيخ الدين جبريل
محمد عادل
صديق الموج
ABDALLAH ABDALLAH
جمال خضر
ibrahim alnimma
صلاح غريبة
حسين نوباتيا
SAIF MUstafa
سيف النصر محي الدين
عامر باضاوي
نبيل عبد الرحيم
الطيب رحمه قريمان
فيس بوك
تويتر
انستقرام
يوتيوب
بنتيريست